|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 63
|
1. Info |
| To: | 1: mitra, varuṇa, sūrya; 2, 4: sūrya; 3: savitṛ; 5: sūrya, mitra, varuṇa; 6: aryaman, mitra, varuṇa |
|
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (2-5); virāṭtrisṭup (1, 6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.063.01 (Mandala. Sukta. Rik)
5.5.05.01 (Ashtaka. Adhyaya. Varga. Rik)
07.04.076 (Mandala. Anuvāka. Rik)
Samhita Devanagari Accented
उद्वे॑ति सु॒भगो॑ वि॒श्वच॑क्षाः॒ साधा॑रणः॒ सूर्यो॒ मानु॑षाणां ।
चक्षु॑र्मि॒त्रस्य॒ वरु॑णस्य दे॒वश्चर्मे॑व॒ यः स॒मवि॑व्य॒क्तमां॑सि ॥
Samhita Devanagari Nonaccented
उद्वेति सुभगो विश्वचक्षाः साधारणः सूर्यो मानुषाणां ।
चक्षुर्मित्रस्य वरुणस्य देवश्चर्मेव यः समविव्यक्तमांसि ॥
Samhita Transcription Accented
údveti subhágo viśvácakṣāḥ sā́dhāraṇaḥ sū́ryo mā́nuṣāṇām ǀ
cákṣurmitrásya váruṇasya deváścármeva yáḥ samávivyaktámāṃsi ǁ
Samhita Transcription Nonaccented
udveti subhago viśvacakṣāḥ sādhāraṇaḥ sūryo mānuṣāṇām ǀ
cakṣurmitrasya varuṇasya devaścarmeva yaḥ samavivyaktamāṃsi ǁ
Padapatha Devanagari Accented
उत् । ऊं॒ इति॑ । ए॒ति॒ । सु॒ऽभगः॑ । वि॒श्वऽच॑क्षाः । साधा॑रणः । सूर्यः॑ । मानु॑षाणाम् ।
चक्षुः॑ । मि॒त्रस्य॑ । वरु॑णस्य । दे॒वः । चर्म॑ऽइव । यः । स॒म्ऽअवि॑व्यक् । तमां॑सि ॥
Padapatha Devanagari Nonaccented
उत् । ऊं इति । एति । सुऽभगः । विश्वऽचक्षाः । साधारणः । सूर्यः । मानुषाणाम् ।
चक्षुः । मित्रस्य । वरुणस्य । देवः । चर्मऽइव । यः । सम्ऽअविव्यक् । तमांसि ॥
Padapatha Transcription Accented
út ǀ ūṃ íti ǀ eti ǀ su-bhágaḥ ǀ viśvá-cakṣāḥ ǀ sā́dhāraṇaḥ ǀ sū́ryaḥ ǀ mā́nuṣāṇām ǀ
cákṣuḥ ǀ mitrásya ǀ váruṇasya ǀ deváḥ ǀ cárma-iva ǀ yáḥ ǀ sam-ávivyak ǀ támāṃsi ǁ
Padapatha Transcription Nonaccented
ut ǀ ūṃ iti ǀ eti ǀ su-bhagaḥ ǀ viśva-cakṣāḥ ǀ sādhāraṇaḥ ǀ sūryaḥ ǀ mānuṣāṇām ǀ
cakṣuḥ ǀ mitrasya ǀ varuṇasya ǀ devaḥ ǀ carma-iva ǀ yaḥ ǀ sam-avivyak ǀ tamāṃsi ǁ
07.063.02 (Mandala. Sukta. Rik)
5.5.05.02 (Ashtaka. Adhyaya. Varga. Rik)
07.04.077 (Mandala. Anuvāka. Rik)
Samhita Devanagari Accented
उद्वे॑ति प्रसवी॒ता जना॑नां म॒हान्के॒तुर॑र्ण॒वः सूर्य॑स्य ।
स॒मा॒नं च॒क्रं प॑र्या॒विवृ॑त्स॒न्यदे॑त॒शो वह॑ति धू॒र्षु यु॒क्तः ॥
Samhita Devanagari Nonaccented
उद्वेति प्रसवीता जनानां महान्केतुरर्णवः सूर्यस्य ।
समानं चक्रं पर्याविवृत्सन्यदेतशो वहति धूर्षु युक्तः ॥
Samhita Transcription Accented
údveti prasavītā́ jánānām mahā́nketúrarṇaváḥ sū́ryasya ǀ
samānám cakrám paryāvívṛtsanyádetaśó váhati dhūrṣú yuktáḥ ǁ
Samhita Transcription Nonaccented
udveti prasavītā janānām mahānketurarṇavaḥ sūryasya ǀ
samānam cakram paryāvivṛtsanyadetaśo vahati dhūrṣu yuktaḥ ǁ
Padapatha Devanagari Accented
उत् । ऊं॒ इति॑ । ए॒ति॒ । प्र॒ऽस॒वि॒ता । जना॑नाम् । म॒हान् । के॒तुः । अ॒र्ण॒वः । सूर्य॑स्य ।
स॒मा॒नम् । च॒क्रम् । प॒रि॒ऽआ॒विवृ॑त्सन् । यत् । ए॒त॒शः । वह॑ति । धूः॒ऽसु । यु॒क्तः ॥
Padapatha Devanagari Nonaccented
उत् । ऊं इति । एति । प्रऽसविता । जनानाम् । महान् । केतुः । अर्णवः । सूर्यस्य ।
समानम् । चक्रम् । परिऽआविवृत्सन् । यत् । एतशः । वहति । धूःऽसु । युक्तः ॥
Padapatha Transcription Accented
út ǀ ūṃ íti ǀ eti ǀ pra-savitā́ ǀ jánānām ǀ mahā́n ǀ ketúḥ ǀ arṇaváḥ ǀ sū́ryasya ǀ
samānám ǀ cakrám ǀ pari-āvívṛtsan ǀ yát ǀ etaśáḥ ǀ váhati ǀ dhūḥ-sú ǀ yuktáḥ ǁ
Padapatha Transcription Nonaccented
ut ǀ ūṃ iti ǀ eti ǀ pra-savitā ǀ janānām ǀ mahān ǀ ketuḥ ǀ arṇavaḥ ǀ sūryasya ǀ
samānam ǀ cakram ǀ pari-āvivṛtsan ǀ yat ǀ etaśaḥ ǀ vahati ǀ dhūḥ-su ǀ yuktaḥ ǁ
07.063.03 (Mandala. Sukta. Rik)
5.5.05.03 (Ashtaka. Adhyaya. Varga. Rik)
07.04.078 (Mandala. Anuvāka. Rik)
Samhita Devanagari Accented
वि॒भ्राज॑मान उ॒षसा॑मु॒पस्था॑द्रे॒भैरुदे॑त्यनुम॒द्यमा॑नः ।
ए॒ष मे॑ दे॒वः स॑वि॒ता च॑च्छंद॒ यः स॑मा॒नं न प्र॑मि॒नाति॒ धाम॑ ॥
Samhita Devanagari Nonaccented
विभ्राजमान उषसामुपस्थाद्रेभैरुदेत्यनुमद्यमानः ।
एष मे देवः सविता चच्छंद यः समानं न प्रमिनाति धाम ॥
Samhita Transcription Accented
vibhrā́jamāna uṣásāmupásthādrebháirúdetyanumadyámānaḥ ǀ
eṣá me deváḥ savitā́ cacchanda yáḥ samānám ná praminā́ti dhā́ma ǁ
Samhita Transcription Nonaccented
vibhrājamāna uṣasāmupasthādrebhairudetyanumadyamānaḥ ǀ
eṣa me devaḥ savitā cacchanda yaḥ samānam na pramināti dhāma ǁ
Padapatha Devanagari Accented
वि॒ऽभ्राज॑मानः । उ॒षसा॑म् । उ॒पऽस्था॑त् । रे॒भैः । उत् । ए॒ति॒ । अ॒नु॒ऽम॒द्यमा॑नः ।
ए॒षः । मे॒ । दे॒वः । स॒वि॒ता । च॒च्छ॒न्द॒ । यः । स॒मा॒नम् । न । प्र॒ऽमि॒नाति॑ । धाम॑ ॥
Padapatha Devanagari Nonaccented
विऽभ्राजमानः । उषसाम् । उपऽस्थात् । रेभैः । उत् । एति । अनुऽमद्यमानः ।
एषः । मे । देवः । सविता । चच्छन्द । यः । समानम् । न । प्रऽमिनाति । धाम ॥
Padapatha Transcription Accented
vi-bhrā́jamānaḥ ǀ uṣásām ǀ upá-sthāt ǀ rebháiḥ ǀ út ǀ eti ǀ anu-madyámānaḥ ǀ
eṣáḥ ǀ me ǀ deváḥ ǀ savitā́ ǀ cacchanda ǀ yáḥ ǀ samānám ǀ ná ǀ pra-minā́ti ǀ dhā́ma ǁ
Padapatha Transcription Nonaccented
vi-bhrājamānaḥ ǀ uṣasām ǀ upa-sthāt ǀ rebhaiḥ ǀ ut ǀ eti ǀ anu-madyamānaḥ ǀ
eṣaḥ ǀ me ǀ devaḥ ǀ savitā ǀ cacchanda ǀ yaḥ ǀ samānam ǀ na ǀ pra-mināti ǀ dhāma ǁ
07.063.04 (Mandala. Sukta. Rik)
5.5.05.04 (Ashtaka. Adhyaya. Varga. Rik)
07.04.079 (Mandala. Anuvāka. Rik)
Samhita Devanagari Accented
दि॒वो रु॒क्म उ॑रु॒चक्षा॒ उदे॑ति दू॒रेअ॑र्थस्त॒रणि॒र्भ्राज॑मानः ।
नू॒नं जनाः॒ सूर्ये॑ण॒ प्रसू॑ता॒ अय॒न्नर्था॑नि कृ॒णव॒न्नपां॑सि ॥
Samhita Devanagari Nonaccented
दिवो रुक्म उरुचक्षा उदेति दूरेअर्थस्तरणिर्भ्राजमानः ।
नूनं जनाः सूर्येण प्रसूता अयन्नर्थानि कृणवन्नपांसि ॥
Samhita Transcription Accented
divó rukmá urucákṣā údeti dūréarthastaráṇirbhrā́jamānaḥ ǀ
nūnám jánāḥ sū́ryeṇa prásūtā áyannárthāni kṛṇávannápāṃsi ǁ
Samhita Transcription Nonaccented
divo rukma urucakṣā udeti dūrearthastaraṇirbhrājamānaḥ ǀ
nūnam janāḥ sūryeṇa prasūtā ayannarthāni kṛṇavannapāṃsi ǁ
Padapatha Devanagari Accented
दि॒वः । रु॒क्मः । उ॒रु॒ऽचक्षाः॑ । उत् । ए॒ति॒ । दू॒रेऽअ॑र्थः । त॒रणिः॑ । भ्राज॑मानः ।
नू॒नम् । जनाः॑ । सूर्ये॑ण । प्रऽसू॑ताः । अय॑न् । अर्था॑नि । कृ॒णव॑न् । अपां॑सि ॥
Padapatha Devanagari Nonaccented
दिवः । रुक्मः । उरुऽचक्षाः । उत् । एति । दूरेऽअर्थः । तरणिः । भ्राजमानः ।
नूनम् । जनाः । सूर्येण । प्रऽसूताः । अयन् । अर्थानि । कृणवन् । अपांसि ॥
Padapatha Transcription Accented
diváḥ ǀ rukmáḥ ǀ uru-cákṣāḥ ǀ út ǀ eti ǀ dūré-arthaḥ ǀ taráṇiḥ ǀ bhrā́jamānaḥ ǀ
nūnám ǀ jánāḥ ǀ sū́ryeṇa ǀ prá-sūtāḥ ǀ áyan ǀ árthāni ǀ kṛṇávan ǀ ápāṃsi ǁ
Padapatha Transcription Nonaccented
divaḥ ǀ rukmaḥ ǀ uru-cakṣāḥ ǀ ut ǀ eti ǀ dūre-arthaḥ ǀ taraṇiḥ ǀ bhrājamānaḥ ǀ
nūnam ǀ janāḥ ǀ sūryeṇa ǀ pra-sūtāḥ ǀ ayan ǀ arthāni ǀ kṛṇavan ǀ apāṃsi ǁ
07.063.05 (Mandala. Sukta. Rik)
5.5.05.05 (Ashtaka. Adhyaya. Varga. Rik)
07.04.080 (Mandala. Anuvāka. Rik)
Samhita Devanagari Accented
यत्रा॑ च॒क्रुर॒मृता॑ गा॒तुम॑स्मै श्ये॒नो न दीय॒न्नन्वे॑ति॒ पाथः॑ ।
प्रति॑ वां॒ सूर॒ उदि॑ते विधेम॒ नमो॑भिर्मित्रावरुणो॒त ह॒व्यैः ॥
Samhita Devanagari Nonaccented
यत्रा चक्रुरमृता गातुमस्मै श्येनो न दीयन्नन्वेति पाथः ।
प्रति वां सूर उदिते विधेम नमोभिर्मित्रावरुणोत हव्यैः ॥
Samhita Transcription Accented
yátrā cakrúramṛ́tā gātúmasmai śyenó ná dī́yannánveti pā́thaḥ ǀ
práti vām sū́ra údite vidhema námobhirmitrāvaruṇotá havyáiḥ ǁ
Samhita Transcription Nonaccented
yatrā cakruramṛtā gātumasmai śyeno na dīyannanveti pāthaḥ ǀ
prati vām sūra udite vidhema namobhirmitrāvaruṇota havyaiḥ ǁ
Padapatha Devanagari Accented
यत्र॑ । च॒क्रुः । अ॒मृताः॑ । गा॒तुम् । अ॒स्मै॒ । श्ये॒नः । न । दीय॑न् । अनु॑ । ए॒ति॒ । पाथः॑ ।
प्रति॑ । वा॒म् । सूरे॑ । उत्ऽइ॑ते । वि॒धे॒म॒ । नमः॑ऽभिः । मि॒त्रा॒व॒रु॒णा॒ । उ॒त । ह॒व्यैः ॥
Padapatha Devanagari Nonaccented
यत्र । चक्रुः । अमृताः । गातुम् । अस्मै । श्येनः । न । दीयन् । अनु । एति । पाथः ।
प्रति । वाम् । सूरे । उत्ऽइते । विधेम । नमःऽभिः । मित्रावरुणा । उत । हव्यैः ॥
Padapatha Transcription Accented
yátra ǀ cakrúḥ ǀ amṛ́tāḥ ǀ gātúm ǀ asmai ǀ śyenáḥ ǀ ná ǀ dī́yan ǀ ánu ǀ eti ǀ pā́thaḥ ǀ
práti ǀ vām ǀ sū́re ǀ út-ite ǀ vidhema ǀ námaḥ-bhiḥ ǀ mitrāvaruṇā ǀ utá ǀ havyáiḥ ǁ
Padapatha Transcription Nonaccented
yatra ǀ cakruḥ ǀ amṛtāḥ ǀ gātum ǀ asmai ǀ śyenaḥ ǀ na ǀ dīyan ǀ anu ǀ eti ǀ pāthaḥ ǀ
prati ǀ vām ǀ sūre ǀ ut-ite ǀ vidhema ǀ namaḥ-bhiḥ ǀ mitrāvaruṇā ǀ uta ǀ havyaiḥ ǁ
07.063.06 (Mandala. Sukta. Rik)
5.5.05.06 (Ashtaka. Adhyaya. Varga. Rik)
07.04.081 (Mandala. Anuvāka. Rik)
Samhita Devanagari Accented
नू मि॒त्रो वरु॑णो अर्य॒मा न॒स्त्मने॑ तो॒काय॒ वरि॑वो दधंतु ।
सु॒गा नो॒ विश्वा॑ सु॒पथा॑नि संतु यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
नू मित्रो वरुणो अर्यमा नस्त्मने तोकाय वरिवो दधंतु ।
सुगा नो विश्वा सुपथानि संतु यूयं पात स्वस्तिभिः सदा नः ॥
Samhita Transcription Accented
nū́ mitró váruṇo aryamā́ nastmáne tokā́ya várivo dadhantu ǀ
sugā́ no víśvā supáthāni santu yūyám pāta svastíbhiḥ sádā naḥ ǁ
Samhita Transcription Nonaccented
nū mitro varuṇo aryamā nastmane tokāya varivo dadhantu ǀ
sugā no viśvā supathāni santu yūyam pāta svastibhiḥ sadā naḥ ǁ
Padapatha Devanagari Accented
नु । मि॒त्रः । वरु॑णः । अ॒र्य॒मा । नः॒ । त्मने॑ । तो॒काय॑ । वरि॑वः । द॒ध॒न्तु॒ ।
सु॒ऽगा । नः॒ । विश्वा॑ । सु॒ऽपथा॑नि । स॒न्तु॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
नु । मित्रः । वरुणः । अर्यमा । नः । त्मने । तोकाय । वरिवः । दधन्तु ।
सुऽगा । नः । विश्वा । सुऽपथानि । सन्तु । यूयम् । पात । स्वस्तिऽभिः । सदा । नः ॥
Padapatha Transcription Accented
nú ǀ mitráḥ ǀ váruṇaḥ ǀ aryamā́ ǀ naḥ ǀ tmáne ǀ tokā́ya ǀ várivaḥ ǀ dadhantu ǀ
su-gā́ ǀ naḥ ǀ víśvā ǀ su-páthāni ǀ santu ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
nu ǀ mitraḥ ǀ varuṇaḥ ǀ aryamā ǀ naḥ ǀ tmane ǀ tokāya ǀ varivaḥ ǀ dadhantu ǀ
su-gā ǀ naḥ ǀ viśvā ǀ su-pathāni ǀ santu ǀ yūyam ǀ pāta ǀ svasti-bhiḥ ǀ sadā ǀ naḥ ǁ