|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 11
|
1. Info |
| To: | agni | |
| From: | bharadvāja bārhaspatya | |
| Metres: | 1st set of styles: nicṛttriṣṭup (1, 3, 5); virāṭtrisṭup (4, 6); nicṛtpaṅkti (2) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.011.01 (Mandala. Sukta. Rik)
4.5.13.01 (Ashtaka. Adhyaya. Varga. Rik)
06.01.083 (Mandala. Anuvāka. Rik)
Samhita Devanagari Accented
यज॑स्व होतरिषि॒तो यजी॑या॒नग्ने॒ बाधो॑ म॒रुतां॒ न प्रयु॑क्ति ।
आ नो॑ मि॒त्रावरु॑णा॒ नास॑त्या॒ द्यावा॑ हो॒त्राय॑ पृथि॒वी व॑वृत्याः ॥
Samhita Devanagari Nonaccented
यजस्व होतरिषितो यजीयानग्ने बाधो मरुतां न प्रयुक्ति ।
आ नो मित्रावरुणा नासत्या द्यावा होत्राय पृथिवी ववृत्याः ॥
Samhita Transcription Accented
yájasva hotariṣitó yájīyānágne bā́dho marútām ná práyukti ǀ
ā́ no mitrā́váruṇā nā́satyā dyā́vā hotrā́ya pṛthivī́ vavṛtyāḥ ǁ
Samhita Transcription Nonaccented
yajasva hotariṣito yajīyānagne bādho marutām na prayukti ǀ
ā no mitrāvaruṇā nāsatyā dyāvā hotrāya pṛthivī vavṛtyāḥ ǁ
Padapatha Devanagari Accented
यज॑स्व । हो॒तः॒ । इ॒षि॒तः । यजी॑यान् । अग्ने॑ । बाधः॑ । म॒रुता॑म् । न । प्रऽयु॑क्ति ।
आ । नः॒ । मि॒त्रावरु॑णा । नास॑त्या । द्यावा॑ । हो॒त्राय॑ । पृ॒थि॒वी इति॑ । व॒वृ॒त्याः॒ ॥
Padapatha Devanagari Nonaccented
यजस्व । होतः । इषितः । यजीयान् । अग्ने । बाधः । मरुताम् । न । प्रऽयुक्ति ।
आ । नः । मित्रावरुणा । नासत्या । द्यावा । होत्राय । पृथिवी इति । ववृत्याः ॥
Padapatha Transcription Accented
yájasva ǀ hotaḥ ǀ iṣitáḥ ǀ yájīyān ǀ ágne ǀ bā́dhaḥ ǀ marútām ǀ ná ǀ prá-yukti ǀ
ā́ ǀ naḥ ǀ mitrā́váruṇā ǀ nā́satyā ǀ dyā́vā ǀ hotrā́ya ǀ pṛthivī́ íti ǀ vavṛtyāḥ ǁ
Padapatha Transcription Nonaccented
yajasva ǀ hotaḥ ǀ iṣitaḥ ǀ yajīyān ǀ agne ǀ bādhaḥ ǀ marutām ǀ na ǀ pra-yukti ǀ
ā ǀ naḥ ǀ mitrāvaruṇā ǀ nāsatyā ǀ dyāvā ǀ hotrāya ǀ pṛthivī iti ǀ vavṛtyāḥ ǁ
06.011.02 (Mandala. Sukta. Rik)
4.5.13.02 (Ashtaka. Adhyaya. Varga. Rik)
06.01.084 (Mandala. Anuvāka. Rik)
Samhita Devanagari Accented
त्वं होता॑ मं॒द्रत॑मो नो अ॒ध्रुगं॒तर्दे॒वो वि॒दथा॒ मर्त्ये॑षु ।
पा॒व॒कया॑ जु॒ह्वा॒३॒॑ वह्नि॑रा॒साग्ने॒ यज॑स्व त॒न्वं१॒॑ तव॒ स्वां ॥
Samhita Devanagari Nonaccented
त्वं होता मंद्रतमो नो अध्रुगंतर्देवो विदथा मर्त्येषु ।
पावकया जुह्वा वह्निरासाग्ने यजस्व तन्वं तव स्वां ॥
Samhita Transcription Accented
tvám hótā mandrátamo no adhrúgantárdevó vidáthā mártyeṣu ǀ
pāvakáyā juhvā́ váhnirāsā́gne yájasva tanvám táva svā́m ǁ
Samhita Transcription Nonaccented
tvam hotā mandratamo no adhrugantardevo vidathā martyeṣu ǀ
pāvakayā juhvā vahnirāsāgne yajasva tanvam tava svām ǁ
Padapatha Devanagari Accented
त्वम् । होता॑ । म॒न्द्रऽत॑मः । नः॒ । अ॒ध्रुक् । अ॒न्तः । दे॒वः । वि॒दथा॑ । मर्ते॑षु ।
पा॒व॒कया॑ । जु॒ह्वा॑ । वह्निः॑ । आ॒सा । अग्ने॑ । यज॑स्व । त॒न्व॑म् । तव॑ । स्वाम् ॥
Padapatha Devanagari Nonaccented
त्वम् । होता । मन्द्रऽतमः । नः । अध्रुक् । अन्तः । देवः । विदथा । मर्तेषु ।
पावकया । जुह्वा । वह्निः । आसा । अग्ने । यजस्व । तन्वम् । तव । स्वाम् ॥
Padapatha Transcription Accented
tvám ǀ hótā ǀ mandrá-tamaḥ ǀ naḥ ǀ adhrúk ǀ antáḥ ǀ deváḥ ǀ vidáthā ǀ márteṣu ǀ
pāvakáyā ǀ juhvā́ ǀ váhniḥ ǀ āsā́ ǀ ágne ǀ yájasva ǀ tanvám ǀ táva ǀ svā́m ǁ
Padapatha Transcription Nonaccented
tvam ǀ hotā ǀ mandra-tamaḥ ǀ naḥ ǀ adhruk ǀ antaḥ ǀ devaḥ ǀ vidathā ǀ marteṣu ǀ
pāvakayā ǀ juhvā ǀ vahniḥ ǀ āsā ǀ agne ǀ yajasva ǀ tanvam ǀ tava ǀ svām ǁ
06.011.03 (Mandala. Sukta. Rik)
4.5.13.03 (Ashtaka. Adhyaya. Varga. Rik)
06.01.085 (Mandala. Anuvāka. Rik)
Samhita Devanagari Accented
धन्या॑ चि॒द्धि त्वे धि॒षणा॒ वष्टि॒ प्र दे॒वांजन्म॑ गृण॒ते यज॑ध्यै ।
वेपि॑ष्ठो॒ अंगि॑रसां॒ यद्ध॒ विप्रो॒ मधु॑ छं॒दो भन॑ति रे॒भ इ॒ष्टौ ॥
Samhita Devanagari Nonaccented
धन्या चिद्धि त्वे धिषणा वष्टि प्र देवांजन्म गृणते यजध्यै ।
वेपिष्ठो अंगिरसां यद्ध विप्रो मधु छंदो भनति रेभ इष्टौ ॥
Samhita Transcription Accented
dhányā ciddhí tvé dhiṣáṇā váṣṭi prá devā́ñjánma gṛṇaté yájadhyai ǀ
vépiṣṭho áṅgirasām yáddha vípro mádhu chandó bhánati rebhá iṣṭáu ǁ
Samhita Transcription Nonaccented
dhanyā ciddhi tve dhiṣaṇā vaṣṭi pra devāñjanma gṛṇate yajadhyai ǀ
vepiṣṭho aṅgirasām yaddha vipro madhu chando bhanati rebha iṣṭau ǁ
Padapatha Devanagari Accented
धन्या॑ । चि॒त् । हि । त्वे इति॑ । धि॒षणा॑ । वष्टि॑ । प्र । दे॒वान् । जन्म॑ । गृ॒ण॒ते । यज॑ध्यै ।
वेपि॑ष्ठः । अङ्गि॑रसाम् । यत् । ह॒ । विप्रः॑ । मधु॑ । छ॒न्दः । भन॑ति । रे॒भः । इ॒ष्टौ ॥
Padapatha Devanagari Nonaccented
धन्या । चित् । हि । त्वे इति । धिषणा । वष्टि । प्र । देवान् । जन्म । गृणते । यजध्यै ।
वेपिष्ठः । अङ्गिरसाम् । यत् । ह । विप्रः । मधु । छन्दः । भनति । रेभः । इष्टौ ॥
Padapatha Transcription Accented
dhányā ǀ cit ǀ hí ǀ tvé íti ǀ dhiṣáṇā ǀ váṣṭi ǀ prá ǀ devā́n ǀ jánma ǀ gṛṇaté ǀ yájadhyai ǀ
vépiṣṭhaḥ ǀ áṅgirasām ǀ yát ǀ ha ǀ vípraḥ ǀ mádhu ǀ chandáḥ ǀ bhánati ǀ rebháḥ ǀ iṣṭáu ǁ
Padapatha Transcription Nonaccented
dhanyā ǀ cit ǀ hi ǀ tve iti ǀ dhiṣaṇā ǀ vaṣṭi ǀ pra ǀ devān ǀ janma ǀ gṛṇate ǀ yajadhyai ǀ
vepiṣṭhaḥ ǀ aṅgirasām ǀ yat ǀ ha ǀ vipraḥ ǀ madhu ǀ chandaḥ ǀ bhanati ǀ rebhaḥ ǀ iṣṭau ǁ
06.011.04 (Mandala. Sukta. Rik)
4.5.13.04 (Ashtaka. Adhyaya. Varga. Rik)
06.01.086 (Mandala. Anuvāka. Rik)
Samhita Devanagari Accented
अदि॑द्युत॒त्स्वपा॑को वि॒भावाग्ने॒ यज॑स्व॒ रोद॑सी उरू॒ची ।
आ॒युं न यं नम॑सा रा॒तह॑व्या अं॒जंति॑ सुप्र॒यसं॒ पंच॒ जनाः॑ ॥
Samhita Devanagari Nonaccented
अदिद्युतत्स्वपाको विभावाग्ने यजस्व रोदसी उरूची ।
आयुं न यं नमसा रातहव्या अंजंति सुप्रयसं पंच जनाः ॥
Samhita Transcription Accented
ádidyutatsvápāko vibhā́vā́gne yájasva ródasī urūcī́ ǀ
āyúm ná yám námasā rātáhavyā añjánti suprayásam páñca jánāḥ ǁ
Samhita Transcription Nonaccented
adidyutatsvapāko vibhāvāgne yajasva rodasī urūcī ǀ
āyum na yam namasā rātahavyā añjanti suprayasam pañca janāḥ ǁ
Padapatha Devanagari Accented
अदि॑द्युतत् । सु । अपा॑कः । वि॒भाऽवा॑ । अग्ने॑ । यज॑स्व । रोद॑सी॒ इति॑ । उ॒रू॒ची इति॑ ।
आ॒युम् । न । यम् । नम॑सा । रा॒तऽह॑व्याः । अ॒ञ्जन्ति॑ । सु॒ऽप्र॒यस॑म् । पञ्च॑ । जनाः॑ ॥
Padapatha Devanagari Nonaccented
अदिद्युतत् । सु । अपाकः । विभाऽवा । अग्ने । यजस्व । रोदसी इति । उरूची इति ।
आयुम् । न । यम् । नमसा । रातऽहव्याः । अञ्जन्ति । सुऽप्रयसम् । पञ्च । जनाः ॥
Padapatha Transcription Accented
ádidyutat ǀ sú ǀ ápākaḥ ǀ vibhā́-vā ǀ ágne ǀ yájasva ǀ ródasī íti ǀ urūcī́ íti ǀ
āyúm ǀ ná ǀ yám ǀ námasā ǀ rātá-havyāḥ ǀ añjánti ǀ su-prayásam ǀ páñca ǀ jánāḥ ǁ
Padapatha Transcription Nonaccented
adidyutat ǀ su ǀ apākaḥ ǀ vibhā-vā ǀ agne ǀ yajasva ǀ rodasī iti ǀ urūcī iti ǀ
āyum ǀ na ǀ yam ǀ namasā ǀ rāta-havyāḥ ǀ añjanti ǀ su-prayasam ǀ pañca ǀ janāḥ ǁ
06.011.05 (Mandala. Sukta. Rik)
4.5.13.05 (Ashtaka. Adhyaya. Varga. Rik)
06.01.087 (Mandala. Anuvāka. Rik)
Samhita Devanagari Accented
वृं॒जे ह॒ यन्नम॑सा ब॒र्हिर॒ग्नावया॑मि॒ स्रुग्घृ॒तव॑ती सुवृ॒क्तिः ।
अम्य॑क्षि॒ सद्म॒ सद॑ने पृथि॒व्या अश्रा॑यि य॒ज्ञः सूर्ये॒ न चक्षुः॑ ॥
Samhita Devanagari Nonaccented
वृंजे ह यन्नमसा बर्हिरग्नावयामि स्रुग्घृतवती सुवृक्तिः ।
अम्यक्षि सद्म सदने पृथिव्या अश्रायि यज्ञः सूर्ये न चक्षुः ॥
Samhita Transcription Accented
vṛñjé ha yánnámasā barhíragnā́váyāmi srúgghṛtávatī suvṛktíḥ ǀ
ámyakṣi sádma sádane pṛthivyā́ áśrāyi yajñáḥ sū́rye ná cákṣuḥ ǁ
Samhita Transcription Nonaccented
vṛñje ha yannamasā barhiragnāvayāmi srugghṛtavatī suvṛktiḥ ǀ
amyakṣi sadma sadane pṛthivyā aśrāyi yajñaḥ sūrye na cakṣuḥ ǁ
Padapatha Devanagari Accented
वृ॒ञ्जे । ह॒ । यत् । नम॑सा । ब॒र्हिः । अ॒ग्नौ । अया॑मि । स्रुक् । घृ॒तऽव॑ती । सु॒ऽवृ॒क्तिः ।
अम्य॑क्षि । सद्म॑ । सद॑ने । पृ॒थि॒व्याः । अश्रा॑यि । य॒ज्ञः । सूर्ये॑ । न । चक्षुः॑ ॥
Padapatha Devanagari Nonaccented
वृञ्जे । ह । यत् । नमसा । बर्हिः । अग्नौ । अयामि । स्रुक् । घृतऽवती । सुऽवृक्तिः ।
अम्यक्षि । सद्म । सदने । पृथिव्याः । अश्रायि । यज्ञः । सूर्ये । न । चक्षुः ॥
Padapatha Transcription Accented
vṛñjé ǀ ha ǀ yát ǀ námasā ǀ barhíḥ ǀ agnáu ǀ áyāmi ǀ srúk ǀ ghṛtá-vatī ǀ su-vṛktíḥ ǀ
ámyakṣi ǀ sádma ǀ sádane ǀ pṛthivyā́ḥ ǀ áśrāyi ǀ yajñáḥ ǀ sū́rye ǀ ná ǀ cákṣuḥ ǁ
Padapatha Transcription Nonaccented
vṛñje ǀ ha ǀ yat ǀ namasā ǀ barhiḥ ǀ agnau ǀ ayāmi ǀ sruk ǀ ghṛta-vatī ǀ su-vṛktiḥ ǀ
amyakṣi ǀ sadma ǀ sadane ǀ pṛthivyāḥ ǀ aśrāyi ǀ yajñaḥ ǀ sūrye ǀ na ǀ cakṣuḥ ǁ
06.011.06 (Mandala. Sukta. Rik)
4.5.13.06 (Ashtaka. Adhyaya. Varga. Rik)
06.01.088 (Mandala. Anuvāka. Rik)
Samhita Devanagari Accented
द॒श॒स्या नः॑ पुर्वणीक होतर्दे॒वेभि॑रग्ने अ॒ग्निभि॑रिधा॒नः ।
रा॒यः सू॑नो सहसो वावसा॒ना अति॑ स्रसेम वृ॒जनं॒ नांहः॑ ॥
Samhita Devanagari Nonaccented
दशस्या नः पुर्वणीक होतर्देवेभिरग्ने अग्निभिरिधानः ।
रायः सूनो सहसो वावसाना अति स्रसेम वृजनं नांहः ॥
Samhita Transcription Accented
daśasyā́ naḥ purvaṇīka hotardevébhiragne agníbhiridhānáḥ ǀ
rāyáḥ sūno sahaso vāvasānā́ áti srasema vṛjánam nā́ṃhaḥ ǁ
Samhita Transcription Nonaccented
daśasyā naḥ purvaṇīka hotardevebhiragne agnibhiridhānaḥ ǀ
rāyaḥ sūno sahaso vāvasānā ati srasema vṛjanam nāṃhaḥ ǁ
Padapatha Devanagari Accented
द॒श॒स्य । नः॒ । पु॒रु॒ऽअ॒नी॒क॒ । हो॒तः॒ । दे॒वेभिः॑ । अ॒ग्ने॒ । अ॒ग्निऽभिः॑ । इ॒धा॒नः ।
रा॒यः । सू॒नो॒ इति॑ । स॒ह॒सः॒ । व॒व॒सा॒नाः । अति॑ । स्र॒से॒म॒ । वृ॒जन॑म् । न । अंहः॑ ॥
Padapatha Devanagari Nonaccented
दशस्य । नः । पुरुऽअनीक । होतः । देवेभिः । अग्ने । अग्निऽभिः । इधानः ।
रायः । सूनो इति । सहसः । ववसानाः । अति । स्रसेम । वृजनम् । न । अंहः ॥
Padapatha Transcription Accented
daśasyá ǀ naḥ ǀ puru-anīka ǀ hotaḥ ǀ devébhiḥ ǀ agne ǀ agní-bhiḥ ǀ idhānáḥ ǀ
rāyáḥ ǀ sūno íti ǀ sahasaḥ ǀ vavasānā́ḥ ǀ áti ǀ srasema ǀ vṛjánam ǀ ná ǀ áṃhaḥ ǁ
Padapatha Transcription Nonaccented
daśasya ǀ naḥ ǀ puru-anīka ǀ hotaḥ ǀ devebhiḥ ǀ agne ǀ agni-bhiḥ ǀ idhānaḥ ǀ
rāyaḥ ǀ sūno iti ǀ sahasaḥ ǀ vavasānāḥ ǀ ati ǀ srasema ǀ vṛjanam ǀ na ǀ aṃhaḥ ǁ