|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 47
|
1. Info |
| To: | 1-5: soma; 6-19, 21: indra; 20: devās (a); pṛthivī (b); bṛhaspati(c); indra (d); 22-25: prastoka sārñjaya’s dānastuti; 26-28: ratha; 29, 30: dundubha; 31: dundubha (a); indra (b) |
|
| From: | garga bhāradvāja | |
| Metres: | 1st set of styles: triṣṭup (6, 7, 10, 15, 16, 18, 20, 29, 30); nicṛttriṣṭup (1, 3, 5, 21, 22, 28); bhurikpaṅkti (2, 9, 12, 13, 26, 31); virāṭtrisṭup (4, 8, 11); svarāṭpaṅkti (14, 17); virāḍgāyatrī (24, 25); bṛhatī (19); āsurīpaṅkti (23); svarāṭtriṣṭup (27) 2nd set of styles: triṣṭubh (1-18, 20-22, 26, 28-31); bṛhatī (19); anuṣṭubh (23); gāyatrī (24); dvipadā (25); jagatī (27) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.047.01 (Mandala. Sukta. Rik)
4.7.30.01 (Ashtaka. Adhyaya. Varga. Rik)
06.04.072 (Mandala. Anuvāka. Rik)
Samhita Devanagari Accented
स्वा॒दुष्किला॒यं मधु॑माँ उ॒तायं ती॒व्रः किला॒यं रस॑वाँ उ॒तायं ।
उ॒तो न्व१॒॑स्य प॑पि॒वांस॒मिंद्रं॒ न कश्च॒न स॑हत आह॒वेषु॑ ॥
Samhita Devanagari Nonaccented
स्वादुष्किलायं मधुमाँ उतायं तीव्रः किलायं रसवाँ उतायं ।
उतो न्वस्य पपिवांसमिंद्रं न कश्चन सहत आहवेषु ॥
Samhita Transcription Accented
svādúṣkílāyám mádhumām̐ utā́yám tīvráḥ kílāyám rásavām̐ utā́yám ǀ
utó nvásyá papivā́ṃsamíndram ná káścaná sahata āhavéṣu ǁ
Samhita Transcription Nonaccented
svāduṣkilāyam madhumām̐ utāyam tīvraḥ kilāyam rasavām̐ utāyam ǀ
uto nvasya papivāṃsamindram na kaścana sahata āhaveṣu ǁ
Padapatha Devanagari Accented
स्वा॒दुः । किल॑ । अ॒यम् । मधु॑ऽमान् । उ॒त । अ॒यम् । ती॒व्रः । किल॑ । अ॒यम् । रस॑ऽवान् । उ॒त । अ॒यम् ।
उ॒तो इति॑ । नु । अ॒स्य । प॒पि॒ऽवांस॑म् । इन्द्र॑म् । न । कः । च॒न । स॒ह॒ते॒ । आ॒ऽह॒वेषु॑ ॥
Padapatha Devanagari Nonaccented
स्वादुः । किल । अयम् । मधुऽमान् । उत । अयम् । तीव्रः । किल । अयम् । रसऽवान् । उत । अयम् ।
उतो इति । नु । अस्य । पपिऽवांसम् । इन्द्रम् । न । कः । चन । सहते । आऽहवेषु ॥
Padapatha Transcription Accented
svādúḥ ǀ kíla ǀ ayám ǀ mádhu-mān ǀ utá ǀ ayám ǀ tīvráḥ ǀ kíla ǀ ayám ǀ rása-vān ǀ utá ǀ ayám ǀ
utó íti ǀ nú ǀ asyá ǀ papi-vā́ṃsam ǀ índram ǀ ná ǀ káḥ ǀ caná ǀ sahate ǀ ā-havéṣu ǁ
Padapatha Transcription Nonaccented
svāduḥ ǀ kila ǀ ayam ǀ madhu-mān ǀ uta ǀ ayam ǀ tīvraḥ ǀ kila ǀ ayam ǀ rasa-vān ǀ uta ǀ ayam ǀ
uto iti ǀ nu ǀ asya ǀ papi-vāṃsam ǀ indram ǀ na ǀ kaḥ ǀ cana ǀ sahate ǀ ā-haveṣu ǁ
06.047.02 (Mandala. Sukta. Rik)
4.7.30.02 (Ashtaka. Adhyaya. Varga. Rik)
06.04.073 (Mandala. Anuvāka. Rik)
Samhita Devanagari Accented
अ॒यं स्वा॒दुरि॒ह मदि॑ष्ठ आस॒ यस्येंद्रो॑ वृत्र॒हत्ये॑ म॒माद॑ ।
पु॒रूणि॒ यश्च्यौ॒त्ना शंब॑रस्य॒ वि न॑व॒तिं नव॑ च दे॒ह्यो॒३॒॑ हन् ॥
Samhita Devanagari Nonaccented
अयं स्वादुरिह मदिष्ठ आस यस्येंद्रो वृत्रहत्ये ममाद ।
पुरूणि यश्च्यौत्ना शंबरस्य वि नवतिं नव च देह्यो हन् ॥
Samhita Transcription Accented
ayám svādúrihá mádiṣṭha āsa yásyéndro vṛtrahátye mamā́da ǀ
purū́ṇi yáścyautnā́ śámbarasya ví navatím náva ca dehyó hán ǁ
Samhita Transcription Nonaccented
ayam svāduriha madiṣṭha āsa yasyendro vṛtrahatye mamāda ǀ
purūṇi yaścyautnā śambarasya vi navatim nava ca dehyo han ǁ
Padapatha Devanagari Accented
अ॒यम् । स्वा॒दुः । इ॒ह । मदि॑ष्ठः । आ॒स॒ । यस्य॑ । इन्द्रः॑ । वृ॒त्र॒ऽहत्ये॑ । म॒माद॑ ।
पु॒रूणि॑ । यः । च्यौ॒त्ना । शम्ब॑रस्य । वि । न॒व॒तिम् । नव॑ । च॒ । दे॒ह्यः॑ । हन् ॥
Padapatha Devanagari Nonaccented
अयम् । स्वादुः । इह । मदिष्ठः । आस । यस्य । इन्द्रः । वृत्रऽहत्ये । ममाद ।
पुरूणि । यः । च्यौत्ना । शम्बरस्य । वि । नवतिम् । नव । च । देह्यः । हन् ॥
Padapatha Transcription Accented
ayám ǀ svādúḥ ǀ ihá ǀ mádiṣṭhaḥ ǀ āsa ǀ yásya ǀ índraḥ ǀ vṛtra-hátye ǀ mamā́da ǀ
purū́ṇi ǀ yáḥ ǀ cyautnā́ ǀ śámbarasya ǀ ví ǀ navatím ǀ náva ǀ ca ǀ dehyáḥ ǀ hán ǁ
Padapatha Transcription Nonaccented
ayam ǀ svāduḥ ǀ iha ǀ madiṣṭhaḥ ǀ āsa ǀ yasya ǀ indraḥ ǀ vṛtra-hatye ǀ mamāda ǀ
purūṇi ǀ yaḥ ǀ cyautnā ǀ śambarasya ǀ vi ǀ navatim ǀ nava ǀ ca ǀ dehyaḥ ǀ han ǁ
06.047.03 (Mandala. Sukta. Rik)
4.7.30.03 (Ashtaka. Adhyaya. Varga. Rik)
06.04.074 (Mandala. Anuvāka. Rik)
Samhita Devanagari Accented
अ॒यं मे॑ पी॒त उदि॑यर्ति॒ वाच॑म॒यं म॑नी॒षामु॑श॒तीम॑जीगः ।
अ॒यं षळु॒र्वीर॑मिमीत॒ धीरो॒ न याभ्यो॒ भुव॑नं॒ कच्च॒नारे ॥
Samhita Devanagari Nonaccented
अयं मे पीत उदियर्ति वाचमयं मनीषामुशतीमजीगः ।
अयं षळुर्वीरमिमीत धीरो न याभ्यो भुवनं कच्चनारे ॥
Samhita Transcription Accented
ayám me pītá údiyarti vā́camayám manīṣā́muśatī́majīgaḥ ǀ
ayám ṣáḷurvī́ramimīta dhī́ro ná yā́bhyo bhúvanam káccanā́ré ǁ
Samhita Transcription Nonaccented
ayam me pīta udiyarti vācamayam manīṣāmuśatīmajīgaḥ ǀ
ayam ṣaḷurvīramimīta dhīro na yābhyo bhuvanam kaccanāre ǁ
Padapatha Devanagari Accented
अ॒यम् । मे॒ । पी॒तः । उत् । इ॒य॒र्ति॒ । वाच॑म् । अ॒यम् । म॒नी॒षाम् । उ॒श॒तीम् । अ॒जी॒ग॒रिति॑ ।
अ॒यम् । षट् । उ॒र्वीः । अ॒मि॒मी॒त॒ । धीरः॑ । न । याभ्यः॑ । भुव॑नम् । कत् । च॒न । आ॒रे ॥
Padapatha Devanagari Nonaccented
अयम् । मे । पीतः । उत् । इयर्ति । वाचम् । अयम् । मनीषाम् । उशतीम् । अजीगरिति ।
अयम् । षट् । उर्वीः । अमिमीत । धीरः । न । याभ्यः । भुवनम् । कत् । चन । आरे ॥
Padapatha Transcription Accented
ayám ǀ me ǀ pītáḥ ǀ út ǀ iyarti ǀ vā́cam ǀ ayám ǀ manīṣā́m ǀ uśatī́m ǀ ajīgaríti ǀ
ayám ǀ ṣáṭ ǀ urvī́ḥ ǀ amimīta ǀ dhī́raḥ ǀ ná ǀ yā́bhyaḥ ǀ bhúvanam ǀ kát ǀ caná ǀ āré ǁ
Padapatha Transcription Nonaccented
ayam ǀ me ǀ pītaḥ ǀ ut ǀ iyarti ǀ vācam ǀ ayam ǀ manīṣām ǀ uśatīm ǀ ajīgariti ǀ
ayam ǀ ṣaṭ ǀ urvīḥ ǀ amimīta ǀ dhīraḥ ǀ na ǀ yābhyaḥ ǀ bhuvanam ǀ kat ǀ cana ǀ āre ǁ
06.047.04 (Mandala. Sukta. Rik)
4.7.30.04 (Ashtaka. Adhyaya. Varga. Rik)
06.04.075 (Mandala. Anuvāka. Rik)
Samhita Devanagari Accented
अ॒यं स यो व॑रि॒माणं॑ पृथि॒व्या व॒र्ष्माणं॑ दि॒वो अकृ॑णोद॒यं सः ।
अ॒यं पी॒यूषं॑ ति॒सृषु॑ प्र॒वत्सु॒ सोमो॑ दाधारो॒र्वं१॒॑तरि॑क्षं ॥
Samhita Devanagari Nonaccented
अयं स यो वरिमाणं पृथिव्या वर्ष्माणं दिवो अकृणोदयं सः ।
अयं पीयूषं तिसृषु प्रवत्सु सोमो दाधारोर्वंतरिक्षं ॥
Samhita Transcription Accented
ayám sá yó varimā́ṇam pṛthivyā́ varṣmā́ṇam divó ákṛṇodayám sáḥ ǀ
ayám pīyū́ṣam tisṛ́ṣu pravátsu sómo dādhārorvántárikṣam ǁ
Samhita Transcription Nonaccented
ayam sa yo varimāṇam pṛthivyā varṣmāṇam divo akṛṇodayam saḥ ǀ
ayam pīyūṣam tisṛṣu pravatsu somo dādhārorvantarikṣam ǁ
Padapatha Devanagari Accented
अ॒यम् । सः । यः । व॒रि॒माण॑म् । पृ॒थि॒व्याः । व॒र्ष्माण॑म् । दि॒वः । अकृ॑णोत् । अ॒यम् । सः ।
अ॒यम् । पी॒यूष॑म् । ति॒सृषु॑ । प्र॒वत्ऽसु॑ । सोमः॑ । दा॒धा॒र॒ । उ॒रु । अ॒न्तरि॑क्षम् ॥
Padapatha Devanagari Nonaccented
अयम् । सः । यः । वरिमाणम् । पृथिव्याः । वर्ष्माणम् । दिवः । अकृणोत् । अयम् । सः ।
अयम् । पीयूषम् । तिसृषु । प्रवत्ऽसु । सोमः । दाधार । उरु । अन्तरिक्षम् ॥
Padapatha Transcription Accented
ayám ǀ sáḥ ǀ yáḥ ǀ varimā́ṇam ǀ pṛthivyā́ḥ ǀ varṣmā́ṇam ǀ diváḥ ǀ ákṛṇot ǀ ayám ǀ sáḥ ǀ
ayám ǀ pīyū́ṣam ǀ tisṛ́ṣu ǀ pravát-su ǀ sómaḥ ǀ dādhāra ǀ urú ǀ antárikṣam ǁ
Padapatha Transcription Nonaccented
ayam ǀ saḥ ǀ yaḥ ǀ varimāṇam ǀ pṛthivyāḥ ǀ varṣmāṇam ǀ divaḥ ǀ akṛṇot ǀ ayam ǀ saḥ ǀ
ayam ǀ pīyūṣam ǀ tisṛṣu ǀ pravat-su ǀ somaḥ ǀ dādhāra ǀ uru ǀ antarikṣam ǁ
06.047.05 (Mandala. Sukta. Rik)
4.7.30.05 (Ashtaka. Adhyaya. Varga. Rik)
06.04.076 (Mandala. Anuvāka. Rik)
Samhita Devanagari Accented
अ॒यं वि॑दच्चित्र॒दृशी॑क॒मर्णः॑ शु॒क्रस॑द्मनामु॒षसा॒मनी॑के ।
अ॒यं म॒हान्म॑ह॒ता स्कंभ॑ने॒नोद्द्याम॑स्तभ्नाद्वृष॒भो म॒रुत्वा॑न् ॥
Samhita Devanagari Nonaccented
अयं विदच्चित्रदृशीकमर्णः शुक्रसद्मनामुषसामनीके ।
अयं महान्महता स्कंभनेनोद्द्यामस्तभ्नाद्वृषभो मरुत्वान् ॥
Samhita Transcription Accented
ayám vidaccitradṛ́śīkamárṇaḥ śukrásadmanāmuṣásāmánīke ǀ
ayám mahā́nmahatā́ skámbhanenóddyā́mastabhnādvṛṣabhó marútvān ǁ
Samhita Transcription Nonaccented
ayam vidaccitradṛśīkamarṇaḥ śukrasadmanāmuṣasāmanīke ǀ
ayam mahānmahatā skambhanenoddyāmastabhnādvṛṣabho marutvān ǁ
Padapatha Devanagari Accented
अ॒यम् । वि॒द॒त् । चि॒त्र॒ऽदृशी॑कम् । अर्णः॑ । शु॒क्रऽस॑द्मनाम् । उ॒षसा॑म् । अनी॑के ।
अ॒यम् । म॒हान् । म॒ह॒ता । स्कम्भ॑नेन । उत् । द्याम् । अ॒स्त॒भ्ना॒त् । वृ॒ष॒भः । म॒रुत्वा॑न् ॥
Padapatha Devanagari Nonaccented
अयम् । विदत् । चित्रऽदृशीकम् । अर्णः । शुक्रऽसद्मनाम् । उषसाम् । अनीके ।
अयम् । महान् । महता । स्कम्भनेन । उत् । द्याम् । अस्तभ्नात् । वृषभः । मरुत्वान् ॥
Padapatha Transcription Accented
ayám ǀ vidat ǀ citra-dṛ́śīkam ǀ árṇaḥ ǀ śukrá-sadmanām ǀ uṣásām ǀ ánīke ǀ
ayám ǀ mahā́n ǀ mahatā́ ǀ skámbhanena ǀ út ǀ dyā́m ǀ astabhnāt ǀ vṛṣabháḥ ǀ marútvān ǁ
Padapatha Transcription Nonaccented
ayam ǀ vidat ǀ citra-dṛśīkam ǀ arṇaḥ ǀ śukra-sadmanām ǀ uṣasām ǀ anīke ǀ
ayam ǀ mahān ǀ mahatā ǀ skambhanena ǀ ut ǀ dyām ǀ astabhnāt ǀ vṛṣabhaḥ ǀ marutvān ǁ
06.047.06 (Mandala. Sukta. Rik)
4.7.31.01 (Ashtaka. Adhyaya. Varga. Rik)
06.04.077 (Mandala. Anuvāka. Rik)
Samhita Devanagari Accented
धृ॒षत्पि॑ब क॒लशे॒ सोम॑मिंद्र वृत्र॒हा शू॑र सम॒रे वसू॑नां ।
माध्यं॑दिने॒ सव॑न॒ आ वृ॑षस्व रयि॒स्थानो॑ र॒यिम॒स्मासु॑ धेहि ॥
Samhita Devanagari Nonaccented
धृषत्पिब कलशे सोममिंद्र वृत्रहा शूर समरे वसूनां ।
माध्यंदिने सवन आ वृषस्व रयिस्थानो रयिमस्मासु धेहि ॥
Samhita Transcription Accented
dhṛṣátpiba kaláśe sómamindra vṛtrahā́ śūra samaré vásūnām ǀ
mā́dhyaṃdine sávana ā́ vṛṣasva rayisthā́no rayímasmā́su dhehi ǁ
Samhita Transcription Nonaccented
dhṛṣatpiba kalaśe somamindra vṛtrahā śūra samare vasūnām ǀ
mādhyaṃdine savana ā vṛṣasva rayisthāno rayimasmāsu dhehi ǁ
Padapatha Devanagari Accented
धृ॒षत् । पि॒ब॒ । क॒लशे॑ । सोम॑म् । इ॒न्द्र॒ । वृ॒त्र॒ऽहा । शू॒र॒ । स॒म्ऽअ॒रे । वसू॑नाम् ।
माध्य॑न्दिने । सव॑ने । आ । वृ॒ष॒स्व॒ । र॒यि॒ऽस्थानः॑ । र॒यिम् । अ॒स्मासु॑ । धे॒हि॒ ॥
Padapatha Devanagari Nonaccented
धृषत् । पिब । कलशे । सोमम् । इन्द्र । वृत्रऽहा । शूर । सम्ऽअरे । वसूनाम् ।
माध्यन्दिने । सवने । आ । वृषस्व । रयिऽस्थानः । रयिम् । अस्मासु । धेहि ॥
Padapatha Transcription Accented
dhṛṣát ǀ piba ǀ kaláśe ǀ sómam ǀ indra ǀ vṛtra-hā́ ǀ śūra ǀ sam-aré ǀ vásūnām ǀ
mā́dhyandine ǀ sávane ǀ ā́ ǀ vṛṣasva ǀ rayi-sthā́naḥ ǀ rayím ǀ asmā́su ǀ dhehi ǁ
Padapatha Transcription Nonaccented
dhṛṣat ǀ piba ǀ kalaśe ǀ somam ǀ indra ǀ vṛtra-hā ǀ śūra ǀ sam-are ǀ vasūnām ǀ
mādhyandine ǀ savane ǀ ā ǀ vṛṣasva ǀ rayi-sthānaḥ ǀ rayim ǀ asmāsu ǀ dhehi ǁ
06.047.07 (Mandala. Sukta. Rik)
4.7.31.02 (Ashtaka. Adhyaya. Varga. Rik)
06.04.078 (Mandala. Anuvāka. Rik)
Samhita Devanagari Accented
इंद्र॒ प्र णः॑ पुरए॒तेव॑ पश्य॒ प्र नो॑ नय प्रत॒रं वस्यो॒ अच्छ॑ ।
भवा॑ सुपा॒रो अ॑तिपार॒यो नो॒ भवा॒ सुनी॑तिरु॒त वा॒मनी॑तिः ॥
Samhita Devanagari Nonaccented
इंद्र प्र णः पुरएतेव पश्य प्र नो नय प्रतरं वस्यो अच्छ ।
भवा सुपारो अतिपारयो नो भवा सुनीतिरुत वामनीतिः ॥
Samhita Transcription Accented
índra prá ṇaḥ puraetéva paśya prá no naya pratarám vásyo áccha ǀ
bhávā supāró atipārayó no bhávā súnītirutá vāmánītiḥ ǁ
Samhita Transcription Nonaccented
indra pra ṇaḥ puraeteva paśya pra no naya prataram vasyo accha ǀ
bhavā supāro atipārayo no bhavā sunītiruta vāmanītiḥ ǁ
Padapatha Devanagari Accented
इन्द्र॑ । प्र । नः॒ । पु॒र॒ए॒ताऽइ॑व । पश्य॑ । प्र । नः॒ । न॒य॒ । प्र॒ऽत॒रम् । वस्यः॑ । अच्छ॑ ।
भव॑ । सु॒ऽपा॒रः । अ॒ति॒ऽपा॒र॒यः । नः॒ । भव॑ । सुऽनी॑तिः । उ॒त । वा॒मऽनी॑तिः ॥
Padapatha Devanagari Nonaccented
इन्द्र । प्र । नः । पुरएताऽइव । पश्य । प्र । नः । नय । प्रऽतरम् । वस्यः । अच्छ ।
भव । सुऽपारः । अतिऽपारयः । नः । भव । सुऽनीतिः । उत । वामऽनीतिः ॥
Padapatha Transcription Accented
índra ǀ prá ǀ naḥ ǀ puraetā́-iva ǀ páśya ǀ prá ǀ naḥ ǀ naya ǀ pra-tarám ǀ vásyaḥ ǀ áccha ǀ
bháva ǀ su-pāráḥ ǀ ati-pārayáḥ ǀ naḥ ǀ bháva ǀ sú-nītiḥ ǀ utá ǀ vāmá-nītiḥ ǁ
Padapatha Transcription Nonaccented
indra ǀ pra ǀ naḥ ǀ puraetā-iva ǀ paśya ǀ pra ǀ naḥ ǀ naya ǀ pra-taram ǀ vasyaḥ ǀ accha ǀ
bhava ǀ su-pāraḥ ǀ ati-pārayaḥ ǀ naḥ ǀ bhava ǀ su-nītiḥ ǀ uta ǀ vāma-nītiḥ ǁ
06.047.08 (Mandala. Sukta. Rik)
4.7.31.03 (Ashtaka. Adhyaya. Varga. Rik)
06.04.079 (Mandala. Anuvāka. Rik)
Samhita Devanagari Accented
उ॒रुं नो॑ लो॒कमनु॑ नेषि वि॒द्वान्त्स्व॑र्व॒ज्ज्योति॒रभ॑यं स्व॒स्ति ।
ऋ॒ष्वा त॑ इंद्र॒ स्थवि॑रस्य बा॒हू उप॑ स्थेयाम शर॒णा बृ॒हंता॑ ॥
Samhita Devanagari Nonaccented
उरुं नो लोकमनु नेषि विद्वान्त्स्वर्वज्ज्योतिरभयं स्वस्ति ।
ऋष्वा त इंद्र स्थविरस्य बाहू उप स्थेयाम शरणा बृहंता ॥
Samhita Transcription Accented
urúm no lokámánu neṣi vidvā́ntsvárvajjyótirábhayam svastí ǀ
ṛṣvā́ ta indra sthávirasya bāhū́ úpa stheyāma śaraṇā́ bṛhántā ǁ
Samhita Transcription Nonaccented
urum no lokamanu neṣi vidvāntsvarvajjyotirabhayam svasti ǀ
ṛṣvā ta indra sthavirasya bāhū upa stheyāma śaraṇā bṛhantā ǁ
Padapatha Devanagari Accented
उ॒रुम् । नः॒ । लो॒कम् । अनु॑ । ने॒षि॒ । वि॒द्वान् । स्वः॑ऽवत् । ज्योतिः॑ । अभ॑यम् । स्व॒स्ति ।
ऋ॒ष्वा । ते॒ । इ॒न्द्र॒ । स्थवि॑रस्य । बा॒हू इति॑ । उप॑ । स्थे॒या॒म॒ । श॒र॒णा । बृ॒हन्ता॑ ॥
Padapatha Devanagari Nonaccented
उरुम् । नः । लोकम् । अनु । नेषि । विद्वान् । स्वःऽवत् । ज्योतिः । अभयम् । स्वस्ति ।
ऋष्वा । ते । इन्द्र । स्थविरस्य । बाहू इति । उप । स्थेयाम । शरणा । बृहन्ता ॥
Padapatha Transcription Accented
urúm ǀ naḥ ǀ lokám ǀ ánu ǀ neṣi ǀ vidvā́n ǀ sváḥ-vat ǀ jyótiḥ ǀ ábhayam ǀ svastí ǀ
ṛṣvā́ ǀ te ǀ indra ǀ sthávirasya ǀ bāhū́ íti ǀ úpa ǀ stheyāma ǀ śaraṇā́ ǀ bṛhántā ǁ
Padapatha Transcription Nonaccented
urum ǀ naḥ ǀ lokam ǀ anu ǀ neṣi ǀ vidvān ǀ svaḥ-vat ǀ jyotiḥ ǀ abhayam ǀ svasti ǀ
ṛṣvā ǀ te ǀ indra ǀ sthavirasya ǀ bāhū iti ǀ upa ǀ stheyāma ǀ śaraṇā ǀ bṛhantā ǁ
06.047.09 (Mandala. Sukta. Rik)
4.7.31.04 (Ashtaka. Adhyaya. Varga. Rik)
06.04.080 (Mandala. Anuvāka. Rik)
Samhita Devanagari Accented
वरि॑ष्ठे न इंद्र वं॒धुरे॑ धा॒ वहि॑ष्ठयोः शताव॒न्नश्व॑यो॒रा ।
इष॒मा व॑क्षी॒षां वर्षि॑ष्ठां॒ मा न॑स्तारीन्मघव॒न्रायो॑ अ॒र्यः ॥
Samhita Devanagari Nonaccented
वरिष्ठे न इंद्र वंधुरे धा वहिष्ठयोः शतावन्नश्वयोरा ।
इषमा वक्षीषां वर्षिष्ठां मा नस्तारीन्मघवन्रायो अर्यः ॥
Samhita Transcription Accented
váriṣṭhe na indra vandhúre dhā váhiṣṭhayoḥ śatāvannáśvayorā́ ǀ
íṣamā́ vakṣīṣā́m várṣiṣṭhām mā́ nastārīnmaghavanrā́yo aryáḥ ǁ
Samhita Transcription Nonaccented
variṣṭhe na indra vandhure dhā vahiṣṭhayoḥ śatāvannaśvayorā ǀ
iṣamā vakṣīṣām varṣiṣṭhām mā nastārīnmaghavanrāyo aryaḥ ǁ
Padapatha Devanagari Accented
वरि॑ष्ठे । नः॒ । इ॒न्द्र॒ । व॒न्धुरे॑ । धाः॒ । वहि॑ष्ठयोः । श॒त॒ऽव॒न् । अश्व॑योः । आ ।
इष॑म् । आ । व॒क्षि॒ । इ॒षाम् । वर्षि॑ष्ठाम् । मा । नः॒ । ता॒री॒त् । म॒घ॒ऽव॒न् । रायः॑ । अ॒र्यः ॥
Padapatha Devanagari Nonaccented
वरिष्ठे । नः । इन्द्र । वन्धुरे । धाः । वहिष्ठयोः । शतऽवन् । अश्वयोः । आ ।
इषम् । आ । वक्षि । इषाम् । वर्षिष्ठाम् । मा । नः । तारीत् । मघऽवन् । रायः । अर्यः ॥
Padapatha Transcription Accented
váriṣṭhe ǀ naḥ ǀ indra ǀ vandhúre ǀ dhāḥ ǀ váhiṣṭhayoḥ ǀ śata-van ǀ áśvayoḥ ǀ ā́ ǀ
íṣam ǀ ā́ ǀ vakṣi ǀ iṣā́m ǀ várṣiṣṭhām ǀ mā́ ǀ naḥ ǀ tārīt ǀ magha-van ǀ rā́yaḥ ǀ aryáḥ ǁ
Padapatha Transcription Nonaccented
variṣṭhe ǀ naḥ ǀ indra ǀ vandhure ǀ dhāḥ ǀ vahiṣṭhayoḥ ǀ śata-van ǀ aśvayoḥ ǀ ā ǀ
iṣam ǀ ā ǀ vakṣi ǀ iṣām ǀ varṣiṣṭhām ǀ mā ǀ naḥ ǀ tārīt ǀ magha-van ǀ rāyaḥ ǀ aryaḥ ǁ
06.047.10 (Mandala. Sukta. Rik)
4.7.31.05 (Ashtaka. Adhyaya. Varga. Rik)
06.04.081 (Mandala. Anuvāka. Rik)
Samhita Devanagari Accented
इंद्र॑ मृ॒ळ मह्यं॑ जी॒वातु॑मिच्छ चो॒दय॒ धिय॒मय॑सो॒ न धारां॑ ।
यत्किं चा॒हं त्वा॒युरि॒दं वदा॑मि॒ तज्जु॑षस्व कृ॒धि मा॑ दे॒ववं॑तं ॥
Samhita Devanagari Nonaccented
इंद्र मृळ मह्यं जीवातुमिच्छ चोदय धियमयसो न धारां ।
यत्किं चाहं त्वायुरिदं वदामि तज्जुषस्व कृधि मा देववंतं ॥
Samhita Transcription Accented
índra mṛḷá máhyam jīvā́tumiccha codáya dhíyamáyaso ná dhā́rām ǀ
yátkím cāhám tvāyúridám vádāmi tájjuṣasva kṛdhí mā devávantam ǁ
Samhita Transcription Nonaccented
indra mṛḷa mahyam jīvātumiccha codaya dhiyamayaso na dhārām ǀ
yatkim cāham tvāyuridam vadāmi tajjuṣasva kṛdhi mā devavantam ǁ
Padapatha Devanagari Accented
इन्द्र॑ । मृ॒ळ । मह्य॑म् । जी॒वातु॑म् । इ॒च्छ॒ । चो॒दय॑ । धिय॑म् । अय॑सः । न । धारा॑म् ।
यत् । किम् । च॒ । अ॒हम् । त्वा॒ऽयुः । इ॒दम् । वदा॑मि । तत् । जु॒ष॒स्व॒ । कृ॒धि । मा॒ । दे॒वऽव॑न्तम् ॥
Padapatha Devanagari Nonaccented
इन्द्र । मृळ । मह्यम् । जीवातुम् । इच्छ । चोदय । धियम् । अयसः । न । धाराम् ।
यत् । किम् । च । अहम् । त्वाऽयुः । इदम् । वदामि । तत् । जुषस्व । कृधि । मा । देवऽवन्तम् ॥
Padapatha Transcription Accented
índra ǀ mṛḷá ǀ máhyam ǀ jīvā́tum ǀ iccha ǀ codáya ǀ dhíyam ǀ áyasaḥ ǀ ná ǀ dhā́rām ǀ
yát ǀ kím ǀ ca ǀ ahám ǀ tvā-yúḥ ǀ idám ǀ vádāmi ǀ tát ǀ juṣasva ǀ kṛdhí ǀ mā ǀ devá-vantam ǁ
Padapatha Transcription Nonaccented
indra ǀ mṛḷa ǀ mahyam ǀ jīvātum ǀ iccha ǀ codaya ǀ dhiyam ǀ ayasaḥ ǀ na ǀ dhārām ǀ
yat ǀ kim ǀ ca ǀ aham ǀ tvā-yuḥ ǀ idam ǀ vadāmi ǀ tat ǀ juṣasva ǀ kṛdhi ǀ mā ǀ deva-vantam ǁ
06.047.11 (Mandala. Sukta. Rik)
4.7.32.01 (Ashtaka. Adhyaya. Varga. Rik)
06.04.082 (Mandala. Anuvāka. Rik)
Samhita Devanagari Accented
त्रा॒तार॒मिंद्र॑मवि॒तार॒मिंद्रं॒ हवे॑हवे सु॒हवं॒ शूर॒मिंद्रं॑ ।
ह्वया॑मि श॒क्रं पु॑रुहू॒तमिंद्रं॑ स्व॒स्ति नो॑ म॒घवा॑ धा॒त्विंद्रः॑ ॥
Samhita Devanagari Nonaccented
त्रातारमिंद्रमवितारमिंद्रं हवेहवे सुहवं शूरमिंद्रं ।
ह्वयामि शक्रं पुरुहूतमिंद्रं स्वस्ति नो मघवा धात्विंद्रः ॥
Samhita Transcription Accented
trātā́ramíndramavitā́ramíndram hávehave suhávam śū́ramíndram ǀ
hváyāmi śakrám puruhūtámíndram svastí no maghávā dhātvíndraḥ ǁ
Samhita Transcription Nonaccented
trātāramindramavitāramindram havehave suhavam śūramindram ǀ
hvayāmi śakram puruhūtamindram svasti no maghavā dhātvindraḥ ǁ
Padapatha Devanagari Accented
त्रा॒तार॑म् । इन्द्र॑म् । अ॒वि॒तार॑म् । इन्द्र॑म् । हवे॑ऽहवे । सु॒ऽहव॑म् । शूर॑म् । इन्द्र॑म् ।
ह्वया॑मि । श॒क्रम् । पु॒रु॒ऽहू॒तम् । इन्द्र॑म् । स्व॒स्ति । नः॒ । म॒घऽवा॑ । धा॒तु॒ । इन्द्रः॑ ॥
Padapatha Devanagari Nonaccented
त्रातारम् । इन्द्रम् । अवितारम् । इन्द्रम् । हवेऽहवे । सुऽहवम् । शूरम् । इन्द्रम् ।
ह्वयामि । शक्रम् । पुरुऽहूतम् । इन्द्रम् । स्वस्ति । नः । मघऽवा । धातु । इन्द्रः ॥
Padapatha Transcription Accented
trātā́ram ǀ índram ǀ avitā́ram ǀ índram ǀ háve-have ǀ su-hávam ǀ śū́ram ǀ índram ǀ
hváyāmi ǀ śakrám ǀ puru-hūtám ǀ índram ǀ svastí ǀ naḥ ǀ maghá-vā ǀ dhātu ǀ índraḥ ǁ
Padapatha Transcription Nonaccented
trātāram ǀ indram ǀ avitāram ǀ indram ǀ have-have ǀ su-havam ǀ śūram ǀ indram ǀ
hvayāmi ǀ śakram ǀ puru-hūtam ǀ indram ǀ svasti ǀ naḥ ǀ magha-vā ǀ dhātu ǀ indraḥ ǁ
06.047.12 (Mandala. Sukta. Rik)
4.7.32.02 (Ashtaka. Adhyaya. Varga. Rik)
06.04.083 (Mandala. Anuvāka. Rik)
Samhita Devanagari Accented
इंद्रः॑ सु॒त्रामा॒ स्ववाँ॒ अवो॑भिः सुमृळी॒को भ॑वतु वि॒श्ववे॑दाः ।
बाध॑तां॒ द्वेषो॒ अभ॑यं कृणोतु सु॒वीर्य॑स्य॒ पत॑यः स्याम ॥
Samhita Devanagari Nonaccented
इंद्रः सुत्रामा स्ववाँ अवोभिः सुमृळीको भवतु विश्ववेदाः ।
बाधतां द्वेषो अभयं कृणोतु सुवीर्यस्य पतयः स्याम ॥
Samhita Transcription Accented
índraḥ sutrā́mā svávām̐ ávobhiḥ sumṛḷīkó bhavatu viśvávedāḥ ǀ
bā́dhatām dvéṣo ábhayam kṛṇotu suvī́ryasya pátayaḥ syāma ǁ
Samhita Transcription Nonaccented
indraḥ sutrāmā svavām̐ avobhiḥ sumṛḷīko bhavatu viśvavedāḥ ǀ
bādhatām dveṣo abhayam kṛṇotu suvīryasya patayaḥ syāma ǁ
Padapatha Devanagari Accented
इन्द्रः॑ । सु॒ऽत्रामा॑ । स्वऽवा॑न् । अवः॑ऽभिः । सु॒ऽमृ॒ळी॒कः । भ॒व॒तु॒ । वि॒श्वऽवे॑दाः ।
बाध॑ताम् । द्वेषः॑ । अभ॑यम् । कृ॒णो॒तु॒ । सु॒ऽवीर्य॑स्य । पत॑यः । स्या॒म॒ ॥
Padapatha Devanagari Nonaccented
इन्द्रः । सुऽत्रामा । स्वऽवान् । अवःऽभिः । सुऽमृळीकः । भवतु । विश्वऽवेदाः ।
बाधताम् । द्वेषः । अभयम् । कृणोतु । सुऽवीर्यस्य । पतयः । स्याम ॥
Padapatha Transcription Accented
índraḥ ǀ su-trā́mā ǀ svá-vān ǀ ávaḥ-bhiḥ ǀ su-mṛḷīkáḥ ǀ bhavatu ǀ viśvá-vedāḥ ǀ
bā́dhatām ǀ dvéṣaḥ ǀ ábhayam ǀ kṛṇotu ǀ su-vī́ryasya ǀ pátayaḥ ǀ syāma ǁ
Padapatha Transcription Nonaccented
indraḥ ǀ su-trāmā ǀ sva-vān ǀ avaḥ-bhiḥ ǀ su-mṛḷīkaḥ ǀ bhavatu ǀ viśva-vedāḥ ǀ
bādhatām ǀ dveṣaḥ ǀ abhayam ǀ kṛṇotu ǀ su-vīryasya ǀ patayaḥ ǀ syāma ǁ
06.047.13 (Mandala. Sukta. Rik)
4.7.32.03 (Ashtaka. Adhyaya. Varga. Rik)
06.04.084 (Mandala. Anuvāka. Rik)
Samhita Devanagari Accented
तस्य॑ व॒यं सु॑म॒तौ य॒ज्ञिय॒स्यापि॑ भ॒द्रे सौ॑मन॒से स्या॑म ।
स सु॒त्रामा॒ स्ववाँ॒ इंद्रो॑ अ॒स्मे आ॒राच्चि॒द्द्वेषः॑ सनु॒तर्यु॑योतु ॥
Samhita Devanagari Nonaccented
तस्य वयं सुमतौ यज्ञियस्यापि भद्रे सौमनसे स्याम ।
स सुत्रामा स्ववाँ इंद्रो अस्मे आराच्चिद्द्वेषः सनुतर्युयोतु ॥
Samhita Transcription Accented
tásya vayám sumatáu yajñíyasyā́pi bhadré saumanasé syāma ǀ
sá sutrā́mā svávām̐ índro asmé ārā́cciddvéṣaḥ sanutáryuyotu ǁ
Samhita Transcription Nonaccented
tasya vayam sumatau yajñiyasyāpi bhadre saumanase syāma ǀ
sa sutrāmā svavām̐ indro asme ārācciddveṣaḥ sanutaryuyotu ǁ
Padapatha Devanagari Accented
तस्य॑ । व॒यम् । सु॒ऽम॒तौ । य॒ज्ञिय॑स्य । अपि॑ । भ॒द्रे । सौ॒म॒न॒से । स्या॒म॒ ।
सः । सु॒ऽत्रामा॑ । स्वऽवा॑न् । इन्द्रः॑ । अ॒स्मे इति॑ । आ॒रात् । चि॒त् । द्वेषः॑ । स॒नु॒तः । यु॒यो॒तु॒ ॥
Padapatha Devanagari Nonaccented
तस्य । वयम् । सुऽमतौ । यज्ञियस्य । अपि । भद्रे । सौमनसे । स्याम ।
सः । सुऽत्रामा । स्वऽवान् । इन्द्रः । अस्मे इति । आरात् । चित् । द्वेषः । सनुतः । युयोतु ॥
Padapatha Transcription Accented
tásya ǀ vayám ǀ su-matáu ǀ yajñíyasya ǀ ápi ǀ bhadré ǀ saumanasé ǀ syāma ǀ
sáḥ ǀ su-trā́mā ǀ svá-vān ǀ índraḥ ǀ asmé íti ǀ ārā́t ǀ cit ǀ dvéṣaḥ ǀ sanutáḥ ǀ yuyotu ǁ
Padapatha Transcription Nonaccented
tasya ǀ vayam ǀ su-matau ǀ yajñiyasya ǀ api ǀ bhadre ǀ saumanase ǀ syāma ǀ
saḥ ǀ su-trāmā ǀ sva-vān ǀ indraḥ ǀ asme iti ǀ ārāt ǀ cit ǀ dveṣaḥ ǀ sanutaḥ ǀ yuyotu ǁ
06.047.14 (Mandala. Sukta. Rik)
4.7.32.04 (Ashtaka. Adhyaya. Varga. Rik)
06.04.085 (Mandala. Anuvāka. Rik)
Samhita Devanagari Accented
अव॒ त्वे इं॑द्र प्र॒वतो॒ नोर्मिर्गिरो॒ ब्रह्मा॑णि नि॒युतो॑ धवंते ।
उ॒रू न राधः॒ सव॑ना पु॒रूण्य॒पो गा व॑ज्रिन्युवसे॒ समिंदू॑न् ॥
Samhita Devanagari Nonaccented
अव त्वे इंद्र प्रवतो नोर्मिर्गिरो ब्रह्माणि नियुतो धवंते ।
उरू न राधः सवना पुरूण्यपो गा वज्रिन्युवसे समिंदून् ॥
Samhita Transcription Accented
áva tvé indra praváto nórmírgíro bráhmāṇi niyúto dhavante ǀ
urū́ ná rā́dhaḥ sávanā purū́ṇyapó gā́ vajrinyuvase sámíndūn ǁ
Samhita Transcription Nonaccented
ava tve indra pravato normirgiro brahmāṇi niyuto dhavante ǀ
urū na rādhaḥ savanā purūṇyapo gā vajrinyuvase samindūn ǁ
Padapatha Devanagari Accented
अव॑ । त्वे इति॑ । इ॒न्द्र॒ । प्र॒ऽवतः॑ । न । ऊ॒र्मिः । गिरः॑ । ब्रह्मा॑णि । नि॒ऽयुतः॑ । ध॒व॒न्ते॒ ।
उ॒रु । न । राधः॑ । सव॑ना । पु॒रूणि॑ । अ॒पः । गाः । व॒ज्रि॒न् । यु॒व॒से॒ । सम् । इन्दू॑न् ॥
Padapatha Devanagari Nonaccented
अव । त्वे इति । इन्द्र । प्रऽवतः । न । ऊर्मिः । गिरः । ब्रह्माणि । निऽयुतः । धवन्ते ।
उरु । न । राधः । सवना । पुरूणि । अपः । गाः । वज्रिन् । युवसे । सम् । इन्दून् ॥
Padapatha Transcription Accented
áva ǀ tvé íti ǀ indra ǀ pra-vátaḥ ǀ ná ǀ ūrmíḥ ǀ gíraḥ ǀ bráhmāṇi ǀ ni-yútaḥ ǀ dhavante ǀ
urú ǀ ná ǀ rā́dhaḥ ǀ sávanā ǀ purū́ṇi ǀ apáḥ ǀ gā́ḥ ǀ vajrin ǀ yuvase ǀ sám ǀ índūn ǁ
Padapatha Transcription Nonaccented
ava ǀ tve iti ǀ indra ǀ pra-vataḥ ǀ na ǀ ūrmiḥ ǀ giraḥ ǀ brahmāṇi ǀ ni-yutaḥ ǀ dhavante ǀ
uru ǀ na ǀ rādhaḥ ǀ savanā ǀ purūṇi ǀ apaḥ ǀ gāḥ ǀ vajrin ǀ yuvase ǀ sam ǀ indūn ǁ
06.047.15 (Mandala. Sukta. Rik)
4.7.32.05 (Ashtaka. Adhyaya. Varga. Rik)
06.04.086 (Mandala. Anuvāka. Rik)
Samhita Devanagari Accented
क ईं॑ स्तव॒त्कः पृ॑णा॒त्को य॑जाते॒ यदु॒ग्रमिन्म॒घवा॑ वि॒श्वहावे॑त् ।
पादा॑विव प्र॒हर॑न्न॒न्यम॑न्यं कृ॒णोति॒ पूर्व॒मप॑रं॒ शची॑भिः ॥
Samhita Devanagari Nonaccented
क ईं स्तवत्कः पृणात्को यजाते यदुग्रमिन्मघवा विश्वहावेत् ।
पादाविव प्रहरन्नन्यमन्यं कृणोति पूर्वमपरं शचीभिः ॥
Samhita Transcription Accented
ká īm stavatkáḥ pṛṇātkó yajāte yádugrámínmaghávā viśváhā́vet ǀ
pā́dāviva prahárannanyámanyam kṛṇóti pū́rvamáparam śácībhiḥ ǁ
Samhita Transcription Nonaccented
ka īm stavatkaḥ pṛṇātko yajāte yadugraminmaghavā viśvahāvet ǀ
pādāviva praharannanyamanyam kṛṇoti pūrvamaparam śacībhiḥ ǁ
Padapatha Devanagari Accented
कः । ई॒म् । स्त॒व॒त् । कः । पृ॒णा॒त् । कः । य॒जा॒ते॒ । यत् । उ॒ग्रम् । इत् । म॒घऽवा॑ । वि॒श्वहा॑ । अवे॑त् ।
पादौ॑ऽइव । प्र॒ऽहर॑न् । अ॒न्यम्ऽअ॑न्यम् । कृ॒णोति॑ । पूर्व॑म् । अप॑रम् । शची॑भिः ॥
Padapatha Devanagari Nonaccented
कः । ईम् । स्तवत् । कः । पृणात् । कः । यजाते । यत् । उग्रम् । इत् । मघऽवा । विश्वहा । अवेत् ।
पादौऽइव । प्रऽहरन् । अन्यम्ऽअन्यम् । कृणोति । पूर्वम् । अपरम् । शचीभिः ॥
Padapatha Transcription Accented
káḥ ǀ īm ǀ stavat ǀ káḥ ǀ pṛṇāt ǀ káḥ ǀ yajāte ǀ yát ǀ ugrám ǀ ít ǀ maghá-vā ǀ viśváhā ǀ ávet ǀ
pā́dau-iva ǀ pra-háran ǀ anyám-anyam ǀ kṛṇóti ǀ pū́rvam ǀ áparam ǀ śácībhiḥ ǁ
Padapatha Transcription Nonaccented
kaḥ ǀ īm ǀ stavat ǀ kaḥ ǀ pṛṇāt ǀ kaḥ ǀ yajāte ǀ yat ǀ ugram ǀ it ǀ magha-vā ǀ viśvahā ǀ avet ǀ
pādau-iva ǀ pra-haran ǀ anyam-anyam ǀ kṛṇoti ǀ pūrvam ǀ aparam ǀ śacībhiḥ ǁ
06.047.16 (Mandala. Sukta. Rik)
4.7.33.01 (Ashtaka. Adhyaya. Varga. Rik)
06.04.087 (Mandala. Anuvāka. Rik)
Samhita Devanagari Accented
शृ॒ण्वे वी॒र उ॒ग्रमु॑ग्रं दमा॒यन्न॒न्यम॑न्यमतिनेनी॒यमा॑नः ।
ए॒ध॒मा॒न॒द्विळु॒भय॑स्य॒ राजा॑ चोष्कू॒यते॒ विश॒ इंद्रो॑ मनु॒ष्या॑न् ॥
Samhita Devanagari Nonaccented
शृण्वे वीर उग्रमुग्रं दमायन्नन्यमन्यमतिनेनीयमानः ।
एधमानद्विळुभयस्य राजा चोष्कूयते विश इंद्रो मनुष्यान् ॥
Samhita Transcription Accented
śṛṇvé vīrá ugrámugram damāyánnanyámanyamatinenīyámānaḥ ǀ
edhamānadvíḷubháyasya rā́jā coṣkūyáte víśa índro manuṣyān ǁ
Samhita Transcription Nonaccented
śṛṇve vīra ugramugram damāyannanyamanyamatinenīyamānaḥ ǀ
edhamānadviḷubhayasya rājā coṣkūyate viśa indro manuṣyān ǁ
Padapatha Devanagari Accented
शृ॒ण्वे । वी॒रः । उ॒ग्रम्ऽउ॑ग्रम् । द॒म॒ऽयन् । अ॒न्यम्ऽअ॑न्यम् । अ॒ति॒ऽने॒नी॒यमा॑नः ।
ए॒ध॒मा॒न॒ऽद्विट् । उ॒भय॑स्य । राजा॑ । चो॒ष्कू॒यते॑ । विशः॑ । इन्द्रः॑ । म॒नु॒ष्या॑न् ॥
Padapatha Devanagari Nonaccented
शृण्वे । वीरः । उग्रम्ऽउग्रम् । दमऽयन् । अन्यम्ऽअन्यम् । अतिऽनेनीयमानः ।
एधमानऽद्विट् । उभयस्य । राजा । चोष्कूयते । विशः । इन्द्रः । मनुष्यान् ॥
Padapatha Transcription Accented
śṛṇvé ǀ vīráḥ ǀ ugrám-ugram ǀ dama-yán ǀ anyám-anyam ǀ ati-nenīyámānaḥ ǀ
edhamāna-dvíṭ ǀ ubháyasya ǀ rā́jā ǀ coṣkūyáte ǀ víśaḥ ǀ índraḥ ǀ manuṣyā́n ǁ
Padapatha Transcription Nonaccented
śṛṇve ǀ vīraḥ ǀ ugram-ugram ǀ dama-yan ǀ anyam-anyam ǀ ati-nenīyamānaḥ ǀ
edhamāna-dviṭ ǀ ubhayasya ǀ rājā ǀ coṣkūyate ǀ viśaḥ ǀ indraḥ ǀ manuṣyān ǁ
06.047.17 (Mandala. Sukta. Rik)
4.7.33.02 (Ashtaka. Adhyaya. Varga. Rik)
06.04.088 (Mandala. Anuvāka. Rik)
Samhita Devanagari Accented
परा॒ पूर्वे॑षां स॒ख्या वृ॑णक्ति वि॒तर्तु॑राणो॒ अप॑रेभिरेति ।
अना॑नुभूतीरवधून्वा॒नः पू॒र्वीरिंद्रः॑ श॒रद॑स्तर्तरीति ॥
Samhita Devanagari Nonaccented
परा पूर्वेषां सख्या वृणक्ति वितर्तुराणो अपरेभिरेति ।
अनानुभूतीरवधून्वानः पूर्वीरिंद्रः शरदस्तर्तरीति ॥
Samhita Transcription Accented
párā pū́rveṣām sakhyā́ vṛṇakti vitárturāṇo áparebhireti ǀ
ánānubhūtīravadhūnvānáḥ pūrvī́ríndraḥ śarádastartarīti ǁ
Samhita Transcription Nonaccented
parā pūrveṣām sakhyā vṛṇakti vitarturāṇo aparebhireti ǀ
anānubhūtīravadhūnvānaḥ pūrvīrindraḥ śaradastartarīti ǁ
Padapatha Devanagari Accented
परा॑ । पूर्वे॑षाम् । स॒ख्या । वृ॒ण॒क्ति॒ । वि॒ऽतर्तु॑राणः । अप॑रेभिः । ए॒ति॒ ।
अन॑नुऽभूतीः । अ॒व॒ऽधू॒न्वा॒नः । पू॒र्वीः । इन्द्रः॑ । श॒रदः॑ । त॒र्त॒री॒ति॒ ॥
Padapatha Devanagari Nonaccented
परा । पूर्वेषाम् । सख्या । वृणक्ति । विऽतर्तुराणः । अपरेभिः । एति ।
अननुऽभूतीः । अवऽधून्वानः । पूर्वीः । इन्द्रः । शरदः । तर्तरीति ॥
Padapatha Transcription Accented
párā ǀ pū́rveṣām ǀ sakhyā́ ǀ vṛṇakti ǀ vi-tárturāṇaḥ ǀ áparebhiḥ ǀ eti ǀ
ánanu-bhūtīḥ ǀ ava-dhūnvānáḥ ǀ pūrvī́ḥ ǀ índraḥ ǀ śarádaḥ ǀ tartarīti ǁ
Padapatha Transcription Nonaccented
parā ǀ pūrveṣām ǀ sakhyā ǀ vṛṇakti ǀ vi-tarturāṇaḥ ǀ aparebhiḥ ǀ eti ǀ
ananu-bhūtīḥ ǀ ava-dhūnvānaḥ ǀ pūrvīḥ ǀ indraḥ ǀ śaradaḥ ǀ tartarīti ǁ
06.047.18 (Mandala. Sukta. Rik)
4.7.33.03 (Ashtaka. Adhyaya. Varga. Rik)
06.04.089 (Mandala. Anuvāka. Rik)
Samhita Devanagari Accented
रू॒पंरू॑पं॒ प्रति॑रूपो बभूव॒ तद॑स्य रू॒पं प्र॑ति॒चक्ष॑णाय ।
इंद्रो॑ मा॒याभिः॑ पुरु॒रूप॑ ईयते यु॒क्ता ह्य॑स्य॒ हर॑यः श॒ता दश॑ ॥
Samhita Devanagari Nonaccented
रूपंरूपं प्रतिरूपो बभूव तदस्य रूपं प्रतिचक्षणाय ।
इंद्रो मायाभिः पुरुरूप ईयते युक्ता ह्यस्य हरयः शता दश ॥
Samhita Transcription Accented
rūpáṃrūpam prátirūpo babhūva tádasya rūpám praticákṣaṇāya ǀ
índro māyā́bhiḥ pururū́pa īyate yuktā́ hyásya hárayaḥ śatā́ dáśa ǁ
Samhita Transcription Nonaccented
rūpaṃrūpam pratirūpo babhūva tadasya rūpam praticakṣaṇāya ǀ
indro māyābhiḥ pururūpa īyate yuktā hyasya harayaḥ śatā daśa ǁ
Padapatha Devanagari Accented
रू॒पम्ऽरू॑पम् । प्रति॑ऽरूपः । ब॒भू॒व॒ । तत् । अ॒स्य॒ । रू॒पम् । प्र॒ति॒ऽचक्ष॑णाय ।
इन्द्रः॑ । मा॒याभिः॑ । पु॒रु॒ऽरूपः॑ । ई॒य॒ते॒ । यु॒क्ताः । हि । अ॒स्य॒ । हर॑यः । श॒ता । दश॑ ॥
Padapatha Devanagari Nonaccented
रूपम्ऽरूपम् । प्रतिऽरूपः । बभूव । तत् । अस्य । रूपम् । प्रतिऽचक्षणाय ।
इन्द्रः । मायाभिः । पुरुऽरूपः । ईयते । युक्ताः । हि । अस्य । हरयः । शता । दश ॥
Padapatha Transcription Accented
rūpám-rūpam ǀ práti-rūpaḥ ǀ babhūva ǀ tát ǀ asya ǀ rūpám ǀ prati-cákṣaṇāya ǀ
índraḥ ǀ māyā́bhiḥ ǀ puru-rū́paḥ ǀ īyate ǀ yuktā́ḥ ǀ hí ǀ asya ǀ hárayaḥ ǀ śatā́ ǀ dáśa ǁ
Padapatha Transcription Nonaccented
rūpam-rūpam ǀ prati-rūpaḥ ǀ babhūva ǀ tat ǀ asya ǀ rūpam ǀ prati-cakṣaṇāya ǀ
indraḥ ǀ māyābhiḥ ǀ puru-rūpaḥ ǀ īyate ǀ yuktāḥ ǀ hi ǀ asya ǀ harayaḥ ǀ śatā ǀ daśa ǁ
06.047.19 (Mandala. Sukta. Rik)
4.7.33.04 (Ashtaka. Adhyaya. Varga. Rik)
06.04.090 (Mandala. Anuvāka. Rik)
Samhita Devanagari Accented
यु॒जा॒नो ह॒रिता॒ रथे॒ भूरि॒ त्वष्टे॒ह रा॑जति ।
को वि॒श्वाहा॑ द्विष॒तः पक्ष॑ आसत उ॒तासी॑नेषु सू॒रिषु॑ ॥
Samhita Devanagari Nonaccented
युजानो हरिता रथे भूरि त्वष्टेह राजति ।
को विश्वाहा द्विषतः पक्ष आसत उतासीनेषु सूरिषु ॥
Samhita Transcription Accented
yujānó harítā ráthe bhū́ri tváṣṭehá rājati ǀ
kó viśvā́hā dviṣatáḥ pákṣa āsata utā́sīneṣu sūríṣu ǁ
Samhita Transcription Nonaccented
yujāno haritā rathe bhūri tvaṣṭeha rājati ǀ
ko viśvāhā dviṣataḥ pakṣa āsata utāsīneṣu sūriṣu ǁ
Padapatha Devanagari Accented
यु॒जा॒नः । ह॒रिता॑ । रथे॑ । भूरि॑ । त्वष्टा॑ । इ॒ह । रा॒ज॒ति॒ ।
कः । वि॒श्वाहा॑ । द्वि॒ष॒तः । पक्षः॑ । आ॒स॒ते॒ । उ॒त । आसी॑नेषु । सू॒रिषु॑ ॥
Padapatha Devanagari Nonaccented
युजानः । हरिता । रथे । भूरि । त्वष्टा । इह । राजति ।
कः । विश्वाहा । द्विषतः । पक्षः । आसते । उत । आसीनेषु । सूरिषु ॥
Padapatha Transcription Accented
yujānáḥ ǀ harítā ǀ ráthe ǀ bhū́ri ǀ tváṣṭā ǀ ihá ǀ rājati ǀ
káḥ ǀ viśvā́hā ǀ dviṣatáḥ ǀ pákṣaḥ ǀ āsate ǀ utá ǀ ā́sīneṣu ǀ sūríṣu ǁ
Padapatha Transcription Nonaccented
yujānaḥ ǀ haritā ǀ rathe ǀ bhūri ǀ tvaṣṭā ǀ iha ǀ rājati ǀ
kaḥ ǀ viśvāhā ǀ dviṣataḥ ǀ pakṣaḥ ǀ āsate ǀ uta ǀ āsīneṣu ǀ sūriṣu ǁ
06.047.20 (Mandala. Sukta. Rik)
4.7.33.05 (Ashtaka. Adhyaya. Varga. Rik)
06.04.091 (Mandala. Anuvāka. Rik)
Samhita Devanagari Accented
अ॒ग॒व्यू॒ति क्षेत्र॒माग॑न्म देवा उ॒र्वी स॒ती भूमि॑रंहूर॒णाभू॑त् ।
बृह॑स्पते॒ प्र चि॑कित्सा॒ गवि॑ष्टावि॒त्था स॒ते ज॑रि॒त्र इं॑द्र॒ पंथां॑ ॥
Samhita Devanagari Nonaccented
अगव्यूति क्षेत्रमागन्म देवा उर्वी सती भूमिरंहूरणाभूत् ।
बृहस्पते प्र चिकित्सा गविष्टावित्था सते जरित्र इंद्र पंथां ॥
Samhita Transcription Accented
agavyūtí kṣétramā́ganma devā urvī́ satī́ bhū́miraṃhūraṇā́bhūt ǀ
bṛ́haspate prá cikitsā gáviṣṭāvitthā́ saté jaritrá indra pánthām ǁ
Samhita Transcription Nonaccented
agavyūti kṣetramāganma devā urvī satī bhūmiraṃhūraṇābhūt ǀ
bṛhaspate pra cikitsā gaviṣṭāvitthā sate jaritra indra panthām ǁ
Padapatha Devanagari Accented
अ॒ग॒व्यू॒ति । क्षेत्र॑म् । आ । अ॒ग॒न्म॒ । दे॒वाः॒ । उ॒र्वी । स॒ती । भूमिः॑ । अं॒हू॒र॒णा । अ॒भू॒त् ।
बृह॑स्पते । प्र । चि॒कि॒त्स॒ । गोऽइ॑ष्टौ । इ॒त्था । स॒ते । ज॒रि॒त्रे । इ॒न्द्र॒ । पन्था॑म् ॥
Padapatha Devanagari Nonaccented
अगव्यूति । क्षेत्रम् । आ । अगन्म । देवाः । उर्वी । सती । भूमिः । अंहूरणा । अभूत् ।
बृहस्पते । प्र । चिकित्स । गोऽइष्टौ । इत्था । सते । जरित्रे । इन्द्र । पन्थाम् ॥
Padapatha Transcription Accented
agavyūtí ǀ kṣétram ǀ ā́ ǀ aganma ǀ devāḥ ǀ urvī́ ǀ satī́ ǀ bhū́miḥ ǀ aṃhūraṇā́ ǀ abhūt ǀ
bṛ́haspate ǀ prá ǀ cikitsa ǀ gó-iṣṭau ǀ itthā́ ǀ saté ǀ jaritré ǀ indra ǀ pánthām ǁ
Padapatha Transcription Nonaccented
agavyūti ǀ kṣetram ǀ ā ǀ aganma ǀ devāḥ ǀ urvī ǀ satī ǀ bhūmiḥ ǀ aṃhūraṇā ǀ abhūt ǀ
bṛhaspate ǀ pra ǀ cikitsa ǀ go-iṣṭau ǀ itthā ǀ sate ǀ jaritre ǀ indra ǀ panthām ǁ
06.047.21 (Mandala. Sukta. Rik)
4.7.34.01 (Ashtaka. Adhyaya. Varga. Rik)
06.04.092 (Mandala. Anuvāka. Rik)
Samhita Devanagari Accented
दि॒वेदि॑वे स॒दृशी॑र॒न्यमर्धं॑ कृ॒ष्णा अ॑सेध॒दप॒ सद्म॑नो॒ जाः ।
अहं॑दा॒सा वृ॑ष॒भो व॑स्न॒यंतो॒दव्र॑जे व॒र्चिनं॒ शंब॑रं च ॥
Samhita Devanagari Nonaccented
दिवेदिवे सदृशीरन्यमर्धं कृष्णा असेधदप सद्मनो जाः ।
अहंदासा वृषभो वस्नयंतोदव्रजे वर्चिनं शंबरं च ॥
Samhita Transcription Accented
divédive sadṛ́śīranyámárdham kṛṣṇā́ asedhadápa sádmano jā́ḥ ǀ
áhandāsā́ vṛṣabhó vasnayántodávraje varcínam śámbaram ca ǁ
Samhita Transcription Nonaccented
divedive sadṛśīranyamardham kṛṣṇā asedhadapa sadmano jāḥ ǀ
ahandāsā vṛṣabho vasnayantodavraje varcinam śambaram ca ǁ
Padapatha Devanagari Accented
दि॒वेऽदि॑वे । स॒ऽदृशीः॑ । अ॒न्यम् । अर्ध॑म् । कृ॒ष्णाः । अ॒से॒ध॒त् । अप॑ । सद्म॑नः । जाः ।
अह॑न् । दा॒सा । वृ॒ष॒भः । व॒स्न॒यन्ता॑ । उ॒दऽव्र॑जे । व॒र्चिन॑म् । शम्ब॑रम् । च॒ ॥
Padapatha Devanagari Nonaccented
दिवेऽदिवे । सऽदृशीः । अन्यम् । अर्धम् । कृष्णाः । असेधत् । अप । सद्मनः । जाः ।
अहन् । दासा । वृषभः । वस्नयन्ता । उदऽव्रजे । वर्चिनम् । शम्बरम् । च ॥
Padapatha Transcription Accented
divé-dive ǀ sa-dṛ́śīḥ ǀ anyám ǀ árdham ǀ kṛṣṇā́ḥ ǀ asedhat ǀ ápa ǀ sádmanaḥ ǀ jā́ḥ ǀ
áhan ǀ dāsā́ ǀ vṛṣabháḥ ǀ vasnayántā ǀ udá-vraje ǀ varcínam ǀ śámbaram ǀ ca ǁ
Padapatha Transcription Nonaccented
dive-dive ǀ sa-dṛśīḥ ǀ anyam ǀ ardham ǀ kṛṣṇāḥ ǀ asedhat ǀ apa ǀ sadmanaḥ ǀ jāḥ ǀ
ahan ǀ dāsā ǀ vṛṣabhaḥ ǀ vasnayantā ǀ uda-vraje ǀ varcinam ǀ śambaram ǀ ca ǁ
06.047.22 (Mandala. Sukta. Rik)
4.7.34.02 (Ashtaka. Adhyaya. Varga. Rik)
06.04.093 (Mandala. Anuvāka. Rik)
Samhita Devanagari Accented
प्र॒स्तो॒क इन्नु राध॑सस्त इंद्र॒ दश॒ कोश॑यी॒र्दश॑ वा॒जिनो॑ऽदात् ।
दिवो॑दासादतिथि॒ग्वस्य॒ राधः॑ शांब॒रं वसु॒ प्रत्य॑ग्रभीष्म ॥
Samhita Devanagari Nonaccented
प्रस्तोक इन्नु राधसस्त इंद्र दश कोशयीर्दश वाजिनोऽदात् ।
दिवोदासादतिथिग्वस्य राधः शांबरं वसु प्रत्यग्रभीष्म ॥
Samhita Transcription Accented
prastoká ínnú rā́dhasasta indra dáśa kóśayīrdáśa vājíno’dāt ǀ
dívodāsādatithigvásya rā́dhaḥ śāmbarám vásu prátyagrabhīṣma ǁ
Samhita Transcription Nonaccented
prastoka innu rādhasasta indra daśa kośayīrdaśa vājino’dāt ǀ
divodāsādatithigvasya rādhaḥ śāmbaram vasu pratyagrabhīṣma ǁ
Padapatha Devanagari Accented
प्र॒स्तो॒कः । इत् । नु । राध॑सः । ते॒ । इ॒न्द्र॒ । दश॑ । कोश॑यीः । दश॑ । वा॒जिनः॑ । अ॒दा॒त् ।
दिवः॑ऽदासात् । अ॒ति॒थि॒ऽग्वस्य॑ । राधः॑ । शा॒म्ब॒रम् । वसु॑ । प्रति॑ । अ॒ग्र॒भी॒ष्म॒ ॥
Padapatha Devanagari Nonaccented
प्रस्तोकः । इत् । नु । राधसः । ते । इन्द्र । दश । कोशयीः । दश । वाजिनः । अदात् ।
दिवःऽदासात् । अतिथिऽग्वस्य । राधः । शाम्बरम् । वसु । प्रति । अग्रभीष्म ॥
Padapatha Transcription Accented
prastokáḥ ǀ ít ǀ nú ǀ rā́dhasaḥ ǀ te ǀ indra ǀ dáśa ǀ kóśayīḥ ǀ dáśa ǀ vājínaḥ ǀ adāt ǀ
dívaḥ-dāsāt ǀ atithi-gvásya ǀ rā́dhaḥ ǀ śāmbarám ǀ vásu ǀ práti ǀ agrabhīṣma ǁ
Padapatha Transcription Nonaccented
prastokaḥ ǀ it ǀ nu ǀ rādhasaḥ ǀ te ǀ indra ǀ daśa ǀ kośayīḥ ǀ daśa ǀ vājinaḥ ǀ adāt ǀ
divaḥ-dāsāt ǀ atithi-gvasya ǀ rādhaḥ ǀ śāmbaram ǀ vasu ǀ prati ǀ agrabhīṣma ǁ
06.047.23 (Mandala. Sukta. Rik)
4.7.34.03 (Ashtaka. Adhyaya. Varga. Rik)
06.04.094 (Mandala. Anuvāka. Rik)
Samhita Devanagari Accented
दशाश्वां॒दश॒ कोशां॒दश॒ वस्त्राधि॑भोजना ।
दशो॑ हिरण्यपिं॒डांदिवो॑दासादसानिषं ॥
Samhita Devanagari Nonaccented
दशाश्वांदश कोशांदश वस्त्राधिभोजना ।
दशो हिरण्यपिंडांदिवोदासादसानिषं ॥
Samhita Transcription Accented
dáśā́śvāndáśa kóśāndáśa vástrā́dhibhojanā ǀ
dáśo hiraṇyapiṇḍā́ndívodāsādasāniṣam ǁ
Samhita Transcription Nonaccented
daśāśvāndaśa kośāndaśa vastrādhibhojanā ǀ
daśo hiraṇyapiṇḍāndivodāsādasāniṣam ǁ
Padapatha Devanagari Accented
दश॑ । अश्वा॑न् । दश॑ । कोशा॑न् । दश॑ । वस्त्रा॑ । अधि॑ऽभोजना ।
दशो॒ इति॑ । हि॒र॒ण्य॒ऽपि॒ण्डान् । दिवः॑ऽदासात् । अ॒सा॒नि॒ष॒म् ॥
Padapatha Devanagari Nonaccented
दश । अश्वान् । दश । कोशान् । दश । वस्त्रा । अधिऽभोजना ।
दशो इति । हिरण्यऽपिण्डान् । दिवःऽदासात् । असानिषम् ॥
Padapatha Transcription Accented
dáśa ǀ áśvān ǀ dáśa ǀ kóśān ǀ dáśa ǀ vástrā ǀ ádhi-bhojanā ǀ
dáśo íti ǀ hiraṇya-piṇḍā́n ǀ dívaḥ-dāsāt ǀ asāniṣam ǁ
Padapatha Transcription Nonaccented
daśa ǀ aśvān ǀ daśa ǀ kośān ǀ daśa ǀ vastrā ǀ adhi-bhojanā ǀ
daśo iti ǀ hiraṇya-piṇḍān ǀ divaḥ-dāsāt ǀ asāniṣam ǁ
06.047.24 (Mandala. Sukta. Rik)
4.7.34.04 (Ashtaka. Adhyaya. Varga. Rik)
06.04.095 (Mandala. Anuvāka. Rik)
Samhita Devanagari Accented
दश॒ रथा॒न्प्रष्टि॑मतः श॒तं गा अथ॑र्वभ्यः ।
अ॒श्व॒थः पा॒यवे॑ऽदात् ॥
Samhita Devanagari Nonaccented
दश रथान्प्रष्टिमतः शतं गा अथर्वभ्यः ।
अश्वथः पायवेऽदात् ॥
Samhita Transcription Accented
dáśa ráthānpráṣṭimataḥ śatám gā́ átharvabhyaḥ ǀ
aśvatháḥ pāyáve’dāt ǁ
Samhita Transcription Nonaccented
daśa rathānpraṣṭimataḥ śatam gā atharvabhyaḥ ǀ
aśvathaḥ pāyave’dāt ǁ
Padapatha Devanagari Accented
दश॑ । रथा॑न् । प्रष्टि॑ऽमतः । श॒तम् । गाः । अथ॑र्वऽभ्यः ।
अ॒श्व॒थः । पा॒यवे॑ । अ॒दा॒त् ॥
Padapatha Devanagari Nonaccented
दश । रथान् । प्रष्टिऽमतः । शतम् । गाः । अथर्वऽभ्यः ।
अश्वथः । पायवे । अदात् ॥
Padapatha Transcription Accented
dáśa ǀ ráthān ǀ práṣṭi-mataḥ ǀ śatám ǀ gā́ḥ ǀ átharva-bhyaḥ ǀ
aśvatháḥ ǀ pāyáve ǀ adāt ǁ
Padapatha Transcription Nonaccented
daśa ǀ rathān ǀ praṣṭi-mataḥ ǀ śatam ǀ gāḥ ǀ atharva-bhyaḥ ǀ
aśvathaḥ ǀ pāyave ǀ adāt ǁ
06.047.25 (Mandala. Sukta. Rik)
4.7.34.05 (Ashtaka. Adhyaya. Varga. Rik)
06.04.096 (Mandala. Anuvāka. Rik)
Samhita Devanagari Accented
महि॒ राधो॑ वि॒श्वज॑न्यं॒ दधा॑नान्भ॒रद्वा॑जान्त्सार्ञ्ज॒यो अ॒भ्य॑यष्ट ॥
Samhita Devanagari Nonaccented
महि राधो विश्वजन्यं दधानान्भरद्वाजान्त्सार्ञ्जयो अभ्ययष्ट ॥
Samhita Transcription Accented
máhi rā́dho viśvájanyam dádhānānbharádvājāntsārñjayó abhyáyaṣṭa ǁ
Samhita Transcription Nonaccented
mahi rādho viśvajanyam dadhānānbharadvājāntsārñjayo abhyayaṣṭa ǁ
Padapatha Devanagari Accented
महि॑ । राधः॑ । वि॒श्वऽज॑न्यम् । दधा॑नान् । भ॒रत्ऽवा॑जान् । सा॒र्ञ्ज॒यः । अ॒भि । अ॒य॒ष्ट॒ ॥
Padapatha Devanagari Nonaccented
महि । राधः । विश्वऽजन्यम् । दधानान् । भरत्ऽवाजान् । सार्ञ्जयः । अभि । अयष्ट ॥
Padapatha Transcription Accented
máhi ǀ rā́dhaḥ ǀ viśvá-janyam ǀ dádhānān ǀ bharát-vājān ǀ sārñjayáḥ ǀ abhí ǀ ayaṣṭa ǁ
Padapatha Transcription Nonaccented
mahi ǀ rādhaḥ ǀ viśva-janyam ǀ dadhānān ǀ bharat-vājān ǀ sārñjayaḥ ǀ abhi ǀ ayaṣṭa ǁ
06.047.26 (Mandala. Sukta. Rik)
4.7.35.01 (Ashtaka. Adhyaya. Varga. Rik)
06.04.097 (Mandala. Anuvāka. Rik)
Samhita Devanagari Accented
वन॑स्पते वी॒ड्वं॑गो॒ हि भू॒या अ॒स्मत्स॑खा प्र॒तर॑णः सु॒वीरः॑ ।
गोभिः॒ संन॑द्धो असि वी॒ळय॑स्वास्था॒ता ते॑ जयतु॒ जेत्वा॑नि ॥
Samhita Devanagari Nonaccented
वनस्पते वीड्वंगो हि भूया अस्मत्सखा प्रतरणः सुवीरः ।
गोभिः संनद्धो असि वीळयस्वास्थाता ते जयतु जेत्वानि ॥
Samhita Transcription Accented
vánaspate vīḍváṅgo hí bhūyā́ asmátsakhā pratáraṇaḥ suvī́raḥ ǀ
góbhiḥ sáṃnaddho asi vīḷáyasvāsthātā́ te jayatu jétvāni ǁ
Samhita Transcription Nonaccented
vanaspate vīḍvaṅgo hi bhūyā asmatsakhā prataraṇaḥ suvīraḥ ǀ
gobhiḥ saṃnaddho asi vīḷayasvāsthātā te jayatu jetvāni ǁ
Padapatha Devanagari Accented
वन॑स्पते । वी॒ळुऽअ॑ङ्गः । हि । भू॒याः । अ॒स्मत्ऽस॑खा । प्र॒ऽतर॑णः । सु॒ऽवीरः॑ ।
गोभिः॑ । सम्ऽन॑द्धः । अ॒सि॒ । वी॒ळय॑स्व । आ॒ऽस्था॒ता । ते॒ । ज॒य॒तु॒ । जेत्वा॑नि ॥
Padapatha Devanagari Nonaccented
वनस्पते । वीळुऽअङ्गः । हि । भूयाः । अस्मत्ऽसखा । प्रऽतरणः । सुऽवीरः ।
गोभिः । सम्ऽनद्धः । असि । वीळयस्व । आऽस्थाता । ते । जयतु । जेत्वानि ॥
Padapatha Transcription Accented
vánaspate ǀ vīḷú-aṅgaḥ ǀ hí ǀ bhūyā́ḥ ǀ asmát-sakhā ǀ pra-táraṇaḥ ǀ su-vī́raḥ ǀ
góbhiḥ ǀ sám-naddhaḥ ǀ asi ǀ vīḷáyasva ǀ ā-sthātā́ ǀ te ǀ jayatu ǀ jétvāni ǁ
Padapatha Transcription Nonaccented
vanaspate ǀ vīḷu-aṅgaḥ ǀ hi ǀ bhūyāḥ ǀ asmat-sakhā ǀ pra-taraṇaḥ ǀ su-vīraḥ ǀ
gobhiḥ ǀ sam-naddhaḥ ǀ asi ǀ vīḷayasva ǀ ā-sthātā ǀ te ǀ jayatu ǀ jetvāni ǁ
06.047.27 (Mandala. Sukta. Rik)
4.7.35.02 (Ashtaka. Adhyaya. Varga. Rik)
06.04.098 (Mandala. Anuvāka. Rik)
Samhita Devanagari Accented
दि॒वस्पृ॑थि॒व्याः पर्योज॒ उद्भृ॑तं॒ वन॒स्पति॑भ्यः॒ पर्याभृ॑तं॒ सहः॑ ।
अ॒पामो॒ज्मानं॒ परि॒ गोभि॒रावृ॑त॒मिंद्र॑स्य॒ वज्रं॑ ह॒विषा॒ रथं॑ यज ॥
Samhita Devanagari Nonaccented
दिवस्पृथिव्याः पर्योज उद्भृतं वनस्पतिभ्यः पर्याभृतं सहः ।
अपामोज्मानं परि गोभिरावृतमिंद्रस्य वज्रं हविषा रथं यज ॥
Samhita Transcription Accented
diváspṛthivyā́ḥ páryója údbhṛtam vánaspátibhyaḥ páryā́bhṛtam sáhaḥ ǀ
apā́mojmā́nam pári góbhirā́vṛtamíndrasya vájram havíṣā rátham yaja ǁ
Samhita Transcription Nonaccented
divaspṛthivyāḥ paryoja udbhṛtam vanaspatibhyaḥ paryābhṛtam sahaḥ ǀ
apāmojmānam pari gobhirāvṛtamindrasya vajram haviṣā ratham yaja ǁ
Padapatha Devanagari Accented
दि॒वः । पृ॒थि॒व्याः । परि॑ । ओजः॑ । उत्ऽभृ॑तम् । वन॒स्पति॑ऽभ्यः । परि॑ । आऽभृ॑तम् । सहः॑ ।
अ॒पाम् । ओ॒ज्मान॑म् । परि॑ । गोभिः॑ । आऽवृ॑तम् । इन्द्र॑स्य । वज्र॑म् । ह॒विषा॑ । रथ॑म् । य॒ज॒ ॥
Padapatha Devanagari Nonaccented
दिवः । पृथिव्याः । परि । ओजः । उत्ऽभृतम् । वनस्पतिऽभ्यः । परि । आऽभृतम् । सहः ।
अपाम् । ओज्मानम् । परि । गोभिः । आऽवृतम् । इन्द्रस्य । वज्रम् । हविषा । रथम् । यज ॥
Padapatha Transcription Accented
diváḥ ǀ pṛthivyā́ḥ ǀ pári ǀ ójaḥ ǀ út-bhṛtam ǀ vánaspáti-bhyaḥ ǀ pári ǀ ā́-bhṛtam ǀ sáhaḥ ǀ
apā́m ǀ ojmā́nam ǀ pári ǀ góbhiḥ ǀ ā́-vṛtam ǀ índrasya ǀ vájram ǀ havíṣā ǀ rátham ǀ yaja ǁ
Padapatha Transcription Nonaccented
divaḥ ǀ pṛthivyāḥ ǀ pari ǀ ojaḥ ǀ ut-bhṛtam ǀ vanaspati-bhyaḥ ǀ pari ǀ ā-bhṛtam ǀ sahaḥ ǀ
apām ǀ ojmānam ǀ pari ǀ gobhiḥ ǀ ā-vṛtam ǀ indrasya ǀ vajram ǀ haviṣā ǀ ratham ǀ yaja ǁ
06.047.28 (Mandala. Sukta. Rik)
4.7.35.03 (Ashtaka. Adhyaya. Varga. Rik)
06.04.099 (Mandala. Anuvāka. Rik)
Samhita Devanagari Accented
इंद्र॑स्य॒ वज्रो॑ म॒रुता॒मनी॑कं मि॒त्रस्य॒ गर्भो॒ वरु॑णस्य॒ नाभिः॑ ।
सेमां नो॑ ह॒व्यदा॑तिं जुषा॒णो देव॑ रथ॒ प्रति॑ ह॒व्या गृ॑भाय ॥
Samhita Devanagari Nonaccented
इंद्रस्य वज्रो मरुतामनीकं मित्रस्य गर्भो वरुणस्य नाभिः ।
सेमां नो हव्यदातिं जुषाणो देव रथ प्रति हव्या गृभाय ॥
Samhita Transcription Accented
índrasya vájro marútāmánīkam mitrásya gárbho váruṇasya nā́bhiḥ ǀ
sémā́m no havyádātim juṣāṇó déva ratha práti havyā́ gṛbhāya ǁ
Samhita Transcription Nonaccented
indrasya vajro marutāmanīkam mitrasya garbho varuṇasya nābhiḥ ǀ
semām no havyadātim juṣāṇo deva ratha prati havyā gṛbhāya ǁ
Padapatha Devanagari Accented
इन्द्र॑स्य । वज्रः॑ । म॒रुता॑म् । अनी॑कम् । मि॒त्रस्य॑ । गर्भः॑ । वरु॑णस्य । नाभिः॑ ।
सः । इ॒माम् । नः॒ । ह॒व्यऽदा॑तिम् । जु॒षा॒णः । देव॑ । र॒थ॒ । प्रति॑ । ह॒व्या । गृ॒भा॒य॒ ॥
Padapatha Devanagari Nonaccented
इन्द्रस्य । वज्रः । मरुताम् । अनीकम् । मित्रस्य । गर्भः । वरुणस्य । नाभिः ।
सः । इमाम् । नः । हव्यऽदातिम् । जुषाणः । देव । रथ । प्रति । हव्या । गृभाय ॥
Padapatha Transcription Accented
índrasya ǀ vájraḥ ǀ marútām ǀ ánīkam ǀ mitrásya ǀ gárbhaḥ ǀ váruṇasya ǀ nā́bhiḥ ǀ
sáḥ ǀ imā́m ǀ naḥ ǀ havyá-dātim ǀ juṣāṇáḥ ǀ déva ǀ ratha ǀ práti ǀ havyā́ ǀ gṛbhāya ǁ
Padapatha Transcription Nonaccented
indrasya ǀ vajraḥ ǀ marutām ǀ anīkam ǀ mitrasya ǀ garbhaḥ ǀ varuṇasya ǀ nābhiḥ ǀ
saḥ ǀ imām ǀ naḥ ǀ havya-dātim ǀ juṣāṇaḥ ǀ deva ǀ ratha ǀ prati ǀ havyā ǀ gṛbhāya ǁ
06.047.29 (Mandala. Sukta. Rik)
4.7.35.04 (Ashtaka. Adhyaya. Varga. Rik)
06.04.100 (Mandala. Anuvāka. Rik)
Samhita Devanagari Accented
उप॑ श्वासय पृथि॒वीमु॒त द्यां पु॑रु॒त्रा ते॑ मनुतां॒ विष्ठि॑तं॒ जग॑त् ।
स दुं॑दुभे स॒जूरिंद्रे॑ण दे॒वैर्दू॒राद्दवी॑यो॒ अप॑ सेध॒ शत्रू॑न् ॥
Samhita Devanagari Nonaccented
उप श्वासय पृथिवीमुत द्यां पुरुत्रा ते मनुतां विष्ठितं जगत् ।
स दुंदुभे सजूरिंद्रेण देवैर्दूराद्दवीयो अप सेध शत्रून् ॥
Samhita Transcription Accented
úpa śvāsaya pṛthivī́mutá dyā́m purutrā́ te manutām víṣṭhitam jágat ǀ
sá dundubhe sajū́ríndreṇa deváirdūrā́ddávīyo ápa sedha śátrūn ǁ
Samhita Transcription Nonaccented
upa śvāsaya pṛthivīmuta dyām purutrā te manutām viṣṭhitam jagat ǀ
sa dundubhe sajūrindreṇa devairdūrāddavīyo apa sedha śatrūn ǁ
Padapatha Devanagari Accented
उप॑ । श्वा॒स॒य॒ । पृ॒थि॒वीम् । उ॒त । द्याम् । पु॒रु॒ऽत्रा । ते॒ । म॒नु॒ता॒म् । विऽस्थि॑तम् । जग॑त् ।
सः । दु॒न्दु॒भे॒ । स॒ऽजूः । इन्द्रे॑ण । दे॒वैः । दू॒रात् । दवी॑यः । अप॑ । से॒ध॒ । शत्रू॑न् ॥
Padapatha Devanagari Nonaccented
उप । श्वासय । पृथिवीम् । उत । द्याम् । पुरुऽत्रा । ते । मनुताम् । विऽस्थितम् । जगत् ।
सः । दुन्दुभे । सऽजूः । इन्द्रेण । देवैः । दूरात् । दवीयः । अप । सेध । शत्रून् ॥
Padapatha Transcription Accented
úpa ǀ śvāsaya ǀ pṛthivī́m ǀ utá ǀ dyā́m ǀ puru-trā́ ǀ te ǀ manutām ǀ ví-sthitam ǀ jágat ǀ
sáḥ ǀ dundubhe ǀ sa-jū́ḥ ǀ índreṇa ǀ deváiḥ ǀ dūrā́t ǀ dávīyaḥ ǀ ápa ǀ sedha ǀ śátrūn ǁ
Padapatha Transcription Nonaccented
upa ǀ śvāsaya ǀ pṛthivīm ǀ uta ǀ dyām ǀ puru-trā ǀ te ǀ manutām ǀ vi-sthitam ǀ jagat ǀ
saḥ ǀ dundubhe ǀ sa-jūḥ ǀ indreṇa ǀ devaiḥ ǀ dūrāt ǀ davīyaḥ ǀ apa ǀ sedha ǀ śatrūn ǁ
06.047.30 (Mandala. Sukta. Rik)
4.7.35.05 (Ashtaka. Adhyaya. Varga. Rik)
06.04.101 (Mandala. Anuvāka. Rik)
Samhita Devanagari Accented
आ क्रं॑दय॒ बल॒मोजो॑ न॒ आ धा॒ निः ष्ट॑निहि दुरि॒ता बाध॑मानः ।
अप॑ प्रोथ दुंदुभे दु॒च्छुना॑ इ॒त इंद्र॑स्य मु॒ष्टिर॑सि वी॒ळय॑स्व ॥
Samhita Devanagari Nonaccented
आ क्रंदय बलमोजो न आ धा निः ष्टनिहि दुरिता बाधमानः ।
अप प्रोथ दुंदुभे दुच्छुना इत इंद्रस्य मुष्टिरसि वीळयस्व ॥
Samhita Transcription Accented
ā́ krandaya bálamójo na ā́ dhā níḥ ṣṭanihi duritā́ bā́dhamānaḥ ǀ
ápa protha dundubhe ducchúnā itá índrasya muṣṭírasi vīḷáyasva ǁ
Samhita Transcription Nonaccented
ā krandaya balamojo na ā dhā niḥ ṣṭanihi duritā bādhamānaḥ ǀ
apa protha dundubhe ducchunā ita indrasya muṣṭirasi vīḷayasva ǁ
Padapatha Devanagari Accented
आ । क्र॒न्द॒य॒ । बल॑म् । ओजः॑ । नः॒ । आ । धाः॒ । निः । स्त॒नि॒हि॒ । दुः॒ऽइ॒ता । बाध॑मानः ।
अप॑ । प्रो॒थ॒ । दु॒न्दु॒भे॒ । दु॒च्छुनाः॑ । इ॒तः । इन्द्र॑स्य । मु॒ष्टिः । अ॒सि॒ । वी॒ळय॑स्व ॥
Padapatha Devanagari Nonaccented
आ । क्रन्दय । बलम् । ओजः । नः । आ । धाः । निः । स्तनिहि । दुःऽइता । बाधमानः ।
अप । प्रोथ । दुन्दुभे । दुच्छुनाः । इतः । इन्द्रस्य । मुष्टिः । असि । वीळयस्व ॥
Padapatha Transcription Accented
ā́ ǀ krandaya ǀ bálam ǀ ójaḥ ǀ naḥ ǀ ā́ ǀ dhāḥ ǀ níḥ ǀ stanihi ǀ duḥ-itā́ ǀ bā́dhamānaḥ ǀ
ápa ǀ protha ǀ dundubhe ǀ ducchúnāḥ ǀ itáḥ ǀ índrasya ǀ muṣṭíḥ ǀ asi ǀ vīḷáyasva ǁ
Padapatha Transcription Nonaccented
ā ǀ krandaya ǀ balam ǀ ojaḥ ǀ naḥ ǀ ā ǀ dhāḥ ǀ niḥ ǀ stanihi ǀ duḥ-itā ǀ bādhamānaḥ ǀ
apa ǀ protha ǀ dundubhe ǀ ducchunāḥ ǀ itaḥ ǀ indrasya ǀ muṣṭiḥ ǀ asi ǀ vīḷayasva ǁ
06.047.31 (Mandala. Sukta. Rik)
4.7.35.06 (Ashtaka. Adhyaya. Varga. Rik)
06.04.102 (Mandala. Anuvāka. Rik)
Samhita Devanagari Accented
आमूर॑ज प्र॒त्याव॑र्तये॒माः के॑तु॒मद्दुं॑दु॒भिर्वा॑वदीति ।
समश्व॑पर्णा॒श्चरं॑ति नो॒ नरो॒ऽस्माक॑मिंद्र र॒थिनो॑ जयंतु ॥
Samhita Devanagari Nonaccented
आमूरज प्रत्यावर्तयेमाः केतुमद्दुंदुभिर्वावदीति ।
समश्वपर्णाश्चरंति नो नरोऽस्माकमिंद्र रथिनो जयंतु ॥
Samhita Transcription Accented
ā́mū́raja pratyā́vartayemā́ḥ ketumáddundubhírvāvadīti ǀ
sámáśvaparṇāścáranti no náro’smā́kamindra rathíno jayantu ǁ
Samhita Transcription Nonaccented
āmūraja pratyāvartayemāḥ ketumaddundubhirvāvadīti ǀ
samaśvaparṇāścaranti no naro’smākamindra rathino jayantu ǁ
Padapatha Devanagari Accented
आ । अ॒मूः । अ॒ज॒ । प्र॒ति॒ऽआव॑र्तय । इ॒माः । के॒तु॒ऽमत् । दु॒न्दु॒भिः । वा॒व॒दी॒ति॒ ।
सम् । अश्व॑ऽपर्णाः । चर॑न्ति । नः॒ । नरः॑ । अ॒स्माक॑म् । इ॒न्द्र॒ । र॒थिनः॑ । ज॒य॒न्तु॒ ॥
Padapatha Devanagari Nonaccented
आ । अमूः । अज । प्रतिऽआवर्तय । इमाः । केतुऽमत् । दुन्दुभिः । वावदीति ।
सम् । अश्वऽपर्णाः । चरन्ति । नः । नरः । अस्माकम् । इन्द्र । रथिनः । जयन्तु ॥
Padapatha Transcription Accented
ā́ ǀ amū́ḥ ǀ aja ǀ prati-ā́vartaya ǀ imā́ḥ ǀ ketu-mát ǀ dundubhíḥ ǀ vāvadīti ǀ
sám ǀ áśva-parṇāḥ ǀ cáranti ǀ naḥ ǀ náraḥ ǀ asmā́kam ǀ indra ǀ rathínaḥ ǀ jayantu ǁ
Padapatha Transcription Nonaccented
ā ǀ amūḥ ǀ aja ǀ prati-āvartaya ǀ imāḥ ǀ ketu-mat ǀ dundubhiḥ ǀ vāvadīti ǀ
sam ǀ aśva-parṇāḥ ǀ caranti ǀ naḥ ǀ naraḥ ǀ asmākam ǀ indra ǀ rathinaḥ ǀ jayantu ǁ