|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 37
|
1. Info |
| To: | indra | |
| From: | bharadvāja bārhaspatya | |
| Metres: | 1st set of styles: virāṭtrisṭup (1, 4, 5); nicṛtpaṅkti (2, 3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.037.01 (Mandala. Sukta. Rik)
4.7.09.01 (Ashtaka. Adhyaya. Varga. Rik)
06.03.085 (Mandala. Anuvāka. Rik)
Samhita Devanagari Accented
अ॒र्वाग्रथं॑ वि॒श्ववा॑रं त उ॒ग्रेंद्र॑ यु॒क्तासो॒ हर॑यो वहंतु ।
की॒रिश्चि॒द्धि त्वा॒ हव॑ते॒ स्व॑र्वानृधी॒महि॑ सध॒माद॑स्ते अ॒द्य ॥
Samhita Devanagari Nonaccented
अर्वाग्रथं विश्ववारं त उग्रेंद्र युक्तासो हरयो वहंतु ।
कीरिश्चिद्धि त्वा हवते स्वर्वानृधीमहि सधमादस्ते अद्य ॥
Samhita Transcription Accented
arvā́grátham viśvávāram ta ugréndra yuktā́so hárayo vahantu ǀ
kīríściddhí tvā hávate svárvānṛdhīmáhi sadhamā́daste adyá ǁ
Samhita Transcription Nonaccented
arvāgratham viśvavāram ta ugrendra yuktāso harayo vahantu ǀ
kīriściddhi tvā havate svarvānṛdhīmahi sadhamādaste adya ǁ
Padapatha Devanagari Accented
अ॒र्वाक् । रथ॑म् । वि॒श्वऽवा॑रम् । ते॒ । उ॒ग्र॒ । इन्द्र॑ । यु॒क्तासः॑ । हर॑यः । व॒ह॒न्तु॒ ।
की॒रिः । चि॒त् । हि । त्वा॒ । हव॑ते । स्वः॑ऽवान् । ऋ॒धी॒महि॑ । स॒ध॒ऽमादः॑ । ते॒ । अ॒द्य ॥
Padapatha Devanagari Nonaccented
अर्वाक् । रथम् । विश्वऽवारम् । ते । उग्र । इन्द्र । युक्तासः । हरयः । वहन्तु ।
कीरिः । चित् । हि । त्वा । हवते । स्वःऽवान् । ऋधीमहि । सधऽमादः । ते । अद्य ॥
Padapatha Transcription Accented
arvā́k ǀ rátham ǀ viśvá-vāram ǀ te ǀ ugra ǀ índra ǀ yuktā́saḥ ǀ hárayaḥ ǀ vahantu ǀ
kīríḥ ǀ cit ǀ hí ǀ tvā ǀ hávate ǀ sváḥ-vān ǀ ṛdhīmáhi ǀ sadha-mā́daḥ ǀ te ǀ adyá ǁ
Padapatha Transcription Nonaccented
arvāk ǀ ratham ǀ viśva-vāram ǀ te ǀ ugra ǀ indra ǀ yuktāsaḥ ǀ harayaḥ ǀ vahantu ǀ
kīriḥ ǀ cit ǀ hi ǀ tvā ǀ havate ǀ svaḥ-vān ǀ ṛdhīmahi ǀ sadha-mādaḥ ǀ te ǀ adya ǁ
06.037.02 (Mandala. Sukta. Rik)
4.7.09.02 (Ashtaka. Adhyaya. Varga. Rik)
06.03.086 (Mandala. Anuvāka. Rik)
Samhita Devanagari Accented
प्रो द्रोणे॒ हर॑यः॒ कर्मा॑ग्मन्पुना॒नास॒ ऋज्यं॑तो अभूवन् ।
इंद्रो॑ नो अ॒स्य पू॒र्व्यः प॑पीयाद्द्यु॒क्षो मद॑स्य सो॒म्यस्य॒ राजा॑ ॥
Samhita Devanagari Nonaccented
प्रो द्रोणे हरयः कर्माग्मन्पुनानास ऋज्यंतो अभूवन् ।
इंद्रो नो अस्य पूर्व्यः पपीयाद्द्युक्षो मदस्य सोम्यस्य राजा ॥
Samhita Transcription Accented
pró dróṇe hárayaḥ kármāgmanpunānā́sa ṛ́jyanto abhūvan ǀ
índro no asyá pūrvyáḥ papīyāddyukṣó mádasya somyásya rā́jā ǁ
Samhita Transcription Nonaccented
pro droṇe harayaḥ karmāgmanpunānāsa ṛjyanto abhūvan ǀ
indro no asya pūrvyaḥ papīyāddyukṣo madasya somyasya rājā ǁ
Padapatha Devanagari Accented
प्रो इति॑ । द्रोणे॑ । हर॑यः । कर्म॑ । अ॒ग्म॒न् । पु॒ना॒नासः॑ । ऋज्य॑न्तः । अ॒भू॒व॒न् ।
इन्द्रः॑ । नः॒ । अ॒स्य । पू॒र्व्यः । प॒पी॒या॒त् । द्यु॒क्षः । मद॑स्य । सो॒म्यस्य॑ । राजा॑ ॥
Padapatha Devanagari Nonaccented
प्रो इति । द्रोणे । हरयः । कर्म । अग्मन् । पुनानासः । ऋज्यन्तः । अभूवन् ।
इन्द्रः । नः । अस्य । पूर्व्यः । पपीयात् । द्युक्षः । मदस्य । सोम्यस्य । राजा ॥
Padapatha Transcription Accented
pró íti ǀ dróṇe ǀ hárayaḥ ǀ kárma ǀ agman ǀ punānā́saḥ ǀ ṛ́jyantaḥ ǀ abhūvan ǀ
índraḥ ǀ naḥ ǀ asyá ǀ pūrvyáḥ ǀ papīyāt ǀ dyukṣáḥ ǀ mádasya ǀ somyásya ǀ rā́jā ǁ
Padapatha Transcription Nonaccented
pro iti ǀ droṇe ǀ harayaḥ ǀ karma ǀ agman ǀ punānāsaḥ ǀ ṛjyantaḥ ǀ abhūvan ǀ
indraḥ ǀ naḥ ǀ asya ǀ pūrvyaḥ ǀ papīyāt ǀ dyukṣaḥ ǀ madasya ǀ somyasya ǀ rājā ǁ
06.037.03 (Mandala. Sukta. Rik)
4.7.09.03 (Ashtaka. Adhyaya. Varga. Rik)
06.03.087 (Mandala. Anuvāka. Rik)
Samhita Devanagari Accented
आ॒स॒स्रा॒णासः॑ शवसा॒नमच्छेंद्रं॑ सुच॒क्रे र॒थ्या॑सो॒ अश्वाः॑ ।
अ॒भि श्रव॒ ऋज्यं॑तो वहेयु॒र्नू चि॒न्नु वा॒योर॒मृतं॒ वि द॑स्येत् ॥
Samhita Devanagari Nonaccented
आसस्राणासः शवसानमच्छेंद्रं सुचक्रे रथ्यासो अश्वाः ।
अभि श्रव ऋज्यंतो वहेयुर्नू चिन्नु वायोरमृतं वि दस्येत् ॥
Samhita Transcription Accented
āsasrāṇā́saḥ śavasānámácchéndram sucakré rathyā́so áśvāḥ ǀ
abhí śráva ṛ́jyanto vaheyurnū́ cinnú vāyóramṛ́tam ví dasyet ǁ
Samhita Transcription Nonaccented
āsasrāṇāsaḥ śavasānamacchendram sucakre rathyāso aśvāḥ ǀ
abhi śrava ṛjyanto vaheyurnū cinnu vāyoramṛtam vi dasyet ǁ
Padapatha Devanagari Accented
आ॒ऽस॒स्रा॒णासः॑ । श॒व॒सा॒नम् । अच्छ॑ । इन्द्र॑म् । सु॒ऽच॒क्रे । र॒थ्या॑सः । अश्वाः॑ ।
अ॒भि । श्रवः॑ । ऋज्य॑न्तः । व॒हे॒युः॒ । नु । चि॒त् । नु । वा॒योः । अ॒मृत॑म् । वि । द॒स्ये॒त् ॥
Padapatha Devanagari Nonaccented
आऽसस्राणासः । शवसानम् । अच्छ । इन्द्रम् । सुऽचक्रे । रथ्यासः । अश्वाः ।
अभि । श्रवः । ऋज्यन्तः । वहेयुः । नु । चित् । नु । वायोः । अमृतम् । वि । दस्येत् ॥
Padapatha Transcription Accented
ā-sasrāṇā́saḥ ǀ śavasānám ǀ áccha ǀ índram ǀ su-cakré ǀ rathyā́saḥ ǀ áśvāḥ ǀ
abhí ǀ śrávaḥ ǀ ṛ́jyantaḥ ǀ vaheyuḥ ǀ nú ǀ cit ǀ nú ǀ vāyóḥ ǀ amṛ́tam ǀ ví ǀ dasyet ǁ
Padapatha Transcription Nonaccented
ā-sasrāṇāsaḥ ǀ śavasānam ǀ accha ǀ indram ǀ su-cakre ǀ rathyāsaḥ ǀ aśvāḥ ǀ
abhi ǀ śravaḥ ǀ ṛjyantaḥ ǀ vaheyuḥ ǀ nu ǀ cit ǀ nu ǀ vāyoḥ ǀ amṛtam ǀ vi ǀ dasyet ǁ
06.037.04 (Mandala. Sukta. Rik)
4.7.09.04 (Ashtaka. Adhyaya. Varga. Rik)
06.03.088 (Mandala. Anuvāka. Rik)
Samhita Devanagari Accented
वरि॑ष्ठो अस्य॒ दक्षि॑णामिय॒र्तींद्रो॑ म॒घोनां॑ तुविकू॒र्मित॑मः ।
यया॑ वज्रिवः परि॒यास्यंहो॑ म॒घा च॑ धृष्णो॒ दय॑से॒ वि सू॒रीन् ॥
Samhita Devanagari Nonaccented
वरिष्ठो अस्य दक्षिणामियर्तींद्रो मघोनां तुविकूर्मितमः ।
यया वज्रिवः परियास्यंहो मघा च धृष्णो दयसे वि सूरीन् ॥
Samhita Transcription Accented
váriṣṭho asya dákṣiṇāmiyartī́ndro maghónām tuvikūrmítamaḥ ǀ
yáyā vajrivaḥ pariyā́syáṃho maghā́ ca dhṛṣṇo dáyase ví sūrī́n ǁ
Samhita Transcription Nonaccented
variṣṭho asya dakṣiṇāmiyartīndro maghonām tuvikūrmitamaḥ ǀ
yayā vajrivaḥ pariyāsyaṃho maghā ca dhṛṣṇo dayase vi sūrīn ǁ
Padapatha Devanagari Accented
वरि॑ष्ठः । अ॒स्य॒ । दक्षि॑णाम् । इ॒य॒र्ति॒ । इन्द्रः॑ । म॒घोना॑म् । तु॒वि॒कू॒र्मिऽत॑मः ।
यया॑ । व॒ज्रि॒ऽवः॒ । प॒रि॒ऽयासि॑ । अंहः॑ । म॒घा । च॒ । धृ॒ष्णो॒ इति॑ । दय॑से । वि । सू॒रीन् ॥
Padapatha Devanagari Nonaccented
वरिष्ठः । अस्य । दक्षिणाम् । इयर्ति । इन्द्रः । मघोनाम् । तुविकूर्मिऽतमः ।
यया । वज्रिऽवः । परिऽयासि । अंहः । मघा । च । धृष्णो इति । दयसे । वि । सूरीन् ॥
Padapatha Transcription Accented
váriṣṭhaḥ ǀ asya ǀ dákṣiṇām ǀ iyarti ǀ índraḥ ǀ maghónām ǀ tuvikūrmí-tamaḥ ǀ
yáyā ǀ vajri-vaḥ ǀ pari-yā́si ǀ áṃhaḥ ǀ maghā́ ǀ ca ǀ dhṛṣṇo íti ǀ dáyase ǀ ví ǀ sūrī́n ǁ
Padapatha Transcription Nonaccented
variṣṭhaḥ ǀ asya ǀ dakṣiṇām ǀ iyarti ǀ indraḥ ǀ maghonām ǀ tuvikūrmi-tamaḥ ǀ
yayā ǀ vajri-vaḥ ǀ pari-yāsi ǀ aṃhaḥ ǀ maghā ǀ ca ǀ dhṛṣṇo iti ǀ dayase ǀ vi ǀ sūrīn ǁ
06.037.05 (Mandala. Sukta. Rik)
4.7.09.05 (Ashtaka. Adhyaya. Varga. Rik)
06.03.089 (Mandala. Anuvāka. Rik)
Samhita Devanagari Accented
इंद्रो॒ वाज॑स्य॒ स्थवि॑रस्य दा॒तेंद्रो॑ गी॒र्भिर्व॑र्धतां वृ॒द्धम॑हाः ।
इंद्रो॑ वृ॒त्रं हनि॑ष्ठो अस्तु॒ सत्वा ता सू॒रिः पृ॑णति॒ तूतु॑जानः ॥
Samhita Devanagari Nonaccented
इंद्रो वाजस्य स्थविरस्य दातेंद्रो गीर्भिर्वर्धतां वृद्धमहाः ।
इंद्रो वृत्रं हनिष्ठो अस्तु सत्वा ता सूरिः पृणति तूतुजानः ॥
Samhita Transcription Accented
índro vā́jasya sthávirasya dāténdro gīrbhírvardhatām vṛddhámahāḥ ǀ
índro vṛtrám hániṣṭho astu sátvā́ tā́ sūríḥ pṛṇati tū́tujānaḥ ǁ
Samhita Transcription Nonaccented
indro vājasya sthavirasya dātendro gīrbhirvardhatām vṛddhamahāḥ ǀ
indro vṛtram haniṣṭho astu satvā tā sūriḥ pṛṇati tūtujānaḥ ǁ
Padapatha Devanagari Accented
इन्द्रः॑ । वाज॑स्य । स्थवि॑रस्य । दा॒ता । इन्द्रः॑ । गीः॒ऽभिः । व॒र्ध॒ता॒म् । वृ॒द्धऽम॑हाः ।
इन्द्रः॑ । वृ॒त्रम् । हनि॑ष्ठः । अ॒स्तु॒ । सत्वा॑ । आ । ता । सू॒रिः । पृ॒ण॒ति॒ । तूतु॑जानः ॥
Padapatha Devanagari Nonaccented
इन्द्रः । वाजस्य । स्थविरस्य । दाता । इन्द्रः । गीःऽभिः । वर्धताम् । वृद्धऽमहाः ।
इन्द्रः । वृत्रम् । हनिष्ठः । अस्तु । सत्वा । आ । ता । सूरिः । पृणति । तूतुजानः ॥
Padapatha Transcription Accented
índraḥ ǀ vā́jasya ǀ sthávirasya ǀ dātā́ ǀ índraḥ ǀ gīḥ-bhíḥ ǀ vardhatām ǀ vṛddhá-mahāḥ ǀ
índraḥ ǀ vṛtrám ǀ hániṣṭhaḥ ǀ astu ǀ sátvā ǀ ā́ ǀ tā́ ǀ sūríḥ ǀ pṛṇati ǀ tū́tujānaḥ ǁ
Padapatha Transcription Nonaccented
indraḥ ǀ vājasya ǀ sthavirasya ǀ dātā ǀ indraḥ ǀ gīḥ-bhiḥ ǀ vardhatām ǀ vṛddha-mahāḥ ǀ
indraḥ ǀ vṛtram ǀ haniṣṭhaḥ ǀ astu ǀ satvā ǀ ā ǀ tā ǀ sūriḥ ǀ pṛṇati ǀ tūtujānaḥ ǁ