|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 25
|
1. Info |
| To: | indra | |
| From: | vasiṣṭha maitrāvaruṇi | |
| Metres: | 1st set of styles: nicṛtpaṅkti (1); virāṭpaṅkti (2); virāṭtrisṭup (3); paṅktiḥ (4); nicṛttriṣṭup (5); svarāṭpaṅkti (6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.025.01 (Mandala. Sukta. Rik)
5.3.09.01 (Ashtaka. Adhyaya. Varga. Rik)
07.02.078 (Mandala. Anuvāka. Rik)
Samhita Devanagari Accented
आ ते॑ म॒ह इं॑द्रो॒त्यु॑ग्र॒ सम॑न्यवो॒ यत्स॒मरं॑त॒ सेनाः॑ ।
पता॑ति दि॒द्युन्नर्य॑स्य बा॒ह्वोर्मा ते॒ मनो॑ विष्व॒द्र्य१॒॑ग्वि चा॑रीत् ॥
Samhita Devanagari Nonaccented
आ ते मह इंद्रोत्युग्र समन्यवो यत्समरंत सेनाः ।
पताति दिद्युन्नर्यस्य बाह्वोर्मा ते मनो विष्वद्र्यग्वि चारीत् ॥
Samhita Transcription Accented
ā́ te mahá indrotyúgra sámanyavo yátsamáranta sénāḥ ǀ
pátāti didyúnnáryasya bāhvórmā́ te máno viṣvadryágví cārīt ǁ
Samhita Transcription Nonaccented
ā te maha indrotyugra samanyavo yatsamaranta senāḥ ǀ
patāti didyunnaryasya bāhvormā te mano viṣvadryagvi cārīt ǁ
Padapatha Devanagari Accented
आ । ते॒ । म॒हः । इ॒न्द्र॒ । ऊ॒ती । उ॒ग्र॒ । सऽम॑न्यवः । यत् । स॒म्ऽअर॑न्त । सेनाः॑ ।
पता॑ति । दि॒द्युत् । नर्य॑स्य । बा॒ह्वोः । मा । ते॒ । मनः॑ । वि॒ष्व॒द्र्य॑क् । वि । चा॒री॒त् ॥
Padapatha Devanagari Nonaccented
आ । ते । महः । इन्द्र । ऊती । उग्र । सऽमन्यवः । यत् । सम्ऽअरन्त । सेनाः ।
पताति । दिद्युत् । नर्यस्य । बाह्वोः । मा । ते । मनः । विष्वद्र्यक् । वि । चारीत् ॥
Padapatha Transcription Accented
ā́ ǀ te ǀ maháḥ ǀ indra ǀ ūtī́ ǀ ugra ǀ sá-manyavaḥ ǀ yát ǀ sam-áranta ǀ sénāḥ ǀ
pátāti ǀ didyút ǀ náryasya ǀ bāhvóḥ ǀ mā́ ǀ te ǀ mánaḥ ǀ viṣvadryák ǀ ví ǀ cārīt ǁ
Padapatha Transcription Nonaccented
ā ǀ te ǀ mahaḥ ǀ indra ǀ ūtī ǀ ugra ǀ sa-manyavaḥ ǀ yat ǀ sam-aranta ǀ senāḥ ǀ
patāti ǀ didyut ǀ naryasya ǀ bāhvoḥ ǀ mā ǀ te ǀ manaḥ ǀ viṣvadryak ǀ vi ǀ cārīt ǁ
07.025.02 (Mandala. Sukta. Rik)
5.3.09.02 (Ashtaka. Adhyaya. Varga. Rik)
07.02.079 (Mandala. Anuvāka. Rik)
Samhita Devanagari Accented
नि दु॒र्ग इं॑द्र श्नथिह्य॒मित्रा॑न॒भि ये नो॒ मर्ता॑सो अ॒मंति॑ ।
आ॒रे तं शंसं॑ कृणुहि निनि॒त्सोरा नो॑ भर सं॒भर॑णं॒ वसू॑नां ॥
Samhita Devanagari Nonaccented
नि दुर्ग इंद्र श्नथिह्यमित्रानभि ये नो मर्तासो अमंति ।
आरे तं शंसं कृणुहि निनित्सोरा नो भर संभरणं वसूनां ॥
Samhita Transcription Accented
ní durgá indra śnathihyamítrānabhí yé no mártāso amánti ǀ
āré tám śáṃsam kṛṇuhi ninitsórā́ no bhara sambháraṇam vásūnām ǁ
Samhita Transcription Nonaccented
ni durga indra śnathihyamitrānabhi ye no martāso amanti ǀ
āre tam śaṃsam kṛṇuhi ninitsorā no bhara sambharaṇam vasūnām ǁ
Padapatha Devanagari Accented
नि । दुः॒ऽगे । इ॒न्द्र॒ । श्न॒थि॒हि॒ । अ॒मित्रा॑न् । अ॒भि । ये । नः॒ । मर्ता॑सः । अ॒मन्ति॑ ।
आ॒रे । तम् । शंस॑म् । कृ॒णु॒हि॒ । नि॒नि॒त्सोः । आ । नः॒ । भ॒र॒ । स॒म्ऽभर॑णम् । वसू॑नाम् ॥
Padapatha Devanagari Nonaccented
नि । दुःऽगे । इन्द्र । श्नथिहि । अमित्रान् । अभि । ये । नः । मर्तासः । अमन्ति ।
आरे । तम् । शंसम् । कृणुहि । निनित्सोः । आ । नः । भर । सम्ऽभरणम् । वसूनाम् ॥
Padapatha Transcription Accented
ní ǀ duḥ-gé ǀ indra ǀ śnathihi ǀ amítrān ǀ abhí ǀ yé ǀ naḥ ǀ mártāsaḥ ǀ amánti ǀ
āré ǀ tám ǀ śáṃsam ǀ kṛṇuhi ǀ ninitsóḥ ǀ ā́ ǀ naḥ ǀ bhara ǀ sam-bháraṇam ǀ vásūnām ǁ
Padapatha Transcription Nonaccented
ni ǀ duḥ-ge ǀ indra ǀ śnathihi ǀ amitrān ǀ abhi ǀ ye ǀ naḥ ǀ martāsaḥ ǀ amanti ǀ
āre ǀ tam ǀ śaṃsam ǀ kṛṇuhi ǀ ninitsoḥ ǀ ā ǀ naḥ ǀ bhara ǀ sam-bharaṇam ǀ vasūnām ǁ
07.025.03 (Mandala. Sukta. Rik)
5.3.09.03 (Ashtaka. Adhyaya. Varga. Rik)
07.02.080 (Mandala. Anuvāka. Rik)
Samhita Devanagari Accented
श॒तं ते॑ शिप्रिन्नू॒तयः॑ सु॒दासे॑ स॒हस्रं॒ शंसा॑ उ॒त रा॒तिर॑स्तु ।
ज॒हि वध॑र्व॒नुषो॒ मर्त्य॑स्या॒स्मे द्यु॒म्नमधि॒ रत्नं॑ च धेहि ॥
Samhita Devanagari Nonaccented
शतं ते शिप्रिन्नूतयः सुदासे सहस्रं शंसा उत रातिरस्तु ।
जहि वधर्वनुषो मर्त्यस्यास्मे द्युम्नमधि रत्नं च धेहि ॥
Samhita Transcription Accented
śatám te śiprinnūtáyaḥ sudā́se sahásram śáṃsā utá rātírastu ǀ
jahí vádharvanúṣo mártyasyāsmé dyumnámádhi rátnam ca dhehi ǁ
Samhita Transcription Nonaccented
śatam te śiprinnūtayaḥ sudāse sahasram śaṃsā uta rātirastu ǀ
jahi vadharvanuṣo martyasyāsme dyumnamadhi ratnam ca dhehi ǁ
Padapatha Devanagari Accented
श॒तम् । ते॒ । शि॒प्रि॒न् । ऊ॒तयः॑ । सु॒ऽदासे॑ । स॒हस्र॑म् । शंसाः॑ । उ॒त । रा॒तिः । अ॒स्तु॒ ।
ज॒हि । वधः॑ । व॒नुषः॑ । मर्त्य॑स्य । अ॒स्मे इति॑ । द्यु॒म्नम् । अधि॑ । रत्न॑म् । च॒ । धे॒हि॒ ॥
Padapatha Devanagari Nonaccented
शतम् । ते । शिप्रिन् । ऊतयः । सुऽदासे । सहस्रम् । शंसाः । उत । रातिः । अस्तु ।
जहि । वधः । वनुषः । मर्त्यस्य । अस्मे इति । द्युम्नम् । अधि । रत्नम् । च । धेहि ॥
Padapatha Transcription Accented
śatám ǀ te ǀ śiprin ǀ ūtáyaḥ ǀ su-dā́se ǀ sahásram ǀ śáṃsāḥ ǀ utá ǀ rātíḥ ǀ astu ǀ
jahí ǀ vádhaḥ ǀ vanúṣaḥ ǀ mártyasya ǀ asmé íti ǀ dyumnám ǀ ádhi ǀ rátnam ǀ ca ǀ dhehi ǁ
Padapatha Transcription Nonaccented
śatam ǀ te ǀ śiprin ǀ ūtayaḥ ǀ su-dāse ǀ sahasram ǀ śaṃsāḥ ǀ uta ǀ rātiḥ ǀ astu ǀ
jahi ǀ vadhaḥ ǀ vanuṣaḥ ǀ martyasya ǀ asme iti ǀ dyumnam ǀ adhi ǀ ratnam ǀ ca ǀ dhehi ǁ
07.025.04 (Mandala. Sukta. Rik)
5.3.09.04 (Ashtaka. Adhyaya. Varga. Rik)
07.02.081 (Mandala. Anuvāka. Rik)
Samhita Devanagari Accented
त्वाव॑तो॒ हीं॑द्र॒ क्रत्वे॒ अस्मि॒ त्वाव॑तोऽवि॒तुः शू॑र रा॒तौ ।
विश्वेदहा॑नि तविषीव उग्रँ॒ ओकः॑ कृणुष्व हरिवो॒ न म॑र्धीः ॥
Samhita Devanagari Nonaccented
त्वावतो हींद्र क्रत्वे अस्मि त्वावतोऽवितुः शूर रातौ ।
विश्वेदहानि तविषीव उग्रँ ओकः कृणुष्व हरिवो न मर्धीः ॥
Samhita Transcription Accented
tvā́vato hī́ndra krátve ásmi tvā́vato’vitúḥ śūra rātáu ǀ
víśvédáhāni taviṣīva ugram̐ ókaḥ kṛṇuṣva harivo ná mardhīḥ ǁ
Samhita Transcription Nonaccented
tvāvato hīndra kratve asmi tvāvato’vituḥ śūra rātau ǀ
viśvedahāni taviṣīva ugram̐ okaḥ kṛṇuṣva harivo na mardhīḥ ǁ
Padapatha Devanagari Accented
त्वाऽव॑तः । हि । इ॒न्द्र॒ । क्रत्वे॑ । अस्मि॑ । त्वाऽव॑तः । अ॒वि॒तुः । शू॒र॒ । रा॒तौ ।
विश्वा॑ । इत् । अहा॑नि । त॒वि॒षी॒ऽवः॒ । उ॒ग्र॒ । ओकः॑ । कृ॒णु॒ष्व॒ । ह॒रि॒ऽवः॒ । न । म॒र्धीः॒ ॥
Padapatha Devanagari Nonaccented
त्वाऽवतः । हि । इन्द्र । क्रत्वे । अस्मि । त्वाऽवतः । अवितुः । शूर । रातौ ।
विश्वा । इत् । अहानि । तविषीऽवः । उग्र । ओकः । कृणुष्व । हरिऽवः । न । मर्धीः ॥
Padapatha Transcription Accented
tvā́-vataḥ ǀ hí ǀ indra ǀ krátve ǀ ásmi ǀ tvā́-vataḥ ǀ avitúḥ ǀ śūra ǀ rātáu ǀ
víśvā ǀ ít ǀ áhāni ǀ taviṣī-vaḥ ǀ ugra ǀ ókaḥ ǀ kṛṇuṣva ǀ hari-vaḥ ǀ ná ǀ mardhīḥ ǁ
Padapatha Transcription Nonaccented
tvā-vataḥ ǀ hi ǀ indra ǀ kratve ǀ asmi ǀ tvā-vataḥ ǀ avituḥ ǀ śūra ǀ rātau ǀ
viśvā ǀ it ǀ ahāni ǀ taviṣī-vaḥ ǀ ugra ǀ okaḥ ǀ kṛṇuṣva ǀ hari-vaḥ ǀ na ǀ mardhīḥ ǁ
07.025.05 (Mandala. Sukta. Rik)
5.3.09.05 (Ashtaka. Adhyaya. Varga. Rik)
07.02.082 (Mandala. Anuvāka. Rik)
Samhita Devanagari Accented
कुत्सा॑ ए॒ते हर्य॑श्वाय शू॒षमिंद्रे॒ सहो॑ दे॒वजू॑तमिया॒नाः ।
स॒त्रा कृ॑धि सु॒हना॑ शूर वृ॒त्रा व॒यं तरु॑त्राः सनुयाम॒ वाजं॑ ॥
Samhita Devanagari Nonaccented
कुत्सा एते हर्यश्वाय शूषमिंद्रे सहो देवजूतमियानाः ।
सत्रा कृधि सुहना शूर वृत्रा वयं तरुत्राः सनुयाम वाजं ॥
Samhita Transcription Accented
kútsā eté háryaśvāya śūṣámíndre sáho devájūtamiyānā́ḥ ǀ
satrā́ kṛdhi suhánā śūra vṛtrā́ vayám tárutrāḥ sanuyāma vā́jam ǁ
Samhita Transcription Nonaccented
kutsā ete haryaśvāya śūṣamindre saho devajūtamiyānāḥ ǀ
satrā kṛdhi suhanā śūra vṛtrā vayam tarutrāḥ sanuyāma vājam ǁ
Padapatha Devanagari Accented
कुत्साः॑ । ए॒ते । हरि॑ऽअश्वाय । शू॒षम् । इन्द्रे॑ । सहः॑ । दे॒वऽजू॑तम् । इ॒या॒नाः ।
स॒त्रा । कृ॒धि॒ । सु॒ऽहना॑ । शू॒र॒ । वृ॒त्रा । व॒यम् । तरु॑त्राः । स॒नु॒या॒म॒ । वाज॑म् ॥
Padapatha Devanagari Nonaccented
कुत्साः । एते । हरिऽअश्वाय । शूषम् । इन्द्रे । सहः । देवऽजूतम् । इयानाः ।
सत्रा । कृधि । सुऽहना । शूर । वृत्रा । वयम् । तरुत्राः । सनुयाम । वाजम् ॥
Padapatha Transcription Accented
kútsāḥ ǀ eté ǀ hári-aśvāya ǀ śūṣám ǀ índre ǀ sáhaḥ ǀ devá-jūtam ǀ iyānā́ḥ ǀ
satrā́ ǀ kṛdhi ǀ su-hánā ǀ śūra ǀ vṛtrā́ ǀ vayám ǀ tárutrāḥ ǀ sanuyāma ǀ vā́jam ǁ
Padapatha Transcription Nonaccented
kutsāḥ ǀ ete ǀ hari-aśvāya ǀ śūṣam ǀ indre ǀ sahaḥ ǀ deva-jūtam ǀ iyānāḥ ǀ
satrā ǀ kṛdhi ǀ su-hanā ǀ śūra ǀ vṛtrā ǀ vayam ǀ tarutrāḥ ǀ sanuyāma ǀ vājam ǁ
07.025.06 (Mandala. Sukta. Rik)
5.3.09.06 (Ashtaka. Adhyaya. Varga. Rik)
07.02.083 (Mandala. Anuvāka. Rik)
Samhita Devanagari Accented
ए॒वा न॑ इंद्र॒ वार्य॑स्य पूर्धि॒ प्र ते॑ म॒हीं सु॑म॒तिं वे॑विदाम ।
इषं॑ पिन्व म॒घव॑द्भ्यः सु॒वीरां॑ यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
एवा न इंद्र वार्यस्य पूर्धि प्र ते महीं सुमतिं वेविदाम ।
इषं पिन्व मघवद्भ्यः सुवीरां यूयं पात स्वस्तिभिः सदा नः ॥
Samhita Transcription Accented
evā́ na indra vā́ryasya pūrdhi prá te mahī́m sumatím vevidāma ǀ
íṣam pinva maghávadbhyaḥ suvī́rām yūyám pāta svastíbhiḥ sádā naḥ ǁ
Samhita Transcription Nonaccented
evā na indra vāryasya pūrdhi pra te mahīm sumatim vevidāma ǀ
iṣam pinva maghavadbhyaḥ suvīrām yūyam pāta svastibhiḥ sadā naḥ ǁ
Padapatha Devanagari Accented
ए॒व । नः॒ । इ॒न्द्र॒ । वार्य॑स्य । पू॒र्धि॒ । प्र । ते॒ । म॒हीम् । सु॒ऽम॒तिम् । वे॒वि॒दा॒म॒ ।
इष॑म् । पि॒न्व॒ । म॒घव॑त्ऽभ्यः । सु॒ऽवीरा॑म् । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
एव । नः । इन्द्र । वार्यस्य । पूर्धि । प्र । ते । महीम् । सुऽमतिम् । वेविदाम ।
इषम् । पिन्व । मघवत्ऽभ्यः । सुऽवीराम् । यूयम् । पात । स्वस्तिऽभिः । सदा । नः ॥
Padapatha Transcription Accented
evá ǀ naḥ ǀ indra ǀ vā́ryasya ǀ pūrdhi ǀ prá ǀ te ǀ mahī́m ǀ su-matím ǀ vevidāma ǀ
íṣam ǀ pinva ǀ maghávat-bhyaḥ ǀ su-vī́rām ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
eva ǀ naḥ ǀ indra ǀ vāryasya ǀ pūrdhi ǀ pra ǀ te ǀ mahīm ǀ su-matim ǀ vevidāma ǀ
iṣam ǀ pinva ǀ maghavat-bhyaḥ ǀ su-vīrām ǀ yūyam ǀ pāta ǀ svasti-bhiḥ ǀ sadā ǀ naḥ ǁ