|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 74
|
1. Info |
| To: | aśvins | |
| From: | paura ātreya | |
| Metres: | 1st set of styles: virāḍanuṣṭup (1, 2, 10); nicṛdanuṣṭup (4-6); anuṣṭup (3); virāḍuṣnik (7); nicṛduṣṇik (8); nicrṛdanuṣṭup (9) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.074.01 (Mandala. Sukta. Rik)
4.4.13.01 (Ashtaka. Adhyaya. Varga. Rik)
05.06.011 (Mandala. Anuvāka. Rik)
Samhita Devanagari Accented
कूष्ठो॑ देवावश्विना॒द्या दि॒वो म॑नावसू ।
तच्छ्र॑वथो वृषण्वसू॒ अत्रि॑र्वा॒मा वि॑वासति ॥
Samhita Devanagari Nonaccented
कूष्ठो देवावश्विनाद्या दिवो मनावसू ।
तच्छ्रवथो वृषण्वसू अत्रिर्वामा विवासति ॥
Samhita Transcription Accented
kū́ṣṭho devāvaśvinādyā́ divó manāvasū ǀ
tácchravatho vṛṣaṇvasū átrirvāmā́ vivāsati ǁ
Samhita Transcription Nonaccented
kūṣṭho devāvaśvinādyā divo manāvasū ǀ
tacchravatho vṛṣaṇvasū atrirvāmā vivāsati ǁ
Padapatha Devanagari Accented
कूऽस्थः॑ । दे॒वौ॒ । अ॒श्वि॒ना॒ । अ॒द्य । दि॒वः । म॒ना॒व॒सू॒ इति॑ ।
तत् । श्र॒व॒थः॒ । वृ॒ष॒ण्व॒सू॒ इति॑ वृषण्ऽवसू । अत्रिः॑ । वा॒म् । आ । वि॒वा॒स॒ति॒ ॥
Padapatha Devanagari Nonaccented
कूऽस्थः । देवौ । अश्विना । अद्य । दिवः । मनावसू इति ।
तत् । श्रवथः । वृषण्वसू इति वृषण्ऽवसू । अत्रिः । वाम् । आ । विवासति ॥
Padapatha Transcription Accented
kū́-sthaḥ ǀ devau ǀ aśvinā ǀ adyá ǀ diváḥ ǀ manāvasū íti ǀ
tát ǀ śravathaḥ ǀ vṛṣaṇvasū íti vṛṣaṇ-vasū ǀ átriḥ ǀ vām ǀ ā́ ǀ vivāsati ǁ
Padapatha Transcription Nonaccented
kū-sthaḥ ǀ devau ǀ aśvinā ǀ adya ǀ divaḥ ǀ manāvasū iti ǀ
tat ǀ śravathaḥ ǀ vṛṣaṇvasū iti vṛṣaṇ-vasū ǀ atriḥ ǀ vām ǀ ā ǀ vivāsati ǁ
05.074.02 (Mandala. Sukta. Rik)
4.4.13.02 (Ashtaka. Adhyaya. Varga. Rik)
05.06.012 (Mandala. Anuvāka. Rik)
Samhita Devanagari Accented
कुह॒ त्या कुह॒ नु श्रु॒ता दि॒वि दे॒वा नास॑त्या ।
कस्मि॒न्ना य॑तथो॒ जने॒ को वां॑ न॒दीनां॒ सचा॑ ॥
Samhita Devanagari Nonaccented
कुह त्या कुह नु श्रुता दिवि देवा नासत्या ।
कस्मिन्ना यतथो जने को वां नदीनां सचा ॥
Samhita Transcription Accented
kúha tyā́ kúha nú śrutā́ diví devā́ nā́satyā ǀ
kásminnā́ yatatho jáne kó vām nadī́nām sácā ǁ
Samhita Transcription Nonaccented
kuha tyā kuha nu śrutā divi devā nāsatyā ǀ
kasminnā yatatho jane ko vām nadīnām sacā ǁ
Padapatha Devanagari Accented
कुह॑ । त्या । कुह॑ । नु । श्रु॒ता । दि॒वि । दे॒वा । नास॑त्या ।
कस्मि॑न् । आ । य॒त॒थः॒ । जने॑ । कः । वा॒म् । न॒दीना॑म् । सचा॑ ॥
Padapatha Devanagari Nonaccented
कुह । त्या । कुह । नु । श्रुता । दिवि । देवा । नासत्या ।
कस्मिन् । आ । यतथः । जने । कः । वाम् । नदीनाम् । सचा ॥
Padapatha Transcription Accented
kúha ǀ tyā́ ǀ kúha ǀ nú ǀ śrutā́ ǀ diví ǀ devā́ ǀ nā́satyā ǀ
kásmin ǀ ā́ ǀ yatathaḥ ǀ jáne ǀ káḥ ǀ vām ǀ nadī́nām ǀ sácā ǁ
Padapatha Transcription Nonaccented
kuha ǀ tyā ǀ kuha ǀ nu ǀ śrutā ǀ divi ǀ devā ǀ nāsatyā ǀ
kasmin ǀ ā ǀ yatathaḥ ǀ jane ǀ kaḥ ǀ vām ǀ nadīnām ǀ sacā ǁ
05.074.03 (Mandala. Sukta. Rik)
4.4.13.03 (Ashtaka. Adhyaya. Varga. Rik)
05.06.013 (Mandala. Anuvāka. Rik)
Samhita Devanagari Accented
कं या॑थः॒ कं ह॑ गच्छथः॒ कमच्छा॑ युंजाथे॒ रथं॑ ।
कस्य॒ ब्रह्मा॑णि रण्यथो व॒यं वा॑मुश्मसी॒ष्टये॑ ॥
Samhita Devanagari Nonaccented
कं याथः कं ह गच्छथः कमच्छा युंजाथे रथं ।
कस्य ब्रह्माणि रण्यथो वयं वामुश्मसीष्टये ॥
Samhita Transcription Accented
kám yāthaḥ kám ha gacchathaḥ kámácchā yuñjāthe rátham ǀ
kásya bráhmāṇi raṇyatho vayám vāmuśmasīṣṭáye ǁ
Samhita Transcription Nonaccented
kam yāthaḥ kam ha gacchathaḥ kamacchā yuñjāthe ratham ǀ
kasya brahmāṇi raṇyatho vayam vāmuśmasīṣṭaye ǁ
Padapatha Devanagari Accented
कम् । या॒थः॒ । कम् । ह॒ । ग॒च्छ॒थः॒ । कम् । अच्छ॑ । यु॒ञ्जा॒थे॒ इति॑ । रथ॑म् ।
कस्य॑ । ब्रह्मा॑णि । र॒ण्य॒थः॒ । व॒यम् । वा॒म् । उ॒श्म॒सि॒ । इ॒ष्टये॑ ॥
Padapatha Devanagari Nonaccented
कम् । याथः । कम् । ह । गच्छथः । कम् । अच्छ । युञ्जाथे इति । रथम् ।
कस्य । ब्रह्माणि । रण्यथः । वयम् । वाम् । उश्मसि । इष्टये ॥
Padapatha Transcription Accented
kám ǀ yāthaḥ ǀ kám ǀ ha ǀ gacchathaḥ ǀ kám ǀ áccha ǀ yuñjāthe íti ǀ rátham ǀ
kásya ǀ bráhmāṇi ǀ raṇyathaḥ ǀ vayám ǀ vām ǀ uśmasi ǀ iṣṭáye ǁ
Padapatha Transcription Nonaccented
kam ǀ yāthaḥ ǀ kam ǀ ha ǀ gacchathaḥ ǀ kam ǀ accha ǀ yuñjāthe iti ǀ ratham ǀ
kasya ǀ brahmāṇi ǀ raṇyathaḥ ǀ vayam ǀ vām ǀ uśmasi ǀ iṣṭaye ǁ
05.074.04 (Mandala. Sukta. Rik)
4.4.13.04 (Ashtaka. Adhyaya. Varga. Rik)
05.06.014 (Mandala. Anuvāka. Rik)
Samhita Devanagari Accented
पौ॒रं चि॒द्ध्यु॑द॒प्रुतं॒ पौर॑ पौ॒राय॒ जिन्व॑थः ।
यदीं॑ गृभी॒तता॑तये सिं॒हमि॑व द्रु॒हस्प॒दे ॥
Samhita Devanagari Nonaccented
पौरं चिद्ध्युदप्रुतं पौर पौराय जिन्वथः ।
यदीं गृभीततातये सिंहमिव द्रुहस्पदे ॥
Samhita Transcription Accented
paurám ciddhyúdaprútam páura paurā́ya jínvathaḥ ǀ
yádīm gṛbhītátātaye siṃhámiva druháspadé ǁ
Samhita Transcription Nonaccented
pauram ciddhyudaprutam paura paurāya jinvathaḥ ǀ
yadīm gṛbhītatātaye siṃhamiva druhaspade ǁ
Padapatha Devanagari Accented
पौ॒रम् । चि॒त् । हि । उ॒द॒ऽप्रुत॑म् । पौर॑ । पौ॒राय॑ । जिन्व॑थः ।
यत् । ई॒म् । गृ॒भी॒तऽता॑तये । सिं॒हम्ऽइ॑व । द्रु॒हः । प॒दे ॥
Padapatha Devanagari Nonaccented
पौरम् । चित् । हि । उदऽप्रुतम् । पौर । पौराय । जिन्वथः ।
यत् । ईम् । गृभीतऽतातये । सिंहम्ऽइव । द्रुहः । पदे ॥
Padapatha Transcription Accented
paurám ǀ cit ǀ hí ǀ uda-prútam ǀ páura ǀ paurā́ya ǀ jínvathaḥ ǀ
yát ǀ īm ǀ gṛbhītá-tātaye ǀ siṃhám-iva ǀ druháḥ ǀ padé ǁ
Padapatha Transcription Nonaccented
pauram ǀ cit ǀ hi ǀ uda-prutam ǀ paura ǀ paurāya ǀ jinvathaḥ ǀ
yat ǀ īm ǀ gṛbhīta-tātaye ǀ siṃham-iva ǀ druhaḥ ǀ pade ǁ
05.074.05 (Mandala. Sukta. Rik)
4.4.13.05 (Ashtaka. Adhyaya. Varga. Rik)
05.06.015 (Mandala. Anuvāka. Rik)
Samhita Devanagari Accented
प्र च्यवा॑नाज्जुजु॒रुषो॑ व॒व्रिमत्कं॒ न मुं॑चथः ।
युवा॒ यदी॑ कृ॒थः पुन॒रा काम॑मृण्वे व॒ध्वः॑ ॥
Samhita Devanagari Nonaccented
प्र च्यवानाज्जुजुरुषो वव्रिमत्कं न मुंचथः ।
युवा यदी कृथः पुनरा काममृण्वे वध्वः ॥
Samhita Transcription Accented
prá cyávānājjujurúṣo vavrímátkam ná muñcathaḥ ǀ
yúvā yádī kṛtháḥ púnarā́ kā́mamṛṇve vadhváḥ ǁ
Samhita Transcription Nonaccented
pra cyavānājjujuruṣo vavrimatkam na muñcathaḥ ǀ
yuvā yadī kṛthaḥ punarā kāmamṛṇve vadhvaḥ ǁ
Padapatha Devanagari Accented
प्र । च्यवा॑नात् । जु॒जु॒रुषः॑ । व॒व्रिम् । अत्क॑म् । न । मु॒ञ्च॒थः॒ ।
युवा॑ । यदि॑ । कृ॒थः । पुनः॑ । आ । काम॑म् । ऋ॒ण्वे॒ । व॒ध्वः॑ ॥
Padapatha Devanagari Nonaccented
प्र । च्यवानात् । जुजुरुषः । वव्रिम् । अत्कम् । न । मुञ्चथः ।
युवा । यदि । कृथः । पुनः । आ । कामम् । ऋण्वे । वध्वः ॥
Padapatha Transcription Accented
prá ǀ cyávānāt ǀ jujurúṣaḥ ǀ vavrím ǀ átkam ǀ ná ǀ muñcathaḥ ǀ
yúvā ǀ yádi ǀ kṛtháḥ ǀ púnaḥ ǀ ā́ ǀ kā́mam ǀ ṛṇve ǀ vadhváḥ ǁ
Padapatha Transcription Nonaccented
pra ǀ cyavānāt ǀ jujuruṣaḥ ǀ vavrim ǀ atkam ǀ na ǀ muñcathaḥ ǀ
yuvā ǀ yadi ǀ kṛthaḥ ǀ punaḥ ǀ ā ǀ kāmam ǀ ṛṇve ǀ vadhvaḥ ǁ
05.074.06 (Mandala. Sukta. Rik)
4.4.14.01 (Ashtaka. Adhyaya. Varga. Rik)
05.06.016 (Mandala. Anuvāka. Rik)
Samhita Devanagari Accented
अस्ति॒ हि वा॑मि॒ह स्तो॒ता स्मसि॑ वां सं॒दृशि॑ श्रि॒ये ।
नू श्रु॒तं म॒ आ ग॑त॒मवो॑भिर्वाजिनीवसू ॥
Samhita Devanagari Nonaccented
अस्ति हि वामिह स्तोता स्मसि वां संदृशि श्रिये ।
नू श्रुतं म आ गतमवोभिर्वाजिनीवसू ॥
Samhita Transcription Accented
ásti hí vāmihá stotā́ smási vām saṃdṛ́śi śriyé ǀ
nū́ śrutám ma ā́ gatamávobhirvājinīvasū ǁ
Samhita Transcription Nonaccented
asti hi vāmiha stotā smasi vām saṃdṛśi śriye ǀ
nū śrutam ma ā gatamavobhirvājinīvasū ǁ
Padapatha Devanagari Accented
अस्ति॑ । हि । वा॒म् । इ॒ह । स्तो॒ता । स्मसि॑ । वा॒म् । स॒म्ऽदृशि॑ । श्रि॒ये ।
नु । श्रु॒तम् । मे॒ । आ । ग॒त॒म् । अवः॑ऽभिः । वा॒जि॒नी॒व॒सू॒ इति॑ वाजिनीऽवसू ॥
Padapatha Devanagari Nonaccented
अस्ति । हि । वाम् । इह । स्तोता । स्मसि । वाम् । सम्ऽदृशि । श्रिये ।
नु । श्रुतम् । मे । आ । गतम् । अवःऽभिः । वाजिनीवसू इति वाजिनीऽवसू ॥
Padapatha Transcription Accented
ásti ǀ hí ǀ vām ǀ ihá ǀ stotā́ ǀ smási ǀ vām ǀ sam-dṛ́śi ǀ śriyé ǀ
nú ǀ śrutám ǀ me ǀ ā́ ǀ gatam ǀ ávaḥ-bhiḥ ǀ vājinīvasū íti vājinī-vasū ǁ
Padapatha Transcription Nonaccented
asti ǀ hi ǀ vām ǀ iha ǀ stotā ǀ smasi ǀ vām ǀ sam-dṛśi ǀ śriye ǀ
nu ǀ śrutam ǀ me ǀ ā ǀ gatam ǀ avaḥ-bhiḥ ǀ vājinīvasū iti vājinī-vasū ǁ
05.074.07 (Mandala. Sukta. Rik)
4.4.14.02 (Ashtaka. Adhyaya. Varga. Rik)
05.06.017 (Mandala. Anuvāka. Rik)
Samhita Devanagari Accented
को वा॑म॒द्य पु॑रू॒णामा व॑व्ने॒ मर्त्या॑नां ।
को विप्रो॑ विप्रवाहसा॒ को य॒ज्ञैर्वा॑जिनीवसू ॥
Samhita Devanagari Nonaccented
को वामद्य पुरूणामा वव्ने मर्त्यानां ।
को विप्रो विप्रवाहसा को यज्ञैर्वाजिनीवसू ॥
Samhita Transcription Accented
kó vāmadyá purūṇā́mā́ vavne mártyānām ǀ
kó vípro vipravāhasā kó yajñáirvājinīvasū ǁ
Samhita Transcription Nonaccented
ko vāmadya purūṇāmā vavne martyānām ǀ
ko vipro vipravāhasā ko yajñairvājinīvasū ǁ
Padapatha Devanagari Accented
कः । वा॒म् । अ॒द्य । पु॒रू॒णाम् । आ । व॒व्ने॒ । मर्त्या॑नाम् ।
कः । विप्रः॑ । वि॒प्र॒ऽवा॒ह॒सा॒ । कः । य॒ज्ञैः । वा॒जि॒नी॒व॒सू॒ इति॑ वाजिनीऽवसू ॥
Padapatha Devanagari Nonaccented
कः । वाम् । अद्य । पुरूणाम् । आ । वव्ने । मर्त्यानाम् ।
कः । विप्रः । विप्रऽवाहसा । कः । यज्ञैः । वाजिनीवसू इति वाजिनीऽवसू ॥
Padapatha Transcription Accented
káḥ ǀ vām ǀ adyá ǀ purūṇā́m ǀ ā́ ǀ vavne ǀ mártyānām ǀ
káḥ ǀ vípraḥ ǀ vipra-vāhasā ǀ káḥ ǀ yajñáiḥ ǀ vājinīvasū íti vājinī-vasū ǁ
Padapatha Transcription Nonaccented
kaḥ ǀ vām ǀ adya ǀ purūṇām ǀ ā ǀ vavne ǀ martyānām ǀ
kaḥ ǀ vipraḥ ǀ vipra-vāhasā ǀ kaḥ ǀ yajñaiḥ ǀ vājinīvasū iti vājinī-vasū ǁ
05.074.08 (Mandala. Sukta. Rik)
4.4.14.03 (Ashtaka. Adhyaya. Varga. Rik)
05.06.018 (Mandala. Anuvāka. Rik)
Samhita Devanagari Accented
आ वां॒ रथो॒ रथा॑नां॒ येष्ठो॑ यात्वश्विना ।
पु॒रू चि॑दस्म॒युस्ति॒र आं॑गू॒षो मर्त्ये॒ष्वा ॥
Samhita Devanagari Nonaccented
आ वां रथो रथानां येष्ठो यात्वश्विना ।
पुरू चिदस्मयुस्तिर आंगूषो मर्त्येष्वा ॥
Samhita Transcription Accented
ā́ vām rátho ráthānām yéṣṭho yātvaśvinā ǀ
purū́ cidasmayústirá āṅgūṣó mártyeṣvā́ ǁ
Samhita Transcription Nonaccented
ā vām ratho rathānām yeṣṭho yātvaśvinā ǀ
purū cidasmayustira āṅgūṣo martyeṣvā ǁ
Padapatha Devanagari Accented
आ । वा॒म् । रथः॑ । रथा॑नाम् । येष्ठः॑ । या॒तु॒ । अ॒श्वि॒ना॒ ।
पु॒रु । चि॒त् । अ॒स्म॒ऽयुः । ति॒रः । आ॒ङ्गू॒षः । मर्त्ये॑षु । आ ॥
Padapatha Devanagari Nonaccented
आ । वाम् । रथः । रथानाम् । येष्ठः । यातु । अश्विना ।
पुरु । चित् । अस्मऽयुः । तिरः । आङ्गूषः । मर्त्येषु । आ ॥
Padapatha Transcription Accented
ā́ ǀ vām ǀ ráthaḥ ǀ ráthānām ǀ yéṣṭhaḥ ǀ yātu ǀ aśvinā ǀ
purú ǀ cit ǀ asma-yúḥ ǀ tiráḥ ǀ āṅgūṣáḥ ǀ mártyeṣu ǀ ā́ ǁ
Padapatha Transcription Nonaccented
ā ǀ vām ǀ rathaḥ ǀ rathānām ǀ yeṣṭhaḥ ǀ yātu ǀ aśvinā ǀ
puru ǀ cit ǀ asma-yuḥ ǀ tiraḥ ǀ āṅgūṣaḥ ǀ martyeṣu ǀ ā ǁ
05.074.09 (Mandala. Sukta. Rik)
4.4.14.04 (Ashtaka. Adhyaya. Varga. Rik)
05.06.019 (Mandala. Anuvāka. Rik)
Samhita Devanagari Accented
शमू॒ षु वां॑ मधूयुवा॒स्माक॑मस्तु चर्कृ॒तिः ।
अ॒र्वा॒ची॒ना वि॑चेतसा॒ विभिः॑ श्ये॒नेव॑ दीयतं ॥
Samhita Devanagari Nonaccented
शमू षु वां मधूयुवास्माकमस्तु चर्कृतिः ।
अर्वाचीना विचेतसा विभिः श्येनेव दीयतं ॥
Samhita Transcription Accented
śámū ṣú vām madhūyuvāsmā́kamastu carkṛtíḥ ǀ
arvācīnā́ vicetasā víbhiḥ śyenéva dīyatam ǁ
Samhita Transcription Nonaccented
śamū ṣu vām madhūyuvāsmākamastu carkṛtiḥ ǀ
arvācīnā vicetasā vibhiḥ śyeneva dīyatam ǁ
Padapatha Devanagari Accented
शम् । ऊं॒ इति॑ । सु । वा॒म् । म॒धु॒ऽयु॒वा॒ । अ॒स्माक॑म् । अ॒स्तु॒ । च॒र्कृ॒तिः ।
अ॒र्वा॒ची॒ना । वि॒ऽचे॒त॒सा॒ । विऽभिः॑ । श्ये॒नाऽइ॑व । दी॒य॒त॒म् ॥
Padapatha Devanagari Nonaccented
शम् । ऊं इति । सु । वाम् । मधुऽयुवा । अस्माकम् । अस्तु । चर्कृतिः ।
अर्वाचीना । विऽचेतसा । विऽभिः । श्येनाऽइव । दीयतम् ॥
Padapatha Transcription Accented
śám ǀ ūṃ íti ǀ sú ǀ vām ǀ madhu-yuvā ǀ asmā́kam ǀ astu ǀ carkṛtíḥ ǀ
arvācīnā́ ǀ vi-cetasā ǀ ví-bhiḥ ǀ śyenā́-iva ǀ dīyatam ǁ
Padapatha Transcription Nonaccented
śam ǀ ūṃ iti ǀ su ǀ vām ǀ madhu-yuvā ǀ asmākam ǀ astu ǀ carkṛtiḥ ǀ
arvācīnā ǀ vi-cetasā ǀ vi-bhiḥ ǀ śyenā-iva ǀ dīyatam ǁ
05.074.10 (Mandala. Sukta. Rik)
4.4.14.05 (Ashtaka. Adhyaya. Varga. Rik)
05.06.020 (Mandala. Anuvāka. Rik)
Samhita Devanagari Accented
अश्वि॑ना॒ यद्ध॒ कर्हि॑ चिच्छुश्रू॒यात॑मि॒मं हवं॑ ।
वस्वी॑रू॒ षु वां॒ भुजः॑ पृं॒चंति॒ सु वां॒ पृचः॑ ॥
Samhita Devanagari Nonaccented
अश्विना यद्ध कर्हि चिच्छुश्रूयातमिमं हवं ।
वस्वीरू षु वां भुजः पृंचंति सु वां पृचः ॥
Samhita Transcription Accented
áśvinā yáddha kárhi cicchuśrūyā́tamimám hávam ǀ
vásvīrū ṣú vām bhújaḥ pṛñcánti sú vām pṛ́caḥ ǁ
Samhita Transcription Nonaccented
aśvinā yaddha karhi cicchuśrūyātamimam havam ǀ
vasvīrū ṣu vām bhujaḥ pṛñcanti su vām pṛcaḥ ǁ
Padapatha Devanagari Accented
अश्वि॑ना । यत् । ह॒ । कर्हि॑ । चि॒त् । शु॒श्रु॒यात॑म् । इ॒मम् । हव॑म् ।
वस्वीः॑ । ऊं॒ इति॑ । सु । वा॒म् । भुजः॑ । पृ॒ञ्चन्ति॑ । सु । वा॒म् । पृचः॑ ॥
Padapatha Devanagari Nonaccented
अश्विना । यत् । ह । कर्हि । चित् । शुश्रुयातम् । इमम् । हवम् ।
वस्वीः । ऊं इति । सु । वाम् । भुजः । पृञ्चन्ति । सु । वाम् । पृचः ॥
Padapatha Transcription Accented
áśvinā ǀ yát ǀ ha ǀ kárhi ǀ cit ǀ śuśruyā́tam ǀ imám ǀ hávam ǀ
vásvīḥ ǀ ūṃ íti ǀ sú ǀ vām ǀ bhújaḥ ǀ pṛñcánti ǀ sú ǀ vām ǀ pṛ́caḥ ǁ
Padapatha Transcription Nonaccented
aśvinā ǀ yat ǀ ha ǀ karhi ǀ cit ǀ śuśruyātam ǀ imam ǀ havam ǀ
vasvīḥ ǀ ūṃ iti ǀ su ǀ vām ǀ bhujaḥ ǀ pṛñcanti ǀ su ǀ vām ǀ pṛcaḥ ǁ