|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 64
|
1. Info |
| To: | mitra, varuṇa | |
| From: | vasiṣṭha maitrāvaruṇi | |
| Metres: | 1st set of styles: triṣṭup (1-4); virāṭtrisṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.064.01 (Mandala. Sukta. Rik)
5.5.06.01 (Ashtaka. Adhyaya. Varga. Rik)
07.04.082 (Mandala. Anuvāka. Rik)
Samhita Devanagari Accented
दि॒वि क्षयं॑ता॒ रज॑सः पृथि॒व्यां प्र वां॑ घृ॒तस्य॑ नि॒र्णिजो॑ ददीरन् ।
ह॒व्यं नो॑ मि॒त्रो अ॑र्य॒मा सुजा॑तो॒ राजा॑ सुक्ष॒त्रो वरु॑णो जुषंत ॥
Samhita Devanagari Nonaccented
दिवि क्षयंता रजसः पृथिव्यां प्र वां घृतस्य निर्णिजो ददीरन् ।
हव्यं नो मित्रो अर्यमा सुजातो राजा सुक्षत्रो वरुणो जुषंत ॥
Samhita Transcription Accented
diví kṣáyantā rájasaḥ pṛthivyā́m prá vām ghṛtásya nirṇíjo dadīran ǀ
havyám no mitró aryamā́ sújāto rā́jā sukṣatró váruṇo juṣanta ǁ
Samhita Transcription Nonaccented
divi kṣayantā rajasaḥ pṛthivyām pra vām ghṛtasya nirṇijo dadīran ǀ
havyam no mitro aryamā sujāto rājā sukṣatro varuṇo juṣanta ǁ
Padapatha Devanagari Accented
दि॒वि । क्षय॑न्ता । रज॑सः । पृ॒थि॒व्याम् । प्र । वा॒म् । घृ॒तस्य॑ । निः॒ऽनिजः॑ । द॒दी॒र॒न् ।
ह॒व्यम् । नः॒ । मि॒त्रः । अ॒र्य॒मा । सुऽजा॑तः । राजा॑ । सु॒ऽक्ष॒त्रः । वरु॑णः । जु॒ष॒न्त॒ ॥
Padapatha Devanagari Nonaccented
दिवि । क्षयन्ता । रजसः । पृथिव्याम् । प्र । वाम् । घृतस्य । निःऽनिजः । ददीरन् ।
हव्यम् । नः । मित्रः । अर्यमा । सुऽजातः । राजा । सुऽक्षत्रः । वरुणः । जुषन्त ॥
Padapatha Transcription Accented
diví ǀ kṣáyantā ǀ rájasaḥ ǀ pṛthivyā́m ǀ prá ǀ vām ǀ ghṛtásya ǀ niḥ-níjaḥ ǀ dadīran ǀ
havyám ǀ naḥ ǀ mitráḥ ǀ aryamā́ ǀ sú-jātaḥ ǀ rā́jā ǀ su-kṣatráḥ ǀ váruṇaḥ ǀ juṣanta ǁ
Padapatha Transcription Nonaccented
divi ǀ kṣayantā ǀ rajasaḥ ǀ pṛthivyām ǀ pra ǀ vām ǀ ghṛtasya ǀ niḥ-nijaḥ ǀ dadīran ǀ
havyam ǀ naḥ ǀ mitraḥ ǀ aryamā ǀ su-jātaḥ ǀ rājā ǀ su-kṣatraḥ ǀ varuṇaḥ ǀ juṣanta ǁ
07.064.02 (Mandala. Sukta. Rik)
5.5.06.02 (Ashtaka. Adhyaya. Varga. Rik)
07.04.083 (Mandala. Anuvāka. Rik)
Samhita Devanagari Accented
आ रा॑जाना मह ऋतस्य गोपा॒ सिंधु॑पती क्षत्रिया यातम॒र्वाक् ।
इळां॑ नो मित्रावरुणो॒त वृ॒ष्टिमव॑ दि॒व इ॑न्वतं जीरदानू ॥
Samhita Devanagari Nonaccented
आ राजाना मह ऋतस्य गोपा सिंधुपती क्षत्रिया यातमर्वाक् ।
इळां नो मित्रावरुणोत वृष्टिमव दिव इन्वतं जीरदानू ॥
Samhita Transcription Accented
ā́ rājānā maha ṛtasya gopā síndhupatī kṣatriyā yātamarvā́k ǀ
íḷām no mitrāvaruṇotá vṛṣṭímáva divá invatam jīradānū ǁ
Samhita Transcription Nonaccented
ā rājānā maha ṛtasya gopā sindhupatī kṣatriyā yātamarvāk ǀ
iḷām no mitrāvaruṇota vṛṣṭimava diva invatam jīradānū ǁ
Padapatha Devanagari Accented
आ । रा॒जा॒ना॒ । म॒हः॒ । ऋ॒त॒स्य॒ । गो॒पा॒ । सिन्धु॑पती॒ इति॒ सिन्धु॑ऽपती । क्ष॒त्रि॒या॒ । या॒त॒म् । अ॒र्वाक् ।
इळा॑म् । नः॒ । मि॒त्रा॒व॒रु॒णा॒ । उ॒त । वृ॒ष्टिम् । अव॑ । दि॒वः । इ॒न्व॒त॒म् । जी॒र॒दा॒नू॒ इति॑ जीरऽदानू ॥
Padapatha Devanagari Nonaccented
आ । राजाना । महः । ऋतस्य । गोपा । सिन्धुपती इति सिन्धुऽपती । क्षत्रिया । यातम् । अर्वाक् ।
इळाम् । नः । मित्रावरुणा । उत । वृष्टिम् । अव । दिवः । इन्वतम् । जीरदानू इति जीरऽदानू ॥
Padapatha Transcription Accented
ā́ ǀ rājānā ǀ mahaḥ ǀ ṛtasya ǀ gopā ǀ síndhupatī íti síndhu-patī ǀ kṣatriyā ǀ yātam ǀ arvā́k ǀ
íḷām ǀ naḥ ǀ mitrāvaruṇā ǀ utá ǀ vṛṣṭím ǀ áva ǀ diváḥ ǀ invatam ǀ jīradānū íti jīra-dānū ǁ
Padapatha Transcription Nonaccented
ā ǀ rājānā ǀ mahaḥ ǀ ṛtasya ǀ gopā ǀ sindhupatī iti sindhu-patī ǀ kṣatriyā ǀ yātam ǀ arvāk ǀ
iḷām ǀ naḥ ǀ mitrāvaruṇā ǀ uta ǀ vṛṣṭim ǀ ava ǀ divaḥ ǀ invatam ǀ jīradānū iti jīra-dānū ǁ
07.064.03 (Mandala. Sukta. Rik)
5.5.06.03 (Ashtaka. Adhyaya. Varga. Rik)
07.04.084 (Mandala. Anuvāka. Rik)
Samhita Devanagari Accented
मि॒त्रस्तन्नो॒ वरु॑णो दे॒वो अ॒र्यः प्र साधि॑ष्ठेभिः प॒थिभि॑र्नयंतु ।
ब्रव॒द्यथा॑ न॒ आद॒रिः सु॒दास॑ इ॒षा म॑देम स॒ह दे॒वगो॑पाः ॥
Samhita Devanagari Nonaccented
मित्रस्तन्नो वरुणो देवो अर्यः प्र साधिष्ठेभिः पथिभिर्नयंतु ।
ब्रवद्यथा न आदरिः सुदास इषा मदेम सह देवगोपाः ॥
Samhita Transcription Accented
mitrástánno váruṇo devó aryáḥ prá sā́dhiṣṭhebhiḥ pathíbhirnayantu ǀ
brávadyáthā na ā́daríḥ sudā́sa iṣā́ madema sahá devágopāḥ ǁ
Samhita Transcription Nonaccented
mitrastanno varuṇo devo aryaḥ pra sādhiṣṭhebhiḥ pathibhirnayantu ǀ
bravadyathā na ādariḥ sudāsa iṣā madema saha devagopāḥ ǁ
Padapatha Devanagari Accented
मि॒त्रः । तत् । नः॒ । वरु॑णः । दे॒वः । अ॒र्यः । प्र । साधि॑ष्ठेभिः । प॒थिऽभिः॑ । न॒य॒न्तु॒ ।
ब्रव॑त् । यथा॑ । नः॒ । आत् । अ॒रिः । सु॒ऽदासे॑ । इ॒षा । म॒दे॒म॒ । स॒ह । दे॒वऽगो॑पाः ॥
Padapatha Devanagari Nonaccented
मित्रः । तत् । नः । वरुणः । देवः । अर्यः । प्र । साधिष्ठेभिः । पथिऽभिः । नयन्तु ।
ब्रवत् । यथा । नः । आत् । अरिः । सुऽदासे । इषा । मदेम । सह । देवऽगोपाः ॥
Padapatha Transcription Accented
mitráḥ ǀ tát ǀ naḥ ǀ váruṇaḥ ǀ deváḥ ǀ aryáḥ ǀ prá ǀ sā́dhiṣṭhebhiḥ ǀ pathí-bhiḥ ǀ nayantu ǀ
brávat ǀ yáthā ǀ naḥ ǀ ā́t ǀ aríḥ ǀ su-dā́se ǀ iṣā́ ǀ madema ǀ sahá ǀ devá-gopāḥ ǁ
Padapatha Transcription Nonaccented
mitraḥ ǀ tat ǀ naḥ ǀ varuṇaḥ ǀ devaḥ ǀ aryaḥ ǀ pra ǀ sādhiṣṭhebhiḥ ǀ pathi-bhiḥ ǀ nayantu ǀ
bravat ǀ yathā ǀ naḥ ǀ āt ǀ ariḥ ǀ su-dāse ǀ iṣā ǀ madema ǀ saha ǀ deva-gopāḥ ǁ
07.064.04 (Mandala. Sukta. Rik)
5.5.06.04 (Ashtaka. Adhyaya. Varga. Rik)
07.04.085 (Mandala. Anuvāka. Rik)
Samhita Devanagari Accented
यो वां॒ गर्तं॒ मन॑सा॒ तक्ष॑दे॒तमू॒र्ध्वां धी॒तिं कृ॒णव॑द्धा॒रय॑च्च ।
उ॒क्षेथां॑ मित्रावरुणा घृ॒तेन॒ ता रा॑जाना सुक्षि॒तीस्त॑र्पयेथां ॥
Samhita Devanagari Nonaccented
यो वां गर्तं मनसा तक्षदेतमूर्ध्वां धीतिं कृणवद्धारयच्च ।
उक्षेथां मित्रावरुणा घृतेन ता राजाना सुक्षितीस्तर्पयेथां ॥
Samhita Transcription Accented
yó vām gártam mánasā tákṣadetámūrdhvā́m dhītím kṛṇávaddhāráyacca ǀ
ukṣéthām mitrāvaruṇā ghṛténa tā́ rājānā sukṣitī́starpayethām ǁ
Samhita Transcription Nonaccented
yo vām gartam manasā takṣadetamūrdhvām dhītim kṛṇavaddhārayacca ǀ
ukṣethām mitrāvaruṇā ghṛtena tā rājānā sukṣitīstarpayethām ǁ
Padapatha Devanagari Accented
यः । वा॒म् । गर्त॑म् । मन॑सा । तक्ष॑त् । ए॒तम् । ऊ॒र्ध्वाम् । धी॒तिम् । कृ॒णव॑त् । धा॒रय॑त् । च॒ ।
उ॒क्षेथा॑म् । मि॒त्रा॒व॒रु॒णा॒ । घृ॒तेन॑ । ता । रा॒जा॒ना॒ । सु॒ऽक्षि॒तीः । त॒र्प॒ये॒था॒म् ॥
Padapatha Devanagari Nonaccented
यः । वाम् । गर्तम् । मनसा । तक्षत् । एतम् । ऊर्ध्वाम् । धीतिम् । कृणवत् । धारयत् । च ।
उक्षेथाम् । मित्रावरुणा । घृतेन । ता । राजाना । सुऽक्षितीः । तर्पयेथाम् ॥
Padapatha Transcription Accented
yáḥ ǀ vām ǀ gártam ǀ mánasā ǀ tákṣat ǀ etám ǀ ūrdhvā́m ǀ dhītím ǀ kṛṇávat ǀ dhāráyat ǀ ca ǀ
ukṣéthām ǀ mitrāvaruṇā ǀ ghṛténa ǀ tā́ ǀ rājānā ǀ su-kṣitī́ḥ ǀ tarpayethām ǁ
Padapatha Transcription Nonaccented
yaḥ ǀ vām ǀ gartam ǀ manasā ǀ takṣat ǀ etam ǀ ūrdhvām ǀ dhītim ǀ kṛṇavat ǀ dhārayat ǀ ca ǀ
ukṣethām ǀ mitrāvaruṇā ǀ ghṛtena ǀ tā ǀ rājānā ǀ su-kṣitīḥ ǀ tarpayethām ǁ
07.064.05 (Mandala. Sukta. Rik)
5.5.06.05 (Ashtaka. Adhyaya. Varga. Rik)
07.04.086 (Mandala. Anuvāka. Rik)
Samhita Devanagari Accented
ए॒ष स्तोमो॑ वरुण मित्र॒ तुभ्यं॒ सोमः॑ शु॒क्रो न वा॒यवे॑ऽयामि ।
अ॒वि॒ष्टं धियो॑ जिगृ॒तं पुरं॑धीर्यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
एष स्तोमो वरुण मित्र तुभ्यं सोमः शुक्रो न वायवेऽयामि ।
अविष्टं धियो जिगृतं पुरंधीर्यूयं पात स्वस्तिभिः सदा नः ॥
Samhita Transcription Accented
eṣá stómo varuṇa mitra túbhyam sómaḥ śukró ná vāyáve’yāmi ǀ
aviṣṭám dhíyo jigṛtám púraṃdhīryūyám pāta svastíbhiḥ sádā naḥ ǁ
Samhita Transcription Nonaccented
eṣa stomo varuṇa mitra tubhyam somaḥ śukro na vāyave’yāmi ǀ
aviṣṭam dhiyo jigṛtam puraṃdhīryūyam pāta svastibhiḥ sadā naḥ ǁ
Padapatha Devanagari Accented
ए॒षः । स्तोमः॑ । व॒रु॒ण॒ । मि॒त्र॒ । तुभ्य॑म् । सोमः॑ । शु॒क्रः । न । वा॒यवे॑ । अ॒या॒मि॒ ।
अ॒वि॒ष्टम् । धियः॑ । जि॒गृ॒तम् । पुर॑म्ऽधीः । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
एषः । स्तोमः । वरुण । मित्र । तुभ्यम् । सोमः । शुक्रः । न । वायवे । अयामि ।
अविष्टम् । धियः । जिगृतम् । पुरम्ऽधीः । यूयम् । पात । स्वस्तिऽभिः । सदा । नः ॥
Padapatha Transcription Accented
eṣáḥ ǀ stómaḥ ǀ varuṇa ǀ mitra ǀ túbhyam ǀ sómaḥ ǀ śukráḥ ǀ ná ǀ vāyáve ǀ ayāmi ǀ
aviṣṭám ǀ dhíyaḥ ǀ jigṛtám ǀ púram-dhīḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
eṣaḥ ǀ stomaḥ ǀ varuṇa ǀ mitra ǀ tubhyam ǀ somaḥ ǀ śukraḥ ǀ na ǀ vāyave ǀ ayāmi ǀ
aviṣṭam ǀ dhiyaḥ ǀ jigṛtam ǀ puram-dhīḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ