|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 19
|
1. Info |
| To: | indra | |
| From: | bharadvāja bārhaspatya | |
| Metres: | 1st set of styles: nicṛttriṣṭup (2, 4, 6, 7); virāṭtrisṭup (5, 10-12); bhurikpaṅkti (1, 3, 13); triṣṭup (8); paṅktiḥ (9) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.019.01 (Mandala. Sukta. Rik)
4.6.07.01 (Ashtaka. Adhyaya. Varga. Rik)
06.02.079 (Mandala. Anuvāka. Rik)
Samhita Devanagari Accented
म॒हाँ इंद्रो॑ नृ॒वदा च॑र्षणि॒प्रा उ॒त द्वि॒बर्हा॑ अमि॒नः सहो॑भिः ।
अ॒स्म॒द्र्य॑ग्वावृधे वी॒र्या॑यो॒रुः पृ॒थुः सुकृ॑तः क॒र्तृभि॑र्भूत् ॥
Samhita Devanagari Nonaccented
महाँ इंद्रो नृवदा चर्षणिप्रा उत द्विबर्हा अमिनः सहोभिः ।
अस्मद्र्यग्वावृधे वीर्यायोरुः पृथुः सुकृतः कर्तृभिर्भूत् ॥
Samhita Transcription Accented
mahā́m̐ índro nṛvádā́ carṣaṇiprā́ utá dvibárhā amináḥ sáhobhiḥ ǀ
asmadryágvāvṛdhe vīryā́yorúḥ pṛthúḥ súkṛtaḥ kartṛ́bhirbhūt ǁ
Samhita Transcription Nonaccented
mahām̐ indro nṛvadā carṣaṇiprā uta dvibarhā aminaḥ sahobhiḥ ǀ
asmadryagvāvṛdhe vīryāyoruḥ pṛthuḥ sukṛtaḥ kartṛbhirbhūt ǁ
Padapatha Devanagari Accented
म॒हान् । इन्द्रः॑ । नृ॒ऽवत् । आ । च॒र्ष॒णि॒ऽप्राः । उ॒त । द्वि॒ऽबर्हाः॑ । अ॒मि॒नः । सहः॑ऽभिः ।
अ॒स्म॒द्र्य॑क् । व॒वृ॒धे॒ । वी॒र्या॑य । उ॒रुः । पृ॒थुः । सुऽकृ॑तः । क॒र्तृऽभिः॑ । भू॒त् ॥
Padapatha Devanagari Nonaccented
महान् । इन्द्रः । नृऽवत् । आ । चर्षणिऽप्राः । उत । द्विऽबर्हाः । अमिनः । सहःऽभिः ।
अस्मद्र्यक् । ववृधे । वीर्याय । उरुः । पृथुः । सुऽकृतः । कर्तृऽभिः । भूत् ॥
Padapatha Transcription Accented
mahā́n ǀ índraḥ ǀ nṛ-vát ǀ ā́ ǀ carṣaṇi-prā́ḥ ǀ utá ǀ dvi-bárhāḥ ǀ amináḥ ǀ sáhaḥ-bhiḥ ǀ
asmadryák ǀ vavṛdhe ǀ vīryā́ya ǀ urúḥ ǀ pṛthúḥ ǀ sú-kṛtaḥ ǀ kartṛ́-bhiḥ ǀ bhūt ǁ
Padapatha Transcription Nonaccented
mahān ǀ indraḥ ǀ nṛ-vat ǀ ā ǀ carṣaṇi-prāḥ ǀ uta ǀ dvi-barhāḥ ǀ aminaḥ ǀ sahaḥ-bhiḥ ǀ
asmadryak ǀ vavṛdhe ǀ vīryāya ǀ uruḥ ǀ pṛthuḥ ǀ su-kṛtaḥ ǀ kartṛ-bhiḥ ǀ bhūt ǁ
06.019.02 (Mandala. Sukta. Rik)
4.6.07.02 (Ashtaka. Adhyaya. Varga. Rik)
06.02.080 (Mandala. Anuvāka. Rik)
Samhita Devanagari Accented
इंद्र॑मे॒व धि॒षणा॑ सा॒तये॑ धाद्बृ॒हंत॑मृ॒ष्वम॒जरं॒ युवा॑नं ।
अषा॑ळ्हेन॒ शव॑सा शूशु॒वांसं॑ स॒द्यश्चि॒द्यो वा॑वृ॒धे असा॑मि ॥
Samhita Devanagari Nonaccented
इंद्रमेव धिषणा सातये धाद्बृहंतमृष्वमजरं युवानं ।
अषाळ्हेन शवसा शूशुवांसं सद्यश्चिद्यो वावृधे असामि ॥
Samhita Transcription Accented
índramevá dhiṣáṇā sātáye dhādbṛhántamṛṣvámajáram yúvānam ǀ
áṣāḷhena śávasā śūśuvā́ṃsam sadyáścidyó vāvṛdhé asāmi ǁ
Samhita Transcription Nonaccented
indrameva dhiṣaṇā sātaye dhādbṛhantamṛṣvamajaram yuvānam ǀ
aṣāḷhena śavasā śūśuvāṃsam sadyaścidyo vāvṛdhe asāmi ǁ
Padapatha Devanagari Accented
इन्द्र॑म् । ए॒व । धि॒षणा॑ । सा॒तये॑ । धा॒त् । बृ॒हन्त॑म् । ऋ॒ष्वम् । अ॒जर॑म् । युवा॑नम् ।
अषा॑ळ्हेन । शव॑सा । शू॒शु॒ऽवांस॑म् । स॒द्यः । चि॒त् । यः । व॒वृ॒धे । असा॑मि ॥
Padapatha Devanagari Nonaccented
इन्द्रम् । एव । धिषणा । सातये । धात् । बृहन्तम् । ऋष्वम् । अजरम् । युवानम् ।
अषाळ्हेन । शवसा । शूशुऽवांसम् । सद्यः । चित् । यः । ववृधे । असामि ॥
Padapatha Transcription Accented
índram ǀ evá ǀ dhiṣáṇā ǀ sātáye ǀ dhāt ǀ bṛhántam ǀ ṛṣvám ǀ ajáram ǀ yúvānam ǀ
áṣāḷhena ǀ śávasā ǀ śūśu-vā́ṃsam ǀ sadyáḥ ǀ cit ǀ yáḥ ǀ vavṛdhé ǀ ásāmi ǁ
Padapatha Transcription Nonaccented
indram ǀ eva ǀ dhiṣaṇā ǀ sātaye ǀ dhāt ǀ bṛhantam ǀ ṛṣvam ǀ ajaram ǀ yuvānam ǀ
aṣāḷhena ǀ śavasā ǀ śūśu-vāṃsam ǀ sadyaḥ ǀ cit ǀ yaḥ ǀ vavṛdhe ǀ asāmi ǁ
06.019.03 (Mandala. Sukta. Rik)
4.6.07.03 (Ashtaka. Adhyaya. Varga. Rik)
06.02.081 (Mandala. Anuvāka. Rik)
Samhita Devanagari Accented
पृ॒थू क॒रस्ना॑ बहु॒ला गभ॑स्ती अस्म॒द्र्य१॒॑क्सं मि॑मीहि॒ श्रवां॑सि ।
यू॒थेव॑ प॒श्वः प॑शु॒पा दमू॑ना अ॒स्माँ इं॑द्रा॒भ्या व॑वृत्स्वा॒जौ ॥
Samhita Devanagari Nonaccented
पृथू करस्ना बहुला गभस्ती अस्मद्र्यक्सं मिमीहि श्रवांसि ।
यूथेव पश्वः पशुपा दमूना अस्माँ इंद्राभ्या ववृत्स्वाजौ ॥
Samhita Transcription Accented
pṛthū́ karásnā bahulā́ gábhastī asmadryáksám mimīhi śrávāṃsi ǀ
yūthéva paśváḥ paśupā́ dámūnā asmā́m̐ indrābhyā́ vavṛtsvājáu ǁ
Samhita Transcription Nonaccented
pṛthū karasnā bahulā gabhastī asmadryaksam mimīhi śravāṃsi ǀ
yūtheva paśvaḥ paśupā damūnā asmām̐ indrābhyā vavṛtsvājau ǁ
Padapatha Devanagari Accented
पृ॒थू इति॑ । क॒रस्ना॑ । ब॒हु॒ला । गभ॑स्ती॒ इति॑ । अ॒स्म॒द्र्य॑क् । सम् । मि॒मी॒हि॒ । श्रवां॑सि ।
यू॒थाऽइ॑व । प॒श्वः । प॒शु॒ऽपाः । दमू॑नाः । अ॒स्मान् । इ॒न्द्र॒ । अ॒भि । आ । व॒वृ॒त्स्व॒ । आ॒जौ ॥
Padapatha Devanagari Nonaccented
पृथू इति । करस्ना । बहुला । गभस्ती इति । अस्मद्र्यक् । सम् । मिमीहि । श्रवांसि ।
यूथाऽइव । पश्वः । पशुऽपाः । दमूनाः । अस्मान् । इन्द्र । अभि । आ । ववृत्स्व । आजौ ॥
Padapatha Transcription Accented
pṛthū́ íti ǀ karásnā ǀ bahulā́ ǀ gábhastī íti ǀ asmadryák ǀ sám ǀ mimīhi ǀ śrávāṃsi ǀ
yūthā́-iva ǀ paśváḥ ǀ paśu-pā́ḥ ǀ dámūnāḥ ǀ asmā́n ǀ indra ǀ abhí ǀ ā́ ǀ vavṛtsva ǀ ājáu ǁ
Padapatha Transcription Nonaccented
pṛthū iti ǀ karasnā ǀ bahulā ǀ gabhastī iti ǀ asmadryak ǀ sam ǀ mimīhi ǀ śravāṃsi ǀ
yūthā-iva ǀ paśvaḥ ǀ paśu-pāḥ ǀ damūnāḥ ǀ asmān ǀ indra ǀ abhi ǀ ā ǀ vavṛtsva ǀ ājau ǁ
06.019.04 (Mandala. Sukta. Rik)
4.6.07.04 (Ashtaka. Adhyaya. Varga. Rik)
06.02.082 (Mandala. Anuvāka. Rik)
Samhita Devanagari Accented
तं व॒ इंद्रं॑ च॒तिन॑मस्य शा॒कैरि॒ह नू॒नं वा॑ज॒यंतो॑ हुवेम ।
यथा॑ चि॒त्पूर्वे॑ जरि॒तार॑ आ॒सुरने॑द्या अनव॒द्या अरि॑ष्टाः ॥
Samhita Devanagari Nonaccented
तं व इंद्रं चतिनमस्य शाकैरिह नूनं वाजयंतो हुवेम ।
यथा चित्पूर्वे जरितार आसुरनेद्या अनवद्या अरिष्टाः ॥
Samhita Transcription Accented
tám va índram catínamasya śākáirihá nūnám vājayánto huvema ǀ
yáthā citpū́rve jaritā́ra āsúránedyā anavadyā́ áriṣṭāḥ ǁ
Samhita Transcription Nonaccented
tam va indram catinamasya śākairiha nūnam vājayanto huvema ǀ
yathā citpūrve jaritāra āsuranedyā anavadyā ariṣṭāḥ ǁ
Padapatha Devanagari Accented
तम् । वः॒ । इन्द्र॑म् । च॒तिन॑म् । अ॒स्य॒ । शा॒कैः । इ॒ह । नू॒नम् । वा॒ज॒ऽयन्तः॑ । हु॒वे॒म॒ ।
यथा॑ । चि॒त् । पूर्वे॑ । ज॒रि॒तारः॑ । आ॒सुः । अने॑द्याः । अ॒न॒व॒द्याः । अरि॑ष्टाः ॥
Padapatha Devanagari Nonaccented
तम् । वः । इन्द्रम् । चतिनम् । अस्य । शाकैः । इह । नूनम् । वाजऽयन्तः । हुवेम ।
यथा । चित् । पूर्वे । जरितारः । आसुः । अनेद्याः । अनवद्याः । अरिष्टाः ॥
Padapatha Transcription Accented
tám ǀ vaḥ ǀ índram ǀ catínam ǀ asya ǀ śākáiḥ ǀ ihá ǀ nūnám ǀ vāja-yántaḥ ǀ huvema ǀ
yáthā ǀ cit ǀ pū́rve ǀ jaritā́raḥ ǀ āsúḥ ǀ ánedyāḥ ǀ anavadyā́ḥ ǀ áriṣṭāḥ ǁ
Padapatha Transcription Nonaccented
tam ǀ vaḥ ǀ indram ǀ catinam ǀ asya ǀ śākaiḥ ǀ iha ǀ nūnam ǀ vāja-yantaḥ ǀ huvema ǀ
yathā ǀ cit ǀ pūrve ǀ jaritāraḥ ǀ āsuḥ ǀ anedyāḥ ǀ anavadyāḥ ǀ ariṣṭāḥ ǁ
06.019.05 (Mandala. Sukta. Rik)
4.6.07.05 (Ashtaka. Adhyaya. Varga. Rik)
06.02.083 (Mandala. Anuvāka. Rik)
Samhita Devanagari Accented
धृ॒तव्र॑तो धन॒दाः सोम॑वृद्धः॒ स हि वा॒मस्य॒ वसु॑नः पुरु॒क्षुः ।
सं ज॑ग्मिरे प॒थ्या॒३॒॑ रायो॑ अस्मिन्त्समु॒द्रे न सिंध॑वो॒ याद॑मानाः ॥
Samhita Devanagari Nonaccented
धृतव्रतो धनदाः सोमवृद्धः स हि वामस्य वसुनः पुरुक्षुः ।
सं जग्मिरे पथ्या रायो अस्मिन्त्समुद्रे न सिंधवो यादमानाः ॥
Samhita Transcription Accented
dhṛtávrato dhanadā́ḥ sómavṛddhaḥ sá hí vāmásya vásunaḥ purukṣúḥ ǀ
sám jagmire pathyā́ rā́yo asmintsamudré ná síndhavo yā́damānāḥ ǁ
Samhita Transcription Nonaccented
dhṛtavrato dhanadāḥ somavṛddhaḥ sa hi vāmasya vasunaḥ purukṣuḥ ǀ
sam jagmire pathyā rāyo asmintsamudre na sindhavo yādamānāḥ ǁ
Padapatha Devanagari Accented
धृ॒तऽव्र॑तः । ध॒न॒ऽदाः । सोम॑ऽवृद्धः । सः । हि । वा॒मस्य॑ । वसु॑नः । पु॒रु॒ऽक्षुः ।
सम् । ज॒ग्मि॒रे॒ । प॒थ्याः॑ । रायः॑ । अ॒स्मि॒न् । स॒मु॒द्रे । न । सिन्ध॑वः । याद॑मानाः ॥
Padapatha Devanagari Nonaccented
धृतऽव्रतः । धनऽदाः । सोमऽवृद्धः । सः । हि । वामस्य । वसुनः । पुरुऽक्षुः ।
सम् । जग्मिरे । पथ्याः । रायः । अस्मिन् । समुद्रे । न । सिन्धवः । यादमानाः ॥
Padapatha Transcription Accented
dhṛtá-vrataḥ ǀ dhana-dā́ḥ ǀ sóma-vṛddhaḥ ǀ sáḥ ǀ hí ǀ vāmásya ǀ vásunaḥ ǀ puru-kṣúḥ ǀ
sám ǀ jagmire ǀ pathyā́ḥ ǀ rā́yaḥ ǀ asmin ǀ samudré ǀ ná ǀ síndhavaḥ ǀ yā́damānāḥ ǁ
Padapatha Transcription Nonaccented
dhṛta-vrataḥ ǀ dhana-dāḥ ǀ soma-vṛddhaḥ ǀ saḥ ǀ hi ǀ vāmasya ǀ vasunaḥ ǀ puru-kṣuḥ ǀ
sam ǀ jagmire ǀ pathyāḥ ǀ rāyaḥ ǀ asmin ǀ samudre ǀ na ǀ sindhavaḥ ǀ yādamānāḥ ǁ
06.019.06 (Mandala. Sukta. Rik)
4.6.08.01 (Ashtaka. Adhyaya. Varga. Rik)
06.02.084 (Mandala. Anuvāka. Rik)
Samhita Devanagari Accented
शवि॑ष्ठं न॒ आ भ॑र शूर॒ शव॒ ओजि॑ष्ठ॒मोजो॑ अभिभूत उ॒ग्रं ।
विश्वा॑ द्यु॒म्ना वृष्ण्या॒ मानु॑षाणाम॒स्मभ्यं॑ दा हरिवो माद॒यध्यै॑ ॥
Samhita Devanagari Nonaccented
शविष्ठं न आ भर शूर शव ओजिष्ठमोजो अभिभूत उग्रं ।
विश्वा द्युम्ना वृष्ण्या मानुषाणामस्मभ्यं दा हरिवो मादयध्यै ॥
Samhita Transcription Accented
śáviṣṭham na ā́ bhara śūra śáva ójiṣṭhamójo abhibhūta ugrám ǀ
víśvā dyumnā́ vṛ́ṣṇyā mā́nuṣāṇāmasmábhyam dā harivo mādayádhyai ǁ
Samhita Transcription Nonaccented
śaviṣṭham na ā bhara śūra śava ojiṣṭhamojo abhibhūta ugram ǀ
viśvā dyumnā vṛṣṇyā mānuṣāṇāmasmabhyam dā harivo mādayadhyai ǁ
Padapatha Devanagari Accented
शवि॑ष्ठम् । नः॒ । आ । भ॒र॒ । शू॒र॒ । शवः॑ । ओजि॑ष्ठम् । ओजः॑ । अ॒भि॒ऽभू॒ते॒ । उ॒ग्रम् ।
विश्वा॑ । द्यु॒म्ना । वृष्ण्या॑ । मानु॑षाणाम् । अ॒स्मभ्य॑म् । दाः॒ । ह॒रि॒ऽवः॒ । मा॒द॒यध्यै॑ ॥
Padapatha Devanagari Nonaccented
शविष्ठम् । नः । आ । भर । शूर । शवः । ओजिष्ठम् । ओजः । अभिऽभूते । उग्रम् ।
विश्वा । द्युम्ना । वृष्ण्या । मानुषाणाम् । अस्मभ्यम् । दाः । हरिऽवः । मादयध्यै ॥
Padapatha Transcription Accented
śáviṣṭham ǀ naḥ ǀ ā́ ǀ bhara ǀ śūra ǀ śávaḥ ǀ ójiṣṭham ǀ ójaḥ ǀ abhi-bhūte ǀ ugrám ǀ
víśvā ǀ dyumnā́ ǀ vṛ́ṣṇyā ǀ mā́nuṣāṇām ǀ asmábhyam ǀ dāḥ ǀ hari-vaḥ ǀ mādayádhyai ǁ
Padapatha Transcription Nonaccented
śaviṣṭham ǀ naḥ ǀ ā ǀ bhara ǀ śūra ǀ śavaḥ ǀ ojiṣṭham ǀ ojaḥ ǀ abhi-bhūte ǀ ugram ǀ
viśvā ǀ dyumnā ǀ vṛṣṇyā ǀ mānuṣāṇām ǀ asmabhyam ǀ dāḥ ǀ hari-vaḥ ǀ mādayadhyai ǁ
06.019.07 (Mandala. Sukta. Rik)
4.6.08.02 (Ashtaka. Adhyaya. Varga. Rik)
06.02.085 (Mandala. Anuvāka. Rik)
Samhita Devanagari Accented
यस्ते॒ मदः॑ पृतना॒षाळमृ॑ध्र॒ इंद्र॒ तं न॒ आ भ॑र शूशु॒वांसं॑ ।
येन॑ तो॒कस्य॒ तन॑यस्य सा॒तौ मं॑सी॒महि॑ जिगी॒वांस॒स्त्वोताः॑ ॥
Samhita Devanagari Nonaccented
यस्ते मदः पृतनाषाळमृध्र इंद्र तं न आ भर शूशुवांसं ।
येन तोकस्य तनयस्य सातौ मंसीमहि जिगीवांसस्त्वोताः ॥
Samhita Transcription Accented
yáste mádaḥ pṛtanāṣā́ḷámṛdhra índra tám na ā́ bhara śūśuvā́ṃsam ǀ
yéna tokásya tánayasya sātáu maṃsīmáhi jigīvā́ṃsastvótāḥ ǁ
Samhita Transcription Nonaccented
yaste madaḥ pṛtanāṣāḷamṛdhra indra tam na ā bhara śūśuvāṃsam ǀ
yena tokasya tanayasya sātau maṃsīmahi jigīvāṃsastvotāḥ ǁ
Padapatha Devanagari Accented
यः । ते॒ । मदः॑ । पृ॒त॒ना॒षाट् । अमृ॑ध्रः । इन्द्र॑ । तम् । नः॒ । आ । भ॒र॒ । शू॒शु॒ऽवांस॑म् ।
येन॑ । तो॒कस्य॑ । तन॑यस्य । सा॒तौ । मं॒सी॒महि॑ । जि॒गी॒वांसः॑ । त्वाऽऊ॑ताः ॥
Padapatha Devanagari Nonaccented
यः । ते । मदः । पृतनाषाट् । अमृध्रः । इन्द्र । तम् । नः । आ । भर । शूशुऽवांसम् ।
येन । तोकस्य । तनयस्य । सातौ । मंसीमहि । जिगीवांसः । त्वाऽऊताः ॥
Padapatha Transcription Accented
yáḥ ǀ te ǀ mádaḥ ǀ pṛtanāṣā́ṭ ǀ ámṛdhraḥ ǀ índra ǀ tám ǀ naḥ ǀ ā́ ǀ bhara ǀ śūśu-vā́ṃsam ǀ
yéna ǀ tokásya ǀ tánayasya ǀ sātáu ǀ maṃsīmáhi ǀ jigīvā́ṃsaḥ ǀ tvā́-ūtāḥ ǁ
Padapatha Transcription Nonaccented
yaḥ ǀ te ǀ madaḥ ǀ pṛtanāṣāṭ ǀ amṛdhraḥ ǀ indra ǀ tam ǀ naḥ ǀ ā ǀ bhara ǀ śūśu-vāṃsam ǀ
yena ǀ tokasya ǀ tanayasya ǀ sātau ǀ maṃsīmahi ǀ jigīvāṃsaḥ ǀ tvā-ūtāḥ ǁ
06.019.08 (Mandala. Sukta. Rik)
4.6.08.03 (Ashtaka. Adhyaya. Varga. Rik)
06.02.086 (Mandala. Anuvāka. Rik)
Samhita Devanagari Accented
आ नो॑ भर॒ वृष॑णं॒ शुष्म॑मिंद्र धन॒स्पृतं॑ शूशु॒वांसं॑ सु॒दक्षं॑ ।
येन॒ वंसा॑म॒ पृत॑नासु॒ शत्रूं॒तवो॒तिभि॑रु॒त जा॒मीँरजा॑मीन् ॥
Samhita Devanagari Nonaccented
आ नो भर वृषणं शुष्ममिंद्र धनस्पृतं शूशुवांसं सुदक्षं ।
येन वंसाम पृतनासु शत्रूंतवोतिभिरुत जामीँरजामीन् ॥
Samhita Transcription Accented
ā́ no bhara vṛ́ṣaṇam śúṣmamindra dhanaspṛ́tam śūśuvā́ṃsam sudákṣam ǀ
yéna váṃsāma pṛ́tanāsu śátrūntávotíbhirutá jāmī́m̐rájāmīn ǁ
Samhita Transcription Nonaccented
ā no bhara vṛṣaṇam śuṣmamindra dhanaspṛtam śūśuvāṃsam sudakṣam ǀ
yena vaṃsāma pṛtanāsu śatrūntavotibhiruta jāmīm̐rajāmīn ǁ
Padapatha Devanagari Accented
आ । नः॒ । भ॒र॒ । वृष॑णम् । शुष्म॑म् । इ॒न्द्र॒ । ध॒न॒ऽस्पृत॑म् । शू॒शु॒ऽवांस॑म् । सु॒ऽदक्ष॑म् ।
येन॑ । वंसा॑म । पृत॑नासु । शत्रू॑न् । तव॑ । ऊ॒तिऽभिः॑ । उ॒त । जा॒मीन् । अजा॑मीन् ॥
Padapatha Devanagari Nonaccented
आ । नः । भर । वृषणम् । शुष्मम् । इन्द्र । धनऽस्पृतम् । शूशुऽवांसम् । सुऽदक्षम् ।
येन । वंसाम । पृतनासु । शत्रून् । तव । ऊतिऽभिः । उत । जामीन् । अजामीन् ॥
Padapatha Transcription Accented
ā́ ǀ naḥ ǀ bhara ǀ vṛ́ṣaṇam ǀ śúṣmam ǀ indra ǀ dhana-spṛ́tam ǀ śūśu-vā́ṃsam ǀ su-dákṣam ǀ
yéna ǀ váṃsāma ǀ pṛ́tanāsu ǀ śátrūn ǀ táva ǀ ūtí-bhiḥ ǀ utá ǀ jāmī́n ǀ ájāmīn ǁ
Padapatha Transcription Nonaccented
ā ǀ naḥ ǀ bhara ǀ vṛṣaṇam ǀ śuṣmam ǀ indra ǀ dhana-spṛtam ǀ śūśu-vāṃsam ǀ su-dakṣam ǀ
yena ǀ vaṃsāma ǀ pṛtanāsu ǀ śatrūn ǀ tava ǀ ūti-bhiḥ ǀ uta ǀ jāmīn ǀ ajāmīn ǁ
06.019.09 (Mandala. Sukta. Rik)
4.6.08.04 (Ashtaka. Adhyaya. Varga. Rik)
06.02.087 (Mandala. Anuvāka. Rik)
Samhita Devanagari Accented
आ ते॒ शुष्मो॑ वृष॒भ ए॑तु प॒श्चादोत्त॒राद॑ध॒रादा पु॒रस्ता॑त् ।
आ वि॒श्वतो॑ अ॒भि समे॑त्व॒र्वाङिंद्र॑ द्यु॒म्नं स्व॑र्वद्धेह्य॒स्मे ॥
Samhita Devanagari Nonaccented
आ ते शुष्मो वृषभ एतु पश्चादोत्तरादधरादा पुरस्तात् ।
आ विश्वतो अभि समेत्वर्वाङिंद्र द्युम्नं स्वर्वद्धेह्यस्मे ॥
Samhita Transcription Accented
ā́ te śúṣmo vṛṣabhá etu paścā́dóttarā́dadharā́dā́ purástāt ǀ
ā́ viśváto abhí sámetvarvā́ṅíndra dyumnám svárvaddhehyasmé ǁ
Samhita Transcription Nonaccented
ā te śuṣmo vṛṣabha etu paścādottarādadharādā purastāt ǀ
ā viśvato abhi sametvarvāṅindra dyumnam svarvaddhehyasme ǁ
Padapatha Devanagari Accented
आ । ते॒ । शुष्मः॑ । वृ॒ष॒भः । ए॒तु॒ । प॒श्चात् । आ । उ॒त्त॒रात् । अ॒ध॒रात् । आ । पु॒रस्ता॑त् ।
आ । वि॒श्वतः॑ । अ॒भि । सम् । ए॒तु॒ । अ॒र्वाङ् । इन्द्र॑ । द्यु॒म्नम् । स्वः॑ऽवत् । धे॒हि॒ । अ॒स्मे इति॑ ॥
Padapatha Devanagari Nonaccented
आ । ते । शुष्मः । वृषभः । एतु । पश्चात् । आ । उत्तरात् । अधरात् । आ । पुरस्तात् ।
आ । विश्वतः । अभि । सम् । एतु । अर्वाङ् । इन्द्र । द्युम्नम् । स्वःऽवत् । धेहि । अस्मे इति ॥
Padapatha Transcription Accented
ā́ ǀ te ǀ śúṣmaḥ ǀ vṛṣabháḥ ǀ etu ǀ paścā́t ǀ ā́ ǀ uttarā́t ǀ adharā́t ǀ ā́ ǀ purástāt ǀ
ā́ ǀ viśvátaḥ ǀ abhí ǀ sám ǀ etu ǀ arvā́ṅ ǀ índra ǀ dyumnám ǀ sváḥ-vat ǀ dhehi ǀ asmé íti ǁ
Padapatha Transcription Nonaccented
ā ǀ te ǀ śuṣmaḥ ǀ vṛṣabhaḥ ǀ etu ǀ paścāt ǀ ā ǀ uttarāt ǀ adharāt ǀ ā ǀ purastāt ǀ
ā ǀ viśvataḥ ǀ abhi ǀ sam ǀ etu ǀ arvāṅ ǀ indra ǀ dyumnam ǀ svaḥ-vat ǀ dhehi ǀ asme iti ǁ
06.019.10 (Mandala. Sukta. Rik)
4.6.08.05 (Ashtaka. Adhyaya. Varga. Rik)
06.02.088 (Mandala. Anuvāka. Rik)
Samhita Devanagari Accented
नृ॒वत्त॑ इंद्र॒ नृत॑माभिरू॒ती वं॑सी॒महि॑ वा॒मं श्रोम॑तेभिः ।
ईक्षे॒ हि वस्व॑ उ॒भय॑स्य राजं॒धा रत्नं॒ महि॑ स्थू॒रं बृ॒हंतं॑ ॥
Samhita Devanagari Nonaccented
नृवत्त इंद्र नृतमाभिरूती वंसीमहि वामं श्रोमतेभिः ।
ईक्षे हि वस्व उभयस्य राजंधा रत्नं महि स्थूरं बृहंतं ॥
Samhita Transcription Accented
nṛvátta indra nṛ́tamābhirūtī́ vaṃsīmáhi vāmám śrómatebhiḥ ǀ
ī́kṣe hí vásva ubháyasya rājandhā́ rátnam máhi sthūrám bṛhántam ǁ
Samhita Transcription Nonaccented
nṛvatta indra nṛtamābhirūtī vaṃsīmahi vāmam śromatebhiḥ ǀ
īkṣe hi vasva ubhayasya rājandhā ratnam mahi sthūram bṛhantam ǁ
Padapatha Devanagari Accented
नृ॒ऽवत् । ते॒ । इ॒न्द्र॒ । नृऽत॑माभिः । ऊ॒ती । वं॒सी॒महि॑ । वा॒मम् । श्रोम॑तेभिः ।
ईक्षे॑ । हि । वस्वः॑ । उ॒भय॑स्य । रा॒ज॒न् । धाः । रत्न॑म् । महि॑ । स्थू॒रम् । बृ॒हन्त॑म् ॥
Padapatha Devanagari Nonaccented
नृऽवत् । ते । इन्द्र । नृऽतमाभिः । ऊती । वंसीमहि । वामम् । श्रोमतेभिः ।
ईक्षे । हि । वस्वः । उभयस्य । राजन् । धाः । रत्नम् । महि । स्थूरम् । बृहन्तम् ॥
Padapatha Transcription Accented
nṛ-vát ǀ te ǀ indra ǀ nṛ́-tamābhiḥ ǀ ūtī́ ǀ vaṃsīmáhi ǀ vāmám ǀ śrómatebhiḥ ǀ
ī́kṣe ǀ hí ǀ vásvaḥ ǀ ubháyasya ǀ rājan ǀ dhā́ḥ ǀ rátnam ǀ máhi ǀ sthūrám ǀ bṛhántam ǁ
Padapatha Transcription Nonaccented
nṛ-vat ǀ te ǀ indra ǀ nṛ-tamābhiḥ ǀ ūtī ǀ vaṃsīmahi ǀ vāmam ǀ śromatebhiḥ ǀ
īkṣe ǀ hi ǀ vasvaḥ ǀ ubhayasya ǀ rājan ǀ dhāḥ ǀ ratnam ǀ mahi ǀ sthūram ǀ bṛhantam ǁ
06.019.11 (Mandala. Sukta. Rik)
4.6.08.06 (Ashtaka. Adhyaya. Varga. Rik)
06.02.089 (Mandala. Anuvāka. Rik)
Samhita Devanagari Accented
म॒रुत्वं॑तं वृष॒भं वा॑वृधा॒नमक॑वारिं दि॒व्यं शा॒समिंद्रं॑ ।
वि॒श्वा॒साह॒मव॑से॒ नूत॑नायो॒ग्रं स॑हो॒दामि॒ह तं हु॑वेम ॥
Samhita Devanagari Nonaccented
मरुत्वंतं वृषभं वावृधानमकवारिं दिव्यं शासमिंद्रं ।
विश्वासाहमवसे नूतनायोग्रं सहोदामिह तं हुवेम ॥
Samhita Transcription Accented
marútvantam vṛṣabhám vāvṛdhānámákavārim divyám śāsámíndram ǀ
viśvāsā́hamávase nū́tanāyográm sahodā́mihá tám huvema ǁ
Samhita Transcription Nonaccented
marutvantam vṛṣabham vāvṛdhānamakavārim divyam śāsamindram ǀ
viśvāsāhamavase nūtanāyogram sahodāmiha tam huvema ǁ
Padapatha Devanagari Accented
म॒रुत्व॑न्तम् । वृ॒ष॒भम् । व॒वृ॒धा॒नम् । अक॑वऽअरिम् । दि॒व्यम् । शा॒सम् । इन्द्र॑म् ।
वि॒श्व॒ऽसह॑म् । अव॑से । नूत॑नाय । उ॒ग्रम् । स॒हः॒ऽदाम् । इ॒ह । तम् । हु॒वे॒म॒ ॥
Padapatha Devanagari Nonaccented
मरुत्वन्तम् । वृषभम् । ववृधानम् । अकवऽअरिम् । दिव्यम् । शासम् । इन्द्रम् ।
विश्वऽसहम् । अवसे । नूतनाय । उग्रम् । सहःऽदाम् । इह । तम् । हुवेम ॥
Padapatha Transcription Accented
marútvantam ǀ vṛṣabhám ǀ vavṛdhānám ǀ ákava-arim ǀ divyám ǀ śāsám ǀ índram ǀ
viśva-sáham ǀ ávase ǀ nū́tanāya ǀ ugrám ǀ sahaḥ-dā́m ǀ ihá ǀ tám ǀ huvema ǁ
Padapatha Transcription Nonaccented
marutvantam ǀ vṛṣabham ǀ vavṛdhānam ǀ akava-arim ǀ divyam ǀ śāsam ǀ indram ǀ
viśva-saham ǀ avase ǀ nūtanāya ǀ ugram ǀ sahaḥ-dām ǀ iha ǀ tam ǀ huvema ǁ
06.019.12 (Mandala. Sukta. Rik)
4.6.08.07 (Ashtaka. Adhyaya. Varga. Rik)
06.02.090 (Mandala. Anuvāka. Rik)
Samhita Devanagari Accented
जनं॑ वज्रि॒न्महि॑ चि॒न्मन्य॑मानमे॒भ्यो नृभ्यो॑ रंधया॒ येष्वस्मि॑ ।
अधा॒ हि त्वा॑ पृथि॒व्यां शूर॑सातौ॒ हवा॑महे॒ तन॑ये॒ गोष्व॒प्सु ॥
Samhita Devanagari Nonaccented
जनं वज्रिन्महि चिन्मन्यमानमेभ्यो नृभ्यो रंधया येष्वस्मि ।
अधा हि त्वा पृथिव्यां शूरसातौ हवामहे तनये गोष्वप्सु ॥
Samhita Transcription Accented
jánam vajrinmáhi cinmányamānamebhyó nṛ́bhyo randhayā yéṣvásmi ǀ
ádhā hí tvā pṛthivyā́m śū́rasātau hávāmahe tánaye góṣvapsú ǁ
Samhita Transcription Nonaccented
janam vajrinmahi cinmanyamānamebhyo nṛbhyo randhayā yeṣvasmi ǀ
adhā hi tvā pṛthivyām śūrasātau havāmahe tanaye goṣvapsu ǁ
Padapatha Devanagari Accented
जन॑म् । व॒ज्रि॒न् । महि॑ । चि॒त् । मन्य॑मानम् । ए॒भ्यः । नृऽभ्यः॑ । र॒न्ध॒य॒ । येषु॑ । अस्मि॑ ।
अध॑ । हि । त्वा॒ । पृ॒थि॒व्याम् । शूर॑ऽसातौ । हवा॑महे । तन॑ये । गोषु॑ । अ॒प्ऽसु ॥
Padapatha Devanagari Nonaccented
जनम् । वज्रिन् । महि । चित् । मन्यमानम् । एभ्यः । नृऽभ्यः । रन्धय । येषु । अस्मि ।
अध । हि । त्वा । पृथिव्याम् । शूरऽसातौ । हवामहे । तनये । गोषु । अप्ऽसु ॥
Padapatha Transcription Accented
jánam ǀ vajrin ǀ máhi ǀ cit ǀ mányamānam ǀ ebhyáḥ ǀ nṛ́-bhyaḥ ǀ randhaya ǀ yéṣu ǀ ásmi ǀ
ádha ǀ hí ǀ tvā ǀ pṛthivyā́m ǀ śū́ra-sātau ǀ hávāmahe ǀ tánaye ǀ góṣu ǀ ap-sú ǁ
Padapatha Transcription Nonaccented
janam ǀ vajrin ǀ mahi ǀ cit ǀ manyamānam ǀ ebhyaḥ ǀ nṛ-bhyaḥ ǀ randhaya ǀ yeṣu ǀ asmi ǀ
adha ǀ hi ǀ tvā ǀ pṛthivyām ǀ śūra-sātau ǀ havāmahe ǀ tanaye ǀ goṣu ǀ ap-su ǁ
06.019.13 (Mandala. Sukta. Rik)
4.6.08.08 (Ashtaka. Adhyaya. Varga. Rik)
06.02.091 (Mandala. Anuvāka. Rik)
Samhita Devanagari Accented
व॒यं त॑ ए॒भिः पु॑रुहूत स॒ख्यैः शत्रोः॑शत्रो॒रुत्त॑र॒ इत्स्या॑म ।
घ्नंतो॑ वृ॒त्राण्यु॒भया॑नि शूर रा॒या म॑देम बृह॒ता त्वोताः॑ ॥
Samhita Devanagari Nonaccented
वयं त एभिः पुरुहूत सख्यैः शत्रोःशत्रोरुत्तर इत्स्याम ।
घ्नंतो वृत्राण्युभयानि शूर राया मदेम बृहता त्वोताः ॥
Samhita Transcription Accented
vayám ta ebhíḥ puruhūta sakhyáiḥ śátroḥśatrorúttara ítsyāma ǀ
ghnánto vṛtrā́ṇyubháyāni śūra rāyā́ madema bṛhatā́ tvótāḥ ǁ
Samhita Transcription Nonaccented
vayam ta ebhiḥ puruhūta sakhyaiḥ śatroḥśatroruttara itsyāma ǀ
ghnanto vṛtrāṇyubhayāni śūra rāyā madema bṛhatā tvotāḥ ǁ
Padapatha Devanagari Accented
व॒यम् । ते॒ । ए॒भिः । पु॒रु॒ऽहू॒त॒ । स॒ख्यैः । शत्रोः॑ऽशत्रोः । उत्ऽत॑रे । इत् । स्या॒म॒ ।
घ्नन्तः॑ । वृ॒त्राणि॑ । उ॒भया॑नि । शू॒र॒ । रा॒या । म॒दे॒म॒ । बृ॒ह॒ता । त्वाऽऊ॑ताः ॥
Padapatha Devanagari Nonaccented
वयम् । ते । एभिः । पुरुऽहूत । सख्यैः । शत्रोःऽशत्रोः । उत्ऽतरे । इत् । स्याम ।
घ्नन्तः । वृत्राणि । उभयानि । शूर । राया । मदेम । बृहता । त्वाऽऊताः ॥
Padapatha Transcription Accented
vayám ǀ te ǀ ebhíḥ ǀ puru-hūta ǀ sakhyáiḥ ǀ śátroḥ-śatroḥ ǀ út-tare ǀ ít ǀ syāma ǀ
ghnántaḥ ǀ vṛtrā́ṇi ǀ ubháyāni ǀ śūra ǀ rāyā́ ǀ madema ǀ bṛhatā́ ǀ tvā́-ūtāḥ ǁ
Padapatha Transcription Nonaccented
vayam ǀ te ǀ ebhiḥ ǀ puru-hūta ǀ sakhyaiḥ ǀ śatroḥ-śatroḥ ǀ ut-tare ǀ it ǀ syāma ǀ
ghnantaḥ ǀ vṛtrāṇi ǀ ubhayāni ǀ śūra ǀ rāyā ǀ madema ǀ bṛhatā ǀ tvā-ūtāḥ ǁ