|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 72
|
1. Info |
| To: | aśvins | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (1-4); virāṭtrisṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.072.01 (Mandala. Sukta. Rik)
5.5.19.01 (Ashtaka. Adhyaya. Varga. Rik)
07.05.007 (Mandala. Anuvāka. Rik)
Samhita Devanagari Accented
आ गोम॑ता नासत्या॒ रथे॒नाश्वा॑वता पुरुश्चं॒द्रेण॑ यातं ।
अ॒भि वां॒ विश्वा॑ नि॒युतः॑ सचंते स्पा॒र्हया॑ श्रि॒या त॒न्वा॑ शुभा॒ना ॥
Samhita Devanagari Nonaccented
आ गोमता नासत्या रथेनाश्वावता पुरुश्चंद्रेण यातं ।
अभि वां विश्वा नियुतः सचंते स्पार्हया श्रिया तन्वा शुभाना ॥
Samhita Transcription Accented
ā́ gómatā nāsatyā ráthenā́śvāvatā puruścandréṇa yātam ǀ
abhí vām víśvā niyútaḥ sacante spārháyā śriyā́ tanvā́ śubhānā́ ǁ
Samhita Transcription Nonaccented
ā gomatā nāsatyā rathenāśvāvatā puruścandreṇa yātam ǀ
abhi vām viśvā niyutaḥ sacante spārhayā śriyā tanvā śubhānā ǁ
Padapatha Devanagari Accented
आ । गोऽम॑ता । ना॒स॒त्या॒ । रथे॑न । अश्व॑ऽवता । पु॒रु॒ऽच॒न्द्रेण॑ । या॒त॒म् ।
अ॒भि । वा॒म् । विश्वाः॑ । नि॒ऽयुतः॑ । स॒च॒न्ते॒ । स्पा॒र्हया॑ । श्रि॒या । त॒न्वा॑ । शु॒भा॒ना ॥
Padapatha Devanagari Nonaccented
आ । गोऽमता । नासत्या । रथेन । अश्वऽवता । पुरुऽचन्द्रेण । यातम् ।
अभि । वाम् । विश्वाः । निऽयुतः । सचन्ते । स्पार्हया । श्रिया । तन्वा । शुभाना ॥
Padapatha Transcription Accented
ā́ ǀ gó-matā ǀ nāsatyā ǀ ráthena ǀ áśva-vatā ǀ puru-candréṇa ǀ yātam ǀ
abhí ǀ vām ǀ víśvāḥ ǀ ni-yútaḥ ǀ sacante ǀ spārháyā ǀ śriyā́ ǀ tanvā́ ǀ śubhānā́ ǁ
Padapatha Transcription Nonaccented
ā ǀ go-matā ǀ nāsatyā ǀ rathena ǀ aśva-vatā ǀ puru-candreṇa ǀ yātam ǀ
abhi ǀ vām ǀ viśvāḥ ǀ ni-yutaḥ ǀ sacante ǀ spārhayā ǀ śriyā ǀ tanvā ǀ śubhānā ǁ
07.072.02 (Mandala. Sukta. Rik)
5.5.19.02 (Ashtaka. Adhyaya. Varga. Rik)
07.05.008 (Mandala. Anuvāka. Rik)
Samhita Devanagari Accented
आ नो॑ दे॒वेभि॒रुप॑ यातम॒र्वाक्स॒जोष॑सा नासत्या॒ रथे॑न ।
यु॒वोर्हि नः॑ स॒ख्या पित्र्या॑णि समा॒नो बंधु॑रु॒त तस्य॑ वित्तं ॥
Samhita Devanagari Nonaccented
आ नो देवेभिरुप यातमर्वाक्सजोषसा नासत्या रथेन ।
युवोर्हि नः सख्या पित्र्याणि समानो बंधुरुत तस्य वित्तं ॥
Samhita Transcription Accented
ā́ no devébhirúpa yātamarvā́ksajóṣasā nāsatyā ráthena ǀ
yuvórhí naḥ sakhyā́ pítryāṇi samānó bándhurutá tásya vittam ǁ
Samhita Transcription Nonaccented
ā no devebhirupa yātamarvāksajoṣasā nāsatyā rathena ǀ
yuvorhi naḥ sakhyā pitryāṇi samāno bandhuruta tasya vittam ǁ
Padapatha Devanagari Accented
आ । नः॒ । दे॒वेभिः॑ । उप॑ । या॒त॒म् । अ॒र्वाक् । स॒ऽजोष॑सा । ना॒स॒त्या॒ । रथे॑न ।
यु॒वोः । हि । नः॒ । स॒ख्या । पित्र्या॑णि । स॒मा॒नः । बन्धुः॑ । उ॒त । तस्य॑ । वि॒त्त॒म् ॥
Padapatha Devanagari Nonaccented
आ । नः । देवेभिः । उप । यातम् । अर्वाक् । सऽजोषसा । नासत्या । रथेन ।
युवोः । हि । नः । सख्या । पित्र्याणि । समानः । बन्धुः । उत । तस्य । वित्तम् ॥
Padapatha Transcription Accented
ā́ ǀ naḥ ǀ devébhiḥ ǀ úpa ǀ yātam ǀ arvā́k ǀ sa-jóṣasā ǀ nāsatyā ǀ ráthena ǀ
yuvóḥ ǀ hí ǀ naḥ ǀ sakhyā́ ǀ pítryāṇi ǀ samānáḥ ǀ bándhuḥ ǀ utá ǀ tásya ǀ vittam ǁ
Padapatha Transcription Nonaccented
ā ǀ naḥ ǀ devebhiḥ ǀ upa ǀ yātam ǀ arvāk ǀ sa-joṣasā ǀ nāsatyā ǀ rathena ǀ
yuvoḥ ǀ hi ǀ naḥ ǀ sakhyā ǀ pitryāṇi ǀ samānaḥ ǀ bandhuḥ ǀ uta ǀ tasya ǀ vittam ǁ
07.072.03 (Mandala. Sukta. Rik)
5.5.19.03 (Ashtaka. Adhyaya. Varga. Rik)
07.05.009 (Mandala. Anuvāka. Rik)
Samhita Devanagari Accented
उदु॒ स्तोमा॑सो अ॒श्विनो॑रबुध्रंजा॒मि ब्रह्मा॑ण्यु॒षस॑श्च दे॒वीः ।
आ॒विवा॑स॒न्रोद॑सी॒ धिष्ण्ये॒मे अच्छा॒ विप्रो॒ नास॑त्या विवक्ति ॥
Samhita Devanagari Nonaccented
उदु स्तोमासो अश्विनोरबुध्रंजामि ब्रह्माण्युषसश्च देवीः ।
आविवासन्रोदसी धिष्ण्येमे अच्छा विप्रो नासत्या विवक्ति ॥
Samhita Transcription Accented
údu stómāso aśvínorabudhrañjāmí bráhmāṇyuṣásaśca devī́ḥ ǀ
āvívāsanródasī dhíṣṇyemé ácchā vípro nā́satyā vivakti ǁ
Samhita Transcription Nonaccented
udu stomāso aśvinorabudhrañjāmi brahmāṇyuṣasaśca devīḥ ǀ
āvivāsanrodasī dhiṣṇyeme acchā vipro nāsatyā vivakti ǁ
Padapatha Devanagari Accented
उत् । ऊं॒ इति॑ । स्तोमा॑सः । अ॒श्विनोः॑ । अ॒बु॒ध्र॒न् । जा॒मि । ब्रह्मा॑णि । उ॒षसः॑ । च॒ । दे॒वीः ।
आ॒ऽविवा॑सन् । रोद॑सी॒ इति॑ । धिष्ण्ये॒ इति॑ । इ॒मे इति॑ । अच्छ॑ । विप्रः॑ । नास॑त्या । वि॒व॒क्ति॒ ॥
Padapatha Devanagari Nonaccented
उत् । ऊं इति । स्तोमासः । अश्विनोः । अबुध्रन् । जामि । ब्रह्माणि । उषसः । च । देवीः ।
आऽविवासन् । रोदसी इति । धिष्ण्ये इति । इमे इति । अच्छ । विप्रः । नासत्या । विवक्ति ॥
Padapatha Transcription Accented
út ǀ ūṃ íti ǀ stómāsaḥ ǀ aśvínoḥ ǀ abudhran ǀ jāmí ǀ bráhmāṇi ǀ uṣásaḥ ǀ ca ǀ devī́ḥ ǀ
ā-vívāsan ǀ ródasī íti ǀ dhíṣṇye íti ǀ imé íti ǀ áccha ǀ vípraḥ ǀ nā́satyā ǀ vivakti ǁ
Padapatha Transcription Nonaccented
ut ǀ ūṃ iti ǀ stomāsaḥ ǀ aśvinoḥ ǀ abudhran ǀ jāmi ǀ brahmāṇi ǀ uṣasaḥ ǀ ca ǀ devīḥ ǀ
ā-vivāsan ǀ rodasī iti ǀ dhiṣṇye iti ǀ ime iti ǀ accha ǀ vipraḥ ǀ nāsatyā ǀ vivakti ǁ
07.072.04 (Mandala. Sukta. Rik)
5.5.19.04 (Ashtaka. Adhyaya. Varga. Rik)
07.05.010 (Mandala. Anuvāka. Rik)
Samhita Devanagari Accented
वि चेदु॒च्छंत्य॑श्विना उ॒षासः॒ प्र वां॒ ब्रह्मा॑णि का॒रवो॑ भरंते ।
ऊ॒र्ध्वं भा॒नुं स॑वि॒ता दे॒वो अ॑श्रेद्बृ॒हद॒ग्नयः॑ स॒मिधा॑ जरंते ॥
Samhita Devanagari Nonaccented
वि चेदुच्छंत्यश्विना उषासः प्र वां ब्रह्माणि कारवो भरंते ।
ऊर्ध्वं भानुं सविता देवो अश्रेद्बृहदग्नयः समिधा जरंते ॥
Samhita Transcription Accented
ví céducchántyaśvinā uṣā́saḥ prá vām bráhmāṇi kārávo bharante ǀ
ūrdhvám bhānúm savitā́ devó aśredbṛhádagnáyaḥ samídhā jarante ǁ
Samhita Transcription Nonaccented
vi ceducchantyaśvinā uṣāsaḥ pra vām brahmāṇi kāravo bharante ǀ
ūrdhvam bhānum savitā devo aśredbṛhadagnayaḥ samidhā jarante ǁ
Padapatha Devanagari Accented
वि । च॒ । इत् । उ॒च्छन्ति॑ । अ॒श्वि॒नौ॒ । उ॒षसः॑ । प्र । वा॒म् । ब्रह्मा॑णि । का॒रवः॑ । भ॒र॒न्ते॒ ।
ऊ॒र्ध्वम् । भा॒नुम् । स॒वि॒ता । दे॒वः । अ॒श्रे॒त् । बृ॒हत् । अ॒ग्नयः॑ । स॒म्ऽइधा॑ । ज॒र॒न्ते॒ ॥
Padapatha Devanagari Nonaccented
वि । च । इत् । उच्छन्ति । अश्विनौ । उषसः । प्र । वाम् । ब्रह्माणि । कारवः । भरन्ते ।
ऊर्ध्वम् । भानुम् । सविता । देवः । अश्रेत् । बृहत् । अग्नयः । सम्ऽइधा । जरन्ते ॥
Padapatha Transcription Accented
ví ǀ ca ǀ ít ǀ ucchánti ǀ aśvinau ǀ uṣásaḥ ǀ prá ǀ vām ǀ bráhmāṇi ǀ kārávaḥ ǀ bharante ǀ
ūrdhvám ǀ bhānúm ǀ savitā́ ǀ deváḥ ǀ aśret ǀ bṛhát ǀ agnáyaḥ ǀ sam-ídhā ǀ jarante ǁ
Padapatha Transcription Nonaccented
vi ǀ ca ǀ it ǀ ucchanti ǀ aśvinau ǀ uṣasaḥ ǀ pra ǀ vām ǀ brahmāṇi ǀ kāravaḥ ǀ bharante ǀ
ūrdhvam ǀ bhānum ǀ savitā ǀ devaḥ ǀ aśret ǀ bṛhat ǀ agnayaḥ ǀ sam-idhā ǀ jarante ǁ
07.072.05 (Mandala. Sukta. Rik)
5.5.19.05 (Ashtaka. Adhyaya. Varga. Rik)
07.05.011 (Mandala. Anuvāka. Rik)
Samhita Devanagari Accented
आ प॒श्चाता॑न्नास॒त्या पु॒रस्ता॒दाश्वि॑ना यातमध॒रादुद॑क्तात् ।
आ वि॒श्वतः॒ पांच॑जन्येन रा॒या यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
आ पश्चातान्नासत्या पुरस्तादाश्विना यातमधरादुदक्तात् ।
आ विश्वतः पांचजन्येन राया यूयं पात स्वस्तिभिः सदा नः ॥
Samhita Transcription Accented
ā́ paścā́tānnāsatyā́ purástādā́śvinā yātamadharā́dúdaktāt ǀ
ā́ viśvátaḥ pā́ñcajanyena rāyā́ yūyám pāta svastíbhiḥ sádā naḥ ǁ
Samhita Transcription Nonaccented
ā paścātānnāsatyā purastādāśvinā yātamadharādudaktāt ǀ
ā viśvataḥ pāñcajanyena rāyā yūyam pāta svastibhiḥ sadā naḥ ǁ
Padapatha Devanagari Accented
आ । प॒श्चाता॑त् । ना॒स॒त्या॒ । आ । पु॒रस्ता॑त् । आ । अ॒श्वि॒ना॒ । या॒त॒म् । अ॒ध॒रात् । उद॑क्तात् ।
आ । वि॒श्वतः॑ । पाञ्च॑ऽजन्येन । रा॒या । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
आ । पश्चातात् । नासत्या । आ । पुरस्तात् । आ । अश्विना । यातम् । अधरात् । उदक्तात् ।
आ । विश्वतः । पाञ्चऽजन्येन । राया । यूयम् । पात । स्वस्तिऽभिः । सदा । नः ॥
Padapatha Transcription Accented
ā́ ǀ paścā́tāt ǀ nāsatyā ǀ ā́ ǀ purástāt ǀ ā́ ǀ aśvinā ǀ yātam ǀ adharā́t ǀ údaktāt ǀ
ā́ ǀ viśvátaḥ ǀ pā́ñca-janyena ǀ rāyā́ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
ā ǀ paścātāt ǀ nāsatyā ǀ ā ǀ purastāt ǀ ā ǀ aśvinā ǀ yātam ǀ adharāt ǀ udaktāt ǀ
ā ǀ viśvataḥ ǀ pāñca-janyena ǀ rāyā ǀ yūyam ǀ pāta ǀ svasti-bhiḥ ǀ sadā ǀ naḥ ǁ