|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 51
|
1. Info |
| To: | ādityās | |
| From: | vasiṣṭha maitrāvaruṇi | |
| Metres: | 1st set of styles: triṣṭup (1, 2); nicṛttriṣṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.051.01 (Mandala. Sukta. Rik)
5.4.18.01 (Ashtaka. Adhyaya. Varga. Rik)
07.03.127 (Mandala. Anuvāka. Rik)
Samhita Devanagari Accented
आ॒दि॒त्याना॒मव॑सा॒ नूत॑नेन सक्षी॒महि॒ शर्म॑णा॒ शंत॑मेन ।
अ॒ना॒गा॒स्त्वे अ॑दिति॒त्वे तु॒रास॑ इ॒मं य॒ज्ञं द॑धतु॒ श्रोष॑माणाः ॥
Samhita Devanagari Nonaccented
आदित्यानामवसा नूतनेन सक्षीमहि शर्मणा शंतमेन ।
अनागास्त्वे अदितित्वे तुरास इमं यज्ञं दधतु श्रोषमाणाः ॥
Samhita Transcription Accented
ādityā́nāmávasā nū́tanena sakṣīmáhi śármaṇā śáṃtamena ǀ
anāgāstvé adititvé turā́sa imám yajñám dadhatu śróṣamāṇāḥ ǁ
Samhita Transcription Nonaccented
ādityānāmavasā nūtanena sakṣīmahi śarmaṇā śaṃtamena ǀ
anāgāstve adititve turāsa imam yajñam dadhatu śroṣamāṇāḥ ǁ
Padapatha Devanagari Accented
आ॒दि॒त्याना॑म् । अव॑सा । नूत॑नेन । स॒क्षी॒महि॑ । शर्म॑णा । शम्ऽत॑मेन ।
अ॒ना॒गाःऽत्वे । अ॒दि॒ति॒ऽत्वे । तु॒रासः॑ । इ॒मम् । य॒ज्ञम् । द॒ध॒तु॒ । श्रोष॑माणाः ॥
Padapatha Devanagari Nonaccented
आदित्यानाम् । अवसा । नूतनेन । सक्षीमहि । शर्मणा । शम्ऽतमेन ।
अनागाःऽत्वे । अदितिऽत्वे । तुरासः । इमम् । यज्ञम् । दधतु । श्रोषमाणाः ॥
Padapatha Transcription Accented
ādityā́nām ǀ ávasā ǀ nū́tanena ǀ sakṣīmáhi ǀ śármaṇā ǀ śám-tamena ǀ
anāgā́ḥ-tvé ǀ aditi-tvé ǀ turā́saḥ ǀ imám ǀ yajñám ǀ dadhatu ǀ śróṣamāṇāḥ ǁ
Padapatha Transcription Nonaccented
ādityānām ǀ avasā ǀ nūtanena ǀ sakṣīmahi ǀ śarmaṇā ǀ śam-tamena ǀ
anāgāḥ-tve ǀ aditi-tve ǀ turāsaḥ ǀ imam ǀ yajñam ǀ dadhatu ǀ śroṣamāṇāḥ ǁ
07.051.02 (Mandala. Sukta. Rik)
5.4.18.02 (Ashtaka. Adhyaya. Varga. Rik)
07.03.128 (Mandala. Anuvāka. Rik)
Samhita Devanagari Accented
आ॒दि॒त्यासो॒ अदि॑तिर्मादयंतां मि॒त्रो अ॑र्य॒मा वरु॑णो॒ रजि॑ष्ठाः ।
अ॒स्माकं॑ संतु॒ भुव॑नस्य गो॒पाः पिबं॑तु॒ सोम॒मव॑से नो अ॒द्य ॥
Samhita Devanagari Nonaccented
आदित्यासो अदितिर्मादयंतां मित्रो अर्यमा वरुणो रजिष्ठाः ।
अस्माकं संतु भुवनस्य गोपाः पिबंतु सोममवसे नो अद्य ॥
Samhita Transcription Accented
ādityā́so áditirmādayantām mitró aryamā́ váruṇo rájiṣṭhāḥ ǀ
asmā́kam santu bhúvanasya gopā́ḥ píbantu sómamávase no adyá ǁ
Samhita Transcription Nonaccented
ādityāso aditirmādayantām mitro aryamā varuṇo rajiṣṭhāḥ ǀ
asmākam santu bhuvanasya gopāḥ pibantu somamavase no adya ǁ
Padapatha Devanagari Accented
आ॒दि॒त्यासः॑ । अदि॑तिः । मा॒द॒य॒न्ता॒म् । मि॒त्रः । अ॒र्य॒मा । वरु॑णः । रजि॑ष्ठाः ।
अ॒स्माक॑म् । स॒न्तु॒ । भुव॑नस्य । गो॒पाः । पिब॑न्तु । सोम॑म् । अव॑से । नः॒ । अ॒द्य ॥
Padapatha Devanagari Nonaccented
आदित्यासः । अदितिः । मादयन्ताम् । मित्रः । अर्यमा । वरुणः । रजिष्ठाः ।
अस्माकम् । सन्तु । भुवनस्य । गोपाः । पिबन्तु । सोमम् । अवसे । नः । अद्य ॥
Padapatha Transcription Accented
ādityā́saḥ ǀ áditiḥ ǀ mādayantām ǀ mitráḥ ǀ aryamā́ ǀ váruṇaḥ ǀ rájiṣṭhāḥ ǀ
asmā́kam ǀ santu ǀ bhúvanasya ǀ gopā́ḥ ǀ píbantu ǀ sómam ǀ ávase ǀ naḥ ǀ adyá ǁ
Padapatha Transcription Nonaccented
ādityāsaḥ ǀ aditiḥ ǀ mādayantām ǀ mitraḥ ǀ aryamā ǀ varuṇaḥ ǀ rajiṣṭhāḥ ǀ
asmākam ǀ santu ǀ bhuvanasya ǀ gopāḥ ǀ pibantu ǀ somam ǀ avase ǀ naḥ ǀ adya ǁ
07.051.03 (Mandala. Sukta. Rik)
5.4.18.03 (Ashtaka. Adhyaya. Varga. Rik)
07.03.129 (Mandala. Anuvāka. Rik)
Samhita Devanagari Accented
आ॒दि॒त्या विश्वे॑ म॒रुत॑श्च॒ विश्वे॑ दे॒वाश्च॒ विश्व॑ ऋ॒भव॑श्च॒ विश्वे॑ ।
इंद्रो॑ अ॒ग्निर॒श्विना॑ तुष्टुवा॒ना यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
आदित्या विश्वे मरुतश्च विश्वे देवाश्च विश्व ऋभवश्च विश्वे ।
इंद्रो अग्निरश्विना तुष्टुवाना यूयं पात स्वस्तिभिः सदा नः ॥
Samhita Transcription Accented
ādityā́ víśve marútaśca víśve devā́śca víśva ṛbhávaśca víśve ǀ
índro agníraśvínā tuṣṭuvānā́ yūyám pāta svastíbhiḥ sádā naḥ ǁ
Samhita Transcription Nonaccented
ādityā viśve marutaśca viśve devāśca viśva ṛbhavaśca viśve ǀ
indro agniraśvinā tuṣṭuvānā yūyam pāta svastibhiḥ sadā naḥ ǁ
Padapatha Devanagari Accented
आ॒दि॒त्याः । विश्वे॑ । म॒रुतः॑ । च॒ । विश्वे॑ । दे॒वाः । च॒ । विश्वे॑ । ऋ॒भवः॑ । च॒ । विश्वे॑ ।
इन्द्रः॑ । अ॒ग्निः । अ॒श्विना॑ । तु॒स्तु॒वा॒नाः । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
आदित्याः । विश्वे । मरुतः । च । विश्वे । देवाः । च । विश्वे । ऋभवः । च । विश्वे ।
इन्द्रः । अग्निः । अश्विना । तुस्तुवानाः । यूयम् । पात । स्वस्तिऽभिः । सदा । नः ॥
Padapatha Transcription Accented
ādityā́ḥ ǀ víśve ǀ marútaḥ ǀ ca ǀ víśve ǀ devā́ḥ ǀ ca ǀ víśve ǀ ṛbhávaḥ ǀ ca ǀ víśve ǀ
índraḥ ǀ agníḥ ǀ aśvínā ǀ tustuvānā́ḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
ādityāḥ ǀ viśve ǀ marutaḥ ǀ ca ǀ viśve ǀ devāḥ ǀ ca ǀ viśve ǀ ṛbhavaḥ ǀ ca ǀ viśve ǀ
indraḥ ǀ agniḥ ǀ aśvinā ǀ tustuvānāḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ