|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 75
|
1. Info |
| To: | aśvins | |
| From: | avasyu ātreya | |
| Metres: | 1st set of styles: nicṛtpaṅkti (2, 4, 6-8); paṅktiḥ (1, 3); svarāṭpaṅkti (5); virāṭpaṅkti (9) 2nd set of styles: paṅkti |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.075.01 (Mandala. Sukta. Rik)
4.4.15.01 (Ashtaka. Adhyaya. Varga. Rik)
05.06.021 (Mandala. Anuvāka. Rik)
Samhita Devanagari Accented
प्रति॑ प्रि॒यत॑मं॒ रथं॒ वृष॑णं वसु॒वाह॑नं ।
स्तो॒ता वा॑मश्विना॒वृषिः॒ स्तोमे॑न॒ प्रति॑ भूषति॒ माध्वी॒ मम॑ श्रुतं॒ हवं॑ ॥
Samhita Devanagari Nonaccented
प्रति प्रियतमं रथं वृषणं वसुवाहनं ।
स्तोता वामश्विनावृषिः स्तोमेन प्रति भूषति माध्वी मम श्रुतं हवं ॥
Samhita Transcription Accented
práti priyátamam rátham vṛ́ṣaṇam vasuvā́hanam ǀ
stotā́ vāmaśvināvṛ́ṣiḥ stómena práti bhūṣati mā́dhvī máma śrutam hávam ǁ
Samhita Transcription Nonaccented
prati priyatamam ratham vṛṣaṇam vasuvāhanam ǀ
stotā vāmaśvināvṛṣiḥ stomena prati bhūṣati mādhvī mama śrutam havam ǁ
Padapatha Devanagari Accented
प्रति॑ । प्रि॒यऽत॑मम् । रथ॑म् । वृष॑णम् । व॒सु॒ऽवाह॑नम् ।
स्तो॒ता । वा॒म् । अ॒श्वि॒नौ॒ । ऋषिः॑ । स्तोमे॑न । प्रति॑ । भू॒ष॒ति॒ । माध्वी॒ इति॑ । मम॑ । श्रु॒त॒म् । हव॑म् ॥
Padapatha Devanagari Nonaccented
प्रति । प्रियऽतमम् । रथम् । वृषणम् । वसुऽवाहनम् ।
स्तोता । वाम् । अश्विनौ । ऋषिः । स्तोमेन । प्रति । भूषति । माध्वी इति । मम । श्रुतम् । हवम् ॥
Padapatha Transcription Accented
práti ǀ priyá-tamam ǀ rátham ǀ vṛ́ṣaṇam ǀ vasu-vā́hanam ǀ
stotā́ ǀ vām ǀ aśvinau ǀ ṛ́ṣiḥ ǀ stómena ǀ práti ǀ bhūṣati ǀ mā́dhvī íti ǀ máma ǀ śrutam ǀ hávam ǁ
Padapatha Transcription Nonaccented
prati ǀ priya-tamam ǀ ratham ǀ vṛṣaṇam ǀ vasu-vāhanam ǀ
stotā ǀ vām ǀ aśvinau ǀ ṛṣiḥ ǀ stomena ǀ prati ǀ bhūṣati ǀ mādhvī iti ǀ mama ǀ śrutam ǀ havam ǁ
05.075.02 (Mandala. Sukta. Rik)
4.4.15.02 (Ashtaka. Adhyaya. Varga. Rik)
05.06.022 (Mandala. Anuvāka. Rik)
Samhita Devanagari Accented
अ॒त्याया॑तमश्विना ति॒रो विश्वा॑ अ॒हं सना॑ ।
दस्रा॒ हिर॑ण्यवर्तनी॒ सुषु॑म्ना॒ सिंधु॑वाहसा॒ माध्वी॒ मम॑ श्रुतं॒ हवं॑ ॥
Samhita Devanagari Nonaccented
अत्यायातमश्विना तिरो विश्वा अहं सना ।
दस्रा हिरण्यवर्तनी सुषुम्ना सिंधुवाहसा माध्वी मम श्रुतं हवं ॥
Samhita Transcription Accented
atyā́yātamaśvinā tiró víśvā ahám sánā ǀ
dásrā híraṇyavartanī súṣumnā síndhuvāhasā mā́dhvī máma śrutam hávam ǁ
Samhita Transcription Nonaccented
atyāyātamaśvinā tiro viśvā aham sanā ǀ
dasrā hiraṇyavartanī suṣumnā sindhuvāhasā mādhvī mama śrutam havam ǁ
Padapatha Devanagari Accented
अ॒ति॒ऽआया॑तम् । अ॒श्वि॒ना॒ । ति॒रः । विश्वाः॑ । अ॒हम् । सना॑ ।
दस्रा॑ । हिर॑ण्यवर्तनी॒ इति॒ हिर॑ण्यऽवर्तनी । सुऽसु॑म्ना । सिन्धु॑ऽवाहसा । माध्वी॒ इति॑ । मम॑ । श्रु॒त॒म् । हव॑म् ॥
Padapatha Devanagari Nonaccented
अतिऽआयातम् । अश्विना । तिरः । विश्वाः । अहम् । सना ।
दस्रा । हिरण्यवर्तनी इति हिरण्यऽवर्तनी । सुऽसुम्ना । सिन्धुऽवाहसा । माध्वी इति । मम । श्रुतम् । हवम् ॥
Padapatha Transcription Accented
ati-ā́yātam ǀ aśvinā ǀ tiráḥ ǀ víśvāḥ ǀ ahám ǀ sánā ǀ
dásrā ǀ híraṇyavartanī íti híraṇya-vartanī ǀ sú-sumnā ǀ síndhu-vāhasā ǀ mā́dhvī íti ǀ máma ǀ śrutam ǀ hávam ǁ
Padapatha Transcription Nonaccented
ati-āyātam ǀ aśvinā ǀ tiraḥ ǀ viśvāḥ ǀ aham ǀ sanā ǀ
dasrā ǀ hiraṇyavartanī iti hiraṇya-vartanī ǀ su-sumnā ǀ sindhu-vāhasā ǀ mādhvī iti ǀ mama ǀ śrutam ǀ havam ǁ
05.075.03 (Mandala. Sukta. Rik)
4.4.15.03 (Ashtaka. Adhyaya. Varga. Rik)
05.06.023 (Mandala. Anuvāka. Rik)
Samhita Devanagari Accented
आ नो॒ रत्ना॑नि॒ बिभ्र॑ता॒वश्वि॑ना॒ गच्छ॑तं यु॒वं ।
रुद्रा॒ हिर॑ण्यवर्तनी जुषा॒णा वा॑जिनीवसू॒ माध्वी॒ मम॑ श्रुतं॒ हवं॑ ॥
Samhita Devanagari Nonaccented
आ नो रत्नानि बिभ्रतावश्विना गच्छतं युवं ।
रुद्रा हिरण्यवर्तनी जुषाणा वाजिनीवसू माध्वी मम श्रुतं हवं ॥
Samhita Transcription Accented
ā́ no rátnāni bíbhratāváśvinā gácchatam yuvám ǀ
rúdrā híraṇyavartanī juṣāṇā́ vājinīvasū mā́dhvī máma śrutam hávam ǁ
Samhita Transcription Nonaccented
ā no ratnāni bibhratāvaśvinā gacchatam yuvam ǀ
rudrā hiraṇyavartanī juṣāṇā vājinīvasū mādhvī mama śrutam havam ǁ
Padapatha Devanagari Accented
आ । नः॒ । रत्ना॑नि । बिभ्र॑तौ । अश्वि॑ना । गच्छ॑तम् । यु॒वम् ।
रुद्रा॑ । हिर॑ण्यवर्तनी॒ इति॒ हिर॑ण्यऽवर्तनी । जु॒षा॒णा । वा॒जि॒नी॒व॒सू॒ इति॑ वाजिनीऽवसू । माध्वी॒ इति॑ । मम॑ । श्रु॒त॒म् । हव॑म् ॥
Padapatha Devanagari Nonaccented
आ । नः । रत्नानि । बिभ्रतौ । अश्विना । गच्छतम् । युवम् ।
रुद्रा । हिरण्यवर्तनी इति हिरण्यऽवर्तनी । जुषाणा । वाजिनीवसू इति वाजिनीऽवसू । माध्वी इति । मम । श्रुतम् । हवम् ॥
Padapatha Transcription Accented
ā́ ǀ naḥ ǀ rátnāni ǀ bíbhratau ǀ áśvinā ǀ gácchatam ǀ yuvám ǀ
rúdrā ǀ híraṇyavartanī íti híraṇya-vartanī ǀ juṣāṇā́ ǀ vājinīvasū íti vājinī-vasū ǀ mā́dhvī íti ǀ máma ǀ śrutam ǀ hávam ǁ
Padapatha Transcription Nonaccented
ā ǀ naḥ ǀ ratnāni ǀ bibhratau ǀ aśvinā ǀ gacchatam ǀ yuvam ǀ
rudrā ǀ hiraṇyavartanī iti hiraṇya-vartanī ǀ juṣāṇā ǀ vājinīvasū iti vājinī-vasū ǀ mādhvī iti ǀ mama ǀ śrutam ǀ havam ǁ
05.075.04 (Mandala. Sukta. Rik)
4.4.15.04 (Ashtaka. Adhyaya. Varga. Rik)
05.06.024 (Mandala. Anuvāka. Rik)
Samhita Devanagari Accented
सु॒ष्टुभो॑ वां वृषण्वसू॒ रथे॒ वाणी॒च्याहि॑ता ।
उ॒त वां॑ ककु॒हो मृ॒गः पृक्षः॑ कृणोति वापु॒षो माध्वी॒ मम॑ श्रुतं॒ हवं॑ ॥
Samhita Devanagari Nonaccented
सुष्टुभो वां वृषण्वसू रथे वाणीच्याहिता ।
उत वां ककुहो मृगः पृक्षः कृणोति वापुषो माध्वी मम श्रुतं हवं ॥
Samhita Transcription Accented
suṣṭúbho vām vṛṣaṇvasū ráthe vā́ṇīcyā́hitā ǀ
utá vām kakuhó mṛgáḥ pṛ́kṣaḥ kṛṇoti vāpuṣó mā́dhvī máma śrutam hávam ǁ
Samhita Transcription Nonaccented
suṣṭubho vām vṛṣaṇvasū rathe vāṇīcyāhitā ǀ
uta vām kakuho mṛgaḥ pṛkṣaḥ kṛṇoti vāpuṣo mādhvī mama śrutam havam ǁ
Padapatha Devanagari Accented
सु॒ऽस्तुभः॑ । वा॒म् । वृ॒ष॒ण्व॒सू॒ इति॑ वृषण्ऽवसू । रथे॑ । वाणी॑ची । आऽहि॑ता ।
उ॒त । वा॒म् । क॒कु॒हः । मृ॒गः । पृक्षः॑ । कृ॒णो॒ति॒ । वा॒पु॒षः । माध्वी॒ इति॑ । मम॑ । श्रु॒त॒म् । हव॑म् ॥
Padapatha Devanagari Nonaccented
सुऽस्तुभः । वाम् । वृषण्वसू इति वृषण्ऽवसू । रथे । वाणीची । आऽहिता ।
उत । वाम् । ककुहः । मृगः । पृक्षः । कृणोति । वापुषः । माध्वी इति । मम । श्रुतम् । हवम् ॥
Padapatha Transcription Accented
su-stúbhaḥ ǀ vām ǀ vṛṣaṇvasū íti vṛṣaṇ-vasū ǀ ráthe ǀ vā́ṇīcī ǀ ā́-hitā ǀ
utá ǀ vām ǀ kakuháḥ ǀ mṛgáḥ ǀ pṛ́kṣaḥ ǀ kṛṇoti ǀ vāpuṣáḥ ǀ mā́dhvī íti ǀ máma ǀ śrutam ǀ hávam ǁ
Padapatha Transcription Nonaccented
su-stubhaḥ ǀ vām ǀ vṛṣaṇvasū iti vṛṣaṇ-vasū ǀ rathe ǀ vāṇīcī ǀ ā-hitā ǀ
uta ǀ vām ǀ kakuhaḥ ǀ mṛgaḥ ǀ pṛkṣaḥ ǀ kṛṇoti ǀ vāpuṣaḥ ǀ mādhvī iti ǀ mama ǀ śrutam ǀ havam ǁ
05.075.05 (Mandala. Sukta. Rik)
4.4.15.05 (Ashtaka. Adhyaya. Varga. Rik)
05.06.025 (Mandala. Anuvāka. Rik)
Samhita Devanagari Accented
बो॒धिन्म॑नसा र॒थ्ये॑षि॒रा ह॑वन॒श्रुता॑ ।
विभि॒श्च्यवा॑नमश्विना॒ नि या॑थो॒ अद्व॑याविनं॒ माध्वी॒ मम॑ श्रुतं॒ हवं॑ ॥
Samhita Devanagari Nonaccented
बोधिन्मनसा रथ्येषिरा हवनश्रुता ।
विभिश्च्यवानमश्विना नि याथो अद्वयाविनं माध्वी मम श्रुतं हवं ॥
Samhita Transcription Accented
bodhínmanasā rathyeṣirā́ havanaśrútā ǀ
víbhiścyávānamaśvinā ní yātho ádvayāvinam mā́dhvī máma śrutam hávam ǁ
Samhita Transcription Nonaccented
bodhinmanasā rathyeṣirā havanaśrutā ǀ
vibhiścyavānamaśvinā ni yātho advayāvinam mādhvī mama śrutam havam ǁ
Padapatha Devanagari Accented
बो॒धित्ऽम॑नसा । र॒थ्या॑ । इ॒षि॒रा । ह॒व॒न॒ऽश्रुता॑ ।
विऽभिः॑ । च्यवा॑नम् । अ॒श्वि॒ना॒ । नि । या॒थः॒ । अद्व॑याविनम् । माध्वी॒ इति॑ । मम॑ । श्रु॒त॒म् । हव॑म् ॥
Padapatha Devanagari Nonaccented
बोधित्ऽमनसा । रथ्या । इषिरा । हवनऽश्रुता ।
विऽभिः । च्यवानम् । अश्विना । नि । याथः । अद्वयाविनम् । माध्वी इति । मम । श्रुतम् । हवम् ॥
Padapatha Transcription Accented
bodhít-manasā ǀ rathyā́ ǀ iṣirā́ ǀ havana-śrútā ǀ
ví-bhiḥ ǀ cyávānam ǀ aśvinā ǀ ní ǀ yāthaḥ ǀ ádvayāvinam ǀ mā́dhvī íti ǀ máma ǀ śrutam ǀ hávam ǁ
Padapatha Transcription Nonaccented
bodhit-manasā ǀ rathyā ǀ iṣirā ǀ havana-śrutā ǀ
vi-bhiḥ ǀ cyavānam ǀ aśvinā ǀ ni ǀ yāthaḥ ǀ advayāvinam ǀ mādhvī iti ǀ mama ǀ śrutam ǀ havam ǁ
05.075.06 (Mandala. Sukta. Rik)
4.4.16.01 (Ashtaka. Adhyaya. Varga. Rik)
05.06.026 (Mandala. Anuvāka. Rik)
Samhita Devanagari Accented
आ वां॑ नरा मनो॒युजोऽश्वा॑सः प्रुषि॒तप्स॑वः ।
वयो॑ वहंतु पी॒तये॑ स॒ह सु॒म्नेभि॑रश्विना॒ माध्वी॒ मम॑ श्रुतं॒ हवं॑ ॥
Samhita Devanagari Nonaccented
आ वां नरा मनोयुजोऽश्वासः प्रुषितप्सवः ।
वयो वहंतु पीतये सह सुम्नेभिरश्विना माध्वी मम श्रुतं हवं ॥
Samhita Transcription Accented
ā́ vām narā manoyújó’śvāsaḥ pruṣitápsavaḥ ǀ
váyo vahantu pītáye sahá sumnébhiraśvinā mā́dhvī máma śrutam hávam ǁ
Samhita Transcription Nonaccented
ā vām narā manoyujo’śvāsaḥ pruṣitapsavaḥ ǀ
vayo vahantu pītaye saha sumnebhiraśvinā mādhvī mama śrutam havam ǁ
Padapatha Devanagari Accented
आ । वा॒म् । न॒रा॒ । म॒नः॒ऽयुजः॑ । अश्वा॑सः । प्रु॒षि॒तऽप्स॑वः ।
वयः॑ । व॒ह॒न्तु॒ । पी॒तये॑ । स॒ह । सु॒म्नेभिः॑ । अ॒श्वि॒ना॒ । माध्वी॒ इति॑ । मम॑ । श्रु॒त॒म् । हव॑म् ॥
Padapatha Devanagari Nonaccented
आ । वाम् । नरा । मनःऽयुजः । अश्वासः । प्रुषितऽप्सवः ।
वयः । वहन्तु । पीतये । सह । सुम्नेभिः । अश्विना । माध्वी इति । मम । श्रुतम् । हवम् ॥
Padapatha Transcription Accented
ā́ ǀ vām ǀ narā ǀ manaḥ-yújaḥ ǀ áśvāsaḥ ǀ pruṣitá-psavaḥ ǀ
váyaḥ ǀ vahantu ǀ pītáye ǀ sahá ǀ sumnébhiḥ ǀ aśvinā ǀ mā́dhvī íti ǀ máma ǀ śrutam ǀ hávam ǁ
Padapatha Transcription Nonaccented
ā ǀ vām ǀ narā ǀ manaḥ-yujaḥ ǀ aśvāsaḥ ǀ pruṣita-psavaḥ ǀ
vayaḥ ǀ vahantu ǀ pītaye ǀ saha ǀ sumnebhiḥ ǀ aśvinā ǀ mādhvī iti ǀ mama ǀ śrutam ǀ havam ǁ
05.075.07 (Mandala. Sukta. Rik)
4.4.16.02 (Ashtaka. Adhyaya. Varga. Rik)
05.06.027 (Mandala. Anuvāka. Rik)
Samhita Devanagari Accented
अश्वि॑ना॒वेह ग॑च्छतं॒ नास॑त्या॒ मा वि वे॑नतं ।
ति॒रश्चि॑दर्य॒या परि॑ व॒र्तिर्या॑तमदाभ्या॒ माध्वी॒ मम॑ श्रुतं॒ हवं॑ ॥
Samhita Devanagari Nonaccented
अश्विनावेह गच्छतं नासत्या मा वि वेनतं ।
तिरश्चिदर्यया परि वर्तिर्यातमदाभ्या माध्वी मम श्रुतं हवं ॥
Samhita Transcription Accented
áśvināvéhá gacchatam nā́satyā mā́ ví venatam ǀ
tiráścidaryayā́ pári vartíryātamadābhyā mā́dhvī máma śrutam hávam ǁ
Samhita Transcription Nonaccented
aśvināveha gacchatam nāsatyā mā vi venatam ǀ
tiraścidaryayā pari vartiryātamadābhyā mādhvī mama śrutam havam ǁ
Padapatha Devanagari Accented
अश्वि॑नौ । आ । इ॒ह । ग॒च्छ॒त॒म् । नास॑त्या । मा । वि । वे॒न॒त॒म् ।
ति॒रः । चि॒त् । अ॒र्य॒ऽया । परि॑ । व॒र्तिः । या॒त॒म् । अ॒दा॒भ्या॒ । माध्वी॒ इति॑ । मम॑ । श्रु॒त॒म् । हव॑म् ॥
Padapatha Devanagari Nonaccented
अश्विनौ । आ । इह । गच्छतम् । नासत्या । मा । वि । वेनतम् ।
तिरः । चित् । अर्यऽया । परि । वर्तिः । यातम् । अदाभ्या । माध्वी इति । मम । श्रुतम् । हवम् ॥
Padapatha Transcription Accented
áśvinau ǀ ā́ ǀ ihá ǀ gacchatam ǀ nā́satyā ǀ mā́ ǀ ví ǀ venatam ǀ
tiráḥ ǀ cit ǀ arya-yā́ ǀ pári ǀ vartíḥ ǀ yātam ǀ adābhyā ǀ mā́dhvī íti ǀ máma ǀ śrutam ǀ hávam ǁ
Padapatha Transcription Nonaccented
aśvinau ǀ ā ǀ iha ǀ gacchatam ǀ nāsatyā ǀ mā ǀ vi ǀ venatam ǀ
tiraḥ ǀ cit ǀ arya-yā ǀ pari ǀ vartiḥ ǀ yātam ǀ adābhyā ǀ mādhvī iti ǀ mama ǀ śrutam ǀ havam ǁ
05.075.08 (Mandala. Sukta. Rik)
4.4.16.03 (Ashtaka. Adhyaya. Varga. Rik)
05.06.028 (Mandala. Anuvāka. Rik)
Samhita Devanagari Accented
अ॒स्मिन्य॒ज्ञे अ॑दाभ्या जरि॒तारं॑ शुभस्पती ।
अ॒व॒स्युम॑श्विना यु॒वं गृ॒णंत॒मुप॑ भूषथो॒ माध्वी॒ मम॑ श्रुतं॒ हवं॑ ॥
Samhita Devanagari Nonaccented
अस्मिन्यज्ञे अदाभ्या जरितारं शुभस्पती ।
अवस्युमश्विना युवं गृणंतमुप भूषथो माध्वी मम श्रुतं हवं ॥
Samhita Transcription Accented
asmínyajñé adābhyā jaritā́ram śubhaspatī ǀ
avasyúmaśvinā yuvám gṛṇántamúpa bhūṣatho mā́dhvī máma śrutam hávam ǁ
Samhita Transcription Nonaccented
asminyajñe adābhyā jaritāram śubhaspatī ǀ
avasyumaśvinā yuvam gṛṇantamupa bhūṣatho mādhvī mama śrutam havam ǁ
Padapatha Devanagari Accented
अ॒स्मिन् । य॒ज्ञे । अ॒दा॒भ्या॒ । ज॒रि॒तार॑म् । शु॒भः॒ । प॒ती॒ इति॑ ।
अ॒व॒स्युम् । अ॒श्वि॒ना॒ । यु॒वम् । गृ॒णन्त॑म् । उप॑ । भू॒ष॒थः॒ । माध्वी॒ इति॑ । मम॑ । श्रु॒त॒म् । हव॑म् ॥
Padapatha Devanagari Nonaccented
अस्मिन् । यज्ञे । अदाभ्या । जरितारम् । शुभः । पती इति ।
अवस्युम् । अश्विना । युवम् । गृणन्तम् । उप । भूषथः । माध्वी इति । मम । श्रुतम् । हवम् ॥
Padapatha Transcription Accented
asmín ǀ yajñé ǀ adābhyā ǀ jaritā́ram ǀ śubhaḥ ǀ patī íti ǀ
avasyúm ǀ aśvinā ǀ yuvám ǀ gṛṇántam ǀ úpa ǀ bhūṣathaḥ ǀ mā́dhvī íti ǀ máma ǀ śrutam ǀ hávam ǁ
Padapatha Transcription Nonaccented
asmin ǀ yajñe ǀ adābhyā ǀ jaritāram ǀ śubhaḥ ǀ patī iti ǀ
avasyum ǀ aśvinā ǀ yuvam ǀ gṛṇantam ǀ upa ǀ bhūṣathaḥ ǀ mādhvī iti ǀ mama ǀ śrutam ǀ havam ǁ
05.075.09 (Mandala. Sukta. Rik)
4.4.16.04 (Ashtaka. Adhyaya. Varga. Rik)
05.06.029 (Mandala. Anuvāka. Rik)
Samhita Devanagari Accented
अभू॑दु॒षा रुश॑त्पशु॒राग्निर॑धाय्यृ॒त्वियः॑ ।
अयो॑जि वां वृषण्वसू॒ रथो॑ दस्रा॒वम॑र्त्यो॒ माध्वी॒ मम॑ श्रुतं॒ हवं॑ ॥
Samhita Devanagari Nonaccented
अभूदुषा रुशत्पशुराग्निरधाय्यृत्वियः ।
अयोजि वां वृषण्वसू रथो दस्रावमर्त्यो माध्वी मम श्रुतं हवं ॥
Samhita Transcription Accented
ábhūduṣā́ rúśatpaśurā́gníradhāyyṛtvíyaḥ ǀ
áyoji vām vṛṣaṇvasū rátho dasrāvámartyo mā́dhvī máma śrutam hávam ǁ
Samhita Transcription Nonaccented
abhūduṣā ruśatpaśurāgniradhāyyṛtviyaḥ ǀ
ayoji vām vṛṣaṇvasū ratho dasrāvamartyo mādhvī mama śrutam havam ǁ
Padapatha Devanagari Accented
अभू॑त् । उ॒षाः । रुश॑त्ऽपशुः । आ । अ॒ग्निः । अ॒धा॒यि॒ । ऋ॒त्वियः॑ ।
अयो॑जि । वा॒म् । वृ॒ष॒ण्व॒सू॒ इति॑ वृषण्ऽवसू । रथः॑ । द॒स्रौ॒ । अम॑र्त्यः । माध्वी॒ इति॑ । मम॑ । श्रु॒त॒म् । हव॑म् ॥
Padapatha Devanagari Nonaccented
अभूत् । उषाः । रुशत्ऽपशुः । आ । अग्निः । अधायि । ऋत्वियः ।
अयोजि । वाम् । वृषण्वसू इति वृषण्ऽवसू । रथः । दस्रौ । अमर्त्यः । माध्वी इति । मम । श्रुतम् । हवम् ॥
Padapatha Transcription Accented
ábhūt ǀ uṣā́ḥ ǀ rúśat-paśuḥ ǀ ā́ ǀ agníḥ ǀ adhāyi ǀ ṛtvíyaḥ ǀ
áyoji ǀ vām ǀ vṛṣaṇvasū íti vṛṣaṇ-vasū ǀ ráthaḥ ǀ dasrau ǀ ámartyaḥ ǀ mā́dhvī íti ǀ máma ǀ śrutam ǀ hávam ǁ
Padapatha Transcription Nonaccented
abhūt ǀ uṣāḥ ǀ ruśat-paśuḥ ǀ ā ǀ agniḥ ǀ adhāyi ǀ ṛtviyaḥ ǀ
ayoji ǀ vām ǀ vṛṣaṇvasū iti vṛṣaṇ-vasū ǀ rathaḥ ǀ dasrau ǀ amartyaḥ ǀ mādhvī iti ǀ mama ǀ śrutam ǀ havam ǁ