|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 59
|
1. Info |
| To: | 1-11: maruts; 12: rudra |
|
| From: | vasiṣṭha maitrāvaruṇi | |
| Metres: | 1st set of styles: anuṣṭup (5, 12); gāyatrī (9, 10); nicṛdbṛhatī (1); paṅktiḥ (2); bṛhatī (3); nicṛtpaṅkti (4); svarāḍbṛhatī (6); nicṛttriṣṭup (7); triṣṭup (8); nicṛdgāyatrī (11) 2nd set of styles: bṛhatī (1, 3, 5); satobṛhatī (2, 4, 6); gāyatrī (9-11); triṣṭubh (7, 8); anuṣṭubh (12) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.059.01 (Mandala. Sukta. Rik)
5.4.29.01 (Ashtaka. Adhyaya. Varga. Rik)
07.04.039 (Mandala. Anuvāka. Rik)
Samhita Devanagari Accented
यं त्राय॑ध्व इ॒दमि॑दं॒ देवा॑सो॒ यं च॒ नय॑थ ।
तस्मा॑ अग्ने॒ वरु॑ण॒ मित्रार्य॑म॒न्मरु॑तः॒ शर्म॑ यच्छत ॥
Samhita Devanagari Nonaccented
यं त्रायध्व इदमिदं देवासो यं च नयथ ।
तस्मा अग्ने वरुण मित्रार्यमन्मरुतः शर्म यच्छत ॥
Samhita Transcription Accented
yám trā́yadhva idámidam dévāso yám ca náyatha ǀ
tásmā agne váruṇa mítrā́ryamanmárutaḥ śárma yacchata ǁ
Samhita Transcription Nonaccented
yam trāyadhva idamidam devāso yam ca nayatha ǀ
tasmā agne varuṇa mitrāryamanmarutaḥ śarma yacchata ǁ
Padapatha Devanagari Accented
यम् । त्राय॑ध्वे । इ॒दम्ऽइ॑दम् । देवा॑सः । यम् । च॒ । नय॑थ ।
तस्मै॑ । अ॒ग्ने॒ । वरु॑ण । मित्र॑ । अर्य॑मन् । मरु॑तः । शर्म॑ । य॒च्छ॒त॒ ॥
Padapatha Devanagari Nonaccented
यम् । त्रायध्वे । इदम्ऽइदम् । देवासः । यम् । च । नयथ ।
तस्मै । अग्ने । वरुण । मित्र । अर्यमन् । मरुतः । शर्म । यच्छत ॥
Padapatha Transcription Accented
yám ǀ trā́yadhve ǀ idám-idam ǀ dévāsaḥ ǀ yám ǀ ca ǀ náyatha ǀ
tásmai ǀ agne ǀ váruṇa ǀ mítra ǀ áryaman ǀ márutaḥ ǀ śárma ǀ yacchata ǁ
Padapatha Transcription Nonaccented
yam ǀ trāyadhve ǀ idam-idam ǀ devāsaḥ ǀ yam ǀ ca ǀ nayatha ǀ
tasmai ǀ agne ǀ varuṇa ǀ mitra ǀ aryaman ǀ marutaḥ ǀ śarma ǀ yacchata ǁ
07.059.02 (Mandala. Sukta. Rik)
5.4.29.02 (Ashtaka. Adhyaya. Varga. Rik)
07.04.040 (Mandala. Anuvāka. Rik)
Samhita Devanagari Accented
यु॒ष्माकं॑ देवा॒ अव॒साह॑नि प्रि॒य ई॑जा॒नस्त॑रति॒ द्विषः॑ ।
प्र स क्षयं॑ तिरते॒ वि म॒हीरिषो॒ यो वो॒ वरा॑य॒ दाश॑ति ॥
Samhita Devanagari Nonaccented
युष्माकं देवा अवसाहनि प्रिय ईजानस्तरति द्विषः ।
प्र स क्षयं तिरते वि महीरिषो यो वो वराय दाशति ॥
Samhita Transcription Accented
yuṣmā́kam devā ávasā́hani priyá ījānástarati dvíṣaḥ ǀ
prá sá kṣáyam tirate ví mahī́ríṣo yó vo várāya dā́śati ǁ
Samhita Transcription Nonaccented
yuṣmākam devā avasāhani priya ījānastarati dviṣaḥ ǀ
pra sa kṣayam tirate vi mahīriṣo yo vo varāya dāśati ǁ
Padapatha Devanagari Accented
यु॒ष्माक॑म् । दे॒वाः॒ । अव॑सा । अह॑नि । प्रि॒ये । ई॒जा॒नः । त॒र॒ति॒ । द्विषः॑ ।
प्र । सः । क्षय॑म् । ति॒र॒ते॒ । वि । म॒हीः । इषः॑ । यः । वः॒ । वरा॑य । दाश॑ति ॥
Padapatha Devanagari Nonaccented
युष्माकम् । देवाः । अवसा । अहनि । प्रिये । ईजानः । तरति । द्विषः ।
प्र । सः । क्षयम् । तिरते । वि । महीः । इषः । यः । वः । वराय । दाशति ॥
Padapatha Transcription Accented
yuṣmā́kam ǀ devāḥ ǀ ávasā ǀ áhani ǀ priyé ǀ ījānáḥ ǀ tarati ǀ dvíṣaḥ ǀ
prá ǀ sáḥ ǀ kṣáyam ǀ tirate ǀ ví ǀ mahī́ḥ ǀ íṣaḥ ǀ yáḥ ǀ vaḥ ǀ várāya ǀ dā́śati ǁ
Padapatha Transcription Nonaccented
yuṣmākam ǀ devāḥ ǀ avasā ǀ ahani ǀ priye ǀ ījānaḥ ǀ tarati ǀ dviṣaḥ ǀ
pra ǀ saḥ ǀ kṣayam ǀ tirate ǀ vi ǀ mahīḥ ǀ iṣaḥ ǀ yaḥ ǀ vaḥ ǀ varāya ǀ dāśati ǁ
07.059.03 (Mandala. Sukta. Rik)
5.4.29.03 (Ashtaka. Adhyaya. Varga. Rik)
07.04.041 (Mandala. Anuvāka. Rik)
Samhita Devanagari Accented
न॒हि व॑श्चर॒मं च॒न वसि॑ष्ठः परि॒मंस॑ते ।
अ॒स्माक॑म॒द्य म॑रुतः सु॒ते सचा॒ विश्वे॑ पिबत का॒मिनः॑ ॥
Samhita Devanagari Nonaccented
नहि वश्चरमं चन वसिष्ठः परिमंसते ।
अस्माकमद्य मरुतः सुते सचा विश्वे पिबत कामिनः ॥
Samhita Transcription Accented
nahí vaścaramám caná vásiṣṭhaḥ parimáṃsate ǀ
asmā́kamadyá marutaḥ suté sácā víśve pibata kāmínaḥ ǁ
Samhita Transcription Nonaccented
nahi vaścaramam cana vasiṣṭhaḥ parimaṃsate ǀ
asmākamadya marutaḥ sute sacā viśve pibata kāminaḥ ǁ
Padapatha Devanagari Accented
न॒हि । वः॒ । च॒र॒मम् । च॒न । वसि॑ष्ठः । प॒रि॒ऽमंस॑ते ।
अ॒स्माक॑म् । अ॒द्य । म॒रु॒तः॒ । सु॒ते । सचा॑ । विश्वे॑ । पि॒ब॒त॒ । का॒मिनः॑ ॥
Padapatha Devanagari Nonaccented
नहि । वः । चरमम् । चन । वसिष्ठः । परिऽमंसते ।
अस्माकम् । अद्य । मरुतः । सुते । सचा । विश्वे । पिबत । कामिनः ॥
Padapatha Transcription Accented
nahí ǀ vaḥ ǀ caramám ǀ caná ǀ vásiṣṭhaḥ ǀ pari-máṃsate ǀ
asmā́kam ǀ adyá ǀ marutaḥ ǀ suté ǀ sácā ǀ víśve ǀ pibata ǀ kāmínaḥ ǁ
Padapatha Transcription Nonaccented
nahi ǀ vaḥ ǀ caramam ǀ cana ǀ vasiṣṭhaḥ ǀ pari-maṃsate ǀ
asmākam ǀ adya ǀ marutaḥ ǀ sute ǀ sacā ǀ viśve ǀ pibata ǀ kāminaḥ ǁ
07.059.04 (Mandala. Sukta. Rik)
5.4.29.04 (Ashtaka. Adhyaya. Varga. Rik)
07.04.042 (Mandala. Anuvāka. Rik)
Samhita Devanagari Accented
न॒हि व॑ ऊ॒तिः पृत॑नासु॒ मर्ध॑ति॒ यस्मा॒ अरा॑ध्वं नरः ।
अ॒भि व॒ आव॑र्त्सुम॒तिर्नवी॑यसी॒ तूयं॑ यात पिपीषवः ॥
Samhita Devanagari Nonaccented
नहि व ऊतिः पृतनासु मर्धति यस्मा अराध्वं नरः ।
अभि व आवर्त्सुमतिर्नवीयसी तूयं यात पिपीषवः ॥
Samhita Transcription Accented
nahí va ūtíḥ pṛ́tanāsu márdhati yásmā árādhvam naraḥ ǀ
abhí va ā́vartsumatírnávīyasī tū́yam yāta pipīṣavaḥ ǁ
Samhita Transcription Nonaccented
nahi va ūtiḥ pṛtanāsu mardhati yasmā arādhvam naraḥ ǀ
abhi va āvartsumatirnavīyasī tūyam yāta pipīṣavaḥ ǁ
Padapatha Devanagari Accented
न॒हि । वः॒ । ऊ॒तिः । पृत॑नासु । मर्ध॑ति । यस्मै॑ । अरा॑ध्वम् । न॒रः॒ ।
अ॒भि । वः॒ । आ । अ॒व॒र्त् । सु॒ऽम॒तिः । नवी॑यसी । तूय॑म् । या॒त॒ । पि॒पी॒ष॒वः॒ ॥
Padapatha Devanagari Nonaccented
नहि । वः । ऊतिः । पृतनासु । मर्धति । यस्मै । अराध्वम् । नरः ।
अभि । वः । आ । अवर्त् । सुऽमतिः । नवीयसी । तूयम् । यात । पिपीषवः ॥
Padapatha Transcription Accented
nahí ǀ vaḥ ǀ ūtíḥ ǀ pṛ́tanāsu ǀ márdhati ǀ yásmai ǀ árādhvam ǀ naraḥ ǀ
abhí ǀ vaḥ ǀ ā́ ǀ avart ǀ su-matíḥ ǀ návīyasī ǀ tū́yam ǀ yāta ǀ pipīṣavaḥ ǁ
Padapatha Transcription Nonaccented
nahi ǀ vaḥ ǀ ūtiḥ ǀ pṛtanāsu ǀ mardhati ǀ yasmai ǀ arādhvam ǀ naraḥ ǀ
abhi ǀ vaḥ ǀ ā ǀ avart ǀ su-matiḥ ǀ navīyasī ǀ tūyam ǀ yāta ǀ pipīṣavaḥ ǁ
07.059.05 (Mandala. Sukta. Rik)
5.4.29.05 (Ashtaka. Adhyaya. Varga. Rik)
07.04.043 (Mandala. Anuvāka. Rik)
Samhita Devanagari Accented
ओ षु घृ॑ष्विराधसो या॒तनांधां॑सि पी॒तये॑ ।
इ॒मा वो॑ ह॒व्या म॑रुतो र॒रे हि कं॒ मो ष्व१॒॑न्यत्र॑ गंतन ॥
Samhita Devanagari Nonaccented
ओ षु घृष्विराधसो यातनांधांसि पीतये ।
इमा वो हव्या मरुतो ररे हि कं मो ष्वन्यत्र गंतन ॥
Samhita Transcription Accented
ó ṣú ghṛṣvirādhaso yātánā́ndhāṃsi pītáye ǀ
imā́ vo havyā́ maruto raré hí kam mó ṣványátra gantana ǁ
Samhita Transcription Nonaccented
o ṣu ghṛṣvirādhaso yātanāndhāṃsi pītaye ǀ
imā vo havyā maruto rare hi kam mo ṣvanyatra gantana ǁ
Padapatha Devanagari Accented
ओ इति॑ । सु । घृ॒ष्वि॒ऽरा॒ध॒सः॒ । या॒तन॑ । अन्धां॑सि । पी॒तये॑ ।
इ॒मा । वः॒ । ह॒व्या । म॒रु॒तः॒ । र॒रे । हि । क॒म् । मो इति॑ । सु । अ॒न्यत्र॑ । ग॒न्त॒न॒ ॥
Padapatha Devanagari Nonaccented
ओ इति । सु । घृष्विऽराधसः । यातन । अन्धांसि । पीतये ।
इमा । वः । हव्या । मरुतः । ररे । हि । कम् । मो इति । सु । अन्यत्र । गन्तन ॥
Padapatha Transcription Accented
ó íti ǀ sú ǀ ghṛṣvi-rādhasaḥ ǀ yātána ǀ ándhāṃsi ǀ pītáye ǀ
imā́ ǀ vaḥ ǀ havyā́ ǀ marutaḥ ǀ raré ǀ hí ǀ kam ǀ mó íti ǀ sú ǀ anyátra ǀ gantana ǁ
Padapatha Transcription Nonaccented
o iti ǀ su ǀ ghṛṣvi-rādhasaḥ ǀ yātana ǀ andhāṃsi ǀ pītaye ǀ
imā ǀ vaḥ ǀ havyā ǀ marutaḥ ǀ rare ǀ hi ǀ kam ǀ mo iti ǀ su ǀ anyatra ǀ gantana ǁ
07.059.06 (Mandala. Sukta. Rik)
5.4.29.06 (Ashtaka. Adhyaya. Varga. Rik)
07.04.044 (Mandala. Anuvāka. Rik)
Samhita Devanagari Accented
आ च॑ नो ब॒र्हिः सद॑तावि॒ता च॑ नः स्पा॒र्हाणि॒ दात॑वे॒ वसु॑ ।
अस्रे॑धंतो मरुतः सो॒म्ये मधौ॒ स्वाहे॒ह मा॑दयाध्वै ॥
Samhita Devanagari Nonaccented
आ च नो बर्हिः सदताविता च नः स्पार्हाणि दातवे वसु ।
अस्रेधंतो मरुतः सोम्ये मधौ स्वाहेह मादयाध्वै ॥
Samhita Transcription Accented
ā́ ca no barhíḥ sádatāvitā́ ca naḥ spārhā́ṇi dā́tave vásu ǀ
ásredhanto marutaḥ somyé mádhau svā́hehá mādayādhvai ǁ
Samhita Transcription Nonaccented
ā ca no barhiḥ sadatāvitā ca naḥ spārhāṇi dātave vasu ǀ
asredhanto marutaḥ somye madhau svāheha mādayādhvai ǁ
Padapatha Devanagari Accented
आ । च॒ । नः॒ । ब॒र्हिः । सद॑त । अ॒वि॒त । च॒ । नः॒ । स्पा॒र्हाणि॑ । दात॑वे । वसु॑ ।
अस्रे॑धन्तः । म॒रु॒तः॒ । सो॒म्ये । मधौ॑ । स्वाहा॑ । इ॒ह । मा॒द॒या॒ध्वे॒ ॥
Padapatha Devanagari Nonaccented
आ । च । नः । बर्हिः । सदत । अवित । च । नः । स्पार्हाणि । दातवे । वसु ।
अस्रेधन्तः । मरुतः । सोम्ये । मधौ । स्वाहा । इह । मादयाध्वे ॥
Padapatha Transcription Accented
ā́ ǀ ca ǀ naḥ ǀ barhíḥ ǀ sádata ǀ avitá ǀ ca ǀ naḥ ǀ spārhā́ṇi ǀ dā́tave ǀ vásu ǀ
ásredhantaḥ ǀ marutaḥ ǀ somyé ǀ mádhau ǀ svā́hā ǀ ihá ǀ mādayādhve ǁ
Padapatha Transcription Nonaccented
ā ǀ ca ǀ naḥ ǀ barhiḥ ǀ sadata ǀ avita ǀ ca ǀ naḥ ǀ spārhāṇi ǀ dātave ǀ vasu ǀ
asredhantaḥ ǀ marutaḥ ǀ somye ǀ madhau ǀ svāhā ǀ iha ǀ mādayādhve ǁ
07.059.07 (Mandala. Sukta. Rik)
5.4.30.01 (Ashtaka. Adhyaya. Varga. Rik)
07.04.045 (Mandala. Anuvāka. Rik)
Samhita Devanagari Accented
स॒स्वश्चि॒द्धि त॒न्वः१॒॑ शुंभ॑माना॒ आ हं॒सासो॒ नील॑पृष्ठा अपप्तन् ।
विश्वं॒ शर्धो॑ अ॒भितो॑ मा॒ नि षे॑द॒ नरो॒ न र॒ण्वाः सव॑ने॒ मदं॑तः ॥
Samhita Devanagari Nonaccented
सस्वश्चिद्धि तन्वः शुंभमाना आ हंसासो नीलपृष्ठा अपप्तन् ।
विश्वं शर्धो अभितो मा नि षेद नरो न रण्वाः सवने मदंतः ॥
Samhita Transcription Accented
sasváściddhí tanváḥ śúmbhamānā ā́ haṃsā́so nī́lapṛṣṭhā apaptan ǀ
víśvam śárdho abhíto mā ní ṣeda náro ná raṇvā́ḥ sávane mádantaḥ ǁ
Samhita Transcription Nonaccented
sasvaściddhi tanvaḥ śumbhamānā ā haṃsāso nīlapṛṣṭhā apaptan ǀ
viśvam śardho abhito mā ni ṣeda naro na raṇvāḥ savane madantaḥ ǁ
Padapatha Devanagari Accented
स॒स्वरिति॑ । चि॒त् । हि । त॒न्वः॑ । शुम्भ॑मानाः । आ । हं॒सासः॑ । नील॑ऽपृष्ठाः । अ॒प॒प्त॒न् ।
विश्व॑म् । शर्धः॑ । अ॒भितः॑ । मा॒ । नि । से॒द॒ । नरः॑ । न । र॒ण्वाः । सव॑ने । मद॑न्तः ॥
Padapatha Devanagari Nonaccented
सस्वरिति । चित् । हि । तन्वः । शुम्भमानाः । आ । हंसासः । नीलऽपृष्ठाः । अपप्तन् ।
विश्वम् । शर्धः । अभितः । मा । नि । सेद । नरः । न । रण्वाः । सवने । मदन्तः ॥
Padapatha Transcription Accented
sasváríti ǀ cit ǀ hí ǀ tanváḥ ǀ śúmbhamānāḥ ǀ ā́ ǀ haṃsā́saḥ ǀ nī́la-pṛṣṭhāḥ ǀ apaptan ǀ
víśvam ǀ śárdhaḥ ǀ abhítaḥ ǀ mā ǀ ní ǀ seda ǀ náraḥ ǀ ná ǀ raṇvā́ḥ ǀ sávane ǀ mádantaḥ ǁ
Padapatha Transcription Nonaccented
sasvariti ǀ cit ǀ hi ǀ tanvaḥ ǀ śumbhamānāḥ ǀ ā ǀ haṃsāsaḥ ǀ nīla-pṛṣṭhāḥ ǀ apaptan ǀ
viśvam ǀ śardhaḥ ǀ abhitaḥ ǀ mā ǀ ni ǀ seda ǀ naraḥ ǀ na ǀ raṇvāḥ ǀ savane ǀ madantaḥ ǁ
07.059.08 (Mandala. Sukta. Rik)
5.4.30.02 (Ashtaka. Adhyaya. Varga. Rik)
07.04.046 (Mandala. Anuvāka. Rik)
Samhita Devanagari Accented
यो नो॑ मरुतो अ॒भि दु॑र्हृणा॒युस्ति॒रश्चि॒त्तानि॑ वसवो॒ जिघां॑सति ।
द्रु॒हः पाशा॒न्प्रति॒ स मु॑चीष्ट॒ तपि॑ष्ठेन॒ हन्म॑ना हंतना॒ तं ॥
Samhita Devanagari Nonaccented
यो नो मरुतो अभि दुर्हृणायुस्तिरश्चित्तानि वसवो जिघांसति ।
द्रुहः पाशान्प्रति स मुचीष्ट तपिष्ठेन हन्मना हंतना तं ॥
Samhita Transcription Accented
yó no maruto abhí durhṛṇāyústiráścittā́ni vasavo jíghāṃsati ǀ
druháḥ pā́śānpráti sá mucīṣṭa tápiṣṭhena hánmanā hantanā tám ǁ
Samhita Transcription Nonaccented
yo no maruto abhi durhṛṇāyustiraścittāni vasavo jighāṃsati ǀ
druhaḥ pāśānprati sa mucīṣṭa tapiṣṭhena hanmanā hantanā tam ǁ
Padapatha Devanagari Accented
यः । नः॒ । म॒रु॒तः॒ । अ॒भि । दुः॒ऽहृ॒णा॒युः । ति॒रः । चि॒त्तानि॑ । व॒स॒वः॒ । जिघां॑सति ।
द्रु॒हः । पाशा॑न् । प्रति॑ । सः । मु॒ची॒ष्ट॒ । तपि॑ष्ठेन । हन्म॑ना । ह॒न्त॒न॒ । तम् ॥
Padapatha Devanagari Nonaccented
यः । नः । मरुतः । अभि । दुःऽहृणायुः । तिरः । चित्तानि । वसवः । जिघांसति ।
द्रुहः । पाशान् । प्रति । सः । मुचीष्ट । तपिष्ठेन । हन्मना । हन्तन । तम् ॥
Padapatha Transcription Accented
yáḥ ǀ naḥ ǀ marutaḥ ǀ abhí ǀ duḥ-hṛṇāyúḥ ǀ tiráḥ ǀ cittā́ni ǀ vasavaḥ ǀ jíghāṃsati ǀ
druháḥ ǀ pā́śān ǀ práti ǀ sáḥ ǀ mucīṣṭa ǀ tápiṣṭhena ǀ hánmanā ǀ hantana ǀ tám ǁ
Padapatha Transcription Nonaccented
yaḥ ǀ naḥ ǀ marutaḥ ǀ abhi ǀ duḥ-hṛṇāyuḥ ǀ tiraḥ ǀ cittāni ǀ vasavaḥ ǀ jighāṃsati ǀ
druhaḥ ǀ pāśān ǀ prati ǀ saḥ ǀ mucīṣṭa ǀ tapiṣṭhena ǀ hanmanā ǀ hantana ǀ tam ǁ
07.059.09 (Mandala. Sukta. Rik)
5.4.30.03 (Ashtaka. Adhyaya. Varga. Rik)
07.04.047 (Mandala. Anuvāka. Rik)
Samhita Devanagari Accented
सांत॑पना इ॒दं ह॒विर्मरु॑त॒स्तज्जु॑जुष्टन ।
यु॒ष्माको॒ती रि॑शादसः ॥
Samhita Devanagari Nonaccented
सांतपना इदं हविर्मरुतस्तज्जुजुष्टन ।
युष्माकोती रिशादसः ॥
Samhita Transcription Accented
sā́ṃtapanā idám havírmárutastájjujuṣṭana ǀ
yuṣmā́kotī́ riśādasaḥ ǁ
Samhita Transcription Nonaccented
sāṃtapanā idam havirmarutastajjujuṣṭana ǀ
yuṣmākotī riśādasaḥ ǁ
Padapatha Devanagari Accented
साम्ऽत॑पनाः । इ॒दम् । ह॒विः । मरु॑तः । तत् । जु॒जु॒ष्ट॒न॒ ।
यु॒ष्माक॑ । ऊ॒ती । रि॒शा॒द॒सः॒ ॥
Padapatha Devanagari Nonaccented
साम्ऽतपनाः । इदम् । हविः । मरुतः । तत् । जुजुष्टन ।
युष्माक । ऊती । रिशादसः ॥
Padapatha Transcription Accented
sā́m-tapanāḥ ǀ idám ǀ havíḥ ǀ márutaḥ ǀ tát ǀ jujuṣṭana ǀ
yuṣmā́ka ǀ ūtī́ ǀ riśādasaḥ ǁ
Padapatha Transcription Nonaccented
sām-tapanāḥ ǀ idam ǀ haviḥ ǀ marutaḥ ǀ tat ǀ jujuṣṭana ǀ
yuṣmāka ǀ ūtī ǀ riśādasaḥ ǁ
07.059.10 (Mandala. Sukta. Rik)
5.4.30.04 (Ashtaka. Adhyaya. Varga. Rik)
07.04.048 (Mandala. Anuvāka. Rik)
Samhita Devanagari Accented
गृह॑मेधास॒ आ ग॑त॒ मरु॑तो॒ माप॑ भूतन ।
यु॒ष्माको॒ती सु॑दानवः ॥
Samhita Devanagari Nonaccented
गृहमेधास आ गत मरुतो माप भूतन ।
युष्माकोती सुदानवः ॥
Samhita Transcription Accented
gṛ́hamedhāsa ā́ gata máruto mā́pa bhūtana ǀ
yuṣmā́kotī́ sudānavaḥ ǁ
Samhita Transcription Nonaccented
gṛhamedhāsa ā gata maruto māpa bhūtana ǀ
yuṣmākotī sudānavaḥ ǁ
Padapatha Devanagari Accented
गृह॑ऽमेधासः । आ । ग॒त॒ । मरु॑तः । मा । अप॑ । भू॒त॒न॒ ।
यु॒ष्माक॑ । ऊ॒ती । सु॒ऽदा॒न॒वः॒ ॥
Padapatha Devanagari Nonaccented
गृहऽमेधासः । आ । गत । मरुतः । मा । अप । भूतन ।
युष्माक । ऊती । सुऽदानवः ॥
Padapatha Transcription Accented
gṛ́ha-medhāsaḥ ǀ ā́ ǀ gata ǀ márutaḥ ǀ mā́ ǀ ápa ǀ bhūtana ǀ
yuṣmā́ka ǀ ūtī́ ǀ su-dānavaḥ ǁ
Padapatha Transcription Nonaccented
gṛha-medhāsaḥ ǀ ā ǀ gata ǀ marutaḥ ǀ mā ǀ apa ǀ bhūtana ǀ
yuṣmāka ǀ ūtī ǀ su-dānavaḥ ǁ
07.059.11 (Mandala. Sukta. Rik)
5.4.30.05 (Ashtaka. Adhyaya. Varga. Rik)
07.04.049 (Mandala. Anuvāka. Rik)
Samhita Devanagari Accented
इ॒हेह॑ वः स्वतवसः॒ कव॑यः॒ सूर्य॑त्वचः ।
य॒ज्ञं म॑रुत॒ आ वृ॑णे ॥
Samhita Devanagari Nonaccented
इहेह वः स्वतवसः कवयः सूर्यत्वचः ।
यज्ञं मरुत आ वृणे ॥
Samhita Transcription Accented
ihéha vaḥ svatavasaḥ kávayaḥ sū́ryatvacaḥ ǀ
yajñám maruta ā́ vṛṇe ǁ
Samhita Transcription Nonaccented
iheha vaḥ svatavasaḥ kavayaḥ sūryatvacaḥ ǀ
yajñam maruta ā vṛṇe ǁ
Padapatha Devanagari Accented
इ॒हऽइ॑ह । वः॒ । स्व॒ऽत॒व॒सः॒ । कव॑यः । सूर्य॑ऽत्वचः ।
य॒ज्ञम् । म॒रु॒तः॒ । आ । वृ॒णे॒ ॥
Padapatha Devanagari Nonaccented
इहऽइह । वः । स्वऽतवसः । कवयः । सूर्यऽत्वचः ।
यज्ञम् । मरुतः । आ । वृणे ॥
Padapatha Transcription Accented
ihá-iha ǀ vaḥ ǀ sva-tavasaḥ ǀ kávayaḥ ǀ sū́rya-tvacaḥ ǀ
yajñám ǀ marutaḥ ǀ ā́ ǀ vṛṇe ǁ
Padapatha Transcription Nonaccented
iha-iha ǀ vaḥ ǀ sva-tavasaḥ ǀ kavayaḥ ǀ sūrya-tvacaḥ ǀ
yajñam ǀ marutaḥ ǀ ā ǀ vṛṇe ǁ
07.059.12 (Mandala. Sukta. Rik)
5.4.30.06 (Ashtaka. Adhyaya. Varga. Rik)
07.04.050 (Mandala. Anuvāka. Rik)
Samhita Devanagari Accented
त्र्यं॑बकं यजामहे सु॒गंधिं॑ पुष्टि॒वर्ध॑नं ।
उ॒र्वा॒रु॒कमि॑व॒ बंध॑नान्मृ॒त्योर्मु॑क्षीय॒ मामृता॑त् ॥
Samhita Devanagari Nonaccented
त्र्यंबकं यजामहे सुगंधिं पुष्टिवर्धनं ।
उर्वारुकमिव बंधनान्मृत्योर्मुक्षीय मामृतात् ॥
Samhita Transcription Accented
tryáṃbakaṃ yajāmahe sugáṃdhiṃ puṣṭivárdhanaṃ ǀ
urvārukámiva báṃdhanānmṛtyórmukṣīya mā́mṛtāt ǁ
Samhita Transcription Nonaccented
tryaṃbakaṃ yajāmahe sugaṃdhiṃ puṣṭivardhanaṃ ǀ
urvārukamiva baṃdhanānmṛtyormukṣīya māmṛtāt ǁ
Padapatha Devanagari Accented
त्रिऽअ॑म्बकम् । य॒जा॒म॒हे॒ । सु॒ऽगन्धि॑म् । पु॒ष्टि॒ऽवर्ध॑नम् ।
उ॒र्वा॒रु॒कम्ऽइव । बन्ध॑नात् । मृ॒त्योः । मु॒क्षी॒य॒ । मा । अ॒मृता॑त् ॥
Padapatha Devanagari Nonaccented
त्रिऽअम्बकम् । यजामहे । सुऽगन्धिम् । पुष्टिऽवर्धनम् ।
उर्वारुकम्ऽइव । बन्धनात् । मृत्योः । मुक्षीय । मा । अमृतात् ॥
Padapatha Transcription Accented
trí-ambakam ǀ yajāmahe ǀ su-gándhim ǀ puṣṭi-várdhanam ǀ
urvārukám-iva ǀ bándhanāt ǀ mṛtyóḥ ǀ mukṣīya ǀ mā́ ǀ amṛ́tāt ǁ
Padapatha Transcription Nonaccented
tri-ambakam ǀ yajāmahe ǀ su-gandhim ǀ puṣṭi-vardhanam ǀ
urvārukam-iva ǀ bandhanāt ǀ mṛtyoḥ ǀ mukṣīya ǀ mā ǀ amṛtāt ǁ