|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 12
|
1. Info |
| To: | agni | |
| From: | bharadvāja bārhaspatya | |
| Metres: | 1st set of styles: nicṛtpaṅkti (4, 6); triṣṭup (1); nicṛttriṣṭup (2); bhurikpaṅkti (3); svarāṭpaṅkti (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.012.01 (Mandala. Sukta. Rik)
4.5.14.01 (Ashtaka. Adhyaya. Varga. Rik)
06.01.089 (Mandala. Anuvāka. Rik)
Samhita Devanagari Accented
मध्ये॒ होता॑ दुरो॒णे ब॒र्हिषो॒ राळ॒ग्निस्तो॒दस्य॒ रोद॑सी॒ यज॑ध्यै ।
अ॒यं स सू॒नुः सह॑स ऋ॒तावा॑ दू॒रात्सूर्यो॒ न शो॒चिषा॑ ततान ॥
Samhita Devanagari Nonaccented
मध्ये होता दुरोणे बर्हिषो राळग्निस्तोदस्य रोदसी यजध्यै ।
अयं स सूनुः सहस ऋतावा दूरात्सूर्यो न शोचिषा ततान ॥
Samhita Transcription Accented
mádhye hótā duroṇé barhíṣo rā́ḷagnístodásya ródasī yájadhyai ǀ
ayám sá sūnúḥ sáhasa ṛtā́vā dūrā́tsū́ryo ná śocíṣā tatāna ǁ
Samhita Transcription Nonaccented
madhye hotā duroṇe barhiṣo rāḷagnistodasya rodasī yajadhyai ǀ
ayam sa sūnuḥ sahasa ṛtāvā dūrātsūryo na śociṣā tatāna ǁ
Padapatha Devanagari Accented
मध्ये॑ । होता॑ । दु॒रो॒णे । ब॒र्हिषः॑ । राट् । अ॒ग्निः । तो॒दस्य॑ । रोद॑सी॒ इति॑ । यज॑ध्यै ।
अ॒यम् । सः । सू॒नुः । सह॑सः । ऋ॒तऽवा॑ । दू॒रात् । सूर्यः॑ । न । शो॒चिषा॑ । त॒ता॒न॒ ॥
Padapatha Devanagari Nonaccented
मध्ये । होता । दुरोणे । बर्हिषः । राट् । अग्निः । तोदस्य । रोदसी इति । यजध्यै ।
अयम् । सः । सूनुः । सहसः । ऋतऽवा । दूरात् । सूर्यः । न । शोचिषा । ततान ॥
Padapatha Transcription Accented
mádhye ǀ hótā ǀ duroṇé ǀ barhíṣaḥ ǀ rā́ṭ ǀ agníḥ ǀ todásya ǀ ródasī íti ǀ yájadhyai ǀ
ayám ǀ sáḥ ǀ sūnúḥ ǀ sáhasaḥ ǀ ṛtá-vā ǀ dūrā́t ǀ sū́ryaḥ ǀ ná ǀ śocíṣā ǀ tatāna ǁ
Padapatha Transcription Nonaccented
madhye ǀ hotā ǀ duroṇe ǀ barhiṣaḥ ǀ rāṭ ǀ agniḥ ǀ todasya ǀ rodasī iti ǀ yajadhyai ǀ
ayam ǀ saḥ ǀ sūnuḥ ǀ sahasaḥ ǀ ṛta-vā ǀ dūrāt ǀ sūryaḥ ǀ na ǀ śociṣā ǀ tatāna ǁ
06.012.02 (Mandala. Sukta. Rik)
4.5.14.02 (Ashtaka. Adhyaya. Varga. Rik)
06.01.090 (Mandala. Anuvāka. Rik)
Samhita Devanagari Accented
आ यस्मिं॒त्वे स्वपा॑के यजत्र॒ यक्ष॑द्राजन्त्स॒र्वता॑तेव॒ नु द्यौः ।
त्रि॒ष॒धस्थ॑स्तत॒रुषो॒ न जंहो॑ ह॒व्या म॒घानि॒ मानु॑षा॒ यज॑ध्यै ॥
Samhita Devanagari Nonaccented
आ यस्मिंत्वे स्वपाके यजत्र यक्षद्राजन्त्सर्वतातेव नु द्यौः ।
त्रिषधस्थस्ततरुषो न जंहो हव्या मघानि मानुषा यजध्यै ॥
Samhita Transcription Accented
ā́ yásmintvé svápāke yajatra yákṣadrājantsarvátāteva nú dyáuḥ ǀ
triṣadhásthastatarúṣo ná jáṃho havyā́ maghā́ni mā́nuṣā yájadhyai ǁ
Samhita Transcription Nonaccented
ā yasmintve svapāke yajatra yakṣadrājantsarvatāteva nu dyauḥ ǀ
triṣadhasthastataruṣo na jaṃho havyā maghāni mānuṣā yajadhyai ǁ
Padapatha Devanagari Accented
आ । यस्मि॑न् । त्वे इति॑ । सु । अपा॑के । य॒ज॒त्र॒ । यक्ष॑त् । रा॒ज॒न् । स॒र्वता॑ताऽइव । नु । द्यौः ।
त्रि॒ऽस॒धस्थः॑ । त॒त॒रुषः॑ । न । जंहः॑ । ह॒व्या । म॒घानि॑ । मानु॑षा । यज॑ध्यै ॥
Padapatha Devanagari Nonaccented
आ । यस्मिन् । त्वे इति । सु । अपाके । यजत्र । यक्षत् । राजन् । सर्वताताऽइव । नु । द्यौः ।
त्रिऽसधस्थः । ततरुषः । न । जंहः । हव्या । मघानि । मानुषा । यजध्यै ॥
Padapatha Transcription Accented
ā́ ǀ yásmin ǀ tvé íti ǀ sú ǀ ápāke ǀ yajatra ǀ yákṣat ǀ rājan ǀ sarvátātā-iva ǀ nú ǀ dyáuḥ ǀ
tri-sadhásthaḥ ǀ tatarúṣaḥ ǀ ná ǀ jáṃhaḥ ǀ havyā́ ǀ maghā́ni ǀ mā́nuṣā ǀ yájadhyai ǁ
Padapatha Transcription Nonaccented
ā ǀ yasmin ǀ tve iti ǀ su ǀ apāke ǀ yajatra ǀ yakṣat ǀ rājan ǀ sarvatātā-iva ǀ nu ǀ dyauḥ ǀ
tri-sadhasthaḥ ǀ tataruṣaḥ ǀ na ǀ jaṃhaḥ ǀ havyā ǀ maghāni ǀ mānuṣā ǀ yajadhyai ǁ
06.012.03 (Mandala. Sukta. Rik)
4.5.14.03 (Ashtaka. Adhyaya. Varga. Rik)
06.01.091 (Mandala. Anuvāka. Rik)
Samhita Devanagari Accented
तेजि॑ष्ठा॒ यस्या॑र॒तिर्व॑ने॒राट् तो॒दो अध्व॒न्न वृ॑धसा॒नो अ॑द्यौत् ।
अ॒द्रो॒घो न द्र॑वि॒ता चे॑तति॒ त्मन्नम॑र्त्योऽव॒र्त्र ओष॑धीषु ॥
Samhita Devanagari Nonaccented
तेजिष्ठा यस्यारतिर्वनेराट् तोदो अध्वन्न वृधसानो अद्यौत् ।
अद्रोघो न द्रविता चेतति त्मन्नमर्त्योऽवर्त्र ओषधीषु ॥
Samhita Transcription Accented
téjiṣṭhā yásyāratírvanerā́ṭ todó ádhvanná vṛdhasānó adyaut ǀ
adroghó ná dravitā́ cetati tmánnámartyo’vartrá óṣadhīṣu ǁ
Samhita Transcription Nonaccented
tejiṣṭhā yasyāratirvanerāṭ todo adhvanna vṛdhasāno adyaut ǀ
adrogho na dravitā cetati tmannamartyo’vartra oṣadhīṣu ǁ
Padapatha Devanagari Accented
तेजि॑ष्ठा । यस्य॑ । अ॒र॒तिः । व॒ने॒ऽराट् । तो॒दः । अध्व॑न् । न । वृ॒ध॒सा॒नः । अ॒द्यौ॒त् ।
अ॒द्रो॒घः । न । द्र॒वि॒ता । चे॒त॒ति॒ । त्मन् । अम॑र्त्यः । अ॒व॒र्त्रः । ओष॑धीषु ॥
Padapatha Devanagari Nonaccented
तेजिष्ठा । यस्य । अरतिः । वनेऽराट् । तोदः । अध्वन् । न । वृधसानः । अद्यौत् ।
अद्रोघः । न । द्रविता । चेतति । त्मन् । अमर्त्यः । अवर्त्रः । ओषधीषु ॥
Padapatha Transcription Accented
téjiṣṭhā ǀ yásya ǀ aratíḥ ǀ vane-rā́ṭ ǀ todáḥ ǀ ádhvan ǀ ná ǀ vṛdhasānáḥ ǀ adyaut ǀ
adrogháḥ ǀ ná ǀ dravitā́ ǀ cetati ǀ tmán ǀ ámartyaḥ ǀ avartráḥ ǀ óṣadhīṣu ǁ
Padapatha Transcription Nonaccented
tejiṣṭhā ǀ yasya ǀ aratiḥ ǀ vane-rāṭ ǀ todaḥ ǀ adhvan ǀ na ǀ vṛdhasānaḥ ǀ adyaut ǀ
adroghaḥ ǀ na ǀ dravitā ǀ cetati ǀ tman ǀ amartyaḥ ǀ avartraḥ ǀ oṣadhīṣu ǁ
06.012.04 (Mandala. Sukta. Rik)
4.5.14.04 (Ashtaka. Adhyaya. Varga. Rik)
06.01.092 (Mandala. Anuvāka. Rik)
Samhita Devanagari Accented
सास्माके॑भिरे॒तरी॒ न शू॒षैर॒ग्निः ष्ट॑वे॒ दम॒ आ जा॒तवे॑दाः ।
द्र्व॑न्नो व॒न्वन् क्रत्वा॒ नार्वो॒स्रः पि॒तेव॑ जार॒यायि॑ य॒ज्ञैः ॥
Samhita Devanagari Nonaccented
सास्माकेभिरेतरी न शूषैरग्निः ष्टवे दम आ जातवेदाः ।
द्र्वन्नो वन्वन् क्रत्वा नार्वोस्रः पितेव जारयायि यज्ञैः ॥
Samhita Transcription Accented
sā́smā́kebhiretárī ná śūṣáiragníḥ ṣṭave dáma ā́ jātávedāḥ ǀ
drvánno vanván krátvā nā́rvosráḥ pitéva jārayā́yi yajñáiḥ ǁ
Samhita Transcription Nonaccented
sāsmākebhiretarī na śūṣairagniḥ ṣṭave dama ā jātavedāḥ ǀ
drvanno vanvan kratvā nārvosraḥ piteva jārayāyi yajñaiḥ ǁ
Padapatha Devanagari Accented
सः । अ॒स्माके॑भिः । ए॒तरि॑ । न । शू॒षैः । अ॒ग्निः । स्त॒वे॒ । दमे॑ । आ । जा॒तऽवे॑दाः ।
द्रुऽअ॑न्नः । व॒न्वन् । क्रत्वा॑ । न । अर्वा॑ । उ॒स्रः । पि॒ताऽइ॑व । जा॒र॒यायि॑ । य॒ज्ञैः ॥
Padapatha Devanagari Nonaccented
सः । अस्माकेभिः । एतरि । न । शूषैः । अग्निः । स्तवे । दमे । आ । जातऽवेदाः ।
द्रुऽअन्नः । वन्वन् । क्रत्वा । न । अर्वा । उस्रः । पिताऽइव । जारयायि । यज्ञैः ॥
Padapatha Transcription Accented
sáḥ ǀ asmā́kebhiḥ ǀ etári ǀ ná ǀ śūṣáiḥ ǀ agníḥ ǀ stave ǀ dáme ǀ ā́ ǀ jātá-vedāḥ ǀ
drú-annaḥ ǀ vanván ǀ krátvā ǀ ná ǀ árvā ǀ usráḥ ǀ pitā́-iva ǀ jārayā́yi ǀ yajñáiḥ ǁ
Padapatha Transcription Nonaccented
saḥ ǀ asmākebhiḥ ǀ etari ǀ na ǀ śūṣaiḥ ǀ agniḥ ǀ stave ǀ dame ǀ ā ǀ jāta-vedāḥ ǀ
dru-annaḥ ǀ vanvan ǀ kratvā ǀ na ǀ arvā ǀ usraḥ ǀ pitā-iva ǀ jārayāyi ǀ yajñaiḥ ǁ
06.012.05 (Mandala. Sukta. Rik)
4.5.14.05 (Ashtaka. Adhyaya. Varga. Rik)
06.01.093 (Mandala. Anuvāka. Rik)
Samhita Devanagari Accented
अध॑ स्मास्य पनयंति॒ भासो॒ वृथा॒ यत्तक्ष॑दनु॒याति॑ पृ॒थ्वीं ।
स॒द्यो यः स्यं॒द्रो विषि॑तो॒ धवी॑यानृ॒णो न ता॒युरति॒ धन्वा॑ राट् ॥
Samhita Devanagari Nonaccented
अध स्मास्य पनयंति भासो वृथा यत्तक्षदनुयाति पृथ्वीं ।
सद्यो यः स्यंद्रो विषितो धवीयानृणो न तायुरति धन्वा राट् ॥
Samhita Transcription Accented
ádha smāsya panayanti bhā́so vṛ́thā yáttákṣadanuyā́ti pṛthvī́m ǀ
sadyó yáḥ syandró víṣito dhávīyānṛṇó ná tāyúráti dhánvā rāṭ ǁ
Samhita Transcription Nonaccented
adha smāsya panayanti bhāso vṛthā yattakṣadanuyāti pṛthvīm ǀ
sadyo yaḥ syandro viṣito dhavīyānṛṇo na tāyurati dhanvā rāṭ ǁ
Padapatha Devanagari Accented
अध॑ । स्म॒ । अ॒स्य॒ । प॒न॒य॒न्ति॒ । भासः॑ । वृथा॑ । यत् । तक्ष॑त् । अ॒नु॒ऽयाति॑ । पृ॒थ्वीम् ।
स॒द्यः । यः । स्य॒न्द्रः । विऽसि॑तः । धवी॑यान् । ऋ॒णः । न । ता॒युः । अति॑ । धन्व॑ । राट् ॥
Padapatha Devanagari Nonaccented
अध । स्म । अस्य । पनयन्ति । भासः । वृथा । यत् । तक्षत् । अनुऽयाति । पृथ्वीम् ।
सद्यः । यः । स्यन्द्रः । विऽसितः । धवीयान् । ऋणः । न । तायुः । अति । धन्व । राट् ॥
Padapatha Transcription Accented
ádha ǀ sma ǀ asya ǀ panayanti ǀ bhā́saḥ ǀ vṛ́thā ǀ yát ǀ tákṣat ǀ anu-yā́ti ǀ pṛthvī́m ǀ
sadyáḥ ǀ yáḥ ǀ syandráḥ ǀ ví-sitaḥ ǀ dhávīyān ǀ ṛṇáḥ ǀ ná ǀ tāyúḥ ǀ áti ǀ dhánva ǀ rā́ṭ ǁ
Padapatha Transcription Nonaccented
adha ǀ sma ǀ asya ǀ panayanti ǀ bhāsaḥ ǀ vṛthā ǀ yat ǀ takṣat ǀ anu-yāti ǀ pṛthvīm ǀ
sadyaḥ ǀ yaḥ ǀ syandraḥ ǀ vi-sitaḥ ǀ dhavīyān ǀ ṛṇaḥ ǀ na ǀ tāyuḥ ǀ ati ǀ dhanva ǀ rāṭ ǁ
06.012.06 (Mandala. Sukta. Rik)
4.5.14.06 (Ashtaka. Adhyaya. Varga. Rik)
06.01.094 (Mandala. Anuvāka. Rik)
Samhita Devanagari Accented
स त्वं नो॑ अर्व॒न्निदा॑या॒ विश्वे॑भिरग्ने अ॒ग्निभि॑रिधा॒नः ।
वेषि॑ रा॒यो वि या॑सि दु॒च्छुना॒ मदे॑म श॒तहि॑माः सु॒वीराः॑ ॥
Samhita Devanagari Nonaccented
स त्वं नो अर्वन्निदाया विश्वेभिरग्ने अग्निभिरिधानः ।
वेषि रायो वि यासि दुच्छुना मदेम शतहिमाः सुवीराः ॥
Samhita Transcription Accented
sá tvám no arvannídāyā víśvebhiragne agníbhiridhānáḥ ǀ
véṣi rāyó ví yāsi ducchúnā mádema śatáhimāḥ suvī́rāḥ ǁ
Samhita Transcription Nonaccented
sa tvam no arvannidāyā viśvebhiragne agnibhiridhānaḥ ǀ
veṣi rāyo vi yāsi ducchunā madema śatahimāḥ suvīrāḥ ǁ
Padapatha Devanagari Accented
सः । त्वम् । नः॒ । अ॒र्व॒न् । निदा॑याः । विश्वे॑भिः । अ॒ग्ने॒ । अ॒ग्निऽभिः॑ । इ॒धा॒नः ।
वेषि॑ । रा॒यः । वि । या॒सि॒ । दु॒च्छुनाः॑ । मदे॑म । श॒तऽहि॑माः । सु॒ऽवीराः॑ ॥
Padapatha Devanagari Nonaccented
सः । त्वम् । नः । अर्वन् । निदायाः । विश्वेभिः । अग्ने । अग्निऽभिः । इधानः ।
वेषि । रायः । वि । यासि । दुच्छुनाः । मदेम । शतऽहिमाः । सुऽवीराः ॥
Padapatha Transcription Accented
sáḥ ǀ tvám ǀ naḥ ǀ arvan ǀ nídāyāḥ ǀ víśvebhiḥ ǀ agne ǀ agní-bhiḥ ǀ idhānáḥ ǀ
véṣi ǀ rāyáḥ ǀ ví ǀ yāsi ǀ ducchúnāḥ ǀ mádema ǀ śatá-himāḥ ǀ su-vī́rāḥ ǁ
Padapatha Transcription Nonaccented
saḥ ǀ tvam ǀ naḥ ǀ arvan ǀ nidāyāḥ ǀ viśvebhiḥ ǀ agne ǀ agni-bhiḥ ǀ idhānaḥ ǀ
veṣi ǀ rāyaḥ ǀ vi ǀ yāsi ǀ ducchunāḥ ǀ madema ǀ śata-himāḥ ǀ su-vīrāḥ ǁ