|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 33
|
1. Info |
| To: | 1-9: vasiṣṭha’s sons; 10-14: vasiṣṭha |
|
| From: | 1-9: vasiṣṭha maitrāvaruṇi; 10-14: vasiṣṭha maitrāvaruṇi’s sons |
|
| Metres: | 1st set of styles: nicṛttriṣṭup (3-5, 7, 9, 14); triṣṭup (1, 2, 6, 12, 13); virāṭtrisṭup (8, 11); bhurikpaṅkti (10) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.033.01 (Mandala. Sukta. Rik)
5.3.22.01 (Ashtaka. Adhyaya. Varga. Rik)
07.02.148 (Mandala. Anuvāka. Rik)
Samhita Devanagari Accented
श्वि॒त्यंचो॑ मा दक्षिण॒तस्क॑पर्दा धियंजि॒न्वासो॑ अ॒भि हि प्र॑मं॒दुः ।
उ॒त्तिष्ठ॑न्वोचे॒ परि॑ ब॒र्हिषो॒ नॄन्न मे॑ दू॒रादवि॑तवे॒ वसि॑ष्ठाः ॥
Samhita Devanagari Nonaccented
श्वित्यंचो मा दक्षिणतस्कपर्दा धियंजिन्वासो अभि हि प्रमंदुः ।
उत्तिष्ठन्वोचे परि बर्हिषो नॄन्न मे दूरादवितवे वसिष्ठाः ॥
Samhita Transcription Accented
śvityáñco mā dakṣiṇatáskapardā dhiyaṃjinvā́so abhí hí pramandúḥ ǀ
uttíṣṭhanvoce pári barhíṣo nṝ́nná me dūrā́dávitave vásiṣṭhāḥ ǁ
Samhita Transcription Nonaccented
śvityañco mā dakṣiṇataskapardā dhiyaṃjinvāso abhi hi pramanduḥ ǀ
uttiṣṭhanvoce pari barhiṣo nṝnna me dūrādavitave vasiṣṭhāḥ ǁ
Padapatha Devanagari Accented
श्वि॒त्यञ्चः॑ । मा॒ । द॒क्षि॒ण॒तःऽक॑पर्दाः । धि॒य॒म्ऽजि॒न्वासः॑ । अ॒भि । हि । प्र॒ऽम॒न्दुः ।
उ॒त्ऽतिष्ठ॑न् । वो॒चे॒ । परि॑ । ब॒र्हिषः॑ । नॄन् । न । मे॒ । दू॒रात् । अवि॑तवे । वसि॑ष्ठाः ॥
Padapatha Devanagari Nonaccented
श्वित्यञ्चः । मा । दक्षिणतःऽकपर्दाः । धियम्ऽजिन्वासः । अभि । हि । प्रऽमन्दुः ।
उत्ऽतिष्ठन् । वोचे । परि । बर्हिषः । नॄन् । न । मे । दूरात् । अवितवे । वसिष्ठाः ॥
Padapatha Transcription Accented
śvityáñcaḥ ǀ mā ǀ dakṣiṇatáḥ-kapardāḥ ǀ dhiyam-jinvā́saḥ ǀ abhí ǀ hí ǀ pra-mandúḥ ǀ
ut-tíṣṭhan ǀ voce ǀ pári ǀ barhíṣaḥ ǀ nṝ́n ǀ ná ǀ me ǀ dūrā́t ǀ ávitave ǀ vásiṣṭhāḥ ǁ
Padapatha Transcription Nonaccented
śvityañcaḥ ǀ mā ǀ dakṣiṇataḥ-kapardāḥ ǀ dhiyam-jinvāsaḥ ǀ abhi ǀ hi ǀ pra-manduḥ ǀ
ut-tiṣṭhan ǀ voce ǀ pari ǀ barhiṣaḥ ǀ nṝn ǀ na ǀ me ǀ dūrāt ǀ avitave ǀ vasiṣṭhāḥ ǁ
07.033.02 (Mandala. Sukta. Rik)
5.3.22.02 (Ashtaka. Adhyaya. Varga. Rik)
07.02.149 (Mandala. Anuvāka. Rik)
Samhita Devanagari Accented
दू॒रादिंद्र॑मनय॒न्ना सु॒तेन॑ ति॒रो वै॑शं॒तमति॒ पांत॑मु॒ग्रं ।
पाश॑द्युम्नस्य वाय॒तस्य॒ सोमा॑त्सु॒तादिंद्रो॑ऽवृणीता॒ वसि॑ष्ठान् ॥
Samhita Devanagari Nonaccented
दूरादिंद्रमनयन्ना सुतेन तिरो वैशंतमति पांतमुग्रं ।
पाशद्युम्नस्य वायतस्य सोमात्सुतादिंद्रोऽवृणीता वसिष्ठान् ॥
Samhita Transcription Accented
dūrā́díndramanayannā́ suténa tiró vaiśantámáti pā́ntamugrám ǀ
pā́śadyumnasya vāyatásya sómātsutā́díndro’vṛṇītā vásiṣṭhān ǁ
Samhita Transcription Nonaccented
dūrādindramanayannā sutena tiro vaiśantamati pāntamugram ǀ
pāśadyumnasya vāyatasya somātsutādindro’vṛṇītā vasiṣṭhān ǁ
Padapatha Devanagari Accented
दू॒रात् । इन्द्र॑म् । अ॒न॒य॒न् । आ । सु॒तेन॑ । ति॒रः । वै॒श॒न्तम् । अति॑ । पान्त॑म् । उ॒ग्रम् ।
पाश॑ऽद्युम्नस्य । वा॒य॒तस्य॑ । सोमा॑त् । सु॒तात् । इन्द्रः॑ । अ॒वृ॒णी॒त॒ । वसि॑ष्ठान् ॥
Padapatha Devanagari Nonaccented
दूरात् । इन्द्रम् । अनयन् । आ । सुतेन । तिरः । वैशन्तम् । अति । पान्तम् । उग्रम् ।
पाशऽद्युम्नस्य । वायतस्य । सोमात् । सुतात् । इन्द्रः । अवृणीत । वसिष्ठान् ॥
Padapatha Transcription Accented
dūrā́t ǀ índram ǀ anayan ǀ ā́ ǀ suténa ǀ tiráḥ ǀ vaiśantám ǀ áti ǀ pā́ntam ǀ ugrám ǀ
pā́śa-dyumnasya ǀ vāyatásya ǀ sómāt ǀ sutā́t ǀ índraḥ ǀ avṛṇīta ǀ vásiṣṭhān ǁ
Padapatha Transcription Nonaccented
dūrāt ǀ indram ǀ anayan ǀ ā ǀ sutena ǀ tiraḥ ǀ vaiśantam ǀ ati ǀ pāntam ǀ ugram ǀ
pāśa-dyumnasya ǀ vāyatasya ǀ somāt ǀ sutāt ǀ indraḥ ǀ avṛṇīta ǀ vasiṣṭhān ǁ
07.033.03 (Mandala. Sukta. Rik)
5.3.22.03 (Ashtaka. Adhyaya. Varga. Rik)
07.02.150 (Mandala. Anuvāka. Rik)
Samhita Devanagari Accented
ए॒वेन्नु कं॒ सिंधु॑मेभिस्ततारे॒वेन्नु कं॑ भे॒दमे॑भिर्जघान ।
ए॒वेन्नु कं॑ दाशरा॒ज्ञे सु॒दासं॒ प्राव॒दिंद्रो॒ ब्रह्म॑णा वो वसिष्ठाः ॥
Samhita Devanagari Nonaccented
एवेन्नु कं सिंधुमेभिस्ततारेवेन्नु कं भेदमेभिर्जघान ।
एवेन्नु कं दाशराज्ञे सुदासं प्रावदिंद्रो ब्रह्मणा वो वसिष्ठाः ॥
Samhita Transcription Accented
evénnú kam síndhumebhistatārevénnú kam bhedámebhirjaghāna ǀ
evénnú kam dāśarājñé sudā́sam prā́vadíndro bráhmaṇā vo vasiṣṭhāḥ ǁ
Samhita Transcription Nonaccented
evennu kam sindhumebhistatārevennu kam bhedamebhirjaghāna ǀ
evennu kam dāśarājñe sudāsam prāvadindro brahmaṇā vo vasiṣṭhāḥ ǁ
Padapatha Devanagari Accented
ए॒व । इत् । नु । क॒म् । सिन्धु॑म् । ए॒भिः॒ । त॒ता॒र॒ । ए॒व । इत् । नु । क॒म् । भे॒दम् । ए॒भिः॒ । ज॒घा॒न॒ ।
ए॒व । इत् । नु । क॒म् । दा॒श॒ऽरा॒ज्ञे । सु॒ऽदास॑म् । प्र । आ॒व॒त् । इन्द्रः॑ । ब्रह्म॑णा । वः॒ । व॒सि॒ष्ठाः॒ ॥
Padapatha Devanagari Nonaccented
एव । इत् । नु । कम् । सिन्धुम् । एभिः । ततार । एव । इत् । नु । कम् । भेदम् । एभिः । जघान ।
एव । इत् । नु । कम् । दाशऽराज्ञे । सुऽदासम् । प्र । आवत् । इन्द्रः । ब्रह्मणा । वः । वसिष्ठाः ॥
Padapatha Transcription Accented
evá ǀ ít ǀ nú ǀ kam ǀ síndhum ǀ ebhiḥ ǀ tatāra ǀ evá ǀ ít ǀ nú ǀ kam ǀ bhedám ǀ ebhiḥ ǀ jaghāna ǀ
evá ǀ ít ǀ nú ǀ kam ǀ dāśa-rājñé ǀ su-dā́sam ǀ prá ǀ āvat ǀ índraḥ ǀ bráhmaṇā ǀ vaḥ ǀ vasiṣṭhāḥ ǁ
Padapatha Transcription Nonaccented
eva ǀ it ǀ nu ǀ kam ǀ sindhum ǀ ebhiḥ ǀ tatāra ǀ eva ǀ it ǀ nu ǀ kam ǀ bhedam ǀ ebhiḥ ǀ jaghāna ǀ
eva ǀ it ǀ nu ǀ kam ǀ dāśa-rājñe ǀ su-dāsam ǀ pra ǀ āvat ǀ indraḥ ǀ brahmaṇā ǀ vaḥ ǀ vasiṣṭhāḥ ǁ
07.033.04 (Mandala. Sukta. Rik)
5.3.22.04 (Ashtaka. Adhyaya. Varga. Rik)
07.02.151 (Mandala. Anuvāka. Rik)
Samhita Devanagari Accented
जुष्टी॑ नरो॒ ब्रह्म॑णा वः पितॄ॒णामक्ष॑मव्ययं॒ न किला॑ रिषाथ ।
यच्छक्व॑रीषु बृह॒ता रवे॒णेंद्रे॒ शुष्म॒मद॑धाता वसिष्ठाः ॥
Samhita Devanagari Nonaccented
जुष्टी नरो ब्रह्मणा वः पितॄणामक्षमव्ययं न किला रिषाथ ।
यच्छक्वरीषु बृहता रवेणेंद्रे शुष्ममदधाता वसिष्ठाः ॥
Samhita Transcription Accented
júṣṭī naro bráhmaṇā vaḥ pitṝṇā́mákṣamavyayam ná kílā riṣātha ǀ
yácchákvarīṣu bṛhatā́ ráveṇéndre śúṣmamádadhātā vasiṣṭhāḥ ǁ
Samhita Transcription Nonaccented
juṣṭī naro brahmaṇā vaḥ pitṝṇāmakṣamavyayam na kilā riṣātha ǀ
yacchakvarīṣu bṛhatā raveṇendre śuṣmamadadhātā vasiṣṭhāḥ ǁ
Padapatha Devanagari Accented
जुष्टी॑ । न॒रः॒ । ब्रह्म॑णा । वः॒ । पि॒तॄ॒णाम् । अक्ष॑म् । अ॒व्य॒य॒म् । न । किल॑ । रि॒षा॒थ॒ ।
यत् । शक्व॑रीषु । बृ॒ह॒ता । रवे॑ण । इन्द्रे॑ । शुष्म॑म् । अद॑धात । व॒सि॒ष्ठाः॒ ॥
Padapatha Devanagari Nonaccented
जुष्टी । नरः । ब्रह्मणा । वः । पितॄणाम् । अक्षम् । अव्ययम् । न । किल । रिषाथ ।
यत् । शक्वरीषु । बृहता । रवेण । इन्द्रे । शुष्मम् । अदधात । वसिष्ठाः ॥
Padapatha Transcription Accented
júṣṭī ǀ naraḥ ǀ bráhmaṇā ǀ vaḥ ǀ pitṝṇā́m ǀ ákṣam ǀ avyayam ǀ ná ǀ kíla ǀ riṣātha ǀ
yát ǀ śákvarīṣu ǀ bṛhatā́ ǀ ráveṇa ǀ índre ǀ śúṣmam ǀ ádadhāta ǀ vasiṣṭhāḥ ǁ
Padapatha Transcription Nonaccented
juṣṭī ǀ naraḥ ǀ brahmaṇā ǀ vaḥ ǀ pitṝṇām ǀ akṣam ǀ avyayam ǀ na ǀ kila ǀ riṣātha ǀ
yat ǀ śakvarīṣu ǀ bṛhatā ǀ raveṇa ǀ indre ǀ śuṣmam ǀ adadhāta ǀ vasiṣṭhāḥ ǁ
07.033.05 (Mandala. Sukta. Rik)
5.3.22.05 (Ashtaka. Adhyaya. Varga. Rik)
07.02.152 (Mandala. Anuvāka. Rik)
Samhita Devanagari Accented
उद्द्यामि॒वेत्तृ॒ष्णजो॑ नाथि॒तासोऽदी॑धयुर्दाशरा॒ज्ञे वृ॒तासः॑ ।
वसि॑ष्ठस्य स्तुव॒त इंद्रो॑ अश्रोदु॒रुं तृत्सु॑भ्यो अकृणोदु लो॒कं ॥
Samhita Devanagari Nonaccented
उद्द्यामिवेत्तृष्णजो नाथितासोऽदीधयुर्दाशराज्ञे वृतासः ।
वसिष्ठस्य स्तुवत इंद्रो अश्रोदुरुं तृत्सुभ्यो अकृणोदु लोकं ॥
Samhita Transcription Accented
úddyā́mivéttṛṣṇájo nāthitā́só’dīdhayurdāśarājñé vṛtā́saḥ ǀ
vásiṣṭhasya stuvatá índro aśrodurúm tṛ́tsubhyo akṛṇodu lokám ǁ
Samhita Transcription Nonaccented
uddyāmivettṛṣṇajo nāthitāso’dīdhayurdāśarājñe vṛtāsaḥ ǀ
vasiṣṭhasya stuvata indro aśrodurum tṛtsubhyo akṛṇodu lokam ǁ
Padapatha Devanagari Accented
उत् । द्याम्ऽइ॑व । इत् । तृ॒ष्णऽजः॑ । ना॒थि॒तासः॑ । अदी॑धयुः । दा॒श॒ऽरा॒ज्ञे । वृ॒तासः॑ ।
वसि॑ष्ठस्य । स्तु॒व॒तः । इन्द्रः॑ । अ॒श्रो॒त् । उ॒रुम् । तृत्सु॑ऽभ्यः । अ॒कृ॒णो॒त् । ऊं॒ इति॑ । लो॒कम् ॥
Padapatha Devanagari Nonaccented
उत् । द्याम्ऽइव । इत् । तृष्णऽजः । नाथितासः । अदीधयुः । दाशऽराज्ञे । वृतासः ।
वसिष्ठस्य । स्तुवतः । इन्द्रः । अश्रोत् । उरुम् । तृत्सुऽभ्यः । अकृणोत् । ऊं इति । लोकम् ॥
Padapatha Transcription Accented
út ǀ dyā́m-iva ǀ ít ǀ tṛṣṇá-jaḥ ǀ nāthitā́saḥ ǀ ádīdhayuḥ ǀ dāśa-rājñé ǀ vṛtā́saḥ ǀ
vásiṣṭhasya ǀ stuvatáḥ ǀ índraḥ ǀ aśrot ǀ urúm ǀ tṛ́tsu-bhyaḥ ǀ akṛṇot ǀ ūṃ íti ǀ lokám ǁ
Padapatha Transcription Nonaccented
ut ǀ dyām-iva ǀ it ǀ tṛṣṇa-jaḥ ǀ nāthitāsaḥ ǀ adīdhayuḥ ǀ dāśa-rājñe ǀ vṛtāsaḥ ǀ
vasiṣṭhasya ǀ stuvataḥ ǀ indraḥ ǀ aśrot ǀ urum ǀ tṛtsu-bhyaḥ ǀ akṛṇot ǀ ūṃ iti ǀ lokam ǁ
07.033.06 (Mandala. Sukta. Rik)
5.3.23.01 (Ashtaka. Adhyaya. Varga. Rik)
07.02.153 (Mandala. Anuvāka. Rik)
Samhita Devanagari Accented
दं॒डा इ॒वेद्गो॒अज॑नास आस॒न्परि॑च्छिन्ना भर॒ता अ॑र्भ॒कासः॑ ।
अभ॑वच्च पुरए॒ता वसि॑ष्ठ॒ आदित्तृत्सू॑नां॒ विशो॑ अप्रथंत ॥
Samhita Devanagari Nonaccented
दंडा इवेद्गोअजनास आसन्परिच्छिन्ना भरता अर्भकासः ।
अभवच्च पुरएता वसिष्ठ आदित्तृत्सूनां विशो अप्रथंत ॥
Samhita Transcription Accented
daṇḍā́ ivédgoájanāsa āsanpáricchinnā bharatā́ arbhakā́saḥ ǀ
ábhavacca puraetā́ vásiṣṭha ā́díttṛ́tsūnām víśo aprathanta ǁ
Samhita Transcription Nonaccented
daṇḍā ivedgoajanāsa āsanparicchinnā bharatā arbhakāsaḥ ǀ
abhavacca puraetā vasiṣṭha ādittṛtsūnām viśo aprathanta ǁ
Padapatha Devanagari Accented
द॒ण्डाःऽइ॑व । इत् । गो॒ऽअज॑नासः । आ॒स॒न् । परि॑ऽछिन्नाः । भ॒र॒ताः । अ॒र्भ॒कासः॑ ।
अभ॑वत् । च॒ । पु॒रः॒ऽए॒ता । वसि॑ष्ठः । आत् । इत् । तृत्सू॑नाम् । विशः॑ । अ॒प्र॒थ॒न्त॒ ॥
Padapatha Devanagari Nonaccented
दण्डाःऽइव । इत् । गोऽअजनासः । आसन् । परिऽछिन्नाः । भरताः । अर्भकासः ।
अभवत् । च । पुरःऽएता । वसिष्ठः । आत् । इत् । तृत्सूनाम् । विशः । अप्रथन्त ॥
Padapatha Transcription Accented
daṇḍā́ḥ-iva ǀ ít ǀ go-ájanāsaḥ ǀ āsan ǀ pári-chinnāḥ ǀ bharatā́ḥ ǀ arbhakā́saḥ ǀ
ábhavat ǀ ca ǀ puraḥ-etā́ ǀ vásiṣṭhaḥ ǀ ā́t ǀ ít ǀ tṛ́tsūnām ǀ víśaḥ ǀ aprathanta ǁ
Padapatha Transcription Nonaccented
daṇḍāḥ-iva ǀ it ǀ go-ajanāsaḥ ǀ āsan ǀ pari-chinnāḥ ǀ bharatāḥ ǀ arbhakāsaḥ ǀ
abhavat ǀ ca ǀ puraḥ-etā ǀ vasiṣṭhaḥ ǀ āt ǀ it ǀ tṛtsūnām ǀ viśaḥ ǀ aprathanta ǁ
07.033.07 (Mandala. Sukta. Rik)
5.3.23.02 (Ashtaka. Adhyaya. Varga. Rik)
07.02.154 (Mandala. Anuvāka. Rik)
Samhita Devanagari Accented
त्रयः॑ कृण्वंति॒ भुव॑नेषु॒ रेत॑स्ति॒स्रः प्र॒जा आर्या॒ ज्योति॑रग्राः ।
त्रयो॑ घ॒र्मास॑ उ॒षसं॑ सचंते॒ सर्वाँ॒ इत्ताँ अनु॑ विदु॒र्वसि॑ष्ठाः ॥
Samhita Devanagari Nonaccented
त्रयः कृण्वंति भुवनेषु रेतस्तिस्रः प्रजा आर्या ज्योतिरग्राः ।
त्रयो घर्मास उषसं सचंते सर्वाँ इत्ताँ अनु विदुर्वसिष्ठाः ॥
Samhita Transcription Accented
tráyaḥ kṛṇvanti bhúvaneṣu rétastisráḥ prajā́ ā́ryā jyótiragrāḥ ǀ
tráyo gharmā́sa uṣásam sacante sárvām̐ íttā́m̐ ánu vidurvásiṣṭhāḥ ǁ
Samhita Transcription Nonaccented
trayaḥ kṛṇvanti bhuvaneṣu retastisraḥ prajā āryā jyotiragrāḥ ǀ
trayo gharmāsa uṣasam sacante sarvām̐ ittām̐ anu vidurvasiṣṭhāḥ ǁ
Padapatha Devanagari Accented
त्रयः॑ । कृ॒ण्व॒न्ति॒ । भुव॑नेषु । रेतः॑ । ति॒स्रः । प्र॒ऽजाः । आर्याः॑ । ज्योतिः॑ऽअग्राः ।
त्रयः॑ । घ॒र्मासः॑ । उ॒षस॑म् । स॒च॒न्ते॒ । सर्वा॑न् । इत् । तान् । अनु॑ । वि॒दुः॒ । वसि॑ष्ठाः ॥
Padapatha Devanagari Nonaccented
त्रयः । कृण्वन्ति । भुवनेषु । रेतः । तिस्रः । प्रऽजाः । आर्याः । ज्योतिःऽअग्राः ।
त्रयः । घर्मासः । उषसम् । सचन्ते । सर्वान् । इत् । तान् । अनु । विदुः । वसिष्ठाः ॥
Padapatha Transcription Accented
tráyaḥ ǀ kṛṇvanti ǀ bhúvaneṣu ǀ rétaḥ ǀ tisráḥ ǀ pra-jā́ḥ ǀ ā́ryāḥ ǀ jyótiḥ-agrāḥ ǀ
tráyaḥ ǀ gharmā́saḥ ǀ uṣásam ǀ sacante ǀ sárvān ǀ ít ǀ tā́n ǀ ánu ǀ viduḥ ǀ vásiṣṭhāḥ ǁ
Padapatha Transcription Nonaccented
trayaḥ ǀ kṛṇvanti ǀ bhuvaneṣu ǀ retaḥ ǀ tisraḥ ǀ pra-jāḥ ǀ āryāḥ ǀ jyotiḥ-agrāḥ ǀ
trayaḥ ǀ gharmāsaḥ ǀ uṣasam ǀ sacante ǀ sarvān ǀ it ǀ tān ǀ anu ǀ viduḥ ǀ vasiṣṭhāḥ ǁ
07.033.08 (Mandala. Sukta. Rik)
5.3.23.03 (Ashtaka. Adhyaya. Varga. Rik)
07.02.155 (Mandala. Anuvāka. Rik)
Samhita Devanagari Accented
सूर्य॑स्येव व॒क्षथो॒ ज्योति॑रेषां समु॒द्रस्ये॑व महि॒मा ग॑भी॒रः ।
वात॑स्येव प्रज॒वो नान्येन॒ स्तोमो॑ वसिष्ठा॒ अन्वे॑तवे वः ॥
Samhita Devanagari Nonaccented
सूर्यस्येव वक्षथो ज्योतिरेषां समुद्रस्येव महिमा गभीरः ।
वातस्येव प्रजवो नान्येन स्तोमो वसिष्ठा अन्वेतवे वः ॥
Samhita Transcription Accented
sū́ryasyeva vakṣátho jyótireṣām samudrásyeva mahimā́ gabhīráḥ ǀ
vā́tasyeva prajavó nā́nyéna stómo vasiṣṭhā ánvetave vaḥ ǁ
Samhita Transcription Nonaccented
sūryasyeva vakṣatho jyotireṣām samudrasyeva mahimā gabhīraḥ ǀ
vātasyeva prajavo nānyena stomo vasiṣṭhā anvetave vaḥ ǁ
Padapatha Devanagari Accented
सूर्य॑स्यऽइव । व॒क्षथः॑ । ज्योतिः॑ । ए॒षा॒म् । स॒मु॒द्रस्य॑ऽइव । म॒हि॒मा । ग॒भी॒रः ।
वात॑स्यऽइव । प्र॒ऽज॒वः । न । अ॒न्येन॑ । स्तोमः॑ । व॒सि॒ष्ठाः॒ । अनु॑ऽएतवे । वः॒ ॥
Padapatha Devanagari Nonaccented
सूर्यस्यऽइव । वक्षथः । ज्योतिः । एषाम् । समुद्रस्यऽइव । महिमा । गभीरः ।
वातस्यऽइव । प्रऽजवः । न । अन्येन । स्तोमः । वसिष्ठाः । अनुऽएतवे । वः ॥
Padapatha Transcription Accented
sū́ryasya-iva ǀ vakṣáthaḥ ǀ jyótiḥ ǀ eṣām ǀ samudrásya-iva ǀ mahimā́ ǀ gabhīráḥ ǀ
vā́tasya-iva ǀ pra-javáḥ ǀ ná ǀ anyéna ǀ stómaḥ ǀ vasiṣṭhāḥ ǀ ánu-etave ǀ vaḥ ǁ
Padapatha Transcription Nonaccented
sūryasya-iva ǀ vakṣathaḥ ǀ jyotiḥ ǀ eṣām ǀ samudrasya-iva ǀ mahimā ǀ gabhīraḥ ǀ
vātasya-iva ǀ pra-javaḥ ǀ na ǀ anyena ǀ stomaḥ ǀ vasiṣṭhāḥ ǀ anu-etave ǀ vaḥ ǁ
07.033.09 (Mandala. Sukta. Rik)
5.3.23.04 (Ashtaka. Adhyaya. Varga. Rik)
07.02.156 (Mandala. Anuvāka. Rik)
Samhita Devanagari Accented
त इन्नि॒ण्यं हृद॑यस्य प्रके॒तैः स॒हस्र॑वल्शम॒भि सं च॑रंति ।
य॒मेन॑ त॒तं प॑रि॒धिं वयं॑तोऽप्स॒रस॒ उप॑ सेदु॒र्वसि॑ष्ठाः ॥
Samhita Devanagari Nonaccented
त इन्निण्यं हृदयस्य प्रकेतैः सहस्रवल्शमभि सं चरंति ।
यमेन ततं परिधिं वयंतोऽप्सरस उप सेदुर्वसिष्ठाः ॥
Samhita Transcription Accented
tá ínniṇyám hṛ́dayasya praketáiḥ sahásravalśamabhí sám caranti ǀ
yaména tatám paridhím váyanto’psarása úpa sedurvásiṣṭhāḥ ǁ
Samhita Transcription Nonaccented
ta inniṇyam hṛdayasya praketaiḥ sahasravalśamabhi sam caranti ǀ
yamena tatam paridhim vayanto’psarasa upa sedurvasiṣṭhāḥ ǁ
Padapatha Devanagari Accented
ते । इत् । नि॒ण्यम् । हृद॑यस्य । प्र॒ऽके॒तैः । स॒हस्र॑ऽवल्शम् । अ॒भि । सम् । च॒र॒न्ति॒ ।
य॒मेन॑ । त॒तम् । प॒रि॒ऽधिम् । वय॑न्तः । अ॒प्स॒रसः॑ । उप॑ । से॒दुः॒ । वसि॑ष्ठाः ॥
Padapatha Devanagari Nonaccented
ते । इत् । निण्यम् । हृदयस्य । प्रऽकेतैः । सहस्रऽवल्शम् । अभि । सम् । चरन्ति ।
यमेन । ततम् । परिऽधिम् । वयन्तः । अप्सरसः । उप । सेदुः । वसिष्ठाः ॥
Padapatha Transcription Accented
té ǀ ít ǀ niṇyám ǀ hṛ́dayasya ǀ pra-ketáiḥ ǀ sahásra-valśam ǀ abhí ǀ sám ǀ caranti ǀ
yaména ǀ tatám ǀ pari-dhím ǀ váyantaḥ ǀ apsarásaḥ ǀ úpa ǀ seduḥ ǀ vásiṣṭhāḥ ǁ
Padapatha Transcription Nonaccented
te ǀ it ǀ niṇyam ǀ hṛdayasya ǀ pra-ketaiḥ ǀ sahasra-valśam ǀ abhi ǀ sam ǀ caranti ǀ
yamena ǀ tatam ǀ pari-dhim ǀ vayantaḥ ǀ apsarasaḥ ǀ upa ǀ seduḥ ǀ vasiṣṭhāḥ ǁ
07.033.10 (Mandala. Sukta. Rik)
5.3.23.05 (Ashtaka. Adhyaya. Varga. Rik)
07.02.157 (Mandala. Anuvāka. Rik)
Samhita Devanagari Accented
वि॒द्युतो॒ ज्योतिः॒ परि॑ सं॒जिहा॑नं मि॒त्रावरु॑णा॒ यदप॑श्यतां त्वा ।
तत्ते॒ जन्मो॒तैकं॑ वसिष्ठा॒गस्त्यो॒ यत्त्वा॑ वि॒श आ॑ज॒भार॑ ॥
Samhita Devanagari Nonaccented
विद्युतो ज्योतिः परि संजिहानं मित्रावरुणा यदपश्यतां त्वा ।
तत्ते जन्मोतैकं वसिष्ठागस्त्यो यत्त्वा विश आजभार ॥
Samhita Transcription Accented
vidyúto jyótiḥ pári saṃjíhānam mitrā́váruṇā yádápaśyatām tvā ǀ
tátte jánmotáikam vasiṣṭhāgástyo yáttvā viśá ājabhā́ra ǁ
Samhita Transcription Nonaccented
vidyuto jyotiḥ pari saṃjihānam mitrāvaruṇā yadapaśyatām tvā ǀ
tatte janmotaikam vasiṣṭhāgastyo yattvā viśa ājabhāra ǁ
Padapatha Devanagari Accented
वि॒ऽद्युतः॑ । ज्योतिः॑ । परि॑ । स॒म्ऽजिहा॑नम् । मि॒त्रावरु॑णा । यत् । अप॑श्यताम् । त्वा॒ ।
तत् । ते॒ । जन्म॑ । उ॒त । एक॑म् । व॒सि॒ष्ठ॒ । अ॒गस्त्यः॑ । यत् । त्वा॒ । वि॒शः । आ॒ऽज॒भार॑ ॥
Padapatha Devanagari Nonaccented
विऽद्युतः । ज्योतिः । परि । सम्ऽजिहानम् । मित्रावरुणा । यत् । अपश्यताम् । त्वा ।
तत् । ते । जन्म । उत । एकम् । वसिष्ठ । अगस्त्यः । यत् । त्वा । विशः । आऽजभार ॥
Padapatha Transcription Accented
vi-dyútaḥ ǀ jyótiḥ ǀ pári ǀ sam-jíhānam ǀ mitrā́váruṇā ǀ yát ǀ ápaśyatām ǀ tvā ǀ
tát ǀ te ǀ jánma ǀ utá ǀ ékam ǀ vasiṣṭha ǀ agástyaḥ ǀ yát ǀ tvā ǀ viśáḥ ǀ ā-jabhā́ra ǁ
Padapatha Transcription Nonaccented
vi-dyutaḥ ǀ jyotiḥ ǀ pari ǀ sam-jihānam ǀ mitrāvaruṇā ǀ yat ǀ apaśyatām ǀ tvā ǀ
tat ǀ te ǀ janma ǀ uta ǀ ekam ǀ vasiṣṭha ǀ agastyaḥ ǀ yat ǀ tvā ǀ viśaḥ ǀ ā-jabhāra ǁ
07.033.11 (Mandala. Sukta. Rik)
5.3.24.01 (Ashtaka. Adhyaya. Varga. Rik)
07.02.158 (Mandala. Anuvāka. Rik)
Samhita Devanagari Accented
उ॒तासि॑ मैत्रावरु॒णो व॑सिष्ठो॒र्वश्या॑ ब्रह्म॒न्मन॒सोऽधि॑ जा॒तः ।
द्र॒प्सं स्क॒न्नं ब्रह्म॑णा॒ दैव्ये॑न॒ विश्वे॑ दे॒वाः पुष्क॑रे त्वाददंत ॥
Samhita Devanagari Nonaccented
उतासि मैत्रावरुणो वसिष्ठोर्वश्या ब्रह्मन्मनसोऽधि जातः ।
द्रप्सं स्कन्नं ब्रह्मणा दैव्येन विश्वे देवाः पुष्करे त्वाददंत ॥
Samhita Transcription Accented
utā́si maitrāvaruṇó vasiṣṭhorváśyā brahmanmánasó’dhi jātáḥ ǀ
drapsám skannám bráhmaṇā dáivyena víśve devā́ḥ púṣkare tvādadanta ǁ
Samhita Transcription Nonaccented
utāsi maitrāvaruṇo vasiṣṭhorvaśyā brahmanmanaso’dhi jātaḥ ǀ
drapsam skannam brahmaṇā daivyena viśve devāḥ puṣkare tvādadanta ǁ
Padapatha Devanagari Accented
उ॒त । अ॒सि॒ । मै॒त्रा॒व॒रु॒णः । व॒सि॒ष्ठ॒ । उ॒र्वश्याः॑ । ब्र॒ह्म॒न् । मन॑सः । अधि॑ । जा॒तः ।
द्र॒प्सम् । स्क॒न्नम् । ब्रह्म॑णा । दैव्ये॑न । विश्वे॑ । दे॒वाः । पुष्क॑रे । त्वा॒ । अ॒द॒द॒न्त॒ ॥
Padapatha Devanagari Nonaccented
उत । असि । मैत्रावरुणः । वसिष्ठ । उर्वश्याः । ब्रह्मन् । मनसः । अधि । जातः ।
द्रप्सम् । स्कन्नम् । ब्रह्मणा । दैव्येन । विश्वे । देवाः । पुष्करे । त्वा । अददन्त ॥
Padapatha Transcription Accented
utá ǀ asi ǀ maitrāvaruṇáḥ ǀ vasiṣṭha ǀ urváśyāḥ ǀ brahman ǀ mánasaḥ ǀ ádhi ǀ jātáḥ ǀ
drapsám ǀ skannám ǀ bráhmaṇā ǀ dáivyena ǀ víśve ǀ devā́ḥ ǀ púṣkare ǀ tvā ǀ adadanta ǁ
Padapatha Transcription Nonaccented
uta ǀ asi ǀ maitrāvaruṇaḥ ǀ vasiṣṭha ǀ urvaśyāḥ ǀ brahman ǀ manasaḥ ǀ adhi ǀ jātaḥ ǀ
drapsam ǀ skannam ǀ brahmaṇā ǀ daivyena ǀ viśve ǀ devāḥ ǀ puṣkare ǀ tvā ǀ adadanta ǁ
07.033.12 (Mandala. Sukta. Rik)
5.3.24.02 (Ashtaka. Adhyaya. Varga. Rik)
07.02.159 (Mandala. Anuvāka. Rik)
Samhita Devanagari Accented
स प्र॑के॒त उ॒भय॑स्य प्रवि॒द्वान्त्स॒हस्र॑दान उ॒त वा॒ सदा॑नः ।
य॒मेन॑ त॒तं प॑रि॒धिं व॑यि॒ष्यन्न॑प्स॒रसः॒ परि॑ जज्ञे॒ वसि॑ष्ठः ॥
Samhita Devanagari Nonaccented
स प्रकेत उभयस्य प्रविद्वान्त्सहस्रदान उत वा सदानः ।
यमेन ततं परिधिं वयिष्यन्नप्सरसः परि जज्ञे वसिष्ठः ॥
Samhita Transcription Accented
sá praketá ubháyasya pravidvā́ntsahásradāna utá vā sádānaḥ ǀ
yaména tatám paridhím vayiṣyánnapsarásaḥ pári jajñe vásiṣṭhaḥ ǁ
Samhita Transcription Nonaccented
sa praketa ubhayasya pravidvāntsahasradāna uta vā sadānaḥ ǀ
yamena tatam paridhim vayiṣyannapsarasaḥ pari jajñe vasiṣṭhaḥ ǁ
Padapatha Devanagari Accented
सः । प्र॒ऽके॒तः । उ॒भय॑स्य । प्र॒ऽवि॒द्वान् । स॒हस्र॑ऽदानः । उ॒त । वा॒ । सऽदा॑नः ।
य॒मेन॑ । त॒तम् । प॒रि॒ऽधिम् । व॒यि॒ष्यन् । अ॒प्स॒रसः॑ । परि॑ । ज॒ज्ञे॒ । वसि॑ष्ठः ॥
Padapatha Devanagari Nonaccented
सः । प्रऽकेतः । उभयस्य । प्रऽविद्वान् । सहस्रऽदानः । उत । वा । सऽदानः ।
यमेन । ततम् । परिऽधिम् । वयिष्यन् । अप्सरसः । परि । जज्ञे । वसिष्ठः ॥
Padapatha Transcription Accented
sáḥ ǀ pra-ketáḥ ǀ ubháyasya ǀ pra-vidvā́n ǀ sahásra-dānaḥ ǀ utá ǀ vā ǀ sá-dānaḥ ǀ
yaména ǀ tatám ǀ pari-dhím ǀ vayiṣyán ǀ apsarásaḥ ǀ pári ǀ jajñe ǀ vásiṣṭhaḥ ǁ
Padapatha Transcription Nonaccented
saḥ ǀ pra-ketaḥ ǀ ubhayasya ǀ pra-vidvān ǀ sahasra-dānaḥ ǀ uta ǀ vā ǀ sa-dānaḥ ǀ
yamena ǀ tatam ǀ pari-dhim ǀ vayiṣyan ǀ apsarasaḥ ǀ pari ǀ jajñe ǀ vasiṣṭhaḥ ǁ
07.033.13 (Mandala. Sukta. Rik)
5.3.24.03 (Ashtaka. Adhyaya. Varga. Rik)
07.02.160 (Mandala. Anuvāka. Rik)
Samhita Devanagari Accented
स॒त्रे ह॑ जा॒तावि॑षि॒ता नमो॑भिः कुं॒भे रेतः॑ सिषिचतुः समा॒नं ।
ततो॑ ह॒ मान॒ उदि॑याय॒ मध्या॒त्ततो॑ जा॒तमृषि॑माहु॒र्वसि॑ष्ठं ॥
Samhita Devanagari Nonaccented
सत्रे ह जाताविषिता नमोभिः कुंभे रेतः सिषिचतुः समानं ।
ततो ह मान उदियाय मध्यात्ततो जातमृषिमाहुर्वसिष्ठं ॥
Samhita Transcription Accented
satré ha jātā́viṣitā́ námobhiḥ kumbhé rétaḥ siṣicatuḥ samānám ǀ
táto ha mā́na údiyāya mádhyāttáto jātámṛ́ṣimāhurvásiṣṭham ǁ
Samhita Transcription Nonaccented
satre ha jātāviṣitā namobhiḥ kumbhe retaḥ siṣicatuḥ samānam ǀ
tato ha māna udiyāya madhyāttato jātamṛṣimāhurvasiṣṭham ǁ
Padapatha Devanagari Accented
स॒त्रे । ह॒ । जा॒तौ । इ॒षि॒ता । नमः॑ऽभिः । कु॒म्भे । रेतः॑ । सि॒सि॒च॒तुः॒ । स॒मा॒नम् ।
ततः॑ । ह॒ । मानः॑ । उत् । इ॒या॒य॒ । मध्या॑त् । ततः॑ । जा॒तम् । ऋषि॑म् । आ॒हुः॒ । वसि॑ष्ठम् ॥
Padapatha Devanagari Nonaccented
सत्रे । ह । जातौ । इषिता । नमःऽभिः । कुम्भे । रेतः । सिसिचतुः । समानम् ।
ततः । ह । मानः । उत् । इयाय । मध्यात् । ततः । जातम् । ऋषिम् । आहुः । वसिष्ठम् ॥
Padapatha Transcription Accented
satré ǀ ha ǀ jātáu ǀ iṣitā́ ǀ námaḥ-bhiḥ ǀ kumbhé ǀ rétaḥ ǀ sisicatuḥ ǀ samānám ǀ
tátaḥ ǀ ha ǀ mā́naḥ ǀ út ǀ iyāya ǀ mádhyāt ǀ tátaḥ ǀ jātám ǀ ṛ́ṣim ǀ āhuḥ ǀ vásiṣṭham ǁ
Padapatha Transcription Nonaccented
satre ǀ ha ǀ jātau ǀ iṣitā ǀ namaḥ-bhiḥ ǀ kumbhe ǀ retaḥ ǀ sisicatuḥ ǀ samānam ǀ
tataḥ ǀ ha ǀ mānaḥ ǀ ut ǀ iyāya ǀ madhyāt ǀ tataḥ ǀ jātam ǀ ṛṣim ǀ āhuḥ ǀ vasiṣṭham ǁ
07.033.14 (Mandala. Sukta. Rik)
5.3.24.04 (Ashtaka. Adhyaya. Varga. Rik)
07.02.161 (Mandala. Anuvāka. Rik)
Samhita Devanagari Accented
उ॒क्थ॒भृतं॑ साम॒भृतं॑ बिभर्ति॒ ग्रावा॑णं॒ बिभ्र॒त्प्र व॑दा॒त्यग्रे॑ ।
उपै॑नमाध्वं सुमन॒स्यमा॑ना॒ आ वो॑ गच्छाति प्रतृदो॒ वसि॑ष्ठः ॥
Samhita Devanagari Nonaccented
उक्थभृतं सामभृतं बिभर्ति ग्रावाणं बिभ्रत्प्र वदात्यग्रे ।
उपैनमाध्वं सुमनस्यमाना आ वो गच्छाति प्रतृदो वसिष्ठः ॥
Samhita Transcription Accented
ukthabhṛ́tam sāmabhṛ́tam bibharti grā́vāṇam bíbhratprá vadātyágre ǀ
úpainamādhvam sumanasyámānā ā́ vo gacchāti pratṛdo vásiṣṭhaḥ ǁ
Samhita Transcription Nonaccented
ukthabhṛtam sāmabhṛtam bibharti grāvāṇam bibhratpra vadātyagre ǀ
upainamādhvam sumanasyamānā ā vo gacchāti pratṛdo vasiṣṭhaḥ ǁ
Padapatha Devanagari Accented
उ॒क्थ॒ऽभृत॑म् । सा॒म॒ऽभृत॑म् । बि॒भ॒र्ति॒ । ग्रावा॑णम् । बिभ्र॑त् । प्र । व॒दा॒ति॒ । अग्रे॑ ।
उप॑ । ए॒न॒म् । आ॒ध्व॒म् । सु॒ऽम॒न॒स्यमा॑नाः । आ । वः॒ । ग॒च्छा॒ति॒ । प्र॒ऽतृ॒दः॒ । वसि॑ष्ठः ॥
Padapatha Devanagari Nonaccented
उक्थऽभृतम् । सामऽभृतम् । बिभर्ति । ग्रावाणम् । बिभ्रत् । प्र । वदाति । अग्रे ।
उप । एनम् । आध्वम् । सुऽमनस्यमानाः । आ । वः । गच्छाति । प्रऽतृदः । वसिष्ठः ॥
Padapatha Transcription Accented
uktha-bhṛ́tam ǀ sāma-bhṛ́tam ǀ bibharti ǀ grā́vāṇam ǀ bíbhrat ǀ prá ǀ vadāti ǀ ágre ǀ
úpa ǀ enam ǀ ādhvam ǀ su-manasyámānāḥ ǀ ā́ ǀ vaḥ ǀ gacchāti ǀ pra-tṛdaḥ ǀ vásiṣṭhaḥ ǁ
Padapatha Transcription Nonaccented
uktha-bhṛtam ǀ sāma-bhṛtam ǀ bibharti ǀ grāvāṇam ǀ bibhrat ǀ pra ǀ vadāti ǀ agre ǀ
upa ǀ enam ǀ ādhvam ǀ su-manasyamānāḥ ǀ ā ǀ vaḥ ǀ gacchāti ǀ pra-tṛdaḥ ǀ vasiṣṭhaḥ ǁ