|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 5
|
1. Info |
| To: | agni | |
| From: | bharadvāja bārhaspatya | |
| Metres: | 1st set of styles: nicṛttriṣṭup (2, 5-7); triṣṭup (1, 4); bhurikpaṅkti (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.005.01 (Mandala. Sukta. Rik)
4.5.07.01 (Ashtaka. Adhyaya. Varga. Rik)
06.01.041 (Mandala. Anuvāka. Rik)
Samhita Devanagari Accented
हु॒वे वः॑ सू॒नुं सह॑सो॒ युवा॑न॒मद्रो॑घवाचं म॒तिभि॒र्यवि॑ष्ठं ।
य इन्व॑ति॒ द्रवि॑णानि॒ प्रचे॑ता वि॒श्ववा॑राणि पुरु॒वारो॑ अ॒ध्रुक् ॥
Samhita Devanagari Nonaccented
हुवे वः सूनुं सहसो युवानमद्रोघवाचं मतिभिर्यविष्ठं ।
य इन्वति द्रविणानि प्रचेता विश्ववाराणि पुरुवारो अध्रुक् ॥
Samhita Transcription Accented
huvé vaḥ sūnúm sáhaso yúvānamádroghavācam matíbhiryáviṣṭham ǀ
yá ínvati dráviṇāni prácetā viśvávārāṇi puruvā́ro adhrúk ǁ
Samhita Transcription Nonaccented
huve vaḥ sūnum sahaso yuvānamadroghavācam matibhiryaviṣṭham ǀ
ya invati draviṇāni pracetā viśvavārāṇi puruvāro adhruk ǁ
Padapatha Devanagari Accented
हु॒वे । वः॒ । सू॒नुम् । सह॑सः । युवा॑नम् । अद्रो॑घऽवाचम् । म॒तिऽभिः॑ । यवि॑ष्ठम् ।
यः । इन्व॑ति । द्रवि॑णानि । प्रऽचे॑ताः । वि॒श्वऽवा॑राणि । पु॒रु॒ऽवारः॑ । अ॒ध्रुक् ॥
Padapatha Devanagari Nonaccented
हुवे । वः । सूनुम् । सहसः । युवानम् । अद्रोघऽवाचम् । मतिऽभिः । यविष्ठम् ।
यः । इन्वति । द्रविणानि । प्रऽचेताः । विश्वऽवाराणि । पुरुऽवारः । अध्रुक् ॥
Padapatha Transcription Accented
huvé ǀ vaḥ ǀ sūnúm ǀ sáhasaḥ ǀ yúvānam ǀ ádrogha-vācam ǀ matí-bhiḥ ǀ yáviṣṭham ǀ
yáḥ ǀ ínvati ǀ dráviṇāni ǀ prá-cetāḥ ǀ viśvá-vārāṇi ǀ puru-vā́raḥ ǀ adhrúk ǁ
Padapatha Transcription Nonaccented
huve ǀ vaḥ ǀ sūnum ǀ sahasaḥ ǀ yuvānam ǀ adrogha-vācam ǀ mati-bhiḥ ǀ yaviṣṭham ǀ
yaḥ ǀ invati ǀ draviṇāni ǀ pra-cetāḥ ǀ viśva-vārāṇi ǀ puru-vāraḥ ǀ adhruk ǁ
06.005.02 (Mandala. Sukta. Rik)
4.5.07.02 (Ashtaka. Adhyaya. Varga. Rik)
06.01.042 (Mandala. Anuvāka. Rik)
Samhita Devanagari Accented
त्वे वसू॑नि पुर्वणीक होतर्दो॒षा वस्तो॒रेरि॑रे य॒ज्ञिया॑सः ।
क्षामे॑व॒ विश्वा॒ भुव॑नानि॒ यस्मि॒न्त्सं सौभ॑गानि दधि॒रे पा॑व॒के ॥
Samhita Devanagari Nonaccented
त्वे वसूनि पुर्वणीक होतर्दोषा वस्तोरेरिरे यज्ञियासः ।
क्षामेव विश्वा भुवनानि यस्मिन्त्सं सौभगानि दधिरे पावके ॥
Samhita Transcription Accented
tvé vásūni purvaṇīka hotardoṣā́ vástorérire yajñíyāsaḥ ǀ
kṣā́meva víśvā bhúvanāni yásmintsám sáubhagāni dadhiré pāvaké ǁ
Samhita Transcription Nonaccented
tve vasūni purvaṇīka hotardoṣā vastorerire yajñiyāsaḥ ǀ
kṣāmeva viśvā bhuvanāni yasmintsam saubhagāni dadhire pāvake ǁ
Padapatha Devanagari Accented
त्वे इति॑ । वसू॑नि । पु॒रु॒ऽअ॒नी॒क॒ । हो॒तः॒ । दो॒षा । वस्तोः॑ । आ । ई॒रि॒रे॒ । य॒ज्ञिया॑सः ।
क्षाम॑ऽइव । विश्वा॑ । भुव॑नानि । यस्मि॑न् । सम् । सौभ॑गानि । द॒धि॒रे । पा॒व॒के ॥
Padapatha Devanagari Nonaccented
त्वे इति । वसूनि । पुरुऽअनीक । होतः । दोषा । वस्तोः । आ । ईरिरे । यज्ञियासः ।
क्षामऽइव । विश्वा । भुवनानि । यस्मिन् । सम् । सौभगानि । दधिरे । पावके ॥
Padapatha Transcription Accented
tvé íti ǀ vásūni ǀ puru-anīka ǀ hotaḥ ǀ doṣā́ ǀ vástoḥ ǀ ā́ ǀ īrire ǀ yajñíyāsaḥ ǀ
kṣā́ma-iva ǀ víśvā ǀ bhúvanāni ǀ yásmin ǀ sám ǀ sáubhagāni ǀ dadhiré ǀ pāvaké ǁ
Padapatha Transcription Nonaccented
tve iti ǀ vasūni ǀ puru-anīka ǀ hotaḥ ǀ doṣā ǀ vastoḥ ǀ ā ǀ īrire ǀ yajñiyāsaḥ ǀ
kṣāma-iva ǀ viśvā ǀ bhuvanāni ǀ yasmin ǀ sam ǀ saubhagāni ǀ dadhire ǀ pāvake ǁ
06.005.03 (Mandala. Sukta. Rik)
4.5.07.03 (Ashtaka. Adhyaya. Varga. Rik)
06.01.043 (Mandala. Anuvāka. Rik)
Samhita Devanagari Accented
त्वं वि॒क्षु प्र॒दिवः॑ सीद आ॒सु क्रत्वा॑ र॒थीर॑भवो॒ वार्या॑णां ।
अत॑ इनोषि विध॒ते चि॑कित्वो॒ व्या॑नु॒षग्जा॑तवेदो॒ वसू॑नि ॥
Samhita Devanagari Nonaccented
त्वं विक्षु प्रदिवः सीद आसु क्रत्वा रथीरभवो वार्याणां ।
अत इनोषि विधते चिकित्वो व्यानुषग्जातवेदो वसूनि ॥
Samhita Transcription Accented
tvám vikṣú pradívaḥ sīda āsú krátvā rathī́rabhavo vā́ryāṇām ǀ
áta inoṣi vidhaté cikitvo vyā́nuṣágjātavedo vásūni ǁ
Samhita Transcription Nonaccented
tvam vikṣu pradivaḥ sīda āsu kratvā rathīrabhavo vāryāṇām ǀ
ata inoṣi vidhate cikitvo vyānuṣagjātavedo vasūni ǁ
Padapatha Devanagari Accented
त्वम् । वि॒क्षु । प्र॒ऽदिवः॑ । सी॒दः॒ । आ॒सु । क्रत्वा॑ । र॒थीः । अ॒भ॒वः॒ । वार्या॑णाम् ।
अतः॑ । इ॒नो॒षि॒ । वि॒ध॒ते । चि॒कि॒त्वः॒ । वि । आ॒नु॒षक् । जा॒त॒ऽवे॒दः॒ । वसू॑नि ॥
Padapatha Devanagari Nonaccented
त्वम् । विक्षु । प्रऽदिवः । सीदः । आसु । क्रत्वा । रथीः । अभवः । वार्याणाम् ।
अतः । इनोषि । विधते । चिकित्वः । वि । आनुषक् । जातऽवेदः । वसूनि ॥
Padapatha Transcription Accented
tvám ǀ vikṣú ǀ pra-dívaḥ ǀ sīdaḥ ǀ āsú ǀ krátvā ǀ rathī́ḥ ǀ abhavaḥ ǀ vā́ryāṇām ǀ
átaḥ ǀ inoṣi ǀ vidhaté ǀ cikitvaḥ ǀ ví ǀ ānuṣák ǀ jāta-vedaḥ ǀ vásūni ǁ
Padapatha Transcription Nonaccented
tvam ǀ vikṣu ǀ pra-divaḥ ǀ sīdaḥ ǀ āsu ǀ kratvā ǀ rathīḥ ǀ abhavaḥ ǀ vāryāṇām ǀ
ataḥ ǀ inoṣi ǀ vidhate ǀ cikitvaḥ ǀ vi ǀ ānuṣak ǀ jāta-vedaḥ ǀ vasūni ǁ
06.005.04 (Mandala. Sukta. Rik)
4.5.07.04 (Ashtaka. Adhyaya. Varga. Rik)
06.01.044 (Mandala. Anuvāka. Rik)
Samhita Devanagari Accented
यो नः॒ सनु॑त्यो अभि॒दास॑दग्ने॒ यो अंत॑रो मित्रमहो वनु॒ष्यात् ।
तम॒जरे॑भि॒र्वृष॑भि॒स्तव॒ स्वैस्तपा॑ तपिष्ठ॒ तप॑सा॒ तप॑स्वान् ॥
Samhita Devanagari Nonaccented
यो नः सनुत्यो अभिदासदग्ने यो अंतरो मित्रमहो वनुष्यात् ।
तमजरेभिर्वृषभिस्तव स्वैस्तपा तपिष्ठ तपसा तपस्वान् ॥
Samhita Transcription Accented
yó naḥ sánutyo abhidā́sadagne yó ántaro mitramaho vanuṣyā́t ǀ
támajárebhirvṛ́ṣabhistáva sváistápā tapiṣṭha tápasā tápasvān ǁ
Samhita Transcription Nonaccented
yo naḥ sanutyo abhidāsadagne yo antaro mitramaho vanuṣyāt ǀ
tamajarebhirvṛṣabhistava svaistapā tapiṣṭha tapasā tapasvān ǁ
Padapatha Devanagari Accented
यः । नः॒ । सनु॑त्यः । अ॒भि॒ऽदास॑त् । अ॒ग्ने॒ । यः । अन्त॑रः । मि॒त्र॒ऽम॒हः॒ । व॒नु॒ष्यात् ।
तम् । अ॒जरे॑भिः । वृष॑ऽभिः । तव॑ । स्वैः । तप॑ । त॒पि॒ष्ठ॒ । तप॑सा । तप॑स्वान् ॥
Padapatha Devanagari Nonaccented
यः । नः । सनुत्यः । अभिऽदासत् । अग्ने । यः । अन्तरः । मित्रऽमहः । वनुष्यात् ।
तम् । अजरेभिः । वृषऽभिः । तव । स्वैः । तप । तपिष्ठ । तपसा । तपस्वान् ॥
Padapatha Transcription Accented
yáḥ ǀ naḥ ǀ sánutyaḥ ǀ abhi-dā́sat ǀ agne ǀ yáḥ ǀ ántaraḥ ǀ mitra-mahaḥ ǀ vanuṣyā́t ǀ
tám ǀ ajárebhiḥ ǀ vṛ́ṣa-bhiḥ ǀ táva ǀ sváiḥ ǀ tápa ǀ tapiṣṭha ǀ tápasā ǀ tápasvān ǁ
Padapatha Transcription Nonaccented
yaḥ ǀ naḥ ǀ sanutyaḥ ǀ abhi-dāsat ǀ agne ǀ yaḥ ǀ antaraḥ ǀ mitra-mahaḥ ǀ vanuṣyāt ǀ
tam ǀ ajarebhiḥ ǀ vṛṣa-bhiḥ ǀ tava ǀ svaiḥ ǀ tapa ǀ tapiṣṭha ǀ tapasā ǀ tapasvān ǁ
06.005.05 (Mandala. Sukta. Rik)
4.5.07.05 (Ashtaka. Adhyaya. Varga. Rik)
06.01.045 (Mandala. Anuvāka. Rik)
Samhita Devanagari Accented
यस्ते॑ य॒ज्ञेन॑ स॒मिधा॒ य उ॒क्थैर॒र्केभिः॑ सूनो सहसो॒ ददा॑शत् ।
स मर्त्ये॑ष्वमृत॒ प्रचे॑ता रा॒या द्यु॒म्नेन॒ श्रव॑सा॒ वि भा॑ति ॥
Samhita Devanagari Nonaccented
यस्ते यज्ञेन समिधा य उक्थैरर्केभिः सूनो सहसो ददाशत् ।
स मर्त्येष्वमृत प्रचेता राया द्युम्नेन श्रवसा वि भाति ॥
Samhita Transcription Accented
yáste yajñéna samídhā yá uktháirarkébhiḥ sūno sahaso dádāśat ǀ
sá mártyeṣvamṛta prácetā rāyā́ dyumnéna śrávasā ví bhāti ǁ
Samhita Transcription Nonaccented
yaste yajñena samidhā ya ukthairarkebhiḥ sūno sahaso dadāśat ǀ
sa martyeṣvamṛta pracetā rāyā dyumnena śravasā vi bhāti ǁ
Padapatha Devanagari Accented
यः । ते॒ । य॒ज्ञेन॑ । स॒म्ऽइधा॑ । यः । उ॒क्थैः । अ॒र्केभिः॑ । सू॒नो॒ इति॑ । स॒ह॒सः॒ । ददा॑शत् ।
सः । मर्त्ये॑षु । अ॒मृ॒त॒ । प्रऽचे॑ताः । रा॒या । द्यु॒म्नेन॑ । श्रव॑सा । वि । भा॒ति॒ ॥
Padapatha Devanagari Nonaccented
यः । ते । यज्ञेन । सम्ऽइधा । यः । उक्थैः । अर्केभिः । सूनो इति । सहसः । ददाशत् ।
सः । मर्त्येषु । अमृत । प्रऽचेताः । राया । द्युम्नेन । श्रवसा । वि । भाति ॥
Padapatha Transcription Accented
yáḥ ǀ te ǀ yajñéna ǀ sam-ídhā ǀ yáḥ ǀ uktháiḥ ǀ arkébhiḥ ǀ sūno íti ǀ sahasaḥ ǀ dádāśat ǀ
sáḥ ǀ mártyeṣu ǀ amṛta ǀ prá-cetāḥ ǀ rāyā́ ǀ dyumnéna ǀ śrávasā ǀ ví ǀ bhāti ǁ
Padapatha Transcription Nonaccented
yaḥ ǀ te ǀ yajñena ǀ sam-idhā ǀ yaḥ ǀ ukthaiḥ ǀ arkebhiḥ ǀ sūno iti ǀ sahasaḥ ǀ dadāśat ǀ
saḥ ǀ martyeṣu ǀ amṛta ǀ pra-cetāḥ ǀ rāyā ǀ dyumnena ǀ śravasā ǀ vi ǀ bhāti ǁ
06.005.06 (Mandala. Sukta. Rik)
4.5.07.06 (Ashtaka. Adhyaya. Varga. Rik)
06.01.046 (Mandala. Anuvāka. Rik)
Samhita Devanagari Accented
स तत्कृ॑धीषि॒तस्तूय॑मग्ने॒ स्पृधो॑ बाधस्व॒ सह॑सा॒ सह॑स्वान् ।
यच्छ॒स्यसे॒ द्युभि॑र॒क्तो वचो॑भि॒स्तज्जु॑षस्व जरि॒तुर्घोषि॒ मन्म॑ ॥
Samhita Devanagari Nonaccented
स तत्कृधीषितस्तूयमग्ने स्पृधो बाधस्व सहसा सहस्वान् ।
यच्छस्यसे द्युभिरक्तो वचोभिस्तज्जुषस्व जरितुर्घोषि मन्म ॥
Samhita Transcription Accented
sá tátkṛdhīṣitástū́yamagne spṛ́dho bādhasva sáhasā sáhasvān ǀ
yácchasyáse dyúbhiraktó vácobhistájjuṣasva jaritúrghóṣi mánma ǁ
Samhita Transcription Nonaccented
sa tatkṛdhīṣitastūyamagne spṛdho bādhasva sahasā sahasvān ǀ
yacchasyase dyubhirakto vacobhistajjuṣasva jariturghoṣi manma ǁ
Padapatha Devanagari Accented
सः । तत् । कृ॒धि॒ । इ॒षि॒तः । तूय॑म् । अ॒ग्ने॒ । स्पृधः॑ । बा॒ध॒स्व॒ । सह॑सा । सह॑स्वान् ।
यत् । श॒स्यसे॑ । द्युऽभिः॑ । अ॒क्तः । वचः॑ऽभिः । तत् । जु॒ष॒स्व॒ । ज॒रि॒तुः । घोषि॑ । मन्म॑ ॥
Padapatha Devanagari Nonaccented
सः । तत् । कृधि । इषितः । तूयम् । अग्ने । स्पृधः । बाधस्व । सहसा । सहस्वान् ।
यत् । शस्यसे । द्युऽभिः । अक्तः । वचःऽभिः । तत् । जुषस्व । जरितुः । घोषि । मन्म ॥
Padapatha Transcription Accented
sáḥ ǀ tát ǀ kṛdhi ǀ iṣitáḥ ǀ tū́yam ǀ agne ǀ spṛ́dhaḥ ǀ bādhasva ǀ sáhasā ǀ sáhasvān ǀ
yát ǀ śasyáse ǀ dyú-bhiḥ ǀ aktáḥ ǀ vácaḥ-bhiḥ ǀ tát ǀ juṣasva ǀ jaritúḥ ǀ ghóṣi ǀ mánma ǁ
Padapatha Transcription Nonaccented
saḥ ǀ tat ǀ kṛdhi ǀ iṣitaḥ ǀ tūyam ǀ agne ǀ spṛdhaḥ ǀ bādhasva ǀ sahasā ǀ sahasvān ǀ
yat ǀ śasyase ǀ dyu-bhiḥ ǀ aktaḥ ǀ vacaḥ-bhiḥ ǀ tat ǀ juṣasva ǀ jarituḥ ǀ ghoṣi ǀ manma ǁ
06.005.07 (Mandala. Sukta. Rik)
4.5.07.07 (Ashtaka. Adhyaya. Varga. Rik)
06.01.047 (Mandala. Anuvāka. Rik)
Samhita Devanagari Accented
अ॒श्याम॒ तं काम॑मग्ने॒ तवो॒ती अ॒श्याम॑ र॒यिं र॑यिवः सु॒वीरं॑ ।
अ॒श्याम॒ वाज॑म॒भि वा॒जयं॑तो॒ऽश्याम॑ द्यु॒म्नम॑जरा॒जरं॑ ते ॥
Samhita Devanagari Nonaccented
अश्याम तं काममग्ने तवोती अश्याम रयिं रयिवः सुवीरं ।
अश्याम वाजमभि वाजयंतोऽश्याम द्युम्नमजराजरं ते ॥
Samhita Transcription Accented
aśyā́ma tám kā́mamagne távotī́ aśyā́ma rayím rayivaḥ suvī́ram ǀ
aśyā́ma vā́jamabhí vājáyanto’śyā́ma dyumnámajarājáram te ǁ
Samhita Transcription Nonaccented
aśyāma tam kāmamagne tavotī aśyāma rayim rayivaḥ suvīram ǀ
aśyāma vājamabhi vājayanto’śyāma dyumnamajarājaram te ǁ
Padapatha Devanagari Accented
अ॒श्याम॑ । तम् । काम॑म् । अ॒ग्ने॒ । तव॑ । ऊ॒ती । अ॒श्याम॑ । र॒यिम् । र॒यि॒ऽवः॒ । सु॒ऽवीर॑म् ।
अ॒श्याम॑ । वाज॑म् । अ॒भि । वा॒जय॑न्तः । अ॒श्याम॑ । द्यु॒म्नम् । अ॒ज॒र॒ । अ॒जर॑म् । ते॒ ॥
Padapatha Devanagari Nonaccented
अश्याम । तम् । कामम् । अग्ने । तव । ऊती । अश्याम । रयिम् । रयिऽवः । सुऽवीरम् ।
अश्याम । वाजम् । अभि । वाजयन्तः । अश्याम । द्युम्नम् । अजर । अजरम् । ते ॥
Padapatha Transcription Accented
aśyā́ma ǀ tám ǀ kā́mam ǀ agne ǀ táva ǀ ūtī́ ǀ aśyā́ma ǀ rayím ǀ rayi-vaḥ ǀ su-vī́ram ǀ
aśyā́ma ǀ vā́jam ǀ abhí ǀ vājáyantaḥ ǀ aśyā́ma ǀ dyumnám ǀ ajara ǀ ajáram ǀ te ǁ
Padapatha Transcription Nonaccented
aśyāma ǀ tam ǀ kāmam ǀ agne ǀ tava ǀ ūtī ǀ aśyāma ǀ rayim ǀ rayi-vaḥ ǀ su-vīram ǀ
aśyāma ǀ vājam ǀ abhi ǀ vājayantaḥ ǀ aśyāma ǀ dyumnam ǀ ajara ǀ ajaram ǀ te ǁ