|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 65
|
1. Info |
| To: | mitra, varuṇa | |
| From: | vasiṣṭha maitrāvaruṇi | |
| Metres: | 1st set of styles: virāṭtrisṭup (1, 5); nicṛttriṣṭup (3, 4); triṣṭup (2) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.065.01 (Mandala. Sukta. Rik)
5.5.07.01 (Ashtaka. Adhyaya. Varga. Rik)
07.04.087 (Mandala. Anuvāka. Rik)
Samhita Devanagari Accented
प्रति॑ वां॒ सूर॒ उदि॑ते सू॒क्तैर्मि॒त्रं हु॑वे॒ वरु॑णं पू॒तद॑क्षं ।
ययो॑रसु॒र्य१॒॑मक्षि॑तं॒ ज्येष्ठं॒ विश्व॑स्य॒ याम॑न्ना॒चिता॑ जिग॒त्नु ॥
Samhita Devanagari Nonaccented
प्रति वां सूर उदिते सूक्तैर्मित्रं हुवे वरुणं पूतदक्षं ।
ययोरसुर्यमक्षितं ज्येष्ठं विश्वस्य यामन्नाचिता जिगत्नु ॥
Samhita Transcription Accented
práti vām sū́ra údite sūktáirmitrám huve váruṇam pūtádakṣam ǀ
yáyorasuryámákṣitam jyéṣṭham víśvasya yā́mannācítā jigatnú ǁ
Samhita Transcription Nonaccented
prati vām sūra udite sūktairmitram huve varuṇam pūtadakṣam ǀ
yayorasuryamakṣitam jyeṣṭham viśvasya yāmannācitā jigatnu ǁ
Padapatha Devanagari Accented
प्रति॑ । वा॒म् । सूरे॑ । उत्ऽइ॑ते । सु॒ऽउ॒क्तैः । मि॒त्रम् । हु॒वे॒ । वरु॑णम् । पू॒तऽद॑क्षम् ।
ययोः॑ । अ॒सु॒र्य॑म् । अक्षि॑तम् । ज्येष्ठ॑म् । विश्व॑स्य । याम॑न् । आ॒ऽचिता॑ । जि॒ग॒त्नु ॥
Padapatha Devanagari Nonaccented
प्रति । वाम् । सूरे । उत्ऽइते । सुऽउक्तैः । मित्रम् । हुवे । वरुणम् । पूतऽदक्षम् ।
ययोः । असुर्यम् । अक्षितम् । ज्येष्ठम् । विश्वस्य । यामन् । आऽचिता । जिगत्नु ॥
Padapatha Transcription Accented
práti ǀ vām ǀ sū́re ǀ út-ite ǀ su-uktáiḥ ǀ mitrám ǀ huve ǀ váruṇam ǀ pūtá-dakṣam ǀ
yáyoḥ ǀ asuryám ǀ ákṣitam ǀ jyéṣṭham ǀ víśvasya ǀ yā́man ǀ ā-cítā ǀ jigatnú ǁ
Padapatha Transcription Nonaccented
prati ǀ vām ǀ sūre ǀ ut-ite ǀ su-uktaiḥ ǀ mitram ǀ huve ǀ varuṇam ǀ pūta-dakṣam ǀ
yayoḥ ǀ asuryam ǀ akṣitam ǀ jyeṣṭham ǀ viśvasya ǀ yāman ǀ ā-citā ǀ jigatnu ǁ
07.065.02 (Mandala. Sukta. Rik)
5.5.07.02 (Ashtaka. Adhyaya. Varga. Rik)
07.04.088 (Mandala. Anuvāka. Rik)
Samhita Devanagari Accented
ता हि दे॒वाना॒मसु॑रा॒ ताव॒र्या ता नः॑ क्षि॒तीः क॑रतमू॒र्जयं॑तीः ।
अ॒श्याम॑ मित्रावरुणा व॒यं वां॒ द्यावा॑ च॒ यत्र॑ पी॒पय॒न्नहा॑ च ॥
Samhita Devanagari Nonaccented
ता हि देवानामसुरा तावर्या ता नः क्षितीः करतमूर्जयंतीः ।
अश्याम मित्रावरुणा वयं वां द्यावा च यत्र पीपयन्नहा च ॥
Samhita Transcription Accented
tā́ hí devā́nāmásurā tā́varyā́ tā́ naḥ kṣitī́ḥ karatamūrjáyantīḥ ǀ
aśyā́ma mitrāvaruṇā vayám vām dyā́vā ca yátra pīpáyannáhā ca ǁ
Samhita Transcription Nonaccented
tā hi devānāmasurā tāvaryā tā naḥ kṣitīḥ karatamūrjayantīḥ ǀ
aśyāma mitrāvaruṇā vayam vām dyāvā ca yatra pīpayannahā ca ǁ
Padapatha Devanagari Accented
ता । हि । दे॒वाना॑म् । असु॑रा । तौ । अ॒र्या । ता । नः॒ । क्षि॒तीः । क॒र॒त॒म् । ऊ॒र्जय॑न्तीः ।
अ॒श्याम॑ । मि॒त्रा॒व॒रु॒णा॒ । व॒यम् । वा॒म् । द्यावा॑ । च॒ । यत्र॑ । पी॒पय॑न् । अहा॑ । च॒ ॥
Padapatha Devanagari Nonaccented
ता । हि । देवानाम् । असुरा । तौ । अर्या । ता । नः । क्षितीः । करतम् । ऊर्जयन्तीः ।
अश्याम । मित्रावरुणा । वयम् । वाम् । द्यावा । च । यत्र । पीपयन् । अहा । च ॥
Padapatha Transcription Accented
tā́ ǀ hí ǀ devā́nām ǀ ásurā ǀ táu ǀ aryā́ ǀ tā́ ǀ naḥ ǀ kṣitī́ḥ ǀ karatam ǀ ūrjáyantīḥ ǀ
aśyā́ma ǀ mitrāvaruṇā ǀ vayám ǀ vām ǀ dyā́vā ǀ ca ǀ yátra ǀ pīpáyan ǀ áhā ǀ ca ǁ
Padapatha Transcription Nonaccented
tā ǀ hi ǀ devānām ǀ asurā ǀ tau ǀ aryā ǀ tā ǀ naḥ ǀ kṣitīḥ ǀ karatam ǀ ūrjayantīḥ ǀ
aśyāma ǀ mitrāvaruṇā ǀ vayam ǀ vām ǀ dyāvā ǀ ca ǀ yatra ǀ pīpayan ǀ ahā ǀ ca ǁ
07.065.03 (Mandala. Sukta. Rik)
5.5.07.03 (Ashtaka. Adhyaya. Varga. Rik)
07.04.089 (Mandala. Anuvāka. Rik)
Samhita Devanagari Accented
ता भूरि॑पाशा॒वनृ॑तस्य॒ सेतू॑ दुर॒त्येतू॑ रि॒पवे॒ मर्त्या॑य ।
ऋ॒तस्य॑ मित्रावरुणा प॒था वा॑म॒पो न ना॒वा दु॑रि॒ता त॑रेम ॥
Samhita Devanagari Nonaccented
ता भूरिपाशावनृतस्य सेतू दुरत्येतू रिपवे मर्त्याय ।
ऋतस्य मित्रावरुणा पथा वामपो न नावा दुरिता तरेम ॥
Samhita Transcription Accented
tā́ bhū́ripāśāvánṛtasya sétū duratyétū ripáve mártyāya ǀ
ṛtásya mitrāvaruṇā pathā́ vāmapó ná nāvā́ duritā́ tarema ǁ
Samhita Transcription Nonaccented
tā bhūripāśāvanṛtasya setū duratyetū ripave martyāya ǀ
ṛtasya mitrāvaruṇā pathā vāmapo na nāvā duritā tarema ǁ
Padapatha Devanagari Accented
ता । भूरि॑ऽपाशौ । अनृ॑तस्य । सेतू॒ इति॑ । दु॒र॒त्येतू॒ इति॑ दुः॒ऽअ॒त्येतू॑ । रि॒पवे॑ । मर्त्या॑य ।
ऋ॒तस्य॑ । मि॒त्रा॒व॒रु॒णा॒ । प॒था । वा॒म् । अ॒पः । न । ना॒वा । दुः॒ऽइ॒ता । त॒रे॒म॒ ॥
Padapatha Devanagari Nonaccented
ता । भूरिऽपाशौ । अनृतस्य । सेतू इति । दुरत्येतू इति दुःऽअत्येतू । रिपवे । मर्त्याय ।
ऋतस्य । मित्रावरुणा । पथा । वाम् । अपः । न । नावा । दुःऽइता । तरेम ॥
Padapatha Transcription Accented
tā́ ǀ bhū́ri-pāśau ǀ ánṛtasya ǀ sétū íti ǀ duratyétū íti duḥ-atyétū ǀ ripáve ǀ mártyāya ǀ
ṛtásya ǀ mitrāvaruṇā ǀ pathā́ ǀ vām ǀ apáḥ ǀ ná ǀ nāvā́ ǀ duḥ-itā́ ǀ tarema ǁ
Padapatha Transcription Nonaccented
tā ǀ bhūri-pāśau ǀ anṛtasya ǀ setū iti ǀ duratyetū iti duḥ-atyetū ǀ ripave ǀ martyāya ǀ
ṛtasya ǀ mitrāvaruṇā ǀ pathā ǀ vām ǀ apaḥ ǀ na ǀ nāvā ǀ duḥ-itā ǀ tarema ǁ
07.065.04 (Mandala. Sukta. Rik)
5.5.07.04 (Ashtaka. Adhyaya. Varga. Rik)
07.04.090 (Mandala. Anuvāka. Rik)
Samhita Devanagari Accented
आ नो॑ मित्रावरुणा ह॒व्यजु॑ष्टिं घृ॒तैर्गव्यू॑तिमुक्षत॒मिळा॑भिः ।
प्रति॑ वा॒मत्र॒ वर॒मा जना॑य पृणी॒तमु॒द्नो दि॒व्यस्य॒ चारोः॑ ॥
Samhita Devanagari Nonaccented
आ नो मित्रावरुणा हव्यजुष्टिं घृतैर्गव्यूतिमुक्षतमिळाभिः ।
प्रति वामत्र वरमा जनाय पृणीतमुद्नो दिव्यस्य चारोः ॥
Samhita Transcription Accented
ā́ no mitrāvaruṇā havyájuṣṭim ghṛtáirgávyūtimukṣatamíḷābhiḥ ǀ
práti vāmátra váramā́ jánāya pṛṇītámudnó divyásya cā́roḥ ǁ
Samhita Transcription Nonaccented
ā no mitrāvaruṇā havyajuṣṭim ghṛtairgavyūtimukṣatamiḷābhiḥ ǀ
prati vāmatra varamā janāya pṛṇītamudno divyasya cāroḥ ǁ
Padapatha Devanagari Accented
आ । नः॒ । मि॒त्रा॒व॒रु॒णा॒ । ह॒व्यऽजु॑ष्टिम् । घृ॒तैः । गव्यू॑तिम् । उ॒क्ष॒त॒म् । इळा॑भिः ।
प्रति॑ । वा॒म् । अत्र॑ । वर॑म् । आ । जना॑य । पृ॒णी॒तम् । उ॒द्नः । दि॒व्यस्य॑ । चारोः॑ ॥
Padapatha Devanagari Nonaccented
आ । नः । मित्रावरुणा । हव्यऽजुष्टिम् । घृतैः । गव्यूतिम् । उक्षतम् । इळाभिः ।
प्रति । वाम् । अत्र । वरम् । आ । जनाय । पृणीतम् । उद्नः । दिव्यस्य । चारोः ॥
Padapatha Transcription Accented
ā́ ǀ naḥ ǀ mitrāvaruṇā ǀ havyá-juṣṭim ǀ ghṛtáiḥ ǀ gávyūtim ǀ ukṣatam ǀ íḷābhiḥ ǀ
práti ǀ vām ǀ átra ǀ váram ǀ ā́ ǀ jánāya ǀ pṛṇītám ǀ udnáḥ ǀ divyásya ǀ cā́roḥ ǁ
Padapatha Transcription Nonaccented
ā ǀ naḥ ǀ mitrāvaruṇā ǀ havya-juṣṭim ǀ ghṛtaiḥ ǀ gavyūtim ǀ ukṣatam ǀ iḷābhiḥ ǀ
prati ǀ vām ǀ atra ǀ varam ǀ ā ǀ janāya ǀ pṛṇītam ǀ udnaḥ ǀ divyasya ǀ cāroḥ ǁ
07.065.05 (Mandala. Sukta. Rik)
5.5.07.05 (Ashtaka. Adhyaya. Varga. Rik)
07.04.091 (Mandala. Anuvāka. Rik)
Samhita Devanagari Accented
ए॒ष स्तोमो॑ वरुण मित्र॒ तुभ्यं॒ सोमः॑ शु॒क्रो न वा॒यवे॑ऽयामि ।
अ॒वि॒ष्टं धियो॑ जिगृ॒तं पुरं॑धीर्यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
एष स्तोमो वरुण मित्र तुभ्यं सोमः शुक्रो न वायवेऽयामि ।
अविष्टं धियो जिगृतं पुरंधीर्यूयं पात स्वस्तिभिः सदा नः ॥
Samhita Transcription Accented
eṣá stómo varuṇa mitra túbhyam sómaḥ śukró ná vāyáve’yāmi ǀ
aviṣṭám dhíyo jigṛtám púraṃdhīryūyám pāta svastíbhiḥ sádā naḥ ǁ
Samhita Transcription Nonaccented
eṣa stomo varuṇa mitra tubhyam somaḥ śukro na vāyave’yāmi ǀ
aviṣṭam dhiyo jigṛtam puraṃdhīryūyam pāta svastibhiḥ sadā naḥ ǁ
Padapatha Devanagari Accented
ए॒षः । स्तोमः॑ । व॒रु॒ण॒ । मि॒त्र॒ । तुभ्य॑म् । सोमः॑ । शु॒क्रः । न । वा॒यवे॑ । अ॒या॒मि॒ ।
अ॒वि॒ष्टम् । धियः॑ । जि॒गृ॒तम् । पुर॑म्ऽधीः । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
एषः । स्तोमः । वरुण । मित्र । तुभ्यम् । सोमः । शुक्रः । न । वायवे । अयामि ।
अविष्टम् । धियः । जिगृतम् । पुरम्ऽधीः । यूयम् । पात । स्वस्तिऽभिः । सदा । नः ॥
Padapatha Transcription Accented
eṣáḥ ǀ stómaḥ ǀ varuṇa ǀ mitra ǀ túbhyam ǀ sómaḥ ǀ śukráḥ ǀ ná ǀ vāyáve ǀ ayāmi ǀ
aviṣṭám ǀ dhíyaḥ ǀ jigṛtám ǀ púram-dhīḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
eṣaḥ ǀ stomaḥ ǀ varuṇa ǀ mitra ǀ tubhyam ǀ somaḥ ǀ śukraḥ ǀ na ǀ vāyave ǀ ayāmi ǀ
aviṣṭam ǀ dhiyaḥ ǀ jigṛtam ǀ puram-dhīḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ