|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 49
|
1. Info |
| To: | 1, 2, 4: apas; 3: apas, varuṇa |
|
| From: | vasiṣṭha maitrāvaruṇi | |
| Metres: | 1st set of styles: triṣṭup (2, 3); nicṛttriṣṭup (1); virāṭtrisṭup (4) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.049.01 (Mandala. Sukta. Rik)
5.4.16.01 (Ashtaka. Adhyaya. Varga. Rik)
07.03.119 (Mandala. Anuvāka. Rik)
Samhita Devanagari Accented
स॒मु॒द्रज्ये॑ष्ठाः सलि॒लस्य॒ मध्या॑त्पुना॒ना यं॒त्यनि॑विशमानाः ।
इंद्रो॒ या व॒ज्री वृ॑ष॒भो र॒राद॒ ता आपो॑ दे॒वीरि॒ह माम॑वंतु ॥
Samhita Devanagari Nonaccented
समुद्रज्येष्ठाः सलिलस्य मध्यात्पुनाना यंत्यनिविशमानाः ।
इंद्रो या वज्री वृषभो रराद ता आपो देवीरिह मामवंतु ॥
Samhita Transcription Accented
samudrájyeṣṭhāḥ salilásya mádhyātpunānā́ yantyániviśamānāḥ ǀ
índro yā́ vajrī́ vṛṣabhó rarā́da tā́ ā́po devī́rihá mā́mavantu ǁ
Samhita Transcription Nonaccented
samudrajyeṣṭhāḥ salilasya madhyātpunānā yantyaniviśamānāḥ ǀ
indro yā vajrī vṛṣabho rarāda tā āpo devīriha māmavantu ǁ
Padapatha Devanagari Accented
स॒मु॒द्रऽज्ये॑ष्ठाः । स॒लि॒लस्य॑ । मध्या॑त् । पु॒ना॒नाः । य॒न्ति॒ । अनि॑ऽविशमानाः ।
इन्द्रः॑ । या । व॒ज्री । वृ॒ष॒भः । र॒राद॑ । ताः । आपः॑ । दे॒वीः । इ॒ह । माम् । अ॒व॒न्तु॒ ॥
Padapatha Devanagari Nonaccented
समुद्रऽज्येष्ठाः । सलिलस्य । मध्यात् । पुनानाः । यन्ति । अनिऽविशमानाः ।
इन्द्रः । या । वज्री । वृषभः । रराद । ताः । आपः । देवीः । इह । माम् । अवन्तु ॥
Padapatha Transcription Accented
samudrá-jyeṣṭhāḥ ǀ salilásya ǀ mádhyāt ǀ punānā́ḥ ǀ yanti ǀ áni-viśamānāḥ ǀ
índraḥ ǀ yā́ ǀ vajrī́ ǀ vṛṣabháḥ ǀ rarā́da ǀ tā́ḥ ǀ ā́paḥ ǀ devī́ḥ ǀ ihá ǀ mā́m ǀ avantu ǁ
Padapatha Transcription Nonaccented
samudra-jyeṣṭhāḥ ǀ salilasya ǀ madhyāt ǀ punānāḥ ǀ yanti ǀ ani-viśamānāḥ ǀ
indraḥ ǀ yā ǀ vajrī ǀ vṛṣabhaḥ ǀ rarāda ǀ tāḥ ǀ āpaḥ ǀ devīḥ ǀ iha ǀ mām ǀ avantu ǁ
07.049.02 (Mandala. Sukta. Rik)
5.4.16.02 (Ashtaka. Adhyaya. Varga. Rik)
07.03.120 (Mandala. Anuvāka. Rik)
Samhita Devanagari Accented
या आपो॑ दि॒व्या उ॒त वा॒ स्रवं॑ति ख॒नित्रि॑मा उ॒त वा॒ याः स्व॑यं॒जाः ।
स॒मु॒द्रार्था॒ याः शुच॑यः पाव॒कास्ता आपो॑ दे॒वीरि॒ह माम॑वंतु ॥
Samhita Devanagari Nonaccented
या आपो दिव्या उत वा स्रवंति खनित्रिमा उत वा याः स्वयंजाः ।
समुद्रार्था याः शुचयः पावकास्ता आपो देवीरिह मामवंतु ॥
Samhita Transcription Accented
yā́ ā́po divyā́ utá vā srávanti khanítrimā utá vā yā́ḥ svayaṃjā́ḥ ǀ
samudrā́rthā yā́ḥ śúcayaḥ pāvakā́stā́ ā́po devī́rihá mā́mavantu ǁ
Samhita Transcription Nonaccented
yā āpo divyā uta vā sravanti khanitrimā uta vā yāḥ svayaṃjāḥ ǀ
samudrārthā yāḥ śucayaḥ pāvakāstā āpo devīriha māmavantu ǁ
Padapatha Devanagari Accented
याः । आपः॑ । दि॒व्याः । उ॒त । वा॒ । स्रव॑न्ति । ख॒नित्रि॑माः । उ॒त । वा॒ । याः । स्व॒य॒म्ऽजाः ।
स॒मु॒द्रऽअ॑र्थाः । याः । शुच॑यः । पा॒व॒काः । ताः । आपः॑ । दे॒वीः । इ॒ह । माम् । अ॒व॒न्तु॒ ॥
Padapatha Devanagari Nonaccented
याः । आपः । दिव्याः । उत । वा । स्रवन्ति । खनित्रिमाः । उत । वा । याः । स्वयम्ऽजाः ।
समुद्रऽअर्थाः । याः । शुचयः । पावकाः । ताः । आपः । देवीः । इह । माम् । अवन्तु ॥
Padapatha Transcription Accented
yā́ḥ ǀ ā́paḥ ǀ divyā́ḥ ǀ utá ǀ vā ǀ srávanti ǀ khanítrimāḥ ǀ utá ǀ vā ǀ yā́ḥ ǀ svayam-jā́ḥ ǀ
samudrá-arthāḥ ǀ yā́ḥ ǀ śúcayaḥ ǀ pāvakā́ḥ ǀ tā́ḥ ǀ ā́paḥ ǀ devī́ḥ ǀ ihá ǀ mā́m ǀ avantu ǁ
Padapatha Transcription Nonaccented
yāḥ ǀ āpaḥ ǀ divyāḥ ǀ uta ǀ vā ǀ sravanti ǀ khanitrimāḥ ǀ uta ǀ vā ǀ yāḥ ǀ svayam-jāḥ ǀ
samudra-arthāḥ ǀ yāḥ ǀ śucayaḥ ǀ pāvakāḥ ǀ tāḥ ǀ āpaḥ ǀ devīḥ ǀ iha ǀ mām ǀ avantu ǁ
07.049.03 (Mandala. Sukta. Rik)
5.4.16.03 (Ashtaka. Adhyaya. Varga. Rik)
07.03.121 (Mandala. Anuvāka. Rik)
Samhita Devanagari Accented
यासां॒ राजा॒ वरु॑णो॒ याति॒ मध्ये॑ सत्यानृ॒ते अ॑व॒पश्यं॒जना॑नां ।
म॒धु॒श्चुतः॒ शुच॑यो॒ याः पा॑व॒कास्ता आपो॑ दे॒वीरि॒ह माम॑वंतु ॥
Samhita Devanagari Nonaccented
यासां राजा वरुणो याति मध्ये सत्यानृते अवपश्यंजनानां ।
मधुश्चुतः शुचयो याः पावकास्ता आपो देवीरिह मामवंतु ॥
Samhita Transcription Accented
yā́sām rā́jā váruṇo yā́ti mádhye satyānṛté avapáśyañjánānām ǀ
madhuścútaḥ śúcayo yā́ḥ pāvakā́stā́ ā́po devī́rihá mā́mavantu ǁ
Samhita Transcription Nonaccented
yāsām rājā varuṇo yāti madhye satyānṛte avapaśyañjanānām ǀ
madhuścutaḥ śucayo yāḥ pāvakāstā āpo devīriha māmavantu ǁ
Padapatha Devanagari Accented
यासा॑म् । राजा॑ । वरु॑णः । याति॑ । मध्ये॑ । स॒त्या॒नृ॒ते इति॑ । अ॒व॒ऽपश्य॑न् । जना॑नाम् ।
म॒धु॒ऽश्चुतः॑ । शुच॑यः । याः । पा॒व॒काः । ताः । आपः॑ । दे॒वीः । इ॒ह । माम् । अ॒व॒न्तु॒ ॥
Padapatha Devanagari Nonaccented
यासाम् । राजा । वरुणः । याति । मध्ये । सत्यानृते इति । अवऽपश्यन् । जनानाम् ।
मधुऽश्चुतः । शुचयः । याः । पावकाः । ताः । आपः । देवीः । इह । माम् । अवन्तु ॥
Padapatha Transcription Accented
yā́sām ǀ rā́jā ǀ váruṇaḥ ǀ yā́ti ǀ mádhye ǀ satyānṛté íti ǀ ava-páśyan ǀ jánānām ǀ
madhu-ścútaḥ ǀ śúcayaḥ ǀ yā́ḥ ǀ pāvakā́ḥ ǀ tā́ḥ ǀ ā́paḥ ǀ devī́ḥ ǀ ihá ǀ mā́m ǀ avantu ǁ
Padapatha Transcription Nonaccented
yāsām ǀ rājā ǀ varuṇaḥ ǀ yāti ǀ madhye ǀ satyānṛte iti ǀ ava-paśyan ǀ janānām ǀ
madhu-ścutaḥ ǀ śucayaḥ ǀ yāḥ ǀ pāvakāḥ ǀ tāḥ ǀ āpaḥ ǀ devīḥ ǀ iha ǀ mām ǀ avantu ǁ
07.049.04 (Mandala. Sukta. Rik)
5.4.16.04 (Ashtaka. Adhyaya. Varga. Rik)
07.03.122 (Mandala. Anuvāka. Rik)
Samhita Devanagari Accented
यासु॒ राजा॒ वरु॑णो॒ यासु॒ सोमो॒ विश्वे॑ दे॒वा यासूर्जं॒ मदं॑ति ।
वै॒श्वा॒न॒रो यास्व॒ग्निः प्रवि॑ष्ट॒स्ता आपो॑ दे॒वीरि॒ह माम॑वंतु ॥
Samhita Devanagari Nonaccented
यासु राजा वरुणो यासु सोमो विश्वे देवा यासूर्जं मदंति ।
वैश्वानरो यास्वग्निः प्रविष्टस्ता आपो देवीरिह मामवंतु ॥
Samhita Transcription Accented
yā́su rā́jā váruṇo yā́su sómo víśve devā́ yā́sū́rjam mádanti ǀ
vaiśvānaró yā́svagníḥ práviṣṭastā́ ā́po devī́rihá mā́mavantu ǁ
Samhita Transcription Nonaccented
yāsu rājā varuṇo yāsu somo viśve devā yāsūrjam madanti ǀ
vaiśvānaro yāsvagniḥ praviṣṭastā āpo devīriha māmavantu ǁ
Padapatha Devanagari Accented
यासु॑ । राजा॑ । वरु॑णः । यासु॑ । सोमः॑ । विश्वे॑ । दे॒वाः । यासु॑ । ऊर्ज॑म् । मद॑न्ति ।
वै॒श्वा॒न॒रः । यासु॑ । अ॒ग्निः । प्रऽवि॑ष्टः । ताः । आपः॑ । दे॒वीः । इ॒ह । माम् । अ॒व॒न्तु॒ ॥
Padapatha Devanagari Nonaccented
यासु । राजा । वरुणः । यासु । सोमः । विश्वे । देवाः । यासु । ऊर्जम् । मदन्ति ।
वैश्वानरः । यासु । अग्निः । प्रऽविष्टः । ताः । आपः । देवीः । इह । माम् । अवन्तु ॥
Padapatha Transcription Accented
yā́su ǀ rā́jā ǀ váruṇaḥ ǀ yā́su ǀ sómaḥ ǀ víśve ǀ devā́ḥ ǀ yā́su ǀ ū́rjam ǀ mádanti ǀ
vaiśvānaráḥ ǀ yā́su ǀ agníḥ ǀ prá-viṣṭaḥ ǀ tā́ḥ ǀ ā́paḥ ǀ devī́ḥ ǀ ihá ǀ mā́m ǀ avantu ǁ
Padapatha Transcription Nonaccented
yāsu ǀ rājā ǀ varuṇaḥ ǀ yāsu ǀ somaḥ ǀ viśve ǀ devāḥ ǀ yāsu ǀ ūrjam ǀ madanti ǀ
vaiśvānaraḥ ǀ yāsu ǀ agniḥ ǀ pra-viṣṭaḥ ǀ tāḥ ǀ āpaḥ ǀ devīḥ ǀ iha ǀ mām ǀ avantu ǁ