|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 22
|
1. Info |
| To: | indra | |
| From: | vasiṣṭha maitrāvaruṇi | |
| Metres: | 1st set of styles: nicṛdanuṣṭup (2, 7); virāḍanuṣṭup (6, 8); bhuriguṣṇik (1); bhuriganuṣṭup (3); ārcīpaṅkti (4); anuṣṭup (5); virāṭtrisṭup (9) 2nd set of styles: virāj (1-8); triṣṭubh (9) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.022.01 (Mandala. Sukta. Rik)
5.3.05.01 (Ashtaka. Adhyaya. Varga. Rik)
07.02.057 (Mandala. Anuvāka. Rik)
Samhita Devanagari Accented
पिबा॒ सोम॑मिंद्र॒ मंद॑तु त्वा॒ यं ते॑ सु॒षाव॑ हर्य॒श्वाद्रिः॑ ।
सो॒तुर्बा॒हुभ्यां॒ सुय॑तो॒ नार्वा॑ ॥
Samhita Devanagari Nonaccented
पिबा सोममिंद्र मंदतु त्वा यं ते सुषाव हर्यश्वाद्रिः ।
सोतुर्बाहुभ्यां सुयतो नार्वा ॥
Samhita Transcription Accented
píbā sómamindra mándatu tvā yám te suṣā́va haryaśvā́driḥ ǀ
sotúrbāhúbhyām súyato nā́rvā ǁ
Samhita Transcription Nonaccented
pibā somamindra mandatu tvā yam te suṣāva haryaśvādriḥ ǀ
soturbāhubhyām suyato nārvā ǁ
Padapatha Devanagari Accented
पिब॑ । सोम॑म् । इ॒न्द्र॒ । मन्द॑तु । त्वा॒ । यम् । ते॒ । सु॒साव॑ । ह॒रि॒ऽअ॒श्व॒ । अद्रिः॑ ।
सो॒तुः । बा॒हुऽभ्या॑म् । सुऽय॑तः । न । अर्वा॑ ॥
Padapatha Devanagari Nonaccented
पिब । सोमम् । इन्द्र । मन्दतु । त्वा । यम् । ते । सुसाव । हरिऽअश्व । अद्रिः ।
सोतुः । बाहुऽभ्याम् । सुऽयतः । न । अर्वा ॥
Padapatha Transcription Accented
píba ǀ sómam ǀ indra ǀ mándatu ǀ tvā ǀ yám ǀ te ǀ susā́va ǀ hari-aśva ǀ ádriḥ ǀ
sotúḥ ǀ bāhú-bhyām ǀ sú-yataḥ ǀ ná ǀ árvā ǁ
Padapatha Transcription Nonaccented
piba ǀ somam ǀ indra ǀ mandatu ǀ tvā ǀ yam ǀ te ǀ susāva ǀ hari-aśva ǀ adriḥ ǀ
sotuḥ ǀ bāhu-bhyām ǀ su-yataḥ ǀ na ǀ arvā ǁ
07.022.02 (Mandala. Sukta. Rik)
5.3.05.02 (Ashtaka. Adhyaya. Varga. Rik)
07.02.058 (Mandala. Anuvāka. Rik)
Samhita Devanagari Accented
यस्ते॒ मदो॒ युज्य॒श्चारु॒रस्ति॒ येन॑ वृ॒त्राणि॑ हर्यश्व॒ हंसि॑ ।
स त्वामिं॑द्र प्रभूवसो ममत्तु ॥
Samhita Devanagari Nonaccented
यस्ते मदो युज्यश्चारुरस्ति येन वृत्राणि हर्यश्व हंसि ।
स त्वामिंद्र प्रभूवसो ममत्तु ॥
Samhita Transcription Accented
yáste mádo yújyaścā́rurásti yéna vṛtrā́ṇi haryaśva háṃsi ǀ
sá tvā́mindra prabhūvaso mamattu ǁ
Samhita Transcription Nonaccented
yaste mado yujyaścārurasti yena vṛtrāṇi haryaśva haṃsi ǀ
sa tvāmindra prabhūvaso mamattu ǁ
Padapatha Devanagari Accented
यः । ते॒ । मदः॑ । युज्यः॑ । चारुः॑ । अस्ति॑ । येन॑ । वृ॒त्राणि॑ । ह॒रि॒ऽअ॒श्व॒ । हंसि॑ ।
सः । त्वाम् । इ॒न्द्र॒ । प्र॒भु॒व॒सो॒ इति॑ प्रभुऽवसो । म॒म॒त्तु॒ ॥
Padapatha Devanagari Nonaccented
यः । ते । मदः । युज्यः । चारुः । अस्ति । येन । वृत्राणि । हरिऽअश्व । हंसि ।
सः । त्वाम् । इन्द्र । प्रभुवसो इति प्रभुऽवसो । ममत्तु ॥
Padapatha Transcription Accented
yáḥ ǀ te ǀ mádaḥ ǀ yújyaḥ ǀ cā́ruḥ ǀ ásti ǀ yéna ǀ vṛtrā́ṇi ǀ hari-aśva ǀ háṃsi ǀ
sáḥ ǀ tvā́m ǀ indra ǀ prabhuvaso íti prabhu-vaso ǀ mamattu ǁ
Padapatha Transcription Nonaccented
yaḥ ǀ te ǀ madaḥ ǀ yujyaḥ ǀ cāruḥ ǀ asti ǀ yena ǀ vṛtrāṇi ǀ hari-aśva ǀ haṃsi ǀ
saḥ ǀ tvām ǀ indra ǀ prabhuvaso iti prabhu-vaso ǀ mamattu ǁ
07.022.03 (Mandala. Sukta. Rik)
5.3.05.03 (Ashtaka. Adhyaya. Varga. Rik)
07.02.059 (Mandala. Anuvāka. Rik)
Samhita Devanagari Accented
बोधा॒ सु मे॑ मघव॒न्वाच॒मेमां यां ते॒ वसि॑ष्ठो॒ अर्च॑ति॒ प्रश॑स्तिं ।
इ॒मा ब्रह्म॑ सध॒मादे॑ जुषस्व ॥
Samhita Devanagari Nonaccented
बोधा सु मे मघवन्वाचमेमां यां ते वसिष्ठो अर्चति प्रशस्तिं ।
इमा ब्रह्म सधमादे जुषस्व ॥
Samhita Transcription Accented
bódhā sú me maghavanvā́camémā́m yā́m te vásiṣṭho árcati práśastim ǀ
imā́ bráhma sadhamā́de juṣasva ǁ
Samhita Transcription Nonaccented
bodhā su me maghavanvācamemām yām te vasiṣṭho arcati praśastim ǀ
imā brahma sadhamāde juṣasva ǁ
Padapatha Devanagari Accented
बोध॑ । सु । मे॒ । म॒घ॒ऽव॒न् । वाच॑म् । आ । इ॒माम् । याम् । ते॒ । वसि॑ष्ठः । अर्च॑ति । प्रऽश॑स्तिम् ।
इ॒मा । ब्रह्म॑ । स॒ध॒ऽमादे॑ । जु॒ष॒स्व॒ ॥
Padapatha Devanagari Nonaccented
बोध । सु । मे । मघऽवन् । वाचम् । आ । इमाम् । याम् । ते । वसिष्ठः । अर्चति । प्रऽशस्तिम् ।
इमा । ब्रह्म । सधऽमादे । जुषस्व ॥
Padapatha Transcription Accented
bódha ǀ sú ǀ me ǀ magha-van ǀ vā́cam ǀ ā́ ǀ imā́m ǀ yā́m ǀ te ǀ vásiṣṭhaḥ ǀ árcati ǀ prá-śastim ǀ
imā́ ǀ bráhma ǀ sadha-mā́de ǀ juṣasva ǁ
Padapatha Transcription Nonaccented
bodha ǀ su ǀ me ǀ magha-van ǀ vācam ǀ ā ǀ imām ǀ yām ǀ te ǀ vasiṣṭhaḥ ǀ arcati ǀ pra-śastim ǀ
imā ǀ brahma ǀ sadha-māde ǀ juṣasva ǁ
07.022.04 (Mandala. Sukta. Rik)
5.3.05.04 (Ashtaka. Adhyaya. Varga. Rik)
07.02.060 (Mandala. Anuvāka. Rik)
Samhita Devanagari Accented
श्रु॒धी हवं॑ विपिपा॒नस्याद्रे॒र्बोधा॒ विप्र॒स्यार्च॑तो मनी॒षां ।
कृ॒ष्वा दुवां॒स्यंत॑मा॒ सचे॒मा ॥
Samhita Devanagari Nonaccented
श्रुधी हवं विपिपानस्याद्रेर्बोधा विप्रस्यार्चतो मनीषां ।
कृष्वा दुवांस्यंतमा सचेमा ॥
Samhita Transcription Accented
śrudhī́ hávam vipipānásyā́drerbódhā víprasyā́rcato manīṣā́m ǀ
kṛṣvā́ dúvāṃsyántamā sácemā́ ǁ
Samhita Transcription Nonaccented
śrudhī havam vipipānasyādrerbodhā viprasyārcato manīṣām ǀ
kṛṣvā duvāṃsyantamā sacemā ǁ
Padapatha Devanagari Accented
श्रु॒धि । हव॑म् । वि॒ऽपि॒पा॒नस्य॑ । अद्रेः॑ । बोध॑ । विप्र॑स्य । अर्च॑तः । म॒नी॒षाम् ।
कृ॒ष्व । दुवां॑सि । अन्त॑मा । सचा॑ । इ॒मा ॥
Padapatha Devanagari Nonaccented
श्रुधि । हवम् । विऽपिपानस्य । अद्रेः । बोध । विप्रस्य । अर्चतः । मनीषाम् ।
कृष्व । दुवांसि । अन्तमा । सचा । इमा ॥
Padapatha Transcription Accented
śrudhí ǀ hávam ǀ vi-pipānásya ǀ ádreḥ ǀ bódha ǀ víprasya ǀ árcataḥ ǀ manīṣā́m ǀ
kṛṣvá ǀ dúvāṃsi ǀ ántamā ǀ sácā ǀ imā́ ǁ
Padapatha Transcription Nonaccented
śrudhi ǀ havam ǀ vi-pipānasya ǀ adreḥ ǀ bodha ǀ viprasya ǀ arcataḥ ǀ manīṣām ǀ
kṛṣva ǀ duvāṃsi ǀ antamā ǀ sacā ǀ imā ǁ
07.022.05 (Mandala. Sukta. Rik)
5.3.05.05 (Ashtaka. Adhyaya. Varga. Rik)
07.02.061 (Mandala. Anuvāka. Rik)
Samhita Devanagari Accented
न ते॒ गिरो॒ अपि॑ मृष्ये तु॒रस्य॒ न सु॑ष्टु॒तिम॑सु॒र्य॑स्य वि॒द्वान् ।
सदा॑ ते॒ नाम॑ स्वयशो विवक्मि ॥
Samhita Devanagari Nonaccented
न ते गिरो अपि मृष्ये तुरस्य न सुष्टुतिमसुर्यस्य विद्वान् ।
सदा ते नाम स्वयशो विवक्मि ॥
Samhita Transcription Accented
ná te gíro ápi mṛṣye turásya ná suṣṭutímasuryásya vidvā́n ǀ
sádā te nā́ma svayaśo vivakmi ǁ
Samhita Transcription Nonaccented
na te giro api mṛṣye turasya na suṣṭutimasuryasya vidvān ǀ
sadā te nāma svayaśo vivakmi ǁ
Padapatha Devanagari Accented
न । ते॒ । गिरः॑ । अपि॑ । मृ॒ष्ये॒ । तु॒रस्य॑ । न । सु॒ऽस्तु॒तिम् । अ॒सु॒र्य॑स्य । वि॒द्वान् ।
सदा॑ । ते॒ । नाम॑ । स्व॒ऽय॒शः॒ । वि॒व॒क्मि॒ ॥
Padapatha Devanagari Nonaccented
न । ते । गिरः । अपि । मृष्ये । तुरस्य । न । सुऽस्तुतिम् । असुर्यस्य । विद्वान् ।
सदा । ते । नाम । स्वऽयशः । विवक्मि ॥
Padapatha Transcription Accented
ná ǀ te ǀ gíraḥ ǀ ápi ǀ mṛṣye ǀ turásya ǀ ná ǀ su-stutím ǀ asuryásya ǀ vidvā́n ǀ
sádā ǀ te ǀ nā́ma ǀ sva-yaśaḥ ǀ vivakmi ǁ
Padapatha Transcription Nonaccented
na ǀ te ǀ giraḥ ǀ api ǀ mṛṣye ǀ turasya ǀ na ǀ su-stutim ǀ asuryasya ǀ vidvān ǀ
sadā ǀ te ǀ nāma ǀ sva-yaśaḥ ǀ vivakmi ǁ
07.022.06 (Mandala. Sukta. Rik)
5.3.06.01 (Ashtaka. Adhyaya. Varga. Rik)
07.02.062 (Mandala. Anuvāka. Rik)
Samhita Devanagari Accented
भूरि॒ हि ते॒ सव॑ना॒ मानु॑षेषु॒ भूरि॑ मनी॒षी ह॑वते॒ त्वामित् ।
मारे अ॒स्मन्म॑घवं॒ज्योक्कः॑ ॥
Samhita Devanagari Nonaccented
भूरि हि ते सवना मानुषेषु भूरि मनीषी हवते त्वामित् ।
मारे अस्मन्मघवंज्योक्कः ॥
Samhita Transcription Accented
bhū́ri hí te sávanā mā́nuṣeṣu bhū́ri manīṣī́ havate tvā́mít ǀ
mā́ré asmánmaghavañjyókkaḥ ǁ
Samhita Transcription Nonaccented
bhūri hi te savanā mānuṣeṣu bhūri manīṣī havate tvāmit ǀ
māre asmanmaghavañjyokkaḥ ǁ
Padapatha Devanagari Accented
भूरि॑ । हि । ते॒ । सव॑ना । मानु॑षेषु । भूरि॑ । म॒नी॒षी । ह॒व॒ते॒ । त्वाम् । इत् ।
मा । आ॒रे । अ॒स्मत् । म॒घ॒ऽव॒न् । ज्योक् । क॒रिति॑ कः ॥
Padapatha Devanagari Nonaccented
भूरि । हि । ते । सवना । मानुषेषु । भूरि । मनीषी । हवते । त्वाम् । इत् ।
मा । आरे । अस्मत् । मघऽवन् । ज्योक् । करिति कः ॥
Padapatha Transcription Accented
bhū́ri ǀ hí ǀ te ǀ sávanā ǀ mā́nuṣeṣu ǀ bhū́ri ǀ manīṣī́ ǀ havate ǀ tvā́m ǀ ít ǀ
mā́ ǀ āré ǀ asmát ǀ magha-van ǀ jyók ǀ karíti kaḥ ǁ
Padapatha Transcription Nonaccented
bhūri ǀ hi ǀ te ǀ savanā ǀ mānuṣeṣu ǀ bhūri ǀ manīṣī ǀ havate ǀ tvām ǀ it ǀ
mā ǀ āre ǀ asmat ǀ magha-van ǀ jyok ǀ kariti kaḥ ǁ
07.022.07 (Mandala. Sukta. Rik)
5.3.06.02 (Ashtaka. Adhyaya. Varga. Rik)
07.02.063 (Mandala. Anuvāka. Rik)
Samhita Devanagari Accented
तुभ्येदि॒मा सव॑ना शूर॒ विश्वा॒ तुभ्यं॒ ब्रह्मा॑णि॒ वर्ध॑ना कृणोमि ।
त्वं नृभि॒र्हव्यो॑ वि॒श्वधा॑सि ॥
Samhita Devanagari Nonaccented
तुभ्येदिमा सवना शूर विश्वा तुभ्यं ब्रह्माणि वर्धना कृणोमि ।
त्वं नृभिर्हव्यो विश्वधासि ॥
Samhita Transcription Accented
túbhyédimā́ sávanā śūra víśvā túbhyam bráhmāṇi várdhanā kṛṇomi ǀ
tvám nṛ́bhirhávyo viśvádhāsi ǁ
Samhita Transcription Nonaccented
tubhyedimā savanā śūra viśvā tubhyam brahmāṇi vardhanā kṛṇomi ǀ
tvam nṛbhirhavyo viśvadhāsi ǁ
Padapatha Devanagari Accented
तुभ्य॑ । इत् । इ॒मा । सव॑ना । शू॒र॒ । विश्वा॑ । तुभ्य॑म् । ब्रह्मा॑णि । वर्ध॑ना । कृ॒णो॒मि॒ ।
त्वम् । नृऽभिः॑ । हव्यः॑ । वि॒श्वधा॑ । अ॒सि॒ ॥
Padapatha Devanagari Nonaccented
तुभ्य । इत् । इमा । सवना । शूर । विश्वा । तुभ्यम् । ब्रह्माणि । वर्धना । कृणोमि ।
त्वम् । नृऽभिः । हव्यः । विश्वधा । असि ॥
Padapatha Transcription Accented
túbhya ǀ ít ǀ imā́ ǀ sávanā ǀ śūra ǀ víśvā ǀ túbhyam ǀ bráhmāṇi ǀ várdhanā ǀ kṛṇomi ǀ
tvám ǀ nṛ́-bhiḥ ǀ hávyaḥ ǀ viśvádhā ǀ asi ǁ
Padapatha Transcription Nonaccented
tubhya ǀ it ǀ imā ǀ savanā ǀ śūra ǀ viśvā ǀ tubhyam ǀ brahmāṇi ǀ vardhanā ǀ kṛṇomi ǀ
tvam ǀ nṛ-bhiḥ ǀ havyaḥ ǀ viśvadhā ǀ asi ǁ
07.022.08 (Mandala. Sukta. Rik)
5.3.06.03 (Ashtaka. Adhyaya. Varga. Rik)
07.02.064 (Mandala. Anuvāka. Rik)
Samhita Devanagari Accented
नू चि॒न्नु ते॒ मन्य॑मानस्य द॒स्मोद॑श्नुवंति महि॒मान॑मुग्र ।
न वी॒र्य॑मिंद्र ते॒ न राधः॑ ॥
Samhita Devanagari Nonaccented
नू चिन्नु ते मन्यमानस्य दस्मोदश्नुवंति महिमानमुग्र ।
न वीर्यमिंद्र ते न राधः ॥
Samhita Transcription Accented
nū́ cinnú te mányamānasya dasmódaśnuvanti mahimā́namugra ǀ
ná vīryámindra te ná rā́dhaḥ ǁ
Samhita Transcription Nonaccented
nū cinnu te manyamānasya dasmodaśnuvanti mahimānamugra ǀ
na vīryamindra te na rādhaḥ ǁ
Padapatha Devanagari Accented
नु । चि॒त् । नु । ते॒ । मन्य॑मानस्य । द॒स्म॒ । उत् । अ॒श्नु॒व॒न्ति॒ । म॒हि॒मान॑म् । उ॒ग्र॒ ।
न । वी॒र्य॑म् । इ॒न्द्र॒ । ते॒ । न । राधः॑ ॥
Padapatha Devanagari Nonaccented
नु । चित् । नु । ते । मन्यमानस्य । दस्म । उत् । अश्नुवन्ति । महिमानम् । उग्र ।
न । वीर्यम् । इन्द्र । ते । न । राधः ॥
Padapatha Transcription Accented
nú ǀ cit ǀ nú ǀ te ǀ mányamānasya ǀ dasma ǀ út ǀ aśnuvanti ǀ mahimā́nam ǀ ugra ǀ
ná ǀ vīryám ǀ indra ǀ te ǀ ná ǀ rā́dhaḥ ǁ
Padapatha Transcription Nonaccented
nu ǀ cit ǀ nu ǀ te ǀ manyamānasya ǀ dasma ǀ ut ǀ aśnuvanti ǀ mahimānam ǀ ugra ǀ
na ǀ vīryam ǀ indra ǀ te ǀ na ǀ rādhaḥ ǁ
07.022.09 (Mandala. Sukta. Rik)
5.3.06.04 (Ashtaka. Adhyaya. Varga. Rik)
07.02.065 (Mandala. Anuvāka. Rik)
Samhita Devanagari Accented
ये च॒ पूर्व॒ ऋष॑यो॒ ये च॒ नूत्ना॒ इंद्र॒ ब्रह्मा॑णि ज॒नयं॑त॒ विप्राः॑ ।
अ॒स्मे ते॑ संतु स॒ख्या शि॒वानि॑ यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
ये च पूर्व ऋषयो ये च नूत्ना इंद्र ब्रह्माणि जनयंत विप्राः ।
अस्मे ते संतु सख्या शिवानि यूयं पात स्वस्तिभिः सदा नः ॥
Samhita Transcription Accented
yé ca pū́rva ṛ́ṣayo yé ca nū́tnā índra bráhmāṇi janáyanta víprāḥ ǀ
asmé te santu sakhyā́ śivā́ni yūyám pāta svastíbhiḥ sádā naḥ ǁ
Samhita Transcription Nonaccented
ye ca pūrva ṛṣayo ye ca nūtnā indra brahmāṇi janayanta viprāḥ ǀ
asme te santu sakhyā śivāni yūyam pāta svastibhiḥ sadā naḥ ǁ
Padapatha Devanagari Accented
ये । च॒ । पूर्वे॑ । ऋष॑यः । ये । च॒ । नूत्नाः॑ । इन्द्र॑ । ब्रह्मा॑णि । ज॒नय॑न्त । विप्राः॑ ।
अ॒स्मे इति॑ । ते॒ । स॒न्तु॒ । स॒ख्या । शि॒वानि॑ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
ये । च । पूर्वे । ऋषयः । ये । च । नूत्नाः । इन्द्र । ब्रह्माणि । जनयन्त । विप्राः ।
अस्मे इति । ते । सन्तु । सख्या । शिवानि । यूयम् । पात । स्वस्तिऽभिः । सदा । नः ॥
Padapatha Transcription Accented
yé ǀ ca ǀ pū́rve ǀ ṛ́ṣayaḥ ǀ yé ǀ ca ǀ nū́tnāḥ ǀ índra ǀ bráhmāṇi ǀ janáyanta ǀ víprāḥ ǀ
asmé íti ǀ te ǀ santu ǀ sakhyā́ ǀ śivā́ni ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
ye ǀ ca ǀ pūrve ǀ ṛṣayaḥ ǀ ye ǀ ca ǀ nūtnāḥ ǀ indra ǀ brahmāṇi ǀ janayanta ǀ viprāḥ ǀ
asme iti ǀ te ǀ santu ǀ sakhyā ǀ śivāni ǀ yūyam ǀ pāta ǀ svasti-bhiḥ ǀ sadā ǀ naḥ ǁ