|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 54
|
1. Info |
| To: | vāstoṣpati | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (1, 3); virāṭtrisṭup (2) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.054.01 (Mandala. Sukta. Rik)
5.4.21.01 (Ashtaka. Adhyaya. Varga. Rik)
07.03.136 (Mandala. Anuvāka. Rik)
Samhita Devanagari Accented
वास्तो॑ष्पते॒ प्रति॑ जानीह्य॒स्मान्त्स्वा॑वे॒शो अ॑नमी॒वो भ॑वा नः ।
यत्त्वेम॑हे॒ प्रति॒ तन्नो॑ जुषस्व॒ शं नो॑ भव द्वि॒पदे॒ शं चतु॑ष्पदे ॥
Samhita Devanagari Nonaccented
वास्तोष्पते प्रति जानीह्यस्मान्त्स्वावेशो अनमीवो भवा नः ।
यत्त्वेमहे प्रति तन्नो जुषस्व शं नो भव द्विपदे शं चतुष्पदे ॥
Samhita Transcription Accented
vā́stoṣpate práti jānīhyasmā́ntsvāveśó anamīvó bhavā naḥ ǀ
yáttvémahe práti tánno juṣasva śám no bhava dvipáde śám cátuṣpade ǁ
Samhita Transcription Nonaccented
vāstoṣpate prati jānīhyasmāntsvāveśo anamīvo bhavā naḥ ǀ
yattvemahe prati tanno juṣasva śam no bhava dvipade śam catuṣpade ǁ
Padapatha Devanagari Accented
वास्तोः॑ । प॒ते॒ । प्रति॑ । जा॒नी॒हि॒ । अ॒स्मान् । सु॒ऽआ॒वे॒शः । अ॒न॒मी॒वः । भ॒व॒ । नः॒ ।
यत् । त्वा॒ । ईम॑हे । प्रति॑ । तत् । नः॒ । जु॒ष॒स्व॒ । शम् । नः॒ । भ॒व॒ । द्वि॒ऽपदे॑ । शम् । चतुः॑ऽपदे ॥
Padapatha Devanagari Nonaccented
वास्तोः । पते । प्रति । जानीहि । अस्मान् । सुऽआवेशः । अनमीवः । भव । नः ।
यत् । त्वा । ईमहे । प्रति । तत् । नः । जुषस्व । शम् । नः । भव । द्विऽपदे । शम् । चतुःऽपदे ॥
Padapatha Transcription Accented
vā́stoḥ ǀ pate ǀ práti ǀ jānīhi ǀ asmā́n ǀ su-āveśáḥ ǀ anamīváḥ ǀ bhava ǀ naḥ ǀ
yát ǀ tvā ǀ ī́mahe ǀ práti ǀ tát ǀ naḥ ǀ juṣasva ǀ śám ǀ naḥ ǀ bhava ǀ dvi-páde ǀ śám ǀ cátuḥ-pade ǁ
Padapatha Transcription Nonaccented
vāstoḥ ǀ pate ǀ prati ǀ jānīhi ǀ asmān ǀ su-āveśaḥ ǀ anamīvaḥ ǀ bhava ǀ naḥ ǀ
yat ǀ tvā ǀ īmahe ǀ prati ǀ tat ǀ naḥ ǀ juṣasva ǀ śam ǀ naḥ ǀ bhava ǀ dvi-pade ǀ śam ǀ catuḥ-pade ǁ
07.054.02 (Mandala. Sukta. Rik)
5.4.21.02 (Ashtaka. Adhyaya. Varga. Rik)
07.03.137 (Mandala. Anuvāka. Rik)
Samhita Devanagari Accented
वास्तो॑ष्पते प्र॒तर॑णो न एधि गय॒स्फानो॒ गोभि॒रश्वे॑भिरिंदो ।
अ॒जरा॑सस्ते स॒ख्ये स्या॑म पि॒तेव॑ पु॒त्रान्प्रति॑ नो जुषस्व ॥
Samhita Devanagari Nonaccented
वास्तोष्पते प्रतरणो न एधि गयस्फानो गोभिरश्वेभिरिंदो ।
अजरासस्ते सख्ये स्याम पितेव पुत्रान्प्रति नो जुषस्व ॥
Samhita Transcription Accented
vā́stoṣpate pratáraṇo na edhi gayasphā́no góbhiráśvebhirindo ǀ
ajárāsaste sakhyé syāma pitéva putrā́npráti no juṣasva ǁ
Samhita Transcription Nonaccented
vāstoṣpate prataraṇo na edhi gayasphāno gobhiraśvebhirindo ǀ
ajarāsaste sakhye syāma piteva putrānprati no juṣasva ǁ
Padapatha Devanagari Accented
वास्तोः॑ । प॒ते॒ । प्र॒ऽतर॑णः । नः॒ । ए॒धि॒ । ग॒य॒ऽस्फानः॑ । गोभिः॑ । अश्वे॑भिः । इ॒न्दो॒ इति॑ ।
अ॒जरा॑सः । ते॒ । स॒ख्ये । स्या॒म॒ । पि॒ताऽइ॑व । पु॒त्रान् । प्रति॑ । नः॒ । जु॒ष॒स्व॒ ॥
Padapatha Devanagari Nonaccented
वास्तोः । पते । प्रऽतरणः । नः । एधि । गयऽस्फानः । गोभिः । अश्वेभिः । इन्दो इति ।
अजरासः । ते । सख्ये । स्याम । पिताऽइव । पुत्रान् । प्रति । नः । जुषस्व ॥
Padapatha Transcription Accented
vā́stoḥ ǀ pate ǀ pra-táraṇaḥ ǀ naḥ ǀ edhi ǀ gaya-sphā́naḥ ǀ góbhiḥ ǀ áśvebhiḥ ǀ indo íti ǀ
ajárāsaḥ ǀ te ǀ sakhyé ǀ syāma ǀ pitā́-iva ǀ putrā́n ǀ práti ǀ naḥ ǀ juṣasva ǁ
Padapatha Transcription Nonaccented
vāstoḥ ǀ pate ǀ pra-taraṇaḥ ǀ naḥ ǀ edhi ǀ gaya-sphānaḥ ǀ gobhiḥ ǀ aśvebhiḥ ǀ indo iti ǀ
ajarāsaḥ ǀ te ǀ sakhye ǀ syāma ǀ pitā-iva ǀ putrān ǀ prati ǀ naḥ ǀ juṣasva ǁ
07.054.03 (Mandala. Sukta. Rik)
5.4.21.03 (Ashtaka. Adhyaya. Varga. Rik)
07.03.138 (Mandala. Anuvāka. Rik)
Samhita Devanagari Accented
वास्तो॑ष्पते श॒ग्मया॑ सं॒सदा॑ ते सक्षी॒महि॑ र॒ण्वया॑ गातु॒मत्या॑ ।
पा॒हि क्षेम॑ उ॒त योगे॒ वरं॑ नो यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
वास्तोष्पते शग्मया संसदा ते सक्षीमहि रण्वया गातुमत्या ।
पाहि क्षेम उत योगे वरं नो यूयं पात स्वस्तिभिः सदा नः ॥
Samhita Transcription Accented
vā́stoṣpate śagmáyā saṃsádā te sakṣīmáhi raṇváyā gātumátyā ǀ
pāhí kṣéma utá yóge váram no yūyám pāta svastíbhiḥ sádā naḥ ǁ
Samhita Transcription Nonaccented
vāstoṣpate śagmayā saṃsadā te sakṣīmahi raṇvayā gātumatyā ǀ
pāhi kṣema uta yoge varam no yūyam pāta svastibhiḥ sadā naḥ ǁ
Padapatha Devanagari Accented
वास्तोः॑ । प॒ते॒ । श॒ग्मया॑ । स॒म्ऽसदा॑ । ते॒ । स॒क्षी॒महि॑ । र॒ण्वया॑ । गा॒तु॒ऽमत्या॑ ।
पा॒हि । क्षेमे॑ । उ॒त । योगे॑ । वर॑म् । नः॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
वास्तोः । पते । शग्मया । सम्ऽसदा । ते । सक्षीमहि । रण्वया । गातुऽमत्या ।
पाहि । क्षेमे । उत । योगे । वरम् । नः । यूयम् । पात । स्वस्तिऽभिः । सदा । नः ॥
Padapatha Transcription Accented
vā́stoḥ ǀ pate ǀ śagmáyā ǀ sam-sádā ǀ te ǀ sakṣīmáhi ǀ raṇváyā ǀ gātu-mátyā ǀ
pāhí ǀ kṣéme ǀ utá ǀ yóge ǀ váram ǀ naḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
vāstoḥ ǀ pate ǀ śagmayā ǀ sam-sadā ǀ te ǀ sakṣīmahi ǀ raṇvayā ǀ gātu-matyā ǀ
pāhi ǀ kṣeme ǀ uta ǀ yoge ǀ varam ǀ naḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ