|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 57
|
1. Info |
| To: | maruts | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (3, 5-7); triṣṭup (2, 4); virāṭtrisṭup (1) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.057.01 (Mandala. Sukta. Rik)
5.4.27.01 (Ashtaka. Adhyaya. Varga. Rik)
07.04.026 (Mandala. Anuvāka. Rik)
Samhita Devanagari Accented
मध्वो॑ वो॒ नाम॒ मारु॑तं यजत्राः॒ प्र य॒ज्ञेषु॒ शव॑सा मदंति ।
ये रे॒जयं॑ति॒ रोद॑सी चिदु॒र्वी पिन्वं॒त्युत्सं॒ यदया॑सुरु॒ग्राः ॥
Samhita Devanagari Nonaccented
मध्वो वो नाम मारुतं यजत्राः प्र यज्ञेषु शवसा मदंति ।
ये रेजयंति रोदसी चिदुर्वी पिन्वंत्युत्सं यदयासुरुग्राः ॥
Samhita Transcription Accented
mádhvo vo nā́ma mā́rutam yajatrāḥ prá yajñéṣu śávasā madanti ǀ
yé rejáyanti ródasī cidurvī́ pínvantyútsam yádáyāsurugrā́ḥ ǁ
Samhita Transcription Nonaccented
madhvo vo nāma mārutam yajatrāḥ pra yajñeṣu śavasā madanti ǀ
ye rejayanti rodasī cidurvī pinvantyutsam yadayāsurugrāḥ ǁ
Padapatha Devanagari Accented
मध्वः॑ । वः॒ । नाम॑ । मारु॑तम् । य॒ज॒त्राः॒ । प्र । य॒ज्ञेषु॑ । शव॑सा । म॒द॒न्ति॒ ।
ये । रे॒जय॑न्ति । रोद॑सी॒ इति॑ । चि॒त् । उ॒र्वी इति॑ । पिन्व॑न्ति । उत्स॑म् । यत् । अया॑सुः । उ॒ग्राः ॥
Padapatha Devanagari Nonaccented
मध्वः । वः । नाम । मारुतम् । यजत्राः । प्र । यज्ञेषु । शवसा । मदन्ति ।
ये । रेजयन्ति । रोदसी इति । चित् । उर्वी इति । पिन्वन्ति । उत्सम् । यत् । अयासुः । उग्राः ॥
Padapatha Transcription Accented
mádhvaḥ ǀ vaḥ ǀ nā́ma ǀ mā́rutam ǀ yajatrāḥ ǀ prá ǀ yajñéṣu ǀ śávasā ǀ madanti ǀ
yé ǀ rejáyanti ǀ ródasī íti ǀ cit ǀ urvī́ íti ǀ pínvanti ǀ útsam ǀ yát ǀ áyāsuḥ ǀ ugrā́ḥ ǁ
Padapatha Transcription Nonaccented
madhvaḥ ǀ vaḥ ǀ nāma ǀ mārutam ǀ yajatrāḥ ǀ pra ǀ yajñeṣu ǀ śavasā ǀ madanti ǀ
ye ǀ rejayanti ǀ rodasī iti ǀ cit ǀ urvī iti ǀ pinvanti ǀ utsam ǀ yat ǀ ayāsuḥ ǀ ugrāḥ ǁ
07.057.02 (Mandala. Sukta. Rik)
5.4.27.02 (Ashtaka. Adhyaya. Varga. Rik)
07.04.027 (Mandala. Anuvāka. Rik)
Samhita Devanagari Accented
नि॒चे॒तारो॒ हि म॒रुतो॑ गृ॒णंतं॑ प्रणे॒तारो॒ यज॑मानस्य॒ मन्म॑ ।
अ॒स्माक॑म॒द्य वि॒दथे॑षु ब॒र्हिरा वी॒तये॑ सदत पिप्रिया॒णाः ॥
Samhita Devanagari Nonaccented
निचेतारो हि मरुतो गृणंतं प्रणेतारो यजमानस्य मन्म ।
अस्माकमद्य विदथेषु बर्हिरा वीतये सदत पिप्रियाणाः ॥
Samhita Transcription Accented
nicetā́ro hí marúto gṛṇántam praṇetā́ro yájamānasya mánma ǀ
asmā́kamadyá vidátheṣu barhírā́ vītáye sadata pipriyāṇā́ḥ ǁ
Samhita Transcription Nonaccented
nicetāro hi maruto gṛṇantam praṇetāro yajamānasya manma ǀ
asmākamadya vidatheṣu barhirā vītaye sadata pipriyāṇāḥ ǁ
Padapatha Devanagari Accented
नि॒ऽचे॒तारः॑ । हि । म॒रुतः॑ । गृ॒णन्त॑म् । प्र॒ऽने॒तारः॑ । यज॑मानस्य । मन्म॑ ।
अ॒स्माक॑म् । अ॒द्य । वि॒दथे॑षु । ब॒र्हिः । आ । वी॒तये॑ । स॒द॒त॒ । पि॒प्रि॒या॒णाः ॥
Padapatha Devanagari Nonaccented
निऽचेतारः । हि । मरुतः । गृणन्तम् । प्रऽनेतारः । यजमानस्य । मन्म ।
अस्माकम् । अद्य । विदथेषु । बर्हिः । आ । वीतये । सदत । पिप्रियाणाः ॥
Padapatha Transcription Accented
ni-cetā́raḥ ǀ hí ǀ marútaḥ ǀ gṛṇántam ǀ pra-netā́raḥ ǀ yájamānasya ǀ mánma ǀ
asmā́kam ǀ adyá ǀ vidátheṣu ǀ barhíḥ ǀ ā́ ǀ vītáye ǀ sadata ǀ pipriyāṇā́ḥ ǁ
Padapatha Transcription Nonaccented
ni-cetāraḥ ǀ hi ǀ marutaḥ ǀ gṛṇantam ǀ pra-netāraḥ ǀ yajamānasya ǀ manma ǀ
asmākam ǀ adya ǀ vidatheṣu ǀ barhiḥ ǀ ā ǀ vītaye ǀ sadata ǀ pipriyāṇāḥ ǁ
07.057.03 (Mandala. Sukta. Rik)
5.4.27.03 (Ashtaka. Adhyaya. Varga. Rik)
07.04.028 (Mandala. Anuvāka. Rik)
Samhita Devanagari Accented
नैताव॑द॒न्ये म॒रुतो॒ यथे॒मे भ्राजं॑ते रु॒क्मैरायु॑धैस्त॒नूभिः॑ ।
आ रोद॑सी विश्व॒पिशः॑ पिशा॒नाः स॑मा॒नमं॒ज्यं॑जते शु॒भे कं ॥
Samhita Devanagari Nonaccented
नैतावदन्ये मरुतो यथेमे भ्राजंते रुक्मैरायुधैस्तनूभिः ।
आ रोदसी विश्वपिशः पिशानाः समानमंज्यंजते शुभे कं ॥
Samhita Transcription Accented
náitā́vadanyé marúto yáthemé bhrā́jante rukmáirā́yudhaistanū́bhiḥ ǀ
ā́ ródasī viśvapíśaḥ piśānā́ḥ samānámañjyáñjate śubhé kám ǁ
Samhita Transcription Nonaccented
naitāvadanye maruto yatheme bhrājante rukmairāyudhaistanūbhiḥ ǀ
ā rodasī viśvapiśaḥ piśānāḥ samānamañjyañjate śubhe kam ǁ
Padapatha Devanagari Accented
न । ए॒ताव॑त् । अ॒न्ये । म॒रुतः॑ । यथा॑ । इ॒मे । भ्राज॑न्ते । रु॒क्मैः । आयु॑धैः । त॒नूभिः॑ ।
आ । रोद॑सी॒ इति॑ । वि॒श्व॒ऽपिशः॑ । पि॒शा॒नाः । स॒मा॒नम् । अ॒ञ्जि । अ॒ञ्ज॒ते॒ । शु॒भे । कम् ॥
Padapatha Devanagari Nonaccented
न । एतावत् । अन्ये । मरुतः । यथा । इमे । भ्राजन्ते । रुक्मैः । आयुधैः । तनूभिः ।
आ । रोदसी इति । विश्वऽपिशः । पिशानाः । समानम् । अञ्जि । अञ्जते । शुभे । कम् ॥
Padapatha Transcription Accented
ná ǀ etā́vat ǀ anyé ǀ marútaḥ ǀ yáthā ǀ imé ǀ bhrā́jante ǀ rukmáiḥ ǀ ā́yudhaiḥ ǀ tanū́bhiḥ ǀ
ā́ ǀ ródasī íti ǀ viśva-píśaḥ ǀ piśānā́ḥ ǀ samānám ǀ añjí ǀ añjate ǀ śubhé ǀ kám ǁ
Padapatha Transcription Nonaccented
na ǀ etāvat ǀ anye ǀ marutaḥ ǀ yathā ǀ ime ǀ bhrājante ǀ rukmaiḥ ǀ āyudhaiḥ ǀ tanūbhiḥ ǀ
ā ǀ rodasī iti ǀ viśva-piśaḥ ǀ piśānāḥ ǀ samānam ǀ añji ǀ añjate ǀ śubhe ǀ kam ǁ
07.057.04 (Mandala. Sukta. Rik)
5.4.27.04 (Ashtaka. Adhyaya. Varga. Rik)
07.04.029 (Mandala. Anuvāka. Rik)
Samhita Devanagari Accented
ऋध॒क्सा वो॑ मरुतो दि॒द्युद॑स्तु॒ यद्व॒ आगः॑ पुरु॒षता॒ करा॑म ।
मा व॒स्तस्या॒मपि॑ भूमा यजत्रा अ॒स्मे वो॑ अस्तु सुम॒तिश्चनि॑ष्ठा ॥
Samhita Devanagari Nonaccented
ऋधक्सा वो मरुतो दिद्युदस्तु यद्व आगः पुरुषता कराम ।
मा वस्तस्यामपि भूमा यजत्रा अस्मे वो अस्तु सुमतिश्चनिष्ठा ॥
Samhita Transcription Accented
ṛ́dhaksā́ vo maruto didyúdastu yádva ā́gaḥ puruṣátā kárāma ǀ
mā́ vastásyāmápi bhūmā yajatrā asmé vo astu sumatíścániṣṭhā ǁ
Samhita Transcription Nonaccented
ṛdhaksā vo maruto didyudastu yadva āgaḥ puruṣatā karāma ǀ
mā vastasyāmapi bhūmā yajatrā asme vo astu sumatiścaniṣṭhā ǁ
Padapatha Devanagari Accented
ऋध॑क् । सा । वः॒ । म॒रु॒तः॒ । दि॒द्युत् । अ॒स्तु॒ । यत् । वः॒ । आगः॑ । पु॒रु॒षता॑ । करा॑म ।
मा । वः॒ । तस्या॑म् । अपि॑ । भू॒म॒ । य॒ज॒त्राः॒ । अ॒स्मे इति॑ । वः॒ । अ॒स्तु॒ । सु॒ऽम॒तिः । चनि॑ष्ठा ॥
Padapatha Devanagari Nonaccented
ऋधक् । सा । वः । मरुतः । दिद्युत् । अस्तु । यत् । वः । आगः । पुरुषता । कराम ।
मा । वः । तस्याम् । अपि । भूम । यजत्राः । अस्मे इति । वः । अस्तु । सुऽमतिः । चनिष्ठा ॥
Padapatha Transcription Accented
ṛ́dhak ǀ sā́ ǀ vaḥ ǀ marutaḥ ǀ didyút ǀ astu ǀ yát ǀ vaḥ ǀ ā́gaḥ ǀ puruṣátā ǀ kárāma ǀ
mā́ ǀ vaḥ ǀ tásyām ǀ ápi ǀ bhūma ǀ yajatrāḥ ǀ asmé íti ǀ vaḥ ǀ astu ǀ su-matíḥ ǀ cániṣṭhā ǁ
Padapatha Transcription Nonaccented
ṛdhak ǀ sā ǀ vaḥ ǀ marutaḥ ǀ didyut ǀ astu ǀ yat ǀ vaḥ ǀ āgaḥ ǀ puruṣatā ǀ karāma ǀ
mā ǀ vaḥ ǀ tasyām ǀ api ǀ bhūma ǀ yajatrāḥ ǀ asme iti ǀ vaḥ ǀ astu ǀ su-matiḥ ǀ caniṣṭhā ǁ
07.057.05 (Mandala. Sukta. Rik)
5.4.27.05 (Ashtaka. Adhyaya. Varga. Rik)
07.04.030 (Mandala. Anuvāka. Rik)
Samhita Devanagari Accented
कृ॒ते चि॒दत्र॑ म॒रुतो॑ रणंतानव॒द्यासः॒ शुच॑यः पाव॒काः ।
प्र णो॑ऽवत सुम॒तिभि॑र्यजत्राः॒ प्र वाजे॑भिस्तिरत पु॒ष्यसे॑ नः ॥
Samhita Devanagari Nonaccented
कृते चिदत्र मरुतो रणंतानवद्यासः शुचयः पावकाः ।
प्र णोऽवत सुमतिभिर्यजत्राः प्र वाजेभिस्तिरत पुष्यसे नः ॥
Samhita Transcription Accented
kṛté cidátra marúto raṇantānavadyā́saḥ śúcayaḥ pāvakā́ḥ ǀ
prá ṇo’vata sumatíbhiryajatrāḥ prá vā́jebhistirata puṣyáse naḥ ǁ
Samhita Transcription Nonaccented
kṛte cidatra maruto raṇantānavadyāsaḥ śucayaḥ pāvakāḥ ǀ
pra ṇo’vata sumatibhiryajatrāḥ pra vājebhistirata puṣyase naḥ ǁ
Padapatha Devanagari Accented
कृ॒ते । चि॒त् । अत्र॑ । म॒रुतः॑ । र॒ण॒न्त॒ । अ॒न॒व॒द्यासः॑ । शुच॑यः । पा॒व॒काः ।
प्र । नः॒ । अ॒व॒त॒ । सु॒म॒तिऽभिः॑ । य॒ज॒त्राः॒ । प्र । वाजे॑भिः । ति॒र॒त॒ । पु॒ष्यसे॑ । नः॒ ॥
Padapatha Devanagari Nonaccented
कृते । चित् । अत्र । मरुतः । रणन्त । अनवद्यासः । शुचयः । पावकाः ।
प्र । नः । अवत । सुमतिऽभिः । यजत्राः । प्र । वाजेभिः । तिरत । पुष्यसे । नः ॥
Padapatha Transcription Accented
kṛté ǀ cit ǀ átra ǀ marútaḥ ǀ raṇanta ǀ anavadyā́saḥ ǀ śúcayaḥ ǀ pāvakā́ḥ ǀ
prá ǀ naḥ ǀ avata ǀ sumatí-bhiḥ ǀ yajatrāḥ ǀ prá ǀ vā́jebhiḥ ǀ tirata ǀ puṣyáse ǀ naḥ ǁ
Padapatha Transcription Nonaccented
kṛte ǀ cit ǀ atra ǀ marutaḥ ǀ raṇanta ǀ anavadyāsaḥ ǀ śucayaḥ ǀ pāvakāḥ ǀ
pra ǀ naḥ ǀ avata ǀ sumati-bhiḥ ǀ yajatrāḥ ǀ pra ǀ vājebhiḥ ǀ tirata ǀ puṣyase ǀ naḥ ǁ
07.057.06 (Mandala. Sukta. Rik)
5.4.27.06 (Ashtaka. Adhyaya. Varga. Rik)
07.04.031 (Mandala. Anuvāka. Rik)
Samhita Devanagari Accented
उ॒त स्तु॒तासो॑ म॒रुतो॑ व्यंतु॒ विश्वे॑भि॒र्नाम॑भि॒र्नरो॑ ह॒वींषि॑ ।
ददा॑त नो अ॒मृत॑स्य प्र॒जायै॑ जिगृ॒त रा॒यः सू॒नृता॑ म॒घानि॑ ॥
Samhita Devanagari Nonaccented
उत स्तुतासो मरुतो व्यंतु विश्वेभिर्नामभिर्नरो हवींषि ।
ददात नो अमृतस्य प्रजायै जिगृत रायः सूनृता मघानि ॥
Samhita Transcription Accented
utá stutā́so marúto vyantu víśvebhirnā́mabhirnáro havī́ṃṣi ǀ
dádāta no amṛ́tasya prajā́yai jigṛtá rāyáḥ sūnṛ́tā maghā́ni ǁ
Samhita Transcription Nonaccented
uta stutāso maruto vyantu viśvebhirnāmabhirnaro havīṃṣi ǀ
dadāta no amṛtasya prajāyai jigṛta rāyaḥ sūnṛtā maghāni ǁ
Padapatha Devanagari Accented
उ॒त । स्तु॒तासः॑ । म॒रुतः॑ । व्य॒न्तु॒ । विश्वे॑भिः । नाम॑ऽभिः । नरः॑ । ह॒वींषि॑ ।
ददा॑त । नः॒ । अ॒मृत॑स्य । प्र॒ऽजायै॑ । जि॒गृ॒त । रा॒यः । सू॒नृता॑ । म॒घानि॑ ॥
Padapatha Devanagari Nonaccented
उत । स्तुतासः । मरुतः । व्यन्तु । विश्वेभिः । नामऽभिः । नरः । हवींषि ।
ददात । नः । अमृतस्य । प्रऽजायै । जिगृत । रायः । सूनृता । मघानि ॥
Padapatha Transcription Accented
utá ǀ stutā́saḥ ǀ marútaḥ ǀ vyantu ǀ víśvebhiḥ ǀ nā́ma-bhiḥ ǀ náraḥ ǀ havī́ṃṣi ǀ
dádāta ǀ naḥ ǀ amṛ́tasya ǀ pra-jā́yai ǀ jigṛtá ǀ rāyáḥ ǀ sūnṛ́tā ǀ maghā́ni ǁ
Padapatha Transcription Nonaccented
uta ǀ stutāsaḥ ǀ marutaḥ ǀ vyantu ǀ viśvebhiḥ ǀ nāma-bhiḥ ǀ naraḥ ǀ havīṃṣi ǀ
dadāta ǀ naḥ ǀ amṛtasya ǀ pra-jāyai ǀ jigṛta ǀ rāyaḥ ǀ sūnṛtā ǀ maghāni ǁ
07.057.07 (Mandala. Sukta. Rik)
5.4.27.07 (Ashtaka. Adhyaya. Varga. Rik)
07.04.032 (Mandala. Anuvāka. Rik)
Samhita Devanagari Accented
आ स्तु॒तासो॑ मरुतो॒ विश्व॑ ऊ॒ती अच्छा॑ सू॒रीन्त्स॒र्वता॑ता जिगात ।
ये न॒स्त्मना॑ श॒तिनो॑ व॒र्धयं॑ति यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
आ स्तुतासो मरुतो विश्व ऊती अच्छा सूरीन्त्सर्वताता जिगात ।
ये नस्त्मना शतिनो वर्धयंति यूयं पात स्वस्तिभिः सदा नः ॥
Samhita Transcription Accented
ā́ stutā́so maruto víśva ūtī́ ácchā sūrī́ntsarvátātā jigāta ǀ
yé nastmánā śatíno vardháyanti yūyám pāta svastíbhiḥ sádā naḥ ǁ
Samhita Transcription Nonaccented
ā stutāso maruto viśva ūtī acchā sūrīntsarvatātā jigāta ǀ
ye nastmanā śatino vardhayanti yūyam pāta svastibhiḥ sadā naḥ ǁ
Padapatha Devanagari Accented
आ । स्तु॒तासः॑ । म॒रु॒तः॒ । विश्वे॑ । ऊ॒ती । अच्छ॑ । सू॒रीन् । स॒र्वऽता॑ता । जि॒गा॒त॒ ।
ये । नः॒ । त्मना॑ । श॒तिनः॑ । व॒र्धय॑न्ति । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
आ । स्तुतासः । मरुतः । विश्वे । ऊती । अच्छ । सूरीन् । सर्वऽताता । जिगात ।
ये । नः । त्मना । शतिनः । वर्धयन्ति । यूयम् । पात । स्वस्तिऽभिः । सदा । नः ॥
Padapatha Transcription Accented
ā́ ǀ stutā́saḥ ǀ marutaḥ ǀ víśve ǀ ūtī́ ǀ áccha ǀ sūrī́n ǀ sarvá-tātā ǀ jigāta ǀ
yé ǀ naḥ ǀ tmánā ǀ śatínaḥ ǀ vardháyanti ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
ā ǀ stutāsaḥ ǀ marutaḥ ǀ viśve ǀ ūtī ǀ accha ǀ sūrīn ǀ sarva-tātā ǀ jigāta ǀ
ye ǀ naḥ ǀ tmanā ǀ śatinaḥ ǀ vardhayanti ǀ yūyam ǀ pāta ǀ svasti-bhiḥ ǀ sadā ǀ naḥ ǁ