|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 38
|
1. Info |
| To: | indra | |
| From: | bharadvāja bārhaspatya | |
| Metres: | 1st set of styles: nicṛttriṣṭup (1-3, 5); triṣṭup (4) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.038.01 (Mandala. Sukta. Rik)
4.7.10.01 (Ashtaka. Adhyaya. Varga. Rik)
06.03.090 (Mandala. Anuvāka. Rik)
Samhita Devanagari Accented
अपा॑दि॒त उदु॑ नश्चि॒त्रत॑मो म॒हीं भ॑र्षद्द्यु॒मती॒मिंद्र॑हूतिं ।
पन्य॑सीं धी॒तिं दैव्य॑स्य॒ यामं॒जन॑स्य रा॒तिं व॑नते सु॒दानुः॑ ॥
Samhita Devanagari Nonaccented
अपादित उदु नश्चित्रतमो महीं भर्षद्द्युमतीमिंद्रहूतिं ।
पन्यसीं धीतिं दैव्यस्य यामंजनस्य रातिं वनते सुदानुः ॥
Samhita Transcription Accented
ápāditá údu naścitrátamo mahī́m bharṣaddyumátīmíndrahūtim ǀ
pányasīm dhītím dáivyasya yā́mañjánasya rātím vanate sudā́nuḥ ǁ
Samhita Transcription Nonaccented
apādita udu naścitratamo mahīm bharṣaddyumatīmindrahūtim ǀ
panyasīm dhītim daivyasya yāmañjanasya rātim vanate sudānuḥ ǁ
Padapatha Devanagari Accented
अपा॑त् । इ॒तः । उत् । ऊं॒ इति॑ । नः॒ । चि॒त्रऽत॑मः । म॒हीम् । भ॒र्ष॒त् । द्यु॒ऽमती॑म् । इन्द्र॑ऽहूतिम् ।
पन्य॑सीम् । धी॒तिम् । दैव्य॑स्य । याम॑न् । जन॑स्य । रा॒तिम् । व॒न॒ते॒ । सु॒ऽदानुः॑ ॥
Padapatha Devanagari Nonaccented
अपात् । इतः । उत् । ऊं इति । नः । चित्रऽतमः । महीम् । भर्षत् । द्युऽमतीम् । इन्द्रऽहूतिम् ।
पन्यसीम् । धीतिम् । दैव्यस्य । यामन् । जनस्य । रातिम् । वनते । सुऽदानुः ॥
Padapatha Transcription Accented
ápāt ǀ itáḥ ǀ út ǀ ūṃ íti ǀ naḥ ǀ citrá-tamaḥ ǀ mahī́m ǀ bharṣat ǀ dyu-mátīm ǀ índra-hūtim ǀ
pányasīm ǀ dhītím ǀ dáivyasya ǀ yā́man ǀ jánasya ǀ rātím ǀ vanate ǀ su-dā́nuḥ ǁ
Padapatha Transcription Nonaccented
apāt ǀ itaḥ ǀ ut ǀ ūṃ iti ǀ naḥ ǀ citra-tamaḥ ǀ mahīm ǀ bharṣat ǀ dyu-matīm ǀ indra-hūtim ǀ
panyasīm ǀ dhītim ǀ daivyasya ǀ yāman ǀ janasya ǀ rātim ǀ vanate ǀ su-dānuḥ ǁ
06.038.02 (Mandala. Sukta. Rik)
4.7.10.02 (Ashtaka. Adhyaya. Varga. Rik)
06.03.091 (Mandala. Anuvāka. Rik)
Samhita Devanagari Accented
दू॒राच्चि॒दा व॑सतो अस्य॒ कर्णा॒ घोषा॒दिंद्र॑स्य तन्यति ब्रुवा॒णः ।
एयमे॑नं दे॒वहू॑तिर्ववृत्यान्म॒द्र्य१॒॑गिंद्र॑मि॒यमृ॒च्यमा॑ना ॥
Samhita Devanagari Nonaccented
दूराच्चिदा वसतो अस्य कर्णा घोषादिंद्रस्य तन्यति ब्रुवाणः ।
एयमेनं देवहूतिर्ववृत्यान्मद्र्यगिंद्रमियमृच्यमाना ॥
Samhita Transcription Accented
dūrā́ccidā́ vasato asya kárṇā ghóṣādíndrasya tanyati bruvāṇáḥ ǀ
éyámenam deváhūtirvavṛtyānmadryágíndramiyámṛcyámānā ǁ
Samhita Transcription Nonaccented
dūrāccidā vasato asya karṇā ghoṣādindrasya tanyati bruvāṇaḥ ǀ
eyamenam devahūtirvavṛtyānmadryagindramiyamṛcyamānā ǁ
Padapatha Devanagari Accented
दू॒रात् । चि॒त् । आ । व॒स॒तः॒ । अ॒स्य॒ । कर्णा॑ । घोषा॑त् । इन्द्र॑स्य । त॒न्य॒ति॒ । ब्रु॒वा॒णः ।
आ । इ॒यम् । ए॒न॒म् । दे॒वऽहू॑तिः । व॒वृ॒त्या॒त् । म॒द्र्य॑क् । इन्द्र॑म् । इ॒यम् । ऋ॒च्यमा॑ना ॥
Padapatha Devanagari Nonaccented
दूरात् । चित् । आ । वसतः । अस्य । कर्णा । घोषात् । इन्द्रस्य । तन्यति । ब्रुवाणः ।
आ । इयम् । एनम् । देवऽहूतिः । ववृत्यात् । मद्र्यक् । इन्द्रम् । इयम् । ऋच्यमाना ॥
Padapatha Transcription Accented
dūrā́t ǀ cit ǀ ā́ ǀ vasataḥ ǀ asya ǀ kárṇā ǀ ghóṣāt ǀ índrasya ǀ tanyati ǀ bruvāṇáḥ ǀ
ā́ ǀ iyám ǀ enam ǀ devá-hūtiḥ ǀ vavṛtyāt ǀ madryák ǀ índram ǀ iyám ǀ ṛcyámānā ǁ
Padapatha Transcription Nonaccented
dūrāt ǀ cit ǀ ā ǀ vasataḥ ǀ asya ǀ karṇā ǀ ghoṣāt ǀ indrasya ǀ tanyati ǀ bruvāṇaḥ ǀ
ā ǀ iyam ǀ enam ǀ deva-hūtiḥ ǀ vavṛtyāt ǀ madryak ǀ indram ǀ iyam ǀ ṛcyamānā ǁ
06.038.03 (Mandala. Sukta. Rik)
4.7.10.03 (Ashtaka. Adhyaya. Varga. Rik)
06.03.092 (Mandala. Anuvāka. Rik)
Samhita Devanagari Accented
तं वो॑ धि॒या प॑र॒मया॑ पुरा॒जाम॒जर॒मिंद्र॑म॒भ्य॑नूष्य॒र्कैः ।
ब्रह्मा॑ च॒ गिरो॑ दधि॒रे सम॑स्मिन्म॒हांश्च॒ स्तोमो॒ अधि॑ वर्ध॒दिंद्रे॑ ॥
Samhita Devanagari Nonaccented
तं वो धिया परमया पुराजामजरमिंद्रमभ्यनूष्यर्कैः ।
ब्रह्मा च गिरो दधिरे समस्मिन्महांश्च स्तोमो अधि वर्धदिंद्रे ॥
Samhita Transcription Accented
tám vo dhiyā́ paramáyā purājā́majáramíndramabhyánūṣyarkáiḥ ǀ
bráhmā ca gíro dadhiré sámasminmahā́ṃśca stómo ádhi vardhadíndre ǁ
Samhita Transcription Nonaccented
tam vo dhiyā paramayā purājāmajaramindramabhyanūṣyarkaiḥ ǀ
brahmā ca giro dadhire samasminmahāṃśca stomo adhi vardhadindre ǁ
Padapatha Devanagari Accented
तम् । वः॒ । धि॒या । प॒र॒मया॑ । पु॒रा॒ऽजाम् । अ॒जर॑म् । इन्द्र॑म् । अ॒भि । अ॒नू॒षि॒ । अ॒र्कैः ।
ब्रह्म॑ । च॒ । गिरः॑ । द॒धि॒रे । सम् । अ॒स्मि॒न् । म॒हान् । च॒ । स्तोमः॑ । अधि॑ । व॒र्ध॒त् । इन्द्रे॑ ॥
Padapatha Devanagari Nonaccented
तम् । वः । धिया । परमया । पुराऽजाम् । अजरम् । इन्द्रम् । अभि । अनूषि । अर्कैः ।
ब्रह्म । च । गिरः । दधिरे । सम् । अस्मिन् । महान् । च । स्तोमः । अधि । वर्धत् । इन्द्रे ॥
Padapatha Transcription Accented
tám ǀ vaḥ ǀ dhiyā́ ǀ paramáyā ǀ purā-jā́m ǀ ajáram ǀ índram ǀ abhí ǀ anūṣi ǀ arkáiḥ ǀ
bráhma ǀ ca ǀ gíraḥ ǀ dadhiré ǀ sám ǀ asmin ǀ mahā́n ǀ ca ǀ stómaḥ ǀ ádhi ǀ vardhat ǀ índre ǁ
Padapatha Transcription Nonaccented
tam ǀ vaḥ ǀ dhiyā ǀ paramayā ǀ purā-jām ǀ ajaram ǀ indram ǀ abhi ǀ anūṣi ǀ arkaiḥ ǀ
brahma ǀ ca ǀ giraḥ ǀ dadhire ǀ sam ǀ asmin ǀ mahān ǀ ca ǀ stomaḥ ǀ adhi ǀ vardhat ǀ indre ǁ
06.038.04 (Mandala. Sukta. Rik)
4.7.10.04 (Ashtaka. Adhyaya. Varga. Rik)
06.03.093 (Mandala. Anuvāka. Rik)
Samhita Devanagari Accented
वर्धा॒द्यं य॒ज्ञ उ॒त सोम॒ इंद्रं॒ वर्धा॒द्ब्रह्म॒ गिर॑ उ॒क्था च॒ मन्म॑ ।
वर्धाहै॑नमु॒षसो॒ याम॑न्न॒क्तोर्वर्धा॒न्मासाः॑ श॒रदो॒ द्याव॒ इंद्रं॑ ॥
Samhita Devanagari Nonaccented
वर्धाद्यं यज्ञ उत सोम इंद्रं वर्धाद्ब्रह्म गिर उक्था च मन्म ।
वर्धाहैनमुषसो यामन्नक्तोर्वर्धान्मासाः शरदो द्याव इंद्रं ॥
Samhita Transcription Accented
várdhādyám yajñá utá sóma índram várdhādbráhma gíra ukthā́ ca mánma ǀ
várdhā́hainamuṣáso yā́mannaktórvárdhānmā́sāḥ śarádo dyā́va índram ǁ
Samhita Transcription Nonaccented
vardhādyam yajña uta soma indram vardhādbrahma gira ukthā ca manma ǀ
vardhāhainamuṣaso yāmannaktorvardhānmāsāḥ śarado dyāva indram ǁ
Padapatha Devanagari Accented
वर्धा॑त् । यम् । य॒ज्ञः । उ॒त । सोमः॑ । इन्द्र॑म् । वर्धा॑त् । ब्रह्म॑ । गिरः॑ । उ॒क्था । च॒ । मन्म॑ ।
वर्ध॑ । अह॑ । ए॒न॒म् । उ॒षसः॑ । याम॑न् । अ॒क्तोः । वर्धा॑न् । मासाः॑ । श॒रदः॑ । द्यावः॑ । इन्द्र॑म् ॥
Padapatha Devanagari Nonaccented
वर्धात् । यम् । यज्ञः । उत । सोमः । इन्द्रम् । वर्धात् । ब्रह्म । गिरः । उक्था । च । मन्म ।
वर्ध । अह । एनम् । उषसः । यामन् । अक्तोः । वर्धान् । मासाः । शरदः । द्यावः । इन्द्रम् ॥
Padapatha Transcription Accented
várdhāt ǀ yám ǀ yajñáḥ ǀ utá ǀ sómaḥ ǀ índram ǀ várdhāt ǀ bráhma ǀ gíraḥ ǀ ukthā́ ǀ ca ǀ mánma ǀ
várdha ǀ áha ǀ enam ǀ uṣásaḥ ǀ yā́man ǀ aktóḥ ǀ várdhān ǀ mā́sāḥ ǀ śarádaḥ ǀ dyā́vaḥ ǀ índram ǁ
Padapatha Transcription Nonaccented
vardhāt ǀ yam ǀ yajñaḥ ǀ uta ǀ somaḥ ǀ indram ǀ vardhāt ǀ brahma ǀ giraḥ ǀ ukthā ǀ ca ǀ manma ǀ
vardha ǀ aha ǀ enam ǀ uṣasaḥ ǀ yāman ǀ aktoḥ ǀ vardhān ǀ māsāḥ ǀ śaradaḥ ǀ dyāvaḥ ǀ indram ǁ
06.038.05 (Mandala. Sukta. Rik)
4.7.10.05 (Ashtaka. Adhyaya. Varga. Rik)
06.03.094 (Mandala. Anuvāka. Rik)
Samhita Devanagari Accented
ए॒वा ज॑ज्ञा॒नं सह॑से॒ असा॑मि वावृधा॒नं राध॑से च श्रु॒ताय॑ ।
म॒हामु॒ग्रमव॑से विप्र नू॒नमा वि॑वासेम वृत्र॒तूर्ये॑षु ॥
Samhita Devanagari Nonaccented
एवा जज्ञानं सहसे असामि वावृधानं राधसे च श्रुताय ।
महामुग्रमवसे विप्र नूनमा विवासेम वृत्रतूर्येषु ॥
Samhita Transcription Accented
evā́ jajñānám sáhase ásāmi vāvṛdhānám rā́dhase ca śrutā́ya ǀ
mahā́mugrámávase vipra nūnámā́ vivāsema vṛtratū́ryeṣu ǁ
Samhita Transcription Nonaccented
evā jajñānam sahase asāmi vāvṛdhānam rādhase ca śrutāya ǀ
mahāmugramavase vipra nūnamā vivāsema vṛtratūryeṣu ǁ
Padapatha Devanagari Accented
ए॒व । ज॒ज्ञा॒नम् । सह॑से । असा॑मि । व॒वृ॒धा॒नम् । राध॑से । च॒ । श्रु॒ताय॑ ।
म॒हाम् । उ॒ग्रम् । अव॑से । वि॒प्र॒ । नू॒नम् । आ । वि॒वा॒से॒म॒ । वृ॒त्र॒ऽतूर्ये॑षु ॥
Padapatha Devanagari Nonaccented
एव । जज्ञानम् । सहसे । असामि । ववृधानम् । राधसे । च । श्रुताय ।
महाम् । उग्रम् । अवसे । विप्र । नूनम् । आ । विवासेम । वृत्रऽतूर्येषु ॥
Padapatha Transcription Accented
evá ǀ jajñānám ǀ sáhase ǀ ásāmi ǀ vavṛdhānám ǀ rā́dhase ǀ ca ǀ śrutā́ya ǀ
mahā́m ǀ ugrám ǀ ávase ǀ vipra ǀ nūnám ǀ ā́ ǀ vivāsema ǀ vṛtra-tū́ryeṣu ǁ
Padapatha Transcription Nonaccented
eva ǀ jajñānam ǀ sahase ǀ asāmi ǀ vavṛdhānam ǀ rādhase ǀ ca ǀ śrutāya ǀ
mahām ǀ ugram ǀ avase ǀ vipra ǀ nūnam ǀ ā ǀ vivāsema ǀ vṛtra-tūryeṣu ǁ