|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 34
|
1. Info |
| To: | indra | |
| From: | śunahotra bhāradvāja | |
| Metres: | 1st set of styles: triṣṭup 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.034.01 (Mandala. Sukta. Rik)
4.7.06.01 (Ashtaka. Adhyaya. Varga. Rik)
06.03.070 (Mandala. Anuvāka. Rik)
Samhita Devanagari Accented
सं च॒ त्वे ज॒ग्मुर्गिर॑ इंद्र पू॒र्वीर्वि च॒ त्वद्यं॑ति वि॒भ्वो॑ मनी॒षाः ।
पु॒रा नू॒नं च॑ स्तु॒तय॒ ऋषी॑णां पस्पृ॒ध्र इंद्रे॒ अध्यु॑क्था॒र्का ॥
Samhita Devanagari Nonaccented
सं च त्वे जग्मुर्गिर इंद्र पूर्वीर्वि च त्वद्यंति विभ्वो मनीषाः ।
पुरा नूनं च स्तुतय ऋषीणां पस्पृध्र इंद्रे अध्युक्थार्का ॥
Samhita Transcription Accented
sám ca tvé jagmúrgíra indra pūrvī́rví ca tvádyanti vibhvó manīṣā́ḥ ǀ
purā́ nūnám ca stutáya ṛ́ṣīṇām paspṛdhrá índre ádhyukthārkā́ ǁ
Samhita Transcription Nonaccented
sam ca tve jagmurgira indra pūrvīrvi ca tvadyanti vibhvo manīṣāḥ ǀ
purā nūnam ca stutaya ṛṣīṇām paspṛdhra indre adhyukthārkā ǁ
Padapatha Devanagari Accented
सम् । च॒ । त्वे इति॑ । ज॒ग्मुः । गिरः॑ । इ॒न्द्र॒ । पू॒र्वीः । वि । च॒ । त्वत् । य॒न्ति॒ । वि॒ऽभ्वः॑ । म॒नी॒षाः ।
पु॒रा । नू॒नम् । च॒ । स्तु॒तयः॑ । ऋषी॑णाम् । प॒स्पृ॒ध्रे । इन्द्रे॑ । अधि॑ । उ॒क्थ॒ऽअ॒र्का ॥
Padapatha Devanagari Nonaccented
सम् । च । त्वे इति । जग्मुः । गिरः । इन्द्र । पूर्वीः । वि । च । त्वत् । यन्ति । विऽभ्वः । मनीषाः ।
पुरा । नूनम् । च । स्तुतयः । ऋषीणाम् । पस्पृध्रे । इन्द्रे । अधि । उक्थऽअर्का ॥
Padapatha Transcription Accented
sám ǀ ca ǀ tvé íti ǀ jagmúḥ ǀ gíraḥ ǀ indra ǀ pūrvī́ḥ ǀ ví ǀ ca ǀ tvát ǀ yanti ǀ vi-bhváḥ ǀ manīṣā́ḥ ǀ
purā́ ǀ nūnám ǀ ca ǀ stutáyaḥ ǀ ṛ́ṣīṇām ǀ paspṛdhré ǀ índre ǀ ádhi ǀ uktha-arkā́ ǁ
Padapatha Transcription Nonaccented
sam ǀ ca ǀ tve iti ǀ jagmuḥ ǀ giraḥ ǀ indra ǀ pūrvīḥ ǀ vi ǀ ca ǀ tvat ǀ yanti ǀ vi-bhvaḥ ǀ manīṣāḥ ǀ
purā ǀ nūnam ǀ ca ǀ stutayaḥ ǀ ṛṣīṇām ǀ paspṛdhre ǀ indre ǀ adhi ǀ uktha-arkā ǁ
06.034.02 (Mandala. Sukta. Rik)
4.7.06.02 (Ashtaka. Adhyaya. Varga. Rik)
06.03.071 (Mandala. Anuvāka. Rik)
Samhita Devanagari Accented
पु॒रु॒हू॒तो यः पु॑रुगू॒र्त ऋभ्वाँ॒ एकः॑ पुरुप्रश॒स्तो अस्ति॑ य॒ज्ञैः ।
रथो॒ न म॒हे शव॑से युजा॒नो॒३॒॑ऽस्माभि॒रिंद्रो॑ अनु॒माद्यो॑ भूत् ॥
Samhita Devanagari Nonaccented
पुरुहूतो यः पुरुगूर्त ऋभ्वाँ एकः पुरुप्रशस्तो अस्ति यज्ञैः ।
रथो न महे शवसे युजानोऽस्माभिरिंद्रो अनुमाद्यो भूत् ॥
Samhita Transcription Accented
puruhūtó yáḥ purugūrtá ṛ́bhvām̐ ékaḥ purupraśastó ásti yajñáiḥ ǀ
rátho ná mahé śávase yujānó’smā́bhiríndro anumā́dyo bhūt ǁ
Samhita Transcription Nonaccented
puruhūto yaḥ purugūrta ṛbhvām̐ ekaḥ purupraśasto asti yajñaiḥ ǀ
ratho na mahe śavase yujāno’smābhirindro anumādyo bhūt ǁ
Padapatha Devanagari Accented
पु॒रु॒ऽहू॒तः । यः । पु॒रु॒ऽगू॒र्तः । ऋभ्वा॑ । एकः॑ । पु॒रु॒ऽप्र॒श॒स्तः । अस्ति॑ । य॒ज्ञैः ।
रथः॑ । न । म॒हे । शव॑से । यु॒जा॒नः । अ॒स्माभिः॑ । इन्द्रः॑ । अ॒नु॒ऽमाद्यः॑ । भू॒त् ॥
Padapatha Devanagari Nonaccented
पुरुऽहूतः । यः । पुरुऽगूर्तः । ऋभ्वा । एकः । पुरुऽप्रशस्तः । अस्ति । यज्ञैः ।
रथः । न । महे । शवसे । युजानः । अस्माभिः । इन्द्रः । अनुऽमाद्यः । भूत् ॥
Padapatha Transcription Accented
puru-hūtáḥ ǀ yáḥ ǀ puru-gūrtáḥ ǀ ṛ́bhvā ǀ ékaḥ ǀ puru-praśastáḥ ǀ ásti ǀ yajñáiḥ ǀ
ráthaḥ ǀ ná ǀ mahé ǀ śávase ǀ yujānáḥ ǀ asmā́bhiḥ ǀ índraḥ ǀ anu-mā́dyaḥ ǀ bhūt ǁ
Padapatha Transcription Nonaccented
puru-hūtaḥ ǀ yaḥ ǀ puru-gūrtaḥ ǀ ṛbhvā ǀ ekaḥ ǀ puru-praśastaḥ ǀ asti ǀ yajñaiḥ ǀ
rathaḥ ǀ na ǀ mahe ǀ śavase ǀ yujānaḥ ǀ asmābhiḥ ǀ indraḥ ǀ anu-mādyaḥ ǀ bhūt ǁ
06.034.03 (Mandala. Sukta. Rik)
4.7.06.03 (Ashtaka. Adhyaya. Varga. Rik)
06.03.072 (Mandala. Anuvāka. Rik)
Samhita Devanagari Accented
न यं हिंसं॑ति धी॒तयो॒ न वाणी॒रिंद्रं॒ नक्षं॒तीद॒भि व॒र्धयं॑तीः ।
यदि॑ स्तो॒तारः॑ श॒तं यत्स॒हस्रं॑ गृ॒णंति॒ गिर्व॑णसं॒ शं तद॑स्मै ॥
Samhita Devanagari Nonaccented
न यं हिंसंति धीतयो न वाणीरिंद्रं नक्षंतीदभि वर्धयंतीः ।
यदि स्तोतारः शतं यत्सहस्रं गृणंति गिर्वणसं शं तदस्मै ॥
Samhita Transcription Accented
ná yám híṃsanti dhītáyo ná vā́ṇīríndram nákṣantī́dabhí vardháyantīḥ ǀ
yádi stotā́raḥ śatám yátsahásram gṛṇánti gírvaṇasam śám tádasmai ǁ
Samhita Transcription Nonaccented
na yam hiṃsanti dhītayo na vāṇīrindram nakṣantīdabhi vardhayantīḥ ǀ
yadi stotāraḥ śatam yatsahasram gṛṇanti girvaṇasam śam tadasmai ǁ
Padapatha Devanagari Accented
न । यम् । हिंस॑न्ति । धी॒तयः॑ । न । वाणीः॑ । इन्द्र॑म् । नक्ष॑न्ति । इत् । अ॒भि । व॒र्धय॑न्तीः ।
यदि॑ । स्तो॒तारः॑ । श॒तम् । यत् । स॒हस्र॑म् । गृ॒णन्ति॑ । गिर्व॑णसम् । शम् । तत् । अ॒स्मै॒ ॥
Padapatha Devanagari Nonaccented
न । यम् । हिंसन्ति । धीतयः । न । वाणीः । इन्द्रम् । नक्षन्ति । इत् । अभि । वर्धयन्तीः ।
यदि । स्तोतारः । शतम् । यत् । सहस्रम् । गृणन्ति । गिर्वणसम् । शम् । तत् । अस्मै ॥
Padapatha Transcription Accented
ná ǀ yám ǀ híṃsanti ǀ dhītáyaḥ ǀ ná ǀ vā́ṇīḥ ǀ índram ǀ nákṣanti ǀ ít ǀ abhí ǀ vardháyantīḥ ǀ
yádi ǀ stotā́raḥ ǀ śatám ǀ yát ǀ sahásram ǀ gṛṇánti ǀ gírvaṇasam ǀ śám ǀ tát ǀ asmai ǁ
Padapatha Transcription Nonaccented
na ǀ yam ǀ hiṃsanti ǀ dhītayaḥ ǀ na ǀ vāṇīḥ ǀ indram ǀ nakṣanti ǀ it ǀ abhi ǀ vardhayantīḥ ǀ
yadi ǀ stotāraḥ ǀ śatam ǀ yat ǀ sahasram ǀ gṛṇanti ǀ girvaṇasam ǀ śam ǀ tat ǀ asmai ǁ
06.034.04 (Mandala. Sukta. Rik)
4.7.06.04 (Ashtaka. Adhyaya. Varga. Rik)
06.03.073 (Mandala. Anuvāka. Rik)
Samhita Devanagari Accented
अस्मा॑ ए॒तद्दि॒व्य१॒॑र्चेव॑ मा॒सा मि॑मि॒क्ष इंद्रे॒ न्य॑यामि॒ सोमः॑ ।
जनं॒ न धन्व॑न्न॒भि सं यदापः॑ स॒त्रा वा॑वृधु॒र्हव॑नानि य॒ज्ञैः ॥
Samhita Devanagari Nonaccented
अस्मा एतद्दिव्यर्चेव मासा मिमिक्ष इंद्रे न्ययामि सोमः ।
जनं न धन्वन्नभि सं यदापः सत्रा वावृधुर्हवनानि यज्ञैः ॥
Samhita Transcription Accented
ásmā etáddivyárcéva māsā́ mimikṣá índre nyáyāmi sómaḥ ǀ
jánam ná dhánvannabhí sám yádā́paḥ satrā́ vāvṛdhurhávanāni yajñáiḥ ǁ
Samhita Transcription Nonaccented
asmā etaddivyarceva māsā mimikṣa indre nyayāmi somaḥ ǀ
janam na dhanvannabhi sam yadāpaḥ satrā vāvṛdhurhavanāni yajñaiḥ ǁ
Padapatha Devanagari Accented
अस्मै॑ । ए॒तत् । दि॒वि । अ॒र्चाऽइ॑व । मा॒सा । मि॒मि॒क्षः । इन्द्रे॑ । नि । अ॒या॒मि॒ । सोमः॑ ।
जन॑म् । न । धन्व॑न् । अ॒भि । सम् । यत् । आपः॑ । स॒त्रा । व॒वृ॒धुः॒ । हव॑नानि । य॒ज्ञैः ॥
Padapatha Devanagari Nonaccented
अस्मै । एतत् । दिवि । अर्चाऽइव । मासा । मिमिक्षः । इन्द्रे । नि । अयामि । सोमः ।
जनम् । न । धन्वन् । अभि । सम् । यत् । आपः । सत्रा । ववृधुः । हवनानि । यज्ञैः ॥
Padapatha Transcription Accented
ásmai ǀ etát ǀ diví ǀ arcā́-iva ǀ māsā́ ǀ mimikṣáḥ ǀ índre ǀ ní ǀ ayāmi ǀ sómaḥ ǀ
jánam ǀ ná ǀ dhánvan ǀ abhí ǀ sám ǀ yát ǀ ā́paḥ ǀ satrā́ ǀ vavṛdhuḥ ǀ hávanāni ǀ yajñáiḥ ǁ
Padapatha Transcription Nonaccented
asmai ǀ etat ǀ divi ǀ arcā-iva ǀ māsā ǀ mimikṣaḥ ǀ indre ǀ ni ǀ ayāmi ǀ somaḥ ǀ
janam ǀ na ǀ dhanvan ǀ abhi ǀ sam ǀ yat ǀ āpaḥ ǀ satrā ǀ vavṛdhuḥ ǀ havanāni ǀ yajñaiḥ ǁ
06.034.05 (Mandala. Sukta. Rik)
4.7.06.05 (Ashtaka. Adhyaya. Varga. Rik)
06.03.074 (Mandala. Anuvāka. Rik)
Samhita Devanagari Accented
अस्मा॑ ए॒तन्मह्यां॑गू॒षम॑स्मा॒ इंद्रा॑य स्तो॒त्रं म॒तिभि॑रवाचि ।
अस॒द्यथा॑ मह॒ति वृ॑त्र॒तूर्य॒ इंद्रो॑ वि॒श्वायु॑रवि॒ता वृ॒धश्च॑ ॥
Samhita Devanagari Nonaccented
अस्मा एतन्मह्यांगूषमस्मा इंद्राय स्तोत्रं मतिभिरवाचि ।
असद्यथा महति वृत्रतूर्य इंद्रो विश्वायुरविता वृधश्च ॥
Samhita Transcription Accented
ásmā etánmáhyāṅgūṣámasmā índrāya stotrám matíbhiravāci ǀ
ásadyáthā mahatí vṛtratū́rya índro viśvā́yuravitā́ vṛdháśca ǁ
Samhita Transcription Nonaccented
asmā etanmahyāṅgūṣamasmā indrāya stotram matibhiravāci ǀ
asadyathā mahati vṛtratūrya indro viśvāyuravitā vṛdhaśca ǁ
Padapatha Devanagari Accented
अस्मै॑ । ए॒तत् । महि॑ । आ॒ङ्गू॒षम् । अ॒स्मै॒ । इन्द्रा॑य । स्तो॒त्रम् । म॒तिऽभिः॑ । अ॒वा॒चि॒ ।
अस॑त् । यथा॑ । म॒ह॒ति । वृ॒त्र॒ऽतूर्ये॑ । इन्द्रः॑ । वि॒श्वऽआ॑युः । अ॒वि॒ता । वृ॒धः । च॒ ॥
Padapatha Devanagari Nonaccented
अस्मै । एतत् । महि । आङ्गूषम् । अस्मै । इन्द्राय । स्तोत्रम् । मतिऽभिः । अवाचि ।
असत् । यथा । महति । वृत्रऽतूर्ये । इन्द्रः । विश्वऽआयुः । अविता । वृधः । च ॥
Padapatha Transcription Accented
ásmai ǀ etát ǀ máhi ǀ āṅgūṣám ǀ asmai ǀ índrāya ǀ stotrám ǀ matí-bhiḥ ǀ avāci ǀ
ásat ǀ yáthā ǀ mahatí ǀ vṛtra-tū́rye ǀ índraḥ ǀ viśvá-āyuḥ ǀ avitā́ ǀ vṛdháḥ ǀ ca ǁ
Padapatha Transcription Nonaccented
asmai ǀ etat ǀ mahi ǀ āṅgūṣam ǀ asmai ǀ indrāya ǀ stotram ǀ mati-bhiḥ ǀ avāci ǀ
asat ǀ yathā ǀ mahati ǀ vṛtra-tūrye ǀ indraḥ ǀ viśva-āyuḥ ǀ avitā ǀ vṛdhaḥ ǀ ca ǁ