|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 30
|
1. Info |
| To: | indra | |
| From: | bharadvāja bārhaspatya | |
| Metres: | 1st set of styles: nicṛttriṣṭup (1-3); paṅktiḥ (4); brāhmyuṣnik (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.030.01 (Mandala. Sukta. Rik)
4.7.02.01 (Ashtaka. Adhyaya. Varga. Rik)
06.03.050 (Mandala. Anuvāka. Rik)
Samhita Devanagari Accented
भूय॒ इद्वा॑वृधे वी॒र्या॑यँ॒ एको॑ अजु॒र्यो द॑यते॒ वसू॑नि ।
प्र रि॑रिचे दि॒व इंद्रः॑ पृथि॒व्या अ॒र्धमिद॑स्य॒ प्रति॒ रोद॑सी उ॒भे ॥
Samhita Devanagari Nonaccented
भूय इद्वावृधे वीर्यायँ एको अजुर्यो दयते वसूनि ।
प्र रिरिचे दिव इंद्रः पृथिव्या अर्धमिदस्य प्रति रोदसी उभे ॥
Samhita Transcription Accented
bhū́ya ídvāvṛdhe vīryā́yam̐ éko ajuryó dayate vásūni ǀ
prá ririce divá índraḥ pṛthivyā́ ardhámídasya práti ródasī ubhé ǁ
Samhita Transcription Nonaccented
bhūya idvāvṛdhe vīryāyam̐ eko ajuryo dayate vasūni ǀ
pra ririce diva indraḥ pṛthivyā ardhamidasya prati rodasī ubhe ǁ
Padapatha Devanagari Accented
भूयः॑ । इत् । व॒वृ॒धे॒ । वी॒र्या॑य । एकः॑ । अ॒जु॒र्यः । द॒य॒ते॒ । वसू॑नि ।
प्र । रि॒रि॒चे॒ । दि॒वः । इन्द्रः॑ । पृ॒थि॒व्याः । अ॒र्धम् । इत् । अ॒स्य॒ । प्रति॑ । रोद॑सी॒ इति॑ । उ॒भे इति॑ ॥
Padapatha Devanagari Nonaccented
भूयः । इत् । ववृधे । वीर्याय । एकः । अजुर्यः । दयते । वसूनि ।
प्र । रिरिचे । दिवः । इन्द्रः । पृथिव्याः । अर्धम् । इत् । अस्य । प्रति । रोदसी इति । उभे इति ॥
Padapatha Transcription Accented
bhū́yaḥ ǀ ít ǀ vavṛdhe ǀ vīryā́ya ǀ ékaḥ ǀ ajuryáḥ ǀ dayate ǀ vásūni ǀ
prá ǀ ririce ǀ diváḥ ǀ índraḥ ǀ pṛthivyā́ḥ ǀ ardhám ǀ ít ǀ asya ǀ práti ǀ ródasī íti ǀ ubhé íti ǁ
Padapatha Transcription Nonaccented
bhūyaḥ ǀ it ǀ vavṛdhe ǀ vīryāya ǀ ekaḥ ǀ ajuryaḥ ǀ dayate ǀ vasūni ǀ
pra ǀ ririce ǀ divaḥ ǀ indraḥ ǀ pṛthivyāḥ ǀ ardham ǀ it ǀ asya ǀ prati ǀ rodasī iti ǀ ubhe iti ǁ
06.030.02 (Mandala. Sukta. Rik)
4.7.02.02 (Ashtaka. Adhyaya. Varga. Rik)
06.03.051 (Mandala. Anuvāka. Rik)
Samhita Devanagari Accented
अधा॑ मन्ये बृ॒हद॑सु॒र्य॑मस्य॒ यानि॑ दा॒धार॒ नकि॒रा मि॑नाति ।
दि॒वेदि॑वे॒ सूर्यो॑ दर्श॒तो भू॒द्वि सद्मा॑न्युर्वि॒या सु॒क्रतु॑र्धात् ॥
Samhita Devanagari Nonaccented
अधा मन्ये बृहदसुर्यमस्य यानि दाधार नकिरा मिनाति ।
दिवेदिवे सूर्यो दर्शतो भूद्वि सद्मान्युर्विया सुक्रतुर्धात् ॥
Samhita Transcription Accented
ádhā manye bṛhádasuryámasya yā́ni dādhā́ra nákirā́ mināti ǀ
divédive sū́ryo darśató bhūdví sádmānyurviyā́ sukráturdhāt ǁ
Samhita Transcription Nonaccented
adhā manye bṛhadasuryamasya yāni dādhāra nakirā mināti ǀ
divedive sūryo darśato bhūdvi sadmānyurviyā sukraturdhāt ǁ
Padapatha Devanagari Accented
अध॑ । म॒न्ये॒ । बृ॒हत् । अ॒सु॒र्य॑म् । अ॒स्य॒ । यानि॑ । दा॒धार॑ । नकिः॑ । आ । मि॒ना॒ति॒ ।
दि॒वेऽदि॑वे । सूर्यः॑ । द॒र्श॒तः । भू॒त् । वि । सद्मा॑नि । उ॒र्वि॒या । सु॒ऽक्रतुः॑ । धा॒त् ॥
Padapatha Devanagari Nonaccented
अध । मन्ये । बृहत् । असुर्यम् । अस्य । यानि । दाधार । नकिः । आ । मिनाति ।
दिवेऽदिवे । सूर्यः । दर्शतः । भूत् । वि । सद्मानि । उर्विया । सुऽक्रतुः । धात् ॥
Padapatha Transcription Accented
ádha ǀ manye ǀ bṛhát ǀ asuryám ǀ asya ǀ yā́ni ǀ dādhā́ra ǀ nákiḥ ǀ ā́ ǀ mināti ǀ
divé-dive ǀ sū́ryaḥ ǀ darśatáḥ ǀ bhūt ǀ ví ǀ sádmāni ǀ urviyā́ ǀ su-krátuḥ ǀ dhāt ǁ
Padapatha Transcription Nonaccented
adha ǀ manye ǀ bṛhat ǀ asuryam ǀ asya ǀ yāni ǀ dādhāra ǀ nakiḥ ǀ ā ǀ mināti ǀ
dive-dive ǀ sūryaḥ ǀ darśataḥ ǀ bhūt ǀ vi ǀ sadmāni ǀ urviyā ǀ su-kratuḥ ǀ dhāt ǁ
06.030.03 (Mandala. Sukta. Rik)
4.7.02.03 (Ashtaka. Adhyaya. Varga. Rik)
06.03.052 (Mandala. Anuvāka. Rik)
Samhita Devanagari Accented
अ॒द्या चि॒न्नू चि॒त्तदपो॑ न॒दीनां॒ यदा॑भ्यो॒ अर॑दो गा॒तुमिं॑द्र ।
नि पर्व॑ता अद्म॒सदो॒ न से॑दु॒स्त्वया॑ दृ॒ळ्हानि॑ सुक्रतो॒ रजां॑सि ॥
Samhita Devanagari Nonaccented
अद्या चिन्नू चित्तदपो नदीनां यदाभ्यो अरदो गातुमिंद्र ।
नि पर्वता अद्मसदो न सेदुस्त्वया दृळ्हानि सुक्रतो रजांसि ॥
Samhita Transcription Accented
adyā́ cinnū́ cittádápo nadī́nām yádābhyo árado gātúmindra ǀ
ní párvatā admasádo ná sedustváyā dṛḷhā́ni sukrato rájāṃsi ǁ
Samhita Transcription Nonaccented
adyā cinnū cittadapo nadīnām yadābhyo arado gātumindra ǀ
ni parvatā admasado na sedustvayā dṛḷhāni sukrato rajāṃsi ǁ
Padapatha Devanagari Accented
अ॒द्य । चि॒त् । नु । चि॒त् । तत् । अपः॑ । न॒दीना॑म् । यत् । आ॒भ्यः॒ । अर॑दः । गा॒तुम् । इ॒न्द्र॒ ।
नि । पर्व॑ताः । अ॒द्म॒ऽसदः॑ । न । से॒दुः॒ । त्वया॑ । दृ॒ळ्हानि॑ । सु॒क्र॒तो॒ इति॑ सुऽक्रतो । रजां॑सि ॥
Padapatha Devanagari Nonaccented
अद्य । चित् । नु । चित् । तत् । अपः । नदीनाम् । यत् । आभ्यः । अरदः । गातुम् । इन्द्र ।
नि । पर्वताः । अद्मऽसदः । न । सेदुः । त्वया । दृळ्हानि । सुक्रतो इति सुऽक्रतो । रजांसि ॥
Padapatha Transcription Accented
adyá ǀ cit ǀ nú ǀ cit ǀ tát ǀ ápaḥ ǀ nadī́nām ǀ yát ǀ ābhyaḥ ǀ áradaḥ ǀ gātúm ǀ indra ǀ
ní ǀ párvatāḥ ǀ adma-sádaḥ ǀ ná ǀ seduḥ ǀ tváyā ǀ dṛḷhā́ni ǀ sukrato íti su-krato ǀ rájāṃsi ǁ
Padapatha Transcription Nonaccented
adya ǀ cit ǀ nu ǀ cit ǀ tat ǀ apaḥ ǀ nadīnām ǀ yat ǀ ābhyaḥ ǀ aradaḥ ǀ gātum ǀ indra ǀ
ni ǀ parvatāḥ ǀ adma-sadaḥ ǀ na ǀ seduḥ ǀ tvayā ǀ dṛḷhāni ǀ sukrato iti su-krato ǀ rajāṃsi ǁ
06.030.04 (Mandala. Sukta. Rik)
4.7.02.04 (Ashtaka. Adhyaya. Varga. Rik)
06.03.053 (Mandala. Anuvāka. Rik)
Samhita Devanagari Accented
स॒त्यमित्तन्न त्वावाँ॑ अ॒न्यो अ॒स्तींद्र॑ दे॒वो न मर्त्यो॒ ज्याया॑न् ।
अह॒न्नहिं॑ परि॒शया॑न॒मर्णोऽवा॑सृजो अ॒पो अच्छा॑ समु॒द्रं ॥
Samhita Devanagari Nonaccented
सत्यमित्तन्न त्वावाँ अन्यो अस्तींद्र देवो न मर्त्यो ज्यायान् ।
अहन्नहिं परिशयानमर्णोऽवासृजो अपो अच्छा समुद्रं ॥
Samhita Transcription Accented
satyámíttánná tvā́vām̐ anyó astī́ndra devó ná mártyo jyā́yān ǀ
áhannáhim pariśáyānamárṇó’vāsṛjo apó ácchā samudrám ǁ
Samhita Transcription Nonaccented
satyamittanna tvāvām̐ anyo astīndra devo na martyo jyāyān ǀ
ahannahim pariśayānamarṇo’vāsṛjo apo acchā samudram ǁ
Padapatha Devanagari Accented
स॒त्यम् । इत् । तत् । न । त्वाऽवा॑न् । अ॒न्यः । अ॒स्ति॒ । इन्द्र॑ । दे॒वः । न । मर्त्यः॑ । ज्याया॑न् ।
अह॑न् । अहि॑म् । प॒रि॒ऽशया॑नम् । अर्णः॑ । अव॑ । अ॒सृ॒जः॒ । अ॒पः । अच्छ॑ । स॒मु॒द्रम् ॥
Padapatha Devanagari Nonaccented
सत्यम् । इत् । तत् । न । त्वाऽवान् । अन्यः । अस्ति । इन्द्र । देवः । न । मर्त्यः । ज्यायान् ।
अहन् । अहिम् । परिऽशयानम् । अर्णः । अव । असृजः । अपः । अच्छ । समुद्रम् ॥
Padapatha Transcription Accented
satyám ǀ ít ǀ tát ǀ ná ǀ tvā́-vān ǀ anyáḥ ǀ asti ǀ índra ǀ deváḥ ǀ ná ǀ mártyaḥ ǀ jyā́yān ǀ
áhan ǀ áhim ǀ pari-śáyānam ǀ árṇaḥ ǀ áva ǀ asṛjaḥ ǀ apáḥ ǀ áccha ǀ samudrám ǁ
Padapatha Transcription Nonaccented
satyam ǀ it ǀ tat ǀ na ǀ tvā-vān ǀ anyaḥ ǀ asti ǀ indra ǀ devaḥ ǀ na ǀ martyaḥ ǀ jyāyān ǀ
ahan ǀ ahim ǀ pari-śayānam ǀ arṇaḥ ǀ ava ǀ asṛjaḥ ǀ apaḥ ǀ accha ǀ samudram ǁ
06.030.05 (Mandala. Sukta. Rik)
4.7.02.05 (Ashtaka. Adhyaya. Varga. Rik)
06.03.054 (Mandala. Anuvāka. Rik)
Samhita Devanagari Accented
त्वम॒पो वि दुरो॒ विषू॑ची॒रिंद्र॑ दृ॒ळ्हम॑रुजः॒ पर्व॑तस्य ।
राजा॑भवो॒ जग॑तश्चर्षणी॒नां सा॒कं सूर्यं॑ ज॒नयं॒द्यामु॒षासं॑ ॥
Samhita Devanagari Nonaccented
त्वमपो वि दुरो विषूचीरिंद्र दृळ्हमरुजः पर्वतस्य ।
राजाभवो जगतश्चर्षणीनां साकं सूर्यं जनयंद्यामुषासं ॥
Samhita Transcription Accented
tvámapó ví dúro víṣūcīríndra dṛḷhámarujaḥ párvatasya ǀ
rā́jābhavo jágataścarṣaṇīnā́m sākám sū́ryam janáyandyā́muṣā́sam ǁ
Samhita Transcription Nonaccented
tvamapo vi duro viṣūcīrindra dṛḷhamarujaḥ parvatasya ǀ
rājābhavo jagataścarṣaṇīnām sākam sūryam janayandyāmuṣāsam ǁ
Padapatha Devanagari Accented
त्वम् । अ॒पः । वि । दुरः॑ । विषू॑चीः । इन्द्र॑ । दृ॒ळ्हम् । अ॒रु॒जः॒ । पर्व॑तस्य ।
राजा॑ । अ॒भ॒वः॒ । जग॑तः । च॒र्ष॒णी॒नाम् । सा॒कम् । सूर्य॑म् । ज॒नय॑न् । द्याम् । उ॒षस॑म् ॥
Padapatha Devanagari Nonaccented
त्वम् । अपः । वि । दुरः । विषूचीः । इन्द्र । दृळ्हम् । अरुजः । पर्वतस्य ।
राजा । अभवः । जगतः । चर्षणीनाम् । साकम् । सूर्यम् । जनयन् । द्याम् । उषसम् ॥
Padapatha Transcription Accented
tvám ǀ apáḥ ǀ ví ǀ dúraḥ ǀ víṣūcīḥ ǀ índra ǀ dṛḷhám ǀ arujaḥ ǀ párvatasya ǀ
rā́jā ǀ abhavaḥ ǀ jágataḥ ǀ carṣaṇīnā́m ǀ sākám ǀ sū́ryam ǀ janáyan ǀ dyā́m ǀ uṣásam ǁ
Padapatha Transcription Nonaccented
tvam ǀ apaḥ ǀ vi ǀ duraḥ ǀ viṣūcīḥ ǀ indra ǀ dṛḷham ǀ arujaḥ ǀ parvatasya ǀ
rājā ǀ abhavaḥ ǀ jagataḥ ǀ carṣaṇīnām ǀ sākam ǀ sūryam ǀ janayan ǀ dyām ǀ uṣasam ǁ