|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 64
|
1. Info |
| To: | uṣas | |
| From: | bharadvāja bārhaspatya | |
| Metres: | 1st set of styles: virāṭtrisṭup (1, 2, 6); triṣṭup (3); nicṛttriṣṭup (4); paṅktiḥ (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.064.01 (Mandala. Sukta. Rik)
5.1.05.01 (Ashtaka. Adhyaya. Varga. Rik)
06.06.023 (Mandala. Anuvāka. Rik)
Samhita Devanagari Accented
उदु॑ श्रि॒य उ॒षसो॒ रोच॑माना॒ अस्थु॑र॒पां नोर्मयो॒ रुशं॑तः ।
कृ॒णोति॒ विश्वा॑ सु॒पथा॑ सु॒गान्यभू॑दु॒ वस्वी॒ दक्षि॑णा म॒घोनी॑ ॥
Samhita Devanagari Nonaccented
उदु श्रिय उषसो रोचमाना अस्थुरपां नोर्मयो रुशंतः ।
कृणोति विश्वा सुपथा सुगान्यभूदु वस्वी दक्षिणा मघोनी ॥
Samhita Transcription Accented
údu śriyá uṣáso rócamānā ásthurapā́m nórmáyo rúśantaḥ ǀ
kṛṇóti víśvā supáthā sugā́nyábhūdu vásvī dákṣiṇā maghónī ǁ
Samhita Transcription Nonaccented
udu śriya uṣaso rocamānā asthurapām normayo ruśantaḥ ǀ
kṛṇoti viśvā supathā sugānyabhūdu vasvī dakṣiṇā maghonī ǁ
Padapatha Devanagari Accented
उत् । ऊं॒ इति॑ । श्रि॒ये । उ॒षसः॑ । रोच॑मानाः । अस्थुः॑ । अ॒पाम् । न । ऊ॒र्मयः॑ । रुश॑न्तः ।
कृ॒णोति॑ । विश्वा॑ । सु॒ऽपथा॑ । सु॒ऽगानि॑ । अभू॑त् । ऊं॒ इति॑ । वस्वी॑ । दक्षि॑णा । म॒घोनी॑ ॥
Padapatha Devanagari Nonaccented
उत् । ऊं इति । श्रिये । उषसः । रोचमानाः । अस्थुः । अपाम् । न । ऊर्मयः । रुशन्तः ।
कृणोति । विश्वा । सुऽपथा । सुऽगानि । अभूत् । ऊं इति । वस्वी । दक्षिणा । मघोनी ॥
Padapatha Transcription Accented
út ǀ ūṃ íti ǀ śriyé ǀ uṣásaḥ ǀ rócamānāḥ ǀ ásthuḥ ǀ apā́m ǀ ná ǀ ūrmáyaḥ ǀ rúśantaḥ ǀ
kṛṇóti ǀ víśvā ǀ su-páthā ǀ su-gā́ni ǀ ábhūt ǀ ūṃ íti ǀ vásvī ǀ dákṣiṇā ǀ maghónī ǁ
Padapatha Transcription Nonaccented
ut ǀ ūṃ iti ǀ śriye ǀ uṣasaḥ ǀ rocamānāḥ ǀ asthuḥ ǀ apām ǀ na ǀ ūrmayaḥ ǀ ruśantaḥ ǀ
kṛṇoti ǀ viśvā ǀ su-pathā ǀ su-gāni ǀ abhūt ǀ ūṃ iti ǀ vasvī ǀ dakṣiṇā ǀ maghonī ǁ
06.064.02 (Mandala. Sukta. Rik)
5.1.05.02 (Ashtaka. Adhyaya. Varga. Rik)
06.06.024 (Mandala. Anuvāka. Rik)
Samhita Devanagari Accented
भ॒द्रा द॑दृक्ष उर्वि॒या वि भा॒स्युत्ते॑ शो॒चिर्भा॒नवो॒ द्याम॑पप्तन् ।
आ॒विर्वक्षः॑ कृणुषे शुं॒भमा॒नोषो॑ देवि॒ रोच॑माना॒ महो॑भिः ॥
Samhita Devanagari Nonaccented
भद्रा ददृक्ष उर्विया वि भास्युत्ते शोचिर्भानवो द्यामपप्तन् ।
आविर्वक्षः कृणुषे शुंभमानोषो देवि रोचमाना महोभिः ॥
Samhita Transcription Accented
bhadrā́ dadṛkṣa urviyā́ ví bhāsyútte śocírbhānávo dyā́mapaptan ǀ
āvírvákṣaḥ kṛṇuṣe śumbhámānóṣo devi rócamānā máhobhiḥ ǁ
Samhita Transcription Nonaccented
bhadrā dadṛkṣa urviyā vi bhāsyutte śocirbhānavo dyāmapaptan ǀ
āvirvakṣaḥ kṛṇuṣe śumbhamānoṣo devi rocamānā mahobhiḥ ǁ
Padapatha Devanagari Accented
भ॒द्रा । द॒दृ॒क्षे॒ । उ॒र्वि॒या । वि । भा॒सि॒ । उत् । ते॒ । शो॒चिः । भा॒नवः॑ । द्याम् । अ॒प॒प्त॒न् ।
आ॒विः । वक्षः॑ । कृ॒णु॒षे॒ । शु॒म्भमा॑ना । उषः॑ । दे॒वि॒ । रोच॑माना । महः॑ऽभिः ॥
Padapatha Devanagari Nonaccented
भद्रा । ददृक्षे । उर्विया । वि । भासि । उत् । ते । शोचिः । भानवः । द्याम् । अपप्तन् ।
आविः । वक्षः । कृणुषे । शुम्भमाना । उषः । देवि । रोचमाना । महःऽभिः ॥
Padapatha Transcription Accented
bhadrā́ ǀ dadṛkṣe ǀ urviyā́ ǀ ví ǀ bhāsi ǀ út ǀ te ǀ śocíḥ ǀ bhānávaḥ ǀ dyā́m ǀ apaptan ǀ
āvíḥ ǀ vákṣaḥ ǀ kṛṇuṣe ǀ śumbhámānā ǀ úṣaḥ ǀ devi ǀ rócamānā ǀ máhaḥ-bhiḥ ǁ
Padapatha Transcription Nonaccented
bhadrā ǀ dadṛkṣe ǀ urviyā ǀ vi ǀ bhāsi ǀ ut ǀ te ǀ śociḥ ǀ bhānavaḥ ǀ dyām ǀ apaptan ǀ
āviḥ ǀ vakṣaḥ ǀ kṛṇuṣe ǀ śumbhamānā ǀ uṣaḥ ǀ devi ǀ rocamānā ǀ mahaḥ-bhiḥ ǁ
06.064.03 (Mandala. Sukta. Rik)
5.1.05.03 (Ashtaka. Adhyaya. Varga. Rik)
06.06.025 (Mandala. Anuvāka. Rik)
Samhita Devanagari Accented
वहं॑ति सीमरु॒णासो॒ रुशं॑तो॒ गावः॑ सु॒भगा॑मुर्वि॒या प्र॑था॒नां ।
अपे॑जते॒ शूरो॒ अस्ते॑व॒ शत्रू॒न्बाध॑ते॒ तमो॑ अजि॒रो न वोळ्हा॑ ॥
Samhita Devanagari Nonaccented
वहंति सीमरुणासो रुशंतो गावः सुभगामुर्विया प्रथानां ।
अपेजते शूरो अस्तेव शत्रून्बाधते तमो अजिरो न वोळ्हा ॥
Samhita Transcription Accented
váhanti sīmaruṇā́so rúśanto gā́vaḥ subhágāmurviyā́ prathānā́m ǀ
ápejate śū́ro ásteva śátrūnbā́dhate támo ajiró ná vóḷhā ǁ
Samhita Transcription Nonaccented
vahanti sīmaruṇāso ruśanto gāvaḥ subhagāmurviyā prathānām ǀ
apejate śūro asteva śatrūnbādhate tamo ajiro na voḷhā ǁ
Padapatha Devanagari Accented
वह॑न्ति । सी॒म् । अ॒रु॒णासः॑ । रुश॑न्तः । गावः॑ । सु॒ऽभगा॑म् । उ॒र्वि॒या । प्र॒था॒नाम् ।
अप॑ । ई॒ज॒ते॒ । शूरः॑ । अस्ता॑ऽइव । शत्रू॑न् । बाध॑ते । तमः॑ । अ॒जि॒रः । न । वोळ्हा॑ ॥
Padapatha Devanagari Nonaccented
वहन्ति । सीम् । अरुणासः । रुशन्तः । गावः । सुऽभगाम् । उर्विया । प्रथानाम् ।
अप । ईजते । शूरः । अस्ताऽइव । शत्रून् । बाधते । तमः । अजिरः । न । वोळ्हा ॥
Padapatha Transcription Accented
váhanti ǀ sīm ǀ aruṇā́saḥ ǀ rúśantaḥ ǀ gā́vaḥ ǀ su-bhágām ǀ urviyā́ ǀ prathānā́m ǀ
ápa ǀ ījate ǀ śū́raḥ ǀ ástā-iva ǀ śátrūn ǀ bā́dhate ǀ támaḥ ǀ ajiráḥ ǀ ná ǀ vóḷhā ǁ
Padapatha Transcription Nonaccented
vahanti ǀ sīm ǀ aruṇāsaḥ ǀ ruśantaḥ ǀ gāvaḥ ǀ su-bhagām ǀ urviyā ǀ prathānām ǀ
apa ǀ ījate ǀ śūraḥ ǀ astā-iva ǀ śatrūn ǀ bādhate ǀ tamaḥ ǀ ajiraḥ ǀ na ǀ voḷhā ǁ
06.064.04 (Mandala. Sukta. Rik)
5.1.05.04 (Ashtaka. Adhyaya. Varga. Rik)
06.06.026 (Mandala. Anuvāka. Rik)
Samhita Devanagari Accented
सु॒गोत ते॑ सु॒पथा॒ पर्व॑तेष्ववा॒ते अ॒पस्त॑रसि स्वभानो ।
सा न॒ आ व॑ह पृथुयामन्नृष्वे र॒यिं दि॑वो दुहितरिष॒यध्यै॑ ॥
Samhita Devanagari Nonaccented
सुगोत ते सुपथा पर्वतेष्ववाते अपस्तरसि स्वभानो ।
सा न आ वह पृथुयामन्नृष्वे रयिं दिवो दुहितरिषयध्यै ॥
Samhita Transcription Accented
sugótá te supáthā párvateṣvavāté apástarasi svabhāno ǀ
sā́ na ā́ vaha pṛthuyāmannṛṣve rayím divo duhitariṣayádhyai ǁ
Samhita Transcription Nonaccented
sugota te supathā parvateṣvavāte apastarasi svabhāno ǀ
sā na ā vaha pṛthuyāmannṛṣve rayim divo duhitariṣayadhyai ǁ
Padapatha Devanagari Accented
सु॒ऽगा । उ॒त । ते॒ । सु॒ऽपथा॑ । पर्व॑तेषु । अ॒वा॒ते । अ॒पः । त॒र॒सि॒ । स्व॒भा॒नो॒ इति॑ स्वऽभानो ।
सा । नः॒ । आ । व॒ह॒ । पृ॒थु॒ऽया॒म॒न् । ऋ॒ष्वे॒ । र॒यिम् । दि॒वः॒ । दु॒हि॒तः॒ । इ॒ष॒यध्यै॑ ॥
Padapatha Devanagari Nonaccented
सुऽगा । उत । ते । सुऽपथा । पर्वतेषु । अवाते । अपः । तरसि । स्वभानो इति स्वऽभानो ।
सा । नः । आ । वह । पृथुऽयामन् । ऋष्वे । रयिम् । दिवः । दुहितः । इषयध्यै ॥
Padapatha Transcription Accented
su-gā́ ǀ utá ǀ te ǀ su-páthā ǀ párvateṣu ǀ avāté ǀ apáḥ ǀ tarasi ǀ svabhāno íti sva-bhāno ǀ
sā́ ǀ naḥ ǀ ā́ ǀ vaha ǀ pṛthu-yāman ǀ ṛṣve ǀ rayím ǀ divaḥ ǀ duhitaḥ ǀ iṣayádhyai ǁ
Padapatha Transcription Nonaccented
su-gā ǀ uta ǀ te ǀ su-pathā ǀ parvateṣu ǀ avāte ǀ apaḥ ǀ tarasi ǀ svabhāno iti sva-bhāno ǀ
sā ǀ naḥ ǀ ā ǀ vaha ǀ pṛthu-yāman ǀ ṛṣve ǀ rayim ǀ divaḥ ǀ duhitaḥ ǀ iṣayadhyai ǁ
06.064.05 (Mandala. Sukta. Rik)
5.1.05.05 (Ashtaka. Adhyaya. Varga. Rik)
06.06.027 (Mandala. Anuvāka. Rik)
Samhita Devanagari Accented
सा व॑ह॒ योक्षभि॒रवा॒तोषो॒ वरं॒ वह॑सि॒ जोष॒मनु॑ ।
त्वं दि॑वो दुहित॒र्या ह॑ दे॒वी पू॒र्वहू॑तौ मं॒हना॑ दर्श॒ता भूः॑ ॥
Samhita Devanagari Nonaccented
सा वह योक्षभिरवातोषो वरं वहसि जोषमनु ।
त्वं दिवो दुहितर्या ह देवी पूर्वहूतौ मंहना दर्शता भूः ॥
Samhita Transcription Accented
sā́ vaha yókṣábhirávātóṣo váram váhasi jóṣamánu ǀ
tvám divo duhitaryā́ ha devī́ pūrváhūtau maṃhánā darśatā́ bhūḥ ǁ
Samhita Transcription Nonaccented
sā vaha yokṣabhiravātoṣo varam vahasi joṣamanu ǀ
tvam divo duhitaryā ha devī pūrvahūtau maṃhanā darśatā bhūḥ ǁ
Padapatha Devanagari Accented
सा । आ । व॒ह॒ । या । उ॒क्षऽभिः॑ । अवा॑ता । उषः॑ । वर॑म् । वह॑सि । जोष॑म् । अनु॑ ।
त्वम् । दि॒वः॒ । दु॒हि॒तः॒ । या । ह॒ । दे॒वी । पू॒र्वऽहू॑तौ । मं॒हना॑ । द॒र्श॒ता । भूः॒ ॥
Padapatha Devanagari Nonaccented
सा । आ । वह । या । उक्षऽभिः । अवाता । उषः । वरम् । वहसि । जोषम् । अनु ।
त्वम् । दिवः । दुहितः । या । ह । देवी । पूर्वऽहूतौ । मंहना । दर्शता । भूः ॥
Padapatha Transcription Accented
sā́ ǀ ā́ ǀ vaha ǀ yā́ ǀ ukṣá-bhiḥ ǀ ávātā ǀ úṣaḥ ǀ váram ǀ váhasi ǀ jóṣam ǀ ánu ǀ
tvám ǀ divaḥ ǀ duhitaḥ ǀ yā́ ǀ ha ǀ devī́ ǀ pūrvá-hūtau ǀ maṃhánā ǀ darśatā́ ǀ bhūḥ ǁ
Padapatha Transcription Nonaccented
sā ǀ ā ǀ vaha ǀ yā ǀ ukṣa-bhiḥ ǀ avātā ǀ uṣaḥ ǀ varam ǀ vahasi ǀ joṣam ǀ anu ǀ
tvam ǀ divaḥ ǀ duhitaḥ ǀ yā ǀ ha ǀ devī ǀ pūrva-hūtau ǀ maṃhanā ǀ darśatā ǀ bhūḥ ǁ
06.064.06 (Mandala. Sukta. Rik)
5.1.05.06 (Ashtaka. Adhyaya. Varga. Rik)
06.06.028 (Mandala. Anuvāka. Rik)
Samhita Devanagari Accented
उत्ते॒ वय॑श्चिद्वस॒तेर॑पप्त॒न्नर॑श्च॒ ये पि॑तु॒भाजो॒ व्यु॑ष्टौ ।
अ॒मा स॒ते व॑हसि॒ भूरि॑ वा॒ममुषो॑ देवि दा॒शुषे॒ मर्त्या॑य ॥
Samhita Devanagari Nonaccented
उत्ते वयश्चिद्वसतेरपप्तन्नरश्च ये पितुभाजो व्युष्टौ ।
अमा सते वहसि भूरि वाममुषो देवि दाशुषे मर्त्याय ॥
Samhita Transcription Accented
útte váyaścidvasatérapaptannáraśca yé pitubhā́jo vyúṣṭau ǀ
amā́ saté vahasi bhū́ri vāmámúṣo devi dāśúṣe mártyāya ǁ
Samhita Transcription Nonaccented
utte vayaścidvasaterapaptannaraśca ye pitubhājo vyuṣṭau ǀ
amā sate vahasi bhūri vāmamuṣo devi dāśuṣe martyāya ǁ
Padapatha Devanagari Accented
उत् । ते॒ । वयः॑ । चि॒त् । व॒स॒तेः । अ॒प॒प्त॒न् । नरः॑ । च॒ । ये । पि॒तु॒ऽभाजः॑ । विऽउ॑ष्टौ ।
अ॒मा । स॒ते । व॒ह॒सि॒ । भूरि॑ । वा॒मम् । उषः॑ । दे॒वि॒ । दा॒शुषे॑ । मर्त्या॑य ॥
Padapatha Devanagari Nonaccented
उत् । ते । वयः । चित् । वसतेः । अपप्तन् । नरः । च । ये । पितुऽभाजः । विऽउष्टौ ।
अमा । सते । वहसि । भूरि । वामम् । उषः । देवि । दाशुषे । मर्त्याय ॥
Padapatha Transcription Accented
út ǀ te ǀ váyaḥ ǀ cit ǀ vasatéḥ ǀ apaptan ǀ náraḥ ǀ ca ǀ yé ǀ pitu-bhā́jaḥ ǀ ví-uṣṭau ǀ
amā́ ǀ saté ǀ vahasi ǀ bhū́ri ǀ vāmám ǀ úṣaḥ ǀ devi ǀ dāśúṣe ǀ mártyāya ǁ
Padapatha Transcription Nonaccented
ut ǀ te ǀ vayaḥ ǀ cit ǀ vasateḥ ǀ apaptan ǀ naraḥ ǀ ca ǀ ye ǀ pitu-bhājaḥ ǀ vi-uṣṭau ǀ
amā ǀ sate ǀ vahasi ǀ bhūri ǀ vāmam ǀ uṣaḥ ǀ devi ǀ dāśuṣe ǀ martyāya ǁ