|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 62
|
1. Info |
| To: | aśvins | |
| From: | bharadvāja bārhaspatya | |
| Metres: | 1st set of styles: nicṛttriṣṭup (4, 6-8, 10); triṣṭup (5, 9, 11); bhurikpaṅkti (1, 2); virāṭtrisṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.062.01 (Mandala. Sukta. Rik)
5.1.01.01 (Ashtaka. Adhyaya. Varga. Rik)
06.06.001 (Mandala. Anuvāka. Rik)
Samhita Devanagari Accented
स्तु॒षे नरा॑ दि॒वो अ॒स्य प्र॒संता॒श्विना॑ हुवे॒ जर॑माणो अ॒र्कैः ।
या स॒द्य उ॒स्रा व्युषि॒ ज्मो अंता॒न्युयू॑षतः॒ पर्यु॒रू वरां॑सि ॥
Samhita Devanagari Nonaccented
स्तुषे नरा दिवो अस्य प्रसंताश्विना हुवे जरमाणो अर्कैः ।
या सद्य उस्रा व्युषि ज्मो अंतान्युयूषतः पर्युरू वरांसि ॥
Samhita Transcription Accented
stuṣé nárā divó asyá prasántāśvínā huve járamāṇo arkáiḥ ǀ
yā́ sadyá usrā́ vyúṣi jmó ántānyúyūṣataḥ páryurū́ várāṃsi ǁ
Samhita Transcription Nonaccented
stuṣe narā divo asya prasantāśvinā huve jaramāṇo arkaiḥ ǀ
yā sadya usrā vyuṣi jmo antānyuyūṣataḥ paryurū varāṃsi ǁ
Padapatha Devanagari Accented
स्तु॒षे । नरा॑ । दि॒वः । अ॒स्य । प्र॒ऽसन्ता॑ । अ॒श्विना॑ । हु॒वे॒ । जर॑माणः । अ॒र्कैः ।
या । स॒द्यः । उ॒स्रा । वि॒ऽउषि॑ । ज्मः । अन्ता॑न् । युयू॑षतः । परि॑ । उ॒रु । वरां॑सि ॥
Padapatha Devanagari Nonaccented
स्तुषे । नरा । दिवः । अस्य । प्रऽसन्ता । अश्विना । हुवे । जरमाणः । अर्कैः ।
या । सद्यः । उस्रा । विऽउषि । ज्मः । अन्तान् । युयूषतः । परि । उरु । वरांसि ॥
Padapatha Transcription Accented
stuṣé ǀ nárā ǀ diváḥ ǀ asyá ǀ pra-sántā ǀ aśvínā ǀ huve ǀ járamāṇaḥ ǀ arkáiḥ ǀ
yā́ ǀ sadyáḥ ǀ usrā́ ǀ vi-úṣi ǀ jmáḥ ǀ ántān ǀ yúyūṣataḥ ǀ pári ǀ urú ǀ várāṃsi ǁ
Padapatha Transcription Nonaccented
stuṣe ǀ narā ǀ divaḥ ǀ asya ǀ pra-santā ǀ aśvinā ǀ huve ǀ jaramāṇaḥ ǀ arkaiḥ ǀ
yā ǀ sadyaḥ ǀ usrā ǀ vi-uṣi ǀ jmaḥ ǀ antān ǀ yuyūṣataḥ ǀ pari ǀ uru ǀ varāṃsi ǁ
06.062.02 (Mandala. Sukta. Rik)
5.1.01.02 (Ashtaka. Adhyaya. Varga. Rik)
06.06.002 (Mandala. Anuvāka. Rik)
Samhita Devanagari Accented
ता य॒ज्ञमा शुचि॑भिश्चक्रमा॒णा रथ॑स्य भा॒नुं रु॑रुचू॒ रजो॑भिः ।
पु॒रू वरां॒स्यमि॑ता॒ मिमा॑ना॒पो धन्वा॒न्यति॑ याथो॒ अज्रा॑न् ॥
Samhita Devanagari Nonaccented
ता यज्ञमा शुचिभिश्चक्रमाणा रथस्य भानुं रुरुचू रजोभिः ।
पुरू वरांस्यमिता मिमानापो धन्वान्यति याथो अज्रान् ॥
Samhita Transcription Accented
tā́ yajñámā́ śúcibhiścakramāṇā́ ráthasya bhānúm rurucū rájobhiḥ ǀ
purū́ várāṃsyámitā mímānāpó dhánvānyáti yātho ájrān ǁ
Samhita Transcription Nonaccented
tā yajñamā śucibhiścakramāṇā rathasya bhānum rurucū rajobhiḥ ǀ
purū varāṃsyamitā mimānāpo dhanvānyati yātho ajrān ǁ
Padapatha Devanagari Accented
ता । य॒ज्ञम् । आ । शुचि॑ऽभिः । च॒क्र॒मा॒णा । रथ॑स्य । भा॒नुम् । रु॒रु॒चुः॒ । रजः॑ऽभिः ।
पु॒रु । वरां॑सि । अमि॑ता । मिमा॑ना । अ॒पः । धन्वा॑नि । अति॑ । या॒थः॒ । अज्रा॑न् ॥
Padapatha Devanagari Nonaccented
ता । यज्ञम् । आ । शुचिऽभिः । चक्रमाणा । रथस्य । भानुम् । रुरुचुः । रजःऽभिः ।
पुरु । वरांसि । अमिता । मिमाना । अपः । धन्वानि । अति । याथः । अज्रान् ॥
Padapatha Transcription Accented
tā́ ǀ yajñám ǀ ā́ ǀ śúci-bhiḥ ǀ cakramāṇā́ ǀ ráthasya ǀ bhānúm ǀ rurucuḥ ǀ rájaḥ-bhiḥ ǀ
purú ǀ várāṃsi ǀ ámitā ǀ mímānā ǀ apáḥ ǀ dhánvāni ǀ áti ǀ yāthaḥ ǀ ájrān ǁ
Padapatha Transcription Nonaccented
tā ǀ yajñam ǀ ā ǀ śuci-bhiḥ ǀ cakramāṇā ǀ rathasya ǀ bhānum ǀ rurucuḥ ǀ rajaḥ-bhiḥ ǀ
puru ǀ varāṃsi ǀ amitā ǀ mimānā ǀ apaḥ ǀ dhanvāni ǀ ati ǀ yāthaḥ ǀ ajrān ǁ
06.062.03 (Mandala. Sukta. Rik)
5.1.01.03 (Ashtaka. Adhyaya. Varga. Rik)
06.06.003 (Mandala. Anuvāka. Rik)
Samhita Devanagari Accented
ता ह॒ त्यद्व॒र्तिर्यदर॑ध्रमुग्रे॒त्था धिय॑ ऊहथुः॒ शश्व॒दश्वैः॑ ।
मनो॑जवेभिरिषि॒रैः श॒यध्यै॒ परि॒ व्यथि॑र्दा॒शुषो॒ मर्त्य॑स्य ॥
Samhita Devanagari Nonaccented
ता ह त्यद्वर्तिर्यदरध्रमुग्रेत्था धिय ऊहथुः शश्वदश्वैः ।
मनोजवेभिरिषिरैः शयध्यै परि व्यथिर्दाशुषो मर्त्यस्य ॥
Samhita Transcription Accented
tā́ ha tyádvartíryádáradhramugretthā́ dhíya ūhathuḥ śáśvadáśvaiḥ ǀ
mánojavebhiriṣiráiḥ śayádhyai pári vyáthirdāśúṣo mártyasya ǁ
Samhita Transcription Nonaccented
tā ha tyadvartiryadaradhramugretthā dhiya ūhathuḥ śaśvadaśvaiḥ ǀ
manojavebhiriṣiraiḥ śayadhyai pari vyathirdāśuṣo martyasya ǁ
Padapatha Devanagari Accented
ता । ह॒ । त्यत् । व॒र्तिः । यत् । अर॑ध्रम् । उ॒ग्रा॒ । इ॒त्था । धियः॑ । ऊ॒ह॒थुः॒ । शश्व॑त् । अश्वैः॑ ।
मनः॑ऽजवेभिः । इ॒षि॒रैः । श॒यध्यै॑ । परि॑ । व्यथिः॑ । दा॒शुषः॑ । मर्त्य॑स्य ॥
Padapatha Devanagari Nonaccented
ता । ह । त्यत् । वर्तिः । यत् । अरध्रम् । उग्रा । इत्था । धियः । ऊहथुः । शश्वत् । अश्वैः ।
मनःऽजवेभिः । इषिरैः । शयध्यै । परि । व्यथिः । दाशुषः । मर्त्यस्य ॥
Padapatha Transcription Accented
tā́ ǀ ha ǀ tyát ǀ vartíḥ ǀ yát ǀ áradhram ǀ ugrā ǀ itthā́ ǀ dhíyaḥ ǀ ūhathuḥ ǀ śáśvat ǀ áśvaiḥ ǀ
mánaḥ-javebhiḥ ǀ iṣiráiḥ ǀ śayádhyai ǀ pári ǀ vyáthiḥ ǀ dāśúṣaḥ ǀ mártyasya ǁ
Padapatha Transcription Nonaccented
tā ǀ ha ǀ tyat ǀ vartiḥ ǀ yat ǀ aradhram ǀ ugrā ǀ itthā ǀ dhiyaḥ ǀ ūhathuḥ ǀ śaśvat ǀ aśvaiḥ ǀ
manaḥ-javebhiḥ ǀ iṣiraiḥ ǀ śayadhyai ǀ pari ǀ vyathiḥ ǀ dāśuṣaḥ ǀ martyasya ǁ
06.062.04 (Mandala. Sukta. Rik)
5.1.01.04 (Ashtaka. Adhyaya. Varga. Rik)
06.06.004 (Mandala. Anuvāka. Rik)
Samhita Devanagari Accented
ता नव्य॑सो॒ जर॑माणस्य॒ मन्मोप॑ भूषतो युयुजा॒नस॑प्ती ।
शुभं॒ पृक्ष॒मिष॒मूर्जं॒ वहं॑ता॒ होता॑ यक्षत्प्र॒त्नो अ॒ध्रुग्युवा॑ना ॥
Samhita Devanagari Nonaccented
ता नव्यसो जरमाणस्य मन्मोप भूषतो युयुजानसप्ती ।
शुभं पृक्षमिषमूर्जं वहंता होता यक्षत्प्रत्नो अध्रुग्युवाना ॥
Samhita Transcription Accented
tā́ návyaso járamāṇasya mánmópa bhūṣato yuyujānásaptī ǀ
śúbham pṛ́kṣamíṣamū́rjam váhantā hótā yakṣatpratnó adhrúgyúvānā ǁ
Samhita Transcription Nonaccented
tā navyaso jaramāṇasya manmopa bhūṣato yuyujānasaptī ǀ
śubham pṛkṣamiṣamūrjam vahantā hotā yakṣatpratno adhrugyuvānā ǁ
Padapatha Devanagari Accented
ता । नव्य॑सः । जर॑माणस्य । मन्म॑ । उप॑ । भू॒ष॒तः॒ । यु॒यु॒जा॒नस॑प्ती॒ इति॑ यु॒यु॒जा॒नऽस॑प्ती ।
शुभ॑म् । पृक्ष॑म् । इष॑म् । ऊर्ज॑म् । वह॑न्ता । होता॑ । य॒क्ष॒त् । प्र॒त्नः । अ॒ध्रुक् । युवा॑ना ॥
Padapatha Devanagari Nonaccented
ता । नव्यसः । जरमाणस्य । मन्म । उप । भूषतः । युयुजानसप्ती इति युयुजानऽसप्ती ।
शुभम् । पृक्षम् । इषम् । ऊर्जम् । वहन्ता । होता । यक्षत् । प्रत्नः । अध्रुक् । युवाना ॥
Padapatha Transcription Accented
tā́ ǀ návyasaḥ ǀ járamāṇasya ǀ mánma ǀ úpa ǀ bhūṣataḥ ǀ yuyujānásaptī íti yuyujāná-saptī ǀ
śúbham ǀ pṛ́kṣam ǀ íṣam ǀ ū́rjam ǀ váhantā ǀ hótā ǀ yakṣat ǀ pratnáḥ ǀ adhrúk ǀ yúvānā ǁ
Padapatha Transcription Nonaccented
tā ǀ navyasaḥ ǀ jaramāṇasya ǀ manma ǀ upa ǀ bhūṣataḥ ǀ yuyujānasaptī iti yuyujāna-saptī ǀ
śubham ǀ pṛkṣam ǀ iṣam ǀ ūrjam ǀ vahantā ǀ hotā ǀ yakṣat ǀ pratnaḥ ǀ adhruk ǀ yuvānā ǁ
06.062.05 (Mandala. Sukta. Rik)
5.1.01.05 (Ashtaka. Adhyaya. Varga. Rik)
06.06.005 (Mandala. Anuvāka. Rik)
Samhita Devanagari Accented
ता व॒ल्गू द॒स्रा पु॑रु॒शाक॑तमा प्र॒त्ना नव्य॑सा॒ वच॒सा वि॑वासे ।
या शंस॑ते स्तुव॒ते शंभ॑विष्ठा बभू॒वतु॑र्गृण॒ते चि॒त्ररा॑ती ॥
Samhita Devanagari Nonaccented
ता वल्गू दस्रा पुरुशाकतमा प्रत्ना नव्यसा वचसा विवासे ।
या शंसते स्तुवते शंभविष्ठा बभूवतुर्गृणते चित्रराती ॥
Samhita Transcription Accented
tā́ valgū́ dasrā́ puruśā́katamā pratnā́ návyasā vácasā́ vivāse ǀ
yā́ śáṃsate stuvaté śámbhaviṣṭhā babhūváturgṛṇaté citrárātī ǁ
Samhita Transcription Nonaccented
tā valgū dasrā puruśākatamā pratnā navyasā vacasā vivāse ǀ
yā śaṃsate stuvate śambhaviṣṭhā babhūvaturgṛṇate citrarātī ǁ
Padapatha Devanagari Accented
ता । व॒ल्गू इति॑ । द॒स्रा । पु॒रु॒शाक॑ऽतमा । प्र॒त्ना । नव्य॑सा । वच॑सा । आ । वि॒वा॒से॒ ।
या । शंस॑ते । स्तु॒व॒ते । शम्ऽभ॑विष्ठा । ब॒भू॒वतुः॑ । गृ॒ण॒ते । चि॒त्ररा॑ती॒ इति॑ चि॒त्रऽरा॑ती ॥
Padapatha Devanagari Nonaccented
ता । वल्गू इति । दस्रा । पुरुशाकऽतमा । प्रत्ना । नव्यसा । वचसा । आ । विवासे ।
या । शंसते । स्तुवते । शम्ऽभविष्ठा । बभूवतुः । गृणते । चित्रराती इति चित्रऽराती ॥
Padapatha Transcription Accented
tā́ ǀ valgū́ íti ǀ dasrā́ ǀ puruśā́ka-tamā ǀ pratnā́ ǀ návyasā ǀ vácasā ǀ ā́ ǀ vivāse ǀ
yā́ ǀ śáṃsate ǀ stuvaté ǀ śám-bhaviṣṭhā ǀ babhūvátuḥ ǀ gṛṇaté ǀ citrárātī íti citrá-rātī ǁ
Padapatha Transcription Nonaccented
tā ǀ valgū iti ǀ dasrā ǀ puruśāka-tamā ǀ pratnā ǀ navyasā ǀ vacasā ǀ ā ǀ vivāse ǀ
yā ǀ śaṃsate ǀ stuvate ǀ śam-bhaviṣṭhā ǀ babhūvatuḥ ǀ gṛṇate ǀ citrarātī iti citra-rātī ǁ
06.062.06 (Mandala. Sukta. Rik)
5.1.02.01 (Ashtaka. Adhyaya. Varga. Rik)
06.06.006 (Mandala. Anuvāka. Rik)
Samhita Devanagari Accented
ता भु॒ज्युं विभि॑र॒द्भ्यः स॑मु॒द्रात्तुग्र॑स्य सू॒नुमू॑हथू॒ रजो॑भिः ।
अ॒रे॒णुभि॒र्योज॑नेभिर्भु॒जंता॑ पत॒त्रिभि॒रर्ण॑सो॒ निरु॒पस्था॑त् ॥
Samhita Devanagari Nonaccented
ता भुज्युं विभिरद्भ्यः समुद्रात्तुग्रस्य सूनुमूहथू रजोभिः ।
अरेणुभिर्योजनेभिर्भुजंता पतत्रिभिरर्णसो निरुपस्थात् ॥
Samhita Transcription Accented
tā́ bhujyúm víbhiradbhyáḥ samudrā́ttúgrasya sūnúmūhathū rájobhiḥ ǀ
areṇúbhiryójanebhirbhujántā patatríbhirárṇaso nírupásthāt ǁ
Samhita Transcription Nonaccented
tā bhujyum vibhiradbhyaḥ samudrāttugrasya sūnumūhathū rajobhiḥ ǀ
areṇubhiryojanebhirbhujantā patatribhirarṇaso nirupasthāt ǁ
Padapatha Devanagari Accented
ता । भु॒ज्युम् । विऽभिः॑ । अ॒त्ऽभ्यः । स॒मु॒द्रात् । तुग्र॑स्य । सू॒नुम् । ऊ॒ह॒थुः॒ । रजः॑ऽभिः ।
अ॒रे॒णुऽभिः॑ । योज॑नेभिः । भु॒जन्ता॑ । प॒त॒त्रिऽभिः॑ । अर्ण॑सः । निः । उ॒पऽस्था॑त् ॥
Padapatha Devanagari Nonaccented
ता । भुज्युम् । विऽभिः । अत्ऽभ्यः । समुद्रात् । तुग्रस्य । सूनुम् । ऊहथुः । रजःऽभिः ।
अरेणुऽभिः । योजनेभिः । भुजन्ता । पतत्रिऽभिः । अर्णसः । निः । उपऽस्थात् ॥
Padapatha Transcription Accented
tā́ ǀ bhujyúm ǀ ví-bhiḥ ǀ at-bhyáḥ ǀ samudrā́t ǀ túgrasya ǀ sūnúm ǀ ūhathuḥ ǀ rájaḥ-bhiḥ ǀ
areṇú-bhiḥ ǀ yójanebhiḥ ǀ bhujántā ǀ patatrí-bhiḥ ǀ árṇasaḥ ǀ níḥ ǀ upá-sthāt ǁ
Padapatha Transcription Nonaccented
tā ǀ bhujyum ǀ vi-bhiḥ ǀ at-bhyaḥ ǀ samudrāt ǀ tugrasya ǀ sūnum ǀ ūhathuḥ ǀ rajaḥ-bhiḥ ǀ
areṇu-bhiḥ ǀ yojanebhiḥ ǀ bhujantā ǀ patatri-bhiḥ ǀ arṇasaḥ ǀ niḥ ǀ upa-sthāt ǁ
06.062.07 (Mandala. Sukta. Rik)
5.1.02.02 (Ashtaka. Adhyaya. Varga. Rik)
06.06.007 (Mandala. Anuvāka. Rik)
Samhita Devanagari Accented
वि ज॒युषा॑ रथ्या यात॒मद्रिं॑ श्रु॒तं हवं॑ वृषणा वध्रिम॒त्याः ।
द॒श॒स्यंता॑ श॒यवे॑ पिप्यथु॒र्गामिति॑ च्यवाना सुम॒तिं भु॑रण्यू ॥
Samhita Devanagari Nonaccented
वि जयुषा रथ्या यातमद्रिं श्रुतं हवं वृषणा वध्रिमत्याः ।
दशस्यंता शयवे पिप्यथुर्गामिति च्यवाना सुमतिं भुरण्यू ॥
Samhita Transcription Accented
ví jayúṣā rathyā yātamádrim śrutám hávam vṛṣaṇā vadhrimatyā́ḥ ǀ
daśasyántā śayáve pipyathurgā́míti cyavānā sumatím bhuraṇyū ǁ
Samhita Transcription Nonaccented
vi jayuṣā rathyā yātamadrim śrutam havam vṛṣaṇā vadhrimatyāḥ ǀ
daśasyantā śayave pipyathurgāmiti cyavānā sumatim bhuraṇyū ǁ
Padapatha Devanagari Accented
वि । ज॒युषा॑ । र॒थ्या॒ । या॒त॒म् । अद्रि॑म् । श्रु॒तम् । हव॑म् । वृ॒ष॒णा॒ । व॒ध्रि॒ऽम॒त्याः ।
द॒श॒स्यन्ता॑ । श॒यवे॑ । पि॒प्य॒थुः॒ । गाम् । इति॑ । च्य॒वा॒ना॒ । सु॒ऽम॒तिम् । भु॒र॒ण्यू॒ इति॑ ॥
Padapatha Devanagari Nonaccented
वि । जयुषा । रथ्या । यातम् । अद्रिम् । श्रुतम् । हवम् । वृषणा । वध्रिऽमत्याः ।
दशस्यन्ता । शयवे । पिप्यथुः । गाम् । इति । च्यवाना । सुऽमतिम् । भुरण्यू इति ॥
Padapatha Transcription Accented
ví ǀ jayúṣā ǀ rathyā ǀ yātam ǀ ádrim ǀ śrutám ǀ hávam ǀ vṛṣaṇā ǀ vadhri-matyā́ḥ ǀ
daśasyántā ǀ śayáve ǀ pipyathuḥ ǀ gā́m ǀ íti ǀ cyavānā ǀ su-matím ǀ bhuraṇyū íti ǁ
Padapatha Transcription Nonaccented
vi ǀ jayuṣā ǀ rathyā ǀ yātam ǀ adrim ǀ śrutam ǀ havam ǀ vṛṣaṇā ǀ vadhri-matyāḥ ǀ
daśasyantā ǀ śayave ǀ pipyathuḥ ǀ gām ǀ iti ǀ cyavānā ǀ su-matim ǀ bhuraṇyū iti ǁ
06.062.08 (Mandala. Sukta. Rik)
5.1.02.03 (Ashtaka. Adhyaya. Varga. Rik)
06.06.008 (Mandala. Anuvāka. Rik)
Samhita Devanagari Accented
यद्रो॑दसी प्र॒दिवो॒ अस्ति॒ भूमा॒ हेळो॑ दे॒वाना॑मु॒त म॑र्त्य॒त्रा ।
तदा॑दित्या वसवो रुद्रियासो रक्षो॒युजे॒ तपु॑र॒घं द॑धात ॥
Samhita Devanagari Nonaccented
यद्रोदसी प्रदिवो अस्ति भूमा हेळो देवानामुत मर्त्यत्रा ।
तदादित्या वसवो रुद्रियासो रक्षोयुजे तपुरघं दधात ॥
Samhita Transcription Accented
yádrodasī pradívo ásti bhū́mā héḷo devā́nāmutá martyatrā́ ǀ
tádādityā vasavo rudriyāso rakṣoyúje tápuraghám dadhāta ǁ
Samhita Transcription Nonaccented
yadrodasī pradivo asti bhūmā heḷo devānāmuta martyatrā ǀ
tadādityā vasavo rudriyāso rakṣoyuje tapuragham dadhāta ǁ
Padapatha Devanagari Accented
यत् । रो॒द॒सी॒ इति॑ । प्र॒ऽदिवः॑ । अस्ति॑ । भूम॑ । हेळः॑ । दे॒वाना॑म् । उ॒त । म॒र्त्य॒ऽत्रा ।
तत् । आ॒दि॒त्याः॒ । व॒स॒वः॒ । रु॒द्रि॒या॒सः॒ । र॒क्षः॒ऽयुजे॑ । तपुः॑ । अ॒घम् । द॒धा॒त॒ ॥
Padapatha Devanagari Nonaccented
यत् । रोदसी इति । प्रऽदिवः । अस्ति । भूम । हेळः । देवानाम् । उत । मर्त्यऽत्रा ।
तत् । आदित्याः । वसवः । रुद्रियासः । रक्षःऽयुजे । तपुः । अघम् । दधात ॥
Padapatha Transcription Accented
yát ǀ rodasī íti ǀ pra-dívaḥ ǀ ásti ǀ bhū́ma ǀ héḷaḥ ǀ devā́nām ǀ utá ǀ martya-trā́ ǀ
tát ǀ ādityāḥ ǀ vasavaḥ ǀ rudriyāsaḥ ǀ rakṣaḥ-yúje ǀ tápuḥ ǀ aghám ǀ dadhāta ǁ
Padapatha Transcription Nonaccented
yat ǀ rodasī iti ǀ pra-divaḥ ǀ asti ǀ bhūma ǀ heḷaḥ ǀ devānām ǀ uta ǀ martya-trā ǀ
tat ǀ ādityāḥ ǀ vasavaḥ ǀ rudriyāsaḥ ǀ rakṣaḥ-yuje ǀ tapuḥ ǀ agham ǀ dadhāta ǁ
06.062.09 (Mandala. Sukta. Rik)
5.1.02.04 (Ashtaka. Adhyaya. Varga. Rik)
06.06.009 (Mandala. Anuvāka. Rik)
Samhita Devanagari Accented
य ईं॒ राजा॑नावृतु॒था वि॒दध॒द्रज॑सो मि॒त्रो वरु॑ण॒श्चिके॑तत् ।
गं॒भी॒राय॒ रक्ष॑से हे॒तिम॑स्य॒ द्रोघा॑य चि॒द्वच॑स॒ आन॑वाय ॥
Samhita Devanagari Nonaccented
य ईं राजानावृतुथा विदधद्रजसो मित्रो वरुणश्चिकेतत् ।
गंभीराय रक्षसे हेतिमस्य द्रोघाय चिद्वचस आनवाय ॥
Samhita Transcription Accented
yá īm rā́jānāvṛtuthā́ vidádhadrájaso mitró váruṇaścíketat ǀ
gambhīrā́ya rákṣase hetímasya dróghāya cidvácasa ā́navāya ǁ
Samhita Transcription Nonaccented
ya īm rājānāvṛtuthā vidadhadrajaso mitro varuṇaściketat ǀ
gambhīrāya rakṣase hetimasya droghāya cidvacasa ānavāya ǁ
Padapatha Devanagari Accented
यः । ई॒म् । राजा॑नौ । ऋ॒तु॒ऽथा । वि॒ऽदध॑त् । रज॑सः । मि॒त्रः । वरु॑णः । चिके॑तत् ।
ग॒म्भी॒राय॑ । रक्ष॑से । हे॒तिम् । अ॒स्य॒ । द्रोघा॑य । चि॒त् । वच॑से । आन॑वाय ॥
Padapatha Devanagari Nonaccented
यः । ईम् । राजानौ । ऋतुऽथा । विऽदधत् । रजसः । मित्रः । वरुणः । चिकेतत् ।
गम्भीराय । रक्षसे । हेतिम् । अस्य । द्रोघाय । चित् । वचसे । आनवाय ॥
Padapatha Transcription Accented
yáḥ ǀ īm ǀ rā́jānau ǀ ṛtu-thā́ ǀ vi-dádhat ǀ rájasaḥ ǀ mitráḥ ǀ váruṇaḥ ǀ cíketat ǀ
gambhīrā́ya ǀ rákṣase ǀ hetím ǀ asya ǀ dróghāya ǀ cit ǀ vácase ǀ ā́navāya ǁ
Padapatha Transcription Nonaccented
yaḥ ǀ īm ǀ rājānau ǀ ṛtu-thā ǀ vi-dadhat ǀ rajasaḥ ǀ mitraḥ ǀ varuṇaḥ ǀ ciketat ǀ
gambhīrāya ǀ rakṣase ǀ hetim ǀ asya ǀ droghāya ǀ cit ǀ vacase ǀ ānavāya ǁ
06.062.10 (Mandala. Sukta. Rik)
5.1.02.05 (Ashtaka. Adhyaya. Varga. Rik)
06.06.010 (Mandala. Anuvāka. Rik)
Samhita Devanagari Accented
अंत॑रैश्च॒क्रैस्तन॑याय व॒र्तिर्द्यु॒मता या॑तं नृ॒वता॒ रथे॑न ।
सनु॑त्येन॒ त्यज॑सा॒ मर्त्य॑स्य वनुष्य॒तामपि॑ शी॒र्षा व॑वृक्तं ॥
Samhita Devanagari Nonaccented
अंतरैश्चक्रैस्तनयाय वर्तिर्द्युमता यातं नृवता रथेन ।
सनुत्येन त्यजसा मर्त्यस्य वनुष्यतामपि शीर्षा ववृक्तं ॥
Samhita Transcription Accented
ántaraiścakráistánayāya vartírdyumátā́ yātam nṛvátā ráthena ǀ
sánutyena tyájasā mártyasya vanuṣyatā́mápi śīrṣā́ vavṛktam ǁ
Samhita Transcription Nonaccented
antaraiścakraistanayāya vartirdyumatā yātam nṛvatā rathena ǀ
sanutyena tyajasā martyasya vanuṣyatāmapi śīrṣā vavṛktam ǁ
Padapatha Devanagari Accented
अन्त॑रैः । च॒क्रैः । तन॑याय । व॒र्तिः । द्यु॒ऽमता॑ । आ । या॒त॒म् । नृ॒ऽवता॑ । रथे॑न ।
सनु॑त्येन । त्यज॑सा । मर्त्य॑स्य । व॒नु॒ष्य॒ताम् । अपि॑ । शी॒र्षा । व॒वृ॒क्त॒म् ॥
Padapatha Devanagari Nonaccented
अन्तरैः । चक्रैः । तनयाय । वर्तिः । द्युऽमता । आ । यातम् । नृऽवता । रथेन ।
सनुत्येन । त्यजसा । मर्त्यस्य । वनुष्यताम् । अपि । शीर्षा । ववृक्तम् ॥
Padapatha Transcription Accented
ántaraiḥ ǀ cakráiḥ ǀ tánayāya ǀ vartíḥ ǀ dyu-mátā ǀ ā́ ǀ yātam ǀ nṛ-vátā ǀ ráthena ǀ
sánutyena ǀ tyájasā ǀ mártyasya ǀ vanuṣyatā́m ǀ ápi ǀ śīrṣā́ ǀ vavṛktam ǁ
Padapatha Transcription Nonaccented
antaraiḥ ǀ cakraiḥ ǀ tanayāya ǀ vartiḥ ǀ dyu-matā ǀ ā ǀ yātam ǀ nṛ-vatā ǀ rathena ǀ
sanutyena ǀ tyajasā ǀ martyasya ǀ vanuṣyatām ǀ api ǀ śīrṣā ǀ vavṛktam ǁ
06.062.11 (Mandala. Sukta. Rik)
5.1.02.06 (Ashtaka. Adhyaya. Varga. Rik)
06.06.011 (Mandala. Anuvāka. Rik)
Samhita Devanagari Accented
आ प॑र॒माभि॑रु॒त म॑ध्य॒माभि॑र्नि॒युद्भि॑र्यातमव॒माभि॑र॒र्वाक् ।
दृ॒ळ्हस्य॑ चि॒द्गोम॑तो॒ वि व्र॒जस्य॒ दुरो॑ वर्तं गृण॒ते चि॑त्रराती ॥
Samhita Devanagari Nonaccented
आ परमाभिरुत मध्यमाभिर्नियुद्भिर्यातमवमाभिरर्वाक् ।
दृळ्हस्य चिद्गोमतो वि व्रजस्य दुरो वर्तं गृणते चित्रराती ॥
Samhita Transcription Accented
ā́ paramā́bhirutá madhyamā́bhirniyúdbhiryātamavamā́bhirarvā́k ǀ
dṛḷhásya cidgómato ví vrajásya dúro vartam gṛṇaté citrarātī ǁ
Samhita Transcription Nonaccented
ā paramābhiruta madhyamābhirniyudbhiryātamavamābhirarvāk ǀ
dṛḷhasya cidgomato vi vrajasya duro vartam gṛṇate citrarātī ǁ
Padapatha Devanagari Accented
आ । प॒र॒माभिः॑ । उ॒त । म॒ध्य॒माभिः॑ । नि॒युत्ऽभिः॑ । या॒त॒म् । अ॒व॒माभिः॑ । अ॒र्वाक् ।
दृ॒ळ्हस्य॑ । चि॒त् । गोऽम॑तः । वि । व्र॒जस्य॑ । दुरः॑ । व॒र्त॒म् । गृ॒ण॒ते । चि॒त्र॒रा॒ती॒ इति॑ चित्रऽराती ॥
Padapatha Devanagari Nonaccented
आ । परमाभिः । उत । मध्यमाभिः । नियुत्ऽभिः । यातम् । अवमाभिः । अर्वाक् ।
दृळ्हस्य । चित् । गोऽमतः । वि । व्रजस्य । दुरः । वर्तम् । गृणते । चित्रराती इति चित्रऽराती ॥
Padapatha Transcription Accented
ā́ ǀ paramā́bhiḥ ǀ utá ǀ madhyamā́bhiḥ ǀ niyút-bhiḥ ǀ yātam ǀ avamā́bhiḥ ǀ arvā́k ǀ
dṛḷhásya ǀ cit ǀ gó-mataḥ ǀ ví ǀ vrajásya ǀ dúraḥ ǀ vartam ǀ gṛṇaté ǀ citrarātī íti citra-rātī ǁ
Padapatha Transcription Nonaccented
ā ǀ paramābhiḥ ǀ uta ǀ madhyamābhiḥ ǀ niyut-bhiḥ ǀ yātam ǀ avamābhiḥ ǀ arvāk ǀ
dṛḷhasya ǀ cit ǀ go-mataḥ ǀ vi ǀ vrajasya ǀ duraḥ ǀ vartam ǀ gṛṇate ǀ citrarātī iti citra-rātī ǁ