|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 46
|
1. Info |
| To: | rudra | |
| From: | vasiṣṭha maitrāvaruṇi | |
| Metres: | 1st set of styles: virāḍjagatī (1); nicṛttriṣṭup (2); nicṛjjagatī (3); svarāṭpaṅkti (4) 2nd set of styles: jagatī (1-3); triṣṭubh (4) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.046.01 (Mandala. Sukta. Rik)
5.4.13.01 (Ashtaka. Adhyaya. Varga. Rik)
07.03.107 (Mandala. Anuvāka. Rik)
Samhita Devanagari Accented
इ॒मा रु॒द्राय॑ स्थि॒रध॑न्वने॒ गिरः॑ क्षि॒प्रेष॑वे दे॒वाय॑ स्व॒धाव्ने॑ ।
अषा॑ळ्हाय॒ सह॑मानाय वे॒धसे॑ ति॒ग्मायु॑धाय भरता शृ॒णोतु॑ नः ॥
Samhita Devanagari Nonaccented
इमा रुद्राय स्थिरधन्वने गिरः क्षिप्रेषवे देवाय स्वधाव्ने ।
अषाळ्हाय सहमानाय वेधसे तिग्मायुधाय भरता शृणोतु नः ॥
Samhita Transcription Accented
imā́ rudrā́ya sthirádhanvane gíraḥ kṣipréṣave devā́ya svadhā́vne ǀ
áṣāḷhāya sáhamānāya vedháse tigmā́yudhāya bharatā śṛṇótu naḥ ǁ
Samhita Transcription Nonaccented
imā rudrāya sthiradhanvane giraḥ kṣipreṣave devāya svadhāvne ǀ
aṣāḷhāya sahamānāya vedhase tigmāyudhāya bharatā śṛṇotu naḥ ǁ
Padapatha Devanagari Accented
इ॒माः । रु॒द्राय॑ । स्थि॒रऽध॑न्वने । गिरः॑ । क्षि॒प्रऽइ॑षवे । दे॒वाय॑ । स्व॒धाऽव्ने॑ ।
अषा॑ळ्हाय । सह॑मानाय । वे॒धसे॑ । ति॒ग्मऽआ॑युधाय । भ॒र॒त॒ । शृ॒णोतु॑ । नः॒ ॥
Padapatha Devanagari Nonaccented
इमाः । रुद्राय । स्थिरऽधन्वने । गिरः । क्षि॒प्रऽइषवे । देवाय । स्वधाऽव्ने ।
अषाळ्हाय । सहमानाय । वेधसे । तिग्मऽआयुधाय । भरत । शृणोतु । नः ॥
Padapatha Transcription Accented
imā́ḥ ǀ rudrā́ya ǀ sthirá-dhanvane ǀ gíraḥ ǀ kṣiprá-iṣave ǀ devā́ya ǀ svadhā́-vne ǀ
áṣāḷhāya ǀ sáhamānāya ǀ vedháse ǀ tigmá-āyudhāya ǀ bharata ǀ śṛṇótu ǀ naḥ ǁ
Padapatha Transcription Nonaccented
imāḥ ǀ rudrāya ǀ sthira-dhanvane ǀ giraḥ ǀ kṣipra-iṣave ǀ devāya ǀ svadhā-vne ǀ
aṣāḷhāya ǀ sahamānāya ǀ vedhase ǀ tigma-āyudhāya ǀ bharata ǀ śṛṇotu ǀ naḥ ǁ
07.046.02 (Mandala. Sukta. Rik)
5.4.13.02 (Ashtaka. Adhyaya. Varga. Rik)
07.03.108 (Mandala. Anuvāka. Rik)
Samhita Devanagari Accented
स हि क्षये॑ण॒ क्षम्य॑स्य॒ जन्म॑नः॒ साम्रा॑ज्येन दि॒व्यस्य॒ चेत॑ति ।
अव॒न्नवं॑ती॒रुप॑ नो॒ दुर॑श्चरानमी॒वो रु॑द्र॒ जासु॑ नो भव ॥
Samhita Devanagari Nonaccented
स हि क्षयेण क्षम्यस्य जन्मनः साम्राज्येन दिव्यस्य चेतति ।
अवन्नवंतीरुप नो दुरश्चरानमीवो रुद्र जासु नो भव ॥
Samhita Transcription Accented
sá hí kṣáyeṇa kṣámyasya jánmanaḥ sā́mrājyena divyásya cétati ǀ
ávannávantīrúpa no dúraścarānamīvó rudra jā́su no bhava ǁ
Samhita Transcription Nonaccented
sa hi kṣayeṇa kṣamyasya janmanaḥ sāmrājyena divyasya cetati ǀ
avannavantīrupa no duraścarānamīvo rudra jāsu no bhava ǁ
Padapatha Devanagari Accented
सः । हि । क्षये॑ण । क्षम्य॑स्य । जन्म॑नः । साम्ऽरा॑ज्येन । दि॒व्यस्य॑ । चेत॑ति ।
अव॑न् । अव॑न्तीः । उप॑ । नः॒ । दुरः॑ । च॒र॒ । अ॒न॒मी॒वः । रु॒द्र॒ । जासु॑ । नः॒ । भ॒व॒ ॥
Padapatha Devanagari Nonaccented
सः । हि । क्षयेण । क्षम्यस्य । जन्मनः । साम्ऽराज्येन । दिव्यस्य । चेतति ।
अवन् । अवन्तीः । उप । नः । दुरः । चर । अनमीवः । रुद्र । जासु । नः । भव ॥
Padapatha Transcription Accented
sáḥ ǀ hí ǀ kṣáyeṇa ǀ kṣámyasya ǀ jánmanaḥ ǀ sā́m-rājyena ǀ divyásya ǀ cétati ǀ
ávan ǀ ávantīḥ ǀ úpa ǀ naḥ ǀ dúraḥ ǀ cara ǀ anamīváḥ ǀ rudra ǀ jā́su ǀ naḥ ǀ bhava ǁ
Padapatha Transcription Nonaccented
saḥ ǀ hi ǀ kṣayeṇa ǀ kṣamyasya ǀ janmanaḥ ǀ sām-rājyena ǀ divyasya ǀ cetati ǀ
avan ǀ avantīḥ ǀ upa ǀ naḥ ǀ duraḥ ǀ cara ǀ anamīvaḥ ǀ rudra ǀ jāsu ǀ naḥ ǀ bhava ǁ
07.046.03 (Mandala. Sukta. Rik)
5.4.13.03 (Ashtaka. Adhyaya. Varga. Rik)
07.03.109 (Mandala. Anuvāka. Rik)
Samhita Devanagari Accented
या ते॑ दि॒द्युदव॑सृष्टा दि॒वस्परि॑ क्ष्म॒या चर॑ति॒ परि॒ सा वृ॑णक्तु नः ।
स॒हस्रं॑ ते स्वपिवात भेष॒जा मा न॑स्तो॒केषु॒ तन॑येषु रीरिषः ॥
Samhita Devanagari Nonaccented
या ते दिद्युदवसृष्टा दिवस्परि क्ष्मया चरति परि सा वृणक्तु नः ।
सहस्रं ते स्वपिवात भेषजा मा नस्तोकेषु तनयेषु रीरिषः ॥
Samhita Transcription Accented
yā́ te didyúdávasṛṣṭā diváspári kṣmayā́ cárati pári sā́ vṛṇaktu naḥ ǀ
sahásram te svapivāta bheṣajā́ mā́ nastokéṣu tánayeṣu rīriṣaḥ ǁ
Samhita Transcription Nonaccented
yā te didyudavasṛṣṭā divaspari kṣmayā carati pari sā vṛṇaktu naḥ ǀ
sahasram te svapivāta bheṣajā mā nastokeṣu tanayeṣu rīriṣaḥ ǁ
Padapatha Devanagari Accented
या । ते॒ । दि॒द्युत् । अव॑ऽसृष्टा । दि॒वः । परि॑ । क्ष्म॒या । चर॑ति । परि॑ । सा । वृ॒ण॒क्तु॒ । नः॒ ।
स॒हस्र॑म् । ते॒ । सु॒ऽअ॒पि॒वा॒त॒ । भे॒ष॒जा । मा । नः॒ । तो॒केषु॑ । तन॑येषु । रि॒रि॒षः॒ ॥
Padapatha Devanagari Nonaccented
या । ते । दिद्युत् । अवऽसृष्टा । दिवः । परि । क्ष्मया । चरति । परि । सा । वृणक्तु । नः ।
सहस्रम् । ते । सुऽअपिवात । भेषजा । मा । नः । तोकेषु । तनयेषु । रिरिषः ॥
Padapatha Transcription Accented
yā́ ǀ te ǀ didyút ǀ áva-sṛṣṭā ǀ diváḥ ǀ pári ǀ kṣmayā́ ǀ cárati ǀ pári ǀ sā́ ǀ vṛṇaktu ǀ naḥ ǀ
sahásram ǀ te ǀ su-apivāta ǀ bheṣajā́ ǀ mā́ ǀ naḥ ǀ tokéṣu ǀ tánayeṣu ǀ ririṣaḥ ǁ
Padapatha Transcription Nonaccented
yā ǀ te ǀ didyut ǀ ava-sṛṣṭā ǀ divaḥ ǀ pari ǀ kṣmayā ǀ carati ǀ pari ǀ sā ǀ vṛṇaktu ǀ naḥ ǀ
sahasram ǀ te ǀ su-apivāta ǀ bheṣajā ǀ mā ǀ naḥ ǀ tokeṣu ǀ tanayeṣu ǀ ririṣaḥ ǁ
07.046.04 (Mandala. Sukta. Rik)
5.4.13.04 (Ashtaka. Adhyaya. Varga. Rik)
07.03.110 (Mandala. Anuvāka. Rik)
Samhita Devanagari Accented
मा नो॑ वधी रुद्र॒ मा परा॑ दा॒ मा ते॑ भूम॒ प्रसि॑तौ हीळि॒तस्य॑ ।
आ नो॑ भज ब॒र्हिषि॑ जीवशं॒से यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
मा नो वधी रुद्र मा परा दा मा ते भूम प्रसितौ हीळितस्य ।
आ नो भज बर्हिषि जीवशंसे यूयं पात स्वस्तिभिः सदा नः ॥
Samhita Transcription Accented
mā́ no vadhī rudra mā́ párā dā mā́ te bhūma prásitau hīḷitásya ǀ
ā́ no bhaja barhíṣi jīvaśaṃsé yūyám pāta svastíbhiḥ sádā naḥ ǁ
Samhita Transcription Nonaccented
mā no vadhī rudra mā parā dā mā te bhūma prasitau hīḷitasya ǀ
ā no bhaja barhiṣi jīvaśaṃse yūyam pāta svastibhiḥ sadā naḥ ǁ
Padapatha Devanagari Accented
मा । नः॒ । व॒धीः॒ । रु॒द्र॒ । मा । परा॑ । दाः॒ । मा । ते॒ । भू॒म॒ । प्रऽसि॑तौ । ही॒ळि॒तस्य॑ ।
आ । नः॒ । भ॒ज॒ । ब॒र्हिषि॑ । जी॒व॒ऽशं॒से । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
मा । नः । वधीः । रुद्र । मा । परा । दाः । मा । ते । भूम । प्रऽसितौ । हीळितस्य ।
आ । नः । भज । बर्हिषि । जीवऽशंसे । यूयम् । पात । स्वस्तिऽभिः । सदा । नः ॥
Padapatha Transcription Accented
mā́ ǀ naḥ ǀ vadhīḥ ǀ rudra ǀ mā́ ǀ párā ǀ dāḥ ǀ mā́ ǀ te ǀ bhūma ǀ prá-sitau ǀ hīḷitásya ǀ
ā́ ǀ naḥ ǀ bhaja ǀ barhíṣi ǀ jīva-śaṃsé ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
mā ǀ naḥ ǀ vadhīḥ ǀ rudra ǀ mā ǀ parā ǀ dāḥ ǀ mā ǀ te ǀ bhūma ǀ pra-sitau ǀ hīḷitasya ǀ
ā ǀ naḥ ǀ bhaja ǀ barhiṣi ǀ jīva-śaṃse ǀ yūyam ǀ pāta ǀ svasti-bhiḥ ǀ sadā ǀ naḥ ǁ