|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 28
|
1. Info |
| To: | 1-3, 5: indra; 4: indra, varuṇa |
|
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (1, 2, 5); bhurikpaṅkti (3); svarāṭpaṅkti (4) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.028.01 (Mandala. Sukta. Rik)
5.3.12.01 (Ashtaka. Adhyaya. Varga. Rik)
07.02.094 (Mandala. Anuvāka. Rik)
Samhita Devanagari Accented
ब्रह्मा॑ ण इं॒द्रोप॑ याहि वि॒द्वान॒र्वांच॑स्ते॒ हर॑यः संतु यु॒क्ताः ।
विश्वे॑ चि॒द्धि त्वा॑ वि॒हवं॑त॒ मर्ता॑ अ॒स्माक॒मिच्छृ॑णुहि विश्वमिन्व ॥
Samhita Devanagari Nonaccented
ब्रह्मा ण इंद्रोप याहि विद्वानर्वांचस्ते हरयः संतु युक्ताः ।
विश्वे चिद्धि त्वा विहवंत मर्ता अस्माकमिच्छृणुहि विश्वमिन्व ॥
Samhita Transcription Accented
bráhmā ṇa indrópa yāhi vidvā́narvā́ñcaste hárayaḥ santu yuktā́ḥ ǀ
víśve ciddhí tvā vihávanta mártā asmā́kamícchṛṇuhi viśvaminva ǁ
Samhita Transcription Nonaccented
brahmā ṇa indropa yāhi vidvānarvāñcaste harayaḥ santu yuktāḥ ǀ
viśve ciddhi tvā vihavanta martā asmākamicchṛṇuhi viśvaminva ǁ
Padapatha Devanagari Accented
ब्रह्मा॑ । नः॒ । इ॒न्द्र॒ । उप॑ । या॒हि॒ । वि॒द्वान् । अ॒र्वाञ्चः॑ । ते॒ । हर॑यः । स॒न्तु॒ । यु॒क्ताः ।
विश्वे॑ । चि॒त् । हि । त्वा॒ । वि॒ऽहव॑न्त । मर्ताः॑ । अ॒स्माक॑म् । इत् । शृ॒णु॒हि॒ । वि॒श्व॒म्ऽइ॒न्व॒ ॥
Padapatha Devanagari Nonaccented
ब्रह्मा । नः । इन्द्र । उप । याहि । विद्वान् । अर्वाञ्चः । ते । हरयः । सन्तु । युक्ताः ।
विश्वे । चित् । हि । त्वा । विऽहवन्त । मर्ताः । अस्माकम् । इत् । शृणुहि । विश्वम्ऽइन्व ॥
Padapatha Transcription Accented
bráhmā ǀ naḥ ǀ indra ǀ úpa ǀ yāhi ǀ vidvā́n ǀ arvā́ñcaḥ ǀ te ǀ hárayaḥ ǀ santu ǀ yuktā́ḥ ǀ
víśve ǀ cit ǀ hí ǀ tvā ǀ vi-hávanta ǀ mártāḥ ǀ asmā́kam ǀ ít ǀ śṛṇuhi ǀ viśvam-inva ǁ
Padapatha Transcription Nonaccented
brahmā ǀ naḥ ǀ indra ǀ upa ǀ yāhi ǀ vidvān ǀ arvāñcaḥ ǀ te ǀ harayaḥ ǀ santu ǀ yuktāḥ ǀ
viśve ǀ cit ǀ hi ǀ tvā ǀ vi-havanta ǀ martāḥ ǀ asmākam ǀ it ǀ śṛṇuhi ǀ viśvam-inva ǁ
07.028.02 (Mandala. Sukta. Rik)
5.3.12.02 (Ashtaka. Adhyaya. Varga. Rik)
07.02.095 (Mandala. Anuvāka. Rik)
Samhita Devanagari Accented
हवं॑ त इंद्र महि॒मा व्या॑न॒ड्ब्रह्म॒ यत्पासि॑ शवसि॒न्नृषी॑णां ।
आ यद्वज्रं॑ दधि॒षे हस्त॑ उग्र घो॒रः सन्क्रत्वा॑ जनिष्ठा॒ अषा॑ळ्हः ॥
Samhita Devanagari Nonaccented
हवं त इंद्र महिमा व्यानड्ब्रह्म यत्पासि शवसिन्नृषीणां ।
आ यद्वज्रं दधिषे हस्त उग्र घोरः सन्क्रत्वा जनिष्ठा अषाळ्हः ॥
Samhita Transcription Accented
hávam ta indra mahimā́ vyā́naḍbráhma yátpā́si śavasinnṛ́ṣīṇām ǀ
ā́ yádvájram dadhiṣé hásta ugra ghoráḥ sánkrátvā janiṣṭhā áṣāḷhaḥ ǁ
Samhita Transcription Nonaccented
havam ta indra mahimā vyānaḍbrahma yatpāsi śavasinnṛṣīṇām ǀ
ā yadvajram dadhiṣe hasta ugra ghoraḥ sankratvā janiṣṭhā aṣāḷhaḥ ǁ
Padapatha Devanagari Accented
हव॑म् । ते॒ । इ॒न्द्र॒ । म॒हि॒मा । वि । आ॒न॒ट् । ब्रह्म॑ । यत् । पासि॑ । श॒व॒सि॒न् । ऋषी॑णाम् ।
आ । यत् । वज्र॑म् । द॒धि॒षे । हस्ते॑ । उ॒ग्र॒ । घो॒रः । सन् । क्रत्वा॑ । ज॒नि॒ष्ठाः॒ । अषा॑ळ्हः ॥
Padapatha Devanagari Nonaccented
हवम् । ते । इन्द्र । महिमा । वि । आनट् । ब्रह्म । यत् । पासि । शवसिन् । ऋषीणाम् ।
आ । यत् । वज्रम् । दधिषे । हस्ते । उग्र । घोरः । सन् । क्रत्वा । जनिष्ठाः । अषाळ्हः ॥
Padapatha Transcription Accented
hávam ǀ te ǀ indra ǀ mahimā́ ǀ ví ǀ ānaṭ ǀ bráhma ǀ yát ǀ pā́si ǀ śavasin ǀ ṛ́ṣīṇām ǀ
ā́ ǀ yát ǀ vájram ǀ dadhiṣé ǀ háste ǀ ugra ǀ ghoráḥ ǀ sán ǀ krátvā ǀ janiṣṭhāḥ ǀ áṣāḷhaḥ ǁ
Padapatha Transcription Nonaccented
havam ǀ te ǀ indra ǀ mahimā ǀ vi ǀ ānaṭ ǀ brahma ǀ yat ǀ pāsi ǀ śavasin ǀ ṛṣīṇām ǀ
ā ǀ yat ǀ vajram ǀ dadhiṣe ǀ haste ǀ ugra ǀ ghoraḥ ǀ san ǀ kratvā ǀ janiṣṭhāḥ ǀ aṣāḷhaḥ ǁ
07.028.03 (Mandala. Sukta. Rik)
5.3.12.03 (Ashtaka. Adhyaya. Varga. Rik)
07.02.096 (Mandala. Anuvāka. Rik)
Samhita Devanagari Accented
तव॒ प्रणी॑तींद्र॒ जोहु॑वाना॒न्त्सं यन्नॄन्न रोद॑सी नि॒नेथ॑ ।
म॒हे क्ष॒त्राय॒ शव॑से॒ हि ज॒ज्ञेऽतू॑तुजिं चि॒त्तूतु॑जिरशिश्नत् ॥
Samhita Devanagari Nonaccented
तव प्रणीतींद्र जोहुवानान्त्सं यन्नॄन्न रोदसी निनेथ ।
महे क्षत्राय शवसे हि जज्ञेऽतूतुजिं चित्तूतुजिरशिश्नत् ॥
Samhita Transcription Accented
táva práṇītīndra jóhuvānāntsám yánnṝ́nná ródasī ninétha ǀ
mahé kṣatrā́ya śávase hí jajñé’tūtujim cittū́tujiraśiśnat ǁ
Samhita Transcription Nonaccented
tava praṇītīndra johuvānāntsam yannṝnna rodasī ninetha ǀ
mahe kṣatrāya śavase hi jajñe’tūtujim cittūtujiraśiśnat ǁ
Padapatha Devanagari Accented
तव॑ । प्रऽनी॑ती । इ॒न्द्र॒ । जोहु॑वानान् । सम् । यत् । नॄन् । न । रोद॑सी॒ इति॑ । नि॒नेथ॑ ।
म॒हे । क्ष॒त्राय॑ । शव॑से । हि । ज॒ज्ञे । अतू॑तुजिम् । चि॒त् । तूतु॑जिः । अ॒शि॒श्न॒त् ॥
Padapatha Devanagari Nonaccented
तव । प्रऽनीती । इन्द्र । जोहुवानान् । सम् । यत् । नॄन् । न । रोदसी इति । निनेथ ।
महे । क्षत्राय । शवसे । हि । जज्ञे । अतूतुजिम् । चित् । तूतुजिः । अशिश्नत् ॥
Padapatha Transcription Accented
táva ǀ prá-nītī ǀ indra ǀ jóhuvānān ǀ sám ǀ yát ǀ nṝ́n ǀ ná ǀ ródasī íti ǀ ninétha ǀ
mahé ǀ kṣatrā́ya ǀ śávase ǀ hí ǀ jajñé ǀ átūtujim ǀ cit ǀ tū́tujiḥ ǀ aśiśnat ǁ
Padapatha Transcription Nonaccented
tava ǀ pra-nītī ǀ indra ǀ johuvānān ǀ sam ǀ yat ǀ nṝn ǀ na ǀ rodasī iti ǀ ninetha ǀ
mahe ǀ kṣatrāya ǀ śavase ǀ hi ǀ jajñe ǀ atūtujim ǀ cit ǀ tūtujiḥ ǀ aśiśnat ǁ
07.028.04 (Mandala. Sukta. Rik)
5.3.12.04 (Ashtaka. Adhyaya. Varga. Rik)
07.02.097 (Mandala. Anuvāka. Rik)
Samhita Devanagari Accented
ए॒भिर्न॑ इं॒द्राह॑भिर्दशस्य दुर्मि॒त्रासो॒ हि क्षि॒तयः॒ पवं॑ते ।
प्रति॒ यच्चष्टे॒ अनृ॑तमने॒ना अव॑ द्वि॒ता वरु॑णो मा॒यी नः॑ सात् ॥
Samhita Devanagari Nonaccented
एभिर्न इंद्राहभिर्दशस्य दुर्मित्रासो हि क्षितयः पवंते ।
प्रति यच्चष्टे अनृतमनेना अव द्विता वरुणो मायी नः सात् ॥
Samhita Transcription Accented
ebhírna indrā́habhirdaśasya durmitrā́so hí kṣitáyaḥ pávante ǀ
práti yáccáṣṭe ánṛtamanenā́ áva dvitā́ váruṇo māyī́ naḥ sāt ǁ
Samhita Transcription Nonaccented
ebhirna indrāhabhirdaśasya durmitrāso hi kṣitayaḥ pavante ǀ
prati yaccaṣṭe anṛtamanenā ava dvitā varuṇo māyī naḥ sāt ǁ
Padapatha Devanagari Accented
ए॒भिः । नः॒ । इ॒न्द्र॒ । अह॑ऽभिः । द॒श॒स्य॒ । दुः॒ऽमि॒त्रासः॑ । हि । क्षि॒तयः॑ । पव॑न्ते ।
प्रति॑ । यत् । चष्टे॑ । अनृ॑तम् । अ॒ने॒नाः । अव॑ । द्वि॒ता । वरु॑णः । मा॒यी । नः॒ । सा॒त् ॥
Padapatha Devanagari Nonaccented
एभिः । नः । इन्द्र । अहऽभिः । दशस्य । दुःऽमित्रासः । हि । क्षितयः । पवन्ते ।
प्रति । यत् । चष्टे । अनृतम् । अनेनाः । अव । द्विता । वरुणः । मायी । नः । सात् ॥
Padapatha Transcription Accented
ebhíḥ ǀ naḥ ǀ indra ǀ áha-bhiḥ ǀ daśasya ǀ duḥ-mitrā́saḥ ǀ hí ǀ kṣitáyaḥ ǀ pávante ǀ
práti ǀ yát ǀ cáṣṭe ǀ ánṛtam ǀ anenā́ḥ ǀ áva ǀ dvitā́ ǀ váruṇaḥ ǀ māyī́ ǀ naḥ ǀ sāt ǁ
Padapatha Transcription Nonaccented
ebhiḥ ǀ naḥ ǀ indra ǀ aha-bhiḥ ǀ daśasya ǀ duḥ-mitrāsaḥ ǀ hi ǀ kṣitayaḥ ǀ pavante ǀ
prati ǀ yat ǀ caṣṭe ǀ anṛtam ǀ anenāḥ ǀ ava ǀ dvitā ǀ varuṇaḥ ǀ māyī ǀ naḥ ǀ sāt ǁ
07.028.05 (Mandala. Sukta. Rik)
5.3.12.05 (Ashtaka. Adhyaya. Varga. Rik)
07.02.098 (Mandala. Anuvāka. Rik)
Samhita Devanagari Accented
वो॒चेमेदिंद्रं॑ म॒घवा॑नमेनं म॒हो रा॒यो राध॑सो॒ यद्दद॑न्नः ।
यो अर्च॑तो॒ ब्रह्म॑कृति॒मवि॑ष्ठो यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
वोचेमेदिंद्रं मघवानमेनं महो रायो राधसो यद्ददन्नः ।
यो अर्चतो ब्रह्मकृतिमविष्ठो यूयं पात स्वस्तिभिः सदा नः ॥
Samhita Transcription Accented
vocémédíndram maghávānamenam mahó rāyó rā́dhaso yáddádannaḥ ǀ
yó árcato bráhmakṛtimáviṣṭho yūyám pāta svastíbhiḥ sádā naḥ ǁ
Samhita Transcription Nonaccented
vocemedindram maghavānamenam maho rāyo rādhaso yaddadannaḥ ǀ
yo arcato brahmakṛtimaviṣṭho yūyam pāta svastibhiḥ sadā naḥ ǁ
Padapatha Devanagari Accented
वो॒चेम॑ । इत् । इन्द्र॑म् । म॒घऽवा॑नम् । ए॒न॒म् । म॒हः । रा॒यः । राध॑सः । यत् । दद॑त् । नः॒ ।
यः । अर्च॑तः । ब्रह्म॑ऽकृतिम् । अवि॑ष्ठः । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
वोचेम । इत् । इन्द्रम् । मघऽवानम् । एनम् । महः । रायः । राधसः । यत् । ददत् । नः ।
यः । अर्चतः । ब्रह्मऽकृतिम् । अविष्ठः । यूयम् । पात । स्वस्तिऽभिः । सदा । नः ॥
Padapatha Transcription Accented
vocéma ǀ ít ǀ índram ǀ maghá-vānam ǀ enam ǀ maháḥ ǀ rāyáḥ ǀ rā́dhasaḥ ǀ yát ǀ dádat ǀ naḥ ǀ
yáḥ ǀ árcataḥ ǀ bráhma-kṛtim ǀ áviṣṭhaḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
vocema ǀ it ǀ indram ǀ magha-vānam ǀ enam ǀ mahaḥ ǀ rāyaḥ ǀ rādhasaḥ ǀ yat ǀ dadat ǀ naḥ ǀ
yaḥ ǀ arcataḥ ǀ brahma-kṛtim ǀ aviṣṭhaḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ