|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 43
|
1. Info |
| To: | viśvedevās | |
| From: | vasiṣṭha maitrāvaruṇi | |
| Metres: | 1st set of styles: bhurikpaṅkti (2, 5); nicṛttriṣṭup (1); virāṭtrisṭup (3); triṣṭup (4) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.043.01 (Mandala. Sukta. Rik)
5.4.10.01 (Ashtaka. Adhyaya. Varga. Rik)
07.03.093 (Mandala. Anuvāka. Rik)
Samhita Devanagari Accented
प्र वो॑ य॒ज्ञेषु॑ देव॒यंतो॑ अर्चं॒द्यावा॒ नमो॑भिः पृथि॒वी इ॒षध्यै॑ ।
येषां॒ ब्रह्मा॒ण्यस॑मानि॒ विप्रा॒ विष्व॑ग्वि॒यंति॑ व॒निनो॒ न शाखाः॑ ॥
Samhita Devanagari Nonaccented
प्र वो यज्ञेषु देवयंतो अर्चंद्यावा नमोभिः पृथिवी इषध्यै ।
येषां ब्रह्माण्यसमानि विप्रा विष्वग्वियंति वनिनो न शाखाः ॥
Samhita Transcription Accented
prá vo yajñéṣu devayánto arcandyā́vā námobhiḥ pṛthivī́ iṣádhyai ǀ
yéṣām bráhmāṇyásamāni víprā víṣvagviyánti vaníno ná śā́khāḥ ǁ
Samhita Transcription Nonaccented
pra vo yajñeṣu devayanto arcandyāvā namobhiḥ pṛthivī iṣadhyai ǀ
yeṣām brahmāṇyasamāni viprā viṣvagviyanti vanino na śākhāḥ ǁ
Padapatha Devanagari Accented
प्र । वः॒ । य॒ज्ञेषु॑ । दे॒व॒ऽयन्तः॑ । अ॒र्च॒न् । द्यावा॑ । नमः॑ऽभिः । पृ॒थि॒वी इति॑ । इ॒षध्यै॑ ।
येषा॑म् । ब्रह्मा॑णि । अस॑मानि । विप्रा॑ । विष्व॑क् । वि॒ऽयन्ति॑ । व॒निनः॑ । न । शाखाः॑ ॥
Padapatha Devanagari Nonaccented
प्र । वः । यज्ञेषु । देवऽयन्तः । अर्चन् । द्यावा । नमःऽभिः । पृथिवी इति । इषध्यै ।
येषाम् । ब्रह्माणि । असमानि । विप्रा । विष्वक् । विऽयन्ति । वनिनः । न । शाखाः ॥
Padapatha Transcription Accented
prá ǀ vaḥ ǀ yajñéṣu ǀ deva-yántaḥ ǀ arcan ǀ dyā́vā ǀ námaḥ-bhiḥ ǀ pṛthivī́ íti ǀ iṣádhyai ǀ
yéṣām ǀ bráhmāṇi ǀ ásamāni ǀ víprā ǀ víṣvak ǀ vi-yánti ǀ vanínaḥ ǀ ná ǀ śā́khāḥ ǁ
Padapatha Transcription Nonaccented
pra ǀ vaḥ ǀ yajñeṣu ǀ deva-yantaḥ ǀ arcan ǀ dyāvā ǀ namaḥ-bhiḥ ǀ pṛthivī iti ǀ iṣadhyai ǀ
yeṣām ǀ brahmāṇi ǀ asamāni ǀ viprā ǀ viṣvak ǀ vi-yanti ǀ vaninaḥ ǀ na ǀ śākhāḥ ǁ
07.043.02 (Mandala. Sukta. Rik)
5.4.10.02 (Ashtaka. Adhyaya. Varga. Rik)
07.03.094 (Mandala. Anuvāka. Rik)
Samhita Devanagari Accented
प्र य॒ज्ञ ए॑तु॒ हेत्वो॒ न सप्ति॒रुद्य॑च्छध्वं॒ सम॑नसो घृ॒ताचीः॑ ।
स्तृ॒णी॒त ब॒र्हिर॑ध्व॒राय॑ सा॒धूर्ध्वा शो॒चींषि॑ देव॒यून्य॑स्थुः ॥
Samhita Devanagari Nonaccented
प्र यज्ञ एतु हेत्वो न सप्तिरुद्यच्छध्वं समनसो घृताचीः ।
स्तृणीत बर्हिरध्वराय साधूर्ध्वा शोचींषि देवयून्यस्थुः ॥
Samhita Transcription Accented
prá yajñá etu hétvo ná sáptirúdyacchadhvam sámanaso ghṛtā́cīḥ ǀ
stṛṇītá barhíradhvarā́ya sādhū́rdhvā́ śocī́ṃṣi devayū́nyasthuḥ ǁ
Samhita Transcription Nonaccented
pra yajña etu hetvo na saptirudyacchadhvam samanaso ghṛtācīḥ ǀ
stṛṇīta barhiradhvarāya sādhūrdhvā śocīṃṣi devayūnyasthuḥ ǁ
Padapatha Devanagari Accented
प्र । य॒ज्ञः । ए॒तु॒ । हेत्वः॑ । न । सप्तिः॑ । उत् । य॒च्छ॒ध्व॒म् । सऽम॑नसः । घृ॒ताचीः॑ ।
स्तृ॒णी॒त । ब॒र्हिः । अ॒ध्व॒राय॑ । सा॒धु । ऊ॒र्ध्वा । शो॒चींषि॑ । दे॒व॒ऽयूनि॑ । अ॒स्थुः॒ ॥
Padapatha Devanagari Nonaccented
प्र । यज्ञः । एतु । हेत्वः । न । सप्तिः । उत् । यच्छध्वम् । सऽमनसः । घृताचीः ।
स्तृणीत । बर्हिः । अध्वराय । साधु । ऊर्ध्वा । शोचींषि । देवऽयूनि । अस्थुः ॥
Padapatha Transcription Accented
prá ǀ yajñáḥ ǀ etu ǀ hétvaḥ ǀ ná ǀ sáptiḥ ǀ út ǀ yacchadhvam ǀ sá-manasaḥ ǀ ghṛtā́cīḥ ǀ
stṛṇītá ǀ barhíḥ ǀ adhvarā́ya ǀ sādhú ǀ ūrdhvā́ ǀ śocī́ṃṣi ǀ deva-yū́ni ǀ asthuḥ ǁ
Padapatha Transcription Nonaccented
pra ǀ yajñaḥ ǀ etu ǀ hetvaḥ ǀ na ǀ saptiḥ ǀ ut ǀ yacchadhvam ǀ sa-manasaḥ ǀ ghṛtācīḥ ǀ
stṛṇīta ǀ barhiḥ ǀ adhvarāya ǀ sādhu ǀ ūrdhvā ǀ śocīṃṣi ǀ deva-yūni ǀ asthuḥ ǁ
07.043.03 (Mandala. Sukta. Rik)
5.4.10.03 (Ashtaka. Adhyaya. Varga. Rik)
07.03.095 (Mandala. Anuvāka. Rik)
Samhita Devanagari Accented
आ पु॒त्रासो॒ न मा॒तरं॒ विभृ॑त्राः॒ सानौ॑ दे॒वासो॑ ब॒र्हिषः॑ सदंतु ।
आ वि॒श्वाची॑ विद॒थ्या॑मन॒क्त्वग्ने॒ मा नो॑ दे॒वता॑ता॒ मृध॑स्कः ॥
Samhita Devanagari Nonaccented
आ पुत्रासो न मातरं विभृत्राः सानौ देवासो बर्हिषः सदंतु ।
आ विश्वाची विदथ्यामनक्त्वग्ने मा नो देवताता मृधस्कः ॥
Samhita Transcription Accented
ā́ putrā́so ná mātáram víbhṛtrāḥ sā́nau devā́so barhíṣaḥ sadantu ǀ
ā́ viśvā́cī vidathyā́manaktvágne mā́ no devátātā mṛ́dhaskaḥ ǁ
Samhita Transcription Nonaccented
ā putrāso na mātaram vibhṛtrāḥ sānau devāso barhiṣaḥ sadantu ǀ
ā viśvācī vidathyāmanaktvagne mā no devatātā mṛdhaskaḥ ǁ
Padapatha Devanagari Accented
आ । पु॒त्रासः॑ । न । मा॒तर॑म् । विऽभृ॑त्राः । सानौ॑ । दे॒वासः॑ । ब॒र्हिषः॑ । स॒द॒न्तु॒ ।
आ । वि॒श्वाची॑ । वि॒द॒थ्या॑म् । अ॒न॒क्तु॒ । अग्ने॑ । मा । नः॒ । दे॒वऽता॑ता । मृधः॑ । क॒रिति॑ कः ॥
Padapatha Devanagari Nonaccented
आ । पुत्रासः । न । मातरम् । विऽभृत्राः । सानौ । देवासः । बर्हिषः । सदन्तु ।
आ । विश्वाची । विदथ्याम् । अनक्तु । अग्ने । मा । नः । देवऽताता । मृधः । करिति कः ॥
Padapatha Transcription Accented
ā́ ǀ putrā́saḥ ǀ ná ǀ mātáram ǀ ví-bhṛtrāḥ ǀ sā́nau ǀ devā́saḥ ǀ barhíṣaḥ ǀ sadantu ǀ
ā́ ǀ viśvā́cī ǀ vidathyā́m ǀ anaktu ǀ ágne ǀ mā́ ǀ naḥ ǀ devá-tātā ǀ mṛ́dhaḥ ǀ karíti kaḥ ǁ
Padapatha Transcription Nonaccented
ā ǀ putrāsaḥ ǀ na ǀ mātaram ǀ vi-bhṛtrāḥ ǀ sānau ǀ devāsaḥ ǀ barhiṣaḥ ǀ sadantu ǀ
ā ǀ viśvācī ǀ vidathyām ǀ anaktu ǀ agne ǀ mā ǀ naḥ ǀ deva-tātā ǀ mṛdhaḥ ǀ kariti kaḥ ǁ
07.043.04 (Mandala. Sukta. Rik)
5.4.10.04 (Ashtaka. Adhyaya. Varga. Rik)
07.03.096 (Mandala. Anuvāka. Rik)
Samhita Devanagari Accented
ते सी॑षपंत॒ जोष॒मा यज॑त्रा ऋ॒तस्य॒ धाराः॑ सु॒दुघा॒ दुहा॑नाः ।
ज्येष्ठं॑ वो अ॒द्य मह॒ आ वसू॑ना॒मा गं॑तन॒ सम॑नसो॒ यति॒ ष्ठ ॥
Samhita Devanagari Nonaccented
ते सीषपंत जोषमा यजत्रा ऋतस्य धाराः सुदुघा दुहानाः ।
ज्येष्ठं वो अद्य मह आ वसूनामा गंतन समनसो यति ष्ठ ॥
Samhita Transcription Accented
té sīṣapanta jóṣamā́ yájatrā ṛtásya dhā́rāḥ sudúghā dúhānāḥ ǀ
jyéṣṭham vo adyá máha ā́ vásūnāmā́ gantana sámanaso yáti ṣṭhá ǁ
Samhita Transcription Nonaccented
te sīṣapanta joṣamā yajatrā ṛtasya dhārāḥ sudughā duhānāḥ ǀ
jyeṣṭham vo adya maha ā vasūnāmā gantana samanaso yati ṣṭha ǁ
Padapatha Devanagari Accented
ते । सी॒ष॒प॒न्त॒ । जोष॑म् । आ । यज॑त्राः । ऋ॒तस्य॑ । धाराः॑ । सु॒ऽदुघाः॑ । दुहा॑नाः ।
ज्येष्ठ॑म् । वः॒ । अ॒द्य । महः॑ । आ । वसू॑नाम् । आ । ग॒न्त॒न॒ । सऽम॑नसः । यति॑ । स्थ ॥
Padapatha Devanagari Nonaccented
ते । सीषपन्त । जोषम् । आ । यजत्राः । ऋतस्य । धाराः । सुऽदुघाः । दुहानाः ।
ज्येष्ठम् । वः । अद्य । महः । आ । वसूनाम् । आ । गन्तन । सऽमनसः । यति । स्थ ॥
Padapatha Transcription Accented
té ǀ sīṣapanta ǀ jóṣam ǀ ā́ ǀ yájatrāḥ ǀ ṛtásya ǀ dhā́rāḥ ǀ su-dúghāḥ ǀ dúhānāḥ ǀ
jyéṣṭham ǀ vaḥ ǀ adyá ǀ máhaḥ ǀ ā́ ǀ vásūnām ǀ ā́ ǀ gantana ǀ sá-manasaḥ ǀ yáti ǀ sthá ǁ
Padapatha Transcription Nonaccented
te ǀ sīṣapanta ǀ joṣam ǀ ā ǀ yajatrāḥ ǀ ṛtasya ǀ dhārāḥ ǀ su-dughāḥ ǀ duhānāḥ ǀ
jyeṣṭham ǀ vaḥ ǀ adya ǀ mahaḥ ǀ ā ǀ vasūnām ǀ ā ǀ gantana ǀ sa-manasaḥ ǀ yati ǀ stha ǁ
07.043.05 (Mandala. Sukta. Rik)
5.4.10.05 (Ashtaka. Adhyaya. Varga. Rik)
07.03.097 (Mandala. Anuvāka. Rik)
Samhita Devanagari Accented
ए॒वा नो॑ अग्ने वि॒क्ष्वा द॑शस्य॒ त्वया॑ व॒यं स॑हसाव॒न्नास्क्राः॑ ।
रा॒या यु॒जा स॑ध॒मादो॒ अरि॑ष्टा यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
एवा नो अग्ने विक्ष्वा दशस्य त्वया वयं सहसावन्नास्क्राः ।
राया युजा सधमादो अरिष्टा यूयं पात स्वस्तिभिः सदा नः ॥
Samhita Transcription Accented
evā́ no agne vikṣvā́ daśasya tváyā vayám sahasāvannā́skrāḥ ǀ
rāyā́ yujā́ sadhamā́do áriṣṭā yūyám pāta svastíbhiḥ sádā naḥ ǁ
Samhita Transcription Nonaccented
evā no agne vikṣvā daśasya tvayā vayam sahasāvannāskrāḥ ǀ
rāyā yujā sadhamādo ariṣṭā yūyam pāta svastibhiḥ sadā naḥ ǁ
Padapatha Devanagari Accented
ए॒व । नः॒ । अ॒ग्ने॒ । वि॒क्षु । आ । द॒श॒स्य॒ । त्वया॑ । व॒यम् । स॒ह॒सा॒ऽव॒न् । आस्क्राः॑ ।
रा॒या । यु॒जा । स॒ध॒ऽमादः॑ । अरि॑ष्टाः । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
एव । नः । अग्ने । विक्षु । आ । दशस्य । त्वया । वयम् । सहसाऽवन् । आस्क्राः ।
राया । युजा । सधऽमादः । अरिष्टाः । यूयम् । पात । स्वस्तिऽभिः । सदा । नः ॥
Padapatha Transcription Accented
evá ǀ naḥ ǀ agne ǀ vikṣú ǀ ā́ ǀ daśasya ǀ tváyā ǀ vayám ǀ sahasā-van ǀ ā́skrāḥ ǀ
rāyā́ ǀ yujā́ ǀ sadha-mā́daḥ ǀ áriṣṭāḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
eva ǀ naḥ ǀ agne ǀ vikṣu ǀ ā ǀ daśasya ǀ tvayā ǀ vayam ǀ sahasā-van ǀ āskrāḥ ǀ
rāyā ǀ yujā ǀ sadha-mādaḥ ǀ ariṣṭāḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ