|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 65
|
1. Info |
| To: | uṣas | |
| From: | bharadvāja bārhaspatya | |
| Metres: | 1st set of styles: virāṭtrisṭup (2, 3); nicṛttriṣṭup (4, 6); bhurikpaṅkti (1); virāṭpaṅkti (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.065.01 (Mandala. Sukta. Rik)
5.1.06.01 (Ashtaka. Adhyaya. Varga. Rik)
06.06.029 (Mandala. Anuvāka. Rik)
Samhita Devanagari Accented
ए॒षा स्या नो॑ दुहि॒ता दि॑वो॒जाः क्षि॒तीरु॒च्छंती॒ मानु॑षीरजीगः ।
या भा॒नुना॒ रुश॑ता रा॒म्यास्वज्ञा॑यि ति॒रस्तम॑सश्चिद॒क्तून् ॥
Samhita Devanagari Nonaccented
एषा स्या नो दुहिता दिवोजाः क्षितीरुच्छंती मानुषीरजीगः ।
या भानुना रुशता राम्यास्वज्ञायि तिरस्तमसश्चिदक्तून् ॥
Samhita Transcription Accented
eṣā́ syā́ no duhitā́ divojā́ḥ kṣitī́rucchántī mā́nuṣīrajīgaḥ ǀ
yā́ bhānúnā rúśatā rāmyā́svájñāyi tirástámasaścidaktū́n ǁ
Samhita Transcription Nonaccented
eṣā syā no duhitā divojāḥ kṣitīrucchantī mānuṣīrajīgaḥ ǀ
yā bhānunā ruśatā rāmyāsvajñāyi tirastamasaścidaktūn ǁ
Padapatha Devanagari Accented
ए॒षा । स्या । नः॒ । दु॒हि॒ता । दि॒वः॒ऽजाः । क्षि॒तीः । उ॒च्छन्ती॑ । मानु॑षीः । अ॒जी॒ग॒रिति॑ ।
या । भा॒नुना॑ । रुश॑ता । रा॒म्यासु॑ । अज्ञा॑यि । ति॒रः । तम॑सः । चि॒त् । अ॒क्तून् ॥
Padapatha Devanagari Nonaccented
एषा । स्या । नः । दुहिता । दिवःऽजाः । क्षितीः । उच्छन्ती । मानुषीः । अजीगरिति ।
या । भानुना । रुशता । राम्यासु । अज्ञायि । तिरः । तमसः । चित् । अक्तून् ॥
Padapatha Transcription Accented
eṣā́ ǀ syā́ ǀ naḥ ǀ duhitā́ ǀ divaḥ-jā́ḥ ǀ kṣitī́ḥ ǀ ucchántī ǀ mā́nuṣīḥ ǀ ajīgaríti ǀ
yā́ ǀ bhānúnā ǀ rúśatā ǀ rāmyā́su ǀ ájñāyi ǀ tiráḥ ǀ támasaḥ ǀ cit ǀ aktū́n ǁ
Padapatha Transcription Nonaccented
eṣā ǀ syā ǀ naḥ ǀ duhitā ǀ divaḥ-jāḥ ǀ kṣitīḥ ǀ ucchantī ǀ mānuṣīḥ ǀ ajīgariti ǀ
yā ǀ bhānunā ǀ ruśatā ǀ rāmyāsu ǀ ajñāyi ǀ tiraḥ ǀ tamasaḥ ǀ cit ǀ aktūn ǁ
06.065.02 (Mandala. Sukta. Rik)
5.1.06.02 (Ashtaka. Adhyaya. Varga. Rik)
06.06.030 (Mandala. Anuvāka. Rik)
Samhita Devanagari Accented
वि तद्य॑युररुण॒युग्भि॒रश्वै॑श्चि॒त्रं भां॑त्यु॒षस॑श्चं॒द्रर॑थाः ।
अग्रं॑ य॒ज्ञस्य॑ बृह॒तो नयं॑ती॒र्वि ता बा॑धंते॒ तम॒ ऊर्म्या॑याः ॥
Samhita Devanagari Nonaccented
वि तद्ययुररुणयुग्भिरश्वैश्चित्रं भांत्युषसश्चंद्ररथाः ।
अग्रं यज्ञस्य बृहतो नयंतीर्वि ता बाधंते तम ऊर्म्यायाः ॥
Samhita Transcription Accented
ví tádyayuraruṇayúgbhiráśvaiścitrám bhāntyuṣásaścandrárathāḥ ǀ
ágram yajñásya bṛható náyantīrví tā́ bādhante táma ū́rmyāyāḥ ǁ
Samhita Transcription Nonaccented
vi tadyayuraruṇayugbhiraśvaiścitram bhāntyuṣasaścandrarathāḥ ǀ
agram yajñasya bṛhato nayantīrvi tā bādhante tama ūrmyāyāḥ ǁ
Padapatha Devanagari Accented
वि । तत् । य॒युः॒ । अ॒रु॒ण॒युक्ऽभिः॑ । अश्वैः॑ । चि॒त्रम् । भा॒न्ति॒ । उ॒षसः॑ । च॒न्द्रऽर॑थाः ।
अग्र॑म् । य॒ज्ञस्य॑ । बृ॒ह॒तः । नय॑न्तीः । वि । ताः । बा॒ध॒न्ते॒ । तमः॑ । ऊर्म्या॑याः ॥
Padapatha Devanagari Nonaccented
वि । तत् । ययुः । अरुणयुक्ऽभिः । अश्वैः । चित्रम् । भान्ति । उषसः । चन्द्रऽरथाः ।
अग्रम् । यज्ञस्य । बृहतः । नयन्तीः । वि । ताः । बाधन्ते । तमः । ऊर्म्यायाः ॥
Padapatha Transcription Accented
ví ǀ tát ǀ yayuḥ ǀ aruṇayúk-bhiḥ ǀ áśvaiḥ ǀ citrám ǀ bhānti ǀ uṣásaḥ ǀ candrá-rathāḥ ǀ
ágram ǀ yajñásya ǀ bṛhatáḥ ǀ náyantīḥ ǀ ví ǀ tā́ḥ ǀ bādhante ǀ támaḥ ǀ ū́rmyāyāḥ ǁ
Padapatha Transcription Nonaccented
vi ǀ tat ǀ yayuḥ ǀ aruṇayuk-bhiḥ ǀ aśvaiḥ ǀ citram ǀ bhānti ǀ uṣasaḥ ǀ candra-rathāḥ ǀ
agram ǀ yajñasya ǀ bṛhataḥ ǀ nayantīḥ ǀ vi ǀ tāḥ ǀ bādhante ǀ tamaḥ ǀ ūrmyāyāḥ ǁ
06.065.03 (Mandala. Sukta. Rik)
5.1.06.03 (Ashtaka. Adhyaya. Varga. Rik)
06.06.031 (Mandala. Anuvāka. Rik)
Samhita Devanagari Accented
श्रवो॒ वाज॒मिष॒मूर्जं॒ वहं॑ती॒र्नि दा॒शुष॑ उषसो॒ मर्त्या॑य ।
म॒घोनी॑र्वी॒रव॒त्पत्य॑माना॒ अवो॑ धात विध॒ते रत्न॑म॒द्य ॥
Samhita Devanagari Nonaccented
श्रवो वाजमिषमूर्जं वहंतीर्नि दाशुष उषसो मर्त्याय ।
मघोनीर्वीरवत्पत्यमाना अवो धात विधते रत्नमद्य ॥
Samhita Transcription Accented
śrávo vā́jamíṣamū́rjam váhantīrní dāśúṣa uṣaso mártyāya ǀ
maghónīrvīrávatpátyamānā ávo dhāta vidhaté rátnamadyá ǁ
Samhita Transcription Nonaccented
śravo vājamiṣamūrjam vahantīrni dāśuṣa uṣaso martyāya ǀ
maghonīrvīravatpatyamānā avo dhāta vidhate ratnamadya ǁ
Padapatha Devanagari Accented
श्रवः॑ । वाज॑म् । इष॑म् । ऊर्ज॑म् । वह॑न्तीः । नि । दा॒शुषे॑ । उ॒ष॒सः॒ । मर्त्या॑य ।
म॒घोनीः॑ । वी॒रऽव॑त् । पत्य॑मानाः । अवः॑ । धा॒त॒ । वि॒ध॒ते । रत्न॑म् । अ॒द्य ॥
Padapatha Devanagari Nonaccented
श्रवः । वाजम् । इषम् । ऊर्जम् । वहन्तीः । नि । दाशुषे । उषसः । मर्त्याय ।
मघोनीः । वीरऽवत् । पत्यमानाः । अवः । धात । विधते । रत्नम् । अद्य ॥
Padapatha Transcription Accented
śrávaḥ ǀ vā́jam ǀ íṣam ǀ ū́rjam ǀ váhantīḥ ǀ ní ǀ dāśúṣe ǀ uṣasaḥ ǀ mártyāya ǀ
maghónīḥ ǀ vīrá-vat ǀ pátyamānāḥ ǀ ávaḥ ǀ dhāta ǀ vidhaté ǀ rátnam ǀ adyá ǁ
Padapatha Transcription Nonaccented
śravaḥ ǀ vājam ǀ iṣam ǀ ūrjam ǀ vahantīḥ ǀ ni ǀ dāśuṣe ǀ uṣasaḥ ǀ martyāya ǀ
maghonīḥ ǀ vīra-vat ǀ patyamānāḥ ǀ avaḥ ǀ dhāta ǀ vidhate ǀ ratnam ǀ adya ǁ
06.065.04 (Mandala. Sukta. Rik)
5.1.06.04 (Ashtaka. Adhyaya. Varga. Rik)
06.06.032 (Mandala. Anuvāka. Rik)
Samhita Devanagari Accented
इ॒दा हि वो॑ विध॒ते रत्न॒मस्ती॒दा वी॒राय॑ दा॒शुष॑ उषासः ।
इ॒दा विप्रा॑य॒ जर॑ते॒ यदु॒क्था नि ष्म॒ माव॑ते वहथा पु॒रा चि॑त् ॥
Samhita Devanagari Nonaccented
इदा हि वो विधते रत्नमस्तीदा वीराय दाशुष उषासः ।
इदा विप्राय जरते यदुक्था नि ष्म मावते वहथा पुरा चित् ॥
Samhita Transcription Accented
idā́ hí vo vidhaté rátnamástīdā́ vīrā́ya dāśúṣa uṣāsaḥ ǀ
idā́ víprāya járate yádukthā́ ní ṣma mā́vate vahathā purā́ cit ǁ
Samhita Transcription Nonaccented
idā hi vo vidhate ratnamastīdā vīrāya dāśuṣa uṣāsaḥ ǀ
idā viprāya jarate yadukthā ni ṣma māvate vahathā purā cit ǁ
Padapatha Devanagari Accented
इ॒दा । हि । वः॒ । वि॒ध॒ते । रत्न॑म् । अस्ति॑ । इ॒दा । वी॒राय॑ । दा॒शुषे॑ । उ॒ष॒सः॒ ।
इ॒दा । विप्रा॑य । जर॑ते । यत् । उ॒क्था । नि । स्म॒ । माऽव॑ते । व॒ह॒थ॒ । पु॒रा । चि॒त् ॥
Padapatha Devanagari Nonaccented
इदा । हि । वः । विधते । रत्नम् । अस्ति । इदा । वीराय । दाशुषे । उषसः ।
इदा । विप्राय । जरते । यत् । उक्था । नि । स्म । माऽवते । वहथ । पुरा । चित् ॥
Padapatha Transcription Accented
idā́ ǀ hí ǀ vaḥ ǀ vidhaté ǀ rátnam ǀ ásti ǀ idā́ ǀ vīrā́ya ǀ dāśúṣe ǀ uṣasaḥ ǀ
idā́ ǀ víprāya ǀ járate ǀ yát ǀ ukthā́ ǀ ní ǀ sma ǀ mā́-vate ǀ vahatha ǀ purā́ ǀ cit ǁ
Padapatha Transcription Nonaccented
idā ǀ hi ǀ vaḥ ǀ vidhate ǀ ratnam ǀ asti ǀ idā ǀ vīrāya ǀ dāśuṣe ǀ uṣasaḥ ǀ
idā ǀ viprāya ǀ jarate ǀ yat ǀ ukthā ǀ ni ǀ sma ǀ mā-vate ǀ vahatha ǀ purā ǀ cit ǁ
06.065.05 (Mandala. Sukta. Rik)
5.1.06.05 (Ashtaka. Adhyaya. Varga. Rik)
06.06.033 (Mandala. Anuvāka. Rik)
Samhita Devanagari Accented
इ॒दा हि त॑ उषो अद्रिसानो गो॒त्रा गवा॒मंगि॑रसो गृ॒णंति॑ ।
व्य१॒॑र्केण॑ बिभिदु॒र्ब्रह्म॑णा च स॒त्या नृ॒णाम॑भवद्दे॒वहू॑तिः ॥
Samhita Devanagari Nonaccented
इदा हि त उषो अद्रिसानो गोत्रा गवामंगिरसो गृणंति ।
व्यर्केण बिभिदुर्ब्रह्मणा च सत्या नृणामभवद्देवहूतिः ॥
Samhita Transcription Accented
idā́ hí ta uṣo adrisāno gotrā́ gávāmáṅgiraso gṛṇánti ǀ
vyárkéṇa bibhidurbráhmaṇā ca satyā́ nṛṇā́mabhavaddeváhūtiḥ ǁ
Samhita Transcription Nonaccented
idā hi ta uṣo adrisāno gotrā gavāmaṅgiraso gṛṇanti ǀ
vyarkeṇa bibhidurbrahmaṇā ca satyā nṛṇāmabhavaddevahūtiḥ ǁ
Padapatha Devanagari Accented
इ॒दा । हि । ते॒ । उ॒षः॒ । अ॒द्रि॒सा॒नो॒ इत्य॑द्रिऽसानो । गो॒त्रा । गवा॑म् । अङ्गि॑रसः । गृ॒णन्ति॑ ।
वि । अ॒र्केण॑ । बि॒भि॒दुः॒ । ब्रह्म॑णा । च॒ । स॒त्या । नृ॒णाम् । अ॒भ॒व॒त् । दे॒वऽहू॑तिः ॥
Padapatha Devanagari Nonaccented
इदा । हि । ते । उषः । अद्रिसानो इत्यद्रिऽसानो । गोत्रा । गवाम् । अङ्गिरसः । गृणन्ति ।
वि । अर्केण । बिभिदुः । ब्रह्मणा । च । सत्या । नृणाम् । अभवत् । देवऽहूतिः ॥
Padapatha Transcription Accented
idā́ ǀ hí ǀ te ǀ uṣaḥ ǀ adrisāno ítyadri-sāno ǀ gotrā́ ǀ gávām ǀ áṅgirasaḥ ǀ gṛṇánti ǀ
ví ǀ arkéṇa ǀ bibhiduḥ ǀ bráhmaṇā ǀ ca ǀ satyā́ ǀ nṛṇā́m ǀ abhavat ǀ devá-hūtiḥ ǁ
Padapatha Transcription Nonaccented
idā ǀ hi ǀ te ǀ uṣaḥ ǀ adrisāno ityadri-sāno ǀ gotrā ǀ gavām ǀ aṅgirasaḥ ǀ gṛṇanti ǀ
vi ǀ arkeṇa ǀ bibhiduḥ ǀ brahmaṇā ǀ ca ǀ satyā ǀ nṛṇām ǀ abhavat ǀ deva-hūtiḥ ǁ
06.065.06 (Mandala. Sukta. Rik)
5.1.06.06 (Ashtaka. Adhyaya. Varga. Rik)
06.06.034 (Mandala. Anuvāka. Rik)
Samhita Devanagari Accented
उ॒च्छा दि॑वो दुहितः प्रत्न॒वन्नो॑ भरद्वाज॒वद्वि॑ध॒ते म॑घोनि ।
सु॒वीरं॑ र॒यिं गृ॑ण॒ते रि॑रीह्युरुगा॒यमधि॑ धेहि॒ श्रवो॑ नः ॥
Samhita Devanagari Nonaccented
उच्छा दिवो दुहितः प्रत्नवन्नो भरद्वाजवद्विधते मघोनि ।
सुवीरं रयिं गृणते रिरीह्युरुगायमधि धेहि श्रवो नः ॥
Samhita Transcription Accented
ucchā́ divo duhitaḥ pratnavánno bharadvājavádvidhaté maghoni ǀ
suvī́ram rayím gṛṇaté rirīhyurugāyámádhi dhehi śrávo naḥ ǁ
Samhita Transcription Nonaccented
ucchā divo duhitaḥ pratnavanno bharadvājavadvidhate maghoni ǀ
suvīram rayim gṛṇate rirīhyurugāyamadhi dhehi śravo naḥ ǁ
Padapatha Devanagari Accented
उ॒च्छ । दि॒वः॒ । दु॒हि॒त॒रिति॑ । प्र॒त्न॒ऽवत् । नः॒ । भ॒र॒द्वा॒ज॒ऽवत् । वि॒ध॒ते । म॒घो॒नि॒ ।
सु॒ऽवीर॑म् । र॒यिम् । गृ॒ण॒ते । रि॒री॒हि॒ । उ॒रु॒ऽगा॒यम् । अधि॑ । धे॒हि॒ । श्रवः॑ । नः॒ ॥
Padapatha Devanagari Nonaccented
उच्छ । दिवः । दुहितरिति । प्रत्नऽवत् । नः । भरद्वाजऽवत् । विधते । मघोनि ।
सुऽवीरम् । रयिम् । गृणते । रिरीहि । उरुऽगायम् । अधि । धेहि । श्रवः । नः ॥
Padapatha Transcription Accented
ucchá ǀ divaḥ ǀ duhitaríti ǀ pratna-vát ǀ naḥ ǀ bharadvāja-vát ǀ vidhaté ǀ maghoni ǀ
su-vī́ram ǀ rayím ǀ gṛṇaté ǀ rirīhi ǀ uru-gāyám ǀ ádhi ǀ dhehi ǀ śrávaḥ ǀ naḥ ǁ
Padapatha Transcription Nonaccented
uccha ǀ divaḥ ǀ duhitariti ǀ pratna-vat ǀ naḥ ǀ bharadvāja-vat ǀ vidhate ǀ maghoni ǀ
su-vīram ǀ rayim ǀ gṛṇate ǀ rirīhi ǀ uru-gāyam ǀ adhi ǀ dhehi ǀ śravaḥ ǀ naḥ ǁ