|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 24
|
1. Info |
| To: | indra | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (1, 3); triṣṭup (2, 5); virāṭtrisṭup (4); virāṭpaṅkti (6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.024.01 (Mandala. Sukta. Rik)
5.3.08.01 (Ashtaka. Adhyaya. Varga. Rik)
07.02.072 (Mandala. Anuvāka. Rik)
Samhita Devanagari Accented
योनि॑ष्ट इंद्र॒ सद॑ने अकारि॒ तमा नृभिः॑ पुरुहूत॒ प्र या॑हि ।
असो॒ यथा॑ नोऽवि॒ता वृ॒धे च॒ ददो॒ वसू॑नि म॒मद॑श्च॒ सोमैः॑ ॥
Samhita Devanagari Nonaccented
योनिष्ट इंद्र सदने अकारि तमा नृभिः पुरुहूत प्र याहि ।
असो यथा नोऽविता वृधे च ददो वसूनि ममदश्च सोमैः ॥
Samhita Transcription Accented
yóniṣṭa indra sádane akāri támā́ nṛ́bhiḥ puruhūta prá yāhi ǀ
áso yáthā no’vitā́ vṛdhé ca dádo vásūni mamádaśca sómaiḥ ǁ
Samhita Transcription Nonaccented
yoniṣṭa indra sadane akāri tamā nṛbhiḥ puruhūta pra yāhi ǀ
aso yathā no’vitā vṛdhe ca dado vasūni mamadaśca somaiḥ ǁ
Padapatha Devanagari Accented
योनिः॑ । ते॒ । इ॒न्द्र॒ । सद॑ने । अ॒का॒रि॒ । तम् । आ । नृऽभिः॑ । पु॒रु॒ऽहू॒त॒ । प्र । या॒हि॒ ।
असः॑ । यथा॑ । नः॒ । अ॒वि॒ता । वृ॒धे । च॒ । ददः॑ । वसू॑नि । म॒मदः॑ । च॒ । सोमैः॑ ॥
Padapatha Devanagari Nonaccented
योनिः । ते । इन्द्र । सदने । अकारि । तम् । आ । नृऽभिः । पुरुऽहूत । प्र । याहि ।
असः । यथा । नः । अविता । वृधे । च । ददः । वसूनि । ममदः । च । सोमैः ॥
Padapatha Transcription Accented
yóniḥ ǀ te ǀ indra ǀ sádane ǀ akāri ǀ tám ǀ ā́ ǀ nṛ́-bhiḥ ǀ puru-hūta ǀ prá ǀ yāhi ǀ
ásaḥ ǀ yáthā ǀ naḥ ǀ avitā́ ǀ vṛdhé ǀ ca ǀ dádaḥ ǀ vásūni ǀ mamádaḥ ǀ ca ǀ sómaiḥ ǁ
Padapatha Transcription Nonaccented
yoniḥ ǀ te ǀ indra ǀ sadane ǀ akāri ǀ tam ǀ ā ǀ nṛ-bhiḥ ǀ puru-hūta ǀ pra ǀ yāhi ǀ
asaḥ ǀ yathā ǀ naḥ ǀ avitā ǀ vṛdhe ǀ ca ǀ dadaḥ ǀ vasūni ǀ mamadaḥ ǀ ca ǀ somaiḥ ǁ
07.024.02 (Mandala. Sukta. Rik)
5.3.08.02 (Ashtaka. Adhyaya. Varga. Rik)
07.02.073 (Mandala. Anuvāka. Rik)
Samhita Devanagari Accented
गृ॒भी॒तं ते॒ मन॑ इंद्र द्वि॒बर्हाः॑ सु॒तः सोमः॒ परि॑षिक्ता॒ मधू॑नि ।
विसृ॑ष्टधेना भरते सुवृ॒क्तिरि॒यमिंद्रं॒ जोहु॑वती मनी॒षा ॥
Samhita Devanagari Nonaccented
गृभीतं ते मन इंद्र द्विबर्हाः सुतः सोमः परिषिक्ता मधूनि ।
विसृष्टधेना भरते सुवृक्तिरियमिंद्रं जोहुवती मनीषा ॥
Samhita Transcription Accented
gṛbhītám te mána indra dvibárhāḥ sutáḥ sómaḥ páriṣiktā mádhūni ǀ
vísṛṣṭadhenā bharate suvṛktíriyámíndram jóhuvatī manīṣā́ ǁ
Samhita Transcription Nonaccented
gṛbhītam te mana indra dvibarhāḥ sutaḥ somaḥ pariṣiktā madhūni ǀ
visṛṣṭadhenā bharate suvṛktiriyamindram johuvatī manīṣā ǁ
Padapatha Devanagari Accented
गृ॒भी॒तम् । ते॒ । मनः॑ । इ॒न्द्र॒ । द्वि॒ऽबर्हाः॑ । सु॒तः । सोमः॑ । परि॑ऽसिक्ता । मधू॑नि ।
विसृ॑ष्टऽधेना । भ॒र॒ते॒ । सु॒ऽवृ॒क्तिः । इ॒यम् । इन्द्र॑म् । जोहु॑वती । म॒नी॒षा ॥
Padapatha Devanagari Nonaccented
गृभीतम् । ते । मनः । इन्द्र । द्विऽबर्हाः । सुतः । सोमः । परिऽसिक्ता । मधूनि ।
विसृष्टऽधेना । भरते । सुऽवृक्तिः । इयम् । इन्द्रम् । जोहुवती । मनीषा ॥
Padapatha Transcription Accented
gṛbhītám ǀ te ǀ mánaḥ ǀ indra ǀ dvi-bárhāḥ ǀ sutáḥ ǀ sómaḥ ǀ pári-siktā ǀ mádhūni ǀ
vísṛṣṭa-dhenā ǀ bharate ǀ su-vṛktíḥ ǀ iyám ǀ índram ǀ jóhuvatī ǀ manīṣā́ ǁ
Padapatha Transcription Nonaccented
gṛbhītam ǀ te ǀ manaḥ ǀ indra ǀ dvi-barhāḥ ǀ sutaḥ ǀ somaḥ ǀ pari-siktā ǀ madhūni ǀ
visṛṣṭa-dhenā ǀ bharate ǀ su-vṛktiḥ ǀ iyam ǀ indram ǀ johuvatī ǀ manīṣā ǁ
07.024.03 (Mandala. Sukta. Rik)
5.3.08.03 (Ashtaka. Adhyaya. Varga. Rik)
07.02.074 (Mandala. Anuvāka. Rik)
Samhita Devanagari Accented
आ नो॑ दि॒व आ पृ॑थि॒व्या ऋ॑जीषिन्नि॒दं ब॒र्हिः सो॑म॒पेया॑य याहि ।
वहं॑तु त्वा॒ हर॑यो म॒द्र्यं॑चमांगू॒षमच्छा॑ त॒वसं॒ मदा॑य ॥
Samhita Devanagari Nonaccented
आ नो दिव आ पृथिव्या ऋजीषिन्निदं बर्हिः सोमपेयाय याहि ।
वहंतु त्वा हरयो मद्र्यंचमांगूषमच्छा तवसं मदाय ॥
Samhita Transcription Accented
ā́ no divá ā́ pṛthivyā́ ṛjīṣinnidám barhíḥ somapéyāya yāhi ǀ
váhantu tvā hárayo madryáñcamāṅgūṣámácchā tavásam mádāya ǁ
Samhita Transcription Nonaccented
ā no diva ā pṛthivyā ṛjīṣinnidam barhiḥ somapeyāya yāhi ǀ
vahantu tvā harayo madryañcamāṅgūṣamacchā tavasam madāya ǁ
Padapatha Devanagari Accented
आ । नः॒ । दि॒वः । आ । पृ॒थि॒व्याः । ऋ॒जी॒षि॒न् । इ॒दम् । ब॒र्हिः । सो॒म॒ऽपेया॑य । या॒हि॒ ।
वह॑न्तु । त्वा॒ । हर॑यः । म॒द्र्य॑ञ्चम् । आ॒ङ्गू॒षम् । अच्छ॑ । त॒वस॑म् । मदा॑य ॥
Padapatha Devanagari Nonaccented
आ । नः । दिवः । आ । पृथिव्याः । ऋजीषिन् । इदम् । बर्हिः । सोमऽपेयाय । याहि ।
वहन्तु । त्वा । हरयः । मद्र्यञ्चम् । आङ्गूषम् । अच्छ । तवसम् । मदाय ॥
Padapatha Transcription Accented
ā́ ǀ naḥ ǀ diváḥ ǀ ā́ ǀ pṛthivyā́ḥ ǀ ṛjīṣin ǀ idám ǀ barhíḥ ǀ soma-péyāya ǀ yāhi ǀ
váhantu ǀ tvā ǀ hárayaḥ ǀ madryáñcam ǀ āṅgūṣám ǀ áccha ǀ tavásam ǀ mádāya ǁ
Padapatha Transcription Nonaccented
ā ǀ naḥ ǀ divaḥ ǀ ā ǀ pṛthivyāḥ ǀ ṛjīṣin ǀ idam ǀ barhiḥ ǀ soma-peyāya ǀ yāhi ǀ
vahantu ǀ tvā ǀ harayaḥ ǀ madryañcam ǀ āṅgūṣam ǀ accha ǀ tavasam ǀ madāya ǁ
07.024.04 (Mandala. Sukta. Rik)
5.3.08.04 (Ashtaka. Adhyaya. Varga. Rik)
07.02.075 (Mandala. Anuvāka. Rik)
Samhita Devanagari Accented
आ नो॒ विश्वा॑भिरू॒तिभिः॑ स॒जोषा॒ ब्रह्म॑ जुषा॒णो ह॑र्यश्व याहि ।
वरी॑वृज॒त्स्थवि॑रेभिः सुशिप्रा॒स्मे दध॒द्वृष॑णं॒ शुष्म॑मिंद्र ॥
Samhita Devanagari Nonaccented
आ नो विश्वाभिरूतिभिः सजोषा ब्रह्म जुषाणो हर्यश्व याहि ।
वरीवृजत्स्थविरेभिः सुशिप्रास्मे दधद्वृषणं शुष्ममिंद्र ॥
Samhita Transcription Accented
ā́ no víśvābhirūtíbhiḥ sajóṣā bráhma juṣāṇó haryaśva yāhi ǀ
várīvṛjatsthávirebhiḥ suśiprāsmé dádhadvṛ́ṣaṇam śúṣmamindra ǁ
Samhita Transcription Nonaccented
ā no viśvābhirūtibhiḥ sajoṣā brahma juṣāṇo haryaśva yāhi ǀ
varīvṛjatsthavirebhiḥ suśiprāsme dadhadvṛṣaṇam śuṣmamindra ǁ
Padapatha Devanagari Accented
आ । नः॒ । विश्वा॑भिः । ऊ॒तिऽभिः॑ । स॒ऽजोषाः॑ । ब्रह्म॑ । जु॒षा॒णः । ह॒रि॒ऽअ॒श्व॒ । या॒हि॒ ।
वरी॑वृजत् । स्थवि॑रेभिः । सु॒ऽशि॒प्र॒ । अ॒स्मे इति॑ । दध॑त् । वृष॑णम् । शुष्म॑म् । इ॒न्द्र॒ ॥
Padapatha Devanagari Nonaccented
आ । नः । विश्वाभिः । ऊतिऽभिः । सऽजोषाः । ब्रह्म । जुषाणः । हरिऽअश्व । याहि ।
वरीवृजत् । स्थविरेभिः । सुऽशिप्र । अस्मे इति । दधत् । वृषणम् । शुष्मम् । इन्द्र ॥
Padapatha Transcription Accented
ā́ ǀ naḥ ǀ víśvābhiḥ ǀ ūtí-bhiḥ ǀ sa-jóṣāḥ ǀ bráhma ǀ juṣāṇáḥ ǀ hari-aśva ǀ yāhi ǀ
várīvṛjat ǀ sthávirebhiḥ ǀ su-śipra ǀ asmé íti ǀ dádhat ǀ vṛ́ṣaṇam ǀ śúṣmam ǀ indra ǁ
Padapatha Transcription Nonaccented
ā ǀ naḥ ǀ viśvābhiḥ ǀ ūti-bhiḥ ǀ sa-joṣāḥ ǀ brahma ǀ juṣāṇaḥ ǀ hari-aśva ǀ yāhi ǀ
varīvṛjat ǀ sthavirebhiḥ ǀ su-śipra ǀ asme iti ǀ dadhat ǀ vṛṣaṇam ǀ śuṣmam ǀ indra ǁ
07.024.05 (Mandala. Sukta. Rik)
5.3.08.05 (Ashtaka. Adhyaya. Varga. Rik)
07.02.076 (Mandala. Anuvāka. Rik)
Samhita Devanagari Accented
ए॒ष स्तोमो॑ म॒ह उ॒ग्राय॒ वाहे॑ धु॒री॒३॒॑वात्यो॒ न वा॒जय॑न्नधायि ।
इंद्र॑ त्वा॒यम॒र्क ई॑ट्टे॒ वसू॑नां दि॒वी॑व॒ द्यामधि॑ नः॒ श्रोम॑तं धाः ॥
Samhita Devanagari Nonaccented
एष स्तोमो मह उग्राय वाहे धुरीवात्यो न वाजयन्नधायि ।
इंद्र त्वायमर्क ईट्टे वसूनां दिवीव द्यामधि नः श्रोमतं धाः ॥
Samhita Transcription Accented
eṣá stómo mahá ugrā́ya vā́he dhurī́vā́tyo ná vājáyannadhāyi ǀ
índra tvāyámarká īṭṭe vásūnām divī́va dyā́mádhi naḥ śrómatam dhāḥ ǁ
Samhita Transcription Nonaccented
eṣa stomo maha ugrāya vāhe dhurīvātyo na vājayannadhāyi ǀ
indra tvāyamarka īṭṭe vasūnām divīva dyāmadhi naḥ śromatam dhāḥ ǁ
Padapatha Devanagari Accented
ए॒षः । स्तोमः॑ । म॒हे । उ॒ग्राय॑ । वाहे॑ । धु॒रिऽइ॑व । अत्यः॑ । न । वा॒जय॑न् । अ॒धा॒यि॒ ।
इन्द्र॑ । त्वा॒ । अ॒यम् । अ॒र्कः । ई॒ट्टे॒ । वसू॑नाम् । दि॒विऽइ॑व । द्याम् । अधि॑ । नः॒ । श्रोम॑तम् । धाः॒ ॥
Padapatha Devanagari Nonaccented
एषः । स्तोमः । महे । उग्राय । वाहे । धुरिऽइव । अत्यः । न । वाजयन् । अधायि ।
इन्द्र । त्वा । अयम् । अर्कः । ईट्टे । वसूनाम् । दिविऽइव । द्याम् । अधि । नः । श्रोमतम् । धाः ॥
Padapatha Transcription Accented
eṣáḥ ǀ stómaḥ ǀ mahé ǀ ugrā́ya ǀ vā́he ǀ dhurí-iva ǀ átyaḥ ǀ ná ǀ vājáyan ǀ adhāyi ǀ
índra ǀ tvā ǀ ayám ǀ arkáḥ ǀ īṭṭe ǀ vásūnām ǀ diví-iva ǀ dyā́m ǀ ádhi ǀ naḥ ǀ śrómatam ǀ dhāḥ ǁ
Padapatha Transcription Nonaccented
eṣaḥ ǀ stomaḥ ǀ mahe ǀ ugrāya ǀ vāhe ǀ dhuri-iva ǀ atyaḥ ǀ na ǀ vājayan ǀ adhāyi ǀ
indra ǀ tvā ǀ ayam ǀ arkaḥ ǀ īṭṭe ǀ vasūnām ǀ divi-iva ǀ dyām ǀ adhi ǀ naḥ ǀ śromatam ǀ dhāḥ ǁ
07.024.06 (Mandala. Sukta. Rik)
5.3.08.06 (Ashtaka. Adhyaya. Varga. Rik)
07.02.077 (Mandala. Anuvāka. Rik)
Samhita Devanagari Accented
ए॒वा न॑ इंद्र॒ वार्य॑स्य पूर्धि॒ प्र ते॑ म॒हीं सु॑म॒तिं वे॑विदाम ।
इषं॑ पिन्व म॒घव॑द्भ्यः सु॒वीरां॑ यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
एवा न इंद्र वार्यस्य पूर्धि प्र ते महीं सुमतिं वेविदाम ।
इषं पिन्व मघवद्भ्यः सुवीरां यूयं पात स्वस्तिभिः सदा नः ॥
Samhita Transcription Accented
evā́ na indra vā́ryasya pūrdhi prá te mahī́m sumatím vevidāma ǀ
íṣam pinva maghávadbhyaḥ suvī́rām yūyám pāta svastíbhiḥ sádā naḥ ǁ
Samhita Transcription Nonaccented
evā na indra vāryasya pūrdhi pra te mahīm sumatim vevidāma ǀ
iṣam pinva maghavadbhyaḥ suvīrām yūyam pāta svastibhiḥ sadā naḥ ǁ
Padapatha Devanagari Accented
ए॒व । नः॒ । इ॒न्द्र॒ । वार्य॑स्य । पू॒र्धि॒ । प्र । ते॒ । म॒हीम् । सु॒ऽम॒तिम् । वे॒वि॒दा॒म॒ ।
इष॑म् । पि॒न्व॒ । म॒घव॑त्ऽभ्यः । सु॒ऽवीरा॑म् । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
एव । नः । इन्द्र । वार्यस्य । पूर्धि । प्र । ते । महीम् । सुऽमतिम् । वेविदाम ।
इषम् । पिन्व । मघवत्ऽभ्यः । सुऽवीराम् । यूयम् । पात । स्वस्तिऽभिः । सदा । नः ॥
Padapatha Transcription Accented
evá ǀ naḥ ǀ indra ǀ vā́ryasya ǀ pūrdhi ǀ prá ǀ te ǀ mahī́m ǀ su-matím ǀ vevidāma ǀ
íṣam ǀ pinva ǀ maghávat-bhyaḥ ǀ su-vī́rām ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
eva ǀ naḥ ǀ indra ǀ vāryasya ǀ pūrdhi ǀ pra ǀ te ǀ mahīm ǀ su-matim ǀ vevidāma ǀ
iṣam ǀ pinva ǀ maghavat-bhyaḥ ǀ su-vīrām ǀ yūyam ǀ pāta ǀ svasti-bhiḥ ǀ sadā ǀ naḥ ǁ