|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 59
|
1. Info |
| To: | agni, indra | |
| From: | bharadvāja bārhaspatya | |
| Metres: | 1st set of styles: nicṛdbṛhatī (1, 3-5); bhuriganuṣṭup (6, 7, 9); virāḍabṛhatī (2); uṣṇik (8); anuṣṭup (10) 2nd set of styles: bṛhatī (1-6); anuṣṭubh (7-10) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.059.01 (Mandala. Sukta. Rik)
4.8.25.01 (Ashtaka. Adhyaya. Varga. Rik)
06.05.091 (Mandala. Anuvāka. Rik)
Samhita Devanagari Accented
प्र नु वो॑चा सु॒तेषु॑ वां वी॒र्या॒३॒॑ यानि॑ च॒क्रथुः॑ ।
ह॒तासो॑ वां पि॒तरो॑ दे॒वश॑त्रव॒ इंद्रा॑ग्नी॒ जीव॑थो यु॒वं ॥
Samhita Devanagari Nonaccented
प्र नु वोचा सुतेषु वां वीर्या यानि चक्रथुः ।
हतासो वां पितरो देवशत्रव इंद्राग्नी जीवथो युवं ॥
Samhita Transcription Accented
prá nú vocā sutéṣu vām vīryā́ yā́ni cakráthuḥ ǀ
hatā́so vām pitáro deváśatrava índrāgnī jī́vatho yuvám ǁ
Samhita Transcription Nonaccented
pra nu vocā suteṣu vām vīryā yāni cakrathuḥ ǀ
hatāso vām pitaro devaśatrava indrāgnī jīvatho yuvam ǁ
Padapatha Devanagari Accented
प्र । नु । वो॒च॒ । सु॒तेषु॑ । वा॒म् । वी॒र्या॑ । यानि॑ । च॒क्रथुः॑ ।
ह॒तासः॑ । वा॒म् । पि॒तरः॑ । दे॒वऽश॑त्रवः । इन्द्रा॑ग्नी॒ इति॑ । जीव॑थः । यु॒वम् ॥
Padapatha Devanagari Nonaccented
प्र । नु । वोच । सुतेषु । वाम् । वीर्या । यानि । चक्रथुः ।
हतासः । वाम् । पितरः । देवऽशत्रवः । इन्द्राग्नी इति । जीवथः । युवम् ॥
Padapatha Transcription Accented
prá ǀ nú ǀ voca ǀ sutéṣu ǀ vām ǀ vīryā́ ǀ yā́ni ǀ cakráthuḥ ǀ
hatā́saḥ ǀ vām ǀ pitáraḥ ǀ devá-śatravaḥ ǀ índrāgnī íti ǀ jī́vathaḥ ǀ yuvám ǁ
Padapatha Transcription Nonaccented
pra ǀ nu ǀ voca ǀ suteṣu ǀ vām ǀ vīryā ǀ yāni ǀ cakrathuḥ ǀ
hatāsaḥ ǀ vām ǀ pitaraḥ ǀ deva-śatravaḥ ǀ indrāgnī iti ǀ jīvathaḥ ǀ yuvam ǁ
06.059.02 (Mandala. Sukta. Rik)
4.8.25.02 (Ashtaka. Adhyaya. Varga. Rik)
06.05.092 (Mandala. Anuvāka. Rik)
Samhita Devanagari Accented
बळि॒त्था म॑हि॒मा वा॒मिंद्रा॑ग्नी॒ पनि॑ष्ठ॒ आ ।
स॒मा॒नो वां॑ जनि॒ता भ्रात॑रा यु॒वं य॒मावि॒हेह॑मातरा ॥
Samhita Devanagari Nonaccented
बळित्था महिमा वामिंद्राग्नी पनिष्ठ आ ।
समानो वां जनिता भ्रातरा युवं यमाविहेहमातरा ॥
Samhita Transcription Accented
báḷitthā́ mahimā́ vāmíndrāgnī pániṣṭha ā́ ǀ
samānó vām janitā́ bhrā́tarā yuvám yamā́vihéhamātarā ǁ
Samhita Transcription Nonaccented
baḷitthā mahimā vāmindrāgnī paniṣṭha ā ǀ
samāno vām janitā bhrātarā yuvam yamāvihehamātarā ǁ
Padapatha Devanagari Accented
बट् । इ॒त्था । म॒हि॒मा । वा॒म् । इन्द्रा॑ग्नी॒ इति॑ । पनि॑ष्ठः । आ ।
स॒मा॒नः । वा॒म् । ज॒नि॒ता । भ्रात॑रा । यु॒वम् । य॒मौ । इ॒हेह॑ऽमातरा ॥
Padapatha Devanagari Nonaccented
बट् । इत्था । महिमा । वाम् । इन्द्राग्नी इति । पनिष्ठः । आ ।
समानः । वाम् । जनिता । भ्रातरा । युवम् । यमौ । इहेहऽमातरा ॥
Padapatha Transcription Accented
báṭ ǀ itthā́ ǀ mahimā́ ǀ vām ǀ índrāgnī íti ǀ pániṣṭhaḥ ǀ ā́ ǀ
samānáḥ ǀ vām ǀ janitā́ ǀ bhrā́tarā ǀ yuvám ǀ yamáu ǀ ihéha-mātarā ǁ
Padapatha Transcription Nonaccented
baṭ ǀ itthā ǀ mahimā ǀ vām ǀ indrāgnī iti ǀ paniṣṭhaḥ ǀ ā ǀ
samānaḥ ǀ vām ǀ janitā ǀ bhrātarā ǀ yuvam ǀ yamau ǀ iheha-mātarā ǁ
06.059.03 (Mandala. Sukta. Rik)
4.8.25.03 (Ashtaka. Adhyaya. Varga. Rik)
06.05.093 (Mandala. Anuvāka. Rik)
Samhita Devanagari Accented
ओ॒कि॒वांसा॑ सु॒ते सचाँ॒ अश्वा॒ सप्ती॑ इ॒वाद॑ने ।
इंद्रा॒ न्व१॒॑ग्नी अव॑से॒ह व॒ज्रिणा॑ व॒यं दे॒वा ह॑वामहे ॥
Samhita Devanagari Nonaccented
ओकिवांसा सुते सचाँ अश्वा सप्ती इवादने ।
इंद्रा न्वग्नी अवसेह वज्रिणा वयं देवा हवामहे ॥
Samhita Transcription Accented
okivā́ṃsā suté sácām̐ áśvā sáptī ivā́dane ǀ
índrā nvágnī́ ávasehá vajríṇā vayám devā́ havāmahe ǁ
Samhita Transcription Nonaccented
okivāṃsā sute sacām̐ aśvā saptī ivādane ǀ
indrā nvagnī avaseha vajriṇā vayam devā havāmahe ǁ
Padapatha Devanagari Accented
ओ॒कि॒ऽवांसा॑ । सु॒ते । सचा॑ । अश्वा॑ । सप्ती॑ इ॒वेति॒ सप्ती॑ऽइव । आद॑ने ।
इन्द्रा॑ । नु । अ॒ग्नी इति॑ । अव॑सा । इ॒ह । व॒ज्रिणा॑ । व॒यम् । दे॒वा । ह॒वा॒म॒हे॒ ॥
Padapatha Devanagari Nonaccented
ओकिऽवांसा । सुते । सचा । अश्वा । सप्ती इवेति सप्तीऽइव । आदने ।
इन्द्रा । नु । अग्नी इति । अवसा । इह । वज्रिणा । वयम् । देवा । हवामहे ॥
Padapatha Transcription Accented
oki-vā́ṃsā ǀ suté ǀ sácā ǀ áśvā ǀ sáptī ivéti sáptī-iva ǀ ā́dane ǀ
índrā ǀ nú ǀ agnī́ íti ǀ ávasā ǀ ihá ǀ vajríṇā ǀ vayám ǀ devā́ ǀ havāmahe ǁ
Padapatha Transcription Nonaccented
oki-vāṃsā ǀ sute ǀ sacā ǀ aśvā ǀ saptī iveti saptī-iva ǀ ādane ǀ
indrā ǀ nu ǀ agnī iti ǀ avasā ǀ iha ǀ vajriṇā ǀ vayam ǀ devā ǀ havāmahe ǁ
06.059.04 (Mandala. Sukta. Rik)
4.8.25.04 (Ashtaka. Adhyaya. Varga. Rik)
06.05.094 (Mandala. Anuvāka. Rik)
Samhita Devanagari Accented
य इं॑द्राग्नी सु॒तेषु॑ वां॒ स्तव॒त्तेष्वृ॑तावृधा ।
जो॒ष॒वा॒कं वद॑तः पज्रहोषिणा॒ न दे॑वा भ॒सथ॑श्च॒न ॥
Samhita Devanagari Nonaccented
य इंद्राग्नी सुतेषु वां स्तवत्तेष्वृतावृधा ।
जोषवाकं वदतः पज्रहोषिणा न देवा भसथश्चन ॥
Samhita Transcription Accented
yá indrāgnī sutéṣu vām stávattéṣvṛtāvṛdhā ǀ
joṣavākám vádataḥ pajrahoṣiṇā ná devā bhasáthaścaná ǁ
Samhita Transcription Nonaccented
ya indrāgnī suteṣu vām stavatteṣvṛtāvṛdhā ǀ
joṣavākam vadataḥ pajrahoṣiṇā na devā bhasathaścana ǁ
Padapatha Devanagari Accented
यः । इ॒न्द्रा॒ग्नी॒ इति॑ । सु॒तेषु॑ । वा॒म् । स्तव॑त् । तेषु॑ । ऋ॒त॒ऽवृ॒धा॒ ।
जो॒ष॒ऽवा॒कम् । वद॑तः । प॒ज्र॒ऽहो॒षि॒णा॒ । न । दे॒वा॒ । भ॒सथः॑ । च॒न ॥
Padapatha Devanagari Nonaccented
यः । इन्द्राग्नी इति । सुतेषु । वाम् । स्तवत् । तेषु । ऋतऽवृधा ।
जोषऽवाकम् । वदतः । पज्रऽहोषिणा । न । देवा । भसथः । चन ॥
Padapatha Transcription Accented
yáḥ ǀ indrāgnī íti ǀ sutéṣu ǀ vām ǀ stávat ǀ téṣu ǀ ṛta-vṛdhā ǀ
joṣa-vākám ǀ vádataḥ ǀ pajra-hoṣiṇā ǀ ná ǀ devā ǀ bhasáthaḥ ǀ caná ǁ
Padapatha Transcription Nonaccented
yaḥ ǀ indrāgnī iti ǀ suteṣu ǀ vām ǀ stavat ǀ teṣu ǀ ṛta-vṛdhā ǀ
joṣa-vākam ǀ vadataḥ ǀ pajra-hoṣiṇā ǀ na ǀ devā ǀ bhasathaḥ ǀ cana ǁ
06.059.05 (Mandala. Sukta. Rik)
4.8.25.05 (Ashtaka. Adhyaya. Varga. Rik)
06.05.095 (Mandala. Anuvāka. Rik)
Samhita Devanagari Accented
इंद्रा॑ग्नी॒ को अ॒स्य वां॒ देवौ॒ मर्त॑श्चिकेतति ।
विषू॑चो॒ अश्वा॑न्युयुजा॒न ई॑यत॒ एकः॑ समा॒न आ रथे॑ ॥
Samhita Devanagari Nonaccented
इंद्राग्नी को अस्य वां देवौ मर्तश्चिकेतति ।
विषूचो अश्वान्युयुजान ईयत एकः समान आ रथे ॥
Samhita Transcription Accented
índrāgnī kó asyá vām dévau mártaściketati ǀ
víṣūco áśvānyuyujāná īyata ékaḥ samāná ā́ ráthe ǁ
Samhita Transcription Nonaccented
indrāgnī ko asya vām devau martaściketati ǀ
viṣūco aśvānyuyujāna īyata ekaḥ samāna ā rathe ǁ
Padapatha Devanagari Accented
इन्द्रा॑ग्नी॒ इति॑ । कः । अ॒स्य । वा॒म् । देवौ॑ । मर्तः॑ । चि॒के॒त॒ति॒ ।
विषू॑चः । अश्वा॑न् । यु॒यु॒जा॒नः । ई॒य॒ते॒ । एकः॑ । स॒मा॒ने । आ । रथे॑ ॥
Padapatha Devanagari Nonaccented
इन्द्राग्नी इति । कः । अस्य । वाम् । देवौ । मर्तः । चिकेतति ।
विषूचः । अश्वान् । युयुजानः । ईयते । एकः । समाने । आ । रथे ॥
Padapatha Transcription Accented
índrāgnī íti ǀ káḥ ǀ asyá ǀ vām ǀ dévau ǀ mártaḥ ǀ ciketati ǀ
víṣūcaḥ ǀ áśvān ǀ yuyujānáḥ ǀ īyate ǀ ékaḥ ǀ samāné ǀ ā́ ǀ ráthe ǁ
Padapatha Transcription Nonaccented
indrāgnī iti ǀ kaḥ ǀ asya ǀ vām ǀ devau ǀ martaḥ ǀ ciketati ǀ
viṣūcaḥ ǀ aśvān ǀ yuyujānaḥ ǀ īyate ǀ ekaḥ ǀ samāne ǀ ā ǀ rathe ǁ
06.059.06 (Mandala. Sukta. Rik)
4.8.26.01 (Ashtaka. Adhyaya. Varga. Rik)
06.05.096 (Mandala. Anuvāka. Rik)
Samhita Devanagari Accented
इंद्रा॑ग्नी अ॒पादि॒यं पूर्वागा॑त्प॒द्वती॑भ्यः ।
हि॒त्वी शिरो॑ जि॒ह्वया॒ वाव॑द॒च्चर॑त्त्रिं॒शत्प॒दा न्य॑क्रमीत् ॥
Samhita Devanagari Nonaccented
इंद्राग्नी अपादियं पूर्वागात्पद्वतीभ्यः ।
हित्वी शिरो जिह्वया वावदच्चरत्त्रिंशत्पदा न्यक्रमीत् ॥
Samhita Transcription Accented
índrāgnī apā́diyám pū́rvā́gātpadvátībhyaḥ ǀ
hitvī́ śíro jihváyā vā́vadaccárattriṃśátpadā́ nyákramīt ǁ
Samhita Transcription Nonaccented
indrāgnī apādiyam pūrvāgātpadvatībhyaḥ ǀ
hitvī śiro jihvayā vāvadaccarattriṃśatpadā nyakramīt ǁ
Padapatha Devanagari Accented
इन्द्रा॑ग्नी॒ इति॑ । अ॒पात् । इ॒यम् । पूर्वा॑ । आ । अ॒गा॒त् । प॒त्ऽवती॑भ्यः ।
हि॒त्वी । शिरः॑ । जि॒ह्वया॑ । वाव॑दत् । चर॑त् । त्रिं॒शत् । प॒दा । नि । अ॒क्र॒मी॒त् ॥
Padapatha Devanagari Nonaccented
इन्द्राग्नी इति । अपात् । इयम् । पूर्वा । आ । अगात् । पत्ऽवतीभ्यः ।
हित्वी । शिरः । जिह्वया । वावदत् । चरत् । त्रिंशत् । पदा । नि । अक्रमीत् ॥
Padapatha Transcription Accented
índrāgnī íti ǀ apā́t ǀ iyám ǀ pū́rvā ǀ ā́ ǀ agāt ǀ pat-vátībhyaḥ ǀ
hitvī́ ǀ śíraḥ ǀ jihváyā ǀ vā́vadat ǀ cárat ǀ triṃśát ǀ padā́ ǀ ní ǀ akramīt ǁ
Padapatha Transcription Nonaccented
indrāgnī iti ǀ apāt ǀ iyam ǀ pūrvā ǀ ā ǀ agāt ǀ pat-vatībhyaḥ ǀ
hitvī ǀ śiraḥ ǀ jihvayā ǀ vāvadat ǀ carat ǀ triṃśat ǀ padā ǀ ni ǀ akramīt ǁ
06.059.07 (Mandala. Sukta. Rik)
4.8.26.02 (Ashtaka. Adhyaya. Varga. Rik)
06.05.097 (Mandala. Anuvāka. Rik)
Samhita Devanagari Accented
इंद्रा॑ग्नी॒ आ हि त॑न्व॒ते नरो॒ धन्वा॑नि बा॒ह्वोः ।
मा नो॑ अ॒स्मिन्म॑हाध॒ने परा॑ वर्क्तं॒ गवि॑ष्टिषु ॥
Samhita Devanagari Nonaccented
इंद्राग्नी आ हि तन्वते नरो धन्वानि बाह्वोः ।
मा नो अस्मिन्महाधने परा वर्क्तं गविष्टिषु ॥
Samhita Transcription Accented
índrāgnī ā́ hí tanvaté náro dhánvāni bāhvóḥ ǀ
mā́ no asmínmahādhané párā varktam gáviṣṭiṣu ǁ
Samhita Transcription Nonaccented
indrāgnī ā hi tanvate naro dhanvāni bāhvoḥ ǀ
mā no asminmahādhane parā varktam gaviṣṭiṣu ǁ
Padapatha Devanagari Accented
इन्द्रा॑ग्नी॒ इति॑ । आ । हि । त॒न्व॒ते । नरः॑ । धन्वा॑नि । बा॒ह्वोः ।
मा । नः॒ । अ॒स्मिन् । म॒हा॒ऽध॒ने । परा॑ । व॒र्क्त॒म् । गोऽइ॑ष्टिषु ॥
Padapatha Devanagari Nonaccented
इन्द्राग्नी इति । आ । हि । तन्वते । नरः । धन्वानि । बाह्वोः ।
मा । नः । अस्मिन् । महाऽधने । परा । वर्क्तम् । गोऽइष्टिषु ॥
Padapatha Transcription Accented
índrāgnī íti ǀ ā́ ǀ hí ǀ tanvaté ǀ náraḥ ǀ dhánvāni ǀ bāhvóḥ ǀ
mā́ ǀ naḥ ǀ asmín ǀ mahā-dhané ǀ párā ǀ varktam ǀ gó-iṣṭiṣu ǁ
Padapatha Transcription Nonaccented
indrāgnī iti ǀ ā ǀ hi ǀ tanvate ǀ naraḥ ǀ dhanvāni ǀ bāhvoḥ ǀ
mā ǀ naḥ ǀ asmin ǀ mahā-dhane ǀ parā ǀ varktam ǀ go-iṣṭiṣu ǁ
06.059.08 (Mandala. Sukta. Rik)
4.8.26.03 (Ashtaka. Adhyaya. Varga. Rik)
06.05.098 (Mandala. Anuvāka. Rik)
Samhita Devanagari Accented
इंद्रा॑ग्नी॒ तपं॑ति मा॒घा अ॒र्यो अरा॑तयः ।
अप॒ द्वेषां॒स्या कृ॑तं युयु॒तं सूर्या॒दधि॑ ॥
Samhita Devanagari Nonaccented
इंद्राग्नी तपंति माघा अर्यो अरातयः ।
अप द्वेषांस्या कृतं युयुतं सूर्यादधि ॥
Samhita Transcription Accented
índrāgnī tápanti māghā́ aryó árātayaḥ ǀ
ápa dvéṣāṃsyā́ kṛtam yuyutám sū́ryādádhi ǁ
Samhita Transcription Nonaccented
indrāgnī tapanti māghā aryo arātayaḥ ǀ
apa dveṣāṃsyā kṛtam yuyutam sūryādadhi ǁ
Padapatha Devanagari Accented
इन्द्रा॑ग्नी॒ इति॑ । तप॑न्ति । मा॒ । अ॒घाः । अ॒र्यः । अरा॑तयः ।
अप॑ । द्वेषां॑सि । आ । कृ॒त॒म् । यु॒यु॒तम् । सूर्या॑त् । अधि॑ ॥
Padapatha Devanagari Nonaccented
इन्द्राग्नी इति । तपन्ति । मा । अघाः । अर्यः । अरातयः ।
अप । द्वेषांसि । आ । कृतम् । युयुतम् । सूर्यात् । अधि ॥
Padapatha Transcription Accented
índrāgnī íti ǀ tápanti ǀ mā ǀ aghā́ḥ ǀ aryáḥ ǀ árātayaḥ ǀ
ápa ǀ dvéṣāṃsi ǀ ā́ ǀ kṛtam ǀ yuyutám ǀ sū́ryāt ǀ ádhi ǁ
Padapatha Transcription Nonaccented
indrāgnī iti ǀ tapanti ǀ mā ǀ aghāḥ ǀ aryaḥ ǀ arātayaḥ ǀ
apa ǀ dveṣāṃsi ǀ ā ǀ kṛtam ǀ yuyutam ǀ sūryāt ǀ adhi ǁ
06.059.09 (Mandala. Sukta. Rik)
4.8.26.04 (Ashtaka. Adhyaya. Varga. Rik)
06.05.099 (Mandala. Anuvāka. Rik)
Samhita Devanagari Accented
इंद्रा॑ग्नी यु॒वोरपि॒ वसु॑ दि॒व्यानि॒ पार्थि॑वा ।
आ न॑ इ॒ह प्र य॑च्छतं र॒यिं वि॒श्वायु॑पोषसं ॥
Samhita Devanagari Nonaccented
इंद्राग्नी युवोरपि वसु दिव्यानि पार्थिवा ।
आ न इह प्र यच्छतं रयिं विश्वायुपोषसं ॥
Samhita Transcription Accented
índrāgnī yuvórápi vásu divyā́ni pā́rthivā ǀ
ā́ na ihá prá yacchatam rayím viśvā́yupoṣasam ǁ
Samhita Transcription Nonaccented
indrāgnī yuvorapi vasu divyāni pārthivā ǀ
ā na iha pra yacchatam rayim viśvāyupoṣasam ǁ
Padapatha Devanagari Accented
इन्द्रा॑ग्नी॒ इति॑ । यु॒वोः । अपि॑ । वसु॑ । दि॒व्यानि॑ । पार्थि॑वा ।
आ । नः॒ । इ॒ह । प्र । य॒च्छ॒त॒म् । र॒यिम् । वि॒श्वायु॑ऽपोषसम् ॥
Padapatha Devanagari Nonaccented
इन्द्राग्नी इति । युवोः । अपि । वसु । दिव्यानि । पार्थिवा ।
आ । नः । इह । प्र । यच्छतम् । रयिम् । विश्वायुऽपोषसम् ॥
Padapatha Transcription Accented
índrāgnī íti ǀ yuvóḥ ǀ ápi ǀ vásu ǀ divyā́ni ǀ pā́rthivā ǀ
ā́ ǀ naḥ ǀ ihá ǀ prá ǀ yacchatam ǀ rayím ǀ viśvā́yu-poṣasam ǁ
Padapatha Transcription Nonaccented
indrāgnī iti ǀ yuvoḥ ǀ api ǀ vasu ǀ divyāni ǀ pārthivā ǀ
ā ǀ naḥ ǀ iha ǀ pra ǀ yacchatam ǀ rayim ǀ viśvāyu-poṣasam ǁ
06.059.10 (Mandala. Sukta. Rik)
4.8.26.05 (Ashtaka. Adhyaya. Varga. Rik)
06.05.100 (Mandala. Anuvāka. Rik)
Samhita Devanagari Accented
इंद्रा॑ग्नी उक्थवाहसा॒ स्तोमे॑भिर्हवनश्रुता ।
विश्वा॑भिर्गी॒र्भिरा ग॑तम॒स्य सोम॑स्य पी॒तये॑ ॥
Samhita Devanagari Nonaccented
इंद्राग्नी उक्थवाहसा स्तोमेभिर्हवनश्रुता ।
विश्वाभिर्गीर्भिरा गतमस्य सोमस्य पीतये ॥
Samhita Transcription Accented
índrāgnī ukthavāhasā stómebhirhavanaśrutā ǀ
víśvābhirgīrbhírā́ gatamasyá sómasya pītáye ǁ
Samhita Transcription Nonaccented
indrāgnī ukthavāhasā stomebhirhavanaśrutā ǀ
viśvābhirgīrbhirā gatamasya somasya pītaye ǁ
Padapatha Devanagari Accented
इन्द्रा॑ग्नी॒ इति॑ । उ॒क्थ॒ऽवा॒ह॒सा॒ । स्तोमे॑भिः । ह॒व॒न॒ऽश्रु॒ता॒ ।
विश्वा॑भिः । गीः॒ऽभिः । आ । ग॒त॒म् । अ॒स्य । सोम॑स्य । पी॒तये॑ ॥
Padapatha Devanagari Nonaccented
इन्द्राग्नी इति । उक्थऽवाहसा । स्तोमेभिः । हवनऽश्रुता ।
विश्वाभिः । गीःऽभिः । आ । गतम् । अस्य । सोमस्य । पीतये ॥
Padapatha Transcription Accented
índrāgnī íti ǀ uktha-vāhasā ǀ stómebhiḥ ǀ havana-śrutā ǀ
víśvābhiḥ ǀ gīḥ-bhíḥ ǀ ā́ ǀ gatam ǀ asyá ǀ sómasya ǀ pītáye ǁ
Padapatha Transcription Nonaccented
indrāgnī iti ǀ uktha-vāhasā ǀ stomebhiḥ ǀ havana-śrutā ǀ
viśvābhiḥ ǀ gīḥ-bhiḥ ǀ ā ǀ gatam ǀ asya ǀ somasya ǀ pītaye ǁ