|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 71
|
1. Info |
| To: | savitṛ | |
| From: | bharadvāja bārhaspatya | |
| Metres: | 1st set of styles: nicṛjjagatī (2, 3); nicṛttriṣṭup (5, 6); jagatī (1); triṣṭup (4) 2nd set of styles: jagatī (1-3); triṣṭubh (4-6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.071.01 (Mandala. Sukta. Rik)
5.1.15.01 (Ashtaka. Adhyaya. Varga. Rik)
06.06.082 (Mandala. Anuvāka. Rik)
Samhita Devanagari Accented
उदु॒ ष्य दे॒वः स॑वि॒ता हि॑र॒ण्यया॑ बा॒हू अ॑यंस्त॒ सव॑नाय सु॒क्रतुः॑ ।
घृ॒तेन॑ पा॒णी अ॒भि प्रु॑ष्णुते म॒खो युवा॑ सु॒दक्षो॒ रज॑सो॒ विध॑र्मणि ॥
Samhita Devanagari Nonaccented
उदु ष्य देवः सविता हिरण्यया बाहू अयंस्त सवनाय सुक्रतुः ।
घृतेन पाणी अभि प्रुष्णुते मखो युवा सुदक्षो रजसो विधर्मणि ॥
Samhita Transcription Accented
údu ṣyá deváḥ savitā́ hiraṇyáyā bāhū́ ayaṃsta sávanāya sukrátuḥ ǀ
ghṛténa pāṇī́ abhí pruṣṇute makhó yúvā sudákṣo rájaso vídharmaṇi ǁ
Samhita Transcription Nonaccented
udu ṣya devaḥ savitā hiraṇyayā bāhū ayaṃsta savanāya sukratuḥ ǀ
ghṛtena pāṇī abhi pruṣṇute makho yuvā sudakṣo rajaso vidharmaṇi ǁ
Padapatha Devanagari Accented
उत् । ऊं॒ इति॑ । स्यः । दे॒वः । स॒वि॒ता । हि॒र॒ण्यया॑ । बा॒हू इति॑ । अ॒यं॒स्त॒ । सव॑नाय । सु॒ऽक्रतुः॑ ।
घृ॒तेन॑ । पा॒णी इति॑ । अ॒भि । प्रु॒ष्णु॒ते॒ । म॒खः । युवा॑ । सु॒ऽदक्षः॑ । रज॑सः । विऽध॑र्मणि ॥
Padapatha Devanagari Nonaccented
उत् । ऊं इति । स्यः । देवः । सविता । हिरण्यया । बाहू इति । अयंस्त । सवनाय । सुऽक्रतुः ।
घृतेन । पाणी इति । अभि । प्रुष्णुते । मखः । युवा । सुऽदक्षः । रजसः । विऽधर्मणि ॥
Padapatha Transcription Accented
út ǀ ūṃ íti ǀ syáḥ ǀ deváḥ ǀ savitā́ ǀ hiraṇyáyā ǀ bāhū́ íti ǀ ayaṃsta ǀ sávanāya ǀ su-krátuḥ ǀ
ghṛténa ǀ pāṇī́ íti ǀ abhí ǀ pruṣṇute ǀ makháḥ ǀ yúvā ǀ su-dákṣaḥ ǀ rájasaḥ ǀ ví-dharmaṇi ǁ
Padapatha Transcription Nonaccented
ut ǀ ūṃ iti ǀ syaḥ ǀ devaḥ ǀ savitā ǀ hiraṇyayā ǀ bāhū iti ǀ ayaṃsta ǀ savanāya ǀ su-kratuḥ ǀ
ghṛtena ǀ pāṇī iti ǀ abhi ǀ pruṣṇute ǀ makhaḥ ǀ yuvā ǀ su-dakṣaḥ ǀ rajasaḥ ǀ vi-dharmaṇi ǁ
06.071.02 (Mandala. Sukta. Rik)
5.1.15.02 (Ashtaka. Adhyaya. Varga. Rik)
06.06.083 (Mandala. Anuvāka. Rik)
Samhita Devanagari Accented
दे॒वस्य॑ व॒यं स॑वि॒तुः सवी॑मनि॒ श्रेष्ठे॑ स्याम॒ वसु॑नश्च दा॒वने॑ ।
यो विश्व॑स्य द्वि॒पदो॒ यश्चतु॑ष्पदो नि॒वेश॑ने प्रस॒वे चासि॒ भूम॑नः ॥
Samhita Devanagari Nonaccented
देवस्य वयं सवितुः सवीमनि श्रेष्ठे स्याम वसुनश्च दावने ।
यो विश्वस्य द्विपदो यश्चतुष्पदो निवेशने प्रसवे चासि भूमनः ॥
Samhita Transcription Accented
devásya vayám savitúḥ sávīmani śréṣṭhe syāma vásunaśca dāváne ǀ
yó víśvasya dvipádo yáścátuṣpado nivéśane prasavé cā́si bhū́manaḥ ǁ
Samhita Transcription Nonaccented
devasya vayam savituḥ savīmani śreṣṭhe syāma vasunaśca dāvane ǀ
yo viśvasya dvipado yaścatuṣpado niveśane prasave cāsi bhūmanaḥ ǁ
Padapatha Devanagari Accented
दे॒वस्य॑ । व॒यम् । स॒वि॒तुः । सवी॑मनि । श्रेष्ठे॑ । स्या॒म॒ । वसु॑नः । च॒ । दा॒वने॑ ।
यः । विश्व॑स्य । द्वि॒ऽपदः॑ । यः । चतुः॑ऽपदः । नि॒ऽवेश॑ने । प्र॒ऽस॒वे । च॒ । असि॑ । भूम॑नः ॥
Padapatha Devanagari Nonaccented
देवस्य । वयम् । सवितुः । सवीमनि । श्रेष्ठे । स्याम । वसुनः । च । दावने ।
यः । विश्वस्य । द्विऽपदः । यः । चतुःऽपदः । निऽवेशने । प्रऽसवे । च । असि । भूमनः ॥
Padapatha Transcription Accented
devásya ǀ vayám ǀ savitúḥ ǀ sávīmani ǀ śréṣṭhe ǀ syāma ǀ vásunaḥ ǀ ca ǀ dāváne ǀ
yáḥ ǀ víśvasya ǀ dvi-pádaḥ ǀ yáḥ ǀ cátuḥ-padaḥ ǀ ni-véśane ǀ pra-savé ǀ ca ǀ ási ǀ bhū́manaḥ ǁ
Padapatha Transcription Nonaccented
devasya ǀ vayam ǀ savituḥ ǀ savīmani ǀ śreṣṭhe ǀ syāma ǀ vasunaḥ ǀ ca ǀ dāvane ǀ
yaḥ ǀ viśvasya ǀ dvi-padaḥ ǀ yaḥ ǀ catuḥ-padaḥ ǀ ni-veśane ǀ pra-save ǀ ca ǀ asi ǀ bhūmanaḥ ǁ
06.071.03 (Mandala. Sukta. Rik)
5.1.15.03 (Ashtaka. Adhyaya. Varga. Rik)
06.06.084 (Mandala. Anuvāka. Rik)
Samhita Devanagari Accented
अद॑ब्धेभिः सवितः पा॒युभि॒ष्ट्वं शि॒वेभि॑र॒द्य परि॑ पाहि नो॒ गयं॑ ।
हिर॑ण्यजिह्वः सुवि॒ताय॒ नव्य॑से॒ रक्षा॒ माकि॑र्नो अ॒घशं॑स ईशत ॥
Samhita Devanagari Nonaccented
अदब्धेभिः सवितः पायुभिष्ट्वं शिवेभिरद्य परि पाहि नो गयं ।
हिरण्यजिह्वः सुविताय नव्यसे रक्षा माकिर्नो अघशंस ईशत ॥
Samhita Transcription Accented
ádabdhebhiḥ savitaḥ pāyúbhiṣṭvám śivébhiradyá pári pāhi no gáyam ǀ
híraṇyajihvaḥ suvitā́ya návyase rákṣā mā́kirno agháśaṃsa īśata ǁ
Samhita Transcription Nonaccented
adabdhebhiḥ savitaḥ pāyubhiṣṭvam śivebhiradya pari pāhi no gayam ǀ
hiraṇyajihvaḥ suvitāya navyase rakṣā mākirno aghaśaṃsa īśata ǁ
Padapatha Devanagari Accented
अद॑ब्धेभिः । स॒वि॒त॒रिति॑ । पा॒युऽभिः॑ । त्वम् । शि॒वेभिः॑ । अ॒द्य । परि॑ । पा॒हि॒ । नः॒ । गय॑म् ।
हिर॑ण्यऽजिह्वः । सु॒वि॒ताय॑ । नव्य॑से । रक्ष॑ । माकिः॑ । नः॒ । अ॒घऽशं॑सः । ई॒श॒त॒ ॥
Padapatha Devanagari Nonaccented
अदब्धेभिः । सवितरिति । पायुऽभिः । त्वम् । शिवेभिः । अद्य । परि । पाहि । नः । गयम् ।
हिरण्यऽजिह्वः । सुविताय । नव्यसे । रक्ष । माकिः । नः । अघऽशंसः । ईशत ॥
Padapatha Transcription Accented
ádabdhebhiḥ ǀ savitaríti ǀ pāyú-bhiḥ ǀ tvám ǀ śivébhiḥ ǀ adyá ǀ pári ǀ pāhi ǀ naḥ ǀ gáyam ǀ
híraṇya-jihvaḥ ǀ suvitā́ya ǀ návyase ǀ rákṣa ǀ mā́kiḥ ǀ naḥ ǀ aghá-śaṃsaḥ ǀ īśata ǁ
Padapatha Transcription Nonaccented
adabdhebhiḥ ǀ savitariti ǀ pāyu-bhiḥ ǀ tvam ǀ śivebhiḥ ǀ adya ǀ pari ǀ pāhi ǀ naḥ ǀ gayam ǀ
hiraṇya-jihvaḥ ǀ suvitāya ǀ navyase ǀ rakṣa ǀ mākiḥ ǀ naḥ ǀ agha-śaṃsaḥ ǀ īśata ǁ
06.071.04 (Mandala. Sukta. Rik)
5.1.15.04 (Ashtaka. Adhyaya. Varga. Rik)
06.06.085 (Mandala. Anuvāka. Rik)
Samhita Devanagari Accented
उदु॒ ष्य दे॒वः स॑वि॒ता दमू॑ना॒ हिर॑ण्यपाणिः प्रतिदो॒षम॑स्थात् ।
अयो॑हनुर्यज॒तो मं॒द्रजि॑ह्व॒ आ दा॒शुषे॑ सुवति॒ भूरि॑ वा॒मं ॥
Samhita Devanagari Nonaccented
उदु ष्य देवः सविता दमूना हिरण्यपाणिः प्रतिदोषमस्थात् ।
अयोहनुर्यजतो मंद्रजिह्व आ दाशुषे सुवति भूरि वामं ॥
Samhita Transcription Accented
údu ṣyá deváḥ savitā́ dámūnā híraṇyapāṇiḥ pratidoṣámasthāt ǀ
áyohanuryajató mandrájihva ā́ dāśúṣe suvati bhū́ri vāmám ǁ
Samhita Transcription Nonaccented
udu ṣya devaḥ savitā damūnā hiraṇyapāṇiḥ pratidoṣamasthāt ǀ
ayohanuryajato mandrajihva ā dāśuṣe suvati bhūri vāmam ǁ
Padapatha Devanagari Accented
उत् । ऊं॒ इति॑ । स्यः । दे॒वः । स॒वि॒ता । दमू॑नाः । हिर॑ण्यऽपाणिः । प्र॒ति॒ऽदो॒षम् । अ॒स्था॒त् ।
अयः॑ऽहनुः । य॒ज॒तः । म॒न्द्रऽजि॑ह्वः । आ । दा॒शुषे॑ । सु॒व॒ति॒ । भूरि॑ । वा॒मम् ॥
Padapatha Devanagari Nonaccented
उत् । ऊं इति । स्यः । देवः । सविता । दमूनाः । हिरण्यऽपाणिः । प्रतिऽदोषम् । अस्थात् ।
अयःऽहनुः । यजतः । मन्द्रऽजिह्वः । आ । दाशुषे । सुवति । भूरि । वामम् ॥
Padapatha Transcription Accented
út ǀ ūṃ íti ǀ syáḥ ǀ deváḥ ǀ savitā́ ǀ dámūnāḥ ǀ híraṇya-pāṇiḥ ǀ prati-doṣám ǀ asthāt ǀ
áyaḥ-hanuḥ ǀ yajatáḥ ǀ mandrá-jihvaḥ ǀ ā́ ǀ dāśúṣe ǀ suvati ǀ bhū́ri ǀ vāmám ǁ
Padapatha Transcription Nonaccented
ut ǀ ūṃ iti ǀ syaḥ ǀ devaḥ ǀ savitā ǀ damūnāḥ ǀ hiraṇya-pāṇiḥ ǀ prati-doṣam ǀ asthāt ǀ
ayaḥ-hanuḥ ǀ yajataḥ ǀ mandra-jihvaḥ ǀ ā ǀ dāśuṣe ǀ suvati ǀ bhūri ǀ vāmam ǁ
06.071.05 (Mandala. Sukta. Rik)
5.1.15.05 (Ashtaka. Adhyaya. Varga. Rik)
06.06.086 (Mandala. Anuvāka. Rik)
Samhita Devanagari Accented
उदू॑ अयाँ उपव॒क्तेव॑ बा॒हू हि॑र॒ण्यया॑ सवि॒ता सु॒प्रती॑का ।
दि॒वो रोहां॑स्यरुहत्पृथि॒व्या अरी॑रमत्प॒तय॒त्कच्चि॒दभ्वं॑ ॥
Samhita Devanagari Nonaccented
उदू अयाँ उपवक्तेव बाहू हिरण्यया सविता सुप्रतीका ।
दिवो रोहांस्यरुहत्पृथिव्या अरीरमत्पतयत्कच्चिदभ्वं ॥
Samhita Transcription Accented
údū ayām̐ upavaktéva bāhū́ hiraṇyáyā savitā́ suprátīkā ǀ
divó róhāṃsyaruhatpṛthivyā́ árīramatpatáyatkáccidábhvam ǁ
Samhita Transcription Nonaccented
udū ayām̐ upavakteva bāhū hiraṇyayā savitā supratīkā ǀ
divo rohāṃsyaruhatpṛthivyā arīramatpatayatkaccidabhvam ǁ
Padapatha Devanagari Accented
उत् । ऊं॒ इति॑ । अ॒या॒न् । उ॒प॒व॒क्ताऽइ॑व । बा॒हू इति॑ । हि॒र॒ण्यया॑ । स॒वि॒ता । सु॒ऽप्रती॑का ।
दि॒वः । रोहां॑सि । अ॒रु॒ह॒त् । पृ॒थि॒व्याः । अरी॑रमत् । प॒तय॑त् । कत् । चि॒त् । अभ्व॑म् ॥
Padapatha Devanagari Nonaccented
उत् । ऊं इति । अयान् । उपवक्ताऽइव । बाहू इति । हिरण्यया । सविता । सुऽप्रतीका ।
दिवः । रोहांसि । अरुहत् । पृथिव्याः । अरीरमत् । पतयत् । कत् । चित् । अभ्वम् ॥
Padapatha Transcription Accented
út ǀ ūṃ íti ǀ ayān ǀ upavaktā́-iva ǀ bāhū́ íti ǀ hiraṇyáyā ǀ savitā́ ǀ su-prátīkā ǀ
diváḥ ǀ róhāṃsi ǀ aruhat ǀ pṛthivyā́ḥ ǀ árīramat ǀ patáyat ǀ kát ǀ cit ǀ ábhvam ǁ
Padapatha Transcription Nonaccented
ut ǀ ūṃ iti ǀ ayān ǀ upavaktā-iva ǀ bāhū iti ǀ hiraṇyayā ǀ savitā ǀ su-pratīkā ǀ
divaḥ ǀ rohāṃsi ǀ aruhat ǀ pṛthivyāḥ ǀ arīramat ǀ patayat ǀ kat ǀ cit ǀ abhvam ǁ
06.071.06 (Mandala. Sukta. Rik)
5.1.15.06 (Ashtaka. Adhyaya. Varga. Rik)
06.06.087 (Mandala. Anuvāka. Rik)
Samhita Devanagari Accented
वा॒मम॒द्य स॑वितर्वा॒ममु॒ श्वो दि॒वेदि॑वे वा॒मम॒स्मभ्यं॑ सावीः ।
वा॒मस्य॒ हि क्षय॑स्य देव॒ भूरे॑र॒या धि॒या वा॑म॒भाजः॑ स्याम ॥
Samhita Devanagari Nonaccented
वाममद्य सवितर्वाममु श्वो दिवेदिवे वाममस्मभ्यं सावीः ।
वामस्य हि क्षयस्य देव भूरेरया धिया वामभाजः स्याम ॥
Samhita Transcription Accented
vāmámadyá savitarvāmámu śvó divédive vāmámasmábhyam sāvīḥ ǀ
vāmásya hí kṣáyasya deva bhū́rerayā́ dhiyā́ vāmabhā́jaḥ syāma ǁ
Samhita Transcription Nonaccented
vāmamadya savitarvāmamu śvo divedive vāmamasmabhyam sāvīḥ ǀ
vāmasya hi kṣayasya deva bhūrerayā dhiyā vāmabhājaḥ syāma ǁ
Padapatha Devanagari Accented
वा॒मम् । अ॒द्य । स॒वि॒तः॒ । वा॒मम् । ऊं॒ इति॑ । श्वः । दि॒वेऽदि॑वे । वा॒मम् । अ॒स्मभ्य॑म् । सा॒वीः॒ ।
वा॒मस्य॑ । हि । क्षय॑स्य । दे॒व॒ । भूरेः॑ । अ॒या । धि॒या । वा॒म॒ऽभाजः॑ । स्या॒म॒ ॥
Padapatha Devanagari Nonaccented
वामम् । अद्य । सवितः । वामम् । ऊं इति । श्वः । दिवेऽदिवे । वामम् । अस्मभ्यम् । सावीः ।
वामस्य । हि । क्षयस्य । देव । भूरेः । अया । धिया । वामऽभाजः । स्याम ॥
Padapatha Transcription Accented
vāmám ǀ adyá ǀ savitaḥ ǀ vāmám ǀ ūṃ íti ǀ śváḥ ǀ divé-dive ǀ vāmám ǀ asmábhyam ǀ sāvīḥ ǀ
vāmásya ǀ hí ǀ kṣáyasya ǀ deva ǀ bhū́reḥ ǀ ayā́ ǀ dhiyā́ ǀ vāma-bhā́jaḥ ǀ syāma ǁ
Padapatha Transcription Nonaccented
vāmam ǀ adya ǀ savitaḥ ǀ vāmam ǀ ūṃ iti ǀ śvaḥ ǀ dive-dive ǀ vāmam ǀ asmabhyam ǀ sāvīḥ ǀ
vāmasya ǀ hi ǀ kṣayasya ǀ deva ǀ bhūreḥ ǀ ayā ǀ dhiyā ǀ vāma-bhājaḥ ǀ syāma ǁ