|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 28
|
1. Info |
| To: | 1, 3-7: gāvaḥ; 2: gāvaḥ or indra; 8: gāvaḥ or indra (d); gāvaḥ (c) |
|
| From: | bharadvāja bārhaspatya | |
| Metres: | 1st set of styles: nicṛttriṣṭup (1, 7); jagatī (3, 4); triṣṭup (5, 6); svarāṭtriṣṭup (2); nicṛdanuṣṭup (8) 2nd set of styles: triṣṭubh (1, 5-7); jagatī (2-4); anuṣṭubh (8) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.028.01 (Mandala. Sukta. Rik)
4.6.25.01 (Ashtaka. Adhyaya. Varga. Rik)
06.03.036 (Mandala. Anuvāka. Rik)
Samhita Devanagari Accented
आ गावो॑ अग्मन्नु॒त भ॒द्रम॑क्र॒न्त्सीदं॑तु गो॒ष्ठे र॒णयं॑त्व॒स्मे ।
प्र॒जाव॑तीः पुरु॒रूपा॑ इ॒ह स्यु॒रिंद्रा॑य पू॒र्वीरु॒षसो॒ दुहा॑नाः ॥
Samhita Devanagari Nonaccented
आ गावो अग्मन्नुत भद्रमक्रन्त्सीदंतु गोष्ठे रणयंत्वस्मे ।
प्रजावतीः पुरुरूपा इह स्युरिंद्राय पूर्वीरुषसो दुहानाः ॥
Samhita Transcription Accented
ā́ gā́vo agmannutá bhadrámakrantsī́dantu goṣṭhé raṇáyantvasmé ǀ
prajā́vatīḥ pururū́pā ihá syuríndrāya pūrvī́ruṣáso dúhānāḥ ǁ
Samhita Transcription Nonaccented
ā gāvo agmannuta bhadramakrantsīdantu goṣṭhe raṇayantvasme ǀ
prajāvatīḥ pururūpā iha syurindrāya pūrvīruṣaso duhānāḥ ǁ
Padapatha Devanagari Accented
आ । गावः॑ । अ॒ग्म॒न् । उ॒त । भ॒द्रम् । अ॒क्र॒न् । सीद॑न्तु । गो॒ऽस्थे । र॒णय॑न्तु । अ॒स्मे इति॑ ।
प्र॒जाऽव॑तीः । पु॒रु॒ऽरूपाः॑ । इ॒ह । स्युः॒ । इन्द्रा॑य । पू॒र्वीः । उ॒षसः॑ । दुहा॑नाः ॥
Padapatha Devanagari Nonaccented
आ । गावः । अग्मन् । उत । भद्रम् । अक्रन् । सीदन्तु । गोऽस्थे । रणयन्तु । अस्मे इति ।
प्रजाऽवतीः । पुरुऽरूपाः । इह । स्युः । इन्द्राय । पूर्वीः । उषसः । दुहानाः ॥
Padapatha Transcription Accented
ā́ ǀ gā́vaḥ ǀ agman ǀ utá ǀ bhadrám ǀ akran ǀ sī́dantu ǀ go-sthé ǀ raṇáyantu ǀ asmé íti ǀ
prajā́-vatīḥ ǀ puru-rū́pāḥ ǀ ihá ǀ syuḥ ǀ índrāya ǀ pūrvī́ḥ ǀ uṣásaḥ ǀ dúhānāḥ ǁ
Padapatha Transcription Nonaccented
ā ǀ gāvaḥ ǀ agman ǀ uta ǀ bhadram ǀ akran ǀ sīdantu ǀ go-sthe ǀ raṇayantu ǀ asme iti ǀ
prajā-vatīḥ ǀ puru-rūpāḥ ǀ iha ǀ syuḥ ǀ indrāya ǀ pūrvīḥ ǀ uṣasaḥ ǀ duhānāḥ ǁ
06.028.02 (Mandala. Sukta. Rik)
4.6.25.02 (Ashtaka. Adhyaya. Varga. Rik)
06.03.037 (Mandala. Anuvāka. Rik)
Samhita Devanagari Accented
इंद्रो॒ यज्व॑ने पृण॒ते च॑ शिक्ष॒त्युपेद्द॑दाति॒ न स्वं मु॑षायति ।
भूयो॑भूयो र॒यिमिद॑स्य व॒र्धय॒न्नभि॑न्ने खि॒ल्ये नि द॑धाति देव॒युं ॥
Samhita Devanagari Nonaccented
इंद्रो यज्वने पृणते च शिक्षत्युपेद्ददाति न स्वं मुषायति ।
भूयोभूयो रयिमिदस्य वर्धयन्नभिन्ने खिल्ये नि दधाति देवयुं ॥
Samhita Transcription Accented
índro yájvane pṛṇaté ca śikṣatyúpéddadāti ná svám muṣāyati ǀ
bhū́yobhūyo rayímídasya vardháyannábhinne khilyé ní dadhāti devayúm ǁ
Samhita Transcription Nonaccented
indro yajvane pṛṇate ca śikṣatyupeddadāti na svam muṣāyati ǀ
bhūyobhūyo rayimidasya vardhayannabhinne khilye ni dadhāti devayum ǁ
Padapatha Devanagari Accented
इन्द्रः॑ । यज्व॑ने । पृ॒ण॒ते । च॒ । शि॒क्ष॒ति॒ । उप॑ । इत् । द॒दा॒ति॒ । न । स्वम् । मु॒षा॒य॒ति॒ ।
भूयः॑ऽभूयः । र॒यिम् । इत् । अ॒स्य॒ । व॒र्धय॑न् । अभि॑न्ने । खि॒ल्ये । नि । द॒धा॒ति॒ । दे॒व॒ऽयुम् ॥
Padapatha Devanagari Nonaccented
इन्द्रः । यज्वने । पृणते । च । शिक्षति । उप । इत् । ददाति । न । स्वम् । मुषायति ।
भूयःऽभूयः । रयिम् । इत् । अस्य । वर्धयन् । अभिन्ने । खिल्ये । नि । दधाति । देवऽयुम् ॥
Padapatha Transcription Accented
índraḥ ǀ yájvane ǀ pṛṇaté ǀ ca ǀ śikṣati ǀ úpa ǀ ít ǀ dadāti ǀ ná ǀ svám ǀ muṣāyati ǀ
bhū́yaḥ-bhūyaḥ ǀ rayím ǀ ít ǀ asya ǀ vardháyan ǀ ábhinne ǀ khilyé ǀ ní ǀ dadhāti ǀ deva-yúm ǁ
Padapatha Transcription Nonaccented
indraḥ ǀ yajvane ǀ pṛṇate ǀ ca ǀ śikṣati ǀ upa ǀ it ǀ dadāti ǀ na ǀ svam ǀ muṣāyati ǀ
bhūyaḥ-bhūyaḥ ǀ rayim ǀ it ǀ asya ǀ vardhayan ǀ abhinne ǀ khilye ǀ ni ǀ dadhāti ǀ deva-yum ǁ
06.028.03 (Mandala. Sukta. Rik)
4.6.25.03 (Ashtaka. Adhyaya. Varga. Rik)
06.03.038 (Mandala. Anuvāka. Rik)
Samhita Devanagari Accented
न ता न॑शंति॒ न द॑भाति॒ तस्क॑रो॒ नासा॑मामि॒त्रो व्यथि॒रा द॑धर्षति ।
दे॒वांश्च॒ याभि॒र्यज॑ते॒ ददा॑ति च॒ ज्योगित्ताभिः॑ सचते॒ गोप॑तिः स॒ह ॥
Samhita Devanagari Nonaccented
न ता नशंति न दभाति तस्करो नासामामित्रो व्यथिरा दधर्षति ।
देवांश्च याभिर्यजते ददाति च ज्योगित्ताभिः सचते गोपतिः सह ॥
Samhita Transcription Accented
ná tā́ naśanti ná dabhāti táskaro nā́sāmāmitró vyáthirā́ dadharṣati ǀ
devā́ṃśca yā́bhiryájate dádāti ca jyógíttā́bhiḥ sacate gópatiḥ sahá ǁ
Samhita Transcription Nonaccented
na tā naśanti na dabhāti taskaro nāsāmāmitro vyathirā dadharṣati ǀ
devāṃśca yābhiryajate dadāti ca jyogittābhiḥ sacate gopatiḥ saha ǁ
Padapatha Devanagari Accented
न । ताः । न॒श॒न्ति॒ । न । द॒भा॒ति॒ । तस्क॑रः । न । आ॒सा॒म् । आ॒मि॒त्रः । व्यथिः॑ । आ । द॒ध॒र्ष॒ति॒ ।
दे॒वान् । च॒ । याभिः॑ । यज॑ते । ददा॑ति । च॒ । ज्योक् । इत् । ताभिः॑ । स॒च॒ते॒ । गोऽप॑तिः । स॒ह ॥
Padapatha Devanagari Nonaccented
न । ताः । नशन्ति । न । दभाति । तस्करः । न । आसाम् । आमित्रः । व्यथिः । आ । दधर्षति ।
देवान् । च । याभिः । यजते । ददाति । च । ज्योक् । इत् । ताभिः । सचते । गोऽपतिः । सह ॥
Padapatha Transcription Accented
ná ǀ tā́ḥ ǀ naśanti ǀ ná ǀ dabhāti ǀ táskaraḥ ǀ ná ǀ āsām ǀ āmitráḥ ǀ vyáthiḥ ǀ ā́ ǀ dadharṣati ǀ
devā́n ǀ ca ǀ yā́bhiḥ ǀ yájate ǀ dádāti ǀ ca ǀ jyók ǀ ít ǀ tā́bhiḥ ǀ sacate ǀ gó-patiḥ ǀ sahá ǁ
Padapatha Transcription Nonaccented
na ǀ tāḥ ǀ naśanti ǀ na ǀ dabhāti ǀ taskaraḥ ǀ na ǀ āsām ǀ āmitraḥ ǀ vyathiḥ ǀ ā ǀ dadharṣati ǀ
devān ǀ ca ǀ yābhiḥ ǀ yajate ǀ dadāti ǀ ca ǀ jyok ǀ it ǀ tābhiḥ ǀ sacate ǀ go-patiḥ ǀ saha ǁ
06.028.04 (Mandala. Sukta. Rik)
4.6.25.04 (Ashtaka. Adhyaya. Varga. Rik)
06.03.039 (Mandala. Anuvāka. Rik)
Samhita Devanagari Accented
न ता अर्वा॑ रे॒णुक॑काटो अश्नुते॒ न सं॑स्कृत॒त्रमुप॑ यंति॒ ता अ॒भि ।
उ॒रु॒गा॒यमभ॑यं॒ तस्य॒ ता अनु॒ गावो॒ मर्त॑स्य॒ वि च॑रंति॒ यज्व॑नः ॥
Samhita Devanagari Nonaccented
न ता अर्वा रेणुककाटो अश्नुते न संस्कृतत्रमुप यंति ता अभि ।
उरुगायमभयं तस्य ता अनु गावो मर्तस्य वि चरंति यज्वनः ॥
Samhita Transcription Accented
ná tā́ árvā reṇúkakāṭo aśnute ná saṃskṛtatrámúpa yanti tā́ abhí ǀ
urugāyámábhayam tásya tā́ ánu gā́vo mártasya ví caranti yájvanaḥ ǁ
Samhita Transcription Nonaccented
na tā arvā reṇukakāṭo aśnute na saṃskṛtatramupa yanti tā abhi ǀ
urugāyamabhayam tasya tā anu gāvo martasya vi caranti yajvanaḥ ǁ
Padapatha Devanagari Accented
न । ताः । अर्वा॑ । रे॒णुऽक॑काटः । अ॒श्नु॒ते॒ । न । सं॒स्कृ॒त॒ऽत्रम् । उप॑ । य॒न्ति॒ । ताः । अ॒भि ।
उ॒रु॒ऽगा॒यम् । अभ॑यम् । तस्य॑ । ताः । अनु॑ । गावः॑ । मर्त॑स्य । वि । च॒र॒न्ति॒ । यज्व॑नः ॥
Padapatha Devanagari Nonaccented
न । ताः । अर्वा । रेणुऽककाटः । अश्नुते । न । संस्कृतऽत्रम् । उप । यन्ति । ताः । अभि ।
उरुऽगायम् । अभयम् । तस्य । ताः । अनु । गावः । मर्तस्य । वि । चरन्ति । यज्वनः ॥
Padapatha Transcription Accented
ná ǀ tā́ḥ ǀ árvā ǀ reṇú-kakāṭaḥ ǀ aśnute ǀ ná ǀ saṃskṛta-trám ǀ úpa ǀ yanti ǀ tā́ḥ ǀ abhí ǀ
uru-gāyám ǀ ábhayam ǀ tásya ǀ tā́ḥ ǀ ánu ǀ gā́vaḥ ǀ mártasya ǀ ví ǀ caranti ǀ yájvanaḥ ǁ
Padapatha Transcription Nonaccented
na ǀ tāḥ ǀ arvā ǀ reṇu-kakāṭaḥ ǀ aśnute ǀ na ǀ saṃskṛta-tram ǀ upa ǀ yanti ǀ tāḥ ǀ abhi ǀ
uru-gāyam ǀ abhayam ǀ tasya ǀ tāḥ ǀ anu ǀ gāvaḥ ǀ martasya ǀ vi ǀ caranti ǀ yajvanaḥ ǁ
06.028.05 (Mandala. Sukta. Rik)
4.6.25.05 (Ashtaka. Adhyaya. Varga. Rik)
06.03.040 (Mandala. Anuvāka. Rik)
Samhita Devanagari Accented
गावो॒ भगो॒ गाव॒ इंद्रो॑ मे अच्छा॒न् गावः॒ सोम॑स्य प्रथ॒मस्य॑ भ॒क्षः ।
इ॒मा या गावः॒ स ज॑नास॒ इंद्र॑ इ॒च्छामीद्धृ॒दा मन॑सा चि॒दिंद्रं॑ ॥
Samhita Devanagari Nonaccented
गावो भगो गाव इंद्रो मे अच्छान् गावः सोमस्य प्रथमस्य भक्षः ।
इमा या गावः स जनास इंद्र इच्छामीद्धृदा मनसा चिदिंद्रं ॥
Samhita Transcription Accented
gā́vo bhágo gā́va índro me acchān gā́vaḥ sómasya prathamásya bhakṣáḥ ǀ
imā́ yā́ gā́vaḥ sá janāsa índra icchā́mī́ddhṛdā́ mánasā cidíndram ǁ
Samhita Transcription Nonaccented
gāvo bhago gāva indro me acchān gāvaḥ somasya prathamasya bhakṣaḥ ǀ
imā yā gāvaḥ sa janāsa indra icchāmīddhṛdā manasā cidindram ǁ
Padapatha Devanagari Accented
गावः॑ । भगः॑ । गावः॑ । इन्द्रः॑ । मे॒ । अ॒च्छा॒न् । गावः॑ । सोम॑स्य । प्र॒थ॒मस्य॑ । भ॒क्षः ।
इ॒माः । याः । गावः॑ । सः । ज॒ना॒सः॒ । इन्द्रः॑ । इ॒च्छामि॑ । इत् । हृ॒दा । मन॑सा । चि॒त् । इन्द्र॑म् ॥
Padapatha Devanagari Nonaccented
गावः । भगः । गावः । इन्द्रः । मे । अच्छान् । गावः । सोमस्य । प्रथमस्य । भक्षः ।
इमाः । याः । गावः । सः । जनासः । इन्द्रः । इच्छामि । इत् । हृदा । मनसा । चित् । इन्द्रम् ॥
Padapatha Transcription Accented
gā́vaḥ ǀ bhágaḥ ǀ gā́vaḥ ǀ índraḥ ǀ me ǀ acchān ǀ gā́vaḥ ǀ sómasya ǀ prathamásya ǀ bhakṣáḥ ǀ
imā́ḥ ǀ yā́ḥ ǀ gā́vaḥ ǀ sáḥ ǀ janāsaḥ ǀ índraḥ ǀ icchā́mi ǀ ít ǀ hṛdā́ ǀ mánasā ǀ cit ǀ índram ǁ
Padapatha Transcription Nonaccented
gāvaḥ ǀ bhagaḥ ǀ gāvaḥ ǀ indraḥ ǀ me ǀ acchān ǀ gāvaḥ ǀ somasya ǀ prathamasya ǀ bhakṣaḥ ǀ
imāḥ ǀ yāḥ ǀ gāvaḥ ǀ saḥ ǀ janāsaḥ ǀ indraḥ ǀ icchāmi ǀ it ǀ hṛdā ǀ manasā ǀ cit ǀ indram ǁ
06.028.06 (Mandala. Sukta. Rik)
4.6.25.06 (Ashtaka. Adhyaya. Varga. Rik)
06.03.041 (Mandala. Anuvāka. Rik)
Samhita Devanagari Accented
यू॒यं गा॑वो मेदयथा कृ॒शं चि॑दश्री॒रं चि॑त्कृणुथा सु॒प्रती॑कं ।
भ॒द्रं गृ॒हं कृ॑णुथ भद्रवाचो बृ॒हद्वो॒ वय॑ उच्यते स॒भासु॑ ॥
Samhita Devanagari Nonaccented
यूयं गावो मेदयथा कृशं चिदश्रीरं चित्कृणुथा सुप्रतीकं ।
भद्रं गृहं कृणुथ भद्रवाचो बृहद्वो वय उच्यते सभासु ॥
Samhita Transcription Accented
yūyám gāvo medayathā kṛśám cidaśrīrám citkṛṇuthā suprátīkam ǀ
bhadrám gṛhám kṛṇutha bhadravāco bṛhádvo váya ucyate sabhā́su ǁ
Samhita Transcription Nonaccented
yūyam gāvo medayathā kṛśam cidaśrīram citkṛṇuthā supratīkam ǀ
bhadram gṛham kṛṇutha bhadravāco bṛhadvo vaya ucyate sabhāsu ǁ
Padapatha Devanagari Accented
यू॒यम् । गा॒वः॒ । मे॒द॒य॒थ॒ । कृ॒शम् । चि॒त् । अ॒श्री॒रम् । चि॒त् । कृ॒णु॒थ॒ । सु॒ऽप्रती॑कम् ।
भ॒द्रम् । गृ॒हम् । कृ॒णु॒थ॒ । भ॒द्र॒ऽवा॒चः॒ । बृ॒हत् । वः॒ । वयः॑ । उ॒च्य॒ते॒ । स॒भासु॑ ॥
Padapatha Devanagari Nonaccented
यूयम् । गावः । मेदयथ । कृशम् । चित् । अश्रीरम् । चित् । कृणुथ । सुऽप्रतीकम् ।
भद्रम् । गृहम् । कृणुथ । भद्रऽवाचः । बृहत् । वः । वयः । उच्यते । सभासु ॥
Padapatha Transcription Accented
yūyám ǀ gāvaḥ ǀ medayatha ǀ kṛśám ǀ cit ǀ aśrīrám ǀ cit ǀ kṛṇutha ǀ su-prátīkam ǀ
bhadrám ǀ gṛhám ǀ kṛṇutha ǀ bhadra-vācaḥ ǀ bṛhát ǀ vaḥ ǀ váyaḥ ǀ ucyate ǀ sabhā́su ǁ
Padapatha Transcription Nonaccented
yūyam ǀ gāvaḥ ǀ medayatha ǀ kṛśam ǀ cit ǀ aśrīram ǀ cit ǀ kṛṇutha ǀ su-pratīkam ǀ
bhadram ǀ gṛham ǀ kṛṇutha ǀ bhadra-vācaḥ ǀ bṛhat ǀ vaḥ ǀ vayaḥ ǀ ucyate ǀ sabhāsu ǁ
06.028.07 (Mandala. Sukta. Rik)
4.6.25.07 (Ashtaka. Adhyaya. Varga. Rik)
06.03.042 (Mandala. Anuvāka. Rik)
Samhita Devanagari Accented
प्र॒जाव॑तीः सू॒यव॑सं रि॒शंतीः॑ शु॒द्धा अ॒पः सु॑प्रपा॒णे पिबं॑तीः ।
मा वः॑ स्ते॒न ई॑शत॒ माघशं॑सः॒ परि॑ वो हे॒ती रु॒द्रस्य॑ वृज्याः ॥
Samhita Devanagari Nonaccented
प्रजावतीः सूयवसं रिशंतीः शुद्धा अपः सुप्रपाणे पिबंतीः ।
मा वः स्तेन ईशत माघशंसः परि वो हेती रुद्रस्य वृज्याः ॥
Samhita Transcription Accented
prajā́vatīḥ sūyávasam riśántīḥ śuddhā́ apáḥ suprapāṇé píbantīḥ ǀ
mā́ vaḥ stená īśata mā́gháśaṃsaḥ pári vo hetī́ rudrásya vṛjyāḥ ǁ
Samhita Transcription Nonaccented
prajāvatīḥ sūyavasam riśantīḥ śuddhā apaḥ suprapāṇe pibantīḥ ǀ
mā vaḥ stena īśata māghaśaṃsaḥ pari vo hetī rudrasya vṛjyāḥ ǁ
Padapatha Devanagari Accented
प्र॒जाऽव॑तीः । सु॒ऽयव॑सम् । रि॒शन्तीः॑ । शु॒द्धाः । अ॒पः । सु॒ऽप्र॒पा॒ने । पिब॑न्तीः ।
मा । वः॒ । स्ते॒नः । ई॒श॒त॒ । मा । अ॒घऽशं॑सः । परि॑ । वः॒ । हे॒तिः । रु॒द्रस्य॑ । वृ॒ज्याः॒ ॥
Padapatha Devanagari Nonaccented
प्रजाऽवतीः । सुऽयवसम् । रिशन्तीः । शुद्धाः । अपः । सुऽप्रपाने । पिबन्तीः ।
मा । वः । स्तेनः । ईशत । मा । अघऽशंसः । परि । वः । हेतिः । रुद्रस्य । वृज्याः ॥
Padapatha Transcription Accented
prajā́-vatīḥ ǀ su-yávasam ǀ riśántīḥ ǀ śuddhā́ḥ ǀ apáḥ ǀ su-prapāné ǀ píbantīḥ ǀ
mā́ ǀ vaḥ ǀ stenáḥ ǀ īśata ǀ mā́ ǀ aghá-śaṃsaḥ ǀ pári ǀ vaḥ ǀ hetíḥ ǀ rudrásya ǀ vṛjyāḥ ǁ
Padapatha Transcription Nonaccented
prajā-vatīḥ ǀ su-yavasam ǀ riśantīḥ ǀ śuddhāḥ ǀ apaḥ ǀ su-prapāne ǀ pibantīḥ ǀ
mā ǀ vaḥ ǀ stenaḥ ǀ īśata ǀ mā ǀ agha-śaṃsaḥ ǀ pari ǀ vaḥ ǀ hetiḥ ǀ rudrasya ǀ vṛjyāḥ ǁ
06.028.08 (Mandala. Sukta. Rik)
4.6.25.08 (Ashtaka. Adhyaya. Varga. Rik)
06.03.043 (Mandala. Anuvāka. Rik)
Samhita Devanagari Accented
उपे॒दमु॑प॒पर्च॑नमा॒सु गोषूप॑ पृच्यतां ।
उप॑ ऋष॒भस्य॒ रेत॒स्युपें॑द्र॒ तव॑ वी॒र्ये॑ ॥
Samhita Devanagari Nonaccented
उपेदमुपपर्चनमासु गोषूप पृच्यतां ।
उप ऋषभस्य रेतस्युपेंद्र तव वीर्ये ॥
Samhita Transcription Accented
úpedámupapárcanamāsú góṣū́pa pṛcyatām ǀ
úpa ṛṣabhásya rétasyúpendra táva vīryé ǁ
Samhita Transcription Nonaccented
upedamupaparcanamāsu goṣūpa pṛcyatām ǀ
upa ṛṣabhasya retasyupendra tava vīrye ǁ
Padapatha Devanagari Accented
उप॑ । इ॒दम् । उ॒प॒ऽपर्च॑नम् । आ॒सु । गोषु॑ । उप॑ । पृ॒च्य॒ता॒म् ।
उप॑ । ऋ॒ष॒भस्य॑ । रेत॑सि । उप॑ । इ॒न्द्र॒ । तव॑ । वी॒र्ये॑ ॥
Padapatha Devanagari Nonaccented
उप । इदम् । उपऽपर्चनम् । आसु । गोषु । उप । पृच्यताम् ।
उप । ऋषभस्य । रेतसि । उप । इन्द्र । तव । वीर्ये ॥
Padapatha Transcription Accented
úpa ǀ idám ǀ upa-párcanam ǀ āsú ǀ góṣu ǀ úpa ǀ pṛcyatām ǀ
úpa ǀ ṛṣabhásya ǀ rétasi ǀ úpa ǀ indra ǀ táva ǀ vīryé ǁ
Padapatha Transcription Nonaccented
upa ǀ idam ǀ upa-parcanam ǀ āsu ǀ goṣu ǀ upa ǀ pṛcyatām ǀ
upa ǀ ṛṣabhasya ǀ retasi ǀ upa ǀ indra ǀ tava ǀ vīrye ǁ