|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 26
|
1. Info |
| To: | indra | |
| From: | bharadvāja bārhaspatya | |
| Metres: | 1st set of styles: bhurikpaṅkti (2, 4); paṅktiḥ (1); nicṛtpaṅkti (3); svarāṭpaṅkti (5); virāṭtrisṭup (6); triṣṭup (7); nicṛttriṣṭup (8) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.026.01 (Mandala. Sukta. Rik)
4.6.21.01 (Ashtaka. Adhyaya. Varga. Rik)
06.03.020 (Mandala. Anuvāka. Rik)
Samhita Devanagari Accented
श्रु॒धी न॑ इंद्र॒ ह्वया॑मसि त्वा म॒हो वाज॑स्य सा॒तौ वा॑वृषा॒णाः ।
सं यद्विशोऽयं॑त॒ शूर॑साता उ॒ग्रं नोऽवः॒ पार्ये॒ अहं॑दाः ॥
Samhita Devanagari Nonaccented
श्रुधी न इंद्र ह्वयामसि त्वा महो वाजस्य सातौ वावृषाणाः ।
सं यद्विशोऽयंत शूरसाता उग्रं नोऽवः पार्ये अहंदाः ॥
Samhita Transcription Accented
śrudhī́ na indra hváyāmasi tvā mahó vā́jasya sātáu vāvṛṣāṇā́ḥ ǀ
sám yádvíśó’yanta śū́rasātā ugrám nó’vaḥ pā́rye áhandāḥ ǁ
Samhita Transcription Nonaccented
śrudhī na indra hvayāmasi tvā maho vājasya sātau vāvṛṣāṇāḥ ǀ
sam yadviśo’yanta śūrasātā ugram no’vaḥ pārye ahandāḥ ǁ
Padapatha Devanagari Accented
श्रु॒धि । नः॒ । इ॒न्द्र॒ । ह्वया॑मसि । त्वा॒ । म॒हः । वाज॑स्य । सा॒तौ । व॒वृ॒षा॒णाः ।
सम् । यत् । विशः॑ । अय॑न्त । शूर॑ऽसातौ । उ॒ग्रम् । नः॒ । अवः॑ । पार्ये॑ । अह॑न् । दाः॒ ॥
Padapatha Devanagari Nonaccented
श्रुधि । नः । इन्द्र । ह्वयामसि । त्वा । महः । वाजस्य । सातौ । ववृषाणाः ।
सम् । यत् । विशः । अयन्त । शूरऽसातौ । उग्रम् । नः । अवः । पार्ये । अहन् । दाः ॥
Padapatha Transcription Accented
śrudhí ǀ naḥ ǀ indra ǀ hváyāmasi ǀ tvā ǀ maháḥ ǀ vā́jasya ǀ sātáu ǀ vavṛṣāṇā́ḥ ǀ
sám ǀ yát ǀ víśaḥ ǀ áyanta ǀ śū́ra-sātau ǀ ugrám ǀ naḥ ǀ ávaḥ ǀ pā́rye ǀ áhan ǀ dāḥ ǁ
Padapatha Transcription Nonaccented
śrudhi ǀ naḥ ǀ indra ǀ hvayāmasi ǀ tvā ǀ mahaḥ ǀ vājasya ǀ sātau ǀ vavṛṣāṇāḥ ǀ
sam ǀ yat ǀ viśaḥ ǀ ayanta ǀ śūra-sātau ǀ ugram ǀ naḥ ǀ avaḥ ǀ pārye ǀ ahan ǀ dāḥ ǁ
06.026.02 (Mandala. Sukta. Rik)
4.6.21.02 (Ashtaka. Adhyaya. Varga. Rik)
06.03.021 (Mandala. Anuvāka. Rik)
Samhita Devanagari Accented
त्वां वा॒जी ह॑वते वाजिने॒यो म॒हो वाज॑स्य॒ गध्य॑स्य सा॒तौ ।
त्वां वृ॒त्रेष्विं॑द्र॒ सत्प॑तिं॒ तरु॑त्रं॒ त्वां च॑ष्टे मुष्टि॒हा गोषु॒ युध्य॑न् ॥
Samhita Devanagari Nonaccented
त्वां वाजी हवते वाजिनेयो महो वाजस्य गध्यस्य सातौ ।
त्वां वृत्रेष्विंद्र सत्पतिं तरुत्रं त्वां चष्टे मुष्टिहा गोषु युध्यन् ॥
Samhita Transcription Accented
tvā́m vājī́ havate vājineyó mahó vā́jasya gádhyasya sātáu ǀ
tvā́m vṛtréṣvindra sátpatim tárutram tvā́m caṣṭe muṣṭihā́ góṣu yúdhyan ǁ
Samhita Transcription Nonaccented
tvām vājī havate vājineyo maho vājasya gadhyasya sātau ǀ
tvām vṛtreṣvindra satpatim tarutram tvām caṣṭe muṣṭihā goṣu yudhyan ǁ
Padapatha Devanagari Accented
त्वाम् । वा॒जी । ह॒व॒ते॒ । वा॒जि॒ने॒यः । म॒हः । वाज॑स्य । गध्य॑स्य । सा॒तौ ।
त्वाम् । वृ॒त्रेषु॑ । इ॒न्द्र॒ । सत्ऽप॑तिम् । तरु॑त्रम् । त्वाम् । च॒ष्टे॒ । मु॒ष्टि॒ऽहा । गोषु॑ । युध्य॑न् ॥
Padapatha Devanagari Nonaccented
त्वाम् । वाजी । हवते । वाजिनेयः । महः । वाजस्य । गध्यस्य । सातौ ।
त्वाम् । वृत्रेषु । इन्द्र । सत्ऽपतिम् । तरुत्रम् । त्वाम् । चष्टे । मुष्टिऽहा । गोषु । युध्यन् ॥
Padapatha Transcription Accented
tvā́m ǀ vājī́ ǀ havate ǀ vājineyáḥ ǀ maháḥ ǀ vā́jasya ǀ gádhyasya ǀ sātáu ǀ
tvā́m ǀ vṛtréṣu ǀ indra ǀ sát-patim ǀ tárutram ǀ tvā́m ǀ caṣṭe ǀ muṣṭi-hā́ ǀ góṣu ǀ yúdhyan ǁ
Padapatha Transcription Nonaccented
tvām ǀ vājī ǀ havate ǀ vājineyaḥ ǀ mahaḥ ǀ vājasya ǀ gadhyasya ǀ sātau ǀ
tvām ǀ vṛtreṣu ǀ indra ǀ sat-patim ǀ tarutram ǀ tvām ǀ caṣṭe ǀ muṣṭi-hā ǀ goṣu ǀ yudhyan ǁ
06.026.03 (Mandala. Sukta. Rik)
4.6.21.03 (Ashtaka. Adhyaya. Varga. Rik)
06.03.022 (Mandala. Anuvāka. Rik)
Samhita Devanagari Accented
त्वं क॒विं चो॑दयो॒ऽर्कसा॑तौ॒ त्वं कुत्सा॑य॒ शुष्णं॑ दा॒शुषे॑ वर्क् ।
त्वं शिरो॑ अम॒र्मणः॒ परा॑हन्नतिथि॒ग्वाय॒ शंस्यं॑ करि॒ष्यन् ॥
Samhita Devanagari Nonaccented
त्वं कविं चोदयोऽर्कसातौ त्वं कुत्साय शुष्णं दाशुषे वर्क् ।
त्वं शिरो अमर्मणः पराहन्नतिथिग्वाय शंस्यं करिष्यन् ॥
Samhita Transcription Accented
tvám kavím codayo’rkásātau tvám kútsāya śúṣṇam dāśúṣe vark ǀ
tvám śíro amarmáṇaḥ párāhannatithigvā́ya śáṃsyam kariṣyán ǁ
Samhita Transcription Nonaccented
tvam kavim codayo’rkasātau tvam kutsāya śuṣṇam dāśuṣe vark ǀ
tvam śiro amarmaṇaḥ parāhannatithigvāya śaṃsyam kariṣyan ǁ
Padapatha Devanagari Accented
त्वम् । क॒विम् । चो॒द॒यः॒ । अ॒र्कऽसा॑तौ । त्वम् । कुत्सा॑य । शुष्ण॑म् । दा॒शुषे॑ । व॒र्क् ।
त्वम् । शिरः॑ । अ॒म॒र्मणः॑ । परा॑ । अ॒ह॒न् । अ॒ति॒थि॒ऽग्वाय॑ । शंस्य॑म् । क॒रि॒ष्यन् ॥
Padapatha Devanagari Nonaccented
त्वम् । कविम् । चोदयः । अर्कऽसातौ । त्वम् । कुत्साय । शुष्णम् । दाशुषे । वर्क् ।
त्वम् । शिरः । अमर्मणः । परा । अहन् । अतिथिऽग्वाय । शंस्यम् । करिष्यन् ॥
Padapatha Transcription Accented
tvám ǀ kavím ǀ codayaḥ ǀ arká-sātau ǀ tvám ǀ kútsāya ǀ śúṣṇam ǀ dāśúṣe ǀ vark ǀ
tvám ǀ śíraḥ ǀ amarmáṇaḥ ǀ párā ǀ ahan ǀ atithi-gvā́ya ǀ śáṃsyam ǀ kariṣyán ǁ
Padapatha Transcription Nonaccented
tvam ǀ kavim ǀ codayaḥ ǀ arka-sātau ǀ tvam ǀ kutsāya ǀ śuṣṇam ǀ dāśuṣe ǀ vark ǀ
tvam ǀ śiraḥ ǀ amarmaṇaḥ ǀ parā ǀ ahan ǀ atithi-gvāya ǀ śaṃsyam ǀ kariṣyan ǁ
06.026.04 (Mandala. Sukta. Rik)
4.6.21.04 (Ashtaka. Adhyaya. Varga. Rik)
06.03.023 (Mandala. Anuvāka. Rik)
Samhita Devanagari Accented
त्वं रथं॒ प्र भ॑रो यो॒धमृ॒ष्वमावो॒ युध्यं॑तं वृष॒भं दश॑द्युं ।
त्वं तुग्रं॑ वेत॒सवे॒ सचा॑हं॒त्वं तुजिं॑ गृ॒णंत॑मिंद्र तूतोः ॥
Samhita Devanagari Nonaccented
त्वं रथं प्र भरो योधमृष्वमावो युध्यंतं वृषभं दशद्युं ।
त्वं तुग्रं वेतसवे सचाहंत्वं तुजिं गृणंतमिंद्र तूतोः ॥
Samhita Transcription Accented
tvám rátham prá bharo yodhámṛṣvámā́vo yúdhyantam vṛṣabhám dáśadyum ǀ
tvám túgram vetasáve sácāhantvám tújim gṛṇántamindra tūtoḥ ǁ
Samhita Transcription Nonaccented
tvam ratham pra bharo yodhamṛṣvamāvo yudhyantam vṛṣabham daśadyum ǀ
tvam tugram vetasave sacāhantvam tujim gṛṇantamindra tūtoḥ ǁ
Padapatha Devanagari Accented
त्वम् । रथ॑म् । प्र । भ॒रः॒ । यो॒धम् । ऋ॒ष्वम् । आवः॑ । युध्य॑न्तम् । वृ॒ष॒भम् । दश॑ऽद्युम् ।
त्वम् । तुग्र॑म् । वे॒त॒सवे॑ । सचा॑ । अ॒ह॒न् । त्वम् । तुजि॑म् । गृ॒णन्त॑म् । इ॒न्द्र॒ । तू॒तो॒रिति॑ तूतोः ॥
Padapatha Devanagari Nonaccented
त्वम् । रथम् । प्र । भरः । योधम् । ऋष्वम् । आवः । युध्यन्तम् । वृषभम् । दशऽद्युम् ।
त्वम् । तुग्रम् । वेतसवे । सचा । अहन् । त्वम् । तुजिम् । गृणन्तम् । इन्द्र । तूतोरिति तूतोः ॥
Padapatha Transcription Accented
tvám ǀ rátham ǀ prá ǀ bharaḥ ǀ yodhám ǀ ṛṣvám ǀ ā́vaḥ ǀ yúdhyantam ǀ vṛṣabhám ǀ dáśa-dyum ǀ
tvám ǀ túgram ǀ vetasáve ǀ sácā ǀ ahan ǀ tvám ǀ tújim ǀ gṛṇántam ǀ indra ǀ tūtoríti tūtoḥ ǁ
Padapatha Transcription Nonaccented
tvam ǀ ratham ǀ pra ǀ bharaḥ ǀ yodham ǀ ṛṣvam ǀ āvaḥ ǀ yudhyantam ǀ vṛṣabham ǀ daśa-dyum ǀ
tvam ǀ tugram ǀ vetasave ǀ sacā ǀ ahan ǀ tvam ǀ tujim ǀ gṛṇantam ǀ indra ǀ tūtoriti tūtoḥ ǁ
06.026.05 (Mandala. Sukta. Rik)
4.6.21.05 (Ashtaka. Adhyaya. Varga. Rik)
06.03.024 (Mandala. Anuvāka. Rik)
Samhita Devanagari Accented
त्वं तदु॒क्थमिं॑द्र ब॒र्हणा॑ कः॒ प्र यच्छ॒ता स॒हस्रा॑ शूर॒ दर्षि॑ ।
अव॑ गि॒रेर्दासं॒ शंब॑रं ह॒न्प्रावो॒ दिवो॑दासं चि॒त्राभि॑रू॒ती ॥
Samhita Devanagari Nonaccented
त्वं तदुक्थमिंद्र बर्हणा कः प्र यच्छता सहस्रा शूर दर्षि ।
अव गिरेर्दासं शंबरं हन्प्रावो दिवोदासं चित्राभिरूती ॥
Samhita Transcription Accented
tvám tádukthámindra barháṇā kaḥ prá yácchatā́ sahásrā śūra dárṣi ǀ
áva girérdā́sam śámbaram hanprā́vo dívodāsam citrā́bhirūtī́ ǁ
Samhita Transcription Nonaccented
tvam tadukthamindra barhaṇā kaḥ pra yacchatā sahasrā śūra darṣi ǀ
ava girerdāsam śambaram hanprāvo divodāsam citrābhirūtī ǁ
Padapatha Devanagari Accented
त्वम् । तत् । उ॒क्थम् । इ॒न्द्र॒ । ब॒र्हणा॑ । क॒रिति॑ कः । प्र । यत् । श॒ता । स॒हस्रा॑ । शू॒र॒ । दर्षि॑ ।
अव॑ । गि॒रेः । दास॑म् । शम्ब॑रम् । ह॒न् । प्र । आ॒वः॒ । दिवः॑ऽदासम् । चि॒त्राभिः॑ । ऊ॒ती ॥
Padapatha Devanagari Nonaccented
त्वम् । तत् । उक्थम् । इन्द्र । बर्हणा । करिति कः । प्र । यत् । शता । सहस्रा । शूर । दर्षि ।
अव । गिरेः । दासम् । शम्बरम् । हन् । प्र । आवः । दिवःऽदासम् । चित्राभिः । ऊती ॥
Padapatha Transcription Accented
tvám ǀ tát ǀ ukthám ǀ indra ǀ barháṇā ǀ karíti kaḥ ǀ prá ǀ yát ǀ śatā́ ǀ sahásrā ǀ śūra ǀ dárṣi ǀ
áva ǀ giréḥ ǀ dā́sam ǀ śámbaram ǀ han ǀ prá ǀ āvaḥ ǀ dívaḥ-dāsam ǀ citrā́bhiḥ ǀ ūtī́ ǁ
Padapatha Transcription Nonaccented
tvam ǀ tat ǀ uktham ǀ indra ǀ barhaṇā ǀ kariti kaḥ ǀ pra ǀ yat ǀ śatā ǀ sahasrā ǀ śūra ǀ darṣi ǀ
ava ǀ gireḥ ǀ dāsam ǀ śambaram ǀ han ǀ pra ǀ āvaḥ ǀ divaḥ-dāsam ǀ citrābhiḥ ǀ ūtī ǁ
06.026.06 (Mandala. Sukta. Rik)
4.6.22.01 (Ashtaka. Adhyaya. Varga. Rik)
06.03.025 (Mandala. Anuvāka. Rik)
Samhita Devanagari Accented
त्वं श्र॒द्धाभि॑र्मंदसा॒नः सोमै॑र्द॒भीत॑ये॒ चुमु॑रिमिंद्र सिष्वप् ।
त्वं र॒जिं पिठी॑नसे दश॒स्यन्ष॒ष्टिं स॒हस्रा॒ शच्या॒ सचा॑हन् ॥
Samhita Devanagari Nonaccented
त्वं श्रद्धाभिर्मंदसानः सोमैर्दभीतये चुमुरिमिंद्र सिष्वप् ।
त्वं रजिं पिठीनसे दशस्यन्षष्टिं सहस्रा शच्या सचाहन् ॥
Samhita Transcription Accented
tvám śraddhā́bhirmandasānáḥ sómairdabhī́taye cúmurimindra siṣvap ǀ
tvám rajím píṭhīnase daśasyánṣaṣṭím sahásrā śácyā sácāhan ǁ
Samhita Transcription Nonaccented
tvam śraddhābhirmandasānaḥ somairdabhītaye cumurimindra siṣvap ǀ
tvam rajim piṭhīnase daśasyanṣaṣṭim sahasrā śacyā sacāhan ǁ
Padapatha Devanagari Accented
त्वम् । श्र॒द्धाभिः॑ । म॒न्द॒सा॒नः । सोमैः॑ । द॒भीत॑ये । चुमु॑रिम् । इ॒न्द्र॒ । सि॒स्व॒प् ।
त्वम् । र॒जिम् । पिठी॑नसे । द॒श॒स्यन् । ष॒ष्टिम् । स॒हस्रा॑ । शच्या॑ । सचा॑ । अ॒ह॒न् ॥
Padapatha Devanagari Nonaccented
त्वम् । श्रद्धाभिः । मन्दसानः । सोमैः । दभीतये । चुमुरिम् । इन्द्र । सिस्वप् ।
त्वम् । रजिम् । पिठीनसे । दशस्यन् । षष्टिम् । सहस्रा । शच्या । सचा । अहन् ॥
Padapatha Transcription Accented
tvám ǀ śraddhā́bhiḥ ǀ mandasānáḥ ǀ sómaiḥ ǀ dabhī́taye ǀ cúmurim ǀ indra ǀ sisvap ǀ
tvám ǀ rajím ǀ píṭhīnase ǀ daśasyán ǀ ṣaṣṭím ǀ sahásrā ǀ śácyā ǀ sácā ǀ ahan ǁ
Padapatha Transcription Nonaccented
tvam ǀ śraddhābhiḥ ǀ mandasānaḥ ǀ somaiḥ ǀ dabhītaye ǀ cumurim ǀ indra ǀ sisvap ǀ
tvam ǀ rajim ǀ piṭhīnase ǀ daśasyan ǀ ṣaṣṭim ǀ sahasrā ǀ śacyā ǀ sacā ǀ ahan ǁ
06.026.07 (Mandala. Sukta. Rik)
4.6.22.02 (Ashtaka. Adhyaya. Varga. Rik)
06.03.026 (Mandala. Anuvāka. Rik)
Samhita Devanagari Accented
अ॒हं च॒न तत्सू॒रिभि॑रानश्यां॒ तव॒ ज्याय॑ इंद्र सु॒म्नमोजः॑ ।
त्वया॒ यत्स्तवं॑ते सधवीर वी॒रास्त्रि॒वरू॑थेन॒ नहु॑षा शविष्ठ ॥
Samhita Devanagari Nonaccented
अहं चन तत्सूरिभिरानश्यां तव ज्याय इंद्र सुम्नमोजः ।
त्वया यत्स्तवंते सधवीर वीरास्त्रिवरूथेन नहुषा शविष्ठ ॥
Samhita Transcription Accented
ahám caná tátsūríbhirānaśyām táva jyā́ya indra sumnámójaḥ ǀ
tváyā yátstávante sadhavīra vīrā́strivárūthena náhuṣā śaviṣṭha ǁ
Samhita Transcription Nonaccented
aham cana tatsūribhirānaśyām tava jyāya indra sumnamojaḥ ǀ
tvayā yatstavante sadhavīra vīrāstrivarūthena nahuṣā śaviṣṭha ǁ
Padapatha Devanagari Accented
अ॒हम् । च॒न । तत् । सू॒रिऽभिः॑ । आ॒न॒श्या॒न् । तव॑ । ज्यायः॑ । इ॒न्द्र॒ । सु॒म्नम् । ओजः॑ ।
त्वया॑ । यत् । स्तव॑न्ते । स॒ध॒ऽवी॒र॒ । वी॒राः । त्रि॒ऽवरू॑थेन । नहु॑षा । श॒वि॒ष्ठ॒ ॥
Padapatha Devanagari Nonaccented
अहम् । चन । तत् । सूरिऽभिः । आनश्यान् । तव । ज्यायः । इन्द्र । सुम्नम् । ओजः ।
त्वया । यत् । स्तवन्ते । सधऽवीर । वीराः । त्रिऽवरूथेन । नहुषा । शविष्ठ ॥
Padapatha Transcription Accented
ahám ǀ caná ǀ tát ǀ sūrí-bhiḥ ǀ ānaśyān ǀ táva ǀ jyā́yaḥ ǀ indra ǀ sumnám ǀ ójaḥ ǀ
tváyā ǀ yát ǀ stávante ǀ sadha-vīra ǀ vīrā́ḥ ǀ tri-várūthena ǀ náhuṣā ǀ śaviṣṭha ǁ
Padapatha Transcription Nonaccented
aham ǀ cana ǀ tat ǀ sūri-bhiḥ ǀ ānaśyān ǀ tava ǀ jyāyaḥ ǀ indra ǀ sumnam ǀ ojaḥ ǀ
tvayā ǀ yat ǀ stavante ǀ sadha-vīra ǀ vīrāḥ ǀ tri-varūthena ǀ nahuṣā ǀ śaviṣṭha ǁ
06.026.08 (Mandala. Sukta. Rik)
4.6.22.03 (Ashtaka. Adhyaya. Varga. Rik)
06.03.027 (Mandala. Anuvāka. Rik)
Samhita Devanagari Accented
व॒यं ते॑ अ॒स्यामिं॑द्र द्यु॒म्नहू॑तौ॒ सखा॑यः स्याम महिन॒ प्रेष्ठाः॑ ।
प्रात॑र्दनिः क्षत्र॒श्रीर॑स्तु॒ श्रेष्ठो॑ घ॒ने वृ॒त्राणां॑ स॒नये॒ धना॑नां ॥
Samhita Devanagari Nonaccented
वयं ते अस्यामिंद्र द्युम्नहूतौ सखायः स्याम महिन प्रेष्ठाः ।
प्रातर्दनिः क्षत्रश्रीरस्तु श्रेष्ठो घने वृत्राणां सनये धनानां ॥
Samhita Transcription Accented
vayám te asyā́mindra dyumnáhūtau sákhāyaḥ syāma mahina préṣṭhāḥ ǀ
prā́tardaniḥ kṣatraśrī́rastu śréṣṭho ghané vṛtrā́ṇām sanáye dhánānām ǁ
Samhita Transcription Nonaccented
vayam te asyāmindra dyumnahūtau sakhāyaḥ syāma mahina preṣṭhāḥ ǀ
prātardaniḥ kṣatraśrīrastu śreṣṭho ghane vṛtrāṇām sanaye dhanānām ǁ
Padapatha Devanagari Accented
व॒यम् । ते॒ । अ॒स्याम् । इ॒न्द्र॒ । द्यु॒म्नऽहू॑तौ । सखा॑यः । स्या॒म॒ । म॒हि॒न॒ । प्रेष्ठाः॑ ।
प्रात॑र्दनिः । क्ष॒त्र॒ऽश्रीः । अ॒स्तु॒ । श्रेष्ठः॑ । घ॒ने । वृ॒त्राणा॑म् । स॒नये॑ । धना॑नाम् ॥
Padapatha Devanagari Nonaccented
वयम् । ते । अस्याम् । इन्द्र । द्युम्नऽहूतौ । सखायः । स्याम । महिन । प्रेष्ठाः ।
प्रातर्दनिः । क्षत्रऽश्रीः । अस्तु । श्रेष्ठः । घने । वृत्राणाम् । सनये । धनानाम् ॥
Padapatha Transcription Accented
vayám ǀ te ǀ asyā́m ǀ indra ǀ dyumná-hūtau ǀ sákhāyaḥ ǀ syāma ǀ mahina ǀ préṣṭhāḥ ǀ
prā́tardaniḥ ǀ kṣatra-śrī́ḥ ǀ astu ǀ śréṣṭhaḥ ǀ ghané ǀ vṛtrā́ṇām ǀ sanáye ǀ dhánānām ǁ
Padapatha Transcription Nonaccented
vayam ǀ te ǀ asyām ǀ indra ǀ dyumna-hūtau ǀ sakhāyaḥ ǀ syāma ǀ mahina ǀ preṣṭhāḥ ǀ
prātardaniḥ ǀ kṣatra-śrīḥ ǀ astu ǀ śreṣṭhaḥ ǀ ghane ǀ vṛtrāṇām ǀ sanaye ǀ dhanānām ǁ