|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 66
|
1. Info |
| To: | 1-3, 9, 17-19: mitra, varuṇa; 4: aryaman, bhaga, mitra, savitṛ; 5, 6, 8, 10, 13: ādityās; 7, 11, 12: aryaman, mitra, varuṇa; 14-16: sūrya |
|
| From: | vasiṣṭha maitrāvaruṇi | |
| Metres: | 1st set of styles: ārṣīgāyatrī (5-7, 18, 19); nicṛdgāyatrī (1, 2, 4, 9); bhurigārṣībṛhatī (13, 15); virāḍgāyatrī (3); svarāḍgāyatrī (8); nicṛdbṛhatī (10); svarāḍbṛhatī (11); ārcīsvarāḍbṛhatī (12); ārṣīvirāḍbṛhatī (14); purauṣṇik (16); gāyatrī (pādanicṛdgāyatrī) (17) 2nd set of styles: gāyatrī (1-9, 17-19); bṛhatī (10, 12, 14); satobṛhatī (11, 13, 15); pura-uṣṇih (16) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.066.01 (Mandala. Sukta. Rik)
5.5.08.01 (Ashtaka. Adhyaya. Varga. Rik)
07.04.092 (Mandala. Anuvāka. Rik)
Samhita Devanagari Accented
प्र मि॒त्रयो॒र्वरु॑णयोः॒ स्तोमो॑ न एतु शू॒ष्यः॑ ।
नम॑स्वांतुविजा॒तयोः॑ ॥
Samhita Devanagari Nonaccented
प्र मित्रयोर्वरुणयोः स्तोमो न एतु शूष्यः ।
नमस्वांतुविजातयोः ॥
Samhita Transcription Accented
prá mitráyorváruṇayoḥ stómo na etu śūṣyáḥ ǀ
námasvāntuvijātáyoḥ ǁ
Samhita Transcription Nonaccented
pra mitrayorvaruṇayoḥ stomo na etu śūṣyaḥ ǀ
namasvāntuvijātayoḥ ǁ
Padapatha Devanagari Accented
प्र । मि॒त्रयोः॑ । वरु॑णयोः । स्तोमः॑ । नः॒ । ए॒तु॒ । शू॒ष्यः॑ ।
नम॑स्वान् । तु॒वि॒ऽजा॒तयोः॑ ॥
Padapatha Devanagari Nonaccented
प्र । मित्रयोः । वरुणयोः । स्तोमः । नः । एतु । शूष्यः ।
नमस्वान् । तुविऽजातयोः ॥
Padapatha Transcription Accented
prá ǀ mitráyoḥ ǀ váruṇayoḥ ǀ stómaḥ ǀ naḥ ǀ etu ǀ śūṣyáḥ ǀ
námasvān ǀ tuvi-jātáyoḥ ǁ
Padapatha Transcription Nonaccented
pra ǀ mitrayoḥ ǀ varuṇayoḥ ǀ stomaḥ ǀ naḥ ǀ etu ǀ śūṣyaḥ ǀ
namasvān ǀ tuvi-jātayoḥ ǁ
07.066.02 (Mandala. Sukta. Rik)
5.5.08.02 (Ashtaka. Adhyaya. Varga. Rik)
07.04.093 (Mandala. Anuvāka. Rik)
Samhita Devanagari Accented
या धा॒रयं॑त दे॒वाः सु॒दक्षा॒ दक्ष॑पितरा ।
अ॒सु॒र्या॑य॒ प्रम॑हसा ॥
Samhita Devanagari Nonaccented
या धारयंत देवाः सुदक्षा दक्षपितरा ।
असुर्याय प्रमहसा ॥
Samhita Transcription Accented
yā́ dhāráyanta devā́ḥ sudákṣā dákṣapitarā ǀ
asuryā́ya prámahasā ǁ
Samhita Transcription Nonaccented
yā dhārayanta devāḥ sudakṣā dakṣapitarā ǀ
asuryāya pramahasā ǁ
Padapatha Devanagari Accented
या । धा॒रय॑न्त । दे॒वाः । सु॒ऽदक्षा॑ । दक्ष॑ऽपितरा ।
अ॒सु॒र्या॑य । प्रऽम॑हसा ॥
Padapatha Devanagari Nonaccented
या । धारयन्त । देवाः । सुऽदक्षा । दक्षऽपितरा ।
असुर्याय । प्रऽमहसा ॥
Padapatha Transcription Accented
yā́ ǀ dhāráyanta ǀ devā́ḥ ǀ su-dákṣā ǀ dákṣa-pitarā ǀ
asuryā́ya ǀ prá-mahasā ǁ
Padapatha Transcription Nonaccented
yā ǀ dhārayanta ǀ devāḥ ǀ su-dakṣā ǀ dakṣa-pitarā ǀ
asuryāya ǀ pra-mahasā ǁ
07.066.03 (Mandala. Sukta. Rik)
5.5.08.03 (Ashtaka. Adhyaya. Varga. Rik)
07.04.094 (Mandala. Anuvāka. Rik)
Samhita Devanagari Accented
ता नः॑ स्ति॒पा त॑नू॒पा वरु॑ण जरितॄ॒णां ।
मित्र॑ सा॒धय॑तं॒ धियः॑ ॥
Samhita Devanagari Nonaccented
ता नः स्तिपा तनूपा वरुण जरितॄणां ।
मित्र साधयतं धियः ॥
Samhita Transcription Accented
tā́ naḥ stipā́ tanūpā́ váruṇa jaritṝṇā́m ǀ
mítra sādháyatam dhíyaḥ ǁ
Samhita Transcription Nonaccented
tā naḥ stipā tanūpā varuṇa jaritṝṇām ǀ
mitra sādhayatam dhiyaḥ ǁ
Padapatha Devanagari Accented
ता । नः॒ । स्ति॒ऽपा । त॒नू॒ऽपा । वरु॑ण । ज॒रि॒तॄ॒णाम् ।
मित्र॑ । सा॒धय॑तम् । धियः॑ ॥
Padapatha Devanagari Nonaccented
ता । नः । स्तिऽपा । तनूऽपा । वरुण । जरितॄणाम् ।
मित्र । साधयतम् । धियः ॥
Padapatha Transcription Accented
tā́ ǀ naḥ ǀ sti-pā́ ǀ tanū-pā́ ǀ váruṇa ǀ jaritṝṇā́m ǀ
mítra ǀ sādháyatam ǀ dhíyaḥ ǁ
Padapatha Transcription Nonaccented
tā ǀ naḥ ǀ sti-pā ǀ tanū-pā ǀ varuṇa ǀ jaritṝṇām ǀ
mitra ǀ sādhayatam ǀ dhiyaḥ ǁ
07.066.04 (Mandala. Sukta. Rik)
5.5.08.04 (Ashtaka. Adhyaya. Varga. Rik)
07.04.095 (Mandala. Anuvāka. Rik)
Samhita Devanagari Accented
यद॒द्य सूर॒ उदि॒तेऽना॑गा मि॒त्रो अ॑र्य॒मा ।
सु॒वाति॑ सवि॒ता भगः॑ ॥
Samhita Devanagari Nonaccented
यदद्य सूर उदितेऽनागा मित्रो अर्यमा ।
सुवाति सविता भगः ॥
Samhita Transcription Accented
yádadyá sū́ra údité’nāgā mitró aryamā́ ǀ
suvā́ti savitā́ bhágaḥ ǁ
Samhita Transcription Nonaccented
yadadya sūra udite’nāgā mitro aryamā ǀ
suvāti savitā bhagaḥ ǁ
Padapatha Devanagari Accented
यत् । अ॒द्य । सूरे॑ । उत्ऽइ॑ते । अना॑गाः । मि॒त्रः । अ॒र्य॒मा ।
सु॒वाति॑ । स॒वि॒ता । भगः॑ ॥
Padapatha Devanagari Nonaccented
यत् । अद्य । सूरे । उत्ऽइते । अनागाः । मित्रः । अर्यमा ।
सुवाति । सविता । भगः ॥
Padapatha Transcription Accented
yát ǀ adyá ǀ sū́re ǀ út-ite ǀ ánāgāḥ ǀ mitráḥ ǀ aryamā́ ǀ
suvā́ti ǀ savitā́ ǀ bhágaḥ ǁ
Padapatha Transcription Nonaccented
yat ǀ adya ǀ sūre ǀ ut-ite ǀ anāgāḥ ǀ mitraḥ ǀ aryamā ǀ
suvāti ǀ savitā ǀ bhagaḥ ǁ
07.066.05 (Mandala. Sukta. Rik)
5.5.08.05 (Ashtaka. Adhyaya. Varga. Rik)
07.04.096 (Mandala. Anuvāka. Rik)
Samhita Devanagari Accented
सु॒प्रा॒वीर॑स्तु॒ स क्षयः॒ प्र नु याम॑न्त्सुदानवः ।
ये नो॒ अंहो॑ऽति॒पिप्र॑ति ॥
Samhita Devanagari Nonaccented
सुप्रावीरस्तु स क्षयः प्र नु यामन्त्सुदानवः ।
ये नो अंहोऽतिपिप्रति ॥
Samhita Transcription Accented
suprāvī́rastu sá kṣáyaḥ prá nú yā́mantsudānavaḥ ǀ
yé no áṃho’tipíprati ǁ
Samhita Transcription Nonaccented
suprāvīrastu sa kṣayaḥ pra nu yāmantsudānavaḥ ǀ
ye no aṃho’tipiprati ǁ
Padapatha Devanagari Accented
सु॒प्र॒ऽअ॒वीः । अ॒स्तु॒ । सः । क्षयः॑ । प्र । नु । याम॑न् । सु॒ऽदा॒न॒वः॒ ।
ये । नः॒ । अंहः॑ । अ॒ति॒ऽपिप्र॑ति ॥
Padapatha Devanagari Nonaccented
सुप्रऽअवीः । अस्तु । सः । क्षयः । प्र । नु । यामन् । सुऽदानवः ।
ये । नः । अंहः । अतिऽपिप्रति ॥
Padapatha Transcription Accented
supra-avī́ḥ ǀ astu ǀ sáḥ ǀ kṣáyaḥ ǀ prá ǀ nú ǀ yā́man ǀ su-dānavaḥ ǀ
yé ǀ naḥ ǀ áṃhaḥ ǀ ati-píprati ǁ
Padapatha Transcription Nonaccented
supra-avīḥ ǀ astu ǀ saḥ ǀ kṣayaḥ ǀ pra ǀ nu ǀ yāman ǀ su-dānavaḥ ǀ
ye ǀ naḥ ǀ aṃhaḥ ǀ ati-piprati ǁ
07.066.06 (Mandala. Sukta. Rik)
5.5.09.01 (Ashtaka. Adhyaya. Varga. Rik)
07.04.097 (Mandala. Anuvāka. Rik)
Samhita Devanagari Accented
उ॒त स्व॒राजो॒ अदि॑ति॒रद॑ब्धस्य व्र॒तस्य॒ ये ।
म॒हो राजा॑न ईशते ॥
Samhita Devanagari Nonaccented
उत स्वराजो अदितिरदब्धस्य व्रतस्य ये ।
महो राजान ईशते ॥
Samhita Transcription Accented
utá svarā́jo áditirádabdhasya vratásya yé ǀ
mahó rā́jāna īśate ǁ
Samhita Transcription Nonaccented
uta svarājo aditiradabdhasya vratasya ye ǀ
maho rājāna īśate ǁ
Padapatha Devanagari Accented
उ॒त । स्व॒ऽराजः॑ । अदि॑तिः । अद॑ब्धस्य । व्र॒तस्य॑ । ये ।
म॒हः । राजा॑नः । ई॒श॒ते॒ ॥
Padapatha Devanagari Nonaccented
उत । स्वऽराजः । अदितिः । अदब्धस्य । व्रतस्य । ये ।
महः । राजानः । ईशते ॥
Padapatha Transcription Accented
utá ǀ sva-rā́jaḥ ǀ áditiḥ ǀ ádabdhasya ǀ vratásya ǀ yé ǀ
maháḥ ǀ rā́jānaḥ ǀ īśate ǁ
Padapatha Transcription Nonaccented
uta ǀ sva-rājaḥ ǀ aditiḥ ǀ adabdhasya ǀ vratasya ǀ ye ǀ
mahaḥ ǀ rājānaḥ ǀ īśate ǁ
07.066.07 (Mandala. Sukta. Rik)
5.5.09.02 (Ashtaka. Adhyaya. Varga. Rik)
07.04.098 (Mandala. Anuvāka. Rik)
Samhita Devanagari Accented
प्रति॑ वां॒ सूर॒ उदि॑ते मि॒त्रं गृ॑णीषे॒ वरु॑णं ।
अ॒र्य॒मणं॑ रि॒शाद॑सं ॥
Samhita Devanagari Nonaccented
प्रति वां सूर उदिते मित्रं गृणीषे वरुणं ।
अर्यमणं रिशादसं ॥
Samhita Transcription Accented
práti vām sū́ra údite mitrám gṛṇīṣe váruṇam ǀ
aryamáṇam riśā́dasam ǁ
Samhita Transcription Nonaccented
prati vām sūra udite mitram gṛṇīṣe varuṇam ǀ
aryamaṇam riśādasam ǁ
Padapatha Devanagari Accented
प्रति॑ । वा॒म् । सूरे॑ । उत्ऽइ॑ते । मि॒त्रम् । गृ॒णी॒षे॒ । वरु॑णम् ।
अ॒र्य॒मण॑म् । रि॒शाद॑सम् ॥
Padapatha Devanagari Nonaccented
प्रति । वाम् । सूरे । उत्ऽइते । मित्रम् । गृणीषे । वरुणम् ।
अर्यमणम् । रिशादसम् ॥
Padapatha Transcription Accented
práti ǀ vām ǀ sū́re ǀ út-ite ǀ mitrám ǀ gṛṇīṣe ǀ váruṇam ǀ
aryamáṇam ǀ riśā́dasam ǁ
Padapatha Transcription Nonaccented
prati ǀ vām ǀ sūre ǀ ut-ite ǀ mitram ǀ gṛṇīṣe ǀ varuṇam ǀ
aryamaṇam ǀ riśādasam ǁ
07.066.08 (Mandala. Sukta. Rik)
5.5.09.03 (Ashtaka. Adhyaya. Varga. Rik)
07.04.099 (Mandala. Anuvāka. Rik)
Samhita Devanagari Accented
रा॒या हि॑रण्य॒या म॒तिरि॒यम॑वृ॒काय॒ शव॑से ।
इ॒यं विप्रा॑ मे॒धसा॑तये ॥
Samhita Devanagari Nonaccented
राया हिरण्यया मतिरियमवृकाय शवसे ।
इयं विप्रा मेधसातये ॥
Samhita Transcription Accented
rāyā́ hiraṇyayā́ matíriyámavṛkā́ya śávase ǀ
iyám víprā medhásātaye ǁ
Samhita Transcription Nonaccented
rāyā hiraṇyayā matiriyamavṛkāya śavase ǀ
iyam viprā medhasātaye ǁ
Padapatha Devanagari Accented
रा॒या । हि॒र॒ण्य॒ऽया । म॒तिः । इ॒यम् । अ॒वृ॒काय॑ । शव॑से ।
इ॒यम् । विप्रा॑ । मे॒धऽसा॑तये ॥
Padapatha Devanagari Nonaccented
राया । हिरण्यऽया । मतिः । इयम् । अवृकाय । शवसे ।
इयम् । विप्रा । मेधऽसातये ॥
Padapatha Transcription Accented
rāyā́ ǀ hiraṇya-yā́ ǀ matíḥ ǀ iyám ǀ avṛkā́ya ǀ śávase ǀ
iyám ǀ víprā ǀ medhá-sātaye ǁ
Padapatha Transcription Nonaccented
rāyā ǀ hiraṇya-yā ǀ matiḥ ǀ iyam ǀ avṛkāya ǀ śavase ǀ
iyam ǀ viprā ǀ medha-sātaye ǁ
07.066.09 (Mandala. Sukta. Rik)
5.5.09.04 (Ashtaka. Adhyaya. Varga. Rik)
07.04.100 (Mandala. Anuvāka. Rik)
Samhita Devanagari Accented
ते स्या॑म देव वरुण॒ ते मि॑त्र सू॒रिभिः॑ स॒ह ।
इषं॒ स्व॑श्च धीमहि ॥
Samhita Devanagari Nonaccented
ते स्याम देव वरुण ते मित्र सूरिभिः सह ।
इषं स्वश्च धीमहि ॥
Samhita Transcription Accented
té syāma deva varuṇa té mitra sūríbhiḥ sahá ǀ
íṣam sváśca dhīmahi ǁ
Samhita Transcription Nonaccented
te syāma deva varuṇa te mitra sūribhiḥ saha ǀ
iṣam svaśca dhīmahi ǁ
Padapatha Devanagari Accented
ते । स्या॒म॒ । दे॒व॒ । व॒रु॒ण॒ । ते । मि॒त्र॒ । सू॒रिऽभिः॑ । स॒ह ।
इष॑म् । स्व१॒॑रिति॑ स्वः॑ । च॒ । धी॒म॒हि॒ ॥
Padapatha Devanagari Nonaccented
ते । स्याम । देव । वरुण । ते । मित्र । सूरिऽभिः । सह ।
इषम् । स्वरिति स्वः । च । धीमहि ॥
Padapatha Transcription Accented
té ǀ syāma ǀ deva ǀ varuṇa ǀ té ǀ mitra ǀ sūrí-bhiḥ ǀ sahá ǀ
íṣam ǀ sváríti sváḥ ǀ ca ǀ dhīmahi ǁ
Padapatha Transcription Nonaccented
te ǀ syāma ǀ deva ǀ varuṇa ǀ te ǀ mitra ǀ sūri-bhiḥ ǀ saha ǀ
iṣam ǀ svariti svaḥ ǀ ca ǀ dhīmahi ǁ
07.066.10 (Mandala. Sukta. Rik)
5.5.09.05 (Ashtaka. Adhyaya. Varga. Rik)
07.04.101 (Mandala. Anuvāka. Rik)
Samhita Devanagari Accented
ब॒हवः॒ सूर॑चक्षसोऽग्निजि॒ह्वा ऋ॑ता॒वृधः॑ ।
त्रीणि॒ ये ये॒मुर्वि॒दथा॑नि धी॒तिभि॒र्विश्वा॑नि॒ परि॑भूतिभिः ॥
Samhita Devanagari Nonaccented
बहवः सूरचक्षसोऽग्निजिह्वा ऋतावृधः ।
त्रीणि ये येमुर्विदथानि धीतिभिर्विश्वानि परिभूतिभिः ॥
Samhita Transcription Accented
bahávaḥ sū́racakṣaso’gnijihvā́ ṛtāvṛ́dhaḥ ǀ
trī́ṇi yé yemúrvidáthāni dhītíbhirvíśvāni páribhūtibhiḥ ǁ
Samhita Transcription Nonaccented
bahavaḥ sūracakṣaso’gnijihvā ṛtāvṛdhaḥ ǀ
trīṇi ye yemurvidathāni dhītibhirviśvāni paribhūtibhiḥ ǁ
Padapatha Devanagari Accented
ब॒हवः॑ । सूर॑ऽचक्षसः । अ॒ग्नि॒ऽजि॒ह्वाः । ऋ॒त॒ऽवृधः॑ ।
त्रीणि॑ । ये । ये॒मुः । वि॒दथा॑नि । धी॒तिऽभिः॑ । विश्वा॑नि । परि॑भूतिऽभिः ॥
Padapatha Devanagari Nonaccented
बहवः । सूरऽचक्षसः । अग्निऽजिह्वाः । ऋतऽवृधः ।
त्रीणि । ये । येमुः । विदथानि । धीतिऽभिः । विश्वानि । परिभूतिऽभिः ॥
Padapatha Transcription Accented
bahávaḥ ǀ sū́ra-cakṣasaḥ ǀ agni-jihvā́ḥ ǀ ṛta-vṛ́dhaḥ ǀ
trī́ṇi ǀ yé ǀ yemúḥ ǀ vidáthāni ǀ dhītí-bhiḥ ǀ víśvāni ǀ páribhūti-bhiḥ ǁ
Padapatha Transcription Nonaccented
bahavaḥ ǀ sūra-cakṣasaḥ ǀ agni-jihvāḥ ǀ ṛta-vṛdhaḥ ǀ
trīṇi ǀ ye ǀ yemuḥ ǀ vidathāni ǀ dhīti-bhiḥ ǀ viśvāni ǀ paribhūti-bhiḥ ǁ
07.066.11 (Mandala. Sukta. Rik)
5.5.10.01 (Ashtaka. Adhyaya. Varga. Rik)
07.04.102 (Mandala. Anuvāka. Rik)
Samhita Devanagari Accented
वि ये द॒धुः श॒रदं॒ मास॒मादह॑र्य॒ज्ञम॒क्तुं चादृचं॑ ।
अ॒ना॒प्यं वरु॑णो मि॒त्रो अ॑र्य॒मा क्ष॒त्रं राजा॑न आशत ॥
Samhita Devanagari Nonaccented
वि ये दधुः शरदं मासमादहर्यज्ञमक्तुं चादृचं ।
अनाप्यं वरुणो मित्रो अर्यमा क्षत्रं राजान आशत ॥
Samhita Transcription Accented
ví yé dadhúḥ śarádam mā́samā́dáharyajñámaktúm cā́dṛ́cam ǀ
anāpyám váruṇo mitró aryamā́ kṣatrám rā́jāna āśata ǁ
Samhita Transcription Nonaccented
vi ye dadhuḥ śaradam māsamādaharyajñamaktum cādṛcam ǀ
anāpyam varuṇo mitro aryamā kṣatram rājāna āśata ǁ
Padapatha Devanagari Accented
वि । ये । द॒धुः । श॒रद॑म् । मास॑म् । आत् । अहः॑ । य॒ज्ञम् । अ॒क्तुम् । च॒ । आत् । ऋच॑म् ।
अ॒ना॒प्यम् । वरु॑णः । मि॒त्रः । अ॒र्य॒मा । क्ष॒त्रम् । राजा॑नः । आ॒श॒त॒ ॥
Padapatha Devanagari Nonaccented
वि । ये । दधुः । शरदम् । मासम् । आत् । अहः । यज्ञम् । अक्तुम् । च । आत् । ऋचम् ।
अनाप्यम् । वरुणः । मित्रः । अर्यमा । क्षत्रम् । राजानः । आशत ॥
Padapatha Transcription Accented
ví ǀ yé ǀ dadhúḥ ǀ śarádam ǀ mā́sam ǀ ā́t ǀ áhaḥ ǀ yajñám ǀ aktúm ǀ ca ǀ ā́t ǀ ṛ́cam ǀ
anāpyám ǀ váruṇaḥ ǀ mitráḥ ǀ aryamā́ ǀ kṣatrám ǀ rā́jānaḥ ǀ āśata ǁ
Padapatha Transcription Nonaccented
vi ǀ ye ǀ dadhuḥ ǀ śaradam ǀ māsam ǀ āt ǀ ahaḥ ǀ yajñam ǀ aktum ǀ ca ǀ āt ǀ ṛcam ǀ
anāpyam ǀ varuṇaḥ ǀ mitraḥ ǀ aryamā ǀ kṣatram ǀ rājānaḥ ǀ āśata ǁ
07.066.12 (Mandala. Sukta. Rik)
5.5.10.02 (Ashtaka. Adhyaya. Varga. Rik)
07.04.103 (Mandala. Anuvāka. Rik)
Samhita Devanagari Accented
तद्वो॑ अ॒द्य म॑नामहे सू॒क्तैः सूर॒ उदि॑ते ।
यदोह॑ते॒ वरु॑णो मि॒त्रो अ॑र्य॒मा यू॒यमृ॒तस्य॑ रथ्यः ॥
Samhita Devanagari Nonaccented
तद्वो अद्य मनामहे सूक्तैः सूर उदिते ।
यदोहते वरुणो मित्रो अर्यमा यूयमृतस्य रथ्यः ॥
Samhita Transcription Accented
tádvo adyá manāmahe sūktáiḥ sū́ra údite ǀ
yádóhate váruṇo mitró aryamā́ yūyámṛtásya rathyaḥ ǁ
Samhita Transcription Nonaccented
tadvo adya manāmahe sūktaiḥ sūra udite ǀ
yadohate varuṇo mitro aryamā yūyamṛtasya rathyaḥ ǁ
Padapatha Devanagari Accented
तत् । वः॒ । अ॒द्य । म॒ना॒म॒हे॒ । सु॒ऽउ॒क्तैः । सूरे॑ । उत्ऽइ॑ते ।
यत् । ओह॑ते । वरु॑णः । मि॒त्रः । अ॒र्य॒मा । यू॒यम् । ऋ॒तस्य॑ । र॒थ्यः॒ ॥
Padapatha Devanagari Nonaccented
तत् । वः । अद्य । मनामहे । सुऽउक्तैः । सूरे । उत्ऽइते ।
यत् । ओहते । वरुणः । मित्रः । अर्यमा । यूयम् । ऋतस्य । रथ्यः ॥
Padapatha Transcription Accented
tát ǀ vaḥ ǀ adyá ǀ manāmahe ǀ su-uktáiḥ ǀ sū́re ǀ út-ite ǀ
yát ǀ óhate ǀ váruṇaḥ ǀ mitráḥ ǀ aryamā́ ǀ yūyám ǀ ṛtásya ǀ rathyaḥ ǁ
Padapatha Transcription Nonaccented
tat ǀ vaḥ ǀ adya ǀ manāmahe ǀ su-uktaiḥ ǀ sūre ǀ ut-ite ǀ
yat ǀ ohate ǀ varuṇaḥ ǀ mitraḥ ǀ aryamā ǀ yūyam ǀ ṛtasya ǀ rathyaḥ ǁ
07.066.13 (Mandala. Sukta. Rik)
5.5.10.03 (Ashtaka. Adhyaya. Varga. Rik)
07.04.104 (Mandala. Anuvāka. Rik)
Samhita Devanagari Accented
ऋ॒तावा॑न ऋ॒तजा॑ता ऋता॒वृधो॑ घो॒रासो॑ अनृत॒द्विषः॑ ।
तेषां॑ वः सु॒म्ने सु॑च्छ॒र्दिष्ट॑मे नरः॒ स्याम॒ ये च॑ सू॒रयः॑ ॥
Samhita Devanagari Nonaccented
ऋतावान ऋतजाता ऋतावृधो घोरासो अनृतद्विषः ।
तेषां वः सुम्ने सुच्छर्दिष्टमे नरः स्याम ये च सूरयः ॥
Samhita Transcription Accented
ṛtā́vāna ṛtájātā ṛtāvṛ́dho ghorā́so anṛtadvíṣaḥ ǀ
téṣām vaḥ sumné succhardíṣṭame naraḥ syā́ma yé ca sūráyaḥ ǁ
Samhita Transcription Nonaccented
ṛtāvāna ṛtajātā ṛtāvṛdho ghorāso anṛtadviṣaḥ ǀ
teṣām vaḥ sumne succhardiṣṭame naraḥ syāma ye ca sūrayaḥ ǁ
Padapatha Devanagari Accented
ऋ॒तऽवा॑नः । ऋ॒तऽजा॑ताः । ऋ॒त॒ऽवृधः॑ । घो॒रासः॑ । अ॒नृ॒त॒ऽद्विषः॑ ।
तेषा॑म् । वः॒ । सु॒म्ने । सु॒च्छ॒र्दिःऽत॑मे । न॒रः॒ । स्याम॑ । ये । च॒ । सू॒रयः॑ ॥
Padapatha Devanagari Nonaccented
ऋतऽवानः । ऋतऽजाताः । ऋतऽवृधः । घोरासः । अनृतऽद्विषः ।
तेषाम् । वः । सुम्ने । सुच्छर्दिःऽतमे । नरः । स्याम । ये । च । सूरयः ॥
Padapatha Transcription Accented
ṛtá-vānaḥ ǀ ṛtá-jātāḥ ǀ ṛta-vṛ́dhaḥ ǀ ghorā́saḥ ǀ anṛta-dvíṣaḥ ǀ
téṣām ǀ vaḥ ǀ sumné ǀ succhardíḥ-tame ǀ naraḥ ǀ syā́ma ǀ yé ǀ ca ǀ sūráyaḥ ǁ
Padapatha Transcription Nonaccented
ṛta-vānaḥ ǀ ṛta-jātāḥ ǀ ṛta-vṛdhaḥ ǀ ghorāsaḥ ǀ anṛta-dviṣaḥ ǀ
teṣām ǀ vaḥ ǀ sumne ǀ succhardiḥ-tame ǀ naraḥ ǀ syāma ǀ ye ǀ ca ǀ sūrayaḥ ǁ
07.066.14 (Mandala. Sukta. Rik)
5.5.10.04 (Ashtaka. Adhyaya. Varga. Rik)
07.04.105 (Mandala. Anuvāka. Rik)
Samhita Devanagari Accented
उदु॒ त्यद्द॑र्श॒तं वपु॑र्दि॒व ए॑ति प्रतिह्व॒रे ।
यदी॑मा॒शुर्वह॑ति दे॒व एत॑शो॒ विश्व॑स्मै॒ चक्ष॑से॒ अरं॑ ॥
Samhita Devanagari Nonaccented
उदु त्यद्दर्शतं वपुर्दिव एति प्रतिह्वरे ।
यदीमाशुर्वहति देव एतशो विश्वस्मै चक्षसे अरं ॥
Samhita Transcription Accented
údu tyáddarśatám vápurdivá eti pratihvaré ǀ
yádīmāśúrváhati devá étaśo víśvasmai cákṣase áram ǁ
Samhita Transcription Nonaccented
udu tyaddarśatam vapurdiva eti pratihvare ǀ
yadīmāśurvahati deva etaśo viśvasmai cakṣase aram ǁ
Padapatha Devanagari Accented
उत् । ऊं॒ इति॑ । त्यत् । द॒र्श॒तम् । वपुः॑ । दि॒वः । ए॒ति॒ । प्र॒ति॒ऽह्व॒रे ।
यत् । ई॒म् । आ॒शुः । वह॑ति । दे॒वः । एत॑शः । विश्व॑स्मै । चक्ष॑से । अर॑म् ॥
Padapatha Devanagari Nonaccented
उत् । ऊं इति । त्यत् । दर्शतम् । वपुः । दिवः । एति । प्रतिऽह्वरे ।
यत् । ईम् । आशुः । वहति । देवः । एतशः । विश्वस्मै । चक्षसे । अरम् ॥
Padapatha Transcription Accented
út ǀ ūṃ íti ǀ tyát ǀ darśatám ǀ vápuḥ ǀ diváḥ ǀ eti ǀ prati-hvaré ǀ
yát ǀ īm ǀ āśúḥ ǀ váhati ǀ deváḥ ǀ étaśaḥ ǀ víśvasmai ǀ cákṣase ǀ áram ǁ
Padapatha Transcription Nonaccented
ut ǀ ūṃ iti ǀ tyat ǀ darśatam ǀ vapuḥ ǀ divaḥ ǀ eti ǀ prati-hvare ǀ
yat ǀ īm ǀ āśuḥ ǀ vahati ǀ devaḥ ǀ etaśaḥ ǀ viśvasmai ǀ cakṣase ǀ aram ǁ
07.066.15 (Mandala. Sukta. Rik)
5.5.10.05 (Ashtaka. Adhyaya. Varga. Rik)
07.04.106 (Mandala. Anuvāka. Rik)
Samhita Devanagari Accented
शी॒र्ष्णःशी॑र्ष्णो॒ जग॑तस्त॒स्थुष॒स्पतिं॑ स॒मया॒ विश्व॒मा रजः॑ ।
स॒प्त स्वसा॑रः सुवि॒ताय॒ सूर्यं॒ वहं॑ति ह॒रितो॒ रथे॑ ॥
Samhita Devanagari Nonaccented
शीर्ष्णःशीर्ष्णो जगतस्तस्थुषस्पतिं समया विश्वमा रजः ।
सप्त स्वसारः सुविताय सूर्यं वहंति हरितो रथे ॥
Samhita Transcription Accented
śīrṣṇáḥśīrṣṇo jágatastasthúṣaspátim samáyā víśvamā́ rájaḥ ǀ
saptá svásāraḥ suvitā́ya sū́ryam váhanti haríto ráthe ǁ
Samhita Transcription Nonaccented
śīrṣṇaḥśīrṣṇo jagatastasthuṣaspatim samayā viśvamā rajaḥ ǀ
sapta svasāraḥ suvitāya sūryam vahanti harito rathe ǁ
Padapatha Devanagari Accented
शी॒र्ष्णःऽशी॑र्ष्णः । जग॑तः । त॒स्थुषः॑ । पति॑म् । स॒मया॑ । विश्व॑म् । आ । रजः॑ ।
स॒प्त । स्वसा॑रः । सु॒वि॒ताय॑ । सूर्य॑म् । वह॑न्ति । ह॒रितः॑ । रथे॑ ॥
Padapatha Devanagari Nonaccented
शीर्ष्णःऽशीर्ष्णः । जगतः । तस्थुषः । पतिम् । समया । विश्वम् । आ । रजः ।
सप्त । स्वसारः । सुविताय । सूर्यम् । वहन्ति । हरितः । रथे ॥
Padapatha Transcription Accented
śīrṣṇáḥ-śīrṣṇaḥ ǀ jágataḥ ǀ tasthúṣaḥ ǀ pátim ǀ samáyā ǀ víśvam ǀ ā́ ǀ rájaḥ ǀ
saptá ǀ svásāraḥ ǀ suvitā́ya ǀ sū́ryam ǀ váhanti ǀ harítaḥ ǀ ráthe ǁ
Padapatha Transcription Nonaccented
śīrṣṇaḥ-śīrṣṇaḥ ǀ jagataḥ ǀ tasthuṣaḥ ǀ patim ǀ samayā ǀ viśvam ǀ ā ǀ rajaḥ ǀ
sapta ǀ svasāraḥ ǀ suvitāya ǀ sūryam ǀ vahanti ǀ haritaḥ ǀ rathe ǁ
07.066.16 (Mandala. Sukta. Rik)
5.5.11.01 (Ashtaka. Adhyaya. Varga. Rik)
07.04.107 (Mandala. Anuvāka. Rik)
Samhita Devanagari Accented
तच्चक्षु॑र्दे॒वहि॑तं शु॒क्रमु॒च्चर॑त् ।
पश्ये॑म श॒रदः॑ श॒तं जीवे॑म श॒रदः॑ श॒तं ॥
Samhita Devanagari Nonaccented
तच्चक्षुर्देवहितं शुक्रमुच्चरत् ।
पश्येम शरदः शतं जीवेम शरदः शतं ॥
Samhita Transcription Accented
táccákṣurdeváhitam śukrámuccárat ǀ
páśyema śarádaḥ śatám jī́vema śarádaḥ śatám ǁ
Samhita Transcription Nonaccented
taccakṣurdevahitam śukramuccarat ǀ
paśyema śaradaḥ śatam jīvema śaradaḥ śatam ǁ
Padapatha Devanagari Accented
तत् । चक्षुः॑ । दे॒वऽहि॑तम् । शु॒क्रम् । उ॒त्ऽचर॑त् ।
पश्ये॑म । श॒रदः॑ । श॒तम् । जीवे॑म । श॒रदः॑ । श॒तम् ॥
Padapatha Devanagari Nonaccented
तत् । चक्षुः । देवऽहितम् । शुक्रम् । उत्ऽचरत् ।
पश्येम । शरदः । शतम् । जीवेम । शरदः । शतम् ॥
Padapatha Transcription Accented
tát ǀ cákṣuḥ ǀ devá-hitam ǀ śukrám ǀ ut-cárat ǀ
páśyema ǀ śarádaḥ ǀ śatám ǀ jī́vema ǀ śarádaḥ ǀ śatám ǁ
Padapatha Transcription Nonaccented
tat ǀ cakṣuḥ ǀ deva-hitam ǀ śukram ǀ ut-carat ǀ
paśyema ǀ śaradaḥ ǀ śatam ǀ jīvema ǀ śaradaḥ ǀ śatam ǁ
07.066.17 (Mandala. Sukta. Rik)
5.5.11.02 (Ashtaka. Adhyaya. Varga. Rik)
07.04.108 (Mandala. Anuvāka. Rik)
Samhita Devanagari Accented
काव्ये॑भिरदा॒भ्या या॑तं वरुण द्यु॒मत् ।
मि॒त्रश्च॒ सोम॑पीतये ॥
Samhita Devanagari Nonaccented
काव्येभिरदाभ्या यातं वरुण द्युमत् ।
मित्रश्च सोमपीतये ॥
Samhita Transcription Accented
kā́vyebhiradābhyā́ yātam varuṇa dyumát ǀ
mitráśca sómapītaye ǁ
Samhita Transcription Nonaccented
kāvyebhiradābhyā yātam varuṇa dyumat ǀ
mitraśca somapītaye ǁ
Padapatha Devanagari Accented
काव्ये॑भिः । अ॒दा॒भ्या॒ । आ । या॒त॒म् । व॒रु॒ण॒ । द्यु॒ऽमत् ।
मि॒त्रः । च॒ । सोम॑ऽपीतये ॥
Padapatha Devanagari Nonaccented
काव्येभिः । अदाभ्या । आ । यातम् । वरुण । द्युऽमत् ।
मित्रः । च । सोमऽपीतये ॥
Padapatha Transcription Accented
kā́vyebhiḥ ǀ adābhyā ǀ ā́ ǀ yātam ǀ varuṇa ǀ dyu-mát ǀ
mitráḥ ǀ ca ǀ sóma-pītaye ǁ
Padapatha Transcription Nonaccented
kāvyebhiḥ ǀ adābhyā ǀ ā ǀ yātam ǀ varuṇa ǀ dyu-mat ǀ
mitraḥ ǀ ca ǀ soma-pītaye ǁ
07.066.18 (Mandala. Sukta. Rik)
5.5.11.03 (Ashtaka. Adhyaya. Varga. Rik)
07.04.109 (Mandala. Anuvāka. Rik)
Samhita Devanagari Accented
दि॒वो धाम॑भिर्वरुण मि॒त्रश्चा या॑तम॒द्रुहा॑ ।
पिब॑तं॒ सोम॑मातु॒जी ॥
Samhita Devanagari Nonaccented
दिवो धामभिर्वरुण मित्रश्चा यातमद्रुहा ।
पिबतं सोममातुजी ॥
Samhita Transcription Accented
divó dhā́mabhirvaruṇa mitráścā́ yātamadrúhā ǀ
píbatam sómamātujī́ ǁ
Samhita Transcription Nonaccented
divo dhāmabhirvaruṇa mitraścā yātamadruhā ǀ
pibatam somamātujī ǁ
Padapatha Devanagari Accented
दि॒वः । धाम॑ऽभिः । व॒रु॒ण॒ । मि॒त्रः । च॒ । आ । या॒त॒म् । अ॒द्रुहा॑ ।
पिब॑तम् । सोम॑म् । आ॒तु॒जी इत्या॑ऽतु॒जी ॥
Padapatha Devanagari Nonaccented
दिवः । धामऽभिः । वरुण । मित्रः । च । आ । यातम् । अद्रुहा ।
पिबतम् । सोमम् । आतुजी इत्याऽतुजी ॥
Padapatha Transcription Accented
diváḥ ǀ dhā́ma-bhiḥ ǀ varuṇa ǀ mitráḥ ǀ ca ǀ ā́ ǀ yātam ǀ adrúhā ǀ
píbatam ǀ sómam ǀ ātujī́ ítyā-tujī́ ǁ
Padapatha Transcription Nonaccented
divaḥ ǀ dhāma-bhiḥ ǀ varuṇa ǀ mitraḥ ǀ ca ǀ ā ǀ yātam ǀ adruhā ǀ
pibatam ǀ somam ǀ ātujī ityā-tujī ǁ
07.066.19 (Mandala. Sukta. Rik)
5.5.11.04 (Ashtaka. Adhyaya. Varga. Rik)
07.04.110 (Mandala. Anuvāka. Rik)
Samhita Devanagari Accented
आ या॑तं मित्रावरुणा जुषा॒णावाहु॑तिं नरा ।
पा॒तं सोम॑मृतावृधा ॥
Samhita Devanagari Nonaccented
आ यातं मित्रावरुणा जुषाणावाहुतिं नरा ।
पातं सोममृतावृधा ॥
Samhita Transcription Accented
ā́ yātam mitrāvaruṇā juṣāṇā́vā́hutim narā ǀ
pātám sómamṛtāvṛdhā ǁ
Samhita Transcription Nonaccented
ā yātam mitrāvaruṇā juṣāṇāvāhutim narā ǀ
pātam somamṛtāvṛdhā ǁ
Padapatha Devanagari Accented
आ । या॒त॒म् । मि॒त्रा॒व॒रु॒णा॒ । जु॒षा॒णौ । आऽहु॑तिम् । न॒रा॒ ।
पा॒तम् । सोम॑म् । ऋ॒त॒ऽवृ॒धा॒ ॥
Padapatha Devanagari Nonaccented
आ । यातम् । मित्रावरुणा । जुषाणौ । आऽहुतिम् । नरा ।
पातम् । सोमम् । ऋतऽवृधा ॥
Padapatha Transcription Accented
ā́ ǀ yātam ǀ mitrāvaruṇā ǀ juṣāṇáu ǀ ā́-hutim ǀ narā ǀ
pātám ǀ sómam ǀ ṛta-vṛdhā ǁ
Padapatha Transcription Nonaccented
ā ǀ yātam ǀ mitrāvaruṇā ǀ juṣāṇau ǀ ā-hutim ǀ narā ǀ
pātam ǀ somam ǀ ṛta-vṛdhā ǁ