|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 11
|
1. Info |
| To: | agni | |
| From: | vasiṣṭha maitrāvaruṇi | |
| Metres: | 1st set of styles: bhurikpaṅkti (2, 4); svarāṭpaṅkti (1); virāṭtrisṭup (3); nicṛttriṣṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.011.01 (Mandala. Sukta. Rik)
5.2.14.01 (Ashtaka. Adhyaya. Varga. Rik)
07.01.098 (Mandala. Anuvāka. Rik)
Samhita Devanagari Accented
म॒हाँ अ॑स्यध्व॒रस्य॑ प्रके॒तो न ऋ॒ते त्वद॒मृता॑ मादयंते ।
आ विश्वे॑भिः स॒रथं॑ याहि दे॒वैर्न्य॑ग्ने॒ होता॑ प्रथ॒मः स॑दे॒ह ॥
Samhita Devanagari Nonaccented
महाँ अस्यध्वरस्य प्रकेतो न ऋते त्वदमृता मादयंते ।
आ विश्वेभिः सरथं याहि देवैर्न्यग्ने होता प्रथमः सदेह ॥
Samhita Transcription Accented
mahā́m̐ asyadhvarásya praketó ná ṛté tvádamṛ́tā mādayante ǀ
ā́ víśvebhiḥ sarátham yāhi deváirnyágne hótā prathamáḥ sadehá ǁ
Samhita Transcription Nonaccented
mahām̐ asyadhvarasya praketo na ṛte tvadamṛtā mādayante ǀ
ā viśvebhiḥ saratham yāhi devairnyagne hotā prathamaḥ sadeha ǁ
Padapatha Devanagari Accented
म॒हान् । अ॒सि॒ । अ॒ध्व॒रस्य॑ । प्र॒ऽके॒तः । न । ऋ॒ते । त्वत् । अ॒मृताः॑ । मा॒द॒य॒न्ते॒ ।
आ । विश्वे॑भिः । स॒ऽरथ॑म् । या॒हि॒ । दे॒वैः । नि । अ॒ग्ने॒ । होता॑ । प्र॒थ॒मः । स॒द॒ । इ॒ह ॥
Padapatha Devanagari Nonaccented
महान् । असि । अध्वरस्य । प्रऽकेतः । न । ऋते । त्वत् । अमृताः । मादयन्ते ।
आ । विश्वेभिः । सऽरथम् । याहि । देवैः । नि । अग्ने । होता । प्रथमः । सद । इह ॥
Padapatha Transcription Accented
mahā́n ǀ asi ǀ adhvarásya ǀ pra-ketáḥ ǀ ná ǀ ṛté ǀ tvát ǀ amṛ́tāḥ ǀ mādayante ǀ
ā́ ǀ víśvebhiḥ ǀ sa-rátham ǀ yāhi ǀ deváiḥ ǀ ní ǀ agne ǀ hótā ǀ prathamáḥ ǀ sada ǀ ihá ǁ
Padapatha Transcription Nonaccented
mahān ǀ asi ǀ adhvarasya ǀ pra-ketaḥ ǀ na ǀ ṛte ǀ tvat ǀ amṛtāḥ ǀ mādayante ǀ
ā ǀ viśvebhiḥ ǀ sa-ratham ǀ yāhi ǀ devaiḥ ǀ ni ǀ agne ǀ hotā ǀ prathamaḥ ǀ sada ǀ iha ǁ
07.011.02 (Mandala. Sukta. Rik)
5.2.14.02 (Ashtaka. Adhyaya. Varga. Rik)
07.01.099 (Mandala. Anuvāka. Rik)
Samhita Devanagari Accented
त्वामी॑ळते अजि॒रं दू॒त्या॑य ह॒विष्मं॑तः॒ सद॒मिन्मानु॑षासः ।
यस्य॑ दे॒वैरास॑दो ब॒र्हिर॒ग्नेऽहा॑न्यस्मै सु॒दिना॑ भवंति ॥
Samhita Devanagari Nonaccented
त्वामीळते अजिरं दूत्याय हविष्मंतः सदमिन्मानुषासः ।
यस्य देवैरासदो बर्हिरग्नेऽहान्यस्मै सुदिना भवंति ॥
Samhita Transcription Accented
tvā́mīḷate ajirám dūtyā́ya havíṣmantaḥ sádamínmā́nuṣāsaḥ ǀ
yásya deváirā́sado barhíragné’hānyasmai sudínā bhavanti ǁ
Samhita Transcription Nonaccented
tvāmīḷate ajiram dūtyāya haviṣmantaḥ sadaminmānuṣāsaḥ ǀ
yasya devairāsado barhiragne’hānyasmai sudinā bhavanti ǁ
Padapatha Devanagari Accented
त्वाम् । ई॒ळ॒ते॒ । अ॒जि॒रम् । दू॒त्या॑य । ह॒विष्म॑न्तः । सद॑म् । इत् । मानु॑षासः ।
यस्य॑ । दे॒वैः । आ । अस॑दः । ब॒र्हिः । अ॒ग्ने॒ । अहा॑नि । अ॒स्मै॒ । सु॒ऽदिना॑ । भ॒व॒न्ति॒ ॥
Padapatha Devanagari Nonaccented
त्वाम् । ईळते । अजिरम् । दूत्याय । हविष्मन्तः । सदम् । इत् । मानुषासः ।
यस्य । देवैः । आ । असदः । बर्हिः । अग्ने । अहानि । अस्मै । सुऽदिना । भवन्ति ॥
Padapatha Transcription Accented
tvā́m ǀ īḷate ǀ ajirám ǀ dūtyā́ya ǀ havíṣmantaḥ ǀ sádam ǀ ít ǀ mā́nuṣāsaḥ ǀ
yásya ǀ deváiḥ ǀ ā́ ǀ ásadaḥ ǀ barhíḥ ǀ agne ǀ áhāni ǀ asmai ǀ su-dínā ǀ bhavanti ǁ
Padapatha Transcription Nonaccented
tvām ǀ īḷate ǀ ajiram ǀ dūtyāya ǀ haviṣmantaḥ ǀ sadam ǀ it ǀ mānuṣāsaḥ ǀ
yasya ǀ devaiḥ ǀ ā ǀ asadaḥ ǀ barhiḥ ǀ agne ǀ ahāni ǀ asmai ǀ su-dinā ǀ bhavanti ǁ
07.011.03 (Mandala. Sukta. Rik)
5.2.14.03 (Ashtaka. Adhyaya. Varga. Rik)
07.01.100 (Mandala. Anuvāka. Rik)
Samhita Devanagari Accented
त्रिश्चि॑द॒क्तोः प्र चि॑कितु॒र्वसू॑नि॒ त्वे अं॒तर्दा॒शुषे॒ मर्त्या॑य ।
म॒नु॒ष्वद॑ग्न इ॒ह य॑क्षि दे॒वान्भवा॑ नो दू॒तो अ॑भिशस्ति॒पावा॑ ॥
Samhita Devanagari Nonaccented
त्रिश्चिदक्तोः प्र चिकितुर्वसूनि त्वे अंतर्दाशुषे मर्त्याय ।
मनुष्वदग्न इह यक्षि देवान्भवा नो दूतो अभिशस्तिपावा ॥
Samhita Transcription Accented
tríścidaktóḥ prá cikiturvásūni tvé antárdāśúṣe mártyāya ǀ
manuṣvádagna ihá yakṣi devā́nbhávā no dūtó abhiśastipā́vā ǁ
Samhita Transcription Nonaccented
triścidaktoḥ pra cikiturvasūni tve antardāśuṣe martyāya ǀ
manuṣvadagna iha yakṣi devānbhavā no dūto abhiśastipāvā ǁ
Padapatha Devanagari Accented
त्रिः । चि॒त् । अ॒क्तोः । प्र । चि॒कि॒तुः॒ । वसू॑नि । त्वे इति॑ । अ॒न्तः । दा॒शुषे॑ । मर्त्या॑य ।
म॒नु॒ष्वत् । अ॒ग्ने॒ । इ॒ह । य॒क्षि॒ । दे॒वान् । भव॑ । नः॒ । दू॒तः । अ॒भि॒श॒स्ति॒ऽपावा॑ ॥
Padapatha Devanagari Nonaccented
त्रिः । चित् । अक्तोः । प्र । चिकितुः । वसूनि । त्वे इति । अन्तः । दाशुषे । मर्त्याय ।
मनुष्वत् । अग्ने । इह । यक्षि । देवान् । भव । नः । दूतः । अभिशस्तिऽपावा ॥
Padapatha Transcription Accented
tríḥ ǀ cit ǀ aktóḥ ǀ prá ǀ cikituḥ ǀ vásūni ǀ tvé íti ǀ antáḥ ǀ dāśúṣe ǀ mártyāya ǀ
manuṣvát ǀ agne ǀ ihá ǀ yakṣi ǀ devā́n ǀ bháva ǀ naḥ ǀ dūtáḥ ǀ abhiśasti-pā́vā ǁ
Padapatha Transcription Nonaccented
triḥ ǀ cit ǀ aktoḥ ǀ pra ǀ cikituḥ ǀ vasūni ǀ tve iti ǀ antaḥ ǀ dāśuṣe ǀ martyāya ǀ
manuṣvat ǀ agne ǀ iha ǀ yakṣi ǀ devān ǀ bhava ǀ naḥ ǀ dūtaḥ ǀ abhiśasti-pāvā ǁ
07.011.04 (Mandala. Sukta. Rik)
5.2.14.04 (Ashtaka. Adhyaya. Varga. Rik)
07.01.101 (Mandala. Anuvāka. Rik)
Samhita Devanagari Accented
अ॒ग्निरी॑शे बृह॒तो अ॑ध्व॒रस्या॒ग्निर्विश्व॑स्य ह॒विषः॑ कृ॒तस्य॑ ।
क्रतुं॒ ह्य॑स्य॒ वस॑वो जु॒षंताथा॑ दे॒वा द॑धिरे हव्य॒वाहं॑ ॥
Samhita Devanagari Nonaccented
अग्निरीशे बृहतो अध्वरस्याग्निर्विश्वस्य हविषः कृतस्य ।
क्रतुं ह्यस्य वसवो जुषंताथा देवा दधिरे हव्यवाहं ॥
Samhita Transcription Accented
agnírīśe bṛható adhvarásyāgnírvíśvasya havíṣaḥ kṛtásya ǀ
krátum hyásya vásavo juṣántā́thā devā́ dadhire havyavā́ham ǁ
Samhita Transcription Nonaccented
agnirīśe bṛhato adhvarasyāgnirviśvasya haviṣaḥ kṛtasya ǀ
kratum hyasya vasavo juṣantāthā devā dadhire havyavāham ǁ
Padapatha Devanagari Accented
अ॒ग्निः । ई॒शे॒ । बृ॒ह॒तः । अ॒ध्व॒रस्य॑ । अ॒ग्निः । विश्व॑स्य । ह॒विषः॑ । कृ॒तस्य॑ ।
क्रतु॑म् । हि । अ॒स्य॒ । वस॑वः । जु॒षन्त॑ । अथ॑ । दे॒वाः । द॒धि॒रे॒ । ह॒व्य॒ऽवाह॑म् ॥
Padapatha Devanagari Nonaccented
अग्निः । ईशे । बृहतः । अध्वरस्य । अग्निः । विश्वस्य । हविषः । कृतस्य ।
क्रतुम् । हि । अस्य । वसवः । जुषन्त । अथ । देवाः । दधिरे । हव्यऽवाहम् ॥
Padapatha Transcription Accented
agníḥ ǀ īśe ǀ bṛhatáḥ ǀ adhvarásya ǀ agníḥ ǀ víśvasya ǀ havíṣaḥ ǀ kṛtásya ǀ
krátum ǀ hí ǀ asya ǀ vásavaḥ ǀ juṣánta ǀ átha ǀ devā́ḥ ǀ dadhire ǀ havya-vā́ham ǁ
Padapatha Transcription Nonaccented
agniḥ ǀ īśe ǀ bṛhataḥ ǀ adhvarasya ǀ agniḥ ǀ viśvasya ǀ haviṣaḥ ǀ kṛtasya ǀ
kratum ǀ hi ǀ asya ǀ vasavaḥ ǀ juṣanta ǀ atha ǀ devāḥ ǀ dadhire ǀ havya-vāham ǁ
07.011.05 (Mandala. Sukta. Rik)
5.2.14.05 (Ashtaka. Adhyaya. Varga. Rik)
07.01.102 (Mandala. Anuvāka. Rik)
Samhita Devanagari Accented
आग्ने॑ वह हवि॒रद्या॑य दे॒वानिंद्र॑ज्येष्ठास इ॒ह मा॑दयंतां ।
इ॒मं य॒ज्ञं दि॒वि दे॒वेषु॑ धेहि यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
आग्ने वह हविरद्याय देवानिंद्रज्येष्ठास इह मादयंतां ।
इमं यज्ञं दिवि देवेषु धेहि यूयं पात स्वस्तिभिः सदा नः ॥
Samhita Transcription Accented
ā́gne vaha havirádyāya devā́níndrajyeṣṭhāsa ihá mādayantām ǀ
imám yajñám diví devéṣu dhehi yūyám pāta svastíbhiḥ sádā naḥ ǁ
Samhita Transcription Nonaccented
āgne vaha haviradyāya devānindrajyeṣṭhāsa iha mādayantām ǀ
imam yajñam divi deveṣu dhehi yūyam pāta svastibhiḥ sadā naḥ ǁ
Padapatha Devanagari Accented
आ । अ॒ग्ने॒ । व॒ह॒ । ह॒विः॒ऽअद्या॑य । दे॒वान् । इन्द्र॑ऽज्येष्ठासः । इ॒ह । मा॒द॒य॒न्ता॒म् ।
इ॒मम् । य॒ज्ञम् । दि॒वि । दे॒वेषु॑ । धे॒हि॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
आ । अग्ने । वह । हविःऽअद्याय । देवान् । इन्द्रऽज्येष्ठासः । इह । मादयन्ताम् ।
इमम् । यज्ञम् । दिवि । देवेषु । धेहि । यूयम् । पात । स्वस्तिऽभिः । सदा । नः ॥
Padapatha Transcription Accented
ā́ ǀ agne ǀ vaha ǀ haviḥ-ádyāya ǀ devā́n ǀ índra-jyeṣṭhāsaḥ ǀ ihá ǀ mādayantām ǀ
imám ǀ yajñám ǀ diví ǀ devéṣu ǀ dhehi ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
ā ǀ agne ǀ vaha ǀ haviḥ-adyāya ǀ devān ǀ indra-jyeṣṭhāsaḥ ǀ iha ǀ mādayantām ǀ
imam ǀ yajñam ǀ divi ǀ deveṣu ǀ dhehi ǀ yūyam ǀ pāta ǀ svasti-bhiḥ ǀ sadā ǀ naḥ ǁ