|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 44
|
1. Info |
| To: | 1: liṅgoktadevatāḥ; 2-5: dadhikrā |
|
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (2, 3); paṅktiḥ (4, 5); nicṛjjagatī (1) 2nd set of styles: triṣṭubh (2-5); jagatī (1) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.044.01 (Mandala. Sukta. Rik)
5.4.11.01 (Ashtaka. Adhyaya. Varga. Rik)
07.03.098 (Mandala. Anuvāka. Rik)
Samhita Devanagari Accented
द॒धि॒क्रां वः॑ प्रथ॒मम॒श्विनो॒षस॑म॒ग्निं समि॑द्धं॒ भग॑मू॒तये॑ हुवे ।
इंद्रं॒ विष्णुं॑ पू॒षणं॒ ब्रह्म॑ण॒स्पति॑मादि॒त्यांद्यावा॑पृथि॒वी अ॒पः स्वः॑ ॥
Samhita Devanagari Nonaccented
दधिक्रां वः प्रथममश्विनोषसमग्निं समिद्धं भगमूतये हुवे ।
इंद्रं विष्णुं पूषणं ब्रह्मणस्पतिमादित्यांद्यावापृथिवी अपः स्वः ॥
Samhita Transcription Accented
dadhikrā́m vaḥ prathamámaśvínoṣásamagním sámiddham bhágamūtáye huve ǀ
índram víṣṇum pūṣáṇam bráhmaṇaspátimādityā́ndyā́vāpṛthivī́ apáḥ sváḥ ǁ
Samhita Transcription Nonaccented
dadhikrām vaḥ prathamamaśvinoṣasamagnim samiddham bhagamūtaye huve ǀ
indram viṣṇum pūṣaṇam brahmaṇaspatimādityāndyāvāpṛthivī apaḥ svaḥ ǁ
Padapatha Devanagari Accented
द॒धि॒ऽक्राम् । वः॒ । प्र॒थ॒मम् । अ॒श्विना॑ । उ॒षस॑म् । अ॒ग्निम् । सम्ऽइ॑द्धम् । भग॑म् । ऊ॒तये॑ । हु॒वे॒ ।
इन्द्र॑म् । विष्णु॑म् । पू॒षण॑म् । ब्रह्म॑णः । पति॑म् । आ॒दि॒त्यान् । द्यावा॑पृथि॒वी इति॑ । अ॒पः । स्वः॑ ॥
Padapatha Devanagari Nonaccented
दधिऽक्राम् । वः । प्रथमम् । अश्विना । उषसम् । अग्निम् । सम्ऽइद्धम् । भगम् । ऊतये । हुवे ।
इन्द्रम् । विष्णुम् । पूषणम् । ब्रह्मणः । पतिम् । आदित्यान् । द्यावापृथिवी इति । अपः । स्वः ॥
Padapatha Transcription Accented
dadhi-krā́m ǀ vaḥ ǀ prathamám ǀ aśvínā ǀ uṣásam ǀ agním ǀ sám-iddham ǀ bhágam ǀ ūtáye ǀ huve ǀ
índram ǀ víṣṇum ǀ pūṣáṇam ǀ bráhmaṇaḥ ǀ pátim ǀ ādityā́n ǀ dyā́vāpṛthivī́ íti ǀ apáḥ ǀ sváḥ ǁ
Padapatha Transcription Nonaccented
dadhi-krām ǀ vaḥ ǀ prathamam ǀ aśvinā ǀ uṣasam ǀ agnim ǀ sam-iddham ǀ bhagam ǀ ūtaye ǀ huve ǀ
indram ǀ viṣṇum ǀ pūṣaṇam ǀ brahmaṇaḥ ǀ patim ǀ ādityān ǀ dyāvāpṛthivī iti ǀ apaḥ ǀ svaḥ ǁ
07.044.02 (Mandala. Sukta. Rik)
5.4.11.02 (Ashtaka. Adhyaya. Varga. Rik)
07.03.099 (Mandala. Anuvāka. Rik)
Samhita Devanagari Accented
द॒धि॒क्रामु॒ नम॑सा बो॒धयं॑त उ॒दीरा॑णा य॒ज्ञमु॑पप्र॒यंतः॑ ।
इळां॑ दे॒वीं ब॒र्हिषि॑ सा॒दयं॑तो॒ऽश्विना॒ विप्रा॑ सु॒हवा॑ हुवेम ॥
Samhita Devanagari Nonaccented
दधिक्रामु नमसा बोधयंत उदीराणा यज्ञमुपप्रयंतः ।
इळां देवीं बर्हिषि सादयंतोऽश्विना विप्रा सुहवा हुवेम ॥
Samhita Transcription Accented
dadhikrā́mu námasā bodháyanta udī́rāṇā yajñámupaprayántaḥ ǀ
íḷām devī́m barhíṣi sādáyanto’śvínā víprā suhávā huvema ǁ
Samhita Transcription Nonaccented
dadhikrāmu namasā bodhayanta udīrāṇā yajñamupaprayantaḥ ǀ
iḷām devīm barhiṣi sādayanto’śvinā viprā suhavā huvema ǁ
Padapatha Devanagari Accented
द॒धि॒ऽक्राम् । ऊं॒ इति॑ । नम॑सा । बो॒धय॑न्तः । उ॒त्ऽईरा॑णाः । य॒ज्ञम् । उ॒प॒ऽप्र॒यन्तः॑ ।
इळा॑म् । दे॒वीम् । ब॒र्हिषि॑ । सा॒दय॑न्तः । अ॒श्विना॑ । विप्राः॑ । सु॒ऽहवा॑ । हु॒वे॒म॒ ॥
Padapatha Devanagari Nonaccented
दधिऽक्राम् । ऊं इति । नमसा । बोधयन्तः । उत्ऽईराणाः । यज्ञम् । उपऽप्रयन्तः ।
इळाम् । देवीम् । बर्हिषि । सादयन्तः । अश्विना । विप्राः । सुऽहवा । हुवेम ॥
Padapatha Transcription Accented
dadhi-krā́m ǀ ūṃ íti ǀ námasā ǀ bodháyantaḥ ǀ ut-ī́rāṇāḥ ǀ yajñám ǀ upa-prayántaḥ ǀ
íḷām ǀ devī́m ǀ barhíṣi ǀ sādáyantaḥ ǀ aśvínā ǀ víprāḥ ǀ su-hávā ǀ huvema ǁ
Padapatha Transcription Nonaccented
dadhi-krām ǀ ūṃ iti ǀ namasā ǀ bodhayantaḥ ǀ ut-īrāṇāḥ ǀ yajñam ǀ upa-prayantaḥ ǀ
iḷām ǀ devīm ǀ barhiṣi ǀ sādayantaḥ ǀ aśvinā ǀ viprāḥ ǀ su-havā ǀ huvema ǁ
07.044.03 (Mandala. Sukta. Rik)
5.4.11.03 (Ashtaka. Adhyaya. Varga. Rik)
07.03.100 (Mandala. Anuvāka. Rik)
Samhita Devanagari Accented
द॒धि॒क्रावा॑णं बुबुधा॒नो अ॒ग्निमुप॑ ब्रुव उ॒षसं॒ सूर्यं॒ गां ।
ब्र॒ध्नं मां॑श्च॒तोर्वरु॑णस्य ब॒भ्रुं ते विश्वा॒स्मद्दु॑रि॒ता या॑वयंतु ॥
Samhita Devanagari Nonaccented
दधिक्रावाणं बुबुधानो अग्निमुप ब्रुव उषसं सूर्यं गां ।
ब्रध्नं मांश्चतोर्वरुणस्य बभ्रुं ते विश्वास्मद्दुरिता यावयंतु ॥
Samhita Transcription Accented
dadhikrā́vāṇam bubudhānó agnímúpa bruva uṣásam sū́ryam gā́m ǀ
bradhnám māṃścatórváruṇasya babhrúm té víśvāsmádduritā́ yāvayantu ǁ
Samhita Transcription Nonaccented
dadhikrāvāṇam bubudhāno agnimupa bruva uṣasam sūryam gām ǀ
bradhnam māṃścatorvaruṇasya babhrum te viśvāsmadduritā yāvayantu ǁ
Padapatha Devanagari Accented
द॒धि॒ऽक्रावा॑णम् । बु॒बु॒धा॒नः । अ॒ग्निम् । उप॑ । ब्रु॒वे॒ । उ॒षस॑म् । सूर्य॑म् । गाम् ।
ब्र॒ध्नम् । मं॒श्च॒तोः । वरु॑णस्य । ब॒भ्रुम् । ते । विश्वा॑ । अ॒स्मत् । दुः॒ऽइ॒ता । य॒व॒य॒न्तु॒ ॥
Padapatha Devanagari Nonaccented
दधिऽक्रावाणम् । बुबुधानः । अग्निम् । उप । ब्रुवे । उषसम् । सूर्यम् । गाम् ।
ब्रध्नम् । मंश्चतोः । वरुणस्य । बभ्रुम् । ते । विश्वा । अस्मत् । दुःऽइता । यवयन्तु ॥
Padapatha Transcription Accented
dadhi-krā́vāṇam ǀ bubudhānáḥ ǀ agním ǀ úpa ǀ bruve ǀ uṣásam ǀ sū́ryam ǀ gā́m ǀ
bradhnám ǀ máṃścatóḥ ǀ váruṇasya ǀ babhrúm ǀ té ǀ víśvā ǀ asmát ǀ duḥ-itā́ ǀ yavayantu ǁ
Padapatha Transcription Nonaccented
dadhi-krāvāṇam ǀ bubudhānaḥ ǀ agnim ǀ upa ǀ bruve ǀ uṣasam ǀ sūryam ǀ gām ǀ
bradhnam ǀ maṃścatoḥ ǀ varuṇasya ǀ babhrum ǀ te ǀ viśvā ǀ asmat ǀ duḥ-itā ǀ yavayantu ǁ
07.044.04 (Mandala. Sukta. Rik)
5.4.11.04 (Ashtaka. Adhyaya. Varga. Rik)
07.03.101 (Mandala. Anuvāka. Rik)
Samhita Devanagari Accented
द॒धि॒क्रावा॑ प्रथ॒मो वा॒ज्यर्वाग्रे॒ रथा॑नां भवति प्रजा॒नन् ।
सं॒वि॒दा॒न उ॒षसा॒ सूर्ये॑णादि॒त्येभि॒र्वसु॑भि॒रंगि॑रोभिः ॥
Samhita Devanagari Nonaccented
दधिक्रावा प्रथमो वाज्यर्वाग्रे रथानां भवति प्रजानन् ।
संविदान उषसा सूर्येणादित्येभिर्वसुभिरंगिरोभिः ॥
Samhita Transcription Accented
dadhikrā́vā prathamó vājyárvā́gre ráthānām bhavati prajānán ǀ
saṃvidāná uṣásā sū́ryeṇādityébhirvásubhiráṅgirobhiḥ ǁ
Samhita Transcription Nonaccented
dadhikrāvā prathamo vājyarvāgre rathānām bhavati prajānan ǀ
saṃvidāna uṣasā sūryeṇādityebhirvasubhiraṅgirobhiḥ ǁ
Padapatha Devanagari Accented
द॒धि॒ऽक्रावा॑ । प्र॒थ॒मः । वा॒जी । अर्वा॑ । अग्रे॑ । रथा॑नाम् । भ॒व॒ति॒ । प्र॒ऽजा॒नन् ।
स॒म्ऽवि॒दा॒नः । उ॒षसा॑ । सूर्ये॑ण । आ॒दि॒त्येभिः॑ । वसु॑ऽभिः । अङ्गि॑रःऽभिः ॥
Padapatha Devanagari Nonaccented
दधिऽक्रावा । प्रथमः । वाजी । अर्वा । अग्रे । रथानाम् । भवति । प्रऽजानन् ।
सम्ऽविदानः । उषसा । सूर्येण । आदित्येभिः । वसुऽभिः । अङ्गिरःऽभिः ॥
Padapatha Transcription Accented
dadhi-krā́vā ǀ prathamáḥ ǀ vājī́ ǀ árvā ǀ ágre ǀ ráthānām ǀ bhavati ǀ pra-jānán ǀ
sam-vidānáḥ ǀ uṣásā ǀ sū́ryeṇa ǀ ādityébhiḥ ǀ vásu-bhiḥ ǀ áṅgiraḥ-bhiḥ ǁ
Padapatha Transcription Nonaccented
dadhi-krāvā ǀ prathamaḥ ǀ vājī ǀ arvā ǀ agre ǀ rathānām ǀ bhavati ǀ pra-jānan ǀ
sam-vidānaḥ ǀ uṣasā ǀ sūryeṇa ǀ ādityebhiḥ ǀ vasu-bhiḥ ǀ aṅgiraḥ-bhiḥ ǁ
07.044.05 (Mandala. Sukta. Rik)
5.4.11.05 (Ashtaka. Adhyaya. Varga. Rik)
07.03.102 (Mandala. Anuvāka. Rik)
Samhita Devanagari Accented
आ नो॑ दधि॒क्राः प॒थ्या॑मनक्त्वृ॒तस्य॒ पंथा॒मन्वे॑त॒वा उ॑ ।
शृ॒णोतु॑ नो॒ दैव्यं॒ शर्धो॑ अ॒ग्निः शृ॒ण्वंतु॒ विश्वे॑ महि॒षा अमू॑राः ॥
Samhita Devanagari Nonaccented
आ नो दधिक्राः पथ्यामनक्त्वृतस्य पंथामन्वेतवा उ ।
शृणोतु नो दैव्यं शर्धो अग्निः शृण्वंतु विश्वे महिषा अमूराः ॥
Samhita Transcription Accented
ā́ no dadhikrā́ḥ pathyā́manaktvṛtásya pánthāmánvetavā́ u ǀ
śṛṇótu no dáivyam śárdho agníḥ śṛṇvántu víśve mahiṣā́ ámūrāḥ ǁ
Samhita Transcription Nonaccented
ā no dadhikrāḥ pathyāmanaktvṛtasya panthāmanvetavā u ǀ
śṛṇotu no daivyam śardho agniḥ śṛṇvantu viśve mahiṣā amūrāḥ ǁ
Padapatha Devanagari Accented
आ । नः॒ । द॒धि॒ऽक्राः । प॒थ्या॑म् । अ॒न॒क्तु॒ । ऋ॒तस्य॑ । पन्था॑म् । अनु॑ऽए॒त॒वै । ऊं॒ इति॑ ।
शृ॒णोतु॑ । नः॒ । दैव्य॑म् । शर्धः॑ । अ॒ग्निः । शृ॒ण्वन्तु॑ । विश्वे॑ । म॒हि॒षाः । अमू॑राः ॥
Padapatha Devanagari Nonaccented
आ । नः । दधिऽक्राः । पथ्याम् । अनक्तु । ऋतस्य । पन्थाम् । अनुऽएतवै । ऊं इति ।
शृणोतु । नः । दैव्यम् । शर्धः । अग्निः । शृण्वन्तु । विश्वे । महिषाः । अमूराः ॥
Padapatha Transcription Accented
ā́ ǀ naḥ ǀ dadhi-krā́ḥ ǀ pathyā́m ǀ anaktu ǀ ṛtásya ǀ pánthām ǀ ánu-etavái ǀ ūṃ íti ǀ
śṛṇótu ǀ naḥ ǀ dáivyam ǀ śárdhaḥ ǀ agníḥ ǀ śṛṇvántu ǀ víśve ǀ mahiṣā́ḥ ǀ ámūrāḥ ǁ
Padapatha Transcription Nonaccented
ā ǀ naḥ ǀ dadhi-krāḥ ǀ pathyām ǀ anaktu ǀ ṛtasya ǀ panthām ǀ anu-etavai ǀ ūṃ iti ǀ
śṛṇotu ǀ naḥ ǀ daivyam ǀ śardhaḥ ǀ agniḥ ǀ śṛṇvantu ǀ viśve ǀ mahiṣāḥ ǀ amūrāḥ ǁ