|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 2
|
1. Info |
| To: | agni | |
| From: | bharadvāja bārhaspatya | |
| Metres: | 1st set of styles: nicṛdanuṣṭup (5, 6, 10); bhuriguṣṇik (1, 9); anuṣṭup (3, 4); svarāḍuṣnik (2); nicṛduṣṇik (7); uṣṇik (8); bhurigatijagatī (11) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.002.01 (Mandala. Sukta. Rik)
4.5.01.01 (Ashtaka. Adhyaya. Varga. Rik)
06.01.014 (Mandala. Anuvāka. Rik)
Samhita Devanagari Accented
त्वं हि क्षैत॑व॒द्यशोऽग्ने॑ मि॒त्रो न पत्य॑से ।
त्वं वि॑चर्षणे॒ श्रवो॒ वसो॑ पु॒ष्टिं न पु॑ष्यसि ॥
Samhita Devanagari Nonaccented
त्वं हि क्षैतवद्यशोऽग्ने मित्रो न पत्यसे ।
त्वं विचर्षणे श्रवो वसो पुष्टिं न पुष्यसि ॥
Samhita Transcription Accented
tvám hí kṣáitavadyáśó’gne mitró ná pátyase ǀ
tvám vicarṣaṇe śrávo váso puṣṭím ná puṣyasi ǁ
Samhita Transcription Nonaccented
tvam hi kṣaitavadyaśo’gne mitro na patyase ǀ
tvam vicarṣaṇe śravo vaso puṣṭim na puṣyasi ǁ
Padapatha Devanagari Accented
त्वम् । हि । क्षैत॑ऽवत् । यशः॑ । अग्ने॑ । मि॒त्रः । न । पत्य॑से ।
त्वम् । वि॒ऽच॒र्ष॒णे॒ । श्रवः॑ । वसो॒ इति॑ । पु॒ष्टिम् । न । पु॒ष्य॒सि॒ ॥
Padapatha Devanagari Nonaccented
त्वम् । हि । क्षैतऽवत् । यशः । अग्ने । मित्रः । न । पत्यसे ।
त्वम् । विऽचर्षणे । श्रवः । वसो इति । पुष्टिम् । न । पुष्यसि ॥
Padapatha Transcription Accented
tvám ǀ hí ǀ kṣáita-vat ǀ yáśaḥ ǀ ágne ǀ mitráḥ ǀ ná ǀ pátyase ǀ
tvám ǀ vi-carṣaṇe ǀ śrávaḥ ǀ váso íti ǀ puṣṭím ǀ ná ǀ puṣyasi ǁ
Padapatha Transcription Nonaccented
tvam ǀ hi ǀ kṣaita-vat ǀ yaśaḥ ǀ agne ǀ mitraḥ ǀ na ǀ patyase ǀ
tvam ǀ vi-carṣaṇe ǀ śravaḥ ǀ vaso iti ǀ puṣṭim ǀ na ǀ puṣyasi ǁ
06.002.02 (Mandala. Sukta. Rik)
4.5.01.02 (Ashtaka. Adhyaya. Varga. Rik)
06.01.015 (Mandala. Anuvāka. Rik)
Samhita Devanagari Accented
त्वां हि ष्मा॑ चर्ष॒णयो॑ य॒ज्ञेभि॑र्गी॒र्भिरीळ॑ते ।
त्वां वा॒जी या॑त्यवृ॒को र॑ज॒स्तूर्वि॒श्वच॑र्षणिः ॥
Samhita Devanagari Nonaccented
त्वां हि ष्मा चर्षणयो यज्ञेभिर्गीर्भिरीळते ।
त्वां वाजी यात्यवृको रजस्तूर्विश्वचर्षणिः ॥
Samhita Transcription Accented
tvā́m hí ṣmā carṣaṇáyo yajñébhirgīrbhírī́ḷate ǀ
tvā́m vājī́ yātyavṛkó rajastū́rviśvácarṣaṇiḥ ǁ
Samhita Transcription Nonaccented
tvām hi ṣmā carṣaṇayo yajñebhirgīrbhirīḷate ǀ
tvām vājī yātyavṛko rajastūrviśvacarṣaṇiḥ ǁ
Padapatha Devanagari Accented
त्वाम् । हि । स्म॒ । च॒र्ष॒णयः॑ । य॒ज्ञेभिः॑ । गीः॒ऽभिः । ईळ॑ते ।
त्वाम् । वा॒जी । या॒ति॒ । अ॒वृ॒कः । र॒जः॒ऽतूः । वि॒श्वऽच॑र्षणिः ॥
Padapatha Devanagari Nonaccented
त्वाम् । हि । स्म । चर्षणयः । यज्ञेभिः । गीःऽभिः । ईळते ।
त्वाम् । वाजी । याति । अवृकः । रजःऽतूः । विश्वऽचर्षणिः ॥
Padapatha Transcription Accented
tvā́m ǀ hí ǀ sma ǀ carṣaṇáyaḥ ǀ yajñébhiḥ ǀ gīḥ-bhíḥ ǀ ī́ḷate ǀ
tvā́m ǀ vājī́ ǀ yāti ǀ avṛkáḥ ǀ rajaḥ-tū́ḥ ǀ viśvá-carṣaṇiḥ ǁ
Padapatha Transcription Nonaccented
tvām ǀ hi ǀ sma ǀ carṣaṇayaḥ ǀ yajñebhiḥ ǀ gīḥ-bhiḥ ǀ īḷate ǀ
tvām ǀ vājī ǀ yāti ǀ avṛkaḥ ǀ rajaḥ-tūḥ ǀ viśva-carṣaṇiḥ ǁ
06.002.03 (Mandala. Sukta. Rik)
4.5.01.03 (Ashtaka. Adhyaya. Varga. Rik)
06.01.016 (Mandala. Anuvāka. Rik)
Samhita Devanagari Accented
स॒जोष॑स्त्वा दि॒वो नरो॑ य॒ज्ञस्य॑ के॒तुमिं॑धते ।
यद्ध॒ स्य मानु॑षो॒ जनः॑ सुम्ना॒युर्जु॒ह्वे अ॑ध्व॒रे ॥
Samhita Devanagari Nonaccented
सजोषस्त्वा दिवो नरो यज्ञस्य केतुमिंधते ।
यद्ध स्य मानुषो जनः सुम्नायुर्जुह्वे अध्वरे ॥
Samhita Transcription Accented
sajóṣastvā divó náro yajñásya ketúmindhate ǀ
yáddha syá mā́nuṣo jánaḥ sumnāyúrjuhvé adhvaré ǁ
Samhita Transcription Nonaccented
sajoṣastvā divo naro yajñasya ketumindhate ǀ
yaddha sya mānuṣo janaḥ sumnāyurjuhve adhvare ǁ
Padapatha Devanagari Accented
स॒ऽजोषः॑ । त्वा॒ । दि॒वः । नरः॑ । य॒ज्ञस्य॑ । के॒तुम् । इ॒न्ध॒ते॒ ।
यत् । ह॒ । स्यः । मानु॑षः । जनः॑ । सु॒म्न॒ऽयुः । जु॒ह्वे । अ॒ध्व॒रे ॥
Padapatha Devanagari Nonaccented
सऽजोषः । त्वा । दिवः । नरः । यज्ञस्य । केतुम् । इन्धते ।
यत् । ह । स्यः । मानुषः । जनः । सुम्नऽयुः । जुह्वे । अध्वरे ॥
Padapatha Transcription Accented
sa-jóṣaḥ ǀ tvā ǀ diváḥ ǀ náraḥ ǀ yajñásya ǀ ketúm ǀ indhate ǀ
yát ǀ ha ǀ syáḥ ǀ mā́nuṣaḥ ǀ jánaḥ ǀ sumna-yúḥ ǀ juhvé ǀ adhvaré ǁ
Padapatha Transcription Nonaccented
sa-joṣaḥ ǀ tvā ǀ divaḥ ǀ naraḥ ǀ yajñasya ǀ ketum ǀ indhate ǀ
yat ǀ ha ǀ syaḥ ǀ mānuṣaḥ ǀ janaḥ ǀ sumna-yuḥ ǀ juhve ǀ adhvare ǁ
06.002.04 (Mandala. Sukta. Rik)
4.5.01.04 (Ashtaka. Adhyaya. Varga. Rik)
06.01.017 (Mandala. Anuvāka. Rik)
Samhita Devanagari Accented
ऋध॒द्यस्ते॑ सु॒दान॑वे धि॒या मर्तः॑ श॒शम॑ते ।
ऊ॒ती ष बृ॑ह॒तो दि॒वो द्वि॒षो अंहो॒ न त॑रति ॥
Samhita Devanagari Nonaccented
ऋधद्यस्ते सुदानवे धिया मर्तः शशमते ।
ऊती ष बृहतो दिवो द्विषो अंहो न तरति ॥
Samhita Transcription Accented
ṛ́dhadyáste sudā́nave dhiyā́ mártaḥ śaśámate ǀ
ūtī́ ṣá bṛható divó dviṣó áṃho ná tarati ǁ
Samhita Transcription Nonaccented
ṛdhadyaste sudānave dhiyā martaḥ śaśamate ǀ
ūtī ṣa bṛhato divo dviṣo aṃho na tarati ǁ
Padapatha Devanagari Accented
ऋध॑त् । यः । ते॒ । सु॒ऽदान॑वे । धि॒या । मर्तः॑ । श॒शम॑ते ।
ऊ॒ती । सः । बृ॒ह॒तः । दि॒वः । द्वि॒षः । अंहः॑ । न । त॒र॒ति॒ ॥
Padapatha Devanagari Nonaccented
ऋधत् । यः । ते । सुऽदानवे । धिया । मर्तः । शशमते ।
ऊती । सः । बृहतः । दिवः । द्विषः । अंहः । न । तरति ॥
Padapatha Transcription Accented
ṛ́dhat ǀ yáḥ ǀ te ǀ su-dā́nave ǀ dhiyā́ ǀ mártaḥ ǀ śaśámate ǀ
ūtī́ ǀ sáḥ ǀ bṛhatáḥ ǀ diváḥ ǀ dviṣáḥ ǀ áṃhaḥ ǀ ná ǀ tarati ǁ
Padapatha Transcription Nonaccented
ṛdhat ǀ yaḥ ǀ te ǀ su-dānave ǀ dhiyā ǀ martaḥ ǀ śaśamate ǀ
ūtī ǀ saḥ ǀ bṛhataḥ ǀ divaḥ ǀ dviṣaḥ ǀ aṃhaḥ ǀ na ǀ tarati ǁ
06.002.05 (Mandala. Sukta. Rik)
4.5.01.05 (Ashtaka. Adhyaya. Varga. Rik)
06.01.018 (Mandala. Anuvāka. Rik)
Samhita Devanagari Accented
स॒मिधा॒ यस्त॒ आहु॑तिं॒ निशि॑तिं॒ मर्त्यो॒ नश॑त् ।
व॒यावं॑तं॒ स पु॑ष्यति॒ क्षय॑मग्ने श॒तायु॑षं ॥
Samhita Devanagari Nonaccented
समिधा यस्त आहुतिं निशितिं मर्त्यो नशत् ।
वयावंतं स पुष्यति क्षयमग्ने शतायुषं ॥
Samhita Transcription Accented
samídhā yásta ā́hutim níśitim mártyo náśat ǀ
vayā́vantam sá puṣyati kṣáyamagne śatā́yuṣam ǁ
Samhita Transcription Nonaccented
samidhā yasta āhutim niśitim martyo naśat ǀ
vayāvantam sa puṣyati kṣayamagne śatāyuṣam ǁ
Padapatha Devanagari Accented
स॒म्ऽइधा॑ । यः । ते॒ । आऽहु॑तिम् । निऽशि॑तिम् । मर्त्यः॑ । नश॑त् ।
व॒याऽव॑न्तम् । सः । पु॒ष्य॒ति॒ । क्षय॑म् । अ॒ग्ने॒ । श॒तऽआ॑युषम् ॥
Padapatha Devanagari Nonaccented
सम्ऽइधा । यः । ते । आऽहुतिम् । निऽशितिम् । मर्त्यः । नशत् ।
वयाऽवन्तम् । सः । पुष्यति । क्षयम् । अग्ने । शतऽआयुषम् ॥
Padapatha Transcription Accented
sam-ídhā ǀ yáḥ ǀ te ǀ ā́-hutim ǀ ní-śitim ǀ mártyaḥ ǀ náśat ǀ
vayā́-vantam ǀ sáḥ ǀ puṣyati ǀ kṣáyam ǀ agne ǀ śatá-āyuṣam ǁ
Padapatha Transcription Nonaccented
sam-idhā ǀ yaḥ ǀ te ǀ ā-hutim ǀ ni-śitim ǀ martyaḥ ǀ naśat ǀ
vayā-vantam ǀ saḥ ǀ puṣyati ǀ kṣayam ǀ agne ǀ śata-āyuṣam ǁ
06.002.06 (Mandala. Sukta. Rik)
4.5.02.01 (Ashtaka. Adhyaya. Varga. Rik)
06.01.019 (Mandala. Anuvāka. Rik)
Samhita Devanagari Accented
त्वे॒षस्ते॑ धू॒म ऋ॑ण्वति दि॒वि षंछु॒क्र आत॑तः ।
सूरो॒ न हि द्यु॒ता त्वं कृ॒पा पा॑वक॒ रोच॑से ॥
Samhita Devanagari Nonaccented
त्वेषस्ते धूम ऋण्वति दिवि षंछुक्र आततः ।
सूरो न हि द्युता त्वं कृपा पावक रोचसे ॥
Samhita Transcription Accented
tveṣáste dhūmá ṛṇvati diví ṣáñchukrá ā́tataḥ ǀ
sū́ro ná hí dyutā́ tvám kṛpā́ pāvaka rócase ǁ
Samhita Transcription Nonaccented
tveṣaste dhūma ṛṇvati divi ṣañchukra ātataḥ ǀ
sūro na hi dyutā tvam kṛpā pāvaka rocase ǁ
Padapatha Devanagari Accented
त्वे॒षः । ते॒ । धू॒मः । ऋ॒ण्व॒ति॒ । दि॒वि । सन् । शु॒क्रः । आऽत॑तः ।
सूरः॑ । न । हि । द्यु॒ता । त्वम् । कृ॒पा । पा॒व॒क॒ । रोच॑से ॥
Padapatha Devanagari Nonaccented
त्वेषः । ते । धूमः । ऋण्वति । दिवि । सन् । शुक्रः । आऽततः ।
सूरः । न । हि । द्युता । त्वम् । कृपा । पावक । रोचसे ॥
Padapatha Transcription Accented
tveṣáḥ ǀ te ǀ dhūmáḥ ǀ ṛṇvati ǀ diví ǀ sán ǀ śukráḥ ǀ ā́-tataḥ ǀ
sū́raḥ ǀ ná ǀ hí ǀ dyutā́ ǀ tvám ǀ kṛpā́ ǀ pāvaka ǀ rócase ǁ
Padapatha Transcription Nonaccented
tveṣaḥ ǀ te ǀ dhūmaḥ ǀ ṛṇvati ǀ divi ǀ san ǀ śukraḥ ǀ ā-tataḥ ǀ
sūraḥ ǀ na ǀ hi ǀ dyutā ǀ tvam ǀ kṛpā ǀ pāvaka ǀ rocase ǁ
06.002.07 (Mandala. Sukta. Rik)
4.5.02.02 (Ashtaka. Adhyaya. Varga. Rik)
06.01.020 (Mandala. Anuvāka. Rik)
Samhita Devanagari Accented
अधा॒ हि वि॒क्ष्वीड्योऽसि॑ प्रि॒यो नो॒ अति॑थिः ।
र॒ण्वः पु॒री॑व॒ जूर्यः॑ सू॒नुर्न त्र॑य॒याय्यः॑ ॥
Samhita Devanagari Nonaccented
अधा हि विक्ष्वीड्योऽसि प्रियो नो अतिथिः ।
रण्वः पुरीव जूर्यः सूनुर्न त्रययाय्यः ॥
Samhita Transcription Accented
ádhā hí vikṣvī́ḍyó’si priyó no átithiḥ ǀ
raṇváḥ purī́va jū́ryaḥ sūnúrná trayayā́yyaḥ ǁ
Samhita Transcription Nonaccented
adhā hi vikṣvīḍyo’si priyo no atithiḥ ǀ
raṇvaḥ purīva jūryaḥ sūnurna trayayāyyaḥ ǁ
Padapatha Devanagari Accented
अध॑ । हि । वि॒क्षु । ईड्यः॑ । असि॑ । प्रि॒यः । नः॒ । अति॑थिः ।
र॒ण्वः । पु॒रिऽइ॑व । जूर्यः॑ । सू॒नुः । न । त्र॒य॒याय्यः॑ ॥
Padapatha Devanagari Nonaccented
अध । हि । विक्षु । ईड्यः । असि । प्रियः । नः । अतिथिः ।
रण्वः । पुरिऽइव । जूर्यः । सूनुः । न । त्रययाय्यः ॥
Padapatha Transcription Accented
ádha ǀ hí ǀ vikṣú ǀ ī́ḍyaḥ ǀ ási ǀ priyáḥ ǀ naḥ ǀ átithiḥ ǀ
raṇváḥ ǀ purí-iva ǀ jū́ryaḥ ǀ sūnúḥ ǀ ná ǀ trayayā́yyaḥ ǁ
Padapatha Transcription Nonaccented
adha ǀ hi ǀ vikṣu ǀ īḍyaḥ ǀ asi ǀ priyaḥ ǀ naḥ ǀ atithiḥ ǀ
raṇvaḥ ǀ puri-iva ǀ jūryaḥ ǀ sūnuḥ ǀ na ǀ trayayāyyaḥ ǁ
06.002.08 (Mandala. Sukta. Rik)
4.5.02.03 (Ashtaka. Adhyaya. Varga. Rik)
06.01.021 (Mandala. Anuvāka. Rik)
Samhita Devanagari Accented
क्रत्वा॒ हि द्रोणे॑ अ॒ज्यसेऽग्ने॑ वा॒जी न कृत्व्यः॑ ।
परि॑ज्मेव स्व॒धा गयोऽत्यो॒ न ह्वा॒र्यः शिशुः॑ ॥
Samhita Devanagari Nonaccented
क्रत्वा हि द्रोणे अज्यसेऽग्ने वाजी न कृत्व्यः ।
परिज्मेव स्वधा गयोऽत्यो न ह्वार्यः शिशुः ॥
Samhita Transcription Accented
krátvā hí dróṇe ajyásé’gne vājī́ ná kṛ́tvyaḥ ǀ
párijmeva svadhā́ gáyó’tyo ná hvāryáḥ śíśuḥ ǁ
Samhita Transcription Nonaccented
kratvā hi droṇe ajyase’gne vājī na kṛtvyaḥ ǀ
parijmeva svadhā gayo’tyo na hvāryaḥ śiśuḥ ǁ
Padapatha Devanagari Accented
क्रत्वा॑ । हि । द्रोणे॑ । अ॒ज्यसे॑ । अग्ने॑ । वा॒जी । न । कृत्व्यः॑ ।
परि॑ज्माऽइव । स्व॒धा । गयः॑ । अत्यः॑ । न । ह्वा॒र्यः । शिशुः॑ ॥
Padapatha Devanagari Nonaccented
क्रत्वा । हि । द्रोणे । अज्यसे । अग्ने । वाजी । न । कृत्व्यः ।
परिज्माऽइव । स्वधा । गयः । अत्यः । न । ह्वार्यः । शिशुः ॥
Padapatha Transcription Accented
krátvā ǀ hí ǀ dróṇe ǀ ajyáse ǀ ágne ǀ vājī́ ǀ ná ǀ kṛ́tvyaḥ ǀ
párijmā-iva ǀ svadhā́ ǀ gáyaḥ ǀ átyaḥ ǀ ná ǀ hvāryáḥ ǀ śíśuḥ ǁ
Padapatha Transcription Nonaccented
kratvā ǀ hi ǀ droṇe ǀ ajyase ǀ agne ǀ vājī ǀ na ǀ kṛtvyaḥ ǀ
parijmā-iva ǀ svadhā ǀ gayaḥ ǀ atyaḥ ǀ na ǀ hvāryaḥ ǀ śiśuḥ ǁ
06.002.09 (Mandala. Sukta. Rik)
4.5.02.04 (Ashtaka. Adhyaya. Varga. Rik)
06.01.022 (Mandala. Anuvāka. Rik)
Samhita Devanagari Accented
त्वं त्या चि॒दच्यु॒ताग्ने॑ प॒शुर्न यव॑से ।
धामा॑ ह॒ यत्ते॑ अजर॒ वना॑ वृ॒श्चंति॒ शिक्व॑सः ॥
Samhita Devanagari Nonaccented
त्वं त्या चिदच्युताग्ने पशुर्न यवसे ।
धामा ह यत्ते अजर वना वृश्चंति शिक्वसः ॥
Samhita Transcription Accented
tvám tyā́ cidácyutā́gne paśúrná yávase ǀ
dhā́mā ha yátte ajara vánā vṛścánti śíkvasaḥ ǁ
Samhita Transcription Nonaccented
tvam tyā cidacyutāgne paśurna yavase ǀ
dhāmā ha yatte ajara vanā vṛścanti śikvasaḥ ǁ
Padapatha Devanagari Accented
त्वम् । त्या । चि॒त् । अच्यु॑ता । अग्ने॑ । प॒शुः । न । यव॑से ।
धाम॑ । ह॒ । यत् । ते॒ । अ॒ज॒र॒ । वना॑ । वृ॒श्चन्ति॑ । शिक्व॑सः ॥
Padapatha Devanagari Nonaccented
त्वम् । त्या । चित् । अच्युता । अग्ने । पशुः । न । यवसे ।
धाम । ह । यत् । ते । अजर । वना । वृश्चन्ति । शिक्वसः ॥
Padapatha Transcription Accented
tvám ǀ tyā́ ǀ cit ǀ ácyutā ǀ ágne ǀ paśúḥ ǀ ná ǀ yávase ǀ
dhā́ma ǀ ha ǀ yát ǀ te ǀ ajara ǀ vánā ǀ vṛścánti ǀ śíkvasaḥ ǁ
Padapatha Transcription Nonaccented
tvam ǀ tyā ǀ cit ǀ acyutā ǀ agne ǀ paśuḥ ǀ na ǀ yavase ǀ
dhāma ǀ ha ǀ yat ǀ te ǀ ajara ǀ vanā ǀ vṛścanti ǀ śikvasaḥ ǁ
06.002.10 (Mandala. Sukta. Rik)
4.5.02.05 (Ashtaka. Adhyaya. Varga. Rik)
06.01.023 (Mandala. Anuvāka. Rik)
Samhita Devanagari Accented
वेषि॒ ह्य॑ध्वरीय॒तामग्ने॒ होता॒ दमे॑ वि॒शां ।
स॒मृधो॑ विश्पते कृणु जु॒षस्व॑ ह॒व्यमं॑गिरः ॥
Samhita Devanagari Nonaccented
वेषि ह्यध्वरीयतामग्ने होता दमे विशां ।
समृधो विश्पते कृणु जुषस्व हव्यमंगिरः ॥
Samhita Transcription Accented
véṣi hyádhvarīyatā́mágne hótā dáme viśā́m ǀ
samṛ́dho viśpate kṛṇu juṣásva havyámaṅgiraḥ ǁ
Samhita Transcription Nonaccented
veṣi hyadhvarīyatāmagne hotā dame viśām ǀ
samṛdho viśpate kṛṇu juṣasva havyamaṅgiraḥ ǁ
Padapatha Devanagari Accented
वेषि॑ । हि । अ॒ध्व॒रि॒ऽय॒ताम् । अग्ने॑ । होता॑ । दमे॑ । वि॒शाम् ।
स॒म्ऽऋधः॑ । वि॒श्प॒ते॒ । कृ॒णु॒ । जु॒षस्व॑ । ह॒व्यम् । अ॒ङ्गि॒रः॒ ॥
Padapatha Devanagari Nonaccented
वेषि । हि । अध्वरिऽयताम् । अग्ने । होता । दमे । विशाम् ।
सम्ऽऋधः । विश्पते । कृणु । जुषस्व । हव्यम् । अङ्गिरः ॥
Padapatha Transcription Accented
véṣi ǀ hí ǀ adhvari-yatā́m ǀ ágne ǀ hótā ǀ dáme ǀ viśā́m ǀ
sam-ṛ́dhaḥ ǀ viśpate ǀ kṛṇu ǀ juṣásva ǀ havyám ǀ aṅgiraḥ ǁ
Padapatha Transcription Nonaccented
veṣi ǀ hi ǀ adhvari-yatām ǀ agne ǀ hotā ǀ dame ǀ viśām ǀ
sam-ṛdhaḥ ǀ viśpate ǀ kṛṇu ǀ juṣasva ǀ havyam ǀ aṅgiraḥ ǁ
06.002.11 (Mandala. Sukta. Rik)
4.5.02.06 (Ashtaka. Adhyaya. Varga. Rik)
06.01.024 (Mandala. Anuvāka. Rik)
Samhita Devanagari Accented
अच्छा॑ नो मित्रमहो देव दे॒वानग्ने॒ वोचः॑ सुम॒तिं रोद॑स्योः ।
वी॒हि स्व॒स्तिं सु॑क्षि॒तिं दि॒वो नॄंद्वि॒षो अंहां॑सि दुरि॒ता त॑रेम॒ ता त॑रेम॒ तवाव॑सा तरेम ॥
Samhita Devanagari Nonaccented
अच्छा नो मित्रमहो देव देवानग्ने वोचः सुमतिं रोदस्योः ।
वीहि स्वस्तिं सुक्षितिं दिवो नॄंद्विषो अंहांसि दुरिता तरेम ता तरेम तवावसा तरेम ॥
Samhita Transcription Accented
ácchā no mitramaho deva devā́nágne vócaḥ sumatím ródasyoḥ ǀ
vīhí svastím sukṣitím divó nṝ́ndviṣó áṃhāṃsi duritā́ tarema tā́ tarema távā́vasā tarema ǁ
Samhita Transcription Nonaccented
acchā no mitramaho deva devānagne vocaḥ sumatim rodasyoḥ ǀ
vīhi svastim sukṣitim divo nṝndviṣo aṃhāṃsi duritā tarema tā tarema tavāvasā tarema ǁ
Padapatha Devanagari Accented
अच्छ॑ । नः॒ । मि॒त्र॒ऽम॒हः॒ । दे॒व॒ । दे॒वान् । अग्ने॑ । वोचः॑ । सु॒ऽम॒तिम् । रोद॑स्योः ।
वी॒हि । स्व॒स्तिम् । सु॒ऽक्षि॒तिम् । दि॒वः । नॄन् । द्वि॒षः । अंहां॑सि । दुः॒ऽइ॒ता । त॒रे॒म॒ । ता । त॒रे॒म॒ । तव॑ । अव॑सा । त॒रे॒म॒ ॥
Padapatha Devanagari Nonaccented
अच्छ । नः । मित्रऽमहः । देव । देवान् । अग्ने । वोचः । सुऽमतिम् । रोदस्योः ।
वीहि । स्वस्तिम् । सुऽक्षितिम् । दिवः । नॄन् । द्विषः । अंहांसि । दुःऽइता । तरेम । ता । तरेम । तव । अवसा । तरेम ॥
Padapatha Transcription Accented
áccha ǀ naḥ ǀ mitra-mahaḥ ǀ deva ǀ devā́n ǀ ágne ǀ vócaḥ ǀ su-matím ǀ ródasyoḥ ǀ
vīhí ǀ svastím ǀ su-kṣitím ǀ diváḥ ǀ nṝ́n ǀ dviṣáḥ ǀ áṃhāṃsi ǀ duḥ-itā́ ǀ tarema ǀ tā́ ǀ tarema ǀ táva ǀ ávasā ǀ tarema ǁ
Padapatha Transcription Nonaccented
accha ǀ naḥ ǀ mitra-mahaḥ ǀ deva ǀ devān ǀ agne ǀ vocaḥ ǀ su-matim ǀ rodasyoḥ ǀ
vīhi ǀ svastim ǀ su-kṣitim ǀ divaḥ ǀ nṝn ǀ dviṣaḥ ǀ aṃhāṃsi ǀ duḥ-itā ǀ tarema ǀ tā ǀ tarema ǀ tava ǀ avasā ǀ tarema ǁ