|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 52
|
1. Info |
| To: | ādityās | |
| From: | vasiṣṭha maitrāvaruṇi | |
| Metres: | 1st set of styles: svarāṭpaṅkti (1, 3); nicṛttriṣṭup (2) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.052.01 (Mandala. Sukta. Rik)
5.4.19.01 (Ashtaka. Adhyaya. Varga. Rik)
07.03.130 (Mandala. Anuvāka. Rik)
Samhita Devanagari Accented
आ॒दि॒त्यासो॒ अदि॑तयः स्याम॒ पूर्दे॑व॒त्रा व॑सवो मर्त्य॒त्रा ।
सने॑म मित्रावरुणा॒ सनं॑तो॒ भवे॑म द्यावापृथिवी॒ भवं॑तः ॥
Samhita Devanagari Nonaccented
आदित्यासो अदितयः स्याम पूर्देवत्रा वसवो मर्त्यत्रा ।
सनेम मित्रावरुणा सनंतो भवेम द्यावापृथिवी भवंतः ॥
Samhita Transcription Accented
ādityā́so áditayaḥ syāma pū́rdevatrā́ vasavo martyatrā́ ǀ
sánema mitrāvaruṇā sánanto bhávema dyāvāpṛthivī bhávantaḥ ǁ
Samhita Transcription Nonaccented
ādityāso aditayaḥ syāma pūrdevatrā vasavo martyatrā ǀ
sanema mitrāvaruṇā sananto bhavema dyāvāpṛthivī bhavantaḥ ǁ
Padapatha Devanagari Accented
आ॒दि॒त्यासः॑ । अदि॑तयः । स्या॒म॒ । पूः । दे॒व॒ऽत्रा । व॒स॒वः॒ । म॒र्त्य॒ऽत्रा ।
सने॑म । मि॒त्रा॒व॒रु॒णा॒ । सन॑न्तः । भवे॑म । द्या॒वा॒पृ॒थि॒वी॒ इति॑ । भव॑न्तः ॥
Padapatha Devanagari Nonaccented
आदित्यासः । अदितयः । स्याम । पूः । देवऽत्रा । वसवः । मर्त्यऽत्रा ।
सनेम । मित्रावरुणा । सनन्तः । भवेम । द्यावापृथिवी इति । भवन्तः ॥
Padapatha Transcription Accented
ādityā́saḥ ǀ áditayaḥ ǀ syāma ǀ pū́ḥ ǀ deva-trā́ ǀ vasavaḥ ǀ martya-trā́ ǀ
sánema ǀ mitrāvaruṇā ǀ sánantaḥ ǀ bhávema ǀ dyāvāpṛthivī íti ǀ bhávantaḥ ǁ
Padapatha Transcription Nonaccented
ādityāsaḥ ǀ aditayaḥ ǀ syāma ǀ pūḥ ǀ deva-trā ǀ vasavaḥ ǀ martya-trā ǀ
sanema ǀ mitrāvaruṇā ǀ sanantaḥ ǀ bhavema ǀ dyāvāpṛthivī iti ǀ bhavantaḥ ǁ
07.052.02 (Mandala. Sukta. Rik)
5.4.19.02 (Ashtaka. Adhyaya. Varga. Rik)
07.03.131 (Mandala. Anuvāka. Rik)
Samhita Devanagari Accented
मि॒त्रस्तन्नो॒ वरु॑णो मामहंत॒ शर्म॑ तो॒काय॒ तन॑याय गो॒पाः ।
मा वो॑ भुजेमा॒न्यजा॑त॒मेनो॒ मा तत्क॑र्म वसवो॒ यच्चय॑ध्वे ॥
Samhita Devanagari Nonaccented
मित्रस्तन्नो वरुणो मामहंत शर्म तोकाय तनयाय गोपाः ।
मा वो भुजेमान्यजातमेनो मा तत्कर्म वसवो यच्चयध्वे ॥
Samhita Transcription Accented
mitrástánno váruṇo māmahanta śárma tokā́ya tánayāya gopā́ḥ ǀ
mā́ vo bhujemānyájātaméno mā́ tátkarma vasavo yáccáyadhve ǁ
Samhita Transcription Nonaccented
mitrastanno varuṇo māmahanta śarma tokāya tanayāya gopāḥ ǀ
mā vo bhujemānyajātameno mā tatkarma vasavo yaccayadhve ǁ
Padapatha Devanagari Accented
मि॒त्रः । तत् । नः॒ । वरु॑णः । म॒म॒ह॒न्त॒ । शर्म॑ । तो॒काय॑ । तन॑याय । गो॒पाः ।
मा । वः॒ । भु॒जे॒म॒ । अ॒न्यऽजा॑तम् । एनः॑ । मा । तत् । क॒र्म॒ । व॒स॒वः॒ । यत् । चय॑ध्वे ॥
Padapatha Devanagari Nonaccented
मित्रः । तत् । नः । वरुणः । ममहन्त । शर्म । तोकाय । तनयाय । गोपाः ।
मा । वः । भुजेम । अन्यऽजातम् । एनः । मा । तत् । कर्म । वसवः । यत् । चयध्वे ॥
Padapatha Transcription Accented
mitráḥ ǀ tát ǀ naḥ ǀ váruṇaḥ ǀ mamahanta ǀ śárma ǀ tokā́ya ǀ tánayāya ǀ gopā́ḥ ǀ
mā́ ǀ vaḥ ǀ bhujema ǀ anyá-jātam ǀ énaḥ ǀ mā́ ǀ tát ǀ karma ǀ vasavaḥ ǀ yát ǀ cáyadhve ǁ
Padapatha Transcription Nonaccented
mitraḥ ǀ tat ǀ naḥ ǀ varuṇaḥ ǀ mamahanta ǀ śarma ǀ tokāya ǀ tanayāya ǀ gopāḥ ǀ
mā ǀ vaḥ ǀ bhujema ǀ anya-jātam ǀ enaḥ ǀ mā ǀ tat ǀ karma ǀ vasavaḥ ǀ yat ǀ cayadhve ǁ
07.052.03 (Mandala. Sukta. Rik)
5.4.19.03 (Ashtaka. Adhyaya. Varga. Rik)
07.03.132 (Mandala. Anuvāka. Rik)
Samhita Devanagari Accented
तु॒र॒ण्यवोऽंगि॑रसो नक्षंत॒ रत्नं॑ दे॒वस्य॑ सवि॒तुरि॑या॒नाः ।
पि॒ता च॒ तन्नो॑ म॒हान्यज॑त्रो॒ विश्वे॑ दे॒वाः सम॑नसो जुषंत ॥
Samhita Devanagari Nonaccented
तुरण्यवोऽंगिरसो नक्षंत रत्नं देवस्य सवितुरियानाः ।
पिता च तन्नो महान्यजत्रो विश्वे देवाः समनसो जुषंत ॥
Samhita Transcription Accented
turaṇyávó’ṅgiraso nakṣanta rátnam devásya savitúriyānā́ḥ ǀ
pitā́ ca tánno mahā́nyájatro víśve devā́ḥ sámanaso juṣanta ǁ
Samhita Transcription Nonaccented
turaṇyavo’ṅgiraso nakṣanta ratnam devasya savituriyānāḥ ǀ
pitā ca tanno mahānyajatro viśve devāḥ samanaso juṣanta ǁ
Padapatha Devanagari Accented
तु॒र॒ण्यवः॑ । अङ्गि॑रसः । न॒क्ष॒न्त॒ । रत्न॑म् । दे॒वस्य॑ । स॒वि॒तुः । इ॒या॒नाः ।
पि॒ता । च॒ । तत् । नः॒ । म॒हान् । यज॑त्रः । विश्वे॑ । दे॒वाः । सऽम॑नसः । जु॒ष॒न्त॒ ॥
Padapatha Devanagari Nonaccented
तुरण्यवः । अङ्गिरसः । नक्षन्त । रत्नम् । देवस्य । सवितुः । इयानाः ।
पिता । च । तत् । नः । महान् । यजत्रः । विश्वे । देवाः । सऽमनसः । जुषन्त ॥
Padapatha Transcription Accented
turaṇyávaḥ ǀ áṅgirasaḥ ǀ nakṣanta ǀ rátnam ǀ devásya ǀ savitúḥ ǀ iyānā́ḥ ǀ
pitā́ ǀ ca ǀ tát ǀ naḥ ǀ mahā́n ǀ yájatraḥ ǀ víśve ǀ devā́ḥ ǀ sá-manasaḥ ǀ juṣanta ǁ
Padapatha Transcription Nonaccented
turaṇyavaḥ ǀ aṅgirasaḥ ǀ nakṣanta ǀ ratnam ǀ devasya ǀ savituḥ ǀ iyānāḥ ǀ
pitā ǀ ca ǀ tat ǀ naḥ ǀ mahān ǀ yajatraḥ ǀ viśve ǀ devāḥ ǀ sa-manasaḥ ǀ juṣanta ǁ