|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 6
|
1. Info |
| To: | agni vaiśvānara | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (1, 4, 5); bhurikpaṅkti (3, 7); nicṛtpaṅkti (2); virāṭtrisṭup (6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.006.01 (Mandala. Sukta. Rik)
5.2.09.01 (Ashtaka. Adhyaya. Varga. Rik)
07.01.066 (Mandala. Anuvāka. Rik)
Samhita Devanagari Accented
प्र स॒म्राजो॒ असु॑रस्य॒ प्रश॑स्तिं पुं॒सः कृ॑ष्टी॒नाम॑नु॒माद्य॑स्य ।
इंद्र॑स्येव॒ प्र त॒वस॑स्कृ॒तानि॒ वंदे॑ दा॒रुं वंद॑मानो विवक्मि ॥
Samhita Devanagari Nonaccented
प्र सम्राजो असुरस्य प्रशस्तिं पुंसः कृष्टीनामनुमाद्यस्य ।
इंद्रस्येव प्र तवसस्कृतानि वंदे दारुं वंदमानो विवक्मि ॥
Samhita Transcription Accented
prá samrā́jo ásurasya práśastim puṃsáḥ kṛṣṭīnā́manumā́dyasya ǀ
índrasyeva prá tavásaskṛtā́ni vánde dārúm vándamāno vivakmi ǁ
Samhita Transcription Nonaccented
pra samrājo asurasya praśastim puṃsaḥ kṛṣṭīnāmanumādyasya ǀ
indrasyeva pra tavasaskṛtāni vande dārum vandamāno vivakmi ǁ
Padapatha Devanagari Accented
प्र । स॒म्ऽराजः॑ । असु॑रस्य । प्रऽश॑स्तिम् । पुं॒सः । कृ॒ष्टी॒नाम् । अ॒नु॒ऽमाद्य॑स्य ।
इन्द्र॑स्यऽइव । प्र । त॒वसः॑ । कृ॒तानि॑ । वन्दे॑ । दा॒रुम् । वन्द॑मानः । वि॒व॒क्मि॒ ॥
Padapatha Devanagari Nonaccented
प्र । सम्ऽराजः । असुरस्य । प्रऽशस्तिम् । पुंसः । कृष्टीनाम् । अनुऽमाद्यस्य ।
इन्द्रस्यऽइव । प्र । तवसः । कृतानि । वन्दे । दारुम् । वन्दमानः । विवक्मि ॥
Padapatha Transcription Accented
prá ǀ sam-rā́jaḥ ǀ ásurasya ǀ prá-śastim ǀ puṃsáḥ ǀ kṛṣṭīnā́m ǀ anu-mā́dyasya ǀ
índrasya-iva ǀ prá ǀ tavásaḥ ǀ kṛtā́ni ǀ vánde ǀ dārúm ǀ vándamānaḥ ǀ vivakmi ǁ
Padapatha Transcription Nonaccented
pra ǀ sam-rājaḥ ǀ asurasya ǀ pra-śastim ǀ puṃsaḥ ǀ kṛṣṭīnām ǀ anu-mādyasya ǀ
indrasya-iva ǀ pra ǀ tavasaḥ ǀ kṛtāni ǀ vande ǀ dārum ǀ vandamānaḥ ǀ vivakmi ǁ
07.006.02 (Mandala. Sukta. Rik)
5.2.09.02 (Ashtaka. Adhyaya. Varga. Rik)
07.01.067 (Mandala. Anuvāka. Rik)
Samhita Devanagari Accented
क॒विं के॒तुं धा॒सिं भा॒नुमद्रे॑र्हि॒न्वंति॒ शं रा॒ज्यं रोद॑स्योः ।
पु॒रं॒द॒रस्य॑ गी॒र्भिरा वि॑वासे॒ऽग्नेर्व्र॒तानि॑ पू॒र्व्या म॒हानि॑ ॥
Samhita Devanagari Nonaccented
कविं केतुं धासिं भानुमद्रेर्हिन्वंति शं राज्यं रोदस्योः ।
पुरंदरस्य गीर्भिरा विवासेऽग्नेर्व्रतानि पूर्व्या महानि ॥
Samhita Transcription Accented
kavím ketúm dhāsím bhānúmádrerhinvánti śám rājyám ródasyoḥ ǀ
puraṃdarásya gīrbhírā́ vivāse’gnérvratā́ni pūrvyā́ mahā́ni ǁ
Samhita Transcription Nonaccented
kavim ketum dhāsim bhānumadrerhinvanti śam rājyam rodasyoḥ ǀ
puraṃdarasya gīrbhirā vivāse’gnervratāni pūrvyā mahāni ǁ
Padapatha Devanagari Accented
क॒विम् । के॒तुम् । धा॒सिम् । भा॒नुम् । अद्रेः॑ । हि॒न्वन्ति॑ । शम् । रा॒ज्यम् । रोद॑स्योः ।
पु॒र॒म्ऽद॒रस्य॑ । गीः॒ऽभिः । आ । वि॒वा॒से॒ । अ॒ग्नेः । व्र॒तानि॑ । पू॒र्व्या । म॒हानि॑ ॥
Padapatha Devanagari Nonaccented
कविम् । केतुम् । धासिम् । भानुम् । अद्रेः । हिन्वन्ति । शम् । राज्यम् । रोदस्योः ।
पुरम्ऽदरस्य । गीःऽभिः । आ । विवासे । अग्नेः । व्रतानि । पूर्व्या । महानि ॥
Padapatha Transcription Accented
kavím ǀ ketúm ǀ dhāsím ǀ bhānúm ǀ ádreḥ ǀ hinvánti ǀ śám ǀ rājyám ǀ ródasyoḥ ǀ
puram-darásya ǀ gīḥ-bhíḥ ǀ ā́ ǀ vivāse ǀ agnéḥ ǀ vratā́ni ǀ pūrvyā́ ǀ mahā́ni ǁ
Padapatha Transcription Nonaccented
kavim ǀ ketum ǀ dhāsim ǀ bhānum ǀ adreḥ ǀ hinvanti ǀ śam ǀ rājyam ǀ rodasyoḥ ǀ
puram-darasya ǀ gīḥ-bhiḥ ǀ ā ǀ vivāse ǀ agneḥ ǀ vratāni ǀ pūrvyā ǀ mahāni ǁ
07.006.03 (Mandala. Sukta. Rik)
5.2.09.03 (Ashtaka. Adhyaya. Varga. Rik)
07.01.068 (Mandala. Anuvāka. Rik)
Samhita Devanagari Accented
न्य॑क्र॒तून्ग्र॒थिनो॑ मृ॒ध्रवा॑चः प॒णीँर॑श्र॒द्धाँ अ॑वृ॒धाँ अ॑य॒ज्ञान् ।
प्रप्र॒ तांदस्यूँ॑र॒ग्निर्वि॑वाय॒ पूर्व॑श्चका॒राप॑राँ॒ अय॑ज्यून् ॥
Samhita Devanagari Nonaccented
न्यक्रतून्ग्रथिनो मृध्रवाचः पणीँरश्रद्धाँ अवृधाँ अयज्ञान् ।
प्रप्र तांदस्यूँरग्निर्विवाय पूर्वश्चकारापराँ अयज्यून् ॥
Samhita Transcription Accented
nyákratū́ngrathíno mṛdhrávācaḥ paṇī́m̐raśraddhā́m̐ avṛdhā́m̐ ayajñā́n ǀ
prápra tā́ndásyūm̐ragnírvivāya pū́rvaścakārā́parām̐ áyajyūn ǁ
Samhita Transcription Nonaccented
nyakratūngrathino mṛdhravācaḥ paṇīm̐raśraddhām̐ avṛdhām̐ ayajñān ǀ
prapra tāndasyūm̐ragnirvivāya pūrvaścakārāparām̐ ayajyūn ǁ
Padapatha Devanagari Accented
नि । अ॒क्र॒तून् । ग्र॒थिनः॑ । मृ॒ध्रऽवा॑चः । प॒णीन् । अ॒श्र॒द्धान् । अ॒वृ॒धान् । अ॒य॒ज्ञान् ।
प्रऽप्र॑ । तान् । दस्यू॑न् । अ॒ग्निः । वि॒वा॒य॒ । पूर्वः॑ । च॒का॒र॒ । अप॑रान् । अय॑ज्यून् ॥
Padapatha Devanagari Nonaccented
नि । अक्रतून् । ग्रथिनः । मृध्रऽवाचः । पणीन् । अश्रद्धान् । अवृधान् । अयज्ञान् ।
प्रऽप्र । तान् । दस्यून् । अग्निः । विवाय । पूर्वः । चकार । अपरान् । अयज्यून् ॥
Padapatha Transcription Accented
ní ǀ akratū́n ǀ grathínaḥ ǀ mṛdhrá-vācaḥ ǀ paṇī́n ǀ aśraddhā́n ǀ avṛdhā́n ǀ ayajñā́n ǀ
prá-pra ǀ tā́n ǀ dásyūn ǀ agníḥ ǀ vivāya ǀ pū́rvaḥ ǀ cakāra ǀ áparān ǀ áyajyūn ǁ
Padapatha Transcription Nonaccented
ni ǀ akratūn ǀ grathinaḥ ǀ mṛdhra-vācaḥ ǀ paṇīn ǀ aśraddhān ǀ avṛdhān ǀ ayajñān ǀ
pra-pra ǀ tān ǀ dasyūn ǀ agniḥ ǀ vivāya ǀ pūrvaḥ ǀ cakāra ǀ aparān ǀ ayajyūn ǁ
07.006.04 (Mandala. Sukta. Rik)
5.2.09.04 (Ashtaka. Adhyaya. Varga. Rik)
07.01.069 (Mandala. Anuvāka. Rik)
Samhita Devanagari Accented
यो अ॑पा॒चीने॒ तम॑सि॒ मदं॑तीः॒ प्राची॑श्च॒कार॒ नृत॑मः॒ शची॑भिः ।
तमीशा॑नं॒ वस्वो॑ अ॒ग्निं गृ॑णी॒षेऽना॑नतं द॒मयं॑तं पृत॒न्यून् ॥
Samhita Devanagari Nonaccented
यो अपाचीने तमसि मदंतीः प्राचीश्चकार नृतमः शचीभिः ।
तमीशानं वस्वो अग्निं गृणीषेऽनानतं दमयंतं पृतन्यून् ॥
Samhita Transcription Accented
yó apācī́ne támasi mádantīḥ prā́cīścakā́ra nṛ́tamaḥ śácībhiḥ ǀ
támī́śānam vásvo agním gṛṇīṣé’nānatam damáyantam pṛtanyū́n ǁ
Samhita Transcription Nonaccented
yo apācīne tamasi madantīḥ prācīścakāra nṛtamaḥ śacībhiḥ ǀ
tamīśānam vasvo agnim gṛṇīṣe’nānatam damayantam pṛtanyūn ǁ
Padapatha Devanagari Accented
यः । अ॒पा॒चीने॑ । तम॑सि । मद॑न्तीः । प्राचीः॑ । च॒कार॑ । नृऽत॑मः । शची॑भिः ।
तम् । ईशा॑नम् । वस्वः॑ । अ॒ग्निम् । गृ॒णी॒षे॒ । अना॑नतम् । द॒मय॑न्तम् । पृ॒त॒न्यून् ॥
Padapatha Devanagari Nonaccented
यः । अपाचीने । तमसि । मदन्तीः । प्राचीः । चकार । नृऽतमः । शचीभिः ।
तम् । ईशानम् । वस्वः । अग्निम् । गृणीषे । अनानतम् । दमयन्तम् । पृतन्यून् ॥
Padapatha Transcription Accented
yáḥ ǀ apācī́ne ǀ támasi ǀ mádantīḥ ǀ prā́cīḥ ǀ cakā́ra ǀ nṛ́-tamaḥ ǀ śácībhiḥ ǀ
tám ǀ ī́śānam ǀ vásvaḥ ǀ agním ǀ gṛṇīṣe ǀ ánānatam ǀ damáyantam ǀ pṛtanyū́n ǁ
Padapatha Transcription Nonaccented
yaḥ ǀ apācīne ǀ tamasi ǀ madantīḥ ǀ prācīḥ ǀ cakāra ǀ nṛ-tamaḥ ǀ śacībhiḥ ǀ
tam ǀ īśānam ǀ vasvaḥ ǀ agnim ǀ gṛṇīṣe ǀ anānatam ǀ damayantam ǀ pṛtanyūn ǁ
07.006.05 (Mandala. Sukta. Rik)
5.2.09.05 (Ashtaka. Adhyaya. Varga. Rik)
07.01.070 (Mandala. Anuvāka. Rik)
Samhita Devanagari Accented
यो दे॒ह्यो॒३॒॑ अन॑मयद्वध॒स्नैर्यो अ॒र्यप॑त्नीरु॒षस॑श्च॒कार॑ ।
स नि॒रुध्या॒ नहु॑षो य॒ह्वो अ॒ग्निर्विश॑श्चक्रे बलि॒हृतः॒ सहो॑भिः ॥
Samhita Devanagari Nonaccented
यो देह्यो अनमयद्वधस्नैर्यो अर्यपत्नीरुषसश्चकार ।
स निरुध्या नहुषो यह्वो अग्निर्विशश्चक्रे बलिहृतः सहोभिः ॥
Samhita Transcription Accented
yó dehyo ánamayadvadhasnáiryó aryápatnīruṣásaścakā́ra ǀ
sá nirúdhyā náhuṣo yahvó agnírvíśaścakre balihṛ́taḥ sáhobhiḥ ǁ
Samhita Transcription Nonaccented
yo dehyo anamayadvadhasnairyo aryapatnīruṣasaścakāra ǀ
sa nirudhyā nahuṣo yahvo agnirviśaścakre balihṛtaḥ sahobhiḥ ǁ
Padapatha Devanagari Accented
यः । दे॒ह्यः॑ । अन॑मयत् । व॒ध॒ऽस्नैः । यः । अ॒र्यऽप॑त्नीः । उ॒षसः॑ । च॒कार॑ ।
सः । नि॒ऽरुध्य॑ । नहु॑षः । य॒ह्वः । अ॒ग्निः । विशः॑ । च॒क्रे॒ । ब॒लि॒ऽहृतः॑ । सहः॑ऽभिः ॥
Padapatha Devanagari Nonaccented
यः । देह्यः । अनमयत् । वधऽस्नैः । यः । अर्यऽपत्नीः । उषसः । चकार ।
सः । निऽरुध्य । नहुषः । यह्वः । अग्निः । विशः । चक्रे । बलिऽहृतः । सहःऽभिः ॥
Padapatha Transcription Accented
yáḥ ǀ dehyáḥ ǀ ánamayat ǀ vadha-snáiḥ ǀ yáḥ ǀ aryá-patnīḥ ǀ uṣásaḥ ǀ cakā́ra ǀ
sáḥ ǀ ni-rúdhya ǀ náhuṣaḥ ǀ yahváḥ ǀ agníḥ ǀ víśaḥ ǀ cakre ǀ bali-hṛ́taḥ ǀ sáhaḥ-bhiḥ ǁ
Padapatha Transcription Nonaccented
yaḥ ǀ dehyaḥ ǀ anamayat ǀ vadha-snaiḥ ǀ yaḥ ǀ arya-patnīḥ ǀ uṣasaḥ ǀ cakāra ǀ
saḥ ǀ ni-rudhya ǀ nahuṣaḥ ǀ yahvaḥ ǀ agniḥ ǀ viśaḥ ǀ cakre ǀ bali-hṛtaḥ ǀ sahaḥ-bhiḥ ǁ
07.006.06 (Mandala. Sukta. Rik)
5.2.09.06 (Ashtaka. Adhyaya. Varga. Rik)
07.01.071 (Mandala. Anuvāka. Rik)
Samhita Devanagari Accented
यस्य॒ शर्म॒न्नुप॒ विश्वे॒ जना॑स॒ एवै॑स्त॒स्थुः सु॑म॒तिं भिक्ष॑माणाः ।
वै॒श्वा॒न॒रो वर॒मा रोद॑स्यो॒राग्निः स॑साद पि॒त्रोरु॒पस्थं॑ ॥
Samhita Devanagari Nonaccented
यस्य शर्मन्नुप विश्वे जनास एवैस्तस्थुः सुमतिं भिक्षमाणाः ।
वैश्वानरो वरमा रोदस्योराग्निः ससाद पित्रोरुपस्थं ॥
Samhita Transcription Accented
yásya śármannúpa víśve jánāsa évaistasthúḥ sumatím bhíkṣamāṇāḥ ǀ
vaiśvānaró váramā́ ródasyorā́gníḥ sasāda pitrórupástham ǁ
Samhita Transcription Nonaccented
yasya śarmannupa viśve janāsa evaistasthuḥ sumatim bhikṣamāṇāḥ ǀ
vaiśvānaro varamā rodasyorāgniḥ sasāda pitrorupastham ǁ
Padapatha Devanagari Accented
यस्य॑ । शर्म॑न् । उप॑ । विश्वे॑ । जना॑सः । एवैः॑ । त॒स्थुः । सु॒ऽम॒तिम् । भिक्ष॑माणाः ।
वै॒श्वा॒न॒रः । वर॑म् । आ । रोद॑स्योः । आ । अ॒ग्निः । स॒सा॒द॒ । पि॒त्रोः । उ॒पऽस्थ॑म् ॥
Padapatha Devanagari Nonaccented
यस्य । शर्मन् । उप । विश्वे । जनासः । एवैः । तस्थुः । सुऽमतिम् । भिक्षमाणाः ।
वैश्वानरः । वरम् । आ । रोदस्योः । आ । अग्निः । ससाद । पित्रोः । उपऽस्थम् ॥
Padapatha Transcription Accented
yásya ǀ śárman ǀ úpa ǀ víśve ǀ jánāsaḥ ǀ évaiḥ ǀ tasthúḥ ǀ su-matím ǀ bhíkṣamāṇāḥ ǀ
vaiśvānaráḥ ǀ váram ǀ ā́ ǀ ródasyoḥ ǀ ā́ ǀ agníḥ ǀ sasāda ǀ pitróḥ ǀ upá-stham ǁ
Padapatha Transcription Nonaccented
yasya ǀ śarman ǀ upa ǀ viśve ǀ janāsaḥ ǀ evaiḥ ǀ tasthuḥ ǀ su-matim ǀ bhikṣamāṇāḥ ǀ
vaiśvānaraḥ ǀ varam ǀ ā ǀ rodasyoḥ ǀ ā ǀ agniḥ ǀ sasāda ǀ pitroḥ ǀ upa-stham ǁ
07.006.07 (Mandala. Sukta. Rik)
5.2.09.07 (Ashtaka. Adhyaya. Varga. Rik)
07.01.072 (Mandala. Anuvāka. Rik)
Samhita Devanagari Accented
आ दे॒वो द॑दे बु॒ध्न्या॒३॒॑ वसू॑नि वैश्वान॒र उदि॑ता॒ सूर्य॑स्य ।
आ स॑मु॒द्रादव॑रा॒दा पर॑स्मा॒दाग्निर्द॑दे दि॒व आ पृ॑थि॒व्याः ॥
Samhita Devanagari Nonaccented
आ देवो ददे बुध्न्या वसूनि वैश्वानर उदिता सूर्यस्य ।
आ समुद्रादवरादा परस्मादाग्निर्ददे दिव आ पृथिव्याः ॥
Samhita Transcription Accented
ā́ devó dade budhnyā́ vásūni vaiśvānará úditā sū́ryasya ǀ
ā́ samudrā́dávarādā́ párasmādā́gnírdade divá ā́ pṛthivyā́ḥ ǁ
Samhita Transcription Nonaccented
ā devo dade budhnyā vasūni vaiśvānara uditā sūryasya ǀ
ā samudrādavarādā parasmādāgnirdade diva ā pṛthivyāḥ ǁ
Padapatha Devanagari Accented
आ । दे॒वः । द॒दे॒ । बु॒ध्न्या॑ । वसू॑नि । वै॒श्वा॒न॒रः । उत्ऽइ॑ता । सूर्य॑स्य ।
आ । स॒मु॒द्रात् । अव॑रात् । आ । पर॑स्मात् । आ । अ॒ग्निः । द॒दे॒ । दि॒वः । आ । पृ॒थि॒व्याः ॥
Padapatha Devanagari Nonaccented
आ । देवः । ददे । बुध्न्या । वसूनि । वैश्वानरः । उत्ऽइता । सूर्यस्य ।
आ । समुद्रात् । अवरात् । आ । परस्मात् । आ । अग्निः । ददे । दिवः । आ । पृथिव्याः ॥
Padapatha Transcription Accented
ā́ ǀ deváḥ ǀ dade ǀ budhnyā́ ǀ vásūni ǀ vaiśvānaráḥ ǀ út-itā ǀ sū́ryasya ǀ
ā́ ǀ samudrā́t ǀ ávarāt ǀ ā́ ǀ párasmāt ǀ ā́ ǀ agníḥ ǀ dade ǀ diváḥ ǀ ā́ ǀ pṛthivyā́ḥ ǁ
Padapatha Transcription Nonaccented
ā ǀ devaḥ ǀ dade ǀ budhnyā ǀ vasūni ǀ vaiśvānaraḥ ǀ ut-itā ǀ sūryasya ǀ
ā ǀ samudrāt ǀ avarāt ǀ ā ǀ parasmāt ǀ ā ǀ agniḥ ǀ dade ǀ divaḥ ǀ ā ǀ pṛthivyāḥ ǁ