|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 72
|
1. Info |
| To: | indra, soma | |
| From: | bharadvāja bārhaspatya | |
| Metres: | 1st set of styles: virāṭtrisṭup (2, 4, 5); nicṛttriṣṭup (1, 3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.072.01 (Mandala. Sukta. Rik)
5.1.16.01 (Ashtaka. Adhyaya. Varga. Rik)
06.06.088 (Mandala. Anuvāka. Rik)
Samhita Devanagari Accented
इंद्रा॑सोमा॒ महि॒ तद्वां॑ महि॒त्वं यु॒वं म॒हानि॑ प्रथ॒मानि॑ चक्रथुः ।
यु॒वं सूर्यं॑ विवि॒दथु॑र्यु॒वं स्व१॒॑र्विश्वा॒ तमां॑स्यहतं नि॒दश्च॑ ॥
Samhita Devanagari Nonaccented
इंद्रासोमा महि तद्वां महित्वं युवं महानि प्रथमानि चक्रथुः ।
युवं सूर्यं विविदथुर्युवं स्वर्विश्वा तमांस्यहतं निदश्च ॥
Samhita Transcription Accented
índrāsomā máhi tádvām mahitvám yuvám mahā́ni prathamā́ni cakrathuḥ ǀ
yuvám sū́ryam vividáthuryuvám svárvíśvā támāṃsyahatam nidáśca ǁ
Samhita Transcription Nonaccented
indrāsomā mahi tadvām mahitvam yuvam mahāni prathamāni cakrathuḥ ǀ
yuvam sūryam vividathuryuvam svarviśvā tamāṃsyahatam nidaśca ǁ
Padapatha Devanagari Accented
इन्द्रा॑सोमा । महि॑ । तत् । वा॒म् । म॒हि॒ऽत्वम् । यु॒वम् । म॒हानि॑ । प्र॒थ॒मानि॑ । च॒क्र॒थुः॒ ।
यु॒वम् । सूर्य॑म् । वि॒वि॒दथुः॑ । यु॒वम् । स्वः॑ । विश्वा॑ । तमां॑सि । अ॒ह॒त॒म् । नि॒दः । च॒ ॥
Padapatha Devanagari Nonaccented
इन्द्रासोमा । महि । तत् । वाम् । महिऽत्वम् । युवम् । महानि । प्रथमानि । चक्रथुः ।
युवम् । सूर्यम् । विविदथुः । युवम् । स्वः । विश्वा । तमांसि । अहतम् । निदः । च ॥
Padapatha Transcription Accented
índrāsomā ǀ máhi ǀ tát ǀ vām ǀ mahi-tvám ǀ yuvám ǀ mahā́ni ǀ prathamā́ni ǀ cakrathuḥ ǀ
yuvám ǀ sū́ryam ǀ vividáthuḥ ǀ yuvám ǀ sváḥ ǀ víśvā ǀ támāṃsi ǀ ahatam ǀ nidáḥ ǀ ca ǁ
Padapatha Transcription Nonaccented
indrāsomā ǀ mahi ǀ tat ǀ vām ǀ mahi-tvam ǀ yuvam ǀ mahāni ǀ prathamāni ǀ cakrathuḥ ǀ
yuvam ǀ sūryam ǀ vividathuḥ ǀ yuvam ǀ svaḥ ǀ viśvā ǀ tamāṃsi ǀ ahatam ǀ nidaḥ ǀ ca ǁ
06.072.02 (Mandala. Sukta. Rik)
5.1.16.02 (Ashtaka. Adhyaya. Varga. Rik)
06.06.089 (Mandala. Anuvāka. Rik)
Samhita Devanagari Accented
इंद्रा॑सोमा वा॒सय॑थ उ॒षास॒मुत्सूर्यं॑ नयथो॒ ज्योति॑षा स॒ह ।
उप॒ द्यां स्कं॒भथुः॒ स्कंभ॑ने॒नाप्र॑थतं पृथि॒वीं मा॒तरं॒ वि ॥
Samhita Devanagari Nonaccented
इंद्रासोमा वासयथ उषासमुत्सूर्यं नयथो ज्योतिषा सह ।
उप द्यां स्कंभथुः स्कंभनेनाप्रथतं पृथिवीं मातरं वि ॥
Samhita Transcription Accented
índrāsomā vāsáyatha uṣā́samútsū́ryam nayatho jyótiṣā sahá ǀ
úpa dyā́m skambháthuḥ skámbhanenā́prathatam pṛthivī́m mātáram ví ǁ
Samhita Transcription Nonaccented
indrāsomā vāsayatha uṣāsamutsūryam nayatho jyotiṣā saha ǀ
upa dyām skambhathuḥ skambhanenāprathatam pṛthivīm mātaram vi ǁ
Padapatha Devanagari Accented
इन्द्रा॑सोमा । वा॒सय॑थः । उ॒षस॑म् । उत् । सूर्य॑म् । न॒य॒थः॒ । ज्योति॑षा । स॒ह ।
उप॑ । द्याम् । स्क॒म्भथुः॑ । स्कम्भ॑नेन । अप्र॑थतम् । पृ॒थि॒वीम् । मा॒तर॑म् । वि ॥
Padapatha Devanagari Nonaccented
इन्द्रासोमा । वासयथः । उषसम् । उत् । सूर्यम् । नयथः । ज्योतिषा । सह ।
उप । द्याम् । स्कम्भथुः । स्कम्भनेन । अप्रथतम् । पृथिवीम् । मातरम् । वि ॥
Padapatha Transcription Accented
índrāsomā ǀ vāsáyathaḥ ǀ uṣásam ǀ út ǀ sū́ryam ǀ nayathaḥ ǀ jyótiṣā ǀ sahá ǀ
úpa ǀ dyā́m ǀ skambháthuḥ ǀ skámbhanena ǀ áprathatam ǀ pṛthivī́m ǀ mātáram ǀ ví ǁ
Padapatha Transcription Nonaccented
indrāsomā ǀ vāsayathaḥ ǀ uṣasam ǀ ut ǀ sūryam ǀ nayathaḥ ǀ jyotiṣā ǀ saha ǀ
upa ǀ dyām ǀ skambhathuḥ ǀ skambhanena ǀ aprathatam ǀ pṛthivīm ǀ mātaram ǀ vi ǁ
06.072.03 (Mandala. Sukta. Rik)
5.1.16.03 (Ashtaka. Adhyaya. Varga. Rik)
06.06.090 (Mandala. Anuvāka. Rik)
Samhita Devanagari Accented
इंद्रा॑सोमा॒वहि॑म॒पः प॑रि॒ष्ठां ह॒थो वृ॒त्रमनु॑ वां॒ द्यौर॑मन्यत ।
प्रार्णां॑स्यैरयतं न॒दीना॒मा स॑मु॒द्राणि॑ पप्रथुः पु॒रूणि॑ ॥
Samhita Devanagari Nonaccented
इंद्रासोमावहिमपः परिष्ठां हथो वृत्रमनु वां द्यौरमन्यत ।
प्रार्णांस्यैरयतं नदीनामा समुद्राणि पप्रथुः पुरूणि ॥
Samhita Transcription Accented
índrāsomāváhimapáḥ pariṣṭhā́m hathó vṛtrámánu vām dyáuramanyata ǀ
prā́rṇāṃsyairayatam nadī́nāmā́ samudrā́ṇi paprathuḥ purū́ṇi ǁ
Samhita Transcription Nonaccented
indrāsomāvahimapaḥ pariṣṭhām hatho vṛtramanu vām dyauramanyata ǀ
prārṇāṃsyairayatam nadīnāmā samudrāṇi paprathuḥ purūṇi ǁ
Padapatha Devanagari Accented
इन्द्रा॑सोमौ । अहि॑म् । अ॒पः । प॒रि॒ऽस्थाम् । ह॒थः । वृ॒त्रम् । अनु॑ । वा॒म् । द्यौः । अ॒म॒न्य॒त॒ ।
प्र । अर्णां॑सि । ऐ॒र॒य॒त॒म् । न॒दीना॑म् । आ । स॒मु॒द्राणि॑ । प॒प्र॒थुः॒ । पु॒रूणि॑ ॥
Padapatha Devanagari Nonaccented
इन्द्रासोमौ । अहिम् । अपः । परिऽस्थाम् । हथः । वृत्रम् । अनु । वाम् । द्यौः । अमन्यत ।
प्र । अर्णांसि । ऐरयतम् । नदीनाम् । आ । समुद्राणि । पप्रथुः । पुरूणि ॥
Padapatha Transcription Accented
índrāsomau ǀ áhim ǀ apáḥ ǀ pari-sthā́m ǀ hatháḥ ǀ vṛtrám ǀ ánu ǀ vām ǀ dyáuḥ ǀ amanyata ǀ
prá ǀ árṇāṃsi ǀ airayatam ǀ nadī́nām ǀ ā́ ǀ samudrā́ṇi ǀ paprathuḥ ǀ purū́ṇi ǁ
Padapatha Transcription Nonaccented
indrāsomau ǀ ahim ǀ apaḥ ǀ pari-sthām ǀ hathaḥ ǀ vṛtram ǀ anu ǀ vām ǀ dyauḥ ǀ amanyata ǀ
pra ǀ arṇāṃsi ǀ airayatam ǀ nadīnām ǀ ā ǀ samudrāṇi ǀ paprathuḥ ǀ purūṇi ǁ
06.072.04 (Mandala. Sukta. Rik)
5.1.16.04 (Ashtaka. Adhyaya. Varga. Rik)
06.06.091 (Mandala. Anuvāka. Rik)
Samhita Devanagari Accented
इंद्रा॑सोमा प॒क्वमा॒मास्वं॒तर्नि गवा॒मिद्द॑धथुर्व॒क्षणा॑सु ।
ज॒गृ॒भथु॒रन॑पिनद्धमासु॒ रुश॑च्चि॒त्रासु॒ जग॑तीष्वं॒तः ॥
Samhita Devanagari Nonaccented
इंद्रासोमा पक्वमामास्वंतर्नि गवामिद्दधथुर्वक्षणासु ।
जगृभथुरनपिनद्धमासु रुशच्चित्रासु जगतीष्वंतः ॥
Samhita Transcription Accented
índrāsomā pakvámāmā́svantární gávāmíddadhathurvakṣáṇāsu ǀ
jagṛbháthuránapinaddhamāsu rúśaccitrā́su jágatīṣvantáḥ ǁ
Samhita Transcription Nonaccented
indrāsomā pakvamāmāsvantarni gavāmiddadhathurvakṣaṇāsu ǀ
jagṛbhathuranapinaddhamāsu ruśaccitrāsu jagatīṣvantaḥ ǁ
Padapatha Devanagari Accented
इन्द्रा॑सोमा । प॒क्वम् । आ॒मासु॑ । अ॒न्तः । नि । गवा॑म् । इत् । द॒ध॒थुः॒ । व॒क्षणा॑सु ।
ज॒गृ॒भथुः॑ । अन॑पिऽनद्धम् । आ॒सु॒ । रुश॑त् । चि॒त्रासु॑ । जग॑तीषु । अ॒न्तरिति॑ ॥
Padapatha Devanagari Nonaccented
इन्द्रासोमा । पक्वम् । आमासु । अन्तः । नि । गवाम् । इत् । दधथुः । वक्षणासु ।
जगृभथुः । अनपिऽनद्धम् । आसु । रुशत् । चित्रासु । जगतीषु । अन्तरिति ॥
Padapatha Transcription Accented
índrāsomā ǀ pakvám ǀ āmā́su ǀ antáḥ ǀ ní ǀ gávām ǀ ít ǀ dadhathuḥ ǀ vakṣáṇāsu ǀ
jagṛbháthuḥ ǀ ánapi-naddham ǀ āsu ǀ rúśat ǀ citrā́su ǀ jágatīṣu ǀ antáríti ǁ
Padapatha Transcription Nonaccented
indrāsomā ǀ pakvam ǀ āmāsu ǀ antaḥ ǀ ni ǀ gavām ǀ it ǀ dadhathuḥ ǀ vakṣaṇāsu ǀ
jagṛbhathuḥ ǀ anapi-naddham ǀ āsu ǀ ruśat ǀ citrāsu ǀ jagatīṣu ǀ antariti ǁ
06.072.05 (Mandala. Sukta. Rik)
5.1.16.05 (Ashtaka. Adhyaya. Varga. Rik)
06.06.092 (Mandala. Anuvāka. Rik)
Samhita Devanagari Accented
इंद्रा॑सोमा यु॒वमं॒ग तरु॑त्रमपत्य॒साचं॒ श्रुत्यं॑ रराथे ।
यु॒वं शुष्मं॒ नर्यं॑ चर्ष॒णिभ्यः॒ सं वि॑व्यथुः पृतना॒षाह॑मुग्रा ॥
Samhita Devanagari Nonaccented
इंद्रासोमा युवमंग तरुत्रमपत्यसाचं श्रुत्यं रराथे ।
युवं शुष्मं नर्यं चर्षणिभ्यः सं विव्यथुः पृतनाषाहमुग्रा ॥
Samhita Transcription Accented
índrāsomā yuvámaṅgá tárutramapatyasā́cam śrútyam rarāthe ǀ
yuvám śúṣmam náryam carṣaṇíbhyaḥ sám vivyathuḥ pṛtanāṣā́hamugrā ǁ
Samhita Transcription Nonaccented
indrāsomā yuvamaṅga tarutramapatyasācam śrutyam rarāthe ǀ
yuvam śuṣmam naryam carṣaṇibhyaḥ sam vivyathuḥ pṛtanāṣāhamugrā ǁ
Padapatha Devanagari Accented
इन्द्रा॑सोमा । यु॒वम् । अ॒ङ्ग । तरु॑त्रम् । अ॒प॒त्य॒ऽसाच॑म् । श्रुत्य॑म् । र॒रा॒थे॒ इति॑ ।
यु॒वम् । शुष्म॑म् । नर्य॑म् । च॒र्ष॒णिऽभ्यः॑ । सम् । वि॒व्य॒थुः॒ । पृ॒त॒ना॒ऽसह॑म् । उ॒ग्रा॒ ॥
Padapatha Devanagari Nonaccented
इन्द्रासोमा । युवम् । अङ्ग । तरुत्रम् । अपत्यऽसाचम् । श्रुत्यम् । रराथे इति ।
युवम् । शुष्मम् । नर्यम् । चर्षणिऽभ्यः । सम् । विव्यथुः । पृतनाऽसहम् । उग्रा ॥
Padapatha Transcription Accented
índrāsomā ǀ yuvám ǀ aṅgá ǀ tárutram ǀ apatya-sā́cam ǀ śrútyam ǀ rarāthe íti ǀ
yuvám ǀ śúṣmam ǀ náryam ǀ carṣaṇí-bhyaḥ ǀ sám ǀ vivyathuḥ ǀ pṛtanā-sáham ǀ ugrā ǁ
Padapatha Transcription Nonaccented
indrāsomā ǀ yuvam ǀ aṅga ǀ tarutram ǀ apatya-sācam ǀ śrutyam ǀ rarāthe iti ǀ
yuvam ǀ śuṣmam ǀ naryam ǀ carṣaṇi-bhyaḥ ǀ sam ǀ vivyathuḥ ǀ pṛtanā-saham ǀ ugrā ǁ