|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 62
|
1. Info |
| To: | 1, 2: sūrya; 3: agni, mitra, varuṇa; 4: aditi, divaḥ, pṛthivī, mitra, varuṇa, vāyu; 5: mitra, varuṇa; 6: aryaman, mitra, varuṇa |
|
| From: | vasiṣṭha maitrāvaruṇi | |
| Metres: | 1st set of styles: virāṭtrisṭup (1, 2, 6); nicṛttriṣṭup (3-5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.062.01 (Mandala. Sukta. Rik)
5.5.04.01 (Ashtaka. Adhyaya. Varga. Rik)
07.04.070 (Mandala. Anuvāka. Rik)
Samhita Devanagari Accented
उत्सूर्यो॑ बृ॒हद॒र्चींष्य॑श्रेत्पु॒रु विश्वा॒ जनि॑म॒ मानु॑षाणां ।
स॒मो दि॒वा द॑दृशे॒ रोच॑मानः॒ क्रत्वा॑ कृ॒तः सुकृ॑तः क॒र्तृभि॑र्भूत् ॥
Samhita Devanagari Nonaccented
उत्सूर्यो बृहदर्चींष्यश्रेत्पुरु विश्वा जनिम मानुषाणां ।
समो दिवा ददृशे रोचमानः क्रत्वा कृतः सुकृतः कर्तृभिर्भूत् ॥
Samhita Transcription Accented
útsū́ryo bṛhádarcī́ṃṣyaśretpurú víśvā jánima mā́nuṣāṇām ǀ
samó divā́ dadṛśe rócamānaḥ krátvā kṛtáḥ súkṛtaḥ kartṛ́bhirbhūt ǁ
Samhita Transcription Nonaccented
utsūryo bṛhadarcīṃṣyaśretpuru viśvā janima mānuṣāṇām ǀ
samo divā dadṛśe rocamānaḥ kratvā kṛtaḥ sukṛtaḥ kartṛbhirbhūt ǁ
Padapatha Devanagari Accented
उत् । सूर्यः॑ । बृ॒हत् । अ॒र्चींषि॑ । अ॒श्रे॒त् । पु॒रु । विश्वा॑ । जनि॑म । मानु॑षाणाम् ।
स॒मः । दि॒वा । द॒दृ॒शे॒ । रोच॑मानः । क्रत्वा॑ । कृ॒तः । सुऽकृ॑तः । क॒र्तृऽभिः॑ । भू॒त् ॥
Padapatha Devanagari Nonaccented
उत् । सूर्यः । बृहत् । अर्चींषि । अश्रेत् । पुरु । विश्वा । जनिम । मानुषाणाम् ।
समः । दिवा । ददृशे । रोचमानः । क्रत्वा । कृतः । सुऽकृतः । कर्तृऽभिः । भूत् ॥
Padapatha Transcription Accented
út ǀ sū́ryaḥ ǀ bṛhát ǀ arcī́ṃṣi ǀ aśret ǀ purú ǀ víśvā ǀ jánima ǀ mā́nuṣāṇām ǀ
samáḥ ǀ divā́ ǀ dadṛśe ǀ rócamānaḥ ǀ krátvā ǀ kṛtáḥ ǀ sú-kṛtaḥ ǀ kartṛ́-bhiḥ ǀ bhūt ǁ
Padapatha Transcription Nonaccented
ut ǀ sūryaḥ ǀ bṛhat ǀ arcīṃṣi ǀ aśret ǀ puru ǀ viśvā ǀ janima ǀ mānuṣāṇām ǀ
samaḥ ǀ divā ǀ dadṛśe ǀ rocamānaḥ ǀ kratvā ǀ kṛtaḥ ǀ su-kṛtaḥ ǀ kartṛ-bhiḥ ǀ bhūt ǁ
07.062.02 (Mandala. Sukta. Rik)
5.5.04.02 (Ashtaka. Adhyaya. Varga. Rik)
07.04.071 (Mandala. Anuvāka. Rik)
Samhita Devanagari Accented
स सू॑र्य॒ प्रति॑ पु॒रो न॒ उद्गा॑ ए॒भिः स्तोमे॑भिरेत॒शेभि॒रेवैः॑ ।
प्र नो॑ मि॒त्राय॒ वरु॑णाय वो॒चोऽना॑गसो अर्य॒म्णे अ॒ग्नये॑ च ॥
Samhita Devanagari Nonaccented
स सूर्य प्रति पुरो न उद्गा एभिः स्तोमेभिरेतशेभिरेवैः ।
प्र नो मित्राय वरुणाय वोचोऽनागसो अर्यम्णे अग्नये च ॥
Samhita Transcription Accented
sá sūrya práti puró na údgā ebhíḥ stómebhiretaśébhirévaiḥ ǀ
prá no mitrā́ya váruṇāya vocó’nāgaso aryamṇé agnáye ca ǁ
Samhita Transcription Nonaccented
sa sūrya prati puro na udgā ebhiḥ stomebhiretaśebhirevaiḥ ǀ
pra no mitrāya varuṇāya voco’nāgaso aryamṇe agnaye ca ǁ
Padapatha Devanagari Accented
सः । सू॒र्य॒ । प्रति॑ । पु॒रः । नः॒ । उत् । गाः॒ । ए॒भिः । स्तोमे॑भिः । ए॒त॒शेभिः॑ । एवैः॑ ।
प्र । नः॒ । मि॒त्राय॑ । वरु॑णाय । वो॒चः॒ । अना॑गसः । अ॒र्य॒म्णे । अ॒ग्नये॑ । च॒ ॥
Padapatha Devanagari Nonaccented
सः । सूर्य । प्रति । पुरः । नः । उत् । गाः । एभिः । स्तोमेभिः । एतशेभिः । एवैः ।
प्र । नः । मित्राय । वरुणाय । वोचः । अनागसः । अर्यम्णे । अग्नये । च ॥
Padapatha Transcription Accented
sáḥ ǀ sūrya ǀ práti ǀ puráḥ ǀ naḥ ǀ út ǀ gāḥ ǀ ebhíḥ ǀ stómebhiḥ ǀ etaśébhiḥ ǀ évaiḥ ǀ
prá ǀ naḥ ǀ mitrā́ya ǀ váruṇāya ǀ vocaḥ ǀ ánāgasaḥ ǀ aryamṇé ǀ agnáye ǀ ca ǁ
Padapatha Transcription Nonaccented
saḥ ǀ sūrya ǀ prati ǀ puraḥ ǀ naḥ ǀ ut ǀ gāḥ ǀ ebhiḥ ǀ stomebhiḥ ǀ etaśebhiḥ ǀ evaiḥ ǀ
pra ǀ naḥ ǀ mitrāya ǀ varuṇāya ǀ vocaḥ ǀ anāgasaḥ ǀ aryamṇe ǀ agnaye ǀ ca ǁ
07.062.03 (Mandala. Sukta. Rik)
5.5.04.03 (Ashtaka. Adhyaya. Varga. Rik)
07.04.072 (Mandala. Anuvāka. Rik)
Samhita Devanagari Accented
वि नः॑ स॒हस्रं॑ शु॒रुधो॑ रदंत्वृ॒तावा॑नो॒ वरु॑णो मि॒त्रो अ॒ग्निः ।
यच्छं॑तु चं॒द्रा उ॑प॒मं नो॑ अ॒र्कमा नः॒ कामं॑ पूपुरंतु॒ स्तवा॑नाः ॥
Samhita Devanagari Nonaccented
वि नः सहस्रं शुरुधो रदंत्वृतावानो वरुणो मित्रो अग्निः ।
यच्छंतु चंद्रा उपमं नो अर्कमा नः कामं पूपुरंतु स्तवानाः ॥
Samhita Transcription Accented
ví naḥ sahásram śurúdho radantvṛtā́vāno váruṇo mitró agníḥ ǀ
yácchantu candrā́ upamám no arkámā́ naḥ kā́mam pūpurantu stávānāḥ ǁ
Samhita Transcription Nonaccented
vi naḥ sahasram śurudho radantvṛtāvāno varuṇo mitro agniḥ ǀ
yacchantu candrā upamam no arkamā naḥ kāmam pūpurantu stavānāḥ ǁ
Padapatha Devanagari Accented
वि । नः॒ । स॒हस्र॑म् । शु॒रुधः॑ । र॒द॒न्तु॒ । ऋ॒तऽवा॑नः । वरु॑णः । मि॒त्रः । अ॒ग्निः ।
यच्छ॑न्तु । च॒न्द्राः । उ॒प॒ऽमम् । नः॒ । अ॒र्कम् । आ । नः॒ । काम॑म् । पू॒पु॒र॒न्तु॒ । स्तवा॑नाः ॥
Padapatha Devanagari Nonaccented
वि । नः । सहस्रम् । शुरुधः । रदन्तु । ऋतऽवानः । वरुणः । मित्रः । अग्निः ।
यच्छन्तु । चन्द्राः । उपऽमम् । नः । अर्कम् । आ । नः । कामम् । पूपुरन्तु । स्तवानाः ॥
Padapatha Transcription Accented
ví ǀ naḥ ǀ sahásram ǀ śurúdhaḥ ǀ radantu ǀ ṛtá-vānaḥ ǀ váruṇaḥ ǀ mitráḥ ǀ agníḥ ǀ
yácchantu ǀ candrā́ḥ ǀ upa-mám ǀ naḥ ǀ arkám ǀ ā́ ǀ naḥ ǀ kā́mam ǀ pūpurantu ǀ stávānāḥ ǁ
Padapatha Transcription Nonaccented
vi ǀ naḥ ǀ sahasram ǀ śurudhaḥ ǀ radantu ǀ ṛta-vānaḥ ǀ varuṇaḥ ǀ mitraḥ ǀ agniḥ ǀ
yacchantu ǀ candrāḥ ǀ upa-mam ǀ naḥ ǀ arkam ǀ ā ǀ naḥ ǀ kāmam ǀ pūpurantu ǀ stavānāḥ ǁ
07.062.04 (Mandala. Sukta. Rik)
5.5.04.04 (Ashtaka. Adhyaya. Varga. Rik)
07.04.073 (Mandala. Anuvāka. Rik)
Samhita Devanagari Accented
द्यावा॑भूमी अदिते॒ त्रासी॑थां नो॒ ये वां॑ ज॒ज्ञुः सु॒जनि॑मान ऋष्वे ।
मा हेळे॑ भूम॒ वरु॑णस्य वा॒योर्मा मि॒त्रस्य॑ प्रि॒यत॑मस्य नृ॒णां ॥
Samhita Devanagari Nonaccented
द्यावाभूमी अदिते त्रासीथां नो ये वां जज्ञुः सुजनिमान ऋष्वे ।
मा हेळे भूम वरुणस्य वायोर्मा मित्रस्य प्रियतमस्य नृणां ॥
Samhita Transcription Accented
dyā́vābhūmī adite trā́sīthām no yé vām jajñúḥ sujánimāna ṛṣve ǀ
mā́ héḷe bhūma váruṇasya vāyórmā́ mitrásya priyátamasya nṛṇā́m ǁ
Samhita Transcription Nonaccented
dyāvābhūmī adite trāsīthām no ye vām jajñuḥ sujanimāna ṛṣve ǀ
mā heḷe bhūma varuṇasya vāyormā mitrasya priyatamasya nṛṇām ǁ
Padapatha Devanagari Accented
द्यावा॑भूमी॒ इति॑ । अ॒दि॒ते॒ । त्रासी॑थाम् । नः॒ । ये । वा॒म् । ज॒ज्ञुः । सु॒ऽजनि॑मानः । ऋ॒ष्वे॒ इति॑ ।
मा । हेळे॑ । भू॒म॒ । वरु॑णस्य । वा॒योः । मा । मि॒त्रस्य॑ । प्रि॒यऽत॑मस्य । नृ॒णाम् ॥
Padapatha Devanagari Nonaccented
द्यावाभूमी इति । अदिते । त्रासीथाम् । नः । ये । वाम् । जज्ञुः । सुऽजनिमानः । ऋष्वे इति ।
मा । हेळे । भूम । वरुणस्य । वायोः । मा । मित्रस्य । प्रियऽतमस्य । नृणाम् ॥
Padapatha Transcription Accented
dyā́vābhūmī íti ǀ adite ǀ trā́sīthām ǀ naḥ ǀ yé ǀ vām ǀ jajñúḥ ǀ su-jánimānaḥ ǀ ṛṣve íti ǀ
mā́ ǀ héḷe ǀ bhūma ǀ váruṇasya ǀ vāyóḥ ǀ mā́ ǀ mitrásya ǀ priyá-tamasya ǀ nṛṇā́m ǁ
Padapatha Transcription Nonaccented
dyāvābhūmī iti ǀ adite ǀ trāsīthām ǀ naḥ ǀ ye ǀ vām ǀ jajñuḥ ǀ su-janimānaḥ ǀ ṛṣve iti ǀ
mā ǀ heḷe ǀ bhūma ǀ varuṇasya ǀ vāyoḥ ǀ mā ǀ mitrasya ǀ priya-tamasya ǀ nṛṇām ǁ
07.062.05 (Mandala. Sukta. Rik)
5.5.04.05 (Ashtaka. Adhyaya. Varga. Rik)
07.04.074 (Mandala. Anuvāka. Rik)
Samhita Devanagari Accented
प्र बा॒हवा॑ सिसृतं जी॒वसे॑ न॒ आ नो॒ गव्यू॑तिमुक्षतं घृ॒तेन॑ ।
आ नो॒ जने॑ श्रवयतं युवाना श्रु॒तं मे॑ मित्रावरुणा॒ हवे॒मा ॥
Samhita Devanagari Nonaccented
प्र बाहवा सिसृतं जीवसे न आ नो गव्यूतिमुक्षतं घृतेन ।
आ नो जने श्रवयतं युवाना श्रुतं मे मित्रावरुणा हवेमा ॥
Samhita Transcription Accented
prá bāhávā sisṛtam jīváse na ā́ no gávyūtimukṣatam ghṛténa ǀ
ā́ no jáne śravayatam yuvānā śrutám me mitrāvaruṇā hávemā́ ǁ
Samhita Transcription Nonaccented
pra bāhavā sisṛtam jīvase na ā no gavyūtimukṣatam ghṛtena ǀ
ā no jane śravayatam yuvānā śrutam me mitrāvaruṇā havemā ǁ
Padapatha Devanagari Accented
प्र । बा॒हवा॑ । सि॒सृ॒त॒म् । जी॒वसे॑ । नः॒ । आ । नः॒ । गव्यू॑तिम् । उ॒क्ष॒त॒म् । घृ॒तेन॑ ।
आ । नः॒ । जने॑ । श्र॒व॒य॒त॒म् । यु॒वा॒ना॒ । श्रु॒तम् । मे॒ । मि॒त्रा॒व॒रु॒णा॒ । हवा॑ । इ॒मा ॥
Padapatha Devanagari Nonaccented
प्र । बाहवा । सिसृतम् । जीवसे । नः । आ । नः । गव्यूतिम् । उक्षतम् । घृतेन ।
आ । नः । जने । श्रवयतम् । युवाना । श्रुतम् । मे । मित्रावरुणा । हवा । इमा ॥
Padapatha Transcription Accented
prá ǀ bāhávā ǀ sisṛtam ǀ jīváse ǀ naḥ ǀ ā́ ǀ naḥ ǀ gávyūtim ǀ ukṣatam ǀ ghṛténa ǀ
ā́ ǀ naḥ ǀ jáne ǀ śravayatam ǀ yuvānā ǀ śrutám ǀ me ǀ mitrāvaruṇā ǀ hávā ǀ imā́ ǁ
Padapatha Transcription Nonaccented
pra ǀ bāhavā ǀ sisṛtam ǀ jīvase ǀ naḥ ǀ ā ǀ naḥ ǀ gavyūtim ǀ ukṣatam ǀ ghṛtena ǀ
ā ǀ naḥ ǀ jane ǀ śravayatam ǀ yuvānā ǀ śrutam ǀ me ǀ mitrāvaruṇā ǀ havā ǀ imā ǁ
07.062.06 (Mandala. Sukta. Rik)
5.5.04.06 (Ashtaka. Adhyaya. Varga. Rik)
07.04.075 (Mandala. Anuvāka. Rik)
Samhita Devanagari Accented
नू मि॒त्रो वरु॑णो अर्य॒मा न॒स्त्मने॑ तो॒काय॒ वरि॑वो दधंतु ।
सु॒गा नो॒ विश्वा॑ सु॒पथा॑नि संतु यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
नू मित्रो वरुणो अर्यमा नस्त्मने तोकाय वरिवो दधंतु ।
सुगा नो विश्वा सुपथानि संतु यूयं पात स्वस्तिभिः सदा नः ॥
Samhita Transcription Accented
nū́ mitró váruṇo aryamā́ nastmáne tokā́ya várivo dadhantu ǀ
sugā́ no víśvā supáthāni santu yūyám pāta svastíbhiḥ sádā naḥ ǁ
Samhita Transcription Nonaccented
nū mitro varuṇo aryamā nastmane tokāya varivo dadhantu ǀ
sugā no viśvā supathāni santu yūyam pāta svastibhiḥ sadā naḥ ǁ
Padapatha Devanagari Accented
नु । मि॒त्रः । वरु॑णः । अ॒र्य॒मा । नः॒ । त्मने॑ । तो॒काय॑ । वरि॑वः । द॒ध॒न्तु॒ ।
सु॒ऽगा । नः॒ । विश्वा॑ । सु॒ऽपथा॑नि । स॒न्तु॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
नु । मित्रः । वरुणः । अर्यमा । नः । त्मने । तोकाय । वरिवः । दधन्तु ।
सुऽगा । नः । विश्वा । सुऽपथानि । सन्तु । यूयम् । पात । स्वस्तिऽभिः । सदा । नः ॥
Padapatha Transcription Accented
nú ǀ mitráḥ ǀ váruṇaḥ ǀ aryamā́ ǀ naḥ ǀ tmáne ǀ tokā́ya ǀ várivaḥ ǀ dadhantu ǀ
su-gā́ ǀ naḥ ǀ víśvā ǀ su-páthāni ǀ santu ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
nu ǀ mitraḥ ǀ varuṇaḥ ǀ aryamā ǀ naḥ ǀ tmane ǀ tokāya ǀ varivaḥ ǀ dadhantu ǀ
su-gā ǀ naḥ ǀ viśvā ǀ su-pathāni ǀ santu ǀ yūyam ǀ pāta ǀ svasti-bhiḥ ǀ sadā ǀ naḥ ǁ