|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 7
|
1. Info |
| To: | agni vaiśvānara | |
| From: | bharadvāja bārhaspatya | |
| Metres: | 1st set of styles: triṣṭup (1); nicṛttriṣṭup (2); nicṛtpaṅkti (3); svarāṭpaṅkti (4); paṅktiḥ (5); jagatī (6); svarāṭtriṣṭup (7) 2nd set of styles: triṣṭubh (1-5); jagatī (6, 7) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.007.01 (Mandala. Sukta. Rik)
4.5.09.01 (Ashtaka. Adhyaya. Varga. Rik)
06.01.055 (Mandala. Anuvāka. Rik)
Samhita Devanagari Accented
मू॒र्धानं॑ दि॒वो अ॑र॒तिं पृ॑थि॒व्या वै॑श्वान॒रमृ॒त आ जा॒तम॒ग्निं ।
क॒विं स॒म्राज॒मति॑थिं॒ जना॑नामा॒सन्ना पात्रं॑ जनयंत दे॒वाः ॥
Samhita Devanagari Nonaccented
मूर्धानं दिवो अरतिं पृथिव्या वैश्वानरमृत आ जातमग्निं ।
कविं सम्राजमतिथिं जनानामासन्ना पात्रं जनयंत देवाः ॥
Samhita Transcription Accented
mūrdhā́nam divó aratím pṛthivyā́ vaiśvānarámṛtá ā́ jātámagním ǀ
kavím samrā́jamátithim jánānāmāsánnā́ pā́tram janayanta devā́ḥ ǁ
Samhita Transcription Nonaccented
mūrdhānam divo aratim pṛthivyā vaiśvānaramṛta ā jātamagnim ǀ
kavim samrājamatithim janānāmāsannā pātram janayanta devāḥ ǁ
Padapatha Devanagari Accented
मू॒र्धान॑म् । दि॒वः । अ॒र॒तिम् । पृ॒थि॒व्याः । वै॒श्वा॒न॒रम् । ऋ॒ते । आ । जा॒तम् । अ॒ग्निम् ।
क॒विम् । स॒म्ऽराज॑म् । अति॑थिम् । जना॑नाम् । आ॒सन् । आ । पात्र॑म् । ज॒न॒य॒न्त॒ । दे॒वाः ॥
Padapatha Devanagari Nonaccented
मूर्धानम् । दिवः । अरतिम् । पृथिव्याः । वैश्वानरम् । ऋते । आ । जातम् । अग्निम् ।
कविम् । सम्ऽराजम् । अतिथिम् । जनानाम् । आसन् । आ । पात्रम् । जनयन्त । देवाः ॥
Padapatha Transcription Accented
mūrdhā́nam ǀ diváḥ ǀ aratím ǀ pṛthivyā́ḥ ǀ vaiśvānarám ǀ ṛté ǀ ā́ ǀ jātám ǀ agním ǀ
kavím ǀ sam-rā́jam ǀ átithim ǀ jánānām ǀ āsán ǀ ā́ ǀ pā́tram ǀ janayanta ǀ devā́ḥ ǁ
Padapatha Transcription Nonaccented
mūrdhānam ǀ divaḥ ǀ aratim ǀ pṛthivyāḥ ǀ vaiśvānaram ǀ ṛte ǀ ā ǀ jātam ǀ agnim ǀ
kavim ǀ sam-rājam ǀ atithim ǀ janānām ǀ āsan ǀ ā ǀ pātram ǀ janayanta ǀ devāḥ ǁ
06.007.02 (Mandala. Sukta. Rik)
4.5.09.02 (Ashtaka. Adhyaya. Varga. Rik)
06.01.056 (Mandala. Anuvāka. Rik)
Samhita Devanagari Accented
नाभिं॑ य॒ज्ञानां॒ सद॑नं रयी॒णां म॒हामा॑हा॒वम॒भि सं न॑वंत ।
वै॒श्वा॒न॒रं र॒थ्य॑मध्व॒राणां॑ य॒ज्ञस्य॑ के॒तुं ज॑नयंत दे॒वाः ॥
Samhita Devanagari Nonaccented
नाभिं यज्ञानां सदनं रयीणां महामाहावमभि सं नवंत ।
वैश्वानरं रथ्यमध्वराणां यज्ञस्य केतुं जनयंत देवाः ॥
Samhita Transcription Accented
nā́bhim yajñā́nām sádanam rayīṇā́m mahā́māhāvámabhí sám navanta ǀ
vaiśvānarám rathyámadhvarā́ṇām yajñásya ketúm janayanta devā́ḥ ǁ
Samhita Transcription Nonaccented
nābhim yajñānām sadanam rayīṇām mahāmāhāvamabhi sam navanta ǀ
vaiśvānaram rathyamadhvarāṇām yajñasya ketum janayanta devāḥ ǁ
Padapatha Devanagari Accented
नाभि॑म् । य॒ज्ञाना॑म् । सद॑नम् । र॒यी॒णाम् । म॒हाम् । आ॒ऽहा॒वम् । अ॒भि । सम् । न॒व॒न्त॒ ।
वै॒श्वा॒न॒रम् । र॒थ्य॑म् । अ॒ध्व॒राणा॑म् । य॒ज्ञस्य॑ । के॒तुम् । ज॒न॒य॒न्त॒ । दे॒वाः ॥
Padapatha Devanagari Nonaccented
नाभिम् । यज्ञानाम् । सदनम् । रयीणाम् । महाम् । आऽहावम् । अभि । सम् । नवन्त ।
वैश्वानरम् । रथ्यम् । अध्वराणाम् । यज्ञस्य । केतुम् । जनयन्त । देवाः ॥
Padapatha Transcription Accented
nā́bhim ǀ yajñā́nām ǀ sádanam ǀ rayīṇā́m ǀ mahā́m ǀ ā-hāvám ǀ abhí ǀ sám ǀ navanta ǀ
vaiśvānarám ǀ rathyám ǀ adhvarā́ṇām ǀ yajñásya ǀ ketúm ǀ janayanta ǀ devā́ḥ ǁ
Padapatha Transcription Nonaccented
nābhim ǀ yajñānām ǀ sadanam ǀ rayīṇām ǀ mahām ǀ ā-hāvam ǀ abhi ǀ sam ǀ navanta ǀ
vaiśvānaram ǀ rathyam ǀ adhvarāṇām ǀ yajñasya ǀ ketum ǀ janayanta ǀ devāḥ ǁ
06.007.03 (Mandala. Sukta. Rik)
4.5.09.03 (Ashtaka. Adhyaya. Varga. Rik)
06.01.057 (Mandala. Anuvāka. Rik)
Samhita Devanagari Accented
त्वद्विप्रो॑ जायते वा॒ज्य॑ग्ने॒ त्वद्वी॒रासो॑ अभिमाति॒षाहः॑ ।
वैश्वा॑नर॒ त्वम॒स्मासु॑ धेहि॒ वसू॑नि राजन्त्स्पृह॒याय्या॑णि ॥
Samhita Devanagari Nonaccented
त्वद्विप्रो जायते वाज्यग्ने त्वद्वीरासो अभिमातिषाहः ।
वैश्वानर त्वमस्मासु धेहि वसूनि राजन्त्स्पृहयाय्याणि ॥
Samhita Transcription Accented
tvádvípro jāyate vājyágne tvádvīrā́so abhimātiṣā́haḥ ǀ
váiśvānara tvámasmā́su dhehi vásūni rājantspṛhayā́yyāṇi ǁ
Samhita Transcription Nonaccented
tvadvipro jāyate vājyagne tvadvīrāso abhimātiṣāhaḥ ǀ
vaiśvānara tvamasmāsu dhehi vasūni rājantspṛhayāyyāṇi ǁ
Padapatha Devanagari Accented
त्वत् । विप्रः॑ । जा॒य॒ते॒ । वा॒जी । अ॒ग्ने॒ । त्वत् । वी॒रासः॑ । अ॒भि॒मा॒ति॒ऽसहः॑ ।
वैश्वा॑नर । त्वम् । अ॒स्मासु॑ । धे॒हि॒ । वसू॑नि । रा॒ज॒न् । स्पृ॒ह॒याय्या॑णि ॥
Padapatha Devanagari Nonaccented
त्वत् । विप्रः । जायते । वाजी । अग्ने । त्वत् । वीरासः । अभिमातिऽसहः ।
वैश्वानर । त्वम् । अस्मासु । धेहि । वसूनि । राजन् । स्पृहयाय्याणि ॥
Padapatha Transcription Accented
tvát ǀ vípraḥ ǀ jāyate ǀ vājī́ ǀ agne ǀ tvát ǀ vīrā́saḥ ǀ abhimāti-sáhaḥ ǀ
váiśvānara ǀ tvám ǀ asmā́su ǀ dhehi ǀ vásūni ǀ rājan ǀ spṛhayā́yyāṇi ǁ
Padapatha Transcription Nonaccented
tvat ǀ vipraḥ ǀ jāyate ǀ vājī ǀ agne ǀ tvat ǀ vīrāsaḥ ǀ abhimāti-sahaḥ ǀ
vaiśvānara ǀ tvam ǀ asmāsu ǀ dhehi ǀ vasūni ǀ rājan ǀ spṛhayāyyāṇi ǁ
06.007.04 (Mandala. Sukta. Rik)
4.5.09.04 (Ashtaka. Adhyaya. Varga. Rik)
06.01.058 (Mandala. Anuvāka. Rik)
Samhita Devanagari Accented
त्वां विश्वे॑ अमृत॒ जाय॑मानं॒ शिशुं॒ न दे॒वा अ॒भि सं न॑वंते ।
तव॒ क्रतु॑भिरमृत॒त्वमा॑य॒न्वैश्वा॑नर॒ यत्पि॒त्रोरदी॑देः ॥
Samhita Devanagari Nonaccented
त्वां विश्वे अमृत जायमानं शिशुं न देवा अभि सं नवंते ।
तव क्रतुभिरमृतत्वमायन्वैश्वानर यत्पित्रोरदीदेः ॥
Samhita Transcription Accented
tvā́m víśve amṛta jā́yamānam śíśum ná devā́ abhí sám navante ǀ
táva krátubhiramṛtatvámāyanváiśvānara yátpitrórádīdeḥ ǁ
Samhita Transcription Nonaccented
tvām viśve amṛta jāyamānam śiśum na devā abhi sam navante ǀ
tava kratubhiramṛtatvamāyanvaiśvānara yatpitroradīdeḥ ǁ
Padapatha Devanagari Accented
त्वाम् । विश्वे॑ । अ॒मृ॒त॒ । जाय॑मानम् । शिशु॑म् । न । दे॒वाः । अ॒भि । सम् । न॒व॒न्ते॒ ।
तव॑ । क्रतु॑ऽभिः । अ॒मृ॒त॒ऽत्वम् । आ॒य॒न् । वैश्वा॑नर । यत् । पि॒त्रोः । अदी॑देः ॥
Padapatha Devanagari Nonaccented
त्वाम् । विश्वे । अमृत । जायमानम् । शिशुम् । न । देवाः । अभि । सम् । नवन्ते ।
तव । क्रतुऽभिः । अमृतऽत्वम् । आयन् । वैश्वानर । यत् । पित्रोः । अदीदेः ॥
Padapatha Transcription Accented
tvā́m ǀ víśve ǀ amṛta ǀ jā́yamānam ǀ śíśum ǀ ná ǀ devā́ḥ ǀ abhí ǀ sám ǀ navante ǀ
táva ǀ krátu-bhiḥ ǀ amṛta-tvám ǀ āyan ǀ váiśvānara ǀ yát ǀ pitróḥ ǀ ádīdeḥ ǁ
Padapatha Transcription Nonaccented
tvām ǀ viśve ǀ amṛta ǀ jāyamānam ǀ śiśum ǀ na ǀ devāḥ ǀ abhi ǀ sam ǀ navante ǀ
tava ǀ kratu-bhiḥ ǀ amṛta-tvam ǀ āyan ǀ vaiśvānara ǀ yat ǀ pitroḥ ǀ adīdeḥ ǁ
06.007.05 (Mandala. Sukta. Rik)
4.5.09.05 (Ashtaka. Adhyaya. Varga. Rik)
06.01.059 (Mandala. Anuvāka. Rik)
Samhita Devanagari Accented
वैश्वा॑नर॒ तव॒ तानि॑ व्र॒तानि॑ म॒हान्य॑ग्ने॒ नकि॒रा द॑धर्ष ।
यज्जाय॑मानः पि॒त्रोरु॒पस्थेऽविं॑दः के॒तुं व॒युने॒ष्वह्नां॑ ॥
Samhita Devanagari Nonaccented
वैश्वानर तव तानि व्रतानि महान्यग्ने नकिरा दधर्ष ।
यज्जायमानः पित्रोरुपस्थेऽविंदः केतुं वयुनेष्वह्नां ॥
Samhita Transcription Accented
váiśvānara táva tā́ni vratā́ni mahā́nyagne nákirā́ dadharṣa ǀ
yájjā́yamānaḥ pitrórupásthé’vindaḥ ketúm vayúneṣváhnām ǁ
Samhita Transcription Nonaccented
vaiśvānara tava tāni vratāni mahānyagne nakirā dadharṣa ǀ
yajjāyamānaḥ pitrorupasthe’vindaḥ ketum vayuneṣvahnām ǁ
Padapatha Devanagari Accented
वैश्वा॑नर । तव॑ । तानि॑ । व्र॒तानि॑ । म॒हानि॑ । अ॒ग्ने॒ । नकिः॑ । आ । द॒ध॒र्ष॒ ।
यत् । जाय॑मानः । पि॒त्रोः । उ॒पऽस्थे॑ । अवि॑न्दः । के॒तुम् । व॒युने॑षु । अह्ना॑म् ॥
Padapatha Devanagari Nonaccented
वैश्वानर । तव । तानि । व्रतानि । महानि । अग्ने । नकिः । आ । दधर्ष ।
यत् । जायमानः । पित्रोः । उपऽस्थे । अविन्दः । केतुम् । वयुनेषु । अह्नाम् ॥
Padapatha Transcription Accented
váiśvānara ǀ táva ǀ tā́ni ǀ vratā́ni ǀ mahā́ni ǀ agne ǀ nákiḥ ǀ ā́ ǀ dadharṣa ǀ
yát ǀ jā́yamānaḥ ǀ pitróḥ ǀ upá-sthe ǀ ávindaḥ ǀ ketúm ǀ vayúneṣu ǀ áhnām ǁ
Padapatha Transcription Nonaccented
vaiśvānara ǀ tava ǀ tāni ǀ vratāni ǀ mahāni ǀ agne ǀ nakiḥ ǀ ā ǀ dadharṣa ǀ
yat ǀ jāyamānaḥ ǀ pitroḥ ǀ upa-sthe ǀ avindaḥ ǀ ketum ǀ vayuneṣu ǀ ahnām ǁ
06.007.06 (Mandala. Sukta. Rik)
4.5.09.06 (Ashtaka. Adhyaya. Varga. Rik)
06.01.060 (Mandala. Anuvāka. Rik)
Samhita Devanagari Accented
वै॒श्वा॒न॒रस्य॒ विमि॑तानि॒ चक्ष॑सा॒ सानू॑नि दि॒वो अ॒मृत॑स्य के॒तुना॑ ।
तस्येदु॒ विश्वा॒ भुव॒नाधि॑ मू॒र्धनि॑ व॒या इ॑व रुरुहुः स॒प्त वि॒स्रुहः॑ ॥
Samhita Devanagari Nonaccented
वैश्वानरस्य विमितानि चक्षसा सानूनि दिवो अमृतस्य केतुना ।
तस्येदु विश्वा भुवनाधि मूर्धनि वया इव रुरुहुः सप्त विस्रुहः ॥
Samhita Transcription Accented
vaiśvānarásya vímitāni cákṣasā sā́nūni divó amṛ́tasya ketúnā ǀ
tásyédu víśvā bhúvanā́dhi mūrdháni vayā́ iva ruruhuḥ saptá visrúhaḥ ǁ
Samhita Transcription Nonaccented
vaiśvānarasya vimitāni cakṣasā sānūni divo amṛtasya ketunā ǀ
tasyedu viśvā bhuvanādhi mūrdhani vayā iva ruruhuḥ sapta visruhaḥ ǁ
Padapatha Devanagari Accented
वै॒श्वा॒न॒रस्य॑ । विऽमि॑तानि । चक्ष॑सा । सानू॑नि । दि॒वः । अ॒मृत॑स्य । के॒तुना॑ ।
तस्य॑ । इत् । ऊं॒ इति॑ । विश्वा॑ । भुव॑ना । अधि॑ । मू॒र्धनि॑ । व॒याःऽइ॑व । रु॒रु॒हुः॒ । स॒प्त । वि॒ऽस्रुहः॑ ॥
Padapatha Devanagari Nonaccented
वैश्वानरस्य । विऽमितानि । चक्षसा । सानूनि । दिवः । अमृतस्य । केतुना ।
तस्य । इत् । ऊं इति । विश्वा । भुवना । अधि । मूर्धनि । वयाःऽइव । रुरुहुः । सप्त । विऽस्रुहः ॥
Padapatha Transcription Accented
vaiśvānarásya ǀ ví-mitāni ǀ cákṣasā ǀ sā́nūni ǀ diváḥ ǀ amṛ́tasya ǀ ketúnā ǀ
tásya ǀ ít ǀ ūṃ íti ǀ víśvā ǀ bhúvanā ǀ ádhi ǀ mūrdháni ǀ vayā́ḥ-iva ǀ ruruhuḥ ǀ saptá ǀ vi-srúhaḥ ǁ
Padapatha Transcription Nonaccented
vaiśvānarasya ǀ vi-mitāni ǀ cakṣasā ǀ sānūni ǀ divaḥ ǀ amṛtasya ǀ ketunā ǀ
tasya ǀ it ǀ ūṃ iti ǀ viśvā ǀ bhuvanā ǀ adhi ǀ mūrdhani ǀ vayāḥ-iva ǀ ruruhuḥ ǀ sapta ǀ vi-sruhaḥ ǁ
06.007.07 (Mandala. Sukta. Rik)
4.5.09.07 (Ashtaka. Adhyaya. Varga. Rik)
06.01.061 (Mandala. Anuvāka. Rik)
Samhita Devanagari Accented
वि यो रजां॒स्यमि॑मीत सु॒क्रतु॑र्वैश्वान॒रो वि दि॒वो रो॑च॒ना क॒विः ।
परि॒ यो विश्वा॒ भुव॑नानि पप्र॒थेऽद॑ब्धो गो॒पा अ॒मृत॑स्य रक्षि॒ता ॥
Samhita Devanagari Nonaccented
वि यो रजांस्यमिमीत सुक्रतुर्वैश्वानरो वि दिवो रोचना कविः ।
परि यो विश्वा भुवनानि पप्रथेऽदब्धो गोपा अमृतस्य रक्षिता ॥
Samhita Transcription Accented
ví yó rájāṃsyámimīta sukráturvaiśvānaró ví divó rocanā́ kavíḥ ǀ
pári yó víśvā bhúvanāni paprathé’dabdho gopā́ amṛ́tasya rakṣitā́ ǁ
Samhita Transcription Nonaccented
vi yo rajāṃsyamimīta sukraturvaiśvānaro vi divo rocanā kaviḥ ǀ
pari yo viśvā bhuvanāni paprathe’dabdho gopā amṛtasya rakṣitā ǁ
Padapatha Devanagari Accented
वि । यः । रजां॑सि । अमि॑मीत । सु॒ऽक्रतुः॑ । वै॒श्वा॒न॒रः । वि । दि॒वः । रो॒च॒ना । क॒विः ।
परि॑ । यः । विश्वा॑ । भुव॑नानि । प॒प्र॒थे । अद॑ब्धः । गो॒पाः । अ॒मृत॑स्य । र॒क्षि॒ता ॥
Padapatha Devanagari Nonaccented
वि । यः । रजांसि । अमिमीत । सुऽक्रतुः । वैश्वानरः । वि । दिवः । रोचना । कविः ।
परि । यः । विश्वा । भुवनानि । पप्रथे । अदब्धः । गोपाः । अमृतस्य । रक्षिता ॥
Padapatha Transcription Accented
ví ǀ yáḥ ǀ rájāṃsi ǀ ámimīta ǀ su-krátuḥ ǀ vaiśvānaráḥ ǀ ví ǀ diváḥ ǀ rocanā́ ǀ kavíḥ ǀ
pári ǀ yáḥ ǀ víśvā ǀ bhúvanāni ǀ paprathé ǀ ádabdhaḥ ǀ gopā́ḥ ǀ amṛ́tasya ǀ rakṣitā́ ǁ
Padapatha Transcription Nonaccented
vi ǀ yaḥ ǀ rajāṃsi ǀ amimīta ǀ su-kratuḥ ǀ vaiśvānaraḥ ǀ vi ǀ divaḥ ǀ rocanā ǀ kaviḥ ǀ
pari ǀ yaḥ ǀ viśvā ǀ bhuvanāni ǀ paprathe ǀ adabdhaḥ ǀ gopāḥ ǀ amṛtasya ǀ rakṣitā ǁ