|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 4
|
1. Info |
| To: | agni | |
| From: | vasiṣṭha maitrāvaruṇi | |
| Metres: | 1st set of styles: bhurikpaṅkti (1, 3, 4, 7); nicṛttriṣṭup (2, 5); paṅktiḥ (8, 9); svarāṭpaṅkti (6); virāṭtrisṭup (10) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.004.01 (Mandala. Sukta. Rik)
5.2.05.01 (Ashtaka. Adhyaya. Varga. Rik)
07.01.047 (Mandala. Anuvāka. Rik)
Samhita Devanagari Accented
प्र वः॑ शु॒क्राय॑ भा॒नवे॑ भरध्वं ह॒व्यं म॒तिं चा॒ग्नये॒ सुपू॑तं ।
यो दैव्या॑नि॒ मानु॑षा ज॒नूंष्यं॒तर्विश्वा॑नि वि॒द्मना॒ जिगा॑ति ॥
Samhita Devanagari Nonaccented
प्र वः शुक्राय भानवे भरध्वं हव्यं मतिं चाग्नये सुपूतं ।
यो दैव्यानि मानुषा जनूंष्यंतर्विश्वानि विद्मना जिगाति ॥
Samhita Transcription Accented
prá vaḥ śukrā́ya bhānáve bharadhvam havyám matím cāgnáye súpūtam ǀ
yó dáivyāni mā́nuṣā janū́ṃṣyantárvíśvāni vidmánā jígāti ǁ
Samhita Transcription Nonaccented
pra vaḥ śukrāya bhānave bharadhvam havyam matim cāgnaye supūtam ǀ
yo daivyāni mānuṣā janūṃṣyantarviśvāni vidmanā jigāti ǁ
Padapatha Devanagari Accented
प्र । वः॒ । शु॒क्राय॑ । भा॒नवे॑ । भ॒र॒ध्व॒म् । ह॒व्यम् । म॒तिम् । च॒ । अ॒ग्नये॑ । सुऽपू॑तम् ।
यः । दैव्या॑नि । मानु॑षा । ज॒नूंषि॑ । अ॒न्तः । विश्वा॑नि । वि॒द्मना॑ । जिगा॑ति ॥
Padapatha Devanagari Nonaccented
प्र । वः । शुक्राय । भानवे । भरध्वम् । हव्यम् । मतिम् । च । अग्नये । सुऽपूतम् ।
यः । दैव्यानि । मानुषा । जनूंषि । अन्तः । विश्वानि । विद्मना । जिगाति ॥
Padapatha Transcription Accented
prá ǀ vaḥ ǀ śukrā́ya ǀ bhānáve ǀ bharadhvam ǀ havyám ǀ matím ǀ ca ǀ agnáye ǀ sú-pūtam ǀ
yáḥ ǀ dáivyāni ǀ mā́nuṣā ǀ janū́ṃṣi ǀ antáḥ ǀ víśvāni ǀ vidmánā ǀ jígāti ǁ
Padapatha Transcription Nonaccented
pra ǀ vaḥ ǀ śukrāya ǀ bhānave ǀ bharadhvam ǀ havyam ǀ matim ǀ ca ǀ agnaye ǀ su-pūtam ǀ
yaḥ ǀ daivyāni ǀ mānuṣā ǀ janūṃṣi ǀ antaḥ ǀ viśvāni ǀ vidmanā ǀ jigāti ǁ
07.004.02 (Mandala. Sukta. Rik)
5.2.05.02 (Ashtaka. Adhyaya. Varga. Rik)
07.01.048 (Mandala. Anuvāka. Rik)
Samhita Devanagari Accented
स गृत्सो॑ अ॒ग्निस्तरु॑णश्चिदस्तु॒ यतो॒ यवि॑ष्ठो॒ अज॑निष्ट मा॒तुः ।
सं यो वना॑ यु॒वते॒ शुचि॑द॒न्भूरि॑ चि॒दन्ना॒ समिद॑त्ति स॒द्यः ॥
Samhita Devanagari Nonaccented
स गृत्सो अग्निस्तरुणश्चिदस्तु यतो यविष्ठो अजनिष्ट मातुः ।
सं यो वना युवते शुचिदन्भूरि चिदन्ना समिदत्ति सद्यः ॥
Samhita Transcription Accented
sá gṛ́tso agnístáruṇaścidastu yáto yáviṣṭho ájaniṣṭa mātúḥ ǀ
sám yó vánā yuváte śúcidanbhū́ri cidánnā sámídatti sadyáḥ ǁ
Samhita Transcription Nonaccented
sa gṛtso agnistaruṇaścidastu yato yaviṣṭho ajaniṣṭa mātuḥ ǀ
sam yo vanā yuvate śucidanbhūri cidannā samidatti sadyaḥ ǁ
Padapatha Devanagari Accented
सः । गृत्सः॑ । अ॒ग्निः । तरु॑णः । चि॒त् । अ॒स्तु॒ । यतः॑ । यवि॑ष्ठः । अज॑निष्ट । मा॒तुः ।
सम् । यः । वना॑ । यु॒वते॑ । शुचि॑ऽदन् । भूरि॑ । चि॒त् । अन्ना॑ । सम् । इत् । अ॒त्ति॒ । स॒द्यः ॥
Padapatha Devanagari Nonaccented
सः । गृत्सः । अग्निः । तरुणः । चित् । अस्तु । यतः । यविष्ठः । अजनिष्ट । मातुः ।
सम् । यः । वना । युवते । शुचिऽदन् । भूरि । चित् । अन्ना । सम् । इत् । अत्ति । सद्यः ॥
Padapatha Transcription Accented
sáḥ ǀ gṛ́tsaḥ ǀ agníḥ ǀ táruṇaḥ ǀ cit ǀ astu ǀ yátaḥ ǀ yáviṣṭhaḥ ǀ ájaniṣṭa ǀ mātúḥ ǀ
sám ǀ yáḥ ǀ vánā ǀ yuváte ǀ śúci-dan ǀ bhū́ri ǀ cit ǀ ánnā ǀ sám ǀ ít ǀ atti ǀ sadyáḥ ǁ
Padapatha Transcription Nonaccented
saḥ ǀ gṛtsaḥ ǀ agniḥ ǀ taruṇaḥ ǀ cit ǀ astu ǀ yataḥ ǀ yaviṣṭhaḥ ǀ ajaniṣṭa ǀ mātuḥ ǀ
sam ǀ yaḥ ǀ vanā ǀ yuvate ǀ śuci-dan ǀ bhūri ǀ cit ǀ annā ǀ sam ǀ it ǀ atti ǀ sadyaḥ ǁ
07.004.03 (Mandala. Sukta. Rik)
5.2.05.03 (Ashtaka. Adhyaya. Varga. Rik)
07.01.049 (Mandala. Anuvāka. Rik)
Samhita Devanagari Accented
अ॒स्य दे॒वस्य॑ सं॒सद्यनी॑के॒ यं मर्ता॑सः श्ये॒तं ज॑गृ॒भ्रे ।
नि यो गृभं॒ पौरु॑षेयीमु॒वोच॑ दु॒रोक॑म॒ग्निरा॒यवे॑ शुशोच ॥
Samhita Devanagari Nonaccented
अस्य देवस्य संसद्यनीके यं मर्तासः श्येतं जगृभ्रे ।
नि यो गृभं पौरुषेयीमुवोच दुरोकमग्निरायवे शुशोच ॥
Samhita Transcription Accented
asyá devásya saṃsádyánīke yám mártāsaḥ śyetám jagṛbhré ǀ
ní yó gṛ́bham páuruṣeyīmuvóca durókamagnírāyáve śuśoca ǁ
Samhita Transcription Nonaccented
asya devasya saṃsadyanīke yam martāsaḥ śyetam jagṛbhre ǀ
ni yo gṛbham pauruṣeyīmuvoca durokamagnirāyave śuśoca ǁ
Padapatha Devanagari Accented
अ॒स्य । दे॒वस्य॑ । स॒म्ऽसदि॑ । अनी॑के । यम् । मर्ता॑सः । श्ये॒तम् । ज॒गृ॒भ्रे ।
नि । यः । गृभ॑म् । पौरु॑षेयीम् । उ॒वोच॑ । दुः॒ऽओक॑म् । अ॒ग्निः । आ॒यवे॑ । शु॒शो॒च॒ ॥
Padapatha Devanagari Nonaccented
अस्य । देवस्य । सम्ऽसदि । अनीके । यम् । मर्तासः । श्येतम् । जगृभ्रे ।
नि । यः । गृभम् । पौरुषेयीम् । उवोच । दुःऽओकम् । अग्निः । आयवे । शुशोच ॥
Padapatha Transcription Accented
asyá ǀ devásya ǀ sam-sádi ǀ ánīke ǀ yám ǀ mártāsaḥ ǀ śyetám ǀ jagṛbhré ǀ
ní ǀ yáḥ ǀ gṛ́bham ǀ páuruṣeyīm ǀ uvóca ǀ duḥ-ókam ǀ agníḥ ǀ āyáve ǀ śuśoca ǁ
Padapatha Transcription Nonaccented
asya ǀ devasya ǀ sam-sadi ǀ anīke ǀ yam ǀ martāsaḥ ǀ śyetam ǀ jagṛbhre ǀ
ni ǀ yaḥ ǀ gṛbham ǀ pauruṣeyīm ǀ uvoca ǀ duḥ-okam ǀ agniḥ ǀ āyave ǀ śuśoca ǁ
07.004.04 (Mandala. Sukta. Rik)
5.2.05.04 (Ashtaka. Adhyaya. Varga. Rik)
07.01.050 (Mandala. Anuvāka. Rik)
Samhita Devanagari Accented
अ॒यं क॒विरक॑विषु॒ प्रचे॑ता॒ मर्ते॑ष्व॒ग्निर॒मृतो॒ नि धा॑यि ।
स मा नो॒ अत्र॑ जुहुरः सहस्वः॒ सदा॒ त्वे सु॒मन॑सः स्याम ॥
Samhita Devanagari Nonaccented
अयं कविरकविषु प्रचेता मर्तेष्वग्निरमृतो नि धायि ।
स मा नो अत्र जुहुरः सहस्वः सदा त्वे सुमनसः स्याम ॥
Samhita Transcription Accented
ayám kavírákaviṣu prácetā márteṣvagníramṛ́to ní dhāyi ǀ
sá mā́ no átra juhuraḥ sahasvaḥ sádā tvé sumánasaḥ syāma ǁ
Samhita Transcription Nonaccented
ayam kavirakaviṣu pracetā marteṣvagniramṛto ni dhāyi ǀ
sa mā no atra juhuraḥ sahasvaḥ sadā tve sumanasaḥ syāma ǁ
Padapatha Devanagari Accented
अ॒यम् । क॒विः । अक॑विषु । प्रऽचे॑ताः । मर्ते॑षु । अ॒ग्निः । अ॒मृतः॑ । नि । धा॒यि॒ ।
सः । मा । नः॒ । अत्र॑ । जु॒हु॒रः॒ । स॒ह॒स्वः॒ । सदा॑ । त्वे इति॑ । सु॒ऽमन॑सः । स्या॒म॒ ॥
Padapatha Devanagari Nonaccented
अयम् । कविः । अकविषु । प्रऽचेताः । मर्तेषु । अग्निः । अमृतः । नि । धायि ।
सः । मा । नः । अत्र । जुहुरः । सहस्वः । सदा । त्वे इति । सुऽमनसः । स्याम ॥
Padapatha Transcription Accented
ayám ǀ kavíḥ ǀ ákaviṣu ǀ prá-cetāḥ ǀ márteṣu ǀ agníḥ ǀ amṛ́taḥ ǀ ní ǀ dhāyi ǀ
sáḥ ǀ mā́ ǀ naḥ ǀ átra ǀ juhuraḥ ǀ sahasvaḥ ǀ sádā ǀ tvé íti ǀ su-mánasaḥ ǀ syāma ǁ
Padapatha Transcription Nonaccented
ayam ǀ kaviḥ ǀ akaviṣu ǀ pra-cetāḥ ǀ marteṣu ǀ agniḥ ǀ amṛtaḥ ǀ ni ǀ dhāyi ǀ
saḥ ǀ mā ǀ naḥ ǀ atra ǀ juhuraḥ ǀ sahasvaḥ ǀ sadā ǀ tve iti ǀ su-manasaḥ ǀ syāma ǁ
07.004.05 (Mandala. Sukta. Rik)
5.2.05.05 (Ashtaka. Adhyaya. Varga. Rik)
07.01.051 (Mandala. Anuvāka. Rik)
Samhita Devanagari Accented
आ यो योनिं॑ दे॒वकृ॑तं स॒साद॒ क्रत्वा॒ ह्य१॒॑ग्निर॒मृताँ॒ अता॑रीत् ।
तमोष॑धीश्च व॒निन॑श्च॒ गर्भं॒ भूमि॑श्च वि॒श्वधा॑यसं बिभर्ति ॥
Samhita Devanagari Nonaccented
आ यो योनिं देवकृतं ससाद क्रत्वा ह्यग्निरमृताँ अतारीत् ।
तमोषधीश्च वनिनश्च गर्भं भूमिश्च विश्वधायसं बिभर्ति ॥
Samhita Transcription Accented
ā́ yó yónim devákṛtam sasā́da krátvā hyágníramṛ́tām̐ átārīt ǀ
támóṣadhīśca vanínaśca gárbham bhū́miśca viśvádhāyasam bibharti ǁ
Samhita Transcription Nonaccented
ā yo yonim devakṛtam sasāda kratvā hyagniramṛtām̐ atārīt ǀ
tamoṣadhīśca vaninaśca garbham bhūmiśca viśvadhāyasam bibharti ǁ
Padapatha Devanagari Accented
आ । यः । योनि॑म् । दे॒वऽकृ॑तम् । स॒साद॑ । क्रत्वा॑ । हि । अ॒ग्निः । अ॒मृता॑न् । अता॑रीत् ।
तम् । ओष॑धीः । च॒ । व॒निनः॑ । च॒ । गर्भ॑म् । भूमिः॑ । च॒ । वि॒श्वऽधा॑यसम् । बि॒भ॒र्ति॒ ॥
Padapatha Devanagari Nonaccented
आ । यः । योनिम् । देवऽकृतम् । ससाद । क्रत्वा । हि । अग्निः । अमृतान् । अतारीत् ।
तम् । ओषधीः । च । वनिनः । च । गर्भम् । भूमिः । च । विश्वऽधायसम् । बिभर्ति ॥
Padapatha Transcription Accented
ā́ ǀ yáḥ ǀ yónim ǀ devá-kṛtam ǀ sasā́da ǀ krátvā ǀ hí ǀ agníḥ ǀ amṛ́tān ǀ átārīt ǀ
tám ǀ óṣadhīḥ ǀ ca ǀ vanínaḥ ǀ ca ǀ gárbham ǀ bhū́miḥ ǀ ca ǀ viśvá-dhāyasam ǀ bibharti ǁ
Padapatha Transcription Nonaccented
ā ǀ yaḥ ǀ yonim ǀ deva-kṛtam ǀ sasāda ǀ kratvā ǀ hi ǀ agniḥ ǀ amṛtān ǀ atārīt ǀ
tam ǀ oṣadhīḥ ǀ ca ǀ vaninaḥ ǀ ca ǀ garbham ǀ bhūmiḥ ǀ ca ǀ viśva-dhāyasam ǀ bibharti ǁ
07.004.06 (Mandala. Sukta. Rik)
5.2.06.01 (Ashtaka. Adhyaya. Varga. Rik)
07.01.052 (Mandala. Anuvāka. Rik)
Samhita Devanagari Accented
ईशे॒ ह्य१॒॑ग्निर॒मृत॑स्य॒ भूरे॒रीशे॑ रा॒यः सु॒वीर्य॑स्य॒ दातोः॑ ।
मा त्वा॑ व॒यं स॑हसावन्न॒वीरा॒ माप्स॑वः॒ परि॑ षदाम॒ मादु॑वः ॥
Samhita Devanagari Nonaccented
ईशे ह्यग्निरमृतस्य भूरेरीशे रायः सुवीर्यस्य दातोः ।
मा त्वा वयं सहसावन्नवीरा माप्सवः परि षदाम मादुवः ॥
Samhita Transcription Accented
ī́śe hyágníramṛ́tasya bhū́rerī́śe rāyáḥ suvī́ryasya dā́toḥ ǀ
mā́ tvā vayám sahasāvannavī́rā mā́psavaḥ pári ṣadāma mā́duvaḥ ǁ
Samhita Transcription Nonaccented
īśe hyagniramṛtasya bhūrerīśe rāyaḥ suvīryasya dātoḥ ǀ
mā tvā vayam sahasāvannavīrā māpsavaḥ pari ṣadāma māduvaḥ ǁ
Padapatha Devanagari Accented
ईशे॑ । हि । अ॒ग्निः । अ॒मृत॑स्य । भूरेः॑ । ईशे॑ । रा॒यः । सु॒ऽवीर्य॑स्य । दातोः॑ ।
मा । त्वा॒ । व॒यम् । स॒ह॒सा॒ऽव॒न् । अ॒वीराः॑ । मा । अप्स॑वः । परि॑ । स॒दा॒म॒ । मा । अदु॑वः ॥
Padapatha Devanagari Nonaccented
ईशे । हि । अग्निः । अमृतस्य । भूरेः । ईशे । रायः । सुऽवीर्यस्य । दातोः ।
मा । त्वा । वयम् । सहसाऽवन् । अवीराः । मा । अप्सवः । परि । सदाम । मा । अदुवः ॥
Padapatha Transcription Accented
ī́śe ǀ hí ǀ agníḥ ǀ amṛ́tasya ǀ bhū́reḥ ǀ ī́śe ǀ rāyáḥ ǀ su-vī́ryasya ǀ dā́toḥ ǀ
mā́ ǀ tvā ǀ vayám ǀ sahasā-van ǀ avī́rāḥ ǀ mā́ ǀ ápsavaḥ ǀ pári ǀ sadāma ǀ mā́ ǀ áduvaḥ ǁ
Padapatha Transcription Nonaccented
īśe ǀ hi ǀ agniḥ ǀ amṛtasya ǀ bhūreḥ ǀ īśe ǀ rāyaḥ ǀ su-vīryasya ǀ dātoḥ ǀ
mā ǀ tvā ǀ vayam ǀ sahasā-van ǀ avīrāḥ ǀ mā ǀ apsavaḥ ǀ pari ǀ sadāma ǀ mā ǀ aduvaḥ ǁ
07.004.07 (Mandala. Sukta. Rik)
5.2.06.02 (Ashtaka. Adhyaya. Varga. Rik)
07.01.053 (Mandala. Anuvāka. Rik)
Samhita Devanagari Accented
प॒रि॒षद्यं॒ ह्यर॑णस्य॒ रेक्णो॒ नित्य॑स्य रा॒यः पत॑यः स्याम ।
न शेषो॑ अग्ने अ॒न्यजा॑तम॒स्त्यचे॑तानस्य॒ मा प॒थो वि दु॑क्षः ॥
Samhita Devanagari Nonaccented
परिषद्यं ह्यरणस्य रेक्णो नित्यस्य रायः पतयः स्याम ।
न शेषो अग्ने अन्यजातमस्त्यचेतानस्य मा पथो वि दुक्षः ॥
Samhita Transcription Accented
pariṣádyam hyáraṇasya rékṇo nítyasya rāyáḥ pátayaḥ syāma ǀ
ná śéṣo agne anyájātamastyácetānasya mā́ pathó ví dukṣaḥ ǁ
Samhita Transcription Nonaccented
pariṣadyam hyaraṇasya rekṇo nityasya rāyaḥ patayaḥ syāma ǀ
na śeṣo agne anyajātamastyacetānasya mā patho vi dukṣaḥ ǁ
Padapatha Devanagari Accented
प॒रि॒ऽसद्य॑म् । हि । अर॑णस्य । रेक्णः॑ । नित्य॑स्य । रा॒यः । पत॑यः । स्या॒म॒ ।
न । शेषः॑ । अ॒ग्ने॒ । अ॒न्यऽजा॑तम् । अ॒स्ति॒ । अचे॑तानस्य । मा । प॒थः । वि । दु॒क्षः॒ ॥
Padapatha Devanagari Nonaccented
परिऽसद्यम् । हि । अरणस्य । रेक्णः । नित्यस्य । रायः । पतयः । स्याम ।
न । शेषः । अग्ने । अन्यऽजातम् । अस्ति । अचेतानस्य । मा । पथः । वि । दुक्षः ॥
Padapatha Transcription Accented
pari-sádyam ǀ hí ǀ áraṇasya ǀ rékṇaḥ ǀ nítyasya ǀ rāyáḥ ǀ pátayaḥ ǀ syāma ǀ
ná ǀ śéṣaḥ ǀ agne ǀ anyá-jātam ǀ asti ǀ ácetānasya ǀ mā́ ǀ patháḥ ǀ ví ǀ dukṣaḥ ǁ
Padapatha Transcription Nonaccented
pari-sadyam ǀ hi ǀ araṇasya ǀ rekṇaḥ ǀ nityasya ǀ rāyaḥ ǀ patayaḥ ǀ syāma ǀ
na ǀ śeṣaḥ ǀ agne ǀ anya-jātam ǀ asti ǀ acetānasya ǀ mā ǀ pathaḥ ǀ vi ǀ dukṣaḥ ǁ
07.004.08 (Mandala. Sukta. Rik)
5.2.06.03 (Ashtaka. Adhyaya. Varga. Rik)
07.01.054 (Mandala. Anuvāka. Rik)
Samhita Devanagari Accented
न॒हि ग्रभा॒यार॑णः सु॒शेवो॒ऽन्योद॑र्यो॒ मन॑सा॒ मंत॒वा उ॑ ।
अधा॑ चि॒दोकः॒ पुन॒रित्स ए॒त्या नो॑ वा॒ज्य॑भी॒षाळे॑तु॒ नव्यः॑ ॥
Samhita Devanagari Nonaccented
नहि ग्रभायारणः सुशेवोऽन्योदर्यो मनसा मंतवा उ ।
अधा चिदोकः पुनरित्स एत्या नो वाज्यभीषाळेतु नव्यः ॥
Samhita Transcription Accented
nahí grábhāyā́raṇaḥ suśévo’nyódaryo mánasā mántavā́ u ǀ
ádhā cidókaḥ púnarítsá etyā́ no vājyábhīṣā́ḷetu návyaḥ ǁ
Samhita Transcription Nonaccented
nahi grabhāyāraṇaḥ suśevo’nyodaryo manasā mantavā u ǀ
adhā cidokaḥ punaritsa etyā no vājyabhīṣāḷetu navyaḥ ǁ
Padapatha Devanagari Accented
न॒हि । ग्रभा॑य । अर॑णः । सु॒ऽशेवः॑ । अ॒न्यऽउ॑दर्यः । मन॑सा । मन्त॒वै । ऊं॒ इति॑ ।
अध॑ । चि॒त् । ओकः॑ । पुनः॑ । इत् । सः । ए॒ति॒ । आ । नः॒ । वा॒जी । अ॒भी॒षाट् । ए॒तु॒ । नव्यः॑ ॥
Padapatha Devanagari Nonaccented
नहि । ग्रभाय । अरणः । सुऽशेवः । अन्यऽउदर्यः । मनसा । मन्तवै । ऊं इति ।
अध । चित् । ओकः । पुनः । इत् । सः । एति । आ । नः । वाजी । अभीषाट् । एतु । नव्यः ॥
Padapatha Transcription Accented
nahí ǀ grábhāya ǀ áraṇaḥ ǀ su-śévaḥ ǀ anyá-udaryaḥ ǀ mánasā ǀ mántavái ǀ ūṃ íti ǀ
ádha ǀ cit ǀ ókaḥ ǀ púnaḥ ǀ ít ǀ sáḥ ǀ eti ǀ ā́ ǀ naḥ ǀ vājī́ ǀ abhīṣā́ṭ ǀ etu ǀ návyaḥ ǁ
Padapatha Transcription Nonaccented
nahi ǀ grabhāya ǀ araṇaḥ ǀ su-śevaḥ ǀ anya-udaryaḥ ǀ manasā ǀ mantavai ǀ ūṃ iti ǀ
adha ǀ cit ǀ okaḥ ǀ punaḥ ǀ it ǀ saḥ ǀ eti ǀ ā ǀ naḥ ǀ vājī ǀ abhīṣāṭ ǀ etu ǀ navyaḥ ǁ
07.004.09 (Mandala. Sukta. Rik)
5.2.06.04 (Ashtaka. Adhyaya. Varga. Rik)
07.01.055 (Mandala. Anuvāka. Rik)
Samhita Devanagari Accented
त्वम॑ग्ने वनुष्य॒तो नि पा॑हि॒ त्वमु॑ नः सहसावन्नव॒द्यात् ।
सं त्वा॑ ध्वस्म॒न्वद॒भ्ये॑तु॒ पाथः॒ सं र॒यिः स्पृ॑ह॒याय्यः॑ सह॒स्री ॥
Samhita Devanagari Nonaccented
त्वमग्ने वनुष्यतो नि पाहि त्वमु नः सहसावन्नवद्यात् ।
सं त्वा ध्वस्मन्वदभ्येतु पाथः सं रयिः स्पृहयाय्यः सहस्री ॥
Samhita Transcription Accented
tvámagne vanuṣyató ní pāhi tvámu naḥ sahasāvannavadyā́t ǀ
sám tvā dhvasmanvádabhyétu pā́thaḥ sám rayíḥ spṛhayā́yyaḥ sahasrī́ ǁ
Samhita Transcription Nonaccented
tvamagne vanuṣyato ni pāhi tvamu naḥ sahasāvannavadyāt ǀ
sam tvā dhvasmanvadabhyetu pāthaḥ sam rayiḥ spṛhayāyyaḥ sahasrī ǁ
Padapatha Devanagari Accented
त्वम् । अ॒ग्ने॒ । व॒नु॒ष्य॒तः । नि । पा॒हि॒ । त्वम् । ऊं॒ इति॑ । नः॒ । स॒ह॒सा॒ऽव॒न् । अ॒व॒द्यात् ।
सम् । त्वा॒ । ध्व॒स्म॒न्ऽवत् । अ॒भि । ए॒तु॒ । पाथः॑ । सम् । र॒यिः । स्पृ॒ह॒याय्यः॑ । स॒ह॒स्री ॥
Padapatha Devanagari Nonaccented
त्वम् । अग्ने । वनुष्यतः । नि । पाहि । त्वम् । ऊं इति । नः । सहसाऽवन् । अवद्यात् ।
सम् । त्वा । ध्वस्मन्ऽवत् । अभि । एतु । पाथः । सम् । रयिः । स्पृहयाय्यः । सहस्री ॥
Padapatha Transcription Accented
tvám ǀ agne ǀ vanuṣyatáḥ ǀ ní ǀ pāhi ǀ tvám ǀ ūṃ íti ǀ naḥ ǀ sahasā-van ǀ avadyā́t ǀ
sám ǀ tvā ǀ dhvasman-vát ǀ abhí ǀ etu ǀ pā́thaḥ ǀ sám ǀ rayíḥ ǀ spṛhayā́yyaḥ ǀ sahasrī́ ǁ
Padapatha Transcription Nonaccented
tvam ǀ agne ǀ vanuṣyataḥ ǀ ni ǀ pāhi ǀ tvam ǀ ūṃ iti ǀ naḥ ǀ sahasā-van ǀ avadyāt ǀ
sam ǀ tvā ǀ dhvasman-vat ǀ abhi ǀ etu ǀ pāthaḥ ǀ sam ǀ rayiḥ ǀ spṛhayāyyaḥ ǀ sahasrī ǁ
07.004.10 (Mandala. Sukta. Rik)
5.2.06.05 (Ashtaka. Adhyaya. Varga. Rik)
07.01.056 (Mandala. Anuvāka. Rik)
Samhita Devanagari Accented
ए॒ता नो॑ अग्ने॒ सौभ॑गा दिदी॒ह्यपि॒ क्रतुं॑ सु॒चेत॑सं वतेम ।
विश्वा॑ स्तो॒तृभ्यो॑ गृण॒ते च॑ संतु यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
एता नो अग्ने सौभगा दिदीह्यपि क्रतुं सुचेतसं वतेम ।
विश्वा स्तोतृभ्यो गृणते च संतु यूयं पात स्वस्तिभिः सदा नः ॥
Samhita Transcription Accented
etā́ no agne sáubhagā didīhyápi krátum sucétasam vatema ǀ
víśvā stotṛ́bhyo gṛṇaté ca santu yūyám pāta svastíbhiḥ sádā naḥ ǁ
Samhita Transcription Nonaccented
etā no agne saubhagā didīhyapi kratum sucetasam vatema ǀ
viśvā stotṛbhyo gṛṇate ca santu yūyam pāta svastibhiḥ sadā naḥ ǁ
Padapatha Devanagari Accented
ए॒ता । नः॒ । अ॒ग्ने॒ । सौभ॑गा । दि॒दी॒हि॒ । अपि॑ । क्रतु॑म् । सु॒ऽचेत॑सम् । व॒ते॒म॒ ।
विश्वा॑ । स्तो॒तृऽभ्यः॑ । गृ॒ण॒ते । च॒ । स॒न्तु॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
एता । नः । अग्ने । सौभगा । दिदीहि । अपि । क्रतुम् । सुऽचेतसम् । वतेम ।
विश्वा । स्तोतृऽभ्यः । गृणते । च । सन्तु । यूयम् । पात । स्वस्तिऽभिः । सदा । नः ॥
Padapatha Transcription Accented
etā́ ǀ naḥ ǀ agne ǀ sáubhagā ǀ didīhi ǀ ápi ǀ krátum ǀ su-cétasam ǀ vatema ǀ
víśvā ǀ stotṛ́-bhyaḥ ǀ gṛṇaté ǀ ca ǀ santu ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
etā ǀ naḥ ǀ agne ǀ saubhagā ǀ didīhi ǀ api ǀ kratum ǀ su-cetasam ǀ vatema ǀ
viśvā ǀ stotṛ-bhyaḥ ǀ gṛṇate ǀ ca ǀ santu ǀ yūyam ǀ pāta ǀ svasti-bhiḥ ǀ sadā ǀ naḥ ǁ