|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 13
|
1. Info |
| To: | agni vaiśvānara | |
| From: | vasiṣṭha maitrāvaruṇi | |
| Metres: | 1st set of styles: svarāṭpaṅkti (1, 2); bhurikpaṅkti (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.013.01 (Mandala. Sukta. Rik)
5.2.16.01 (Ashtaka. Adhyaya. Varga. Rik)
07.01.106 (Mandala. Anuvāka. Rik)
Samhita Devanagari Accented
प्राग्नये॑ विश्व॒शुचे॑ धियं॒धे॑ऽसुर॒घ्ने मन्म॑ धी॒तिं भ॑रध्वं ।
भरे॑ ह॒विर्न ब॒र्हिषि॑ प्रीणा॒नो वै॑श्वान॒राय॒ यत॑ये मती॒नां ॥
Samhita Devanagari Nonaccented
प्राग्नये विश्वशुचे धियंधेऽसुरघ्ने मन्म धीतिं भरध्वं ।
भरे हविर्न बर्हिषि प्रीणानो वैश्वानराय यतये मतीनां ॥
Samhita Transcription Accented
prā́gnáye viśvaśúce dhiyaṃdhé’suraghné mánma dhītím bharadhvam ǀ
bháre havírná barhíṣi prīṇānó vaiśvānarā́ya yátaye matīnā́m ǁ
Samhita Transcription Nonaccented
prāgnaye viśvaśuce dhiyaṃdhe’suraghne manma dhītim bharadhvam ǀ
bhare havirna barhiṣi prīṇāno vaiśvānarāya yataye matīnām ǁ
Padapatha Devanagari Accented
प्र । अ॒ग्नये॑ । वि॒श्व॒ऽशुचे॑ । धि॒य॒म्ऽधे॑ । अ॒सु॒र॒ऽघ्ने । मन्म॑ । धी॒तिम् । भ॒र॒ध्व॒म् ।
भरे॑ । ह॒विः । न । ब॒र्हिषि॑ । प्री॒णा॒नः । वै॒श्वा॒न॒राय॑ । यत॑ये । म॒ती॒नाम् ॥
Padapatha Devanagari Nonaccented
प्र । अग्नये । विश्वऽशुचे । धियम्ऽधे । असुरऽघ्ने । मन्म । धीतिम् । भरध्वम् ।
भरे । हविः । न । बर्हिषि । प्रीणानः । वैश्वानराय । यतये । मतीनाम् ॥
Padapatha Transcription Accented
prá ǀ agnáye ǀ viśva-śúce ǀ dhiyam-dhé ǀ asura-ghné ǀ mánma ǀ dhītím ǀ bharadhvam ǀ
bháre ǀ havíḥ ǀ ná ǀ barhíṣi ǀ prīṇānáḥ ǀ vaiśvānarā́ya ǀ yátaye ǀ matīnā́m ǁ
Padapatha Transcription Nonaccented
pra ǀ agnaye ǀ viśva-śuce ǀ dhiyam-dhe ǀ asura-ghne ǀ manma ǀ dhītim ǀ bharadhvam ǀ
bhare ǀ haviḥ ǀ na ǀ barhiṣi ǀ prīṇānaḥ ǀ vaiśvānarāya ǀ yataye ǀ matīnām ǁ
07.013.02 (Mandala. Sukta. Rik)
5.2.16.02 (Ashtaka. Adhyaya. Varga. Rik)
07.01.107 (Mandala. Anuvāka. Rik)
Samhita Devanagari Accented
त्वम॑ग्ने शो॒चिषा॒ शोशु॑चान॒ आ रोद॑सी अपृणा॒ जाय॑मानः ।
त्वं दे॒वाँ अ॒भिश॑स्तेरमुंचो॒ वैश्वा॑नर जातवेदो महि॒त्वा ॥
Samhita Devanagari Nonaccented
त्वमग्ने शोचिषा शोशुचान आ रोदसी अपृणा जायमानः ।
त्वं देवाँ अभिशस्तेरमुंचो वैश्वानर जातवेदो महित्वा ॥
Samhita Transcription Accented
tvámagne śocíṣā śóśucāna ā́ ródasī apṛṇā jā́yamānaḥ ǀ
tvám devā́m̐ abhíśasteramuñco váiśvānara jātavedo mahitvā́ ǁ
Samhita Transcription Nonaccented
tvamagne śociṣā śośucāna ā rodasī apṛṇā jāyamānaḥ ǀ
tvam devām̐ abhiśasteramuñco vaiśvānara jātavedo mahitvā ǁ
Padapatha Devanagari Accented
त्वम् । अ॒ग्ने॒ । शो॒चिषा॑ । शोशु॑चानः । आ । रोद॑सी॒ इति॑ । अ॒पृ॒णाः॒ । जाय॑मानः ।
त्वम् । दे॒वान् । अ॒भिऽश॑स्तेः । अ॒मु॒ञ्चः॒ । वैश्वा॑नर । जा॒त॒ऽवे॒दः॒ । म॒हि॒ऽत्वा ॥
Padapatha Devanagari Nonaccented
त्वम् । अग्ने । शोचिषा । शोशुचानः । आ । रोदसी इति । अपृणाः । जायमानः ।
त्वम् । देवान् । अभिऽशस्तेः । अमुञ्चः । वैश्वानर । जातऽवेदः । महिऽत्वा ॥
Padapatha Transcription Accented
tvám ǀ agne ǀ śocíṣā ǀ śóśucānaḥ ǀ ā́ ǀ ródasī íti ǀ apṛṇāḥ ǀ jā́yamānaḥ ǀ
tvám ǀ devā́n ǀ abhí-śasteḥ ǀ amuñcaḥ ǀ váiśvānara ǀ jāta-vedaḥ ǀ mahi-tvā́ ǁ
Padapatha Transcription Nonaccented
tvam ǀ agne ǀ śociṣā ǀ śośucānaḥ ǀ ā ǀ rodasī iti ǀ apṛṇāḥ ǀ jāyamānaḥ ǀ
tvam ǀ devān ǀ abhi-śasteḥ ǀ amuñcaḥ ǀ vaiśvānara ǀ jāta-vedaḥ ǀ mahi-tvā ǁ
07.013.03 (Mandala. Sukta. Rik)
5.2.16.03 (Ashtaka. Adhyaya. Varga. Rik)
07.01.108 (Mandala. Anuvāka. Rik)
Samhita Devanagari Accented
जा॒तो यद॑ग्ने॒ भुव॑ना॒ व्यख्यः॑ प॒शून्न गो॒पा इर्यः॒ परि॑ज्मा ।
वैश्वा॑नर॒ ब्रह्म॑णे विंद गा॒तुं यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
जातो यदग्ने भुवना व्यख्यः पशून्न गोपा इर्यः परिज्मा ।
वैश्वानर ब्रह्मणे विंद गातुं यूयं पात स्वस्तिभिः सदा नः ॥
Samhita Transcription Accented
jātó yádagne bhúvanā vyákhyaḥ paśū́nná gopā́ íryaḥ párijmā ǀ
váiśvānara bráhmaṇe vinda gātúm yūyám pāta svastíbhiḥ sádā naḥ ǁ
Samhita Transcription Nonaccented
jāto yadagne bhuvanā vyakhyaḥ paśūnna gopā iryaḥ parijmā ǀ
vaiśvānara brahmaṇe vinda gātum yūyam pāta svastibhiḥ sadā naḥ ǁ
Padapatha Devanagari Accented
जा॒तः । यत् । अ॒ग्ने॒ । भुव॑ना । वि । अख्यः॑ । प॒शून् । न । गो॒पाः । इर्यः॑ । परि॑ऽज्मा ।
वैश्वा॑नर । ब्रह्म॑णे । वि॒न्द॒ । गा॒तुम् । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
जातः । यत् । अग्ने । भुवना । वि । अख्यः । पशून् । न । गोपाः । इर्यः । परिऽज्मा ।
वैश्वानर । ब्रह्मणे । विन्द । गातुम् । यूयम् । पात । स्वस्तिऽभिः । सदा । नः ॥
Padapatha Transcription Accented
jātáḥ ǀ yát ǀ agne ǀ bhúvanā ǀ ví ǀ ákhyaḥ ǀ paśū́n ǀ ná ǀ gopā́ḥ ǀ íryaḥ ǀ pári-jmā ǀ
váiśvānara ǀ bráhmaṇe ǀ vinda ǀ gātúm ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
jātaḥ ǀ yat ǀ agne ǀ bhuvanā ǀ vi ǀ akhyaḥ ǀ paśūn ǀ na ǀ gopāḥ ǀ iryaḥ ǀ pari-jmā ǀ
vaiśvānara ǀ brahmaṇe ǀ vinda ǀ gātum ǀ yūyam ǀ pāta ǀ svasti-bhiḥ ǀ sadā ǀ naḥ ǁ