|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 1
|
1. Info |
| To: | agni | |
| From: | vasiṣṭha maitrāvaruṇi | |
| Metres: | 1st set of styles: ekādaśākṣarapādaistripadāvirāḍgāyatrī (1-18); triṣṭup (19-25) 2nd set of styles: virāj (1-18); triṣṭubh (19-25) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.001.01 (Mandala. Sukta. Rik)
5.1.23.01 (Ashtaka. Adhyaya. Varga. Rik)
07.01.001 (Mandala. Anuvāka. Rik)
Samhita Devanagari Accented
अ॒ग्निं नरो॒ दीधि॑तिभिर॒रण्यो॒र्हस्त॑च्युती जनयंत प्रश॒स्तं ।
दू॒रे॒दृशं॑ गृ॒हप॑तिमथ॒र्युं ॥
Samhita Devanagari Nonaccented
अग्निं नरो दीधितिभिररण्योर्हस्तच्युती जनयंत प्रशस्तं ।
दूरेदृशं गृहपतिमथर्युं ॥
Samhita Transcription Accented
agním náro dī́dhitibhiraráṇyorhástacyutī janayanta praśastám ǀ
dūredṛ́śam gṛhápatimatharyúm ǁ
Samhita Transcription Nonaccented
agnim naro dīdhitibhiraraṇyorhastacyutī janayanta praśastam ǀ
dūredṛśam gṛhapatimatharyum ǁ
Padapatha Devanagari Accented
अ॒ग्निम् । नरः॑ । दीधि॑तिऽभिः । अ॒रण्योः॑ । हस्त॑ऽच्युती । ज॒न॒य॒न्त॒ । प्र॒ऽश॒स्तम् ।
दू॒रे॒ऽदृश॑म् । गृ॒हऽप॑तिम् । अ॒थ॒र्युम् ॥
Padapatha Devanagari Nonaccented
अग्निम् । नरः । दीधितिऽभिः । अरण्योः । हस्तऽच्युती । जनयन्त । प्रऽशस्तम् ।
दूरेऽदृशम् । गृहऽपतिम् । अथर्युम् ॥
Padapatha Transcription Accented
agním ǀ náraḥ ǀ dī́dhiti-bhiḥ ǀ aráṇyoḥ ǀ hásta-cyutī ǀ janayanta ǀ pra-śastám ǀ
dūre-dṛ́śam ǀ gṛhá-patim ǀ atharyúm ǁ
Padapatha Transcription Nonaccented
agnim ǀ naraḥ ǀ dīdhiti-bhiḥ ǀ araṇyoḥ ǀ hasta-cyutī ǀ janayanta ǀ pra-śastam ǀ
dūre-dṛśam ǀ gṛha-patim ǀ atharyum ǁ
07.001.02 (Mandala. Sukta. Rik)
5.1.23.02 (Ashtaka. Adhyaya. Varga. Rik)
07.01.002 (Mandala. Anuvāka. Rik)
Samhita Devanagari Accented
तम॒ग्निमस्ते॒ वस॑वो॒ न्यृ॑ण्वन्सुप्रति॒चक्ष॒मव॑से॒ कुत॑श्चित् ।
द॒क्षाय्यो॒ यो दम॒ आस॒ नित्यः॑ ॥
Samhita Devanagari Nonaccented
तमग्निमस्ते वसवो न्यृण्वन्सुप्रतिचक्षमवसे कुतश्चित् ।
दक्षाय्यो यो दम आस नित्यः ॥
Samhita Transcription Accented
támagnímáste vásavo nyṛ́ṇvansupraticákṣamávase kútaścit ǀ
dakṣā́yyo yó dáma ā́sa nítyaḥ ǁ
Samhita Transcription Nonaccented
tamagnimaste vasavo nyṛṇvansupraticakṣamavase kutaścit ǀ
dakṣāyyo yo dama āsa nityaḥ ǁ
Padapatha Devanagari Accented
तम् । अ॒ग्निम् । अस्ते॑ । वस॑वः । नि । ऋ॒ण्व॒न् । सु॒ऽप्र॒ति॒चक्ष॑म् । अव॑से । कुतः॑ । चि॒त् ।
द॒क्षाय्यः॑ । यः । दमे॑ । आस॑ । नित्यः॑ ॥
Padapatha Devanagari Nonaccented
तम् । अग्निम् । अस्ते । वसवः । नि । ऋण्वन् । सुऽप्रतिचक्षम् । अवसे । कुतः । चित् ।
दक्षाय्यः । यः । दमे । आस । नित्यः ॥
Padapatha Transcription Accented
tám ǀ agním ǀ áste ǀ vásavaḥ ǀ ní ǀ ṛṇvan ǀ su-praticákṣam ǀ ávase ǀ kútaḥ ǀ cit ǀ
dakṣā́yyaḥ ǀ yáḥ ǀ dáme ǀ ā́sa ǀ nítyaḥ ǁ
Padapatha Transcription Nonaccented
tam ǀ agnim ǀ aste ǀ vasavaḥ ǀ ni ǀ ṛṇvan ǀ su-praticakṣam ǀ avase ǀ kutaḥ ǀ cit ǀ
dakṣāyyaḥ ǀ yaḥ ǀ dame ǀ āsa ǀ nityaḥ ǁ
07.001.03 (Mandala. Sukta. Rik)
5.1.23.03 (Ashtaka. Adhyaya. Varga. Rik)
07.01.003 (Mandala. Anuvāka. Rik)
Samhita Devanagari Accented
प्रेद्धो॑ अग्ने दीदिहि पु॒रो नोऽज॑स्रया सू॒र्म्या॑ यविष्ठ ।
त्वां शश्वं॑त॒ उप॑ यंति॒ वाजाः॑ ॥
Samhita Devanagari Nonaccented
प्रेद्धो अग्ने दीदिहि पुरो नोऽजस्रया सूर्म्या यविष्ठ ।
त्वां शश्वंत उप यंति वाजाः ॥
Samhita Transcription Accented
préddho agne dīdihi puró nó’jasrayā sūrmyā́ yaviṣṭha ǀ
tvā́m śáśvanta úpa yanti vā́jāḥ ǁ
Samhita Transcription Nonaccented
preddho agne dīdihi puro no’jasrayā sūrmyā yaviṣṭha ǀ
tvām śaśvanta upa yanti vājāḥ ǁ
Padapatha Devanagari Accented
प्रऽइ॑द्धः । अ॒ग्ने॒ । दी॒दि॒हि॒ । पु॒रः । नः॒ । अज॑स्रया । सू॒र्म्या॑ । य॒वि॒ष्ठ॒ ।
त्वाम् । शश्व॑न्तः । उप॑ । य॒न्ति॒ । वाजाः॑ ॥
Padapatha Devanagari Nonaccented
प्रऽइद्धः । अग्ने । दीदिहि । पुरः । नः । अजस्रया । सूर्म्या । यविष्ठ ।
त्वाम् । शश्वन्तः । उप । यन्ति । वाजाः ॥
Padapatha Transcription Accented
prá-iddhaḥ ǀ agne ǀ dīdihi ǀ puráḥ ǀ naḥ ǀ ájasrayā ǀ sūrmyā́ ǀ yaviṣṭha ǀ
tvā́m ǀ śáśvantaḥ ǀ úpa ǀ yanti ǀ vā́jāḥ ǁ
Padapatha Transcription Nonaccented
pra-iddhaḥ ǀ agne ǀ dīdihi ǀ puraḥ ǀ naḥ ǀ ajasrayā ǀ sūrmyā ǀ yaviṣṭha ǀ
tvām ǀ śaśvantaḥ ǀ upa ǀ yanti ǀ vājāḥ ǁ
07.001.04 (Mandala. Sukta. Rik)
5.1.23.04 (Ashtaka. Adhyaya. Varga. Rik)
07.01.004 (Mandala. Anuvāka. Rik)
Samhita Devanagari Accented
प्र ते अ॒ग्नयो॒ऽग्निभ्यो॒ वरं॒ निः सु॒वीरा॑सः शोशुचंत द्यु॒मंतः॑ ।
यत्रा॒ नरः॑ स॒मास॑ते सुजा॒ताः ॥
Samhita Devanagari Nonaccented
प्र ते अग्नयोऽग्निभ्यो वरं निः सुवीरासः शोशुचंत द्युमंतः ।
यत्रा नरः समासते सुजाताः ॥
Samhita Transcription Accented
prá té agnáyo’gníbhyo váram níḥ suvī́rāsaḥ śośucanta dyumántaḥ ǀ
yátrā náraḥ samā́sate sujātā́ḥ ǁ
Samhita Transcription Nonaccented
pra te agnayo’gnibhyo varam niḥ suvīrāsaḥ śośucanta dyumantaḥ ǀ
yatrā naraḥ samāsate sujātāḥ ǁ
Padapatha Devanagari Accented
प्र । ते । अ॒ग्नयः॑ । अ॒ग्निऽभ्यः॑ । वर॑म् । निः । सु॒ऽवीरा॑सः । शो॒शु॒च॒न्त॒ । द्यु॒ऽमन्तः॑ ।
यत्र॑ । नरः॑ । स॒म्ऽआस॑ते । सु॒ऽजा॒ताः ॥
Padapatha Devanagari Nonaccented
प्र । ते । अग्नयः । अग्निऽभ्यः । वरम् । निः । सुऽवीरासः । शोशुचन्त । द्युऽमन्तः ।
यत्र । नरः । सम्ऽआसते । सुऽजाताः ॥
Padapatha Transcription Accented
prá ǀ té ǀ agnáyaḥ ǀ agní-bhyaḥ ǀ váram ǀ níḥ ǀ su-vī́rāsaḥ ǀ śośucanta ǀ dyu-mántaḥ ǀ
yátra ǀ náraḥ ǀ sam-ā́sate ǀ su-jātā́ḥ ǁ
Padapatha Transcription Nonaccented
pra ǀ te ǀ agnayaḥ ǀ agni-bhyaḥ ǀ varam ǀ niḥ ǀ su-vīrāsaḥ ǀ śośucanta ǀ dyu-mantaḥ ǀ
yatra ǀ naraḥ ǀ sam-āsate ǀ su-jātāḥ ǁ
07.001.05 (Mandala. Sukta. Rik)
5.1.23.05 (Ashtaka. Adhyaya. Varga. Rik)
07.01.005 (Mandala. Anuvāka. Rik)
Samhita Devanagari Accented
दा नो॑ अग्ने धि॒या र॒यिं सु॒वीरं॑ स्वप॒त्यं स॑हस्य प्रश॒स्तं ।
न यं यावा॒ तर॑ति यातु॒मावा॑न् ॥
Samhita Devanagari Nonaccented
दा नो अग्ने धिया रयिं सुवीरं स्वपत्यं सहस्य प्रशस्तं ।
न यं यावा तरति यातुमावान् ॥
Samhita Transcription Accented
dā́ no agne dhiyā́ rayím suvī́ram svapatyám sahasya praśastám ǀ
ná yám yā́vā tárati yātumā́vān ǁ
Samhita Transcription Nonaccented
dā no agne dhiyā rayim suvīram svapatyam sahasya praśastam ǀ
na yam yāvā tarati yātumāvān ǁ
Padapatha Devanagari Accented
दाः । नः॒ । अ॒ग्ने॒ । धि॒या । र॒यिम् । सु॒ऽवीर॑म् । सु॒ऽअ॒प॒त्यम् । स॒ह॒स्य॒ । प्र॒ऽश॒स्तम् ।
न । यम् । यावा॑ । तर॑ति । या॒तु॒ऽमावा॑न् ॥
Padapatha Devanagari Nonaccented
दाः । नः । अग्ने । धिया । रयिम् । सुऽवीरम् । सुऽअपत्यम् । सहस्य । प्रऽशस्तम् ।
न । यम् । यावा । तरति । यातुऽमावान् ॥
Padapatha Transcription Accented
dā́ḥ ǀ naḥ ǀ agne ǀ dhiyā́ ǀ rayím ǀ su-vī́ram ǀ su-apatyám ǀ sahasya ǀ pra-śastám ǀ
ná ǀ yám ǀ yā́vā ǀ tárati ǀ yātu-mā́vān ǁ
Padapatha Transcription Nonaccented
dāḥ ǀ naḥ ǀ agne ǀ dhiyā ǀ rayim ǀ su-vīram ǀ su-apatyam ǀ sahasya ǀ pra-śastam ǀ
na ǀ yam ǀ yāvā ǀ tarati ǀ yātu-māvān ǁ
07.001.06 (Mandala. Sukta. Rik)
5.1.24.01 (Ashtaka. Adhyaya. Varga. Rik)
07.01.006 (Mandala. Anuvāka. Rik)
Samhita Devanagari Accented
उप॒ यमेति॑ युव॒तिः सु॒दक्षं॑ दो॒षा वस्तो॑र्ह॒विष्म॑ती घृ॒ताची॑ ।
उप॒ स्वैन॑म॒रम॑तिर्वसू॒युः ॥
Samhita Devanagari Nonaccented
उप यमेति युवतिः सुदक्षं दोषा वस्तोर्हविष्मती घृताची ।
उप स्वैनमरमतिर्वसूयुः ॥
Samhita Transcription Accented
úpa yáméti yuvatíḥ sudákṣam doṣā́ vástorhavíṣmatī ghṛtā́cī ǀ
úpa sváinamarámatirvasūyúḥ ǁ
Samhita Transcription Nonaccented
upa yameti yuvatiḥ sudakṣam doṣā vastorhaviṣmatī ghṛtācī ǀ
upa svainamaramatirvasūyuḥ ǁ
Padapatha Devanagari Accented
उप॑ । यम् । एति॑ । यु॒व॒तिः । सु॒ऽदक्ष॑म् । दो॒षा । वस्तोः॑ । ह॒विष्म॑ती । घृ॒ताची॑ ।
उप॑ । स्वा । ए॒न॒म् । अ॒रम॑तिः । व॒सु॒ऽयुः ॥
Padapatha Devanagari Nonaccented
उप । यम् । एति । युवतिः । सुऽदक्षम् । दोषा । वस्तोः । हविष्मती । घृताची ।
उप । स्वा । एनम् । अरमतिः । वसुऽयुः ॥
Padapatha Transcription Accented
úpa ǀ yám ǀ éti ǀ yuvatíḥ ǀ su-dákṣam ǀ doṣā́ ǀ vástoḥ ǀ havíṣmatī ǀ ghṛtā́cī ǀ
úpa ǀ svā́ ǀ enam ǀ arámatiḥ ǀ vasu-yúḥ ǁ
Padapatha Transcription Nonaccented
upa ǀ yam ǀ eti ǀ yuvatiḥ ǀ su-dakṣam ǀ doṣā ǀ vastoḥ ǀ haviṣmatī ǀ ghṛtācī ǀ
upa ǀ svā ǀ enam ǀ aramatiḥ ǀ vasu-yuḥ ǁ
07.001.07 (Mandala. Sukta. Rik)
5.1.24.02 (Ashtaka. Adhyaya. Varga. Rik)
07.01.007 (Mandala. Anuvāka. Rik)
Samhita Devanagari Accented
विश्वा॑ अ॒ग्नेऽप॑ द॒हारा॑ती॒र्येभि॒स्तपो॑भि॒रद॑हो॒ जरू॑थं ।
प्र नि॑स्व॒रं चा॑तय॒स्वामी॑वां ॥
Samhita Devanagari Nonaccented
विश्वा अग्नेऽप दहारातीर्येभिस्तपोभिरदहो जरूथं ।
प्र निस्वरं चातयस्वामीवां ॥
Samhita Transcription Accented
víśvā agné’pa dahā́rātīryébhistápobhirádaho járūtham ǀ
prá nisvarám cātayasvā́mīvām ǁ
Samhita Transcription Nonaccented
viśvā agne’pa dahārātīryebhistapobhiradaho jarūtham ǀ
pra nisvaram cātayasvāmīvām ǁ
Padapatha Devanagari Accented
विश्वाः॑ । अ॒ग्ने॒ । अप॑ । द॒ह॒ । अरा॑तीः । येभिः॑ । तपः॑ऽभिः । अद॑हः । जरू॑थम् ।
प्र । नि॒ऽस्व॒रम् । चा॒त॒य॒स्व॒ । अमी॑वाम् ॥
Padapatha Devanagari Nonaccented
विश्वाः । अग्ने । अप । दह । अरातीः । येभिः । तपःऽभिः । अदहः । जरूथम् ।
प्र । निऽस्वरम् । चातयस्व । अमीवाम् ॥
Padapatha Transcription Accented
víśvāḥ ǀ agne ǀ ápa ǀ daha ǀ árātīḥ ǀ yébhiḥ ǀ tápaḥ-bhiḥ ǀ ádahaḥ ǀ járūtham ǀ
prá ǀ ni-svarám ǀ cātayasva ǀ ámīvām ǁ
Padapatha Transcription Nonaccented
viśvāḥ ǀ agne ǀ apa ǀ daha ǀ arātīḥ ǀ yebhiḥ ǀ tapaḥ-bhiḥ ǀ adahaḥ ǀ jarūtham ǀ
pra ǀ ni-svaram ǀ cātayasva ǀ amīvām ǁ
07.001.08 (Mandala. Sukta. Rik)
5.1.24.03 (Ashtaka. Adhyaya. Varga. Rik)
07.01.008 (Mandala. Anuvāka. Rik)
Samhita Devanagari Accented
आ यस्ते॑ अग्न इध॒ते अनी॑कं॒ वसि॑ष्ठ॒ शुक्र॒ दीदि॑वः॒ पाव॑क ।
उ॒तो न॑ ए॒भिः स्त॒वथै॑रि॒ह स्याः॑ ॥
Samhita Devanagari Nonaccented
आ यस्ते अग्न इधते अनीकं वसिष्ठ शुक्र दीदिवः पावक ।
उतो न एभिः स्तवथैरिह स्याः ॥
Samhita Transcription Accented
ā́ yáste agna idhaté ánīkam vásiṣṭha śúkra dī́divaḥ pā́vaka ǀ
utó na ebhíḥ staváthairihá syāḥ ǁ
Samhita Transcription Nonaccented
ā yaste agna idhate anīkam vasiṣṭha śukra dīdivaḥ pāvaka ǀ
uto na ebhiḥ stavathairiha syāḥ ǁ
Padapatha Devanagari Accented
आ । यः । ते॒ । अ॒ग्ने॒ । इ॒ध॒ते । अनी॑कम् । वसि॑ष्ठ । शुक्र॑ । दीदि॑ऽवः । पाव॑क ।
उ॒तो इति॑ । नः॒ । ए॒भिः । स्त॒वथैः॑ । इ॒ह । स्याः॒ ॥
Padapatha Devanagari Nonaccented
आ । यः । ते । अग्ने । इधते । अनीकम् । वसिष्ठ । शुक्र । दीदिऽवः । पावक ।
उतो इति । नः । एभिः । स्तवथैः । इह । स्याः ॥
Padapatha Transcription Accented
ā́ ǀ yáḥ ǀ te ǀ agne ǀ idhaté ǀ ánīkam ǀ vásiṣṭha ǀ śúkra ǀ dī́di-vaḥ ǀ pā́vaka ǀ
utó íti ǀ naḥ ǀ ebhíḥ ǀ staváthaiḥ ǀ ihá ǀ syāḥ ǁ
Padapatha Transcription Nonaccented
ā ǀ yaḥ ǀ te ǀ agne ǀ idhate ǀ anīkam ǀ vasiṣṭha ǀ śukra ǀ dīdi-vaḥ ǀ pāvaka ǀ
uto iti ǀ naḥ ǀ ebhiḥ ǀ stavathaiḥ ǀ iha ǀ syāḥ ǁ
07.001.09 (Mandala. Sukta. Rik)
5.1.24.04 (Ashtaka. Adhyaya. Varga. Rik)
07.01.009 (Mandala. Anuvāka. Rik)
Samhita Devanagari Accented
वि ये ते॑ अग्ने भेजि॒रे अनी॑कं॒ मर्ता॒ नरः॒ पित्र्या॑सः पुरु॒त्रा ।
उ॒तो न॑ ए॒भिः सु॒मना॑ इ॒ह स्याः॑ ॥
Samhita Devanagari Nonaccented
वि ये ते अग्ने भेजिरे अनीकं मर्ता नरः पित्र्यासः पुरुत्रा ।
उतो न एभिः सुमना इह स्याः ॥
Samhita Transcription Accented
ví yé te agne bhejiré ánīkam mártā náraḥ pítryāsaḥ purutrā́ ǀ
utó na ebhíḥ sumánā ihá syāḥ ǁ
Samhita Transcription Nonaccented
vi ye te agne bhejire anīkam martā naraḥ pitryāsaḥ purutrā ǀ
uto na ebhiḥ sumanā iha syāḥ ǁ
Padapatha Devanagari Accented
वि । ये । ते॒ । अ॒ग्ने॒ । भे॒जि॒रे । अनी॑कम् । मर्ताः॑ । नरः॑ । पित्र्या॑सः । पु॒रु॒ऽत्रा ।
उ॒तो इति॑ । नः॒ । ए॒भिः । सु॒ऽमनाः॑ । इ॒ह । स्याः॒ ॥
Padapatha Devanagari Nonaccented
वि । ये । ते । अग्ने । भेजिरे । अनीकम् । मर्ताः । नरः । पित्र्यासः । पुरुऽत्रा ।
उतो इति । नः । एभिः । सुऽमनाः । इह । स्याः ॥
Padapatha Transcription Accented
ví ǀ yé ǀ te ǀ agne ǀ bhejiré ǀ ánīkam ǀ mártāḥ ǀ náraḥ ǀ pítryāsaḥ ǀ puru-trā́ ǀ
utó íti ǀ naḥ ǀ ebhíḥ ǀ su-mánāḥ ǀ ihá ǀ syāḥ ǁ
Padapatha Transcription Nonaccented
vi ǀ ye ǀ te ǀ agne ǀ bhejire ǀ anīkam ǀ martāḥ ǀ naraḥ ǀ pitryāsaḥ ǀ puru-trā ǀ
uto iti ǀ naḥ ǀ ebhiḥ ǀ su-manāḥ ǀ iha ǀ syāḥ ǁ
07.001.10 (Mandala. Sukta. Rik)
5.1.24.05 (Ashtaka. Adhyaya. Varga. Rik)
07.01.010 (Mandala. Anuvāka. Rik)
Samhita Devanagari Accented
इ॒मे नरो॑ वृत्र॒हत्ये॑षु॒ शूरा॒ विश्वा॒ अदे॑वीर॒भि सं॑तु मा॒याः ।
ये मे॒ धियं॑ प॒नयं॑त प्रश॒स्तां ॥
Samhita Devanagari Nonaccented
इमे नरो वृत्रहत्येषु शूरा विश्वा अदेवीरभि संतु मायाः ।
ये मे धियं पनयंत प्रशस्तां ॥
Samhita Transcription Accented
imé náro vṛtrahátyeṣu śū́rā víśvā ádevīrabhí santu māyā́ḥ ǀ
yé me dhíyam panáyanta praśastā́m ǁ
Samhita Transcription Nonaccented
ime naro vṛtrahatyeṣu śūrā viśvā adevīrabhi santu māyāḥ ǀ
ye me dhiyam panayanta praśastām ǁ
Padapatha Devanagari Accented
इ॒मे । नरः॑ । वृ॒त्र॒ऽहत्ये॑षु । शूराः॑ । विश्वाः॑ । अदे॑वीः । अ॒भि । स॒न्तु॒ । मा॒याः ।
ये । मे॒ । धिय॑म् । प॒नय॑न्त । प्र॒ऽश॒स्ताम् ॥
Padapatha Devanagari Nonaccented
इमे । नरः । वृत्रऽहत्येषु । शूराः । विश्वाः । अदेवीः । अभि । सन्तु । मायाः ।
ये । मे । धियम् । पनयन्त । प्रऽशस्ताम् ॥
Padapatha Transcription Accented
imé ǀ náraḥ ǀ vṛtra-hátyeṣu ǀ śū́rāḥ ǀ víśvāḥ ǀ ádevīḥ ǀ abhí ǀ santu ǀ māyā́ḥ ǀ
yé ǀ me ǀ dhíyam ǀ panáyanta ǀ pra-śastā́m ǁ
Padapatha Transcription Nonaccented
ime ǀ naraḥ ǀ vṛtra-hatyeṣu ǀ śūrāḥ ǀ viśvāḥ ǀ adevīḥ ǀ abhi ǀ santu ǀ māyāḥ ǀ
ye ǀ me ǀ dhiyam ǀ panayanta ǀ pra-śastām ǁ
07.001.11 (Mandala. Sukta. Rik)
5.1.25.01 (Ashtaka. Adhyaya. Varga. Rik)
07.01.011 (Mandala. Anuvāka. Rik)
Samhita Devanagari Accented
मा शूने॑ अग्ने॒ नि ष॑दाम नृ॒णां माशेष॑सो॒ऽवीर॑ता॒ परि॑ त्वा ।
प्र॒जाव॑तीषु॒ दुर्या॑सु दुर्य ॥
Samhita Devanagari Nonaccented
मा शूने अग्ने नि षदाम नृणां माशेषसोऽवीरता परि त्वा ।
प्रजावतीषु दुर्यासु दुर्य ॥
Samhita Transcription Accented
mā́ śū́ne agne ní ṣadāma nṛṇā́m mā́śéṣaso’vī́ratā pári tvā ǀ
prajā́vatīṣu dúryāsu durya ǁ
Samhita Transcription Nonaccented
mā śūne agne ni ṣadāma nṛṇām māśeṣaso’vīratā pari tvā ǀ
prajāvatīṣu duryāsu durya ǁ
Padapatha Devanagari Accented
मा । शूने॑ । अ॒ग्ने॒ । नि । स॒दा॒म॒ । नृ॒णाम् । मा । अ॒शेष॑सः । अ॒वीर॑ता । परि॑ । त्वा॒ ।
प्र॒जाऽव॑तीषु । दुर्या॑सु । दु॒र्य॒ ॥
Padapatha Devanagari Nonaccented
मा । शूने । अग्ने । नि । सदाम । नृणाम् । मा । अशेषसः । अवीरता । परि । त्वा ।
प्रजाऽवतीषु । दुर्यासु । दुर्य ॥
Padapatha Transcription Accented
mā́ ǀ śū́ne ǀ agne ǀ ní ǀ sadāma ǀ nṛṇā́m ǀ mā́ ǀ aśéṣasaḥ ǀ avī́ratā ǀ pári ǀ tvā ǀ
prajā́-vatīṣu ǀ dúryāsu ǀ durya ǁ
Padapatha Transcription Nonaccented
mā ǀ śūne ǀ agne ǀ ni ǀ sadāma ǀ nṛṇām ǀ mā ǀ aśeṣasaḥ ǀ avīratā ǀ pari ǀ tvā ǀ
prajā-vatīṣu ǀ duryāsu ǀ durya ǁ
07.001.12 (Mandala. Sukta. Rik)
5.1.25.02 (Ashtaka. Adhyaya. Varga. Rik)
07.01.012 (Mandala. Anuvāka. Rik)
Samhita Devanagari Accented
यम॒श्वी नित्य॑मुप॒याति॑ य॒ज्ञं प्र॒जावं॑तं स्वप॒त्यं क्षयं॑ नः ।
स्वज॑न्मना॒ शेष॑सा वावृधा॒नं ॥
Samhita Devanagari Nonaccented
यमश्वी नित्यमुपयाति यज्ञं प्रजावंतं स्वपत्यं क्षयं नः ।
स्वजन्मना शेषसा वावृधानं ॥
Samhita Transcription Accented
yámaśvī́ nítyamupayā́ti yajñám prajā́vantam svapatyám kṣáyam naḥ ǀ
svájanmanā śéṣasā vāvṛdhānám ǁ
Samhita Transcription Nonaccented
yamaśvī nityamupayāti yajñam prajāvantam svapatyam kṣayam naḥ ǀ
svajanmanā śeṣasā vāvṛdhānam ǁ
Padapatha Devanagari Accented
यम् । अ॒श्वी । नित्य॑म् । उ॒प॒ऽयाति॑ । य॒ज्ञम् । प्र॒जाऽव॑न्तम् । सु॒ऽअ॒प॒त्यम् । क्षय॑म् । नः॒ ।
स्वऽज॑न्मना । शेष॑सा । व॒वृ॒धा॒नम् ॥
Padapatha Devanagari Nonaccented
यम् । अश्वी । नित्यम् । उपऽयाति । यज्ञम् । प्रजाऽवन्तम् । सुऽअपत्यम् । क्षयम् । नः ।
स्वऽजन्मना । शेषसा । ववृधानम् ॥
Padapatha Transcription Accented
yám ǀ aśvī́ ǀ nítyam ǀ upa-yā́ti ǀ yajñám ǀ prajā́-vantam ǀ su-apatyám ǀ kṣáyam ǀ naḥ ǀ
svá-janmanā ǀ śéṣasā ǀ vavṛdhānám ǁ
Padapatha Transcription Nonaccented
yam ǀ aśvī ǀ nityam ǀ upa-yāti ǀ yajñam ǀ prajā-vantam ǀ su-apatyam ǀ kṣayam ǀ naḥ ǀ
sva-janmanā ǀ śeṣasā ǀ vavṛdhānam ǁ
07.001.13 (Mandala. Sukta. Rik)
5.1.25.03 (Ashtaka. Adhyaya. Varga. Rik)
07.01.013 (Mandala. Anuvāka. Rik)
Samhita Devanagari Accented
पा॒हि नो॑ अग्ने र॒क्षसो॒ अजु॑ष्टात्पा॒हि धू॒र्तेरर॑रुषो अघा॒योः ।
त्वा यु॒जा पृ॑तना॒यूँर॒भि ष्यां॑ ॥
Samhita Devanagari Nonaccented
पाहि नो अग्ने रक्षसो अजुष्टात्पाहि धूर्तेरररुषो अघायोः ।
त्वा युजा पृतनायूँरभि ष्यां ॥
Samhita Transcription Accented
pāhí no agne rakṣáso ájuṣṭātpāhí dhūrtéráraruṣo aghāyóḥ ǀ
tvā́ yujā́ pṛtanāyū́m̐rabhí ṣyām ǁ
Samhita Transcription Nonaccented
pāhi no agne rakṣaso ajuṣṭātpāhi dhūrterararuṣo aghāyoḥ ǀ
tvā yujā pṛtanāyūm̐rabhi ṣyām ǁ
Padapatha Devanagari Accented
पा॒हि । नः॒ । अ॒ग्ने॒ । र॒क्षसः॑ । अजु॑ष्टात् । पा॒हि । धू॒र्तेः । अर॑रुषः । अ॒घ॒ऽयोः ।
त्वा । यु॒जा । पृ॒त॒ना॒ऽयून् । अ॒भि । स्या॒म् ॥
Padapatha Devanagari Nonaccented
पाहि । नः । अग्ने । रक्षसः । अजुष्टात् । पाहि । धूर्तेः । अररुषः । अघऽयोः ।
त्वा । युजा । पृतनाऽयून् । अभि । स्याम् ॥
Padapatha Transcription Accented
pāhí ǀ naḥ ǀ agne ǀ rakṣásaḥ ǀ ájuṣṭāt ǀ pāhí ǀ dhūrtéḥ ǀ áraruṣaḥ ǀ agha-yóḥ ǀ
tvā́ ǀ yujā́ ǀ pṛtanā-yū́n ǀ abhí ǀ syām ǁ
Padapatha Transcription Nonaccented
pāhi ǀ naḥ ǀ agne ǀ rakṣasaḥ ǀ ajuṣṭāt ǀ pāhi ǀ dhūrteḥ ǀ araruṣaḥ ǀ agha-yoḥ ǀ
tvā ǀ yujā ǀ pṛtanā-yūn ǀ abhi ǀ syām ǁ
07.001.14 (Mandala. Sukta. Rik)
5.1.25.04 (Ashtaka. Adhyaya. Varga. Rik)
07.01.014 (Mandala. Anuvāka. Rik)
Samhita Devanagari Accented
सेद॒ग्निर॒ग्नीँरत्य॑स्त्व॒न्यान्यत्र॑ वा॒जी तन॑यो वी॒ळुपा॑णिः ।
स॒हस्र॑पाथा अ॒क्षरा॑ स॒मेति॑ ॥
Samhita Devanagari Nonaccented
सेदग्निरग्नीँरत्यस्त्वन्यान्यत्र वाजी तनयो वीळुपाणिः ।
सहस्रपाथा अक्षरा समेति ॥
Samhita Transcription Accented
sédagníragnī́m̐rátyastvanyā́nyátra vājī́ tánayo vīḷúpāṇiḥ ǀ
sahásrapāthā akṣárā saméti ǁ
Samhita Transcription Nonaccented
sedagniragnīm̐ratyastvanyānyatra vājī tanayo vīḷupāṇiḥ ǀ
sahasrapāthā akṣarā sameti ǁ
Padapatha Devanagari Accented
सः । इत् । अ॒ग्निः । अ॒ग्नीन् । अति॑ । अ॒स्तु॒ । अ॒न्यान् । यत्र॑ । वा॒जी । तन॑यः । वी॒ळुऽपा॑णिः ।
स॒हस्र॑ऽपाथाः । अ॒क्षरा॑ । स॒म्ऽएति॑ ॥
Padapatha Devanagari Nonaccented
सः । इत् । अग्निः । अग्नीन् । अति । अस्तु । अन्यान् । यत्र । वाजी । तनयः । वीळुऽपाणिः ।
सहस्रऽपाथाः । अक्षरा । सम्ऽएति ॥
Padapatha Transcription Accented
sáḥ ǀ ít ǀ agníḥ ǀ agnī́n ǀ áti ǀ astu ǀ anyā́n ǀ yátra ǀ vājī́ ǀ tánayaḥ ǀ vīḷú-pāṇiḥ ǀ
sahásra-pāthāḥ ǀ akṣárā ǀ sam-éti ǁ
Padapatha Transcription Nonaccented
saḥ ǀ it ǀ agniḥ ǀ agnīn ǀ ati ǀ astu ǀ anyān ǀ yatra ǀ vājī ǀ tanayaḥ ǀ vīḷu-pāṇiḥ ǀ
sahasra-pāthāḥ ǀ akṣarā ǀ sam-eti ǁ
07.001.15 (Mandala. Sukta. Rik)
5.1.25.05 (Ashtaka. Adhyaya. Varga. Rik)
07.01.015 (Mandala. Anuvāka. Rik)
Samhita Devanagari Accented
सेद॒ग्निर्यो व॑नुष्य॒तो नि॒पाति॑ समे॒द्धार॒मंह॑स उरु॒ष्यात् ।
सु॒जा॒तासः॒ परि॑ चरंति वी॒राः ॥
Samhita Devanagari Nonaccented
सेदग्निर्यो वनुष्यतो निपाति समेद्धारमंहस उरुष्यात् ।
सुजातासः परि चरंति वीराः ॥
Samhita Transcription Accented
sédagníryó vanuṣyató nipā́ti sameddhā́ramáṃhasa uruṣyā́t ǀ
sujātā́saḥ pári caranti vīrā́ḥ ǁ
Samhita Transcription Nonaccented
sedagniryo vanuṣyato nipāti sameddhāramaṃhasa uruṣyāt ǀ
sujātāsaḥ pari caranti vīrāḥ ǁ
Padapatha Devanagari Accented
सः । इत् । अ॒ग्निः । यः । व॒नु॒ष्य॒तः । नि॒ऽपाति॑ । स॒म्ऽए॒द्धार॑म् । अंह॑सः । उ॒रु॒ष्यात् ।
सु॒ऽजा॒तासः॑ । परि॑ । च॒र॒न्ति॒ । वी॒राः ॥
Padapatha Devanagari Nonaccented
सः । इत् । अग्निः । यः । वनुष्यतः । निऽपाति । सम्ऽएद्धारम् । अंहसः । उरुष्यात् ।
सुऽजातासः । परि । चरन्ति । वीराः ॥
Padapatha Transcription Accented
sáḥ ǀ ít ǀ agníḥ ǀ yáḥ ǀ vanuṣyatáḥ ǀ ni-pā́ti ǀ sam-eddhā́ram ǀ áṃhasaḥ ǀ uruṣyā́t ǀ
su-jātā́saḥ ǀ pári ǀ caranti ǀ vīrā́ḥ ǁ
Padapatha Transcription Nonaccented
saḥ ǀ it ǀ agniḥ ǀ yaḥ ǀ vanuṣyataḥ ǀ ni-pāti ǀ sam-eddhāram ǀ aṃhasaḥ ǀ uruṣyāt ǀ
su-jātāsaḥ ǀ pari ǀ caranti ǀ vīrāḥ ǁ
07.001.16 (Mandala. Sukta. Rik)
5.1.26.01 (Ashtaka. Adhyaya. Varga. Rik)
07.01.016 (Mandala. Anuvāka. Rik)
Samhita Devanagari Accented
अ॒यं सो अ॒ग्निराहु॑तः पुरु॒त्रा यमीशा॑नः॒ समिदिं॒धे ह॒विष्मा॑न् ।
परि॒ यमेत्य॑ध्व॒रेषु॒ होता॑ ॥
Samhita Devanagari Nonaccented
अयं सो अग्निराहुतः पुरुत्रा यमीशानः समिदिंधे हविष्मान् ।
परि यमेत्यध्वरेषु होता ॥
Samhita Transcription Accented
ayám só agnírā́hutaḥ purutrā́ yámī́śānaḥ sámídindhé havíṣmān ǀ
pári yámétyadhvaréṣu hótā ǁ
Samhita Transcription Nonaccented
ayam so agnirāhutaḥ purutrā yamīśānaḥ samidindhe haviṣmān ǀ
pari yametyadhvareṣu hotā ǁ
Padapatha Devanagari Accented
अ॒यम् । सः । अ॒ग्निः । आऽहु॑तः । पु॒रु॒ऽत्रा । यम् । ईशा॑नः । सम् । इत् । इ॒न्धे । ह॒विष्मा॑न् ।
परि॑ । यम् । एति॑ । अ॒ध्व॒रेषु॑ । होता॑ ॥
Padapatha Devanagari Nonaccented
अयम् । सः । अग्निः । आऽहुतः । पुरुऽत्रा । यम् । ईशानः । सम् । इत् । इन्धे । हविष्मान् ।
परि । यम् । एति । अध्वरेषु । होता ॥
Padapatha Transcription Accented
ayám ǀ sáḥ ǀ agníḥ ǀ ā́-hutaḥ ǀ puru-trā́ ǀ yám ǀ ī́śānaḥ ǀ sám ǀ ít ǀ indhé ǀ havíṣmān ǀ
pári ǀ yám ǀ éti ǀ adhvaréṣu ǀ hótā ǁ
Padapatha Transcription Nonaccented
ayam ǀ saḥ ǀ agniḥ ǀ ā-hutaḥ ǀ puru-trā ǀ yam ǀ īśānaḥ ǀ sam ǀ it ǀ indhe ǀ haviṣmān ǀ
pari ǀ yam ǀ eti ǀ adhvareṣu ǀ hotā ǁ
07.001.17 (Mandala. Sukta. Rik)
5.1.26.02 (Ashtaka. Adhyaya. Varga. Rik)
07.01.017 (Mandala. Anuvāka. Rik)
Samhita Devanagari Accented
त्वे अ॑ग्न आ॒हव॑नानि॒ भूरी॑शा॒नास॒ आ जु॑हुयाम॒ नित्या॑ ।
उ॒भा कृ॒ण्वंतो॑ वह॒तू मि॒येधे॑ ॥
Samhita Devanagari Nonaccented
त्वे अग्न आहवनानि भूरीशानास आ जुहुयाम नित्या ।
उभा कृण्वंतो वहतू मियेधे ॥
Samhita Transcription Accented
tvé agna āhávanāni bhū́rīśānā́sa ā́ juhuyāma nítyā ǀ
ubhā́ kṛṇvánto vahatū́ miyédhe ǁ
Samhita Transcription Nonaccented
tve agna āhavanāni bhūrīśānāsa ā juhuyāma nityā ǀ
ubhā kṛṇvanto vahatū miyedhe ǁ
Padapatha Devanagari Accented
त्वे इति॑ । अ॒ग्ने॒ । आ॒ऽहव॑नानि । भूरि॑ । ई॒शा॒नासः॑ । आ । जु॒हु॒या॒म॒ । नित्या॑ ।
उ॒भा । कृ॒ण्वन्तः॑ । व॒ह॒तू इति॑ । मि॒येधे॑ ॥
Padapatha Devanagari Nonaccented
त्वे इति । अग्ने । आऽहवनानि । भूरि । ईशानासः । आ । जुहुयाम । नित्या ।
उभा । कृण्वन्तः । वहतू इति । मियेधे ॥
Padapatha Transcription Accented
tvé íti ǀ agne ǀ ā-hávanāni ǀ bhū́ri ǀ īśānā́saḥ ǀ ā́ ǀ juhuyāma ǀ nítyā ǀ
ubhā́ ǀ kṛṇvántaḥ ǀ vahatū́ íti ǀ miyédhe ǁ
Padapatha Transcription Nonaccented
tve iti ǀ agne ǀ ā-havanāni ǀ bhūri ǀ īśānāsaḥ ǀ ā ǀ juhuyāma ǀ nityā ǀ
ubhā ǀ kṛṇvantaḥ ǀ vahatū iti ǀ miyedhe ǁ
07.001.18 (Mandala. Sukta. Rik)
5.1.26.03 (Ashtaka. Adhyaya. Varga. Rik)
07.01.018 (Mandala. Anuvāka. Rik)
Samhita Devanagari Accented
इ॒मो अ॑ग्ने वी॒तत॑मानि ह॒व्याज॑स्रो वक्षि दे॒वता॑ति॒मच्छ॑ ।
प्रति॑ न ईं सुर॒भीणि॑ व्यंतु ॥
Samhita Devanagari Nonaccented
इमो अग्ने वीततमानि हव्याजस्रो वक्षि देवतातिमच्छ ।
प्रति न ईं सुरभीणि व्यंतु ॥
Samhita Transcription Accented
imó agne vītátamāni havyā́jasro vakṣi devátātimáccha ǀ
práti na īm surabhī́ṇi vyantu ǁ
Samhita Transcription Nonaccented
imo agne vītatamāni havyājasro vakṣi devatātimaccha ǀ
prati na īm surabhīṇi vyantu ǁ
Padapatha Devanagari Accented
इ॒मो इति॑ । अ॒ग्ने॒ । वी॒तऽत॑मानि । ह॒व्या । अज॑स्रः । व॒क्षि॒ । दे॒वऽता॑तिम् । अच्छ॑ ।
प्रति॑ । नः॒ । ई॒म् । सु॒र॒भीणि॑ । व्य॒न्तु॒ ॥
Padapatha Devanagari Nonaccented
इमो इति । अग्ने । वीतऽतमानि । हव्या । अजस्रः । वक्षि । देवऽतातिम् । अच्छ ।
प्रति । नः । ईम् । सुरभीणि । व्यन्तु ॥
Padapatha Transcription Accented
imó íti ǀ agne ǀ vītá-tamāni ǀ havyā́ ǀ ájasraḥ ǀ vakṣi ǀ devá-tātim ǀ áccha ǀ
práti ǀ naḥ ǀ īm ǀ surabhī́ṇi ǀ vyantu ǁ
Padapatha Transcription Nonaccented
imo iti ǀ agne ǀ vīta-tamāni ǀ havyā ǀ ajasraḥ ǀ vakṣi ǀ deva-tātim ǀ accha ǀ
prati ǀ naḥ ǀ īm ǀ surabhīṇi ǀ vyantu ǁ
07.001.19 (Mandala. Sukta. Rik)
5.1.26.04 (Ashtaka. Adhyaya. Varga. Rik)
07.01.019 (Mandala. Anuvāka. Rik)
Samhita Devanagari Accented
मा नो॑ अग्ने॒ऽवीर॑ते॒ परा॑ दा दु॒र्वास॒सेऽम॑तये॒ मा नो॑ अ॒स्यै ।
मा नः॑ क्षु॒धे मा र॒क्षस॑ ऋतावो॒ मा नो॒ दमे॒ मा वन॒ आ जु॑हूर्थाः ॥
Samhita Devanagari Nonaccented
मा नो अग्नेऽवीरते परा दा दुर्वाससेऽमतये मा नो अस्यै ।
मा नः क्षुधे मा रक्षस ऋतावो मा नो दमे मा वन आ जुहूर्थाः ॥
Samhita Transcription Accented
mā́ no agne’vī́rate párā dā durvā́sasé’mataye mā́ no asyái ǀ
mā́ naḥ kṣudhé mā́ rakṣása ṛtāvo mā́ no dáme mā́ vána ā́ juhūrthāḥ ǁ
Samhita Transcription Nonaccented
mā no agne’vīrate parā dā durvāsase’mataye mā no asyai ǀ
mā naḥ kṣudhe mā rakṣasa ṛtāvo mā no dame mā vana ā juhūrthāḥ ǁ
Padapatha Devanagari Accented
मा । नः॒ । अ॒ग्ने॒ । अ॒वीर॑ते । परा॑ । दाः॒ । दुः॒ऽवास॑से । अम॑तये । मा । नः॒ । अ॒स्यै ।
मा । नः॒ । क्षु॒धे । मा । र॒क्षसे॑ । ऋ॒त॒ऽवः॒ । मा । नः॒ । दमे॑ । मा । वने॑ । आ । जु॒हू॒र्थाः॒ ॥
Padapatha Devanagari Nonaccented
मा । नः । अग्ने । अवीरते । परा । दाः । दुःऽवाससे । अमतये । मा । नः । अस्यै ।
मा । नः । क्षुधे । मा । रक्षसे । ऋतऽवः । मा । नः । दमे । मा । वने । आ । जुहूर्थाः ॥
Padapatha Transcription Accented
mā́ ǀ naḥ ǀ agne ǀ avī́rate ǀ párā ǀ dāḥ ǀ duḥ-vā́sase ǀ ámataye ǀ mā́ ǀ naḥ ǀ asyái ǀ
mā́ ǀ naḥ ǀ kṣudhé ǀ mā́ ǀ rakṣáse ǀ ṛta-vaḥ ǀ mā́ ǀ naḥ ǀ dáme ǀ mā́ ǀ váne ǀ ā́ ǀ juhūrthāḥ ǁ
Padapatha Transcription Nonaccented
mā ǀ naḥ ǀ agne ǀ avīrate ǀ parā ǀ dāḥ ǀ duḥ-vāsase ǀ amataye ǀ mā ǀ naḥ ǀ asyai ǀ
mā ǀ naḥ ǀ kṣudhe ǀ mā ǀ rakṣase ǀ ṛta-vaḥ ǀ mā ǀ naḥ ǀ dame ǀ mā ǀ vane ǀ ā ǀ juhūrthāḥ ǁ
07.001.20 (Mandala. Sukta. Rik)
5.1.26.05 (Ashtaka. Adhyaya. Varga. Rik)
07.01.020 (Mandala. Anuvāka. Rik)
Samhita Devanagari Accented
नू मे॒ ब्रह्मा॑ण्यग्न॒ उच्छ॑शाधि॒ त्वं दे॑व म॒घव॑द्भ्यः सुषूदः ।
रा॒तौ स्या॑मो॒भया॑स॒ आ ते॑ यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
नू मे ब्रह्माण्यग्न उच्छशाधि त्वं देव मघवद्भ्यः सुषूदः ।
रातौ स्यामोभयास आ ते यूयं पात स्वस्तिभिः सदा नः ॥
Samhita Transcription Accented
nū́ me bráhmāṇyagna úcchaśādhi tvám deva maghávadbhyaḥ suṣūdaḥ ǀ
rātáu syāmobháyāsa ā́ te yūyám pāta svastíbhiḥ sádā naḥ ǁ
Samhita Transcription Nonaccented
nū me brahmāṇyagna ucchaśādhi tvam deva maghavadbhyaḥ suṣūdaḥ ǀ
rātau syāmobhayāsa ā te yūyam pāta svastibhiḥ sadā naḥ ǁ
Padapatha Devanagari Accented
नु । मे॒ । ब्रह्मा॑णि । अ॒ग्ने॒ । उत् । श॒शा॒धि॒ । त्वम् । दे॒व॒ । म॒घव॑त्ऽभ्यः । सु॒सू॒दः॒ ।
रा॒तौ । स्या॒म॒ । उ॒भया॑सः । आ । ते॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
नु । मे । ब्रह्माणि । अग्ने । उत् । शशाधि । त्वम् । देव । मघवत्ऽभ्यः । सुसूदः ।
रातौ । स्याम । उभयासः । आ । ते । यूयम् । पात । स्वस्तिऽभिः । सदा । नः ॥
Padapatha Transcription Accented
nú ǀ me ǀ bráhmāṇi ǀ agne ǀ út ǀ śaśādhi ǀ tvám ǀ deva ǀ maghávat-bhyaḥ ǀ susūdaḥ ǀ
rātáu ǀ syāma ǀ ubháyāsaḥ ǀ ā́ ǀ te ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
nu ǀ me ǀ brahmāṇi ǀ agne ǀ ut ǀ śaśādhi ǀ tvam ǀ deva ǀ maghavat-bhyaḥ ǀ susūdaḥ ǀ
rātau ǀ syāma ǀ ubhayāsaḥ ǀ ā ǀ te ǀ yūyam ǀ pāta ǀ svasti-bhiḥ ǀ sadā ǀ naḥ ǁ
07.001.21 (Mandala. Sukta. Rik)
5.1.27.01 (Ashtaka. Adhyaya. Varga. Rik)
07.01.021 (Mandala. Anuvāka. Rik)
Samhita Devanagari Accented
त्वम॑ग्ने सु॒हवो॑ र॒ण्वसं॑दृक्सुदी॒ती सू॑नो सहसो दिदीहि ।
मा त्वे सचा॒ तन॑ये॒ नित्य॒ आ ध॒ङ्मा वी॒रो अ॒स्मन्नर्यो॒ वि दा॑सीत् ॥
Samhita Devanagari Nonaccented
त्वमग्ने सुहवो रण्वसंदृक्सुदीती सूनो सहसो दिदीहि ।
मा त्वे सचा तनये नित्य आ धङ्मा वीरो अस्मन्नर्यो वि दासीत् ॥
Samhita Transcription Accented
tvámagne suhávo raṇvásaṃdṛksudītī́ sūno sahaso didīhi ǀ
mā́ tvé sácā tánaye nítya ā́ dhaṅmā́ vīró asmánnáryo ví dāsīt ǁ
Samhita Transcription Nonaccented
tvamagne suhavo raṇvasaṃdṛksudītī sūno sahaso didīhi ǀ
mā tve sacā tanaye nitya ā dhaṅmā vīro asmannaryo vi dāsīt ǁ
Padapatha Devanagari Accented
त्वम् । अ॒ग्ने॒ । सु॒ऽहवः॑ । र॒ण्वऽस॑न्दृक् । सु॒ऽदी॒ती । सू॒नो॒ इति॑ । स॒ह॒सः॒ । दि॒दी॒हि॒ ।
मा । त्वे इति॑ । सचा॑ । तन॑ये । नित्ये॑ । आ । ध॒क् । मा । वी॒रः । अ॒स्मत् । नर्यः॑ । वि । दा॒सी॒त् ॥
Padapatha Devanagari Nonaccented
त्वम् । अग्ने । सुऽहवः । रण्वऽसन्दृक् । सुऽदीती । सूनो इति । सहसः । दिदीहि ।
मा । त्वे इति । सचा । तनये । नित्ये । आ । धक् । मा । वीरः । अस्मत् । नर्यः । वि । दासीत् ॥
Padapatha Transcription Accented
tvám ǀ agne ǀ su-hávaḥ ǀ raṇvá-sandṛk ǀ su-dītī́ ǀ sūno íti ǀ sahasaḥ ǀ didīhi ǀ
mā́ ǀ tvé íti ǀ sácā ǀ tánaye ǀ nítye ǀ ā́ ǀ dhak ǀ mā́ ǀ vīráḥ ǀ asmát ǀ náryaḥ ǀ ví ǀ dāsīt ǁ
Padapatha Transcription Nonaccented
tvam ǀ agne ǀ su-havaḥ ǀ raṇva-sandṛk ǀ su-dītī ǀ sūno iti ǀ sahasaḥ ǀ didīhi ǀ
mā ǀ tve iti ǀ sacā ǀ tanaye ǀ nitye ǀ ā ǀ dhak ǀ mā ǀ vīraḥ ǀ asmat ǀ naryaḥ ǀ vi ǀ dāsīt ǁ
07.001.22 (Mandala. Sukta. Rik)
5.1.27.02 (Ashtaka. Adhyaya. Varga. Rik)
07.01.022 (Mandala. Anuvāka. Rik)
Samhita Devanagari Accented
मा नो॑ अग्ने दुर्भृ॒तये॒ सचै॒षु दे॒वेद्धे॑ष्व॒ग्निषु॒ प्र वो॑चः ।
मा ते॑ अ॒स्मांदु॑र्म॒तयो॑ भृ॒माच्चि॑द्दे॒वस्य॑ सूनो सहसो नशंत ॥
Samhita Devanagari Nonaccented
मा नो अग्ने दुर्भृतये सचैषु देवेद्धेष्वग्निषु प्र वोचः ।
मा ते अस्मांदुर्मतयो भृमाच्चिद्देवस्य सूनो सहसो नशंत ॥
Samhita Transcription Accented
mā́ no agne durbhṛtáye sácaiṣú devéddheṣvagníṣu prá vocaḥ ǀ
mā́ te asmā́ndurmatáyo bhṛmā́cciddevásya sūno sahaso naśanta ǁ
Samhita Transcription Nonaccented
mā no agne durbhṛtaye sacaiṣu deveddheṣvagniṣu pra vocaḥ ǀ
mā te asmāndurmatayo bhṛmācciddevasya sūno sahaso naśanta ǁ
Padapatha Devanagari Accented
मा । नः॒ । अ॒ग्ने॒ । दुः॒ऽभृ॒तये॑ । सचा॑ । ए॒षु । दे॒वऽइ॑द्धेषु । अ॒ग्निषु॑ । प्र । वो॒चः॒ ।
मा । ते॒ । अ॒स्मान् । दुः॒ऽम॒तयः॑ । भृ॒मात् । चि॒त् । दे॒वस्य॑ । सू॒नो॒ इति॑ । स॒ह॒सः॒ । न॒श॒न्त॒ ॥
Padapatha Devanagari Nonaccented
मा । नः । अग्ने । दुःऽभृतये । सचा । एषु । देवऽइद्धेषु । अग्निषु । प्र । वोचः ।
मा । ते । अस्मान् । दुःऽमतयः । भृमात् । चित् । देवस्य । सूनो इति । सहसः । नशन्त ॥
Padapatha Transcription Accented
mā́ ǀ naḥ ǀ agne ǀ duḥ-bhṛtáye ǀ sácā ǀ eṣú ǀ devá-iddheṣu ǀ agníṣu ǀ prá ǀ vocaḥ ǀ
mā́ ǀ te ǀ asmā́n ǀ duḥ-matáyaḥ ǀ bhṛmā́t ǀ cit ǀ devásya ǀ sūno íti ǀ sahasaḥ ǀ naśanta ǁ
Padapatha Transcription Nonaccented
mā ǀ naḥ ǀ agne ǀ duḥ-bhṛtaye ǀ sacā ǀ eṣu ǀ deva-iddheṣu ǀ agniṣu ǀ pra ǀ vocaḥ ǀ
mā ǀ te ǀ asmān ǀ duḥ-matayaḥ ǀ bhṛmāt ǀ cit ǀ devasya ǀ sūno iti ǀ sahasaḥ ǀ naśanta ǁ
07.001.23 (Mandala. Sukta. Rik)
5.1.27.03 (Ashtaka. Adhyaya. Varga. Rik)
07.01.023 (Mandala. Anuvāka. Rik)
Samhita Devanagari Accented
स मर्तो॑ अग्ने स्वनीक रे॒वानम॑र्त्ये॒ य आ॑जु॒होति॑ ह॒व्यं ।
स दे॒वता॑ वसु॒वनिं॑ दधाति॒ यं सू॒रिर॒र्थी पृ॒च्छमा॑न॒ एति॑ ॥
Samhita Devanagari Nonaccented
स मर्तो अग्ने स्वनीक रेवानमर्त्ये य आजुहोति हव्यं ।
स देवता वसुवनिं दधाति यं सूरिरर्थी पृच्छमान एति ॥
Samhita Transcription Accented
sá márto agne svanīka revā́námartye yá ājuhóti havyám ǀ
sá devátā vasuvánim dadhāti yám sūrírarthī́ pṛcchámāna éti ǁ
Samhita Transcription Nonaccented
sa marto agne svanīka revānamartye ya ājuhoti havyam ǀ
sa devatā vasuvanim dadhāti yam sūrirarthī pṛcchamāna eti ǁ
Padapatha Devanagari Accented
सः । मर्तः॑ । अ॒ग्ने॒ । सु॒ऽअ॒नी॒क॒ । रे॒वान् । अम॑र्त्ये । यः । आ॒ऽजु॒होति॑ । ह॒व्यम् ।
सः । दे॒वता॑ । व॒सु॒ऽवनि॑म् । द॒धा॒ति॒ । यम् । सू॒रिः । अ॒र्थी । पृ॒च्छमा॑नः । एति॑ ॥
Padapatha Devanagari Nonaccented
सः । मर्तः । अग्ने । सुऽअनीक । रेवान् । अमर्त्ये । यः । आऽजुहोति । हव्यम् ।
सः । देवता । वसुऽवनिम् । दधाति । यम् । सूरिः । अर्थी । पृच्छमानः । एति ॥
Padapatha Transcription Accented
sáḥ ǀ mártaḥ ǀ agne ǀ su-anīka ǀ revā́n ǀ ámartye ǀ yáḥ ǀ ā-juhóti ǀ havyám ǀ
sáḥ ǀ devátā ǀ vasu-vánim ǀ dadhāti ǀ yám ǀ sūríḥ ǀ arthī́ ǀ pṛcchámānaḥ ǀ éti ǁ
Padapatha Transcription Nonaccented
saḥ ǀ martaḥ ǀ agne ǀ su-anīka ǀ revān ǀ amartye ǀ yaḥ ǀ ā-juhoti ǀ havyam ǀ
saḥ ǀ devatā ǀ vasu-vanim ǀ dadhāti ǀ yam ǀ sūriḥ ǀ arthī ǀ pṛcchamānaḥ ǀ eti ǁ
07.001.24 (Mandala. Sukta. Rik)
5.1.27.04 (Ashtaka. Adhyaya. Varga. Rik)
07.01.024 (Mandala. Anuvāka. Rik)
Samhita Devanagari Accented
म॒हो नो॑ अग्ने सुवि॒तस्य॑ वि॒द्वान्र॒यिं सू॒रिभ्य॒ आ व॑हा बृ॒हंतं॑ ।
येन॑ व॒यं स॑हसाव॒न्मदे॒मावि॑क्षितास॒ आयु॑षा सु॒वीराः॑ ॥
Samhita Devanagari Nonaccented
महो नो अग्ने सुवितस्य विद्वान्रयिं सूरिभ्य आ वहा बृहंतं ।
येन वयं सहसावन्मदेमाविक्षितास आयुषा सुवीराः ॥
Samhita Transcription Accented
mahó no agne suvitásya vidvā́nrayím sūríbhya ā́ vahā bṛhántam ǀ
yéna vayám sahasāvanmádemā́vikṣitāsa ā́yuṣā suvī́rāḥ ǁ
Samhita Transcription Nonaccented
maho no agne suvitasya vidvānrayim sūribhya ā vahā bṛhantam ǀ
yena vayam sahasāvanmademāvikṣitāsa āyuṣā suvīrāḥ ǁ
Padapatha Devanagari Accented
म॒हः । नः॒ । अ॒ग्ने॒ । सु॒वि॒तस्य॑ । वि॒द्वान् । र॒यिम् । सू॒रिऽभ्यः॑ । आ । व॒ह॒ । बृ॒हन्त॑म् ।
येन॑ । व॒यम् । स॒ह॒सा॒ऽव॒न् । मदे॑म । अवि॑ऽक्षितासः । आयु॑षा । सु॒ऽवीराः॑ ॥
Padapatha Devanagari Nonaccented
महः । नः । अग्ने । सुवितस्य । विद्वान् । रयिम् । सूरिऽभ्यः । आ । वह । बृहन्तम् ।
येन । वयम् । सहसाऽवन् । मदेम । अविऽक्षितासः । आयुषा । सुऽवीराः ॥
Padapatha Transcription Accented
maháḥ ǀ naḥ ǀ agne ǀ suvitásya ǀ vidvā́n ǀ rayím ǀ sūrí-bhyaḥ ǀ ā́ ǀ vaha ǀ bṛhántam ǀ
yéna ǀ vayám ǀ sahasā-van ǀ mádema ǀ ávi-kṣitāsaḥ ǀ ā́yuṣā ǀ su-vī́rāḥ ǁ
Padapatha Transcription Nonaccented
mahaḥ ǀ naḥ ǀ agne ǀ suvitasya ǀ vidvān ǀ rayim ǀ sūri-bhyaḥ ǀ ā ǀ vaha ǀ bṛhantam ǀ
yena ǀ vayam ǀ sahasā-van ǀ madema ǀ avi-kṣitāsaḥ ǀ āyuṣā ǀ su-vīrāḥ ǁ
07.001.25 (Mandala. Sukta. Rik)
5.1.27.05 (Ashtaka. Adhyaya. Varga. Rik)
07.01.025 (Mandala. Anuvāka. Rik)
Samhita Devanagari Accented
नू मे॒ ब्रह्मा॑ण्यग्न॒ उच्छ॑शाधि॒ त्वं दे॑व म॒घव॑द्भ्यः सुषूदः ।
रा॒तौ स्या॑मो॒भया॑स॒ आ ते॑ यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
नू मे ब्रह्माण्यग्न उच्छशाधि त्वं देव मघवद्भ्यः सुषूदः ।
रातौ स्यामोभयास आ ते यूयं पात स्वस्तिभिः सदा नः ॥
Samhita Transcription Accented
nū́ me bráhmāṇyagna úcchaśādhi tvám deva maghávadbhyaḥ suṣūdaḥ ǀ
rātáu syāmobháyāsa ā́ te yūyám pāta svastíbhiḥ sádā naḥ ǁ
Samhita Transcription Nonaccented
nū me brahmāṇyagna ucchaśādhi tvam deva maghavadbhyaḥ suṣūdaḥ ǀ
rātau syāmobhayāsa ā te yūyam pāta svastibhiḥ sadā naḥ ǁ
Padapatha Devanagari Accented
नु । मे॒ । ब्रह्मा॑णि । अ॒ग्ने॒ । उत् । श॒शा॒धि॒ । त्वम् । दे॒व॒ । म॒घव॑त्ऽभ्यः । सु॒सू॒दः॒ ।
रा॒तौ । स्या॒म॒ । उ॒भया॑सः । आ । ते॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
नु । मे । ब्रह्माणि । अग्ने । उत् । शशाधि । त्वम् । देव । मघवत्ऽभ्यः । सुसूदः ।
रातौ । स्याम । उभयासः । आ । ते । यूयम् । पात । स्वस्तिऽभिः । सदा । नः ॥
Padapatha Transcription Accented
nú ǀ me ǀ bráhmāṇi ǀ agne ǀ út ǀ śaśādhi ǀ tvám ǀ deva ǀ maghávat-bhyaḥ ǀ susūdaḥ ǀ
rātáu ǀ syāma ǀ ubháyāsaḥ ǀ ā́ ǀ te ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
nu ǀ me ǀ brahmāṇi ǀ agne ǀ ut ǀ śaśādhi ǀ tvam ǀ deva ǀ maghavat-bhyaḥ ǀ susūdaḥ ǀ
rātau ǀ syāma ǀ ubhayāsaḥ ǀ ā ǀ te ǀ yūyam ǀ pāta ǀ svasti-bhiḥ ǀ sadā ǀ naḥ ǁ