|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 14
|
1. Info |
| To: | agni | |
| From: | vasiṣṭha maitrāvaruṇi | |
| Metres: | 1st set of styles: nicṛdbṛhatī (1); nicṛttriṣṭup (2); virāṭtrisṭup (3) 2nd set of styles: triṣṭubh (2, 3); bṛhatī (1) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.014.01 (Mandala. Sukta. Rik)
5.2.17.01 (Ashtaka. Adhyaya. Varga. Rik)
07.01.109 (Mandala. Anuvāka. Rik)
Samhita Devanagari Accented
स॒मिधा॑ जा॒तवे॑दसे दे॒वाय॑ दे॒वहू॑तिभिः ।
ह॒विर्भिः॑ शु॒क्रशो॑चिषे नम॒स्विनो॑ व॒यं दा॑शेमा॒ग्नये॑ ॥
Samhita Devanagari Nonaccented
समिधा जातवेदसे देवाय देवहूतिभिः ।
हविर्भिः शुक्रशोचिषे नमस्विनो वयं दाशेमाग्नये ॥
Samhita Transcription Accented
samídhā jātávedase devā́ya deváhūtibhiḥ ǀ
havírbhiḥ śukráśociṣe namasvíno vayám dāśemāgnáye ǁ
Samhita Transcription Nonaccented
samidhā jātavedase devāya devahūtibhiḥ ǀ
havirbhiḥ śukraśociṣe namasvino vayam dāśemāgnaye ǁ
Padapatha Devanagari Accented
स॒म्ऽइधा॑ । जा॒तऽवे॑दसे । दे॒वाय॑ । दे॒वहू॑तिऽभिः ।
ह॒विःऽभिः॑ । शु॒क्रऽशो॑चिषे । न॒म॒स्विनः॑ । व॒यम् । दा॒शे॒म॒ । अ॒ग्नये॑ ॥
Padapatha Devanagari Nonaccented
सम्ऽइधा । जातऽवेदसे । देवाय । देवहूतिऽभिः ।
हविःऽभिः । शुक्रऽशोचिषे । नमस्विनः । वयम् । दाशेम । अग्नये ॥
Padapatha Transcription Accented
sam-ídhā ǀ jātá-vedase ǀ devā́ya ǀ deváhūti-bhiḥ ǀ
havíḥ-bhiḥ ǀ śukrá-śociṣe ǀ namasvínaḥ ǀ vayám ǀ dāśema ǀ agnáye ǁ
Padapatha Transcription Nonaccented
sam-idhā ǀ jāta-vedase ǀ devāya ǀ devahūti-bhiḥ ǀ
haviḥ-bhiḥ ǀ śukra-śociṣe ǀ namasvinaḥ ǀ vayam ǀ dāśema ǀ agnaye ǁ
07.014.02 (Mandala. Sukta. Rik)
5.2.17.02 (Ashtaka. Adhyaya. Varga. Rik)
07.01.110 (Mandala. Anuvāka. Rik)
Samhita Devanagari Accented
व॒यं ते॑ अग्ने स॒मिधा॑ विधेम व॒यं दा॑शेम सुष्टु॒ती य॑जत्र ।
व॒यं घृ॒तेना॑ध्वरस्य होतर्व॒यं दे॑व ह॒विषा॑ भद्रशोचे ॥
Samhita Devanagari Nonaccented
वयं ते अग्ने समिधा विधेम वयं दाशेम सुष्टुती यजत्र ।
वयं घृतेनाध्वरस्य होतर्वयं देव हविषा भद्रशोचे ॥
Samhita Transcription Accented
vayám te agne samídhā vidhema vayám dāśema suṣṭutī́ yajatra ǀ
vayám ghṛténādhvarasya hotarvayám deva havíṣā bhadraśoce ǁ
Samhita Transcription Nonaccented
vayam te agne samidhā vidhema vayam dāśema suṣṭutī yajatra ǀ
vayam ghṛtenādhvarasya hotarvayam deva haviṣā bhadraśoce ǁ
Padapatha Devanagari Accented
व॒यम् । ते॒ । अ॒ग्ने॒ । स॒म्ऽइधा॑ । वि॒धे॒म॒ । व॒यम् । दा॒शे॒म॒ । सु॒ऽस्तु॒ती । य॒ज॒त्र॒ ।
व॒यम् । घृ॒तेन॑ । अ॒ध्व॒र॒स्य॒ । हो॒तः॒ । व॒यम् । दे॒व॒ । ह॒विषा॑ । भ॒द्र॒ऽशो॒चे॒ ॥
Padapatha Devanagari Nonaccented
वयम् । ते । अग्ने । सम्ऽइधा । विधेम । वयम् । दाशेम । सुऽस्तुती । यजत्र ।
वयम् । घृतेन । अध्वरस्य । होतः । वयम् । देव । हविषा । भद्रऽशोचे ॥
Padapatha Transcription Accented
vayám ǀ te ǀ agne ǀ sam-ídhā ǀ vidhema ǀ vayám ǀ dāśema ǀ su-stutī́ ǀ yajatra ǀ
vayám ǀ ghṛténa ǀ adhvarasya ǀ hotaḥ ǀ vayám ǀ deva ǀ havíṣā ǀ bhadra-śoce ǁ
Padapatha Transcription Nonaccented
vayam ǀ te ǀ agne ǀ sam-idhā ǀ vidhema ǀ vayam ǀ dāśema ǀ su-stutī ǀ yajatra ǀ
vayam ǀ ghṛtena ǀ adhvarasya ǀ hotaḥ ǀ vayam ǀ deva ǀ haviṣā ǀ bhadra-śoce ǁ
07.014.03 (Mandala. Sukta. Rik)
5.2.17.03 (Ashtaka. Adhyaya. Varga. Rik)
07.01.111 (Mandala. Anuvāka. Rik)
Samhita Devanagari Accented
आ नो॑ दे॒वेभि॒रुप॑ दे॒वहू॑ति॒मग्ने॑ या॒हि वष॑ट्कृतिं जुषा॒णः ।
तुभ्यं॑ दे॒वाय॒ दाश॑तः स्याम यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
आ नो देवेभिरुप देवहूतिमग्ने याहि वषट्कृतिं जुषाणः ।
तुभ्यं देवाय दाशतः स्याम यूयं पात स्वस्तिभिः सदा नः ॥
Samhita Transcription Accented
ā́ no devébhirúpa deváhūtimágne yāhí váṣaṭkṛtim juṣāṇáḥ ǀ
túbhyam devā́ya dā́śataḥ syāma yūyám pāta svastíbhiḥ sádā naḥ ǁ
Samhita Transcription Nonaccented
ā no devebhirupa devahūtimagne yāhi vaṣaṭkṛtim juṣāṇaḥ ǀ
tubhyam devāya dāśataḥ syāma yūyam pāta svastibhiḥ sadā naḥ ǁ
Padapatha Devanagari Accented
आ । नः॒ । दे॒वेभिः॑ । उप॑ । दे॒वऽहू॑तिम् । अग्ने॑ । या॒हि । वष॑ट्ऽकृतिम् । जु॒षा॒णः ।
तुभ्य॑म् । दे॒वाय॑ । दाश॑तः । स्या॒म॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
आ । नः । देवेभिः । उप । देवऽहूतिम् । अग्ने । याहि । वषट्ऽकृतिम् । जुषाणः ।
तुभ्यम् । देवाय । दाशतः । स्याम । यूयम् । पात । स्वस्तिऽभिः । सदा । नः ॥
Padapatha Transcription Accented
ā́ ǀ naḥ ǀ devébhiḥ ǀ úpa ǀ devá-hūtim ǀ ágne ǀ yāhí ǀ váṣaṭ-kṛtim ǀ juṣāṇáḥ ǀ
túbhyam ǀ devā́ya ǀ dā́śataḥ ǀ syāma ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
ā ǀ naḥ ǀ devebhiḥ ǀ upa ǀ deva-hūtim ǀ agne ǀ yāhi ǀ vaṣaṭ-kṛtim ǀ juṣāṇaḥ ǀ
tubhyam ǀ devāya ǀ dāśataḥ ǀ syāma ǀ yūyam ǀ pāta ǀ svasti-bhiḥ ǀ sadā ǀ naḥ ǁ