|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 27
|
1. Info |
| To: | indra | |
| From: | bharadvāja bārhaspatya | |
| Metres: | 1st set of styles: triṣṭup (5, 7, 8); svarāṭpaṅkti (1, 2); nicṛttriṣṭup (3, 4); brāhmyuṣnik (6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.027.01 (Mandala. Sukta. Rik)
4.6.23.01 (Ashtaka. Adhyaya. Varga. Rik)
06.03.028 (Mandala. Anuvāka. Rik)
Samhita Devanagari Accented
किम॑स्य॒ मदे॒ किम्व॑स्य पी॒ताविंद्रः॒ किम॑स्य स॒ख्ये च॑कार ।
रणा॑ वा॒ ये नि॒षदि॒ किं ते अ॑स्य पु॒रा वि॑विद्रे॒ किमु॒ नूत॑नासः ॥
Samhita Devanagari Nonaccented
किमस्य मदे किम्वस्य पीताविंद्रः किमस्य सख्ये चकार ।
रणा वा ये निषदि किं ते अस्य पुरा विविद्रे किमु नूतनासः ॥
Samhita Transcription Accented
kímasya máde kímvasya pītā́víndraḥ kímasya sakhyé cakāra ǀ
ráṇā vā yé niṣádi kím té asya purā́ vividre kímu nū́tanāsaḥ ǁ
Samhita Transcription Nonaccented
kimasya made kimvasya pītāvindraḥ kimasya sakhye cakāra ǀ
raṇā vā ye niṣadi kim te asya purā vividre kimu nūtanāsaḥ ǁ
Padapatha Devanagari Accented
किम् । अ॒स्य॒ । मदे॑ । किम् । ऊं॒ इति॑ । अ॒स्य॒ । पी॒तौ । इन्द्रः॑ । किम् । अ॒स्य॒ । स॒ख्ये । च॒का॒र॒ ।
रणाः॑ । वा॒ । ये । नि॒ऽसदि॑ । किम् । ते । अ॒स्य॒ । पु॒रा । वि॒वि॒द्रे॒ । किम् । ऊं॒ इति॑ । नूत॑नासः ॥
Padapatha Devanagari Nonaccented
किम् । अस्य । मदे । किम् । ऊं इति । अस्य । पीतौ । इन्द्रः । किम् । अस्य । सख्ये । चकार ।
रणाः । वा । ये । निऽसदि । किम् । ते । अस्य । पुरा । विविद्रे । किम् । ऊं इति । नूतनासः ॥
Padapatha Transcription Accented
kím ǀ asya ǀ máde ǀ kím ǀ ūṃ íti ǀ asya ǀ pītáu ǀ índraḥ ǀ kím ǀ asya ǀ sakhyé ǀ cakāra ǀ
ráṇāḥ ǀ vā ǀ yé ǀ ni-sádi ǀ kím ǀ té ǀ asya ǀ purā́ ǀ vividre ǀ kím ǀ ūṃ íti ǀ nū́tanāsaḥ ǁ
Padapatha Transcription Nonaccented
kim ǀ asya ǀ made ǀ kim ǀ ūṃ iti ǀ asya ǀ pītau ǀ indraḥ ǀ kim ǀ asya ǀ sakhye ǀ cakāra ǀ
raṇāḥ ǀ vā ǀ ye ǀ ni-sadi ǀ kim ǀ te ǀ asya ǀ purā ǀ vividre ǀ kim ǀ ūṃ iti ǀ nūtanāsaḥ ǁ
06.027.02 (Mandala. Sukta. Rik)
4.6.23.02 (Ashtaka. Adhyaya. Varga. Rik)
06.03.029 (Mandala. Anuvāka. Rik)
Samhita Devanagari Accented
सद॑स्य॒ मदे॒ सद्व॑स्य पी॒ताविंद्रः॒ सद॑स्य स॒ख्ये च॑कार ।
रणा॑ वा॒ ये नि॒षदि॒ सत्ते अ॑स्य पु॒रा वि॑विद्रे॒ सदु॒ नूत॑नासः ॥
Samhita Devanagari Nonaccented
सदस्य मदे सद्वस्य पीताविंद्रः सदस्य सख्ये चकार ।
रणा वा ये निषदि सत्ते अस्य पुरा विविद्रे सदु नूतनासः ॥
Samhita Transcription Accented
sádasya máde sádvasya pītā́víndraḥ sádasya sakhyé cakāra ǀ
ráṇā vā yé niṣádi sátté asya purā́ vividre sádu nū́tanāsaḥ ǁ
Samhita Transcription Nonaccented
sadasya made sadvasya pītāvindraḥ sadasya sakhye cakāra ǀ
raṇā vā ye niṣadi satte asya purā vividre sadu nūtanāsaḥ ǁ
Padapatha Devanagari Accented
सत् । अ॒स्य॒ । मदे॑ । सत् । ऊं॒ इति॑ । अ॒स्य॒ । पी॒तौ । इन्द्रः॑ । सत् । अ॒स्य॒ । स॒ख्ये । च॒का॒र॒ ।
रणाः॑ । वा॒ । ये । नि॒ऽसदि॑ । सत् । ते । अ॒स्य॒ । पु॒रा । वि॒वि॒द्रे॒ । सत् । ऊं॒ इति॑ । नूत॑नासः ॥
Padapatha Devanagari Nonaccented
सत् । अस्य । मदे । सत् । ऊं इति । अस्य । पीतौ । इन्द्रः । सत् । अस्य । सख्ये । चकार ।
रणाः । वा । ये । निऽसदि । सत् । ते । अस्य । पुरा । विविद्रे । सत् । ऊं इति । नूतनासः ॥
Padapatha Transcription Accented
sát ǀ asya ǀ máde ǀ sát ǀ ūṃ íti ǀ asya ǀ pītáu ǀ índraḥ ǀ sát ǀ asya ǀ sakhyé ǀ cakāra ǀ
ráṇāḥ ǀ vā ǀ yé ǀ ni-sádi ǀ sát ǀ té ǀ asya ǀ purā́ ǀ vividre ǀ sát ǀ ūṃ íti ǀ nū́tanāsaḥ ǁ
Padapatha Transcription Nonaccented
sat ǀ asya ǀ made ǀ sat ǀ ūṃ iti ǀ asya ǀ pītau ǀ indraḥ ǀ sat ǀ asya ǀ sakhye ǀ cakāra ǀ
raṇāḥ ǀ vā ǀ ye ǀ ni-sadi ǀ sat ǀ te ǀ asya ǀ purā ǀ vividre ǀ sat ǀ ūṃ iti ǀ nūtanāsaḥ ǁ
06.027.03 (Mandala. Sukta. Rik)
4.6.23.03 (Ashtaka. Adhyaya. Varga. Rik)
06.03.030 (Mandala. Anuvāka. Rik)
Samhita Devanagari Accented
न॒हि नु ते॑ महि॒मनः॑ समस्य॒ न म॑घवन्मघव॒त्त्वस्य॑ वि॒द्म ।
न राध॑सोराधसो॒ नूत॑न॒स्येंद्र॒ नकि॑र्ददृश इंद्रि॒यं ते॑ ॥
Samhita Devanagari Nonaccented
नहि नु ते महिमनः समस्य न मघवन्मघवत्त्वस्य विद्म ।
न राधसोराधसो नूतनस्येंद्र नकिर्ददृश इंद्रियं ते ॥
Samhita Transcription Accented
nahí nú te mahimánaḥ samasya ná maghavanmaghavattvásya vidmá ǀ
ná rā́dhasorādhaso nū́tanasyéndra nákirdadṛśa indriyám te ǁ
Samhita Transcription Nonaccented
nahi nu te mahimanaḥ samasya na maghavanmaghavattvasya vidma ǀ
na rādhasorādhaso nūtanasyendra nakirdadṛśa indriyam te ǁ
Padapatha Devanagari Accented
न॒हि । नु । ते॒ । म॒हि॒मनः॑ । स॒म॒स्य॒ । न । म॒घ॒ऽव॒न् । म॒घ॒व॒त्ऽत्वस्य॑ । वि॒द्म ।
न । राध॑सःऽराधसः । नूत॑नस्य । इन्द्र॑ । नकिः॑ । द॒दृ॒शे॒ । इ॒न्द्रि॒यम् । ते॒ ॥
Padapatha Devanagari Nonaccented
नहि । नु । ते । महिमनः । समस्य । न । मघऽवन् । मघवत्ऽत्वस्य । विद्म ।
न । राधसःऽराधसः । नूतनस्य । इन्द्र । नकिः । ददृशे । इन्द्रियम् । ते ॥
Padapatha Transcription Accented
nahí ǀ nú ǀ te ǀ mahimánaḥ ǀ samasya ǀ ná ǀ magha-van ǀ maghavat-tvásya ǀ vidmá ǀ
ná ǀ rā́dhasaḥ-rādhasaḥ ǀ nū́tanasya ǀ índra ǀ nákiḥ ǀ dadṛśe ǀ indriyám ǀ te ǁ
Padapatha Transcription Nonaccented
nahi ǀ nu ǀ te ǀ mahimanaḥ ǀ samasya ǀ na ǀ magha-van ǀ maghavat-tvasya ǀ vidma ǀ
na ǀ rādhasaḥ-rādhasaḥ ǀ nūtanasya ǀ indra ǀ nakiḥ ǀ dadṛśe ǀ indriyam ǀ te ǁ
06.027.04 (Mandala. Sukta. Rik)
4.6.23.04 (Ashtaka. Adhyaya. Varga. Rik)
06.03.031 (Mandala. Anuvāka. Rik)
Samhita Devanagari Accented
ए॒तत्त्यत्त॑ इंद्रि॒यम॑चेति॒ येनाव॑धीर्व॒रशि॑खस्य॒ शेषः॑ ।
वज्र॑स्य॒ यत्ते॒ निह॑तस्य॒ शुष्मा॑त्स्व॒नाच्चि॑दिंद्र पर॒मो द॒दार॑ ॥
Samhita Devanagari Nonaccented
एतत्त्यत्त इंद्रियमचेति येनावधीर्वरशिखस्य शेषः ।
वज्रस्य यत्ते निहतस्य शुष्मात्स्वनाच्चिदिंद्र परमो ददार ॥
Samhita Transcription Accented
etáttyátta indriyámaceti yénā́vadhīrvaráśikhasya śéṣaḥ ǀ
vájrasya yátte níhatasya śúṣmātsvanā́ccidindra paramó dadā́ra ǁ
Samhita Transcription Nonaccented
etattyatta indriyamaceti yenāvadhīrvaraśikhasya śeṣaḥ ǀ
vajrasya yatte nihatasya śuṣmātsvanāccidindra paramo dadāra ǁ
Padapatha Devanagari Accented
ए॒तत् । त्यत् । ते॒ । इ॒न्द्रि॒यम् । अ॒चे॒ति॒ । येन॑ । अव॑धीः । व॒रऽशि॑खस्य । शेषः॑ ।
वज्र॑स्य । यत् । ते॒ । निऽह॑तस्य । शुष्मा॑त् । स्व॒नात् । चि॒त् । इ॒न्द्र॒ । प॒र॒मः । द॒दार॑ ॥
Padapatha Devanagari Nonaccented
एतत् । त्यत् । ते । इन्द्रियम् । अचेति । येन । अवधीः । वरऽशिखस्य । शेषः ।
वज्रस्य । यत् । ते । निऽहतस्य । शुष्मात् । स्वनात् । चित् । इन्द्र । परमः । ददार ॥
Padapatha Transcription Accented
etát ǀ tyát ǀ te ǀ indriyám ǀ aceti ǀ yéna ǀ ávadhīḥ ǀ vará-śikhasya ǀ śéṣaḥ ǀ
vájrasya ǀ yát ǀ te ǀ ní-hatasya ǀ śúṣmāt ǀ svanā́t ǀ cit ǀ indra ǀ paramáḥ ǀ dadā́ra ǁ
Padapatha Transcription Nonaccented
etat ǀ tyat ǀ te ǀ indriyam ǀ aceti ǀ yena ǀ avadhīḥ ǀ vara-śikhasya ǀ śeṣaḥ ǀ
vajrasya ǀ yat ǀ te ǀ ni-hatasya ǀ śuṣmāt ǀ svanāt ǀ cit ǀ indra ǀ paramaḥ ǀ dadāra ǁ
06.027.05 (Mandala. Sukta. Rik)
4.6.23.05 (Ashtaka. Adhyaya. Varga. Rik)
06.03.032 (Mandala. Anuvāka. Rik)
Samhita Devanagari Accented
वधी॒दिंद्रो॑ व॒रशि॑खस्य॒ शेषो॑ऽभ्याव॒र्तिने॑ चायमा॒नाय॒ शिक्ष॑न् ।
वृ॒चीव॑तो॒ यद्ध॑रियू॒पीया॑यां॒ हन्पूर्वे॒ अर्धे॑ भि॒यसाप॑रो॒ दर्त् ॥
Samhita Devanagari Nonaccented
वधीदिंद्रो वरशिखस्य शेषोऽभ्यावर्तिने चायमानाय शिक्षन् ।
वृचीवतो यद्धरियूपीयायां हन्पूर्वे अर्धे भियसापरो दर्त् ॥
Samhita Transcription Accented
vádhīdíndro varáśikhasya śéṣo’bhyāvartíne cāyamānā́ya śíkṣan ǀ
vṛcī́vato yáddhariyūpī́yāyām hánpū́rve árdhe bhiyásā́paro dárt ǁ
Samhita Transcription Nonaccented
vadhīdindro varaśikhasya śeṣo’bhyāvartine cāyamānāya śikṣan ǀ
vṛcīvato yaddhariyūpīyāyām hanpūrve ardhe bhiyasāparo dart ǁ
Padapatha Devanagari Accented
वधी॑त् । इन्द्रः॑ । व॒रऽशि॑खस्य । शेषः॑ । अ॒भि॒ऽआ॒व॒र्तिने॑ । चा॒य॒मा॒नाय॑ । शिक्ष॑न् ।
वृ॒चीव॑तः । यत् । ह॒रि॒ऽयू॒पीया॑याम् । हन् । पूर्वे॑ । अर्धे॑ । भि॒यसा॑ । अप॑रः । दर्त् ॥
Padapatha Devanagari Nonaccented
वधीत् । इन्द्रः । वरऽशिखस्य । शेषः । अभिऽआवर्तिने । चायमानाय । शिक्षन् ।
वृचीवतः । यत् । हरिऽयूपीयायाम् । हन् । पूर्वे । अर्धे । भियसा । अपरः । दर्त् ॥
Padapatha Transcription Accented
vádhīt ǀ índraḥ ǀ vará-śikhasya ǀ śéṣaḥ ǀ abhi-āvartíne ǀ cāyamānā́ya ǀ śíkṣan ǀ
vṛcī́vataḥ ǀ yát ǀ hari-yūpī́yāyām ǀ hán ǀ pū́rve ǀ árdhe ǀ bhiyásā ǀ áparaḥ ǀ dárt ǁ
Padapatha Transcription Nonaccented
vadhīt ǀ indraḥ ǀ vara-śikhasya ǀ śeṣaḥ ǀ abhi-āvartine ǀ cāyamānāya ǀ śikṣan ǀ
vṛcīvataḥ ǀ yat ǀ hari-yūpīyāyām ǀ han ǀ pūrve ǀ ardhe ǀ bhiyasā ǀ aparaḥ ǀ dart ǁ
06.027.06 (Mandala. Sukta. Rik)
4.6.24.01 (Ashtaka. Adhyaya. Varga. Rik)
06.03.033 (Mandala. Anuvāka. Rik)
Samhita Devanagari Accented
त्रिं॒शच्छ॑तं व॒र्मिण॑ इंद्र सा॒कं य॒व्याव॑त्यां पुरुहूत श्रव॒स्या ।
वृ॒चीवं॑तः॒ शर॑वे॒ पत्य॑मानाः॒ पात्रा॑ भिंदा॒ना न्य॒र्थान्या॑यन् ॥
Samhita Devanagari Nonaccented
त्रिंशच्छतं वर्मिण इंद्र साकं यव्यावत्यां पुरुहूत श्रवस्या ।
वृचीवंतः शरवे पत्यमानाः पात्रा भिंदाना न्यर्थान्यायन् ॥
Samhita Transcription Accented
triṃśácchatam varmíṇa indra sākám yavyā́vatyām puruhūta śravasyā́ ǀ
vṛcī́vantaḥ śárave pátyamānāḥ pā́trā bhindānā́ nyarthā́nyāyan ǁ
Samhita Transcription Nonaccented
triṃśacchatam varmiṇa indra sākam yavyāvatyām puruhūta śravasyā ǀ
vṛcīvantaḥ śarave patyamānāḥ pātrā bhindānā nyarthānyāyan ǁ
Padapatha Devanagari Accented
त्रिं॒शत्ऽश॑तम् । व॒र्मिणः॑ । इ॒न्द्र॒ । सा॒कम् । य॒व्याऽव॑त्याम् । पु॒रु॒ऽहू॒त॒ । श्र॒व॒स्या ।
वृ॒चीव॑न्तः । शर॑वे । पत्य॑मानाः । पात्रा॑ । भि॒न्दा॒नाः । नि॒ऽअ॒र्थानि॑ । आ॒य॒न् ॥
Padapatha Devanagari Nonaccented
त्रिंशत्ऽशतम् । वर्मिणः । इन्द्र । साकम् । यव्याऽवत्याम् । पुरुऽहूत । श्रवस्या ।
वृचीवन्तः । शरवे । पत्यमानाः । पात्रा । भिन्दानाः । निऽअर्थानि । आयन् ॥
Padapatha Transcription Accented
triṃśát-śatam ǀ varmíṇaḥ ǀ indra ǀ sākám ǀ yavyā́-vatyām ǀ puru-hūta ǀ śravasyā́ ǀ
vṛcī́vantaḥ ǀ śárave ǀ pátyamānāḥ ǀ pā́trā ǀ bhindānā́ḥ ǀ ni-arthā́ni ǀ āyan ǁ
Padapatha Transcription Nonaccented
triṃśat-śatam ǀ varmiṇaḥ ǀ indra ǀ sākam ǀ yavyā-vatyām ǀ puru-hūta ǀ śravasyā ǀ
vṛcīvantaḥ ǀ śarave ǀ patyamānāḥ ǀ pātrā ǀ bhindānāḥ ǀ ni-arthāni ǀ āyan ǁ
06.027.07 (Mandala. Sukta. Rik)
4.6.24.02 (Ashtaka. Adhyaya. Varga. Rik)
06.03.034 (Mandala. Anuvāka. Rik)
Samhita Devanagari Accented
यस्य॒ गावा॑वरु॒षा सू॑यव॒स्यू अं॒तरू॒ षु चर॑तो॒ रेरि॑हाणा ।
स सृंज॑याय तु॒र्वशं॒ परा॑दाद्वृ॒चीव॑तो दैववा॒ताय॒ शिक्ष॑न् ॥
Samhita Devanagari Nonaccented
यस्य गावावरुषा सूयवस्यू अंतरू षु चरतो रेरिहाणा ।
स सृंजयाय तुर्वशं परादाद्वृचीवतो दैववाताय शिक्षन् ॥
Samhita Transcription Accented
yásya gā́vāvaruṣā́ sūyavasyū́ antárū ṣú cárato rérihāṇā ǀ
sá sṛ́ñjayāya turváśam párādādvṛcī́vato daivavātā́ya śíkṣan ǁ
Samhita Transcription Nonaccented
yasya gāvāvaruṣā sūyavasyū antarū ṣu carato rerihāṇā ǀ
sa sṛñjayāya turvaśam parādādvṛcīvato daivavātāya śikṣan ǁ
Padapatha Devanagari Accented
यस्य॑ । गावौ॑ । अ॒रु॒षा । सु॒य॒व॒स्यू इति॑ सु॒ऽय॒व॒स्यू । अ॒न्तः । ऊं॒ इति॑ । सु । चर॑तः । रेरि॑हाणा ।
सः । सृञ्ज॑याय । तु॒र्वश॑म् । परा॑ । अ॒दा॒त् । वृ॒चीव॑तः । दै॒व॒ऽवा॒ताय॑ । शिक्ष॑न् ॥
Padapatha Devanagari Nonaccented
यस्य । गावौ । अरुषा । सुयवस्यू इति सुऽयवस्यू । अन्तः । ऊं इति । सु । चरतः । रेरिहाणा ।
सः । सृञ्जयाय । तुर्वशम् । परा । अदात् । वृचीवतः । दैवऽवाताय । शिक्षन् ॥
Padapatha Transcription Accented
yásya ǀ gā́vau ǀ aruṣā́ ǀ suyavasyū́ íti su-yavasyū́ ǀ antáḥ ǀ ūṃ íti ǀ sú ǀ cárataḥ ǀ rérihāṇā ǀ
sáḥ ǀ sṛ́ñjayāya ǀ turváśam ǀ párā ǀ adāt ǀ vṛcī́vataḥ ǀ daiva-vātā́ya ǀ śíkṣan ǁ
Padapatha Transcription Nonaccented
yasya ǀ gāvau ǀ aruṣā ǀ suyavasyū iti su-yavasyū ǀ antaḥ ǀ ūṃ iti ǀ su ǀ carataḥ ǀ rerihāṇā ǀ
saḥ ǀ sṛñjayāya ǀ turvaśam ǀ parā ǀ adāt ǀ vṛcīvataḥ ǀ daiva-vātāya ǀ śikṣan ǁ
06.027.08 (Mandala. Sukta. Rik)
4.6.24.03 (Ashtaka. Adhyaya. Varga. Rik)
06.03.035 (Mandala. Anuvāka. Rik)
Samhita Devanagari Accented
द्व॒याँ अ॑ग्ने र॒थिनो॑ विंश॒तिं गा व॒धूम॑तो म॒घवा॒ मह्यं॑ सं॒राट् ।
अ॒भ्या॒व॒र्ती चा॑यमा॒नो द॑दाति दू॒णाशे॒यं दक्षि॑णा पार्थ॒वानां॑ ॥
Samhita Devanagari Nonaccented
द्वयाँ अग्ने रथिनो विंशतिं गा वधूमतो मघवा मह्यं संराट् ।
अभ्यावर्ती चायमानो ददाति दूणाशेयं दक्षिणा पार्थवानां ॥
Samhita Transcription Accented
dvayā́m̐ agne rathíno viṃśatím gā́ vadhū́mato maghávā máhyam samrā́ṭ ǀ
abhyāvartī́ cāyamānó dadāti dūṇā́śeyám dákṣiṇā pārthavā́nām ǁ
Samhita Transcription Nonaccented
dvayām̐ agne rathino viṃśatim gā vadhūmato maghavā mahyam samrāṭ ǀ
abhyāvartī cāyamāno dadāti dūṇāśeyam dakṣiṇā pārthavānām ǁ
Padapatha Devanagari Accented
द्व॒यान् । अ॒ग्ने॒ । र॒थिनः॑ । विं॒श॒तिम् । गाः । व॒धूऽम॑तः । म॒घऽवा॑ । मह्य॑म् । स॒म्ऽराट् ।
अ॒भि॒ऽआ॒व॒र्ती । चा॒य॒मा॒नः । द॒दा॒ति॒ । दुः॒ऽनशा॑ । इ॒यम् । दक्षि॑णा । पा॒र्थ॒वाना॑म् ॥
Padapatha Devanagari Nonaccented
द्वयान् । अग्ने । रथिनः । विंशतिम् । गाः । वधूऽमतः । मघऽवा । मह्यम् । सम्ऽराट् ।
अभिऽआवर्ती । चायमानः । ददाति । दुःऽनशा । इयम् । दक्षिणा । पार्थवानाम् ॥
Padapatha Transcription Accented
dvayā́n ǀ agne ǀ rathínaḥ ǀ viṃśatím ǀ gā́ḥ ǀ vadhū́-mataḥ ǀ maghá-vā ǀ máhyam ǀ sam-rā́ṭ ǀ
abhi-āvartī́ ǀ cāyamānáḥ ǀ dadāti ǀ duḥ-náśā ǀ iyám ǀ dákṣiṇā ǀ pārthavā́nām ǁ
Padapatha Transcription Nonaccented
dvayān ǀ agne ǀ rathinaḥ ǀ viṃśatim ǀ gāḥ ǀ vadhū-mataḥ ǀ magha-vā ǀ mahyam ǀ sam-rāṭ ǀ
abhi-āvartī ǀ cāyamānaḥ ǀ dadāti ǀ duḥ-naśā ǀ iyam ǀ dakṣiṇā ǀ pārthavānām ǁ