|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 33
|
1. Info |
| To: | indra | |
| From: | śunahotra bhāradvāja | |
| Metres: | 1st set of styles: nicṛtpaṅkti (1-3); bhurikpaṅkti (4); svarāṭpaṅkti (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.033.01 (Mandala. Sukta. Rik)
4.7.05.01 (Ashtaka. Adhyaya. Varga. Rik)
06.03.065 (Mandala. Anuvāka. Rik)
Samhita Devanagari Accented
य ओजि॑ष्ठ इंद्र॒ तं सु नो॑ दा॒ मदो॑ वृषन्त्स्वभि॒ष्टिर्दास्वा॑न् ।
सौव॑श्व्यं॒ यो व॒नव॒त्स्वश्वो॑ वृ॒त्रा स॒मत्सु॑ सा॒सह॑द॒मित्रा॑न् ॥
Samhita Devanagari Nonaccented
य ओजिष्ठ इंद्र तं सु नो दा मदो वृषन्त्स्वभिष्टिर्दास्वान् ।
सौवश्व्यं यो वनवत्स्वश्वो वृत्रा समत्सु सासहदमित्रान् ॥
Samhita Transcription Accented
yá ójiṣṭha indra tám sú no dā mádo vṛṣantsvabhiṣṭírdā́svān ǀ
sáuvaśvyam yó vanávatsváśvo vṛtrā́ samátsu sāsáhadamítrān ǁ
Samhita Transcription Nonaccented
ya ojiṣṭha indra tam su no dā mado vṛṣantsvabhiṣṭirdāsvān ǀ
sauvaśvyam yo vanavatsvaśvo vṛtrā samatsu sāsahadamitrān ǁ
Padapatha Devanagari Accented
यः । ओजि॑ष्ठः । इ॒न्द्र॒ । तम् । सु । नः॒ । दाः॒ । मदः॑ । वृ॒ष॒न् । सु॒ऽअ॒भि॒ष्टिः । दास्वा॑न् ।
सौव॑श्व्यम् । यः । व॒नव॑त् । सु॒ऽअश्वः॑ । वृ॒त्रा । स॒मत्ऽसु॑ । स॒सह॑त् । अ॒मित्रा॑न् ॥
Padapatha Devanagari Nonaccented
यः । ओजिष्ठः । इन्द्र । तम् । सु । नः । दाः । मदः । वृषन् । सुऽअभिष्टिः । दास्वान् ।
सौवश्व्यम् । यः । वनवत् । सुऽअश्वः । वृत्रा । समत्ऽसु । ससहत् । अमित्रान् ॥
Padapatha Transcription Accented
yáḥ ǀ ójiṣṭhaḥ ǀ indra ǀ tám ǀ sú ǀ naḥ ǀ dāḥ ǀ mádaḥ ǀ vṛṣan ǀ su-abhiṣṭíḥ ǀ dā́svān ǀ
sáuvaśvyam ǀ yáḥ ǀ vanávat ǀ su-áśvaḥ ǀ vṛtrā́ ǀ samát-su ǀ sasáhat ǀ amítrān ǁ
Padapatha Transcription Nonaccented
yaḥ ǀ ojiṣṭhaḥ ǀ indra ǀ tam ǀ su ǀ naḥ ǀ dāḥ ǀ madaḥ ǀ vṛṣan ǀ su-abhiṣṭiḥ ǀ dāsvān ǀ
sauvaśvyam ǀ yaḥ ǀ vanavat ǀ su-aśvaḥ ǀ vṛtrā ǀ samat-su ǀ sasahat ǀ amitrān ǁ
06.033.02 (Mandala. Sukta. Rik)
4.7.05.02 (Ashtaka. Adhyaya. Varga. Rik)
06.03.066 (Mandala. Anuvāka. Rik)
Samhita Devanagari Accented
त्वां ही॒३॑ं॒द्राव॑से॒ विवा॑चो॒ हवं॑ते चर्ष॒णयः॒ शूर॑सातौ ।
त्वं विप्रे॑भि॒र्वि प॒णीँर॑शाय॒स्त्वोत॒ इत्सनि॑ता॒ वाज॒मर्वा॑ ॥
Samhita Devanagari Nonaccented
त्वां हींद्रावसे विवाचो हवंते चर्षणयः शूरसातौ ।
त्वं विप्रेभिर्वि पणीँरशायस्त्वोत इत्सनिता वाजमर्वा ॥
Samhita Transcription Accented
tvā́m hī́ndrā́vase vívāco hávante carṣaṇáyaḥ śū́rasātau ǀ
tvám víprebhirví paṇī́m̐raśāyastvóta ítsánitā vā́jamárvā ǁ
Samhita Transcription Nonaccented
tvām hīndrāvase vivāco havante carṣaṇayaḥ śūrasātau ǀ
tvam viprebhirvi paṇīm̐raśāyastvota itsanitā vājamarvā ǁ
Padapatha Devanagari Accented
त्वाम् । हि । इ॒न्द्र॒ । अव॑से । विऽवा॑चः । हव॑न्ते । च॒र्ष॒णयः॑ । शूर॑ऽसातौ ।
त्वम् । विप्रे॑भिः । वि । प॒णीन् । अ॒शा॒यः॒ । त्वाऽऊ॑तः । इत् । सनि॑ता । वाज॑म् । अर्वा॑ ॥
Padapatha Devanagari Nonaccented
त्वाम् । हि । इन्द्र । अवसे । विऽवाचः । हवन्ते । चर्षणयः । शूरऽसातौ ।
त्वम् । विप्रेभिः । वि । पणीन् । अशायः । त्वाऽऊतः । इत् । सनिता । वाजम् । अर्वा ॥
Padapatha Transcription Accented
tvā́m ǀ hí ǀ indra ǀ ávase ǀ ví-vācaḥ ǀ hávante ǀ carṣaṇáyaḥ ǀ śū́ra-sātau ǀ
tvám ǀ víprebhiḥ ǀ ví ǀ paṇī́n ǀ aśāyaḥ ǀ tvā́-ūtaḥ ǀ ít ǀ sánitā ǀ vā́jam ǀ árvā ǁ
Padapatha Transcription Nonaccented
tvām ǀ hi ǀ indra ǀ avase ǀ vi-vācaḥ ǀ havante ǀ carṣaṇayaḥ ǀ śūra-sātau ǀ
tvam ǀ viprebhiḥ ǀ vi ǀ paṇīn ǀ aśāyaḥ ǀ tvā-ūtaḥ ǀ it ǀ sanitā ǀ vājam ǀ arvā ǁ
06.033.03 (Mandala. Sukta. Rik)
4.7.05.03 (Ashtaka. Adhyaya. Varga. Rik)
06.03.067 (Mandala. Anuvāka. Rik)
Samhita Devanagari Accented
त्वं ताँ इं॑द्रो॒भयाँ॑ अ॒मित्रां॒दासा॑ वृ॒त्राण्यार्या॑ च शूर ।
वधी॒र्वने॑व॒ सुधि॑तेभि॒रत्कै॒रा पृ॒त्सु द॑र्षि नृ॒णां नृ॑तम ॥
Samhita Devanagari Nonaccented
त्वं ताँ इंद्रोभयाँ अमित्रांदासा वृत्राण्यार्या च शूर ।
वधीर्वनेव सुधितेभिरत्कैरा पृत्सु दर्षि नृणां नृतम ॥
Samhita Transcription Accented
tvám tā́m̐ indrobháyām̐ amítrāndā́sā vṛtrā́ṇyā́ryā ca śūra ǀ
vádhīrváneva súdhitebhirátkairā́ pṛtsú darṣi nṛṇā́m nṛtama ǁ
Samhita Transcription Nonaccented
tvam tām̐ indrobhayām̐ amitrāndāsā vṛtrāṇyāryā ca śūra ǀ
vadhīrvaneva sudhitebhiratkairā pṛtsu darṣi nṛṇām nṛtama ǁ
Padapatha Devanagari Accented
त्वम् । तान् । इ॒न्द्र॒ । उ॒भया॑न् । अ॒मित्रा॑न् । दासा॑ । वृ॒त्राणि॑ । आर्या॑ । च॒ । शू॒र॒ ।
वधीः॑ । वना॑ऽइव । सुऽधि॑तेभिः । अत्कैः॑ । आ । पृ॒त्ऽसु । द॒र्षि॒ । नृ॒णाम् । नृ॒ऽत॒म॒ ॥
Padapatha Devanagari Nonaccented
त्वम् । तान् । इन्द्र । उभयान् । अमित्रान् । दासा । वृत्राणि । आर्या । च । शूर ।
वधीः । वनाऽइव । सुऽधितेभिः । अत्कैः । आ । पृत्ऽसु । दर्षि । नृणाम् । नृऽतम ॥
Padapatha Transcription Accented
tvám ǀ tā́n ǀ indra ǀ ubháyān ǀ amítrān ǀ dā́sā ǀ vṛtrā́ṇi ǀ ā́ryā ǀ ca ǀ śūra ǀ
vádhīḥ ǀ vánā-iva ǀ sú-dhitebhiḥ ǀ átkaiḥ ǀ ā́ ǀ pṛt-sú ǀ darṣi ǀ nṛṇā́m ǀ nṛ-tama ǁ
Padapatha Transcription Nonaccented
tvam ǀ tān ǀ indra ǀ ubhayān ǀ amitrān ǀ dāsā ǀ vṛtrāṇi ǀ āryā ǀ ca ǀ śūra ǀ
vadhīḥ ǀ vanā-iva ǀ su-dhitebhiḥ ǀ atkaiḥ ǀ ā ǀ pṛt-su ǀ darṣi ǀ nṛṇām ǀ nṛ-tama ǁ
06.033.04 (Mandala. Sukta. Rik)
4.7.05.04 (Ashtaka. Adhyaya. Varga. Rik)
06.03.068 (Mandala. Anuvāka. Rik)
Samhita Devanagari Accented
स त्वं न॑ इं॒द्राक॑वाभिरू॒ती सखा॑ वि॒श्वायु॑रवि॒ता वृ॒धे भूः॑ ।
स्व॑र्षाता॒ यद्ध्वया॑मसि त्वा॒ युध्यं॑तो ने॒मधि॑ता पृ॒त्सु शू॑र ॥
Samhita Devanagari Nonaccented
स त्वं न इंद्राकवाभिरूती सखा विश्वायुरविता वृधे भूः ।
स्वर्षाता यद्ध्वयामसि त्वा युध्यंतो नेमधिता पृत्सु शूर ॥
Samhita Transcription Accented
sá tvám na indrā́kavābhirūtī́ sákhā viśvā́yuravitā́ vṛdhé bhūḥ ǀ
svárṣātā yáddhváyāmasi tvā yúdhyanto nemádhitā pṛtsú śūra ǁ
Samhita Transcription Nonaccented
sa tvam na indrākavābhirūtī sakhā viśvāyuravitā vṛdhe bhūḥ ǀ
svarṣātā yaddhvayāmasi tvā yudhyanto nemadhitā pṛtsu śūra ǁ
Padapatha Devanagari Accented
सः । त्वम् । नः॒ । इ॒न्द्र॒ । अक॑वाभिः । ऊ॒ती । सखा॑ । वि॒श्वऽआ॑युः । अ॒वि॒ता । वृ॒धे । भूः॒ ।
स्वः॑ऽसाता । यत् । ह्वया॑मसि । त्वा॒ । युध्य॑न्तः । ने॒मऽधि॑ता । पृ॒त्ऽसु । शू॒र॒ ॥
Padapatha Devanagari Nonaccented
सः । त्वम् । नः । इन्द्र । अकवाभिः । ऊती । सखा । विश्वऽआयुः । अविता । वृधे । भूः ।
स्वःऽसाता । यत् । ह्वयामसि । त्वा । युध्यन्तः । नेमऽधिता । पृत्ऽसु । शूर ॥
Padapatha Transcription Accented
sáḥ ǀ tvám ǀ naḥ ǀ indra ǀ ákavābhiḥ ǀ ūtī́ ǀ sákhā ǀ viśvá-āyuḥ ǀ avitā́ ǀ vṛdhé ǀ bhūḥ ǀ
sváḥ-sātā ǀ yát ǀ hváyāmasi ǀ tvā ǀ yúdhyantaḥ ǀ nemá-dhitā ǀ pṛt-sú ǀ śūra ǁ
Padapatha Transcription Nonaccented
saḥ ǀ tvam ǀ naḥ ǀ indra ǀ akavābhiḥ ǀ ūtī ǀ sakhā ǀ viśva-āyuḥ ǀ avitā ǀ vṛdhe ǀ bhūḥ ǀ
svaḥ-sātā ǀ yat ǀ hvayāmasi ǀ tvā ǀ yudhyantaḥ ǀ nema-dhitā ǀ pṛt-su ǀ śūra ǁ
06.033.05 (Mandala. Sukta. Rik)
4.7.05.05 (Ashtaka. Adhyaya. Varga. Rik)
06.03.069 (Mandala. Anuvāka. Rik)
Samhita Devanagari Accented
नू॒नं न॑ इंद्राप॒राय॑ च स्या॒ भवा॑ मृळी॒क उ॒त नो॑ अ॒भिष्टौ॑ ।
इ॒त्था गृ॒णंतो॑ म॒हिन॑स्य॒ शर्मं॑दि॒वि ष्या॑म॒ पार्ये॑ गो॒षत॑माः ॥
Samhita Devanagari Nonaccented
नूनं न इंद्रापराय च स्या भवा मृळीक उत नो अभिष्टौ ।
इत्था गृणंतो महिनस्य शर्मंदिवि ष्याम पार्ये गोषतमाः ॥
Samhita Transcription Accented
nūnám na indrāparā́ya ca syā bhávā mṛḷīká utá no abhíṣṭau ǀ
itthā́ gṛṇánto mahínasya śármandiví ṣyāma pā́rye goṣátamāḥ ǁ
Samhita Transcription Nonaccented
nūnam na indrāparāya ca syā bhavā mṛḷīka uta no abhiṣṭau ǀ
itthā gṛṇanto mahinasya śarmandivi ṣyāma pārye goṣatamāḥ ǁ
Padapatha Devanagari Accented
नू॒नम् । नः॒ । इ॒न्द्र॒ । अ॒प॒राय॑ । च॒ । स्याः॒ । भव॑ । मृ॒ळी॒कः । उ॒त । नः॒ । अ॒भिष्टौ॑ ।
इ॒त्था । गृ॒णन्तः॑ । म॒हिन॑स्य । शर्म॑न् । दि॒वि । स्या॒म॒ । पार्ये॑ । गो॒सऽत॑माः ॥
Padapatha Devanagari Nonaccented
नूनम् । नः । इन्द्र । अपराय । च । स्याः । भव । मृळीकः । उत । नः । अभिष्टौ ।
इत्था । गृणन्तः । महिनस्य । शर्मन् । दिवि । स्याम । पार्ये । गोसऽतमाः ॥
Padapatha Transcription Accented
nūnám ǀ naḥ ǀ indra ǀ aparā́ya ǀ ca ǀ syāḥ ǀ bháva ǀ mṛḷīkáḥ ǀ utá ǀ naḥ ǀ abhíṣṭau ǀ
itthā́ ǀ gṛṇántaḥ ǀ mahínasya ǀ śárman ǀ diví ǀ syāma ǀ pā́rye ǀ gosá-tamāḥ ǁ
Padapatha Transcription Nonaccented
nūnam ǀ naḥ ǀ indra ǀ aparāya ǀ ca ǀ syāḥ ǀ bhava ǀ mṛḷīkaḥ ǀ uta ǀ naḥ ǀ abhiṣṭau ǀ
itthā ǀ gṛṇantaḥ ǀ mahinasya ǀ śarman ǀ divi ǀ syāma ǀ pārye ǀ gosa-tamāḥ ǁ