|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 23
|
1. Info |
| To: | indra | |
| From: | bharadvāja bārhaspatya | |
| Metres: | 1st set of styles: nicṛttriṣṭup (1, 3, 8, 9); triṣṭup (5, 6, 10); svarāṭpaṅkti (2, 4); virāṭtrisṭup (7) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.023.01 (Mandala. Sukta. Rik)
4.6.15.01 (Ashtaka. Adhyaya. Varga. Rik)
06.02.128 (Mandala. Anuvāka. Rik)
Samhita Devanagari Accented
सु॒त इत्त्वं निमि॑श्ल इंद्र॒ सोमे॒ स्तोमे॒ ब्रह्म॑णि श॒स्यमा॑न उ॒क्थे ।
यद्वा॑ यु॒क्ताभ्यां॑ मघव॒न्हरि॑भ्यां॒ बिभ्र॒द्वज्रं॑ बा॒ह्वोरिं॑द्र॒ यासि॑ ॥
Samhita Devanagari Nonaccented
सुत इत्त्वं निमिश्ल इंद्र सोमे स्तोमे ब्रह्मणि शस्यमान उक्थे ।
यद्वा युक्ताभ्यां मघवन्हरिभ्यां बिभ्रद्वज्रं बाह्वोरिंद्र यासि ॥
Samhita Transcription Accented
sutá íttvám nímiśla indra sóme stóme bráhmaṇi śasyámāna ukthé ǀ
yádvā yuktā́bhyām maghavanháribhyām bíbhradvájram bāhvórindra yā́si ǁ
Samhita Transcription Nonaccented
suta ittvam nimiśla indra some stome brahmaṇi śasyamāna ukthe ǀ
yadvā yuktābhyām maghavanharibhyām bibhradvajram bāhvorindra yāsi ǁ
Padapatha Devanagari Accented
सु॒ते । इत् । त्वम् । निऽमि॑श्लः । इ॒न्द्र॒ । सोमे॑ । स्तोमे॑ । ब्रह्म॑णि । श॒स्यमा॑ने । उ॒क्थे ।
यत् । वा॒ । यु॒क्ताभ्या॑म् । म॒घ॒ऽव॒न् । हरि॑ऽभ्याम् । बिभ्र॑त् । वज्र॑म् । बा॒ह्वोः । इ॒न्द्र॒ । यासि॑ ॥
Padapatha Devanagari Nonaccented
सुते । इत् । त्वम् । निऽमिश्लः । इन्द्र । सोमे । स्तोमे । ब्रह्मणि । शस्यमाने । उक्थे ।
यत् । वा । युक्ताभ्याम् । मघऽवन् । हरिऽभ्याम् । बिभ्रत् । वज्रम् । बाह्वोः । इन्द्र । यासि ॥
Padapatha Transcription Accented
suté ǀ ít ǀ tvám ǀ ní-miślaḥ ǀ indra ǀ sóme ǀ stóme ǀ bráhmaṇi ǀ śasyámāne ǀ ukthé ǀ
yát ǀ vā ǀ yuktā́bhyām ǀ magha-van ǀ hári-bhyām ǀ bíbhrat ǀ vájram ǀ bāhvóḥ ǀ indra ǀ yā́si ǁ
Padapatha Transcription Nonaccented
sute ǀ it ǀ tvam ǀ ni-miślaḥ ǀ indra ǀ some ǀ stome ǀ brahmaṇi ǀ śasyamāne ǀ ukthe ǀ
yat ǀ vā ǀ yuktābhyām ǀ magha-van ǀ hari-bhyām ǀ bibhrat ǀ vajram ǀ bāhvoḥ ǀ indra ǀ yāsi ǁ
06.023.02 (Mandala. Sukta. Rik)
4.6.15.02 (Ashtaka. Adhyaya. Varga. Rik)
06.02.129 (Mandala. Anuvāka. Rik)
Samhita Devanagari Accented
यद्वा॑ दि॒वि पार्ये॒ सुष्वि॑मिंद्र वृत्र॒हत्येऽव॑सि॒ शूर॑सातौ ।
यद्वा॒ दक्ष॑स्य बि॒भ्युषो॒ अबि॑भ्य॒दरं॑धयः॒ शर्ध॑त इंद्र॒ दस्यू॑न् ॥
Samhita Devanagari Nonaccented
यद्वा दिवि पार्ये सुष्विमिंद्र वृत्रहत्येऽवसि शूरसातौ ।
यद्वा दक्षस्य बिभ्युषो अबिभ्यदरंधयः शर्धत इंद्र दस्यून् ॥
Samhita Transcription Accented
yádvā diví pā́rye súṣvimindra vṛtrahátyé’vasi śū́rasātau ǀ
yádvā dákṣasya bibhyúṣo ábibhyadárandhayaḥ śárdhata indra dásyūn ǁ
Samhita Transcription Nonaccented
yadvā divi pārye suṣvimindra vṛtrahatye’vasi śūrasātau ǀ
yadvā dakṣasya bibhyuṣo abibhyadarandhayaḥ śardhata indra dasyūn ǁ
Padapatha Devanagari Accented
यत् । वा॒ । दि॒वि । पार्ये॑ । सुस्वि॑म् । इ॒न्द्र॒ । वृ॒त्र॒ऽहत्ये॑ । अव॑सि । शूर॑ऽसातौ ।
यत् । वा॒ । दक्ष॑स्य । बि॒भ्युषः॑ । अबि॑भ्यत् । अर॑न्धयः । शर्ध॑तः । इ॒न्द्र॒ । दस्यू॑न् ॥
Padapatha Devanagari Nonaccented
यत् । वा । दिवि । पार्ये । सुस्विम् । इन्द्र । वृत्रऽहत्ये । अवसि । शूरऽसातौ ।
यत् । वा । दक्षस्य । बिभ्युषः । अबिभ्यत् । अरन्धयः । शर्धतः । इन्द्र । दस्यून् ॥
Padapatha Transcription Accented
yát ǀ vā ǀ diví ǀ pā́rye ǀ súsvim ǀ indra ǀ vṛtra-hátye ǀ ávasi ǀ śū́ra-sātau ǀ
yát ǀ vā ǀ dákṣasya ǀ bibhyúṣaḥ ǀ ábibhyat ǀ árandhayaḥ ǀ śárdhataḥ ǀ indra ǀ dásyūn ǁ
Padapatha Transcription Nonaccented
yat ǀ vā ǀ divi ǀ pārye ǀ susvim ǀ indra ǀ vṛtra-hatye ǀ avasi ǀ śūra-sātau ǀ
yat ǀ vā ǀ dakṣasya ǀ bibhyuṣaḥ ǀ abibhyat ǀ arandhayaḥ ǀ śardhataḥ ǀ indra ǀ dasyūn ǁ
06.023.03 (Mandala. Sukta. Rik)
4.6.15.03 (Ashtaka. Adhyaya. Varga. Rik)
06.02.130 (Mandala. Anuvāka. Rik)
Samhita Devanagari Accented
पाता॑ सु॒तमिंद्रो॑ अस्तु॒ सोमं॑ प्रणे॒नीरु॒ग्रो ज॑रि॒तार॑मू॒ती ।
कर्ता॑ वी॒राय॒ सुष्व॑य उ लो॒कं दाता॒ वसु॑ स्तुव॒ते की॒रये॑ चित् ॥
Samhita Devanagari Nonaccented
पाता सुतमिंद्रो अस्तु सोमं प्रणेनीरुग्रो जरितारमूती ।
कर्ता वीराय सुष्वय उ लोकं दाता वसु स्तुवते कीरये चित् ॥
Samhita Transcription Accented
pā́tā sutámíndro astu sómam praṇenī́rugró jaritā́ramūtī́ ǀ
kártā vīrā́ya súṣvaya u lokám dā́tā vásu stuvaté kīráye cit ǁ
Samhita Transcription Nonaccented
pātā sutamindro astu somam praṇenīrugro jaritāramūtī ǀ
kartā vīrāya suṣvaya u lokam dātā vasu stuvate kīraye cit ǁ
Padapatha Devanagari Accented
पाता॑ । सु॒तम् । इन्द्रः॑ । अ॒स्तु॒ । सोम॑म् । प्र॒ऽने॒नीः । उ॒ग्रः । ज॒रि॒तार॑म् । ऊ॒ती ।
कर्ता॑ । वी॒राय॑ । सुस्व॑ये । ऊं॒ इति॑ । लो॒कम् । दाता॑ । वसु॑ । स्तु॒व॒ते । की॒रये॑ । चि॒त् ॥
Padapatha Devanagari Nonaccented
पाता । सुतम् । इन्द्रः । अस्तु । सोमम् । प्रऽनेनीः । उग्रः । जरितारम् । ऊती ।
कर्ता । वीराय । सुस्वये । ऊं इति । लोकम् । दाता । वसु । स्तुवते । कीरये । चित् ॥
Padapatha Transcription Accented
pā́tā ǀ sutám ǀ índraḥ ǀ astu ǀ sómam ǀ pra-nenī́ḥ ǀ ugráḥ ǀ jaritā́ram ǀ ūtī́ ǀ
kártā ǀ vīrā́ya ǀ súsvaye ǀ ūṃ íti ǀ lokám ǀ dā́tā ǀ vásu ǀ stuvaté ǀ kīráye ǀ cit ǁ
Padapatha Transcription Nonaccented
pātā ǀ sutam ǀ indraḥ ǀ astu ǀ somam ǀ pra-nenīḥ ǀ ugraḥ ǀ jaritāram ǀ ūtī ǀ
kartā ǀ vīrāya ǀ susvaye ǀ ūṃ iti ǀ lokam ǀ dātā ǀ vasu ǀ stuvate ǀ kīraye ǀ cit ǁ
06.023.04 (Mandala. Sukta. Rik)
4.6.15.04 (Ashtaka. Adhyaya. Varga. Rik)
06.02.131 (Mandala. Anuvāka. Rik)
Samhita Devanagari Accented
गंतेयां॑ति॒ सव॑ना॒ हरि॑भ्यां ब॒भ्रिर्वज्रं॑ प॒पिः सोमं॑ द॒दिर्गाः ।
कर्ता॑ वी॒रं नर्यं॒ सर्व॑वीरं॒ श्रोता॒ हवं॑ गृण॒तः स्तोम॑वाहाः ॥
Samhita Devanagari Nonaccented
गंतेयांति सवना हरिभ्यां बभ्रिर्वज्रं पपिः सोमं ददिर्गाः ।
कर्ता वीरं नर्यं सर्ववीरं श्रोता हवं गृणतः स्तोमवाहाः ॥
Samhita Transcription Accented
gántéyānti sávanā háribhyām babhrírvájram papíḥ sómam dadírgā́ḥ ǀ
kártā vīrám náryam sárvavīram śrótā hávam gṛṇatáḥ stómavāhāḥ ǁ
Samhita Transcription Nonaccented
ganteyānti savanā haribhyām babhrirvajram papiḥ somam dadirgāḥ ǀ
kartā vīram naryam sarvavīram śrotā havam gṛṇataḥ stomavāhāḥ ǁ
Padapatha Devanagari Accented
गन्ता॑ । इय॑न्ति । सव॑ना । हरि॑ऽभ्याम् । ब॒भ्रिः । वज्र॑म् । प॒पिः । सोम॑म् । द॒दिः । गाः ।
कर्ता॑ । वी॒रम् । नर्य॑म् । सर्व॑ऽवीरम् । श्रोता॑ । हव॑म् । गृ॒ण॒तः । स्तोम॑ऽवाहाः ॥
Padapatha Devanagari Nonaccented
गन्ता । इयन्ति । सवना । हरिऽभ्याम् । बभ्रिः । वज्रम् । पपिः । सोमम् । ददिः । गाः ।
कर्ता । वीरम् । नर्यम् । सर्वऽवीरम् । श्रोता । हवम् । गृणतः । स्तोमऽवाहाः ॥
Padapatha Transcription Accented
gántā ǀ íyanti ǀ sávanā ǀ hári-bhyām ǀ babhríḥ ǀ vájram ǀ papíḥ ǀ sómam ǀ dadíḥ ǀ gā́ḥ ǀ
kártā ǀ vīrám ǀ náryam ǀ sárva-vīram ǀ śrótā ǀ hávam ǀ gṛṇatáḥ ǀ stóma-vāhāḥ ǁ
Padapatha Transcription Nonaccented
gantā ǀ iyanti ǀ savanā ǀ hari-bhyām ǀ babhriḥ ǀ vajram ǀ papiḥ ǀ somam ǀ dadiḥ ǀ gāḥ ǀ
kartā ǀ vīram ǀ naryam ǀ sarva-vīram ǀ śrotā ǀ havam ǀ gṛṇataḥ ǀ stoma-vāhāḥ ǁ
06.023.05 (Mandala. Sukta. Rik)
4.6.15.05 (Ashtaka. Adhyaya. Varga. Rik)
06.02.132 (Mandala. Anuvāka. Rik)
Samhita Devanagari Accented
अस्मै॑ व॒यं यद्वा॒वान॒ तद्वि॑विष्म॒ इंद्रा॑य॒ यो नः॑ प्र॒दिवो॒ अप॒स्कः ।
सु॒ते सोमे॑ स्तु॒मसि॒ शंस॑दु॒क्थेंद्रा॑य॒ ब्रह्म॒ वर्ध॑नं॒ यथास॑त् ॥
Samhita Devanagari Nonaccented
अस्मै वयं यद्वावान तद्विविष्म इंद्राय यो नः प्रदिवो अपस्कः ।
सुते सोमे स्तुमसि शंसदुक्थेंद्राय ब्रह्म वर्धनं यथासत् ॥
Samhita Transcription Accented
ásmai vayám yádvāvā́na tádviviṣma índrāya yó naḥ pradívo ápaskáḥ ǀ
suté sóme stumási śáṃsadukthéndrāya bráhma várdhanam yáthā́sat ǁ
Samhita Transcription Nonaccented
asmai vayam yadvāvāna tadviviṣma indrāya yo naḥ pradivo apaskaḥ ǀ
sute some stumasi śaṃsadukthendrāya brahma vardhanam yathāsat ǁ
Padapatha Devanagari Accented
अस्मै॑ । व॒यम् । यत् । व॒वान॑ । तत् । वि॒वि॒ष्मः॒ । इन्द्रा॑य । यः । नः॒ । प्र॒ऽदिवः॑ । अपः॑ । करिति॒ कः ।
सु॒ते । सोमे॑ । स्तु॒मसि॑ । शंस॑त् । उ॒क्था । इन्द्रा॑य । ब्रह्म॑ । वर्ध॑नम् । यथा॑ । अस॑त् ॥
Padapatha Devanagari Nonaccented
अस्मै । वयम् । यत् । ववान । तत् । विविष्मः । इन्द्राय । यः । नः । प्रऽदिवः । अपः । करिति कः ।
सुते । सोमे । स्तुमसि । शंसत् । उक्था । इन्द्राय । ब्रह्म । वर्धनम् । यथा । असत् ॥
Padapatha Transcription Accented
ásmai ǀ vayám ǀ yát ǀ vavā́na ǀ tát ǀ viviṣmaḥ ǀ índrāya ǀ yáḥ ǀ naḥ ǀ pra-dívaḥ ǀ ápaḥ ǀ káríti káḥ ǀ
suté ǀ sóme ǀ stumási ǀ śáṃsat ǀ ukthā́ ǀ índrāya ǀ bráhma ǀ várdhanam ǀ yáthā ǀ ásat ǁ
Padapatha Transcription Nonaccented
asmai ǀ vayam ǀ yat ǀ vavāna ǀ tat ǀ viviṣmaḥ ǀ indrāya ǀ yaḥ ǀ naḥ ǀ pra-divaḥ ǀ apaḥ ǀ kariti kaḥ ǀ
sute ǀ some ǀ stumasi ǀ śaṃsat ǀ ukthā ǀ indrāya ǀ brahma ǀ vardhanam ǀ yathā ǀ asat ǁ
06.023.06 (Mandala. Sukta. Rik)
4.6.16.01 (Ashtaka. Adhyaya. Varga. Rik)
06.02.133 (Mandala. Anuvāka. Rik)
Samhita Devanagari Accented
ब्रह्मा॑णि॒ हि च॑कृ॒षे वर्ध॑नानि॒ ताव॑त्त इंद्र म॒तिभि॑र्विविष्मः ।
सु॒ते सोमे॑ सुतपाः॒ शंत॑मानि॒ रांद्र्या॑ क्रियास्म॒ वक्ष॑णानि य॒ज्ञैः ॥
Samhita Devanagari Nonaccented
ब्रह्माणि हि चकृषे वर्धनानि तावत्त इंद्र मतिभिर्विविष्मः ।
सुते सोमे सुतपाः शंतमानि रांद्र्या क्रियास्म वक्षणानि यज्ञैः ॥
Samhita Transcription Accented
bráhmāṇi hí cakṛṣé várdhanāni tā́vatta indra matíbhirviviṣmaḥ ǀ
suté sóme sutapāḥ śáṃtamāni rā́ndryā kriyāsma vákṣaṇāni yajñáiḥ ǁ
Samhita Transcription Nonaccented
brahmāṇi hi cakṛṣe vardhanāni tāvatta indra matibhirviviṣmaḥ ǀ
sute some sutapāḥ śaṃtamāni rāndryā kriyāsma vakṣaṇāni yajñaiḥ ǁ
Padapatha Devanagari Accented
ब्रह्मा॑णि । हि । च॒कृ॒षे । वर्ध॑नानि । ताव॑त् । ते॒ । इ॒न्द्र॒ । म॒तिऽभिः॑ । वि॒वि॒ष्मः॒ ।
सु॒ते । सोमे॑ । सु॒त॒ऽपाः॒ । शम्ऽत॑मानि । रान्द्र्या॑ । क्रि॒या॒स्म॒ । वक्ष॑णानि । य॒ज्ञैः ॥
Padapatha Devanagari Nonaccented
ब्रह्माणि । हि । चकृषे । वर्धनानि । तावत् । ते । इन्द्र । मतिऽभिः । विविष्मः ।
सुते । सोमे । सुतऽपाः । शम्ऽतमानि । रान्द्र्या । क्रियास्म । वक्षणानि । यज्ञैः ॥
Padapatha Transcription Accented
bráhmāṇi ǀ hí ǀ cakṛṣé ǀ várdhanāni ǀ tā́vat ǀ te ǀ indra ǀ matí-bhiḥ ǀ viviṣmaḥ ǀ
suté ǀ sóme ǀ suta-pāḥ ǀ śám-tamāni ǀ rā́ndryā ǀ kriyāsma ǀ vákṣaṇāni ǀ yajñáiḥ ǁ
Padapatha Transcription Nonaccented
brahmāṇi ǀ hi ǀ cakṛṣe ǀ vardhanāni ǀ tāvat ǀ te ǀ indra ǀ mati-bhiḥ ǀ viviṣmaḥ ǀ
sute ǀ some ǀ suta-pāḥ ǀ śam-tamāni ǀ rāndryā ǀ kriyāsma ǀ vakṣaṇāni ǀ yajñaiḥ ǁ
06.023.07 (Mandala. Sukta. Rik)
4.6.16.02 (Ashtaka. Adhyaya. Varga. Rik)
06.02.134 (Mandala. Anuvāka. Rik)
Samhita Devanagari Accented
स नो॑ बोधि पुरो॒ळाशं॒ ररा॑णः॒ पिबा॒ तु सोमं॒ गोऋ॑जीकमिंद्र ।
एदं ब॒र्हिर्यज॑मानस्य सीदो॒रुं कृ॑धि त्वाय॒त उ॑ लो॒कं ॥
Samhita Devanagari Nonaccented
स नो बोधि पुरोळाशं रराणः पिबा तु सोमं गोऋजीकमिंद्र ।
एदं बर्हिर्यजमानस्य सीदोरुं कृधि त्वायत उ लोकं ॥
Samhita Transcription Accented
sá no bodhi puroḷā́śam rárāṇaḥ píbā tú sómam góṛjīkamindra ǀ
édám barhíryájamānasya sīdorúm kṛdhi tvāyatá u lokám ǁ
Samhita Transcription Nonaccented
sa no bodhi puroḷāśam rarāṇaḥ pibā tu somam goṛjīkamindra ǀ
edam barhiryajamānasya sīdorum kṛdhi tvāyata u lokam ǁ
Padapatha Devanagari Accented
सः । नः॒ । बो॒धि॒ । पु॒रो॒ळाश॑म् । ररा॑णः । पिब॑ । तु । सोम॑म् । गोऽऋ॑जीकम् । इ॒न्द्र॒ ।
आ । इ॒दम् । ब॒र्हिः । यज॑मानस्य । सी॒द॒ । उ॒रुम् । कृ॒धि॒ । त्वा॒ऽय॒तः । ऊं॒ इति॑ । लो॒कम् ॥
Padapatha Devanagari Nonaccented
सः । नः । बोधि । पुरोळाशम् । रराणः । पिब । तु । सोमम् । गोऽऋजीकम् । इन्द्र ।
आ । इदम् । बर्हिः । यजमानस्य । सीद । उरुम् । कृधि । त्वाऽयतः । ऊं इति । लोकम् ॥
Padapatha Transcription Accented
sáḥ ǀ naḥ ǀ bodhi ǀ puroḷā́śam ǀ rárāṇaḥ ǀ píba ǀ tú ǀ sómam ǀ gó-ṛjīkam ǀ indra ǀ
ā́ ǀ idám ǀ barhíḥ ǀ yájamānasya ǀ sīda ǀ urúm ǀ kṛdhi ǀ tvā-yatáḥ ǀ ūṃ íti ǀ lokám ǁ
Padapatha Transcription Nonaccented
saḥ ǀ naḥ ǀ bodhi ǀ puroḷāśam ǀ rarāṇaḥ ǀ piba ǀ tu ǀ somam ǀ go-ṛjīkam ǀ indra ǀ
ā ǀ idam ǀ barhiḥ ǀ yajamānasya ǀ sīda ǀ urum ǀ kṛdhi ǀ tvā-yataḥ ǀ ūṃ iti ǀ lokam ǁ
06.023.08 (Mandala. Sukta. Rik)
4.6.16.03 (Ashtaka. Adhyaya. Varga. Rik)
06.02.135 (Mandala. Anuvāka. Rik)
Samhita Devanagari Accented
स मं॑दस्वा॒ ह्यनु॒ जोष॑मुग्र॒ प्र त्वा॑ य॒ज्ञास॑ इ॒मे अ॑श्नुवंतु ।
प्रेमे हवा॑सः पुरुहू॒तम॒स्मे आ त्वे॒यं धीरव॑स इंद्र यम्याः ॥
Samhita Devanagari Nonaccented
स मंदस्वा ह्यनु जोषमुग्र प्र त्वा यज्ञास इमे अश्नुवंतु ।
प्रेमे हवासः पुरुहूतमस्मे आ त्वेयं धीरवस इंद्र यम्याः ॥
Samhita Transcription Accented
sá mandasvā hyánu jóṣamugra prá tvā yajñā́sa imé aśnuvantu ǀ
prémé hávāsaḥ puruhūtámasmé ā́ tveyám dhī́rávasa indra yamyāḥ ǁ
Samhita Transcription Nonaccented
sa mandasvā hyanu joṣamugra pra tvā yajñāsa ime aśnuvantu ǀ
preme havāsaḥ puruhūtamasme ā tveyam dhīravasa indra yamyāḥ ǁ
Padapatha Devanagari Accented
सः । म॒न्द॒स्व॒ । हि । अनु॑ । जोष॑म् । उ॒ग्र॒ । प्र । त्वा॒ । य॒ज्ञासः॑ । इ॒मे । अ॒श्नु॒व॒न्तु॒ ।
प्र । इ॒मे । हवा॑सः । पु॒रु॒ऽहू॒तम् । अ॒स्मे इति॑ । आ । त्वा॒ । इ॒यम् । धीः । अव॑से । इ॒न्द्र॒ । य॒म्याः॒ ॥
Padapatha Devanagari Nonaccented
सः । मन्दस्व । हि । अनु । जोषम् । उग्र । प्र । त्वा । यज्ञासः । इमे । अश्नुवन्तु ।
प्र । इमे । हवासः । पुरुऽहूतम् । अस्मे इति । आ । त्वा । इयम् । धीः । अवसे । इन्द्र । यम्याः ॥
Padapatha Transcription Accented
sáḥ ǀ mandasva ǀ hí ǀ ánu ǀ jóṣam ǀ ugra ǀ prá ǀ tvā ǀ yajñā́saḥ ǀ imé ǀ aśnuvantu ǀ
prá ǀ imé ǀ hávāsaḥ ǀ puru-hūtám ǀ asmé íti ǀ ā́ ǀ tvā ǀ iyám ǀ dhī́ḥ ǀ ávase ǀ indra ǀ yamyāḥ ǁ
Padapatha Transcription Nonaccented
saḥ ǀ mandasva ǀ hi ǀ anu ǀ joṣam ǀ ugra ǀ pra ǀ tvā ǀ yajñāsaḥ ǀ ime ǀ aśnuvantu ǀ
pra ǀ ime ǀ havāsaḥ ǀ puru-hūtam ǀ asme iti ǀ ā ǀ tvā ǀ iyam ǀ dhīḥ ǀ avase ǀ indra ǀ yamyāḥ ǁ
06.023.09 (Mandala. Sukta. Rik)
4.6.16.04 (Ashtaka. Adhyaya. Varga. Rik)
06.02.136 (Mandala. Anuvāka. Rik)
Samhita Devanagari Accented
तं वः॑ सखायः॒ सं यथा॑ सु॒तेषु॒ सोमे॑भिरीं पृणता भो॒जमिंद्रं॑ ।
कु॒वित्तस्मा॒ अस॑ति नो॒ भरा॑य॒ न सुष्वि॒मिंद्रोऽव॑से मृधाति ॥
Samhita Devanagari Nonaccented
तं वः सखायः सं यथा सुतेषु सोमेभिरीं पृणता भोजमिंद्रं ।
कुवित्तस्मा असति नो भराय न सुष्विमिंद्रोऽवसे मृधाति ॥
Samhita Transcription Accented
tám vaḥ sakhāyaḥ sám yáthā sutéṣu sómebhirīm pṛṇatā bhojámíndram ǀ
kuvíttásmā ásati no bhárāya ná súṣvimíndró’vase mṛdhāti ǁ
Samhita Transcription Nonaccented
tam vaḥ sakhāyaḥ sam yathā suteṣu somebhirīm pṛṇatā bhojamindram ǀ
kuvittasmā asati no bharāya na suṣvimindro’vase mṛdhāti ǁ
Padapatha Devanagari Accented
तम् । वः॒ । स॒खा॒यः॒ । सम् । यथा॑ । सु॒तेषु॑ । सोमे॑भिः । ई॒म् । पृ॒ण॒त॒ । भो॒जम् । इन्द्र॑म् ।
कु॒वित् । तस्मै॑ । अस॑ति । नः॒ । भरा॑य । न । सुस्वि॑म् । इन्द्रः॑ । अव॑से । मृ॒धा॒ति॒ ॥
Padapatha Devanagari Nonaccented
तम् । वः । सखायः । सम् । यथा । सुतेषु । सोमेभिः । ईम् । पृणत । भोजम् । इन्द्रम् ।
कुवित् । तस्मै । असति । नः । भराय । न । सुस्विम् । इन्द्रः । अवसे । मृधाति ॥
Padapatha Transcription Accented
tám ǀ vaḥ ǀ sakhāyaḥ ǀ sám ǀ yáthā ǀ sutéṣu ǀ sómebhiḥ ǀ īm ǀ pṛṇata ǀ bhojám ǀ índram ǀ
kuvít ǀ tásmai ǀ ásati ǀ naḥ ǀ bhárāya ǀ ná ǀ súsvim ǀ índraḥ ǀ ávase ǀ mṛdhāti ǁ
Padapatha Transcription Nonaccented
tam ǀ vaḥ ǀ sakhāyaḥ ǀ sam ǀ yathā ǀ suteṣu ǀ somebhiḥ ǀ īm ǀ pṛṇata ǀ bhojam ǀ indram ǀ
kuvit ǀ tasmai ǀ asati ǀ naḥ ǀ bharāya ǀ na ǀ susvim ǀ indraḥ ǀ avase ǀ mṛdhāti ǁ
06.023.10 (Mandala. Sukta. Rik)
4.6.16.05 (Ashtaka. Adhyaya. Varga. Rik)
06.02.137 (Mandala. Anuvāka. Rik)
Samhita Devanagari Accented
ए॒वेदिंद्रः॑ सु॒ते अ॑स्तावि॒ सोमे॑ भ॒रद्वा॑जेषु॒ क्षय॒दिन्म॒घोनः॑ ।
अस॒द्यथा॑ जरि॒त्र उ॒त सू॒रिरिंद्रो॑ रा॒यो वि॒श्ववा॑रस्य दा॒ता ॥
Samhita Devanagari Nonaccented
एवेदिंद्रः सुते अस्तावि सोमे भरद्वाजेषु क्षयदिन्मघोनः ।
असद्यथा जरित्र उत सूरिरिंद्रो रायो विश्ववारस्य दाता ॥
Samhita Transcription Accented
evédíndraḥ suté astāvi sóme bharádvājeṣu kṣáyadínmaghónaḥ ǀ
ásadyáthā jaritrá utá sūríríndro rāyó viśvávārasya dātā́ ǁ
Samhita Transcription Nonaccented
evedindraḥ sute astāvi some bharadvājeṣu kṣayadinmaghonaḥ ǀ
asadyathā jaritra uta sūririndro rāyo viśvavārasya dātā ǁ
Padapatha Devanagari Accented
ए॒व । इत् । इन्द्रः॑ । सु॒ते । अ॒स्ता॒वि॒ । सोमे॑ । भ॒रत्ऽवा॑जेषु । क्षय॑त् । इत् । म॒घोनः॑ ।
अस॑त् । यथा॑ । ज॒रि॒त्रे । उ॒त । सू॒रिः । इन्द्रः॑ । रा॒यः । वि॒श्वऽवा॑रस्य । दा॒ता ॥
Padapatha Devanagari Nonaccented
एव । इत् । इन्द्रः । सुते । अस्तावि । सोमे । भरत्ऽवाजेषु । क्षयत् । इत् । मघोनः ।
असत् । यथा । जरित्रे । उत । सूरिः । इन्द्रः । रायः । विश्वऽवारस्य । दाता ॥
Padapatha Transcription Accented
evá ǀ ít ǀ índraḥ ǀ suté ǀ astāvi ǀ sóme ǀ bharát-vājeṣu ǀ kṣáyat ǀ ít ǀ maghónaḥ ǀ
ásat ǀ yáthā ǀ jaritré ǀ utá ǀ sūríḥ ǀ índraḥ ǀ rāyáḥ ǀ viśvá-vārasya ǀ dātā́ ǁ
Padapatha Transcription Nonaccented
eva ǀ it ǀ indraḥ ǀ sute ǀ astāvi ǀ some ǀ bharat-vājeṣu ǀ kṣayat ǀ it ǀ maghonaḥ ǀ
asat ǀ yathā ǀ jaritre ǀ uta ǀ sūriḥ ǀ indraḥ ǀ rāyaḥ ǀ viśva-vārasya ǀ dātā ǁ